Akureyri - hvert stefnir? Málþing í AkureyrarAkademíunni

Akureyri - quo vadis? eða Akureyri - hvert stefnir er yfirskrift málþings sem AkureyrarAkademían stendur fyrir laugardaginn 22. október frá 13:00 til 17:00 í Húsmæðraskólanum, Þórunnarstræti 99 á Akureyri. Málþingið er öllum opið, aðgangur er ókeypis og vonast eftir líflegri umræðu. Fluttir verða sex fimmtán mínútna langir fyrirlestrar, boðið upp í hreyfimínútur þeirra á milli og ávaxta og grænmetishlé áður en farið er í almennar umræður. Dagskráin í heild sinni:

Akureyri - quo vadis? AKUREYRI - HVERT STEFNIR?
AkureyrarAkademíunni, laugardaginn 22. október kl. 13:00 - 17:00
Málþing öllum opið í Húsmæðraskólanum við Þórunnarstræti 99 á Akureyri, aðgangur ókeypis.

1.) Stutt erindi um menntun og menningu
13:00 Menntun á Akureyri í framtíðinni?
- Darri Arnarson, formaður Ungmennaráðs Akureyrar
13:15 Menning á Akureyri í framtíðinni?
- Lárus H. List, listamaður
13:30 Spurningar til fyrirlesara
13:40 10 hreyfimínútur í umsjón Grétu Kristínar Ómarsdóttur

2.) Stutt erindi um atvinnu og aldur
13:50 Atvinna á Akureyri í framtíðinni? Soffía Gísladóttir frá Vinnumálastofnun
14:05 Að eldast á Akureyri í framtíðinni? Friðný Sigurðardóttir frá Öldrunarheimilum Akureyrar
14:20 Spurningar til fyrirlesara
14:30 10 hreyfimínútur í umsjón Grétu Kristínar Ómarsdóttur

3.) Stutt erindi um heilbrigði og sjálfbærni
14:40 Heilbrigði á Akureyri í framtíðinni? Jóna Lovísa Jónsdóttir, prestur og heilsuþjálfari
14:55 Sjálfbærni á Akureyri í framtíðinni? Brynhildur Pétursdóttir frá Neytendasamtökunum
15:10 Spurningar til fyrirlesara

SKIPTIMARKAÐUR SKOÐANA
15.20 Ávaxta- og grænmetishlé (kaffibaunin fær að fljóta með)
15.40 Samtala þátttakenda og fyrirlesara í þremur umræðuhornum

Horn 1: Menntun og menning.
Umræðustjóri: Jón Hjaltason
Ritari: Guðmundur Árnason

Horn 2: Atvinna og aldur.
Umræðustjóri: Hjálmar Brynjólfsson
Ritari: Sigurður Bergsteinsson

Horn 3: Heilbrigði og sjálfbærni
Umræðustjóri: Valgerður Bjarnadóttir
Ritari: Sólveig Georgsdóttir

16:15 Samantekt - ritarar umræðuhornanna gera grein fyrir helstu skoðunum sem settar voru fram og draga upp útópíu? framtíðarinnar.

16:45 Dagskrárlok

Málþingsstjóri er Pétur Björgvin Þorsteinsson, formaður AkureyrarAkademíunnar.

Sýning listakvennanna Örnu Valsdóttur og Guðrúnar Pálínu Guðmundsdóttur í gamla kennslueldhúsinu á miðhæðinni í Húsmæðraskólanum verður opin sama dag frá 12:00 til 18:00.

Verkefnið fékk styrk úr Menningarsjóði Akureyrar.

Jóns Laxdal: Ný verk

NÝ VERK

Myndlistarsýning Jóns Laxdal

22.-23. október 2011

 

Laugardaginn 22. október kl. 14.00 opnar Jón Laxdal myndlistarsýninguna Ný
verk í Populus tremula.

Sýningin er einnig opin sunnudaginn 23. október kl. 14.00-17.00. Aðeins
þessi eina helgi.

Facebook

Sýning Örnu og Guðrúnar í AkureyrarAkademíunni opin um helgina

Sýning listakvennanna Örnu Valsdóttur og Guðrúnar Pálínu Guðmundsdóttur í gamla kennslueldhúsinu á miðhæðinni í Húsmæðraskólanum verður opin föstudag, laugardag og sunnudag frá 16:00 til 18:00. Þar er hægt að upplifa hljóðteikningu Örnu ,,Obbolítill óður til kjötbollunnar" sem hún vann árið 2005 fyrir RÚV í umhverfi sem Arna hefur skapað í eldhúsinu með innsetningu sinni og skoða teikningar Guðrúnar sem hún vann undir áhrifum húsmæðraskólans.

Nánar um sýninguna og myndir hér.

Aðalfundur Myndlistarfélagsins

Aðalfundur  

Myndlistarfélagið boðar til aðalfundar í sal félagsins mánudaginn
17. október kl. 17:00.  Félagar hvattir til að mæta. Árshátíðin
verður auglýst síðar.

Dagskrá:

1.  Skýrsla stjórnar.
2.  Reikningar.
3.  Stjórnarkosning.
4.  Kosning félagslegs skoðunarmanns og endurskoðanda til eins árs.
5.  Lagabreytingar.
6.  Ákvörðun félagsgjalda.
7.  Önnur mál.

