Eva þórey sýnir málverk í Mjólkurbúðinni

Eva þórey Haraldsdóttir opnar málverkasýninguna „Húsin mín“  í
Mjólkurbúðinni í Listagili á Akureyri laugardaginn 3.september kl. 14.

Eva þórey sýnir málverk af húsum sem unnin eru með olíu á striga, en þau
málar Eva Þórey eingöngu með pallettuhníf en ekki pensli. Þetta er þriðja
einkasýning Evu Þóreyjar.

Eva Þórey um sig og málverkin:
„Ég er Akureyringur í húð og hár. Fædd og uppalin í fallegasta bæ norðan
Alpafjalla. Ég hef teiknað og málað frá því ég man eftir mér. Áhuginn
kviknaði svo um munaði í tímum hjá Einari Helgasyni myndlistarmanni og
kennara í Gagnfræðaskólanum á Ak.  Hann leyfði mér að fara ótroðnar
slóðir, hvatti mig og studdi. Það var ómetanlegt fyrir mig að kynnast
honum og sitja í tímum hjá honum. Ég hef sótt ýmis myndlistarnámskeið um
æfina og stundaði nám í frjálsri málun við Myndlistarskólann í Reykjavík
sl. vetur undir leiðsögn Sigtryggs Baldvinssonar og Birgis Snæbjörns
Birgissonar”.
Málverkasýning Evu Þóreyjar Haraldsdóttur stendur til 18. september og eru
allir velkomnir.

Nánari upplýsingar:
Eva Þórey Haraldsdóttir [e-mail]
Mjólkurbúðin, Dagrún Matthíasdóttir [e-mail] s.8957173
Opið laugardaga og sunnudaga kl.14-17 meðan sýningar eru og einnig eftir
samkomulagi (8957173)

Aðalheiður S. Eysteinsdóttir og Arnar Ómarsson sýna í Safnahúsinu á Húsavík

Réttardagur 50 sýninga röð

Aðalheiður S. Eysteinsdóttir og Arnar Ómarsson sýna í Safnahúsinu á Húsavík, 2. sept. - 31. okt. 2011


Sýningin opnar föstudaginn 2. sept. kl. 17.00 og stendur til 31. okt.
Sýningin verður opin sunnudaginn 4. sept. kl.13.00 - 16.00 annars er Safnahúsið á Húsavík opið virka daga kl.10.00 - 16.00.
Athugið að það er aðeins klukkustundar akstur frá Akureyri til Húsavíkur.


“Að kvöldi réttardags” er 32. sýningin í 50 sýninga röð á verkum Aðalheiðar. Sýningarnar verða settar upp víða um heim á tímabilinu júní 2008 til júní
2013 undir yfirskriftinni "Réttardagur 50 sýninga röð". Tímabilið er á milli fjörutíu og fimm ára og fimmtugs afmælis listakonunnar en tilefnið er sá siður Aðalheiðar að standa fyrir sýningum á skemmtilegum tímamótum. Útgangspunktur sýninganna er dagurinn þegar fé er safnað af fjalli, upphaf nýs tímabils, menning og alsnægtir.

Aðalheiður dregur í verkum sínum upp mynd af samfélagi í tilraun til að minna okkur á hvaðan við komum og hver við erum. Sjálf segist hún leitast við að endurgera eftirminnileg augnablik úr eigin lífi en ýmsar mannlífsmyndir hafa alla tíð verið viðfangsefni hennar. Verkin eru einskonar brú milli veruleika og ímyndunar í samfélagi sem er of upptekið til að staldra við og njóta.

Í Safnahúsinu á Húsavík fjallar listakonan um kyrðina sem leggst yfir þegar féð bíður örlaga sinna, og bændur varpa mæðunni eftir göngur og smölun.

Aðalheiður S. Eysteinsdóttir fæddist á Siglufirði 23.júní 1963 og bjó þar til 1986, þá fluttist hún til Akureyrar. Hún stundaði nám við Myndlistaskólann á Akureyri 1989-93 og hefur síðan unnið ýmis störf á sviði myndlistar ásamt því að vera athafnasamur myndlistamaður. Árið 2000 hóf Aðalheiður þátttöku í Dieter Roth akademíunni og mun halda þeirri samvinnu áfram.Vinnustofa og heimili Aðalheiðar er í Freyjulundi, 601 Akureyri. Sími: 462-4981 / 865-5091. [e-mail] www.freyjulundur.is
Verk Aðalheiðar eru skúlptúrar og lágmyndir unnar úr timbri og fundnum hlutum. Listakonan raðar saman timburbútum svo úr verða lifandi manneskjur, dýr og hlutir sem tengjast aðstæðum hverju sinni. Þrátt fyrir að efniviðurinn sé oft óheflað afgangstimbur og yfirbragð verkanna grófgert hvílir yfir þeim fínleiki, næmni og hlýja. Henni tekst að gæða efnivið, sem sumir myndu kalla rusl, lífi og heilla áhorfendur með hrífandi verkum. Aðalheiður vinnur gjarnan að list sinni í samstarfi við aðra listamenn, og að þessu sinni Arnar Ómarsson.

