Gestavinnustofa í Barcelona laus til umsóknar

RESIDENCIA HALFHOUSE: DEADLINE 30th JULY

Halfhouse Residency
Halfhouse is half house half exhibition space located in Barcelona.  We have been running a program of talks and exhibitions since we started in 2009.  As part of the annual program we have an artists residency , the motive for which is to offer a visual artist  a space to live and work.  The residency will culminate in a solo exhibition in Halfhouse on September 30th.  We welcome new and surprising proposals!


Application Deadline: 30 July 2011
Discipline: Visual Arts
Duration: 15 August-2 October 2011
Exhibition Date:  30 September
Location: Barcelona

The artist selected will be invited to live and work in Halfhouse . The residency will end with a solo exhibition on the 30th of September in Halfhouse.

Provided by Halfhouse:
€1200  production / artist fee.
Internet (wifi), electricity, gas etc.
Exposure and Promotion.
International artists will recieve financial aid for airplane ticket.

Paid by Artist:
€600 rent which covers the full stay.
Halfhouse does not cover insurance of any kind.

Eligibility:
Open to one artist of any nationality
or age.

Application Procedure:
E-mail [e-mail] with RESIDENCY as the subject. Include:
CV
Artist Statement
Portfolio: PDF maximum 6mb
Video: attach a link to Vimeo or You Tube.
We welcome ideas or proposals conceived of for the and exhibition.
Photcopy of Passport or ID card
 
For more information e-mail:
[e-mail]

http://www.halfhouse.org

Bókin MYNDIR - BILDER - PICTURES komin út

MYNDIR - BILDER - PICTURES er 33 mynda röð þar sem Hlynur Hallsson setti saman ljósmyndir og stutta texta á íslensku, þýsku og ensku. Hér eru þær allar samankomnar í einni bók ásamt textum eftir þrjá höfunda auk viðtals, ritaskrá og lista yfir þær sýningar þar sem verk úr myndröðinni hafa verið sýnd.

Claudia Rahn listfræðingur í Zürich skrifar um frásagnir og myndir Hlyns. Friðrik Haukur Hallsson félags- og menningarfræðingur í Bielefeld skrifar um tengsl listamannsins og heimspekingsins út frá kenningum franska heimspekingsins Maurice Merleau-Ponty. Raimar Stange sjálfstætt starfandi sýningarstjóri og gagnrýnandi í (Austur-) Berlín skrifar um textaverk Hlyns og Kristín Þóra Kjartansdóttir tekur viðtal við Hlyn.


Úr texta Claudiu Rahn: Hlynur Hallsson – On the road

"Hér er um að ræða ljósmyndir ásamt textum á þremur tungumálum. Ljósmyndirnar og textarnir mynda "vegamyndir", sem eru samsettar úr reynslu og minningum Hlyns. Í heild virkar þetta eins og eins konar dagbók. Myndum úr fjölskyldulífinu er stillt upp ásamt myndum af vinum sem og ókunnugu fólki, af landslagi, myndum úr fjölþjóðlegum listaheiminum. Ljósmyndirnar skapa saman skrautlega heild sem gefur einnig innsýn inn í líf Hlyns. Þessi heild virðist í fyrstu litlaus og þýðingarlítil en í samhengi við textanna verður áhrifamáttur þeirra ótrúlegur."


Úr texta Raimars Stange: Make words not war!

"Það var á seinni hluta tíunda áratugarins sem Hlynur Hallsson sendi mér póstkort frá ýmsum heimshornum. Þar skrifaði hann á íslensku þótt hann vissi mætavel að ég hef alls engan skilning á því tungumáli, en á þeim tíma var skilningsleysið - það að skilja eitthvað ekki – og fagurfræðileg gæði þess aðalmálið í hinni fagurfræðilegu heildarsýn. Slíkt er jú alveg í anda Jóhanns Heinrich Pestallozi, svissneska menntafrömuðarins. Pestallozi kom einmitt með þá hugmynd að börn ættu að umgangast framandi tungumál til þess að þeim yrði ljóst að maður getur ekki skilið allt, að skilningur manns er takmarkaður."


Úr texta Friðriks Hauks Hallssonar: Heimspekingurinn og listamaðurinn

"Við fyrstu sýn virðast skynsvið okkar skarast á tilviljunarkenndan hátt. Strangt tekið eru hreyfingar á milli skynheimanna skýrar, þannig að úr myndefni verður til listaverk. Skynjunarleg tilurð fullgerðs listaverks krefst augljóslega allra þriggja skynheimanna. Er auðveldast að lýsa tengsl þeirra og skilgreina feril skynjunarinnar þeirra á milli með viðeigandi sýni- eða myndefni. Ljósmynda-texta-verk Hlyns Hallssonar bjóða hér uppá sérstaklega góðan möguleika til að skilja þennan feril frá myndefni til listaverks. Hlynur notast við margmiðlunartækni (ljósmyndir, myndbönd o.s.frv.), sem hefur í auknum mæli haslað sér völl innan myndlistarinnar, en hann innlimar ávallt texta í myndverk sín með ákveðnum hætti, þannig að textinn verður að órjúfanlegum hluta hvers verks um sig."


Úr viðtali Kristínar Þóru Kjartansdóttur

"Smáir hlutir, minningabrot og jafnvel eitthvað jafn ómerkilegt og rykhringur í grasi felast í myndefni þínu. Mér finnst margt af þessu virka brothætt, viðkvæmt og forgengilegt.

Já, þannig er lífið og við og úr því þú segir það þá er náttúran einnig brothætt, viðkvæm og forgengileg. Og smáu hlutirnir í lífinu eru einmitt það sem gerir það þess virði. Það sem er sem gefið og svo sjálfsagt, það er einmitt svo mikilvægt. Maður áttar sig bara oft ekki á því fyrr en svo löngu seinna eða þegar einhver annar bendir manni á það. Og stundum er það þá of seint en sem betur fer ekki alltaf. Þetta er kryddið sem er svo mikilvlægt og nauðsynlegt. Þannig er einhver stund sem maður upplifir ef til vill daglega samt einstök en einnig hlutir sem manni finnst ekkert merkilegir þegar þeir eiga sér stað en eru ómetanlegir í minningunni og það er galdurinn að geta bent á þessa hluti og þessar upplifanir sem allir upplifa einhvertímann og miklu oftar en við áttum okkur á. Og þetta hefur eitthvað með okkur sjálf að gera og þjóðfélagið og hraðann og það að gefa sér tíma til að uppgötva svona hluti. Ef það tekst þá er mikið áunnið."

Allir textar í bókinni eru á íslensku, þýsku og ensku.

Forlag höfundanna gefur bókina út og Uppheimar sjá um dreifingu á Íslandi og fæst bókin í öllum helstu bókaverslunum og einnig á Kjarvalsstöðum, í Hafnarhúsinu, hjá Útúrdúr og hjá Flóru á Akureyri.


HLYNUR HALLSSON
MYNDIR - BILDER - PICTURES
68 bls.
162 x 246 mm
Bókarhönnun: Ólafur Númason og Hlynur Hallsson
Þýðingar á íslensku, þýsku og ensku: Lois Feurle, Kristín Kjartansdóttir, Bjarnheiður Kristinsdóttir, Wolfgang Sahr og Ómar Kristinsson
Prófarkarlestur: Pétur Halldórsson, Inga Lín Hallsson og James Carl
Styrktaraðilar: Myndstef og Akureyrarstofa
Útgefandi: forlag höfundanna
Dreifing: Uppheimar
Prentað hjá Odda
ISBN 978-9979-9672-1-7

Einnig á https://www.facebook.com/pages/Myndir-Bilder-Pictures/201008189949681

Listvísindamiðja barna í Verksmiðjunni á Hjalteyri

Keðjuverkun  - Verksmiðjunni á Hjalteyri

Helgina 9. og 10. júlí stendur Verksmiðjan á Hjalteyri fyrir vísinda/listasmiðju fyrir börn á öllum aldri frá kl. 13 - 17, báða dagana.  Boðið verður upp á verkefni sem byggjast á keðjuverkun. Úr tilfallandi efnivið á staðnum og öðru verða byggðar risastórar brautir fyrir kúlur og bolta sem koma af stað keðjuverkun annarra hluta.  
Markmiðið er að börn og foreldrar læri saman á skemmtilegan hátt um orsök og afleiðingu,  tengsl hraða, halla og stærðar á skemmtilegan og skapandi hátt.  Um hönnun, jafnvægi, fagurfræði og fleira.  Keðjuverkun er viðfangsefni fjölda listamanna. Hjá sumum rekast orð á orð, örðum hlutur á hlut.  Meðal merkra listamanna sem skoðað hafa keðjuverkun í verkum sínum eru þeir Peter Fischli og David Weiss.  Smiðjan er ætluð allri fjölskyldunni,  en börn yngri en átta ára verða að vera í fylgd með fullorðnum.
Smiðjustjóri er Kristín Dýrfjörð lektor við Háskólann á Akureyri og leikskólakennari. Hún hefur unnið með börnum og fullorðnum í vísindasmiðjum í mörg ár og þróað þá hugmyndafræði. Síðasta verkefni hennar snýr að því að vinna með kúlurennibrautir í leikskólanum Aðalþingi í Kópavogi. Tengill námskeiðsins og starfsmaður Verksmiðjunnar á Hjalteyri, er Arna Valsdóttir, myndlistarkona, þær Arna og Kristín hafa unnið lengi saman að vísindasmiðjuverkefnum. Með þeim verður Sandra  Lilja Parvainen sem er í myndlistarnámi í Finnlandi.