Stjórnin.

Harpa Arnardóttir með fyrirlestur í Ketilhúsinu

Hörpuleikarinn

Fyrirlestur í Ketilhúsinu í Listagili föstudaginn 14.10.2011 kl. 14.00
Fyrirlesturinn er öllum opinn og aðgangur er ókeypis.

Harpa Arnardóttir, leikkona og leikstjóri, litast um í ljósaskiptunum, þar
sem mætast lífið og listin og innri veruleikinn reynir við þann ytri.

Harpa nam myndlist við MHÍ 1984-86 og útskrifaðist úr Leiklistarskóla
Íslands 1990.

Hún á fjölbreeyttan feril sem leikari, leikstjóri, tónlistarmaður, kennari
og fararstjóri og í dag stundar hún meistaranám í Ritlist við HÍ.

Hún hlaut Grímuna árið 2009 fyrir leik sinn í Steinar í Djúpinu, en auk þess
hefur hún verið tilnefnd 5 sinnum verið tilnefnd til Grímunnar sem besta
leikkona í aðalhlutverki.

Meðal fjölda verka sem Harpa hefur leikið í eru: And Björk of course (Borgarleikhúsið), Dauðasyndirnar (Borgarleikhúsið), Dimmalimm (Augnablik),
Skilaboðaskjóðan (Þjóðleikhúsið ) Dubbeldusch (Vesturport/ Leikfélag
Akureyrar) og Woyzek (Vesturport).

Hún gerði leikgerðir upp úr þrem verkum sem eru: Blíðfinnur (Borgarleikhúsið) Rómeo, Júlía og Amor (Borgarleikhúsið) og Tristan og Ísól
(Augnablik) og leikstýrði þeim einnig og leikstýrði verkunum: Náttúruóperan
eftir Andra Snæ (MH), Þrjár systur (Nemendaleikhúsið) og nú síðast
Súldarsker (Tjarnarbíó ).

Fyrirlesturinn er sá þriðji þetta haustið í fyrirlestraröð Listnámsbrautar
VMA, Listasafnsins á Akureyri og Menningarmiðstöðvarinnar í Grófargili.

Fyrirlestraröðin sem hefur verið starfrækt til fjölda ára er hluti af námi
nemenda á listnámsbraut VMA en er öllum opin.

Guðmundur Ármann Sigurjónsson myndlistarmaður og kennari við VMA og Þröstur
Ásmundsson heimspeki og sögukennari við VMA eiga upphaflegu hugmyndina sem
er að fólk úr ólíkum geirum menningarheimsins gefi innsýn í sinn heim.

Hlynur Hallsson myndlistarmaður hóf veturinn með fyrirlestri sem hann nefndi
" Sýningarstjórn og samfélagsrýni" og tónlistarmaðurinn Mugison var næstur
og nefndi fyrirlestur sinn " Hljóðbóndinn".

Sýningin TEXT opnar í Berlín

Libia Castro / Ólafur Ólafsson, ....ITNARAGON..., 2003. Textintervention Platform Garanti CAC, Istanbul

Kuckei + Kuckei
kynnir


TEXT

Birgir Andrésson, Dieter Roth, Guðný Rósa Ingimarsdóttir, Haraldur Jónsson, Hlynur Hallsson, Hreinn Friðfinnsson, Jóna Hlíf Halldórsdóttir, Jón Laxdal Halldórsson, Karin Sander, Karlotta Blöndal, Knut Eckstein, Kristján Guðmundsson, Lawrence Weiner, Libia Castro / Ólafur Ólafsson, Margrét H. Blöndal, Roni Horn, Sigurður Guðmundsson, Unnar Örn Auðarson

15. Október – 17. Desember 2011
October 15 – December 17, 2011


Opnun / opening reception / Laugardag, 15. Október, kl. 19 - 21



TEXT

Því er stundum haldið fram að Íslendingar séu bókmenntaþjóð eins og fornsögurnar, Edda og flestar útgefnar bækur á haus gefa til kynna. Útnefning Reykjavíkur sem bókmenntaborg UNESCO nú í sumar undirstrikar þetta. Í ár er Ísland einnig heiðursgestur á bókakaupstefnunni í Frankfurt sem fer fram 12. - 16. október. Textar hafa einnig verið áberandi í myndlist íslenskra myndlistarmanna. Það sama má segja um erlenda myndlistarmenn sem tengjast Íslandi sterkum böndum og hafa verið áhrifavaldar í íslenskri myndlist. Mörg dæmi eru svo aftur um það að íslenskir myndlistarmenn skrifi einnig bækur. Því verður hinsvegar seint haldið fram að Íslendingar séu myndlistarþjóð enda saga íslenskrar myndlistar stutt, en þó hefur íslensk myndlist verið nokkuð áberandi á alþjóðavettvangi undanfarin ár.

Á sýningunni TEXT hafa verið valdir saman 19 íslenskir og erlendir listamenn sem vinna mikið með texta. Þeir fara ólíkar og fjölbreyttar leiðir við notkun á textum í verkum sínum. Stundum er textinn í forgrunni og stundum er dýpra á hann. Stundum er um beinar tilvísanir í bókmenntir að ræða t.d. kemur eini íslenski nóbelsverðlaunahafinn í bókmenntum, Halldór Laxnes, fyrir í verkum tveggja listamanna, þeirra Roni Horn og Kristjáns Guðmundssonar. Í öðrum verkum eru textarnir minna bókmenntalegir eða tengdir bókmenntum. Listamennirnir 19 hafa ólíkan og breiðan bakgrunn og vinna á afar mismunandi hátt, en eiga að minnsta kosti einn þátt sameiginlegan, þau vinna öll með texta. Elsta verkið á sýningunni er frá árinu 1968, en þau nýjustu eru gerð sérstaklega fyrir þessa sýningu.

Listamennirnir sem eiga verk á sýningunni eru: Birgir Andrésson (1955-2007), Dieter Roth (1930-1998), Guðný Rósa Ingimarsdóttir (f. 1969), Haraldur Jónsson (f. 1961), Hlynur Hallsson (f. 1968), Hreinn Friðfinnsson (f. 1943), Jóna Hlíf Halldórsdóttir (f. 1978), Jón Laxdal Halldórsson (f. 1950), Karin Sander (f. 1957), Karlotta Blöndal (f. 1973), Knut Eckstein (f. 1968), Kristján Guðmundsson (f. 1941), Lawrence Weiner (f. 1942), Libia Castro / Ólafur Ólafsson (f. 1970 / f. 1973), Margrét H. Blöndal (f. 1970), Roni Horn (f. 1955), Sigurður Guðmundsson (f. 1942) og Unnar Örn Auðarson (f. 1974).

Sýningarstjóri er Hlynur Hallsson. Sýningin mun halda áfram í öðru formi í Listasafni Íslands í janúar 2012.  Þakkir til eftirtalinna aðila fyrir aðstoð við gerð sýningarinnar: Gallerí i8, Nýlistasafnið og Listasafn Íslands.

Kuckei + Kuckei

Linienstr. 158
D - 10115 Berlin

phone:  [phone]
fax:    [phone]

www.kuckei-kuckei.de

 

Innsetning og teikningar í AkureyrarAkademíunni

 

AKUREYRARAKADEMÍAN KYNNIR:
Í tilefni af degi hússins, fimmtudaginn 13. október kl. 17:00

,,Obbolítill óður til kjötbollunnar"

Staður: Gamla kennslueldhúsið í Húsmæðraskólanum

Arna Valsdóttir vinnur innsetningarverk úr hljóðteikningu sinni ,,Obbolítill óður til kjötbollunnar" sem hún vann árið 2005 fyrir RÚV og Guðrún Pálína Guðmundsdóttir sýnir teikningar sem hún vann undir áhrifum húsmæðraskólans.

Allir velkomnir - aðgangur ókeypis.

Húsmæðraskólinn á Akureyri við Þórunnarstræti 99 var formlega tekinn í notkun 13. október 1945. Frá árinu 2006 hefur AkureyrarAkademían haft aðstöðu í húsinu.

UMSÓKN UM ÞÁTTTÖKU Á LISTASUMRI Á AKUREYRI 2012

Listasumar á Akureyri auglýsir eftir umsóknum um þátttöku á sviði sjónlista á Listasumri 2012, 19. júní – 25. ágúst 2012.

Umsóknarfrestur er til 20. janúar 2012.

Umsóknareyðublað og skilmála fyrir þátttakendur má nálgast hér.

Umsækjendur eru hvattir til að kynna sér skilmálana áður en þeir sækja um.

Nánari upplýsingar síma 466 2609.

Umsóknir og fylgigögn skulu send á neðanskráð póstfang, póststimplað í síðasta lagi 20. janúar 2012:

Listasumar á Akureyri
, Pósthólf 115, 602 Akureyri

ATHUGIÐ! Vegna fyrirhugaðra breytinga á rekstrarfyrirkomulagi, þar sem Listasafnið á Akureyri og Menningarmiðstöðin í Listagili (sem hefur séð um framkvæmd Listasumars) sameinast í eina stofnun um næstu áramót, er viðbúið að einhverjar breytingar geti orðið á fyrirkomulaginu. Það mun þá verða kynnt sérstaklega á opinberum vettvangi og umsækjendur sem þegar hafa skilað inn umsóknum verða látnir vita.

Dagrún Matthíasdóttir sýnir í Cælum Gallery í New York

Þrjár skandinavískar listakonur sýna í Cælum Gallery á Manhattan í New York.
Listakonurnar Dagrún Matthíasdóttir frá Íslandi, Gunn Morstöl frá Noregi
og Helen Molin frá Svíþjóð opnuðu sýninguna „Delicious“ í Cælum Gallery í
Chelsea á Manhattan í New York nú í vikunni og taka á móti gestum í
formlegu opnunarteiti 29. sept. milli kl. 18-20.

Listakonurnar hittust á stórri samsýningu í Eyjafirði, Staðfugl-Farfugl
árið 2008 og ákváðu þá að hittast og sýna saman í framtíðinni sem nú er
orðið að veruleika.

Dagrún Matthíasdóttir sýnir málverk unnin með olíu og blandaðri tækni og
er umfjöllunarefnið matur og matgæðingar.

Helen Molin er búsett í Gautaborg í Svíþjóð, sýnir stór málverk unnin með
eggtempúru og fjallar um skynjun hins mannlega í bland við náttúruna.

Gunn Morstöl er frá Isfjorden í Noregi. Hún sýnir málverk unnin með
blandaðri tækni og ætingu, þæfða skúlptúra og textílverk og er
umfjöllunarefnið rómantískt og fjallar um mannleg samskipti.

Nánar: http://caelumgallery.com

MELLI – ljósmyndasýning í Populus tremula 1.-2. október

Laugardaginn 1. október kl. 14.00 opnar Sigurður Gunnarsson ljósmyndasýninguna Melli í Populus tremula á Akureyri.

Vorið 2006 fór Hrafnkell Brynjarsson (Melli) í lyfjameðferð eftir að hafa greinst með krabbamein í eista. Ljósmyndarinn Sigurður Gunnarsson fylgdi honum í gegnum meðferðina. Á sýningunni má sjá myndir sem skrá daglegt líf Mella meðan á meðferð stóð.

Myndirnar varpa ljósi á hvernig líkaminn breytist við slíka þolraun og eru auk þess brotakennd sýn á hið daglega líf sjúklingsins. Líkamsstellingar og athafnir Mella á meðan meðferðinni stóð geta virst sláandi, en þó fullar öryggis; óttinn við að bíða lægri hlut í glímunni við illvígan sjúkdóm er ekki til staðar. Heldur horfir hann beint í myndavélina fullur öryggis og yfirvegunar og biður ekki um samúð eða vorkunn.

Sigurður Gunnarsson f. 1978 útskrifaðist úr Ljósmyndaskóla Sissu árið 2006. Næstu ár eftir vann hann sem aðstoðarmaður ýmissa ljósmyndara og síðar sem sjálfstættstarfandi blaðaljósmyndari. Undanfarið hefur Sigurður unnið að sínum eigin verkefnum og haldið sýningar heima og erlendis. Melli er 5. einkasýning hans.

https://www.facebook.com/event.php?eid=144256159004045

Populus tremula
LISTAGILI
Akureyri

„Það sem hendi er næst“ í Boxinu, sal Myndlistarfélagsins

Fréttatilkynning.
„Það sem hendi er næst“ í Boxinu sal Myndlistarfélagsins.
Dagana 24. og 25. Sept. 1. og 2 okt. og 8. og 9. okt.
Tími: 14.00-17.00
Sýningin samanstendur af verkum átta myndlistarkvenna sem eru hluti hópsins „Höfuðverk“.
Þær sem sýna að þessu sinni eru:
Áslaug Anna Jónsdóttir, Ásta Bára Pétursdóttir, Eygló Antonsdóttir, Gulla Sigurðardóttir, Hrafnhildur Ýr Vilbertsdóttir, Margrét Buhl, Telma Brimdís Þorleifsdóttir og Ragney Guðbjartsdóttir.
Höfuðverk er hópur samnemenda úr Myndlistarskólanum á Akureyri.  Allar hafa þær haldið einkasýningar og er þetta í annað skiptið sem hópurinn sýnir saman.

Ljóðahátíð í Verksmiðjunni á Hjalteyri, Grundarskógi og Populus tremula

Síðustu helgina í september verður haldin Ljóðahátíð í Eyjafirði.
Aðstandendur hennar eru Verksmiðjan á Hjalteyri, Populus tremula og
Skógræktarfélag Eyfirðinga.

Hin árlega Ljóðaganga í Eyfirskum skógi verður að þessu sinni hluti
hátíðarinnar og nú haldin í Grundarskógi í Eyjafirði.

Dagskrá verður þríþætt eins og fram kemur hér að neðan. Hópur góðskálda
heimsækir Eyjafjörð og les ljóð sín fyrir heimamenn og gesti.

Fram munu koma m.a. eftirtalin skáld:

Guðbrandur Siglaugsson
Anton Helgi Jónsson
Kristín Svava Tómasdóttir
Bjarni Gunnarsson
Þórunn Erlu Valdimarsdóttir
Ísak Harðarson

Fyrst verður ljóðakvöld í Verksmðjunni á Hjalteyri kl. 21.00 föstudaginn 23. sept.

Síðan Ljóðaganga Grundarskógi í Eyjafirði kl. 14.00 laugardaginn 24. sept.

Að lokum ljóðakvöld í Populus tremula sama kvöld kl. 21.00.

Aðgangur verður ókeypis og öllum heimill. Malpokar leyfðir.

Ljóðahátíðin er styrkt sérstaklega af Menningarráði Eyþings, Uppheimum og
Amtsbókasafninu á Akureyri.

 

Sýningarstjórn og samfélagsrýni, Hlynur Hallsson með fyrirlestur í Ketilhúsinu

Hlynur Hallsson heldur fyrirlestur á vegum Listnámsbrautar VMA, Listasafnsins á Akureyri og Menningarmiðstöðvarinnar í Grófargili.
Fyrirlesturinn sem ber titilinn " Sýningarstjórn og samfélagsrýni" fer fram í Ketilhúsinu í Listagilinu á Akureyri föstudaginn 23. september kl. 14:00 - 15:00, er öllum opinn og aðgangur er ókeypis.

Fyrirlestraröðin hefur verið hluti af námsefni listnámsbrautar VMA til fjölda ára og er boðið upp á 8 fyrirlestra yfir vetrartímann með áherslu á að við fáum innsýn í margvíslega heima lista og menningarlífsins.

Facebook

Í fyrirlestri sínum mun Hlynur segja frá nokkrum verka sinna og sýningum með áherslu á verk sem hafa með tengsl við áhorfendur að gera, samfélagsgagnrýni, þátttökuverk og sýningarstjórnun.

Hlynur Hallsson er fæddur á Akureyri 1968. Hann stundaði myndlistarnám á Akureyri, í Reykjavík, Hamborg, Düsseldorf og Hannover og lauk mastersnámi 1997. Hlynur hefur haldið yfir 60 einksýningar nú síðast í GalleriBOX á Akureyri með Jónu Hlíf Halldórsdóttur og í Malkasten í Düsseldorf. Hann hefur tekið þátt í meira en 80 samsýningum á síðustu árum nú síðast í "Læsi" í Nýlistasafninu og "Beyond Frontiers” hjá Kuckei+Kuckei í Berlín.

Hlynur hefur einnig verið virkur sem blaðaútgefandi og sýningarstjóri og hann vinnur nú að sýningu á textaverkum íslenskar og erlendra listamanna sem tengjast Íslandi sem opnar í Berlín þann 15. október í tilefni að því að Ísland er heiðursgestur á bókakaupstefnunni í Frankfurt í ár.
Hann hefur rekið sýningarrýmið Kunstraum Wohnraum frá árinu 1994. Starfrækti sýningarrýmið Villa Minimo í Hannover 1997-1999 og sá um sýningar á Kaffi Karólínu 2005-2010. Hefur rekið Verksmiðjuna á Hjalteyri frá árinu 2008 ásamt félögum sínum og situr í stjórn hennar. Hann hefur einnig verið sýningarstjóri á sýningum í Þýskalandi, Bandaríkjunum, Japan, Noregi og á Íslandi. Hlynur hefur einnig kennt við Myndlistaskólann á Akureyri og við Listaháskóla Íslands.

Hlynur var bæjarlistamaður Akureyrar 2005, hlaut tveggja ára starfslaun listamanna 2006 og tveggja ára starfslaun Kunstverein í Hannover árið 1997 og hefur hlotið fjölda viðurkenninga fyrir verk sín. Verk Hlyns eru í eigu Listasafns Reykjavíkur, Listasafns Íslands, Nýlistasafnsins, Listasafnsins á Akureyri  auk nokkurra einkasafna á Íslandi og í Evrópu. Fyrr á þessu ári kom út bókin “Myndir - Bilder - Pictures” með 33 texta/ljósmyndaverkum eftir Hlyn ásamt textum eftir fjóra höfunda.

Hlynur var formaður SÍM, Sambands íslenskra myndlistarmanna 2009-2010, formaður Myndlistarfélagsins 2008-2009. Sat í stjórn Kynningarmiðstöðvar íslenskrar myndlistar 2007-2010. Sat fjórum sinnum á Alþingi sem varaþingmaður Vinstrihreyfingarinnar græns-framboðs 2003-2007. Hann var í safnráði Kunstverein Hannover 1997-2001 og í stjórn Gilfélagsins 1989-1990 og formaður Leikklúbbsins Sögu 1988-1990.

Hlynur vinnur með ljósmyndir, texta, innsetningar, gjörninga og hvað eina, allt eftir því sem hentar í hverju tilfelli. Verk hans snúast gjarnan um samskipti, tengingar, skilning, landamæri, fjölmiðlun, viðhorf okkar og hvað við lesum úr hlutunum.

Nánari upplýsingar um verk Hlyns er að finna á:
http://hlynur.is   
http://www.hallsson.de
http://www.kuckei-kuckei.de
http://www.galerie-robert-drees.de
http://www.seitenwechsel-hannover.de
 

Fyrirlestraröð á haustönn 2011

Hlynur Hallsson
"Sýningarstjórn og samfélagsrýni"
15 ár af óvenjulegum sýningum

KvikYndi (Kvikmyndaklúbbur Akureyrar) sýnir Rauðu skóna í Hofi

KvikYndi, Bíó Paradís og Menningarhúsið Hof hafa tekið höndum saman og ætla
að bjóða upp á kvikmyndasýningar í vetur. Sýningarnar fara fram í Hamraborg,
stóra sal Hofs, í fullkomnum hljóð og myndgæðum. Andrúmsloft kvikmyndanna
verður fært í Hof og leitast verður eftir að skapa notalega stemningu.


Rauðu skórnir (The red shoes) 1948  sýnd miðvikudaginn 21. september kl. 20

Leikstjóri: Michael Powell
Aðalhlutverk: Anton Walbrook, Marius Goring og Moira Shearer

Fyrsta myndin sem sýnd verður í Hofi er breska myndin Rauðu skórnir (e.The
red shoes) frá árinu 1948. Myndin er lauslega byggð á samnefndu ævintýri
H.C. Andersen, en er einnig talin innblásin af sambandi ballettdansaranna
Sergei Diaghilev og Diana Gould. Diaghilev bað hana að ganga í ballettflokk
sinn en hann lést áður en af því varð. Gould varð síðar eiginkona
fiðlusnillingsins Yehudi Menuhin.

Rauðu skórnir hefur verið innblástur fyrir marga af þekktustu leikstjórum
samtímans og til dæmis hefur Martin Scorsese ítrekað nefnt hana sem sína
uppáhaldsmynd og 2009 stóð hann að endurgerð hennar og hefur hún verið sýnd
víða. Annar leikstjóri, Brian De Palma, hefur einnig nefnt hana sem sína
uppáhaldsmynd.

Rauðu skórnir þótti á sínum tíma einstaklega vel unnin kvikmynd. Hinn
víðfrægi tökumaður Jack Cardiff myndaði og notaðist við Technicolor tæknina
sem þá var ný. Scorsese hefur bent á að þetta sé ein fegursta litmynd sem
gerð hafi verið.

Myndin er einnig viðurkennd sem ein af sárafáum kvikmyndum sem tekur ballett
alvarlega, en fjölmargir dansarar Konunglega ballettsins í Bretlandi koma
fram í henni.

Miðasala fer fram https://midi.is/sale/tickets.aspx?s=%2fImKipYAViwYfNNrMVaOeAv8EUN%2fag4JyjC
%2bYrfgu%2b85qDhU9rzpgA%3d%3d hér og í miðasölu Hofs, s. 450 1000.

Miðaverð: 1.200 kr.

Fyrir námsmenn og fyrir félaga í KvikYndi: 1.000 kr.

Bíó Paradís við Hverfisgötuna í Reykjavík hefur heldur betur fest sig í
sessi sem hjarta kvikmyndamenningar á Íslandi á því ári sem það hefur verið
starfrækt. Þar eru sýndar nýjar og sígildar kvikmyndar sem rata sjaldan í
hin almennu bíóhús. KvikYndi (Kvikmyndaklúbbur Akureyrar) hefur verið
starfræktur í fjögur ár og tilgangur félagsins er að bjóða félögum sínum upp
á sýningar á áhugaverðum kvikmyndum sem ekki standa til boða með öðrum
hætti. Félagið stendur fyrir virku samstarfi við aðra kvikmyndaklúbba og er
vettvangur umræðna um allt sem viðkemur kvikmyndum og kvikmyndamenningu og
stendur einnig fyrir fyrirlestrum og námskeiðum eftir því sem tilefni gefst.

Miðlar & Gjörningar - Myndlistarnámskeið

Helgina 8. & 9. október verður myndlistarnámskeiðið Miðlar & Gjörningar haldið á Akureyri. Á námskeiðinu verður unnið með lifandi gjörninga, myndbandalist og ljósmyndun. Námskeiðið er ætlað fólki 16. ára og eldri og fá námsmenn sérstakan afslátt. 

Verð: 18.000 kr. // Námsmenn: 15.000 kr.

Skráning & upplýsingar: [e-mail]

Kennari: Habby Osk //  www.habbyosk.com

 

Tilkynning frá Bókasafni Listasafns Íslands

TIL LISTAMANNA, LISTFRÆÐINGA OG SÝNINGARSTAÐA
BEIÐNI UM SÝNINGARSKRÁR, BOÐSKORT OG ANNAÐ EFNI UM ÍSLENSKA MYNDLIST

Bókasafn Listasafns Íslands hefur að markmiði að safna öllu útgefnu efni um íslenska myndlist.  
Á bókasafni LÍ er gott Heimildasafn, sem inniheldur sýningarskrár og boðskort íslenskra listamanna. Einnig er þar mjög viðamikið Úrklippusafn, sem samanstendur af úrklippum úr dagblöðum um íslenska myndlist, allt frá árinu 1950.  

Okkur langar að fara þess á leit við ykkur að þið sendið á Bókasafn LÍ sýningarskrár eða annað efni frá sýningum,  3 eintök af hverri sýningarskrá til varðveislu í Heimildasafnið.  
Einnig þætti okkur vænt um að vera á póstlista ykkar um sýningaropnanir til að geta fylgst með starfsemi ykkar.

BÓKASAFN: Laufásvegi 12 • 101 Reykjavík • Sími 515 9600 • [e-mail]

Reynsla er Þekking í Verksmiðjunni á Hjalteyri

Reynsla er Þekking
George Hollanders / Sharka Mrnakova / Birgit Ehrhardt
10. - 25. september 2011

Opnun laugardaginn 10. september kl. 14
Opið laugardaga og sunnudaga kl. 14-17 og eftir samkomulagi 892 6804

https://www.facebook.com/event.php?eid=153838708036850

Sýningin Reynsla er Þekking er lífandi og listræn framsetning sem beinir athygli að eko- og úti kennslu í leikskólum, náttúrulegum leikgörðum og áhrifum þeirra á þroska fólks - bæði andlegan og líkamlegan. Þetta er einskonar hugleiðsla um óhefðbundnar kennsluaðferðir sem byggja á "experiential learning".

Miðpunkturinn er manneskjan, skilningarvit hennar, tengslin við náttúruna, náttúrulögmál, staðbundnar atvinnugreinar, auðlindir, menningararfleifðin, samfélagið og sjalfbærir lífnaðarhættir.
Sýningin mun standa frá 10. til 25. September 2011 í Verksmiðjunni á Hjalteyri.

Náttúrulegir leikvellir er gerðir úr náttúrulegu eða endurunnu hráefni eða hlutum. Heildrænt umhverfi sem þessar leikgarðar mynda, miðar að því að örva skilningarvit barnanna og fólks og færa þau nær náttúrunni og samfélaginu sem þau búa í.