Arnar Ómarsson lauk bacelor gráðu við Listaháskólann í Lundúnum nú í vor og hefur verið búsettur þar síðastliðin þrjú ár. Hann hefur tekið þátt í fjölda sýninga þar ytra og einnig í Danmörku, hér á Íslandi og Þýskalandi. Arnar heldur úti síðunni www.arnaromarsson.com

Eyþing styrkir sýninguna.

Yfirlitssýning á verkum Gústavs Geirs Bollasonar í Listasafninu á Akureyri

Á Akureyrarvöku, laugardaginn 27. ágúst klukkan 15 opnar Listasafnið á Akureyri yfirlitssýningu á verkum Gústavs Geirs Bollasonar.

Gústav hefur tekið þátt í fjölmörgum samsýningum hér heima og erlendis og haldið tíu einkasýningar. Þetta er í fyrsta sinn sem yfirlitssýning á verkum Gústavs er haldinn og gefst því gott tækifæri til að fá innsýn í feril þessa einstaka listamanns.

Glundroði og hrörnun eru hugðarefni Gústavs Geirs. Verk hans hverfast um tækifærin sem felast í framrás tímans. Hann vinnur með hluti sem fundnir eru á víðavangi, leikur sér með rekavið náttúrunnar og reköld mannanna. Landslagið læðist inn í ljósmyndasamsetningar, abstrakt grafísk verk og jafnvel verk búin til úr jörðinni sjálfri. Bútar úr jörðinni hafa verið sviptir samhengi sínu og hrifnir inn í galleríið og bíða þess þar að áhorfandinn púsli þeim saman í verkunum og á milli verka.

Miðpunktur sýningar Gústavs í Listasafninu á Akureyri er verk hans Fiskar bera ekki byssur (2004-2008). Þar skeytir listamaðurinn teikningar og málverk saman við myndbanda- og tónskúlptúra. Listilega unnar teikningarnar eru gerðar eftir kvikmynd af hendi sem gangsetur bátsvél. Með þessum teikningum fylgja útlínumyndir sem sýna þverskurð skipsskrokksins og á teiknaðar útlínurnar hefur listamaðurinn málað skipsskrúfuna. Kvikmyndavél á bátnum festi á filmu hafflötinn og lífið á sjónum. Þessari kvikmynd er varpað á vegg og á borð með vatni. Vatnsborðið endurspeglast einnig í myndinni sem varpað er á vegginn. Og freistist einhver áhorfandi til þess að dýfa fingrunum eða hendinni í vatnið, þá umhverfist kvikmyndin í bylgjur, gárur sem sjást bæði á vatnsborðinu og á veggnum.

Einn af hápunktum þessarar sýningar er ný röð teikninga sem er í raun ætlað að þjóna sem eins konar myndstiklur og sýna okkur heiminn eftir að vistfræðilegt hrun hefur átt sér stað. Þegar olíulindirnar þorna upp skipta bílarnir ekki lengur máli; maður sést byggja hús úr gömlum gúmmídekkjum sem vart eru til annars nýt. Svokallaðir flóðhestabílar – sundursagaðir afturhlutar bifreiða sem dregnar eru áfram af hestum – aka hægt framhjá óplægðum túnum. Í drungalegustu teikningunni er beinamulningsvél að verki innarlega í hlöðu og í þeirri órakenndustu sturta tvær hendur hrútsvofu úr bíldekki ofan í læk. Myndaflokkurinn lýsir því hvernig heimurinn er reistur úr öskustó með nákvæmlega sömu hlutum og lögðu hann í eyði og hvernig samskipti manns og dýra leita aftur til fyrri hátta.

Gústav Geir er fæddur á Akureyri árið 1966. Hann stundaði nám við Myndlista- og handíðaskóla Íslands 1987-’89, nam við Magyar Képzömüveszeti Egyetem í Búdapest 1989-’90 og lauk DNSEP gráðu við Ecole Nationale d’Art í Frakklandi árið 1995. Gústav er einn af stofnendum Verksmiðjunnar á Hjalteyri og situr í stjórn hennar.

Sýningin stendur til sunnudagsins 16. október. Listasafnið er opið alla daga nema mánudaga frá kl 12-17.

Nánari upplýsingar:


Safnfulltrúi: Sóley Björk Stefánsdóttir s: 844-1555


Forstöðumaður og sýningarstjóri: Hannes Sigurðsson: s: 899-3386


www.listasafn.akureyri.is


email: [e-mail]


Sími: 461-2610

Munstur Guðbjargar Ringsted í Mjólkurbúðinni

Í tilefni Akureyrarvöku, afmælishátið Akureyrarbæjar opnar myndlistakonan
Guðbjörg Ringsted málverkasýninguna Munstur í Mjólkurbúðinni laugardaginn
27.ágúst kl.14.

Á sýningunni sýnir Guðbjörg málverk þar sem útsaumuð blóm flögra um
myndflöt og minna á íslensk útsaumsmynstur.

Guðbjörg útskrifaðist frá Mynd og handíðaskóla Íslands af grafíkdeild 1982
og er félagi í SÍM, Íslenskri grafík og Myndlistarfélaginu.

Sýning Guðbjargar Ringsted í Mjólkurbúðinni stendur aðeins þessa einu
helgi og er opið laugardag og sunnudag kl.14-17 og einnig á
laugardagskvöldinu frá kl.20.
Nánari upplýsingar:
Guðbjörg Ringsted [e-mail] s 8634531
Mjólkurbúðin, Dagrún Matthíasdóttir [e-mail] s.8957173

Clementine Roy sýnir „Homeostasis“ í Gallerí+

Á Akureyrarvöku laugardaginn 27. ágúst opnar Clementine Roy sýninguna „Homeostasis“ kl. 14-17 í Gallerí+, Brekkugötu 35 á Akureyri. Hún sýnir vídeó innsetningu.

Sýngin verður einnig opin sunnudag 28. ágúst kl.14-17.

 

Clementine Roy er frá París en starfandi og búsett í Berlín. Homeostasis má skýra sem jafnvægishneigð eða aðlögun. Hún segir um sýnginuna:

The subject of my oeuvre focuses on the natural world and humans’
place within it.

Through photography, video and installations, I question what
constitutes a landscape. This inquiry leads to the mixing of nature
and artificiality.

The forms discovered and the angles of view vary depending upon the
projects: photography, video, public space intervention, or
performance…

My work deals with the observation of cycles in life, impermanence, entropy.

Through incorporating elements from fiction into my work, I ask how
stories, believes, mythologies and scientific convictions influence
our behaviour. By travelling through space and time, I explore the
present, the everyday life. By looking at a collective history, I ask
about our heritage: a transmission of ideas that evolve.

Ultimately I would like to reveal our ability to dream.

 

Gallerí+, Brekkugötu 35, 600 Akureyri

Björg og Hanna Hlíf sýna í Ketilhúsinu á Akureyrarvöku

Björg sýnir lágvær og innhverf verk þar sem meðal annars má sjá himinbláma, spegilmyndir, garð úr fortíð og feneyjarsaum.

Verk Hönnu Hlífar eru óður til íslenskra hannyrða. Hún notar aldagömul íslensk mynstur sem grunn í útsaumsverkin á sýningunni. Hin fornu mynstur færir hún svo í nýjan búning með því að skreyta hinn hefðbundna krosssaum með „glingri“ úr samtímanum; plasti, pjátri og perlum. Kvenleg skreytilist að fornu og nýju verður Hönnu Hlíf þannig fagurfræðilegur efniviður verkanna.

Ketilhúsið, Listagili, Akureyri.

Opnun á Akureyrarvöku kl 14:00.
Eftir það er opið alla daga nema mánudaga, frá kl 13-17 til 11. september 2011.

Allir hjartanlega velkomnir.

https://www.facebook.com/event.php?eid=209842575738330

Þórarinn Blöndal opnar sýninguna "Guli skúr 8" í Flóru í Listagilinu á Akureyri

Þórarinn Blöndal
Guli skúr 8
27. ágúst - 29. október 2011
Flóra, Listagilinu á Akureyri, Kaupvangsstræti 23, 600 Akureyri, s. 6610168

http://floraflora.is
https://www.facebook.com/flora.akureyri
https://www.facebook.com/event.php?eid=165809080161663

Laugardaginn 27. ágúst kl. 14 á Akureyrarvöku opnar Þórarinn Blöndal myndlistarsýningu sem hann nefnir Guli skúr 8 í Flóru í Listagilinu á Akureyri.

Um verk sitt segir Þórarinn:
“Í geymslum má finna allt það sem maður leggur til hliðar og hugsar sér að nota síðar. Við flutning á vinnustofu minni fór ég í gegnum allt mitt dót og sorteraði. Setti allt í kassa og merkti og lagði af stað með mitt hafurtask. Í nýjum híbýlum mínum syðra fylgdi bílskúr og nefndi ég hann Gula skúr og þar er mín vinnustofa. Rýmið er sirka tíu sinnum rúmir þrír metrar. Gengið inn að austanverðu og einnig eru stórar dyr að norðan. Hillur eru allan vesturvegginn og gott vinnuborð við suðurvegg.

Fyrirferðarmikiklir á gömlu vinnustofunni voru vísar að óljósum hugmyndum, grunur um lausnir en óklárað. Sumu snyrtilega raðað í kassa og sorterað en á stundum mikil óreiða. Nokkrar hugmyndir höfðu dagað uppi og gleymst en dúkkuðu nú upp og vöktu upp gamla maníu. En sumt átti aldrei að lifa nema í kössum og geymslum og ekki hugsað til annars brúks. Einkennilega mikið af dóti sem hafði safnast upp og er nú í Gula skúr.  Þessar óljósu hugmyndir og vísar að verkum eru til sýnis í Flóru.”
Þórarinn Blöndal er fæddur á Akureyri 25. október 1966, hann stundaði nám við Myndlistaskólann á Akureyri, Myndlista- og handíðaskóla Íslands og fór svo til Academie van Beeldende Kunst í Rotterdam, Hollandi. Ásamt því að halda sýningar sjálfur hefur Þórarinn staðið fyrir ýmsum listviðburðum og tekið virkan þátt í menningarstarfi á Akureyri. Þá er hann einn af stofnfélögum Verksmiðjunnar á Hjalteyri og er í stjórn hennar. Þórarinn hefur komið að ýmsum verkefnum tengdum söfnum víða um land, bæði sem hönnuður og sýningarstjóri. Undanfarna vetur hefur hann kennt myndlist við Myndlistaskólann á Akureyri. Þórarinn er meðlimur í Dieter Roth Academy.

Sýning Þórarins stendur til laugardagsins 29. október 2011.

Flóra er verslun, vinnustofa og viðburðastaður Kristínar Þóru Kjartansdóttur félagsfræðings og garðyrkjukonu. Listrænn ráðunautur og kaffibarþjónn staðarins er Hlynur Hallsson, myndlistarmaður. Áherslan er á nýtingu, endurnýtingu og verkmenningu. Sýningarrýmið á sér auk þess merkilega forsögu því þar rak Snorri Ásmundsson International Gallery of Snorri Ásmundsson með góðum árangri í lok síðustu aldar.

Flóra, Listagilinu á Akureyri, Kaupvangsstræti 23, Akureyri, s. 6610168
http://floraflora.is

ÁLFkonur opna ljósmyndasýninguna „OKKAR SÝN“

 

 

LAUGARDAGINN 27. ÁGÚST

Kl 15.00 opna ÁLFkonur ljósmyndasýninguna 

„OKKAR SÝN“ á Akureyrarvöku.

Sýningin er utandyra, sunnan við Menningarhúsið Hof á Akureyri. 

ÁLFkonur er félagskapur kvenna á Eyjafjarðarsvæðinu 

(ÁhugaLjósmyndaraFélag fyrir konur á Eyjafjarðarsvæðinu) sem hafa ljósmyndun að áhugamáli og þessi sýning sýnir, okkar sýn á stórt og smátt, 

í gegnum linsuna á Akureyri og nágrenni. 

Þetta er fjórða samsýning hópsins og  

þátttakendur að þessu sinni eru; 

Agnes H. Skúladóttir, Berglind H. Helgadóttir, Freydís Heiðarsdóttir, Guðný Pálína Sæmundsdóttir, Helga H. Gunnlaugsdóttir, Helga Heimisdóttir Kristjana Agnarsdóttir, Margrét Elfa Jónsdóttir, Nanna Lind, Linda Ólafsdóttir og Hrefna Harðardóttir.  

Sýningin stendur frameftir september.

Nánari upplýsingar veita :
Berglind sími : 863-1409   [e-mail]
Linda sími : 867-8000    [e-mail]
Hrefna sími : 862-5642    [e-mail]
og Lára Sóley verkefnastjóri Hofi sími : 450-1010  [e-mail]

Joris Rademaker sýnir í Populus Tremula

Á AKUREYRARVÖKU HEFST NÝTT STARFSÁR Í POPULUS TREMULA.

Laugardaginn 27. ágúst kl. 14.00 opnar Joris Rademaker sýninguna Á milli tilvistar og tilveru í Populus Tremula.

Sýninguna tileinkar hann minningu Sigurðar Jónssonar.

Klukkan þrjú á opnunardag syngur Kristján Pétur Sigurðsson tvö lög eftir Cornelis Vreeswijk.

Hér leikur Joris sér með mismunandi víddir og ólík efni og veltir fyrir sér spurningum um tilvistina og tilveruna. Úr fundnum hlutum býr hann til ný verk.


Opið laugardag kl. 14.00-22.00 og sunnudag kl. 14.00-17.00.
Aðeins þessi eina helgi.

Populus tremula
LISTAGILI
Akureyri

Hlynur Hallsson og Jóna Hlíf Halldórsdóttir sýna í GalleríBOX á Akureyrarvöku

 

BYLTINGIN VAR GAGNSLAUS!!!
Hlynur Hallsson og Jóna Hlíf Halldórsdóttir
27.08. - 11.09. 2011
GalleríBOX, salur Myndlistarfélagsins
Kaupvangsstræti 10, Listagili, 600 Akureyri

Opnun á Akureyrarvöku laugardaginn 27. ágúst kl. 14
Opið laugardaga og sunnudaga 14-17

Hlynur Hallsson og Jóna Hlíf Halldórsdóttir setja nú upp fjórðu sameiginlegu sýninguna sína eftir stutt hlé en á síðasta ári var þríleikurinn “Áfram með smjörlíkið” á dagskrá í Listasafni ASÍ í Reykjavík, Verksmiðjunni á Djúpavík og hjá 111 – a space for contemporary art í Berlín.

Í texta í sýningarskrá segir Hjálmar Stefán Brynjólfsson meðal annars:
“Verk Hlyns og Jónu eru allt í senn einföld, fjölbreytt og hugmyndaauðug. Þau vinna með marga ólíka miðla – Hlynur hefur fengist við ljósmyndir, vídeó, texta, gjörninga og innsetningar, Jóna hefur unnið með ljósmyndir, vídeó, texta, gjörninga og innsetningar. Verkin draga dám af því hvaða miðill verður fyrir valinu í hvert sinn en þátttaka áhorfandans er oft mikilvæg.
Í verkum beggja er að finna margbrotna en einfalda tjáningu. Verkin virðast á einhvern hátt hrein og bein og eiga greiða leið inn að hjarta- og heilarótum. Sum verkanna eru lævís, önnur kröftug, og mörg bera slagyrðingalegan brag á sér. Einfaldleikinn talar beint til manns og virðist fela í sér einhverja nánd, kannski falska (hver veit).”