Nánari upplýsingar eru hægt að fá hjá Örnu Valsdóttur, í síma 8659755 og hjá Kristínu Dýrfjörð í síma 8974246 og á feisbókarsíðu viðburðarins http://www.facebook.com/event.php?eid=159930537413278

Nánari upplýsingar
Hér má sjá  börn í Aðalþingi gera fyrstu tilraun með útikúlurennibauti   http://www.youtube.com/user/adalthing1
Og hér má sjá fyrstu tilraunir með innibrautir. http://www.youtube.com/user/adalthing1#p/u/7/ohPtt8YLWCs
Á síðu Aðalþings má finna umfjöllun um tengsl lista og leikskólastarfs. http://www.adalthing.is/index.php/stefna/tengsl-lista-og-leiksk-lastarfs/

Lárus H List sýnir í Þekkingasetrinu á Húsavík

Sunnudaginn 17. Júlí kl. 14 opnar Lárus H List frá Akureyri
myndlistasýningu sem hann kallar -Sail Húsavík- í Þekkingasetrinu Húsavík.
Listsýningin er hluti af Sail Húsavík Strandmenningarhátíðinni 16.-23. júlí.
Lárus H List hefur haldið fjölda einkasýninga hérlendir og erlendis og í
tilefni sýningarinnar gefur Lárus út eftir sig hljðverk sem hann kallar
Listmálara Sinfóníu, (The Painter´s Symphony). Myndmál í verkunum á
sýningunni er tengt bátum sjónum, en Lárus er áhugamaður um strandmenningu
og sérstaklega báta og á hann ættir sínar að rekja til Húsavíkur en amma
hans Guðný Hjálmarsdóttir sem hann tileinkar sýninguna var fædd og uppalin
á Húsavík. Allir eru hjartanlega velkomnir og er sýningin opin frá 9-18
virka daga og 14-18 um helgar. Sýningunni líkur 24. júlí. Dagskrá
hátíðarinnar er á: http://www.sailhusavik.is/dagskra/
Heimasíða Lárusar er: larushlist.com og á facebook.com

Eva G. Sigurðardóttir sýnir í Deiglunni

Myndlistarsýning - Rauðir gúmmískór og John.
Art exhibition - Red rubber shoes and john.

Sýning Evu G. Sigurðardóttur, Rauðir gúmmískór og John,
opnar laugardaginn 2. júlí. Kl 15:00
í Deiglunni, Listagilinu á Akureyri.

Eva sýnir málverk, teikningar og innsetningu.
Eva útskrifaðist úr Mynd- og Handíðaskóla Íslands 1989, var við nám í École des Beaux Arts de Lyon í Frakklandi 1990-91. Hún lauk kennsluréttindum frá Listaháskóla Íslands 2005.
Eva hefur haldið einka- og samsýningar bæði hér- og erlendis frá árinu 1991.

Á þessari sýningu vinnur Eva með setningu Johns Lennons "all you need is love" og rauða gúmmískó. John Lennon og rauðir gúmmiskór tengjast í raun ekki á neinn hátt en tengjast í vinnuferlinu sjálfu. Eru hluti af ferli þannig að það sem tengist ekki tengist þó.
Verkin eru auk hugmynda eða hugleiðinga einnig sjálfskönnun á eigin vinnuferli, áherslum og leiðum í útfærslu. Hugmyndaleg útfærsla verður ferli þar sem eigin líkami, tilfinning og sál, í verkinu sjálfu umbreyta vinnuferli verksins.
Eva vinnur á margræðan hátt, kannar margbreytileikann, í fortíð, nútíð og framtíð, mannlífið, eigin tilfinningar, raunveruleika, drauma, hugmyndaflug, hugleiðingar og spurningar sem vakna upp.
Hún vinnur bæði hlutbundið og óhlutbundið, notar myndmál jafnt sem bókstafi og orð sem verða hluti myndmálsins sjálfs. Bæði hinn hlutbundni og hinn óhlutbundni veruleiki er kannaður án þess þó að leita lausna eða svara.

Sýningin stendur til 17. júlí.

Safnasafnið á Svalbarðsströnd í Listasafninu á Akureyri

Hringheimar

Í sumar taka Safnasafnið á Svalbarðsströnd og Listasafnið á Akureyri saman höndum í verkefninu „safn í safni“ en það byggist á því að sýna hluti úr safneign eins safns í öðru safni og varpa þannig ljósi á menningarsöguleg tengsl safnanna.

Safnasafnið sýnir nú verk Katrínar Jósefsdóttur (Kötu saumakonu) sem eru eigu Akureyrarbæjar og laugardaginn 2. júlí opnar Listasafnið á Akureyri sýningu sem ber heitið Hringheimar og samanstendur meðal annars af fjölmörgum verkum úr safneign Safnasafnsins sem skipt hefur verið upp í fimm smærri sýningar. Sýningarstjórar eru Harpa Björnsdóttir og Níels Hafstein

Sýningarnar búa yfir vitneskju um margs konar hringferla sem hverfast um íslenska myndlist, afmarkaða kima jafnt sem fjölfarin svæði, og birta mismunandi viðhorf, staðhætti og skoðanir. Í gömlu handritunum er heimssýnin ýmist víðtæk eða þröng og sérviskuleg, jafnvel bernsk; í grafíkverkunum og teikningunum kallast markviss vinnubrögð og öguð framsetning hugmynda og val á efni á við tilviljun stundarinnar og hrifnæmi augnabliksins. Í skúlptúrunum er sótt til eldri reynslu og þeir lagaðir að samtímanum, og í einni sérsýningunni er leitast við að gefa myndhugsuninni áþreifanlegan blæ og farið fram á ystu nöf í miðlun áhrifa sem verða til við nýjar lausnir í leikföngum, vísindum og tækni. Svo breitt tjáningarsvið fellur vel að stefnu Safnasafnsins, sem leitast við að eignast verk eftir alþýðulistamenn, börn, hagleiksmenn og einfara, sem og framsækna listamenn sem gera tilraunir sem skara alþýðulist eða eru unnin með þjóðleg minni í huga.

Safnasafnið – Alþýðulist Íslands

Safnasafnið var stofnað 1995 af Magnhildi Sigurðardóttur og Níelsi Hafstein, í gamla Þinghúsinu á Svalbarðsströnd við Eyjafjörð, en síðan hefur það stækkað umtalsvert og starfsemin orðið viðameiri.

Sýningar Safnasafnsins hafa byggt á nýstárlegri hugsun þar sem alþýðulist og nútímalist mynda fagurfræðilegt samspil, og einstök tengsl heimilis, safns og garðs hafa opnað augu fólks fyrir fegurð mismunandi hluta og innbyrðis samhengis allrar sköpunarþrár.                

Í Safnasafninu má sjá verk eftir sjálflærða alþýðulistamenn jafnt og framsækna nútímalistamenn, börn sem fullorðna – þar má finna málverk, skúlptúra, útsaum, teikningar, líkön, minjagripi, brúður, verkfæri og leikföng, auk áhugaverðs bókasafns. Árlega eru settar upp nýjar sýningar sem hafa það að markmiði að skerpa á myndhugsun eða ögra gestum safnsins og þar er varpað birtu á hina ýmsu kima og hringferli sköpunar.

Nánari upplýsingar hjá Listasafninu á Akureyri í síma 4612610 eða með tölvupósti [e-mail] 

Textílfélag Íslands í Mjólkurbúðinni og Listagili

Listamenn í Textílfélagi Íslands opna í Mjólkurbúðinni í Listagilinu á Akureyri laugardaginn 2.júlí kl. 14 í tengslum við Listasumar. Einnig verða opnanir hjá félögum Textílfélagsins á sama tíma í Ketilhúsi menningarmiðstöð Listagilsins og í Menningarhúsinu Hofi.

Þeir listamenn sem opna í Mjólkurbúðinni eru:

Auður Vésteinsdóttir
Bryndís Bolladóttir
Íris Ólöf Sigurjónsdóttir
Kristveig Halldórsdóttir
Sæunn Þorsteinsdóttir

Sýningin stendur til 17. Júlí og er opið í Mjólkurbúðinni laugardaga-sunnudaga kl. 14-17 eða eftir frekara samkomulagi.

Allir velkomnir

Nánari upplýsingar veita:

Mjólkurbúðin – Dagrún Matthíasdóttir s.8957173 [e-mail]
Ragnheiður Þórsdóttir [e-mail] fyrir hönd textílfélags Íslands

Björg Eiríksdóttir sýnir í Boxinu og Adam Geczy í Sal Myndlistarfélagsins

Duet- Duet

Föstudagskvöldið 1. júlí kl. 21 opnar ástralski listamaðurinn Adam Geczy sýningu sína Duet-Duet í Boxinu, Gilinu á Akureyri.

Adam Geczy hefur nýlega lokið vinnustofudvöl í Hrísey. Á sýningunni verða tvö myndbandsverk frumsýnd. Þau eru unnin í samvinnu við tvö ólík tónskáld sem starfað hafa með Adam síðasta áratuginn. Í verkunum sést hvað samvinna með ólíkum listamönnum færir mann á ólíka staði. Eitt verkanna Kakadu (2009) er unnið út frá hljóða-ljóði (tone-poem) með sama nafni eftir einn af virtustu tónskáldum ástrala, Peter Sculthorpe. Kakadu er verndað svæði í norður Ástralíu, þekkt fyrir fegurð og stórbrotið landslag.

Verkið  AreaContraPunctus 7 (2011) sem er unnið með Thomas Gerwin er án tilvísana út á við nema í óhlutbundin form.

Sýningin stendur til 17. júlí og eru allir velkomnir.

Á sama tíma verður kynnt í Boxinu myndlistarkonan Björg Eiríksdóttir sem sýnir eftirfarandi verk:
Málverk, olía á striga, Horfir í spegil, 2011
Textílverk, þrykk og útsaumur á ull út frá handverki ömmu, 2011
Teikning, undirbúningur fyrir málverk 2001

ALLIR VELKOMNIR!

Textílfélag Íslands opnar sýningar á þremur stöðum á Akureyri

Verið hjartanlega velkomin á sýningu Textílfélags Íslands á þremur sýningarstöðum á Akureyri. Guðrún Marinósdóttir opnar sýninguna formlega kl 14:00 í Ketihúsinu og boðið verður upp á léttar veitingar. Mjólkurbúðin í Gilinu opnar einnig kl 14:00.
Klukkan 16:00 verður tónlistaratriði í Hofi þar sem Íris Ólöf Sigurjónsdóttir og Hjörleifur Hjartason leika og syngja.
Sýningin er opin alla daga nema mánudaga frá kl 13 til 17.
Með sumarkveðju TEXTÍLFÉLAGIÐ

2. júlí -17. júlí 2011

Innsýn í Verksmiðjunni á Hjalteyri

Laugardaginn 2. júlí kl. 15.00 opnar sýningin Innsýn í Verksmiðjunni á Hjalteyri. Sýnendur eru Eygló Harðardóttir, Guðjón Ketilsson, Guðrún Pálína Guðmundsdóttir, Joris Rademaker og Jón Laxdal.
Joris Rademaker er sýningarstjóri og hefur valið fjóra listamenn með sér til að vinna frjálslega með hugmyndir sem tengjast að einhverju leiti starfsemi Verksmiðjunnar og rými hússins. Á sýningunni verða skúlptúrar, málverk, veggmálverk og innsetningar.
Sýningin er styrkt af Eyþingi.

Sýningin er opin laugardaga og sunnudaga milli kl. 14.00 - 17.00.
Síðasti sýningardagurinn er 24. júlí.

Nánari upplýsingar veitir Joris Rademaker í síma 462 7818 og Guðrún Pálína í gudrunpalina(hjá)hotmail.com


Innsýn

Eygló Harðardóttir
Guðjón Ketilsson
Guðrún Pálína Guðmundsdóttir
Joris Rademaker
Jón Laxdal

2. - 24. júlí 2011

Verksmiðjan á Hjalteyri
Neðst á Hjalteyri, 601 Akureyri, 4611450
http://www.verksmidjan.blogspot.com
Verksmiðjan á facebook

Síðasta sýningarhelgi í Listasafninu á Akureyri, leiðsögn og fræðsla

Núna um helgina er að renna upp síðasta sýningarhelgi yfirlitssýningar á verkum Kristínar Gunnlaugsdóttur – Inní rós – Á Listasafninu á Akureyri. Sýningin hefur fengið mikla og jákvæða umræðu í fjölmiðlum og er meðal best sóttu sýninga Listasafnsins. Sýningunni lýkur sunnudaginn 26. júní kl. 17, en á laugardaginn kl. 15 mun Kristín Gunnlaugsdóttir leiðsegja um sýninguna og fjalla um verk sín. Aðgangseyrir á viðburðinn er 500 krónur.

Þetta er fyrsta yfirlitssýning sem haldin hefur verið á verkum Kristínar en undanfarið hefur Kristín leitað nýrra leiða til að opna myndheim sinn og í myndlist hennar hafa orðið róttækar breytingar. Hún hefur lagt olíumálverkið á hilluna, í bili að minnsta kosti, og snúið sér að útsaum á striga.

Kristín útskrifaðist úr Myndlista- og handíðaskóla Íslands árið 1987 og fór þá beint í framhaldsnám til Ítalíu. Þar lærði hún m.a. íkonagerð í klaustri í Róm og stundaði nám í Ríkisakademíunni í Flórens árin 1988-1993. Kristín hefur síðustu 15 árin haldið margar einkasýningar og tekið þátt í mörgum sýningum, hér heima og erlendis.  Hún hefur hlotið ýmsa styrki og viðurkenningar og hlotið nokkrum sinnum listamannalaun frá Menntamálaráðuneytinu, síðast árið 2009. Hún hefur verið valin bæjarlistamaður Akureyrar og einnig bæjarlistamaður Seltjarnarness 2008.

Eftir Kristínu má finna verk í eigu helstu listasafna landsins, opinberra stofnana, kirkna, m.a. sem altaristöflur og fjölda einstaklinga. Verk hennar hafa gegnum tíðina verið aðallega stór málverk á striga, eggtemperur á tré, íkonar og teikningar. Námsárin voru lituð af áherslum samtímalistar og minimalisminn var allsráðandi. Sunnar í álfunni kynntist Kristín ólíkum stefnum og hugmyndaheimur miðevrópskrar miðaldahefðar varð sá skóli sem hafði einna mest mótunaráhrif á hana. Djúpstæður áhugi á  dýpt vitundarinnar hefur verið undirliggjandi tónn í verkum hennar, aðskilnaður mannsins við Guð, einsemd hans og leit.

Kristín var bæjarlistamaður Akureyrar 1996-1997. Hún hefur haldið fjölda sýninga og hlotið ýmsar viðurkenningar fyrir list sína. Kristín fæddist á Akureyri árið 1963 en býr nú og starfar á Seltjarnanesi.

Verkefnastyrkir og ferða- og menntunarstyrkir Myndstefs 2011

Myndstef auglýsir eftir umsóknum um verkefnastyrki og ferða- og menntunarstyrki á vegum samtakanna.

Rétt til þess að sækja um styrki Myndstefs hafa allir myndhöfundar.

Sérstök umsóknareyðublöð eru á vef samtakanna www.myndstef.is og þar eru einnig nánar skilgreind þau atriði sem þurfa að koma fram í umsókninni ásamt reglum um úthlutun styrkjanna. Umsóknarfrestur rennur út 20. ágúst 2011. Umsóknir sem berast eftir þann tíma fá ekki afgreiðslu. Tekið skal fram að póststimpill gildir á innsendum umsóknum.

Umsóknir skulu berast til skrifstofu Myndstefs, Hafnarstræti 16, p.o.box 1187, 121 Reykjavík fyrir ofangreindan tíma.

Vakin er athygli á að þeir sem sent hafa inn umsóknir um styrki fyrir birtingu þessarar auglýsingar verða að endurnýja þær umsóknir.

Allar nánari upplýsingar gefur Herdís Lilja Jónsdóttir á opnunartíma skrifstofunnar, 10:00 – 14:00 alla virka daga. Einnig er hægt að senda fyrirspurnir á netfangið [e-mail]

Vakin er athygli á því að Myndstef áskilur sér rétt til að birta  á heimasíðu sinni texta og myndir um viðkomandi verkefni í samráði við höfund þess.

Stjórn Myndstefs

ÁLFkonur sýning á Fólkvanginum og Listasumri og Goya/Tapasbar

 

 

Áhuga-Ljósmynda-Félag kvenna á Eyjafjarðarsvæðinu = ÁLFkonur. 

F

élagsskapurinn er eins árs og hafa konurnar 

hist á miðvikudagskvöldum 1-2svar í mánuði 

og rætt áhugamál sitt, 

auk þess að skreppa 

í styttri og lengri ljósmyndaferðir. 

Markmiðið er að 

fræðast og betrumbæta færni og ljósmyndatækni. 

Sýningin -SAMTAL UM RÆTUR- er þriðja sýning ÁLFkvenna.

Sýnendur:

Berglind H. Helgadóttir

Hrefna Harðardóttir
Linda Ólafsdóttir
Helga Gunnlaugsdóttir
Helga Heimisdóttir
Guðný Pálína Sæmundsdóttir
Díana Bryndís
Ester Guðbjörnsdóttir
Agnes H. Skúladóttir

Margrét Elfa Jónsdóttir

SAMTAL UM RÆTUR

Það má með sanni segja að orðið hafi til „samtal um rætur" meðal okkar kvenna í ÁLFkonu-hópnum. 

Minningar helltust yfir okkur og margar hugmyndir kviknuðu. Hvaðan komum við? Hverjar eru rætur okkar? 

Hvers er að minnast? Þó við séum ekki margar í hópnum er bakgrunnur okkar, minningar og reynsla mjög mismunandi og afar ólíkur. 

Það er skemmtilegt þegar hópur kvenna, með sama áhugamál, kemur saman og vinnur að sameiginlegu verkefni. Umræður skapast.
Hugmyndir lifna og ljósmyndir verða til. Fyrst sem agnarsmá mynd í hugaskoti hverrar og einnar sem síðan vex og dafnar og verður að ljósmynd á vegg. Listaverki sem skapast vegna minninga sem hver okkar á og geymir með sér.

Rætur hverrar plöntu stækka í samræmi við vöxt plöntunnar sjálfrar og sama má segja um okkur. Hver okkar á sér eigin rætur. 

Við lítum til baka og horfum til formæðra okkar sem komu okkur á þann stað þar sem við nú stöndum. 

Við mismunandi kjör og mismunandi aðstæður hafa konur fætt börn í þennan heim. 

Nýtt líf verður til og alltaf er það jafnmikið kraftaverk. Fætt þau og klætt og komið þeim til manns. 

Hugurinn leitar til mömmu og til ömmu og svo til langömmu. Hvar værum við í dag ef þeirra hefði ekki notið við? Hmmm?....... 

(H.G. júní 2011)

Listasumar á Akureyri sett í Ketilhúsinu og fjöldi sýninga

Tónlist, leiklist, málþing, myndlist og margt fleira verður í boði á 19. Listasumri Akureyrar sem sett verður  klukkan 14:00 í Ketilhúsinu á Akureyri föstudaginn 17. júní.

 

Sex  listsýningar opna í bænum þennan dag sem allar tengjast Fólkvanginum “Vitið þér enn eða hvað? Samtal um rætur. Þar er á ferð fólkvangur og alþjóðleg ráðstefna um menningararf kvenna þar sem í boði verða fjölmargar uppákomur víðsvegar um bæinn á bilinu 17. – 21. júní. Sjá nánar á www.mardoll.is

 

Klukkan 15:00  föstudaginn 17. júní fara fimm konur á öllum aldri með orð, eftir sjálfa sig eða aðra,  sem þeim finnst að flytja eigi á þjóðhátíðardaginn. Klukkan 14:00 opnar Arna Valsdóttir vídeóinnsetninu í Flóru. Mardallarkonur sýna í Mjólkurbúðinni og opna klukkan 15:00. Hópur ungs listafólks lætur ljós sitt skína í Populus tremula kl: 15:00 og Gallerí + opnar sýningu Pálínu Guðmundsdóttur. Auk alls þessa er sýning á verkum Kristínar Gunnlaugsdóttur í Listasafninu og í Boxinu sýna 25 ára stúdentar verk sín.

AÐALLEGA KONUR í Populus Tremula

Þann 17. júní kl. 14:00 verður opnuð myndlistarsýningin Aðallega konur í Populus Tremula. Egill, Eydís, Gunný, Gunna, Dóra og Inga, aðallega konur og einn strákur, sýna listir sínar.

Sýningin er til komin vegna fólkvangsins Vitið þér enn – eða hvað? samtal um rætur 19. - 21. júní.

Með þessari sýningu lýkur sjötta starfsári Populus tremula, sem nú tekur sér hlé fram að Akureyrar­vöku í lok ágúst.

Sýningin verður opin daglega til 26. júní kl. 14:00-17:00.

Populus Tremula
Listagili
Akureyri

25 ára MA stúdentar sýna saman í BOXinu, Sal Myndlistarfélagsins

 

Yfirskrift myndlistarsýningar sem opnar í Boxi, sal Myndlistarfélagsins, Kaupvangsstræti 10, Akureyri, þann 16. júní kl 17.00 er: „25 ára MA stúdentar“. Listamennirnir sem sýna eru Birgir Snæbjörn Birgisson, Brynhildur Kristinsdóttir, Gústav Geir Bollason, Laufey Margrét Pálsdóttir, Pétur Örn Friðriksson og Sigtryggur Bjarni Baldvinsson.  Þessir listamenn sem allir eru samstúdentar úr MA, sýndu saman ásamt fleirum, í Safnaðarheimili Akureyrarkirkju fyrir 20 árum síðan, en hafa nú ákveðið að leiða saman hesta sína aftur á þessum tímamótum. Sigurður Ingólfsson mun lesa upp ljóð við opnunina, rétt eins og hann gerði fyrir 20 árum síðan. Sýningin stendur til sunnudagsins 26 júní, og er opin laugardaga og sunnudaga frá 14 - 17.

(af vef Vikudags)

Yst sýnir innsetninguna Jóreyk í Bragganum í Öxarfirði

Yst sýnir innsetninguna Jóreyk í Bragganum í Öxarfirði

Þegar stóðið hefur geysast hjá ... hva’þá?  Í grískum þjóðsögum er Pegasus stoltur stóðhestur með silfurlitað tagl og vængi. Nafnið  er dregið af gríska orðinu pegos, sem þýðir sterkur. Pegasus er líka til sem stjörnumerki, sem sjá má á stjörnubjörtum skammdegishimninum.. Pegasus er óhemju erfiður í tamningu, en takist að temja hann, þá hefurðu eignast trúnaðarvin til æviloka...
Hefur sýningin Jóreykur eitthvað með fjárglæfrafola að gera?   Ber afbygging íslensku hrossalitanna uppi þessa abstrakt innsetningu eða eru austurlensku áhrifin límið sem gerir gæfumuninn?

Sigurlaug Jóna Hannesdóttir og Kristveig Sigurðardóttir taka nokkur létt sönglög kl. 14  á opnunardaginn laugardaginn 18. júní.             

Níunda sýning Braggans Yst í Öxarfirði  verður opin alla daga frá 18. júní til 4. júlí kl. 11-18.

Ókeypis aðgangur

Guðrún Pálína opnar sýningu í Gallerí+

Guðrún Pálína Guðmundsdóttir opnar sýninguna Rætur-arfur í Gallerí+, Brekkugötu 35 á Akureyri þann 17. júní kl. 15-17. Sýningin verður opin 18. júní k. 15-17 og aðra daga eftir samkomulagi við Pálínu í síma 462 7818.
Sýningin er hluti af fólkvangi Mardallar “Vitið þér enn eða hvað”?
Sýningin Rætur-arfur fjallar um hvernig nota megi ættfræði sem leið til að skilja erfðir og stöðu einstaklingsins. Á sýningunni notar G. Pálína ættfræði föður síns og föðurafa og býr til sjónræna framsetningu andlita til og með 8. ættliðar.
Er það von G. Pálínu að áhorfandinn geti aukið eigin vitund um mikilvægi þess að þekkja sögu formæðra/feðra sinna og þá samfélagsins í heild ásamt menningu þess.
Þetta er önnur sýningin af fjórum í sýningarröð þar sem G. Pálína notar ættfræði sem efnivið fyrir myndlistarsýningar.

Arna Valsdóttir opnar sýningu í Flóru í Listagilinu á Akureyri

Staðreynd 4 - … frá rótum…
Opnun á innsetningu Örnu Valsdóttur
í Flóru föstudaginn og þjóðhátíðardaginn 17. júní kl. 15

Arna Valsdóttir
Staðreynd 4 - … frá rótum…
17. júní - 4. ágúst 2011
Flóra, Listagilinu á Akureyri, Kaupvangsstræti 23, 600 Akureyri, s. 6610168
http://floraflora.is


Arna Valsdóttir nam myndlist við MHÍ og Jan van Eyck academie í Hollandi þaðan sem hún lauk námi 1989. Arna hefur þennan tíma unnið verk þar sem hún nýtir eigin rödd í margvísleg rýmisverk og gjörninga, bæði sem vídeóverk og innsetningar og um tíma vann hún raddteikningar fyrir útvarp.

Verkið sem hún sýnir að þessu sinni er hluti af sýningaröðinni Staðreynd og er þetta fjórða staðreyndin sem hún safnar.

Um verk sitt segir Arna:
“Heiti sýningarinnar vísar í það að ég vinn inn í tiltekið rými og reyni að hlusta vel eftir eiginleikum þess, bæði í nútíð, fortíð og kannski framtíð og þannig reyni ég að fanga ,,reynd staðarins”. Ég vinn gjarnan með eigin rödd og framkvæmi einhverskonar gjörning í rýminu sem ég tek þá upp á myndband og sýni á staðnum. Að þessu sinni er komin óljós mynd í hugann sem ég reyni svo að draga fram í dagsljósið en veit oft ekki fyrr en á síðustu stundu hver staðreynd sýningarinnar verður og get því engu lofað öðru en að reyna að hlusta af athygli.
Merking hugtaksins staðreynd hefur löngum þvælst fyrir mér.
Það sem er handan staðreyndanna, yfir þeim og allt um kring vekur frekar áhuga minn en þær sjálfar og kveikir ákveðna sannleikstilfinningu.
Ég upplifi einhverskonar traust þegar ég skynja hið óræða, óáþreifanlega og afstæða en verð frekar óörugg þegar eitthvað er sett fram sem endanleg staðreynd. Sennilega trúi ég því að afstæðan sé hin eiginlega staðreynd.”

Sýningin er hluti af ráðstefnunni “Vitið þér enn eða hvað? Samtal um rætur” sem fer fram í Listagilinu á Akureyri 19.-21. júní nk.
Sýning Örnu stendur til fimmtudagsins 4. ágúst.

Flóra er verslun, vinnustofa og viðburðastaður Kristínar Þóru Kjartansdóttur félagsfræðings og garðyrkjukonu. Listrænn ráðunautur og kaffibarþjónn staðarins er Hlynur Hallsson, myndlistarmaður. Áherslan er á nýtingu, endurnýtingu og verkmenningu. Sýningarrýmið á sér auk þess merkilega forsögu því þar rak Snorri Ásmundsson International Gallery of Snorri Ásmundsson með góðum árangri í lok síðustu aldar.

Flóra, Listagilinu á Akureyri, Kaupvangsstræti 23, Akureyri, s. 6610168
http://floraflora.is
fésbók “flóra”

viðburðurinn á fésbók

Ástarsetningar í Verksmiðjunni á Hjalteyri

8:45 að bandarískum tíma ...
12:45 að íslenskum tíma ...

þúsundir létu lífið

við skulum biðja um betri heim


biðja
nógu
nógu
heitt


máttur bæna hefur verið sannaður


Ástarsetningar í Verksmiðjunni á Hjalteyri

Laugardaginn 11. júní kl. 20.00 flytja Margrét Lóa Jónsdóttir skáldkona og Páll B. Szabo tónlistarmaður frumsamið tónverk Páls við ljóð Margrétar úr bókinni Tímasetningar.

Þetta er fyrsti viðburðurinn í Verksmiðjunni þetta sumarið en dagskrána í heild sinni má sjá á bloggsíðunni: www.verksmidjan.blogspot.com


Verksmiðjan er opin um helgar frá kl. 14 til 17.
Hægt er að skoða  Ljóðainnsetninguna Ástarsetningar á þeim tíma, hún stendur til 26 júní.

Verksmiðjan á facebook

Um viðburðinn á facebook