Sýningin er margþætt og er samstarfsverkefni Sharka Mrnakova, George Hollanders og Birgit Ehrhardt.

Meðal þess sem verður sýnt er:
Afrakstur af þróunarverkefni um útikennslu sem var unnið í sumar í samstarfi við leikskólann Iðavelli á Akureyri. Þar voru elstu börnin úti alla daga frá júni og fram í miðjan júli á nærliggjandi leikvelli og unnu í anda úti leikskóla. Unnið var með náttúruleg og endurunnin hráefni, menningararfleifðinna s.s. sögur og staðbundna starfshætti, skilningarvitin, náttúrulögmál og element svo eitthvað sé nefnt. Einnig var unnið með órjúfanleg tengsl manneskjunnar og náttúrunnar með því að leggja áhersla á sjálfbæra lifnaðarhætti, endurvinnslu og náttúruvernd í gegnum daglegt starf eða upplifun og fræðslu.

Sýnt verður bland af verkefnum barnanna en einnig gögnum sem leikskólakennara söfnuðu saman s.s. upptökur (hljóð og myndbönd), ljósmyndir og fleira.

Einnig verða til sýnis hönnunarferli og uppbygging í samvinnu við foreldra frá náttúralegum leikgarði sem varð til við Krílakot í sumar til að gefa innsýn í hugmyndfræði á bak við þessa tegund af leikgörðum.  
Til sýnis verða aðferðir og óhefbundnar leiðir til að endurnýta sorp eða úrgang við kennslu í leikskólum eða fræðsluaðferðir.

Ýmsar innsetningar leika sér að skilningarvitum gesta og gangandi og eru gagnvirk til að gefa dýpri innsýn í eigin reynsluheim og hugmyndafræðina á bak við náttúrulega leikgarða og "experiential learning". Einnig eru til staðar gagnvirkt vinnusvæði þar sem gestir og gangandi geta tekið þátt í og skapað sína eigin hugarsmíð.

Á sýningunni er einnig ítarleg kynning um eko- eða úti leikskóla og náttúrulega leikgarða.

Menningarráð Eyþings er stuðningsaðili sýningarinnar.

George Hollanders & Sharka Mrnakova
Nánari upplýsingar veitir George i síma 892 6804




Verksmiðjan á Hjalteyri
http://www.verksmidjan.blogspot.com
https://www.facebook.com/pages/Verksmi%C3%B0jan-%C3%A1-Hjalteyri/92671772828
https://www.facebook.com/event.php?eid=153838708036850

Starfslaun listamanna 2012 - umsóknarfrestur 3. október

 

Starfslaun listamanna

 

Umsóknarfrestur rennur út mánudaginn  3. október 2011, kl. 17.00.

Hér með eru auglýst til umsóknar starfslaun listamanna sem úthlutað verður árið 2012, í samræmi við ákvæði laga nr. 57/2009.

Starfslaun eru veitt úr sex sjóðum, þeir eru:

 

1.   launasjóður hönnuða
2.   launasjóður myndlistarmanna
3.   launasjóður rithöfunda
4.   launasjóður sviðslistafólk
5.   launasjóður tónlistarflytjenda
6.   launasjóður tónskálda

 

Auk starfslauna er sjóðunum heimilt að veita ferðastyrki.

Sækja skal um listamannalaun á vef Stjórnarráðsins, vefslóðin er: http://umsokn.stjr.is  umsóknarfrestur er til kl. 17.00, mánudaginn 3. október 2011.

 

Rafrænt umsóknareyðublað fyrir listamannalaun verður aðgengilegt innan tveggja vikna.

Fylgigögn með umsókn sem ekki er hægt að senda rafrænt skulu berast skrifstofu stjórnar listamannalauna, Hverfisgötu 54, 101 Reykjavík, fyrir  kl. 17.00, mánudaginn 3. október 2011, sé um póstsendingu að ræða gildir dagsetning póststimpils.

 

Hafi umsækjandi hlotið starfslaun áður, verður umsókn því aðeins tekin til umfjöllunar að framvinduskýrslu vegna fyrri starfslauna hafi verið skilað til stjórnar listamannalauna, sbr. ákvæði 4. gr. laga um listamannalaun nr. 57/2009.

Einungis er unnt að sækja um starfslaun fyrir sama verkefni í einn sjóð.

 

Samkvæmt 3. gr. laga nr. 57/2009 er stjórn listamannalauna heimilt að færa umsóknir á milli sjóða. Slíkt verður gert í samráði við umsækjanda.

 

Lög um listamannalaun og reglugerð er að finna á heimasíðu stjórnar listamannalauna:www.listamannalaun.is

Nánari upplýsingar veittar á skrifstofunni í síma 562 6388.

Stjórn listamannalauna 18. ágúst 2011.

GUK is BACK í Kaupamannhöfn, á Akureyri og á Selfossi

GUK is BACK
Alda Sigurðardóttir  - Hlynur Hallsson - Steinunn Helga Sigurðardóttir
02.09. - 02.10.2011

Opnun föstudaginn 2. september kl. 17 í Kaupmannahöfn og kl. 15 á Akureyri og á Selfossi.

Værelse101
Vesterbrogade 101
Copenhagen V

http://www.vaerelse101.dk
https://www.facebook.com/pages/GUK-is-BACK/236513829717905
https://www.facebook.com/event.php?eid=240947295948513
http://guk.alvara.is/cam.htm

Opnun föstudaginn 2. september kl. 15 á Íslandi:

Flóra
Kaupvangsstræti 23
600 Akureyri

Alvörubúðin
Eyravegi 3
800 Selfossi

Opnun á sama tíma á þrem stöðum, Kaupmannahöfn, Selfossi og á Akureyri og netútsending frá öllum stöðunum á slóðinni http://guk.alvara.is/cam.htm

Alda, Hlynur og Steinunn kynntust í Myndlista- og Handíðaskóla Íslands í Reykjavík þar sem voru öll í fjöltæknideild og útskrifuðust 1993. Þau fóru svo sitt í hverja áttina en héldu áfram að sýna saman og settu upp sýningar á Nýlistasafninu 1997. Árið 1999 stofnuðu þau sýningarrýmin Garður-Udhus-Küche GUK á Selfossi, í Lejre og Hannover. Síðar bættist fartölva við í hóp sýningarstaðanna. Í GUK voru haldnar 22 sýningar á 7 árum. GUK is BACK er framlenging á þessu rými og síða á facebook heldur utan um viðburðinn. https://www.facebook.com/pages/GUK-is-BACK/236513829717905

Værelse101 (Herbergi 101) sýnir samtímamyndlist og tilraunakennda myndlist. Galleríið er staðsett í miðborg Kaupmannahafnar í Vesterbrogade 101: http://www.vaerelse101.dk.

 

Muggur - auglýsir eftir umsóknum



Muggur er sjóður sem Menningarmálanefnd Reykjavíkur, Samband íslenskra myndlistarmanna og Myndstef hafa stofnað og hefur Sambandi íslenskra myndlistarmanna verið falið að annast umsýslu hans. Hlutverk sjóðsins er að styrkja myndlistarmenn til tímabundinnar dvalar erlendis vegna sýningar, vinnustofu eða annars sambærilegs myndlistarverkefnis. Með þeim hætti er sjóðnum ætlað að efla myndlistarstarf í Reykjavík og styrkja ímynd Reykjavíkurborgar sem framsækinnar menningarborgar á heimsvísu. Stofnun sjóðsins er liður í því að gera Reykjavíkurborg að vettvangi alþjóðlegra listastrauma.
 
Við bendum félagsmönnum á að hægt er að sækja um Muggs styrk fyrir gestavinnustofur SÍM í Berlín.

Umsókarfrestur er til 1. október 2011, póststimpill gildir.


Auglýst er eftir umsóknum til dvalar erlendis vegna: 


myndlistarsýningar


vinnustofudvalar / þátttöku í verkstæði


annars myndlistarverkefnis
 
Skilyrði er um að verkefnið sé sýnilegt og að það geti að mati sjóðsstjórnar styrkt ímynd Reykjavíkur sem uppsprettu fyrir öflugt og framsækið myndlistarlíf.
 
Þeir sem þegar hafa fengið úthlutað styrk úr dvalarsjóði Muggs annars vegar og ferðasjóði Muggs hins vegar þurfa að skila greinagerð áður en sótt er um aftur.

Hér með er auglýst eftir umsóknum vegna verkefna sem hefjast á tímabilinu 1. desember – 31. mars 2012. Umsóknarfrestur rennur út 1. október 2011.
 
Til að geta fengið úthlutun úr dvalarsjóði Muggs þarf umsækjandi að vera fullgildur skuldlaus félagi í SÍM og leggja fram tilskilin gögn er staðfesti boð um þátttöku í myndlistarviðburði eða úthlutun á aðstöðu til vinnu við myndlist. Ekki er veitt fé vegna dvalar í vinnustofum þegar fullir dvalarstyrkir fylgja úthlutun.



Vinsamlega athugið að dvalarstyrkir eru eingöngu veittir til einstaklinga.


Umsóknum skal fylgja ítarleg og greinargóð lýsing á verkefninu, upplýsingar um sýningu, sýningarstað, vinnustofusetur, verkstæði, ráðstefnu eða annað það sem við á hverju sinni. Einnig skal fylgja staðfesting ábyrgðarmanns verkefnisins í því landi sem það fer fram í, þ.e. sýningarstjóra, safnstjóra, galleríeiganda, forstöðumanns vinnustofuseturs, verkstæðis eða annars, allt eftir eðli verkefnisins. Dagsetningar verkefnisins verða að koma fram.
Styrkþegar undirgangast skuldbindingar gagnvart sjóðunum samkvæmt sérstökum samningum sem gerðir verða í kjölfar úthlutunar og kveður m.a. á um að styrkþegum beri að skila stuttri greinargerð um notkun styrksins.
 
Mikilvægt er að hafa umsóknina vandaða, skýra og hnitmiðaða. Lesa reglur og leiðbeiningar vel.
 
Umsóknareyðublað, stofnskrá og reglur um úthlutun er að finna á heimasíðu SÍM: http://sim.is/sim/muggur/ 



Nánari upplýsingar um Mugg eru einnig veittar á skrifstofu SÍM, [e-mail], s. 551 1346

Umsóknum skal skilað til skrifstofu SÍM fyrir 1. október 2011, póststimpill gildir.