Hlynur Hallsson (f. 1968) er menntaður við Myndlistarskólann á Akureyri, Myndlista- og handíðaskóla Íslands sem og við listaháskóla í Hannover, Hamborg og Düsseldorf í Þýskalandi. Hann hefur verið gestakennari við Myndlistarskólann á Akureyri og Lisatháskóla Íslands og hefur auk þess sett upp og skipulegt sýningar annarra listamanna. Hann hefur hlotið ýmsa styrki og viðurkenningar fyrir verk sín.
Jóna Hlíf Halldórsdóttir (f. 1978) er menntuð við Myndlistarskólann á Akureyri, var við nám í Finnlandi og lauk MFA-gráðu frá Glasgow School of Art í Skotlandi. Hún hefur verið sýningarstjóri hjá VeggVerk og Gallerí Ráðhús og hefur líkt og Hlynur hlotið ýmsar viðurkenningar og styrki fyrir verk sín.

Sjá nánar á http://hlynur.is , http://hallsson.de og http://jonahlif.com

Sýningin GalleríBOXi, salur Myndlistarfélagsins stendur til 11. september og er opin laugardaga og sunnudaga kl. 14-17.

Nánari upplýsingar veita: Hlynur Hallsson 6594744 og Jóna Hlíf Halldórsdóttir 6630545

https://www.facebook.com/event.php?eid=256091777754191

Sýningin „Bábiljur – hégiljur – þjóðtrú“ opnar í Deiglunni

SÝNINGIN „Bábiljur – hégiljur – þjóðtrú“ opnar í Deiglunni á Akureyri laugardaginn 13. Ágúst kl. 15

Mörk þjóðtrúar og raunveruleika hafa oft á tíðum verið mjög óljós og eru jafnvel enn á upplýsingaöld, hver kannast ekki við að banka í tré og segja sjö, níu, þrettán sér til varnar og það að brjóta spegil boðar sjö ára ógæfu. Hjátrú er leið til að halda fastmótaðri röð og reglu á tilverunni og koma í veg fyrir að farið sé út fyrir vanann, það sem er „eðlilegt“.  Meðan allt er í föstum skorðum þá gengur allt vel...

Sýningin samanstendur af verkum sjö myndlistarmanna sem eru hluti hópsins „Höfuðverk“ þeir sem sýna að þessu sinni eru: Áslaug Anna Jónsdóttir, Ásta Bára Pétursdóttir, Eygló Antonsdóttir, Hrafnhildur Ýr Vilbertsdóttir, Margét Buhl, Telma Brimdís Þorleifsdóttir, Ragney Guðbjartsdóttir.
„Höfuðverk“ er  hópur samnemenda úr Myndlistaskóla Akureyrar, öll hafa þau haldið einkasýningar en þetta er í fyrsta sinn sem hópurinn sýnir saman.
Þema sýningarinnar er bábiljur – hégiljur og þjóðtrú og nálgast myndlistamennirnir viðfangsefnið hver á sinn hátt. Á sýningunni verða málverk, skúlptúrar og innsetningar.

Sýningin stendur til 21. ágúst og er opin alla dagana kl. 13-17.

Georg Óskar Manúelsson opnar sýninguna Static í Mjólkurbúðinni

Georg Óskar Manúelsson
Mjólkurbúðin
Kaupvangsstræti 12
600 Akureyri

Laugardaginn 13. ágúst kl. 14-17

Sunnudaginn 14. ágúst kl. 14-17


"Verkin á sýningunni lýsa óskýrleikanum og truflun sem er í gangi í nútímalífi, þar sem er enginn fókus, og allir er að gera fullt af hlutum á sama tíma.

Undirliggjandi myndin er trufluð og óskýr af einhverjum öðrum öflum, eins og skýrleiki sé ekki möguleiki lengur."

Jóhann Helgi Heiðdal

BIO

Nám
2007- 2009 Myndlistaskólinn á Akureyri, Fagurlist
2007-2008 Gestanemi í Lahti Institute of Fine art, Finland
2002-2006 Verkmenntarskólinn á Akureyri, Myndlistarbraut

Samsýningar

2007 Florence Biennale
2007 Rósenborg - Akureyri
2009 GÓMS - Georg Óskar & Margeir Sigurðsson - Dalí gallerý, Akureyri
2009 Eiðar art center- GÓMS - Georg Óskar & Margeir Sigurðsson

Einkasýningar

2007 Cafe Valny - Egilstaðir

2008 Untitled - Deiglan, Akureyri

2008 Cafe Valny - Egilstaðir

2009 Lollipopp - Karólína, Akureyri

2010 Eiðar art center

2010 populus tremula

2011 Mjólkurbúðin 13.08.11 - 15.08.11

https://www.facebook.com/event.php?eid=257706924240219

Sýningarlok og listamannsspjall hjá Örnu Valsdóttur í Flóru

Staðreynd 4 - … frá rótum…

Fimmtudaginn 4. ágúst lýkur sýningu Örnu G. Valsdóttur, myndlistakonu, í Flóru í Listagilinu á Akureyri með listamannsspjalli. Spjallið hefst klukkan 20, aðgangur er ókeypis og allir velkomnir. Kvöldið er gott tækifæri fyrir þau sem eiga eftir að sjá sýninguna og einnig þau sem langar að upplifa og vita meira um verk Örnu. Í Flóru fást einnig áritaðar ljósmyndir af verki Örnu.
Arna Valsdóttir nam myndlist við MHÍ og Jan van Eyck Academie í Hollandi þaðan sem hún lauk námi 1989. Arna hefur þennan tíma unnið verk þar sem hún nýtir eigin rödd í margvísleg rýmisverk og gjörninga, bæði sem vídeóverk og innsetningar og um tíma vann hún raddteikningar fyrir útvarp.

Verkið sem hún sýnir að þessu sinni er hluti af sýningaröðinni Staðreynd og er þetta fjórða staðreyndin sem hún safnar.

Um verk sitt segir Arna:
“Heiti sýningarinnar vísar í það að ég vinn inn í tiltekið rými og reyni að hlusta vel eftir eiginleikum þess, bæði í nútíð, fortíð og kannski framtíð og þannig reyni ég að fanga ,,reynd staðarins”. Ég vinn gjarnan með eigin rödd og framkvæmi einhverskonar gjörning í rýminu sem ég tek þá upp á myndband og sýni á staðnum. Yfirleitt fæ ég snemma óljósa mynd af því sem ég vil kalla fram í hverju rými fyrir og svo reyni ég að skerpa þessa mynd, framkalla hana  og draga fram í dagsljósið. Ég næ oft ekki að sjá myndina í heild fyrr en á síðustu stundu og veit því sjaldnast hver staðreyndin er fyrr en þegar verkið er farið að vinna sjálft í rýminu.
Í Flóru varð ég strax mjög meðvituð um það að kjallarinn liggur að kirkjubrekkunni sem þýðir að bak við vegginn er endalaus mold. Verkið Staðreynd 4 - frá rótum þróaðist svo út frá þessu.
Merking hugtaksins staðreynd hefur löngum þvælst fyrir mér.
Það sem er handan staðreyndanna, yfir þeim og allt um kring vekur frekar áhuga minn en þær sjálfar og kveikir ákveðna sannleikstilfinningu.
Ég upplifi einhverskonar traust þegar ég skynja hið óræða, óáþreifanlega og afstæða en verð frekar óörugg þegar eitthvað er sett fram sem endanleg staðreynd. Sennilega trúi ég því að afstæðan sé hin eiginlega staðreynd.”

Flóra er verslun, vinnustofa og viðburðastaður Kristínar Þóru Kjartansdóttur félagsfræðings og garðyrkjukonu. Listrænn ráðunautur og kaffibarþjónn staðarins er Hlynur Hallsson, myndlistamaður. Áherslan er á nýtingu, endurnýtingu og verkmenningu.

Flóra, Listagilinu á Akureyri, Kaupvangsstræti 23, Akureyri, s. 6610168
http://floraflora.is
fésbók “flóra” https://www.facebook.com/pages/Fl%C3%B3ra/114530685244702

Sýning á nýjum verkum í Safnasafninu

Í Safnasafninu á Svalbarðsströnd við Eyjafjörð stendur yfir sýning á nýjum verkum eftir Guðrúnu Hrönn Ragnarsdóttur, Sólveigu Aðalsteinsdóttur og Þóru Sigurðardóttur.

Á sýningunni eru ljósmyndir, teikningar og fundnir hlutir.

Verk þeirra þriggja eiga það sameiginlegt að endurspegla nánd stundarinnar og staðarins – um leið og þau skírskota á sinn hátt til annars tíma og rýmis.

Allar listakonurnar hafa sýnt reglulega hér heima og erlendis frá því er þær luku formlegu myndlistanámi og eru verk þeirra í eigu opinberra listasafna og einkasafna hér heima og erlendis. Allar hafa þær einnig sinnt kennslu í listaskólum meðfram sinni vinnu með myndlist.

Sýningin stendur til og með 4. september 2011 og er opin á opnunartíma Safnasafnsins kl. 10:00 – 18:00 alla daga. http://www.safnasafnid.is/

Þórey Eyþórsdóttir sýnir í Boxinu, sal Myndlistarfélagsins

Þórey Eyþórsdóttir opnar sýningu sína í Boxinu, sal Myndlistarfélagsins laugardaginn 30.júlí kl.15:00.

Þórey Eyþórsdóttir Stofnaði félagið Nytjalist á Akureyri. Hún rak Gallerí AllraHanda í Listagilinu á Akureyri og stóð fyrir fjölda af minni sýningum eftir samtímalistamenn. Hún rak "Heklusalinn" á Akureyri með sýningum á stærri verkum eftir íslenska og erlenda myndlistamenn auk þess sem hún gerði upp "Hótel Hjalteyri" Þar voru haldnar sýningar á verkum norðlenskra listamanna.

Á sama tíma er í Boxinu kynning  á verkum  Bjargar Eiríksdóttur.

Allir Velkomnir!

KVELDÚLFUR – sjónsuða í Verksmiðjunni á Hjalteyri

Verksmiðjan á Hjalteyri fyllist af lífi næstkomandi laugardag, þann 30. júlí, þegar sýningin Kveldúlfur - sjónsuða verður opnuð. Þetta er samsýning nokkurra ungra myndlistarmanna og hönnuða sem flest eiga það sameiginlegt að hafa tiltölulega nýlokið listnámi sínu.

Listamennirnir sem eiga verk á sýningunni eru:
Baldvin Einarsson, Bergur Anderson, Bryndís Björnsdóttir, Darri Úlfsson, Elísabet Brynhildardóttir, Ingvar Högni Ragnarsson, Katla Rós, Klængur Gunnarsson, Lilja Birgisdóttir, Loji Höskuldsson, Ragnar Már Nikulásson, Selma Hreggviðsdóttir, Sindri Snær S. Leifsson og Þórgunnur Oddsdóttir.

Sýningin verður opnuð kl. 15 á laugardaginn. Svo kemur kveldúlfur í mannskapinn og kl. 21 hefst dagskrá með tónlist og gjörningum í Verksmiðjunni. Meðal listamanna sem þar koma fram eru Unnur Andrea Einarsdóttir og hljómsveitin Indigo. Og sviðið verður opið fyrir þá sem vilja troða upp.

Sýningin Kveldúlfur – sjónsuða stendur yfir frá 30. júlí til 21. ágúst 2011.

Nánari upplýsingar um sýninguna veitir Selma Hreggviðsdóttir í síma 868 9720

Verksmiðjan á Hjalteyri er opin um helgar milli klukkan 14 og 17.

Um sýninguna:
Það er Verslunarmannahelgi og við leggjum land undir fót, nokkrir myndlistarmenn og hönnuðir með svefnpoka, dýnur og fullan haus af hugmyndum.

Þó ekki svo fullan að það sé ekki pláss fyrir eins og eina Hjalteyri þar.

Hún þarf að komast inn í höfuðið líka. Það er mikilvægt.

Við mætum á staðinn, grúskum og sjóðum. Hver og einn með sína verksmiðju í höfðinu. Og við vinnum líka saman. Samskipti verða efniviður.

Svo kemur í okkur kveldúlfur. Við bjóðum fleirum að taka þátt. Sláum upp hátíð þegar kvöldar með tónlist og guð má vita hverju.

Uppi á palli, inn í tjaldi, vonandi skemmtiði ykkur vel.

Menningarráð Eyþings, Hörgársveit, Ásprent, Tengir, Norðurorka og Kaldi styrkja Verksmiðjuna á Hjalteyri.

Erna G.S. opnar sýningu í Deiglunni

Erna G.S. opnar sýningu í Deiglunni, Listagilinu á Akureyri, 23. júlí kl 15.00, sýningin stendur til 7. ágúst.


Erna sýnir málverk, ljósmyndir og innsetningu, verk unnin 2009-2011.

Viðfangsefni sýningarinnar er andartakið,  þjóðfélagsástand og samtíminn, persónulegt líf og skynjanir. Þar sem um ákveðna endurspeglun er oft að ræða eða alls ekki og öðlast verkin við það bæði margræðni og mystík.

Erna hefur verið að vinna að tilraunum sínum með samþættingu ólíkra listmiðla og viðfangsefnis frá árinu 2004 þar sem hún vinnur út frá augnablikinu og með andartakið sem er það vinnuferli sem skapar verkin.  Þau umbreytast í vinnslunni þar sem Erna vinnur aftur og aftur með sömu verk og hugmyndir.

Erna stundaði myndlistanám við Myndlista og Handíðaskóla íslands 1985-1989, framhaldsnám við Slade School of Fine Art í London 1990-1992, auk náms í kennsluréttindum við Listaháskóla Íslands 2003-2005.

Þetta er 11 einkasýning hennar og hefur hún tekið þátt í fjölda samsýninga, bæði hér á landi og víða erlendis frá árinu 1990.

————–

Erna G.S.

http://www.simnet.is/egs62

[e-mail]

Tónleikar með íslenskum einsöngslögum fyrir sópran og píanó og ljósmyndir

 

Tónleikar með íslenskum einsöngslögum fyrir sópran og píanó í
Föstudagshádegi Listasumars í Ketilhúsinu, föstudaginn 22. júlí kl. 12.


Íslenska náttúran er sterkt afl sem er ekki einungis megnugt að stöðva
flugumferð í heiminum heldur hefur í gegnum aldirnar verið ljóð- og
tónskáldum innblástur og getið af sér óumræðanlega dýrmætar perlur.

Hvert lag á efnisskránni er tileinkað ákveðnum hlut eða fyrirbæri sem finnst
í eða tengist íslenskri náttúru. Til að auka áhrif tónlistarinnar verða
flytjendur umkringdir ljósmyndum af náttúru Íslands. Samspil orða, tónlistar
og mynda munu skapa andrúmsloft sem verður einstök upplifun fyrir
tónleikagestinn.   

Textar laganna samanstanda af nokkrum gömlum þjóðvísum og ljóðum eftir mörg
af okkar ástsælustu skáldum:  Einar Benediktsson, Tómas Guðmundsson, Jónas
Hallgrímsson, Huldu, Höllu Eyjólfsdóttur og Halldór Laxness og fleiri.
Lögin eru eftir Inga T. Lárusson Steingrím Thorsteinsson, Sigvalda
Kaldalóns, Sigurð Þórðarson, Jón Leifs, Atla Heimi Sveinsson, Jórunni Viðar,
Karl O. Runólfsson og fleiri. Miðaverð 1500 kr. og 1000 fyrir eldri borgara.


Flytjendur:

Rannveig Káradóttir, sópransöngkona.

Birna Hallgrímsdóttir, píanóleikari.

Ljósmyndir eftir Michaël Pankar

Búkolla og Stolen Speed í Mjólkurbúðinni Listagili

Systkinin Guðrún Ólafsdóttir og Brandur Ólafsson opna samsýningu í Mjólkurbúðinni  í Listagilinu á Akureyri undir heitinu „Nostalgia Tourist“ laugardaginn 23.júlí kl.14.

Guðrún og Brandur eru bæði búsett í Toronto í Kanada og tengja þau sýninguna við heimalandið Ísland.

Guðrún Ólafsdóttir sýnir leirverk sín sem bera heitið Búkolla í fréttum en þau tengir hún æskuárum sínum á Íslandi og skoðar áhrif efnahagshrunsins á íslendinga; ,,Í verkinu "Búkolla í fréttunum" tengir hún ófarir útrásarinnar við Búkollusöguna og sýnir myndir af helstu útrásarvíkingum og öðrum áhrifavöldum hrunsins.  Jafnvel Búkolla, með sinn einstaka mátt, undrast töfrana í hugsun bankamanna og fjármálamanna fyrir hrunið.  Vatnsberanum, sem nú á að flytja í Bakarabrekkuna, bregður fyrir og heldur ekki lengur á vatnsfötum, heldur Bónuspokum“


 

Brandur Ólafsson sýnir tvö ljósmyndaverk, Gluggarnir í Kaldbaksvík og Stolen Speed Juxtapositions. Nature, Beauty and Their Opposites. Í verkinu Gluggunum í Kaldbaksvík fangar Brandur fegurð staðarins og drunga í senn: ,,Ef forynjur og trröll gangi umí mannheimum sé það vissulega á Kaldbak og Kaldbakshorni“. En í verkinu stolen Speed er hann að fást við mótsagnakennda fegurð, sem er að finna í trjám, steinsteypu malbiki, vatni, regni, snjó og fáránlegum byggingum, en það verk var tvö ár í vinnslu.

 

Sýningin Nostalgia Tourist í Mjólkurbúðinni stendur 23.- 31.júlí

Opið laugardaga og sunnudaga kl. 14-17 eða eftir frekara samkomulagi

 

Með bestu kveðju úr Mjólkurbúðinni

Dagrún Matthíasdóttir s.8957173

[e-mail]

Kristján Pétur með tónleika og sýningarlok í Verksmiðjunni á Hjalteyri

Uppáhaldslög

Kristján Pétur Sigurðsson verður með tónleika í Verksmiðjunni á Hjalteyri laugardagskvöldið 23. júlí og hefjast þeir kl. 20:30.
Flutt verða nokkur uppáhaldslög eftir bæði Kristján Pétur og aðra. Húsið mun sjá um hljóðmögnun. Sérlegir aðstoðarmenn eru Guðmundur Egill Erlendsson og Birgir Sigurðsson. Aðgangur er ókeypis.
Hér er hægt að skrá sig á viðburðinn á facebook: https://www.facebook.com/event.php?eid=222566907785635

Nánari upplýsingar veitir Kristján Pétur í síma 895 9546 og í strandkp(hjá)simnet.is



Síðustu forvöð eru svo að sjá sýninguna Innsýn í Verksmiðjunni á Hjalteyri um helgina. Sýnendur eru Eygló Harðardóttir, Guðjón Ketilsson, Guðrún Pálína Guðmundsdóttir, Joris Rademaker og Jón Laxdal.
Joris Rademaker er sýningarstjóri og hann valdi fjóra listamenn með sér til að vinna frjálslega með hugmyndir sem tengjast að einhverju leiti starfsemi Verksmiðjunnar og rými hússins. Á sýningunni eru skúlptúrar, málverk, veggmálverk og innsetningar.
Verksmiðjan er styrkt af Eyþingi.

Sýningin er opin laugardaga og sunnudaga milli kl. 14.00 - 17.00 og einnig á meðan tónleikar Kristjáns Péturs standa yfir.



Verksmiðjan á Hjalteyri
Neðst á Hjalteyri, 601 Akureyri, 4611450
http://www.verksmidjan.blogspot.com
https://www.facebook.com/pages/Verksmi%C3%B0jan-%C3%A1-Hjalteyri/92671772828