Hanna Hlíf Bjarnadóttir, Dögg Stefánsdóttir og Jóna Hlíf Halldórsdóttir sýna í GalleríBOXi

Hanna Hlíf Bjarnadóttir, Dögg Stefánsdóttir og Jóna Hlíf Halldórsdóttir
stofnuðu BOXið 16. mars 2005. Nú er tími til þess að kveðja og þær vilja
bjóða öllum sem hafa komið og átt gleðilegar stundir í BOXinu að gleðjast með
þeim og sjá brot af list þeirra.

Opnaði sýning í galleríBOXi nú sal Myndlistarfélagsins í tilefni þessa laugardaginn 14. mars kl. og  stendur til sunnudagsins 29. mars.

Dögg Stefánsdóttir(1978) býr og starfar á Akureyri. Hún útskrifaðist með Diploma frá Myndlistarskólanum á Akureyri árið 2006.  Dögg sýnir málverkið  STREYMI.

Hanna Hlíf Bjarnadóttir er fædd í Reykjavík 1. nóvember 1965,  fór 17 ára til London og lærði þar snyrtifræði, var við nám í Húsgagnasmíði í Iðnskólanum í Reykjavík og lauk síðan diploma  hjá Myndlistarskólanum á Akureyri árið 2006.  Sýnir hún verkið FYRIR/EFTIR sem eru útsaumuð textaverk og notar þar gamalt handverk með nýjum tón.

Jóna Hlíf Halldórsdóttir(1978) er fædd í Reykjavík en býr og starfar á Akureyri. Hún útskrifaðist með Diploma frá Myndlistarskólanum á Akureyri árið 2005 og með Mastersgráðu í myndlist frá Glasgow School of Art árið 2007.
Á sýningunni mun Jóna Hlíf vera með bókverkið HÉR og veggspjaldið THINK DIFFERENT til sölu.
Einnig mun Jóna sýna innsetningu sem er á tilraunastigi og málverk.

GalleríBOX er opið laugardaga og sunnudaga milli kl. 14:00 til 17:00.

Eiríkur Arnar opnar einkasýningu í Jónas Viðar Gallery

Laugardaginn 14. mars kl. 15 opnar Eiríkur Arnar einkasýningu í Jónas
Viðar Gallery í Listagilinu á Akureyri.

þér og þínum er boðið á opnun

Eiríkur Arnar Magnússon
f. 08.05.1975
Grenivöllum 12, 600 Akureyri
Netfang: [e-mail]
Sími: 695 2227, 461 1562
Er með vinnustofu í Listagili, Kaupvangsstræti 12.

Námsferill
2008 - 2009 Myndlistaskóli Akureyrar, listhönnunardeild.
2004 - 2007 Listaháskóli Íslands, myndlistadeild.
2006            Listaháskóli Eistlands Tallinn.
2006            Kuno Express námskeið, Muhu-eyja, Eistlandi.
2003 - 2004 Myndlistaskóli Akureyrar, 1. ár fagurlistadeildar.
2004                 Listamiðstöð Akureyrar, námskeið.
2002 - 2003 Myndlistaskóli Akureyrar, fornám.
1998 - 1999 Fjölbrautaskólinn í Breiðholti, Listnámsbraut
1996 - 1997 Iðnskólinn í Reykjavík, Iðnhönnunarbraut

Sýningar
2009 einkasýning, Jónas Viðar gallery,
2009 Kappar og ofurhetjur ­ félagasýning
2007 útskriftarsýning Listaháskóla Íslands
2006 samsýning, Viana do Costello, Portugal
2006 samsýning, Gallery Gyllinhæð, Reykjavík
2005 einkasýning, Café Karólína, Akureyri
2003 samsýning, Deiglan, Akureyri
2003 og 2004, vorsýningar myndlistaskóla Akureyrar

Annað
2005 Aðstoðarmaður listamanns, Listahátíð Reykjavíkur, Gabriel Kuri,
Suggestion for taxationscheme.
2006 Aðstoðarmaður listamanns, Sense in Place' Site-ations', Sarah Browne,
A Model Society.

Verðlaun og styrkir
2006 1. verðlaun, málverkasamkeppni, III Bienal Internacional “Artes da
Raya” Casa do Curro Moncao, Portugal.
2006 Erasmus, styrkur.
2006 Kuno Express, styrkur

“EKKI ÁN” Yst í Ketilhúsinu 14. – 30. mars 2009

Verkin eru unnin undangengin fimm ár og tengjast öll vatni á einn eða annan hátt og tjá um leið ákveðna tilfinningu, sem stundum er tæpt á í titlinum. Um getur verið að ræða persónulega sammannlega tilfinningu svo sem umhyggju - yfir í hreina speglun á samfélagslegri skoðun t.d. kaldhæðni og litrófið allt þar á milli. Verkin eru misstór gólf-, vegg-, og loft-verk ásamt einu hljóð-verki.

Þetta er 11. einkasýning Ystar, sem er sálfræðingur og fagurlista-verka-kona og lauk 2ja ára MFA námi sínu frá Newcastle University á Bretlandi  í september síðastliðnum. Hún verður til staðar á sýningunni á opnunardaginn og miðvikudaginn 18. mars. 

“EKKI ÁN”
Yst
í Ketilhúsinu á Akureyri
14. – 30. mars 2009

yst.is

 

Inga Björk Harðardóttir opnar sýninguna “Réttir” á Café Karólínu laugardaginn 7. mars

Inga Björk Harðardóttir opnar sýninguna “Réttir” á Café Karólínu laugardaginn 7. mars 2009 klukkan 15.

Inga Björk segir um sýninguna: “Réttir eru viðfangsefni mitt að þessu sinni. Þær eru fallegar sérstaklega þessar gömlu. Samspil ljóss og skugga gefur mikla möguleika til leikja á striganum og ég kaus að fara mjög frjálslega með þær sem myndefni. Réttir eru líka stór hluti af menningu okkar þær eru fagnaðarfundir dýra og manna. Gömlu réttirnar eru uppfullar af minningum liðinna daga. Sýningin samanstendur af 7 olíumyndum sem eiga það sameiginlegt að túlka réttir en ekki allar á sama hátt eða sama tíma.”
Þetta er þriðja einkasýning Ingu Bjarkar en hún hefur tekið þátt í átta samsýningum. Hún útskrifaðist árið 2008 frá Myndlistaskólanum á Akureyri en áður hafði hún útskrifast sem Gullsmiður og starfað um árabil.
Sýningin á Kaffi Karólínu stendur til 03.04.09. Allir eru velkomnir á opnun.

Nánari upplýsingar veitir Inga Björk í síma 862 1094 og í tölvupósti ingabh(hjá)simnet.is                                                               

Næstu sýningar á Café Karólínu:
04.04.09 - 01.05.09    Helga Sigríður Valdemarsdóttir
02.05.09 - 05.06.09    Hertha Richardt
06.06.09 - 03.07.09    Georg Óskar Manúelsson
04.07.09 - 31.07.09    Lind Völundardóttir
01.08.09 - 04.09.09    Þórgunnur Oddsdóttir
Umsjónarmaður sýninganna er Hlynur Hallsson

 

Inga Björk Harðardóttir

Réttir

07.03.09 - 03.04.09
 

Café Karólína // Kaupvangsstræti 23 // IS 600 Akureyri // 4612755

 

Akane Kimbara gestalistamaður Gilfélagsins í febrúar

AKANE KIMBARA; Kynning/Introduction

Akane Kimbara er gestalistamaður Gilfélagsins í febrúar. Akane býr og
starfar í Þýskalandi en er upprunalega frá Japan. Hún hefur lagt nám
á myndlist bæði í Tokyo, Japan og Hamborg, Þýskalandi.

,,Nýlega fannst forn beinagrind af kvenmanni í Japan. Nánari skoðun
sýndi að konan hafði verið uppi fyrir 15.000 árum, og þjáðist af
lömun og þá væntanlega frá barnsaldri. Þrátt fyrir það lifði hún til
21 árs aldurs, sem þýðir að annað fólk hefur hugsað um hana allt
hennar líf. Þess konar ummönnun ber vott um mjög svo þróaða manngæsku
í jafnvel svo fornu samfélagi. Ég las þetta einhversstaðar og er
heilluð af því.
Ég held að mannleg samúð og greind hafi verið sú sama þá og hún er nú.
Þörf þeirra hefur einungis breyst. Það breytir engu hvað þú hugsar eða
gerir, hver ásetningur þinn er. Hvað hvetur þig, hvernig þú hegðar
þér, hver tilfinningaleg viðbrögð þín eru, þetta hefur ekkert breyst í
raun undanfarin 10.000 ár.

Í verkum mínum vil ég sýna fólk sem var uppi fyrir 15.000 árum. Ég vil
sjá viðbrögð þeirra. Ég ímynda mér að þau gætu skilið verk mín á sama
hátt og nútímamanneskjan myndi skilja þau."
-Akane Kimbara




Akane Kimbara is the guest artist of the Gil society in February.
Akane lives and works in Germany, but is originally from Japan. She
has studied art both in Tokyo, Japan and Hamburg, Germany.

"Recently, an ancient female skeleton was found in Japan. The
examination showed that the woman had lived at least 15.000 years ago,
and she suffered from infantile paralysis. But still she lived to the
age of 21, which means that other people took care of her for all her
life. This kind of care testifies to the already high level of humane
development of this ancient society. I read about this somewhere and I
am fascinated by it.
I think that human compassion and intellect have been basically the
same then as they are now. Just the necessities have changed. It
doesn't matter what you think or do, what intensions you have. What
motivates you, how you act, and what your emotional reactions are,
this hasn't changed essentially in the last couple of 10.000 years.

I have the wish to show my work to the people who lived 15.000 years
ago. I would like to see their reactions. I imagine they could
undestand my work in the same way as a viewer today."
-Akane Kimbara

Uppákoma í Listasafninu á Akureyri

Næstkomandi laugardag eða þann 7. febrúar kl. 20.30 mun hópur um 58   
listamanna frá yfir 20 löndum kynna verk sín í Listasafninu á Akureyri.
Þessi hópur samanstendur af starfandi listamönnum sem eru um þessar  
mundir í mastersnámi við Rijksakademie í Hollandi og er ferðin til  
Íslands til þess gerð að verða fyrir áhrifum af nýju og spennandi  
umhverfi jafnframt því að hitta íslenska listamenn í óformlegu spjalli.

Rijksakademie er stofnun sem gefur listamönnum kost á að starfa í 2 ár  
við bestu mögulegu aðstæður með aðgengi að reyndari listamönnum frá  
alþjóða listumhverfinu. Rijks er skrautfjöður listastofnana í Hollandi  
en þangað berast árlega 16-1700 umsóknir allstaðar að úr heiminum, í  
dag eru þar listamenn frá 25 löndum og meðalaldur er 30 ár.

Hvetjum við alla starfandi listamenn á Akureyri sem og alla sem áhuga  
hafa á listum til þess að líta við í safninu á laugardaginn.
Aðgangur ókeypis

Kær kveðja


  LISTASAFNIÐ Á AKUREYRI
  AKUREYRI ART MUSEUM

Arnar Sigurðsson opnar sýninguna “Kóngur um kóng” á Café Karólínu

Arnar Sigurðsson opnar sýninguna "Kóngur um kóng" á Café Karólínu laugardaginn 7. Febrúar 2009 klukkan15.

Sýnd verða 14 ný spreyverk en þetta er önnur einkasýning Arnars.

Arnar lauk Grafískri hