Bloggfærslur mánaðarins, febrúar 2015

ÞRIÐJA OPNUN SALT VATN SKÆRI

10906523_680617135380544_7372179765582950373_n

Á föstudagskvöld verður þriðja opnun bókverksins og samstarfsins SALT VATN SKÆRI. Annar hluti bókarinnar heitir VATN og á föstudagskvöldinu gefst gestum kostur á að vera viðstaddir frumsýningu á nýu verki, aðeins sýnt þessa einu helgi.

Samstarfið er í raun yfirstandandi 14 vikna gjörningur sem felur í sér að lifa sig í gegnum og að túlka texta nóvellunnar í myndlistarverkum en verkefnið snýr fyrst og fremst að listrænni túlkun og þróun sögunnar.

Samstarfið hefur hingað til reynst mjög krefjandi og persónulegt viðfangsefni en Freyja og Hekla vinna meðal annars að því að kynnast og komast inn í hugarheim hvor annarrar þar sem mörkin milli þeirra eigin hversdagsleika og söguheims bókarinnar eru óskýr.

Það er á þessum mörkum sem verk þessara sýninga verða til. Öll okkar samskipti eru hluti af og mynda frumsýnt verk, annan hvern föstudag.

Að verkefninu standa Freyja Reynisdóttir og Hekla Björt Helgadóttir, en þær búa og starfa saman að SALT VATN SKÆRI í Kaupvangsstræti 23 í Listagilinu á Akureyri.

Föstudagskvöldið 27. febrúar.
Húsið opnar klukkan 20:00 og verður opið til 23:30.

Allir eru hjartanlega velkomnir!

Facebook event: https://www.facebook.com/events/654185244686255

www.salt-water-scissors.com
http://salt-water-scissors.com/freyja
http://salt-water-scissors.com/hekla


Arnar Ómarsson opnar í vestursal Listasafnsins á Akureyri

Arnar_MSSS

Laugardaginn 28. febrúar kl. 15 verður opnuð í vestursal Listasafnsins á Akureyri sýning Arnars Ómarssonar, MSSS.

MSSS (Mega Space Super Station) er upplifunarinnsetning þar sem listamaðurinn leikur sér á mörkum skáldskapar og vísinda. Á sýningunni fjallar Arnar um samskipti tölvunnar við menn og horfir sérstaklega til mennskrar hliðar tölvunnar. Sú iðja kveikti áhuga hans á framtíðarspám og tengslunum milli vísindaskáldskapar og geimvísinda. Þar liggur mikil og heillandi óvissa um framtíðina. Hvernig hefur vísindaskáldskapur breytt viðhorfi okkar til vísinda? Eru vísindaframfarir að einhverju leyti byggðar á vísindaskáldskap? Þetta viðfangsefni er stútfullt af myndlíkingum, fallegu myndmáli og byggir á ríkri spádómsmenningu sem teygir sig árhundruð aftur í tímann.

Arnar Ómarsson hefur starfað sem listamaður í Danmörku og á Íslandi frá því hann lauk námi í London 2011. Hann notar eðli mannsins sem viðfangsefni og vinnur með samband hans við umhverfið í ýmsum myndum. Hann er annar skipuleggjenda Reita á Siglufirði og rekur gestavinnustofu í Danmörku.

MSSS lýkur 8. mars og er síðasta sýningin í röð 8 vikulangra sýninga í vestursal Listasafnsins sem hófst 10. janúar síðastliðinn. Habby Osk, Brenton Alexander Smith, Jóna Hlíf Halldórsdóttir, Kristján Pétur Sigurðsson, Thora Karlsdottir og Joris Rademaker hafa þegar sýnt og nú stendur yfir sýning Lárusar H. List, Álfareiðin. Lokunarteiti MSSS fer fram laugardaginn 7. mars kl. 15.

http://www.listak.is

https://www.facebook.com/events/1574949969418806


Guðmundur Heiðar með Þriðjudagsfyrirlestur: Á dauðans tími að vera óviss?

large_ghf

Þriðjudaginn 24. febrúar kl. 17 heldur heimspekingurinn Guðmundur Heiðar Frímannsson fyrirlestur í Listasafninu á Akureyri, Ketilhúsi undir yfirskriftinni Á dauðans tími að vera óviss?

Á fyrirlestrinum skoðar Guðmundur Heiðar stöðu líknardráps og reynir að svara því hvort við eigum að geta ráðið dauðastund okkar sjálf. Hvaða rök hníga til þess og hvað mælir gegn því? Reynt verður að rökstyðja þá skoðun að við vissar kringumstæður kunni það að vera siðferðilega réttlætanlegt að stytta líf sitt og fá aðstoð til þess.

Guðmundur Heiðar Frímannsson er prófessor í heimspeki við Háskólann á Akureyri. Hann lauk doktorsprófi í siðfræði frá Háskólanum í St. Andrews í Skotlandi.

Þetta er sjötti Þriðjudagsfyrirlestur ársins og sem fyrr fara þeir fram í Listasafninu á Akureyri, Ketilhúsi á hverjum þriðjudegi kl. 17. Aðgangur er ókeypis.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Aðrir fyrirlesarar vetrarins eru Elísabet Ásgrímsdóttir, Katrín Erna Gunnarsdóttir, María Rut Dýrfjörð, Jón Páll Eyjólfsson og Hildur Friðriksdóttir.

https://www.facebook.com/events/414270212068620

http://www.listak.is


Pi Bartholdy opnar ljósmyndasýningu í Deiglunni

k1_o


Pi Bartholdy opnar ljósmyndasýningu í Deiglunni í Listagilinu á Akureyri laugardaginn 21. febrúar kl. 14:00. Sýningin ber titilinn "Harbinger".
Pi er gestalistamaður febrúarmánaðar í gestavinnustofu Gilfélagsins. 
Sýningin verður opin laugardaginn 21. febrúar og sunnudaginn 22. febrúar frá 14-17.

Hún segir sjálf:
"On Gilfelag residency I started a new photographic project with the theme being the big nature seen and felt from the perspective of the human. Working with images where the great nature is overwhelming and everything can be heard in the silence between the small towns. Digging into a mysterious universe where something can be hiding in shadows and corners.
Using the melancholy that it brings, the surrealism and the darkness. The feeling of standing alone in it and being a part of it."

https://www.facebook.com/events/879203205488705


Jonna opnar sýninguna "Strange fruit" í Flóru

10931208_924720657559030_4642865253700270368_n

Jónborg (Jonna) Sigurðardóttir        
Strange fruit
21. febrúar - 13. mars 2015
Opnun laugardaginn 21. febrúar kl. 14
Flóra, Hafnarstræti 90, 600 Akureyri, s. 6610168

http://floraflora.is
https://www.facebook.com/flora.akureyri
https://www.facebook.com/events/625705467559801

Laugardaginn 21. febrúar kl. 14 opnar Jonna, Jónborg Sigurðardóttir sýninguna “Strange fruit” í Flóru á Akureyri.

Jonna er fædd árið 1966 og útskrifaðist úr málunardeild Myndlistarskólans á Akureyri vorið 1995. Myndlist Jonnu spanar vítt svið frá málverki til innsetninga.

Í ár eru 100 ár frá því að konur á Íslandi fengu kosningarétt, og er Strange fruit tilvitnun í það óréttlæti og vanvirðingu sem konur máttu þola. Víða um heim eru konur enn réttindalausar og búa við ofríki karla.
Ég þakka fyrir að vera kona á Íslandi. Til hamingju með 100 ára réttlæti.
Strange fruit eru hekluð verk máluð með akrýllitum hengd á viskastykkjatré með útsaumi.

Sýningin er öllum opin á opnunartíma Flóru fimmtudaga kl. 11-18, föstudaga kl. 11-16 og laugardaga kl. 11-14. Sýningin stendur til föstudagsins 13. mars 2015.
Nánari upplýsingar veitir Kristín Þóra Kjartansdóttir í síma 661 0168 og Jónborg Sigurðardóttir í síma 848 8490.


Flóra er verslun og viðburðastaður með vinnustofum sem Kristín Þóra Kjartansdóttur félagsfræðingur rekur. Áherslan er á nýtingu, endurnýtingu, náttúrutengsl og verkmenningu. Menningardagskrá Flóru hlaut styrk úr Menningarsjóði Akureyrar.


Úlfhildur Dagsdóttir með fyrirlestur í Alþýðuhúsinu á Siglufirði

10982307_10203825121165246_1824379019349937354_n

Laugardaginn 21. feb. kl. 20.00 verður Úlfhildur Dagsdóttir með fyrirlestur í Alþýðuhúsinu á Siglufirði undir yfirskriftinni

Vampýrur: kjaftur og klær

 
Í næstum því tvær aldir hefur vampýran notið ódauðlegra vinsælda í skáldskap og kvikmyndum. Ímynd hennar hefur þó tekið miklum breytingum, svo og hugmyndir okkar um vampýrur. Lengi vel var greifinn Drakúla þekktasta vampýran, en skáldsagan um hann kom fyrst út árið 1897. Ég ætla að leggja áherslu á Drakúla og fjalla sérstaklega um hvernig hann hefur birst í kvikmyndum. Sýnd verða brot úr nokkrum þekktum Drakúla-myndum, með áherslu á Nosferatu (1922), Dracula (1931) og Bram Stoker’s Dracula (1992).

mailto:varulfur@centrum.is
garmur.is/varulfur

Fólk er hvatt til að draga fram Vampýruna í sér og mæta í búningi.

Enginn aðgangseyrir, en tekið á móti frjálsum framlögum.  Allir velkomnir.

Fjallabyggð, Menningarráð Eyþings og Fiskbúð Siglufjarðar eru stuðningsaðilar Alþýðuhússins.

Nánari upplýsingar hjá Aðalheiði í síma 865-5091


Lárus H. List sýnir í vestursal Listasafnsins á Akureyri

10847686_895270437161466_5370769283481055095_o

Laugardaginn 21. febrúar kl. 15 verður opnuð í vestursal Listasafnsins á Akureyri sýning Lárusar H. List, Álfareiðin. Samskipti manna við álfa og huldufólk eru listamanninum hugleikin á sýningunni. Huldufólk býr í klettum eða steinum og iðkar búskap sinn líkt og mennirnir. Háskalegt er jafnan að styggja álfa en sé þeim gerður greiði eru ríkuleg laun vís.

Sýningin verður opin sunnudag, þriðjudag, miðvikudag og fimmtudag kl. 12-17. Henni lýkur formlega fimmtudaginn 26. febrúar kl. 15 með lokunarteiti.

Lárus H. List hefur haldið yfir 20 einkasýningar og tekið þátt í fjölmörgum samsýningum á Íslandi og erlendis. Lárus vinnur aðallega með olíu og akríl á striga en einnig í önnur form eins og ljósmyndir, ritlist, videolist og hljóðlist. Hann hefur einnig samið klassískar tónsmíðar og gefið út skáldsögur.

Sýningin er hluti af röð 8 vikulangra sýninga sem hófst 10. janúar og mun standa til 8. mars. Habby Osk, Brenton Alexander Smith, Jóna Hlíf Halldórsdóttir, Kristján Pétur Sigurðsson og Thora Karlsdottir hafa þegar sýnt og nú stendur yfir sýning Jorisar Rademaker, Hreyfing. Sýningaröðinni lýkur með sýningu Arnars Ómarssonar MSSS sem opnar laugardaginn 28. febrúar kl. 15.

https://www.facebook.com/events/775353242531431

http://www.listak.is

https://www.facebook.com/listasafnid.akureyri

https://twitter.com/AkureyriArt

http://instagram.com/listak.is

 


Sara Cuzco í Listasalnum Braga

10993433_603314789770689_8063751107564683878_n

Laugardaginn 21. febrúar opnar Listasalurinn Bragi dyr sýnar frá klukkan 15:00 - 18:00. Undanfarnar vikur hefur Sara Cuzco unnið að spennandi innsetningu þar sem umfjöllunarefnið er meðal annars sjálfsmyndir og hugmyndir okkar um fólk við fyrstu kynni. 

Sara útskrifaðist frá Sjónlistarbraut Myndlistarskólans í Reykjavík vorið 2014 og hún vinnur með ýmsa miðla, til dæmis ljósmyndir og texta. 

Sýningin er einungis opin þennan eina dag og því er um að gera að láta sjá sig. Minnum einnig á sýningu Lárus H List í Listasafnið Á Akureyri sem opnar á sama tíma. Tilvalið að skella sér á menningarrölt á laugardaginn.

https://www.facebook.com/events/751558211618606

Listasalurinn Bragi, Rósenborg, 3. hæð, Skólastígur 2, 600 Akureyri


Nanna Lind opnar ljósmyndasýningu í Sal Myndlistarfélagsins

10982333_10153092756509839_6625851540358025898_o
 
Nanna Lind opnar ljósmyndasýninguna "Sjálfsmynd" í Sal Myndlistarfélagsins, Listagilinu, Kaupvangsstræti 10, laugardaginn 21. febrúar 2015, kl. 15:00 - 18:00. 
 

https://www.facebook.com/events/373754896139985


Helga Sigríður Valdemarsdóttir opnar sýningu í Mjólkurbúðinni

untitled

Helga Sigríður Valdemarsdóttir opnar einkasýninguna Shakti í Mjólkurbúðinni Listagili á laugardaginn 21.febrúar kl. 14.

Helga Sigríður um sýninguna:

 Orðið shakti vísar til frumsköpunarorku alheimsins. Orðið kemur úr
 Sanskrít og er dregið af orðinu shak sem þýðir " að geta". Sanskrít er
 ævaforn helg indversk mállýska. Shakti er lýst sem guðlegum
 sköpunarkrafti. Þegar shakti persónugerist birtist orkan sem hin guðlega
 móðir sem hefur mátt til að koma jafnvægi á allt sem er. Shakti er að
 baki allri hreyfingu og umbreytingu í alheiminum. Án shakti væri allt
 stopp. Shakti gerir lífi fært að koma inn í þennan heim og er að baki
 öllu sem blómstrar á jörðu.

Myndlistasýningin Shakti stendur til 1.mars og er opin laugardaga og sunnudaga kl. 14-17.
Allir velkomnir



Helga Sigríður Valdemarsdóttir helgasigridur@internet.is
Mjólkurbúðin s. 8957173
https://www.facebook.com/groups/289504904444621


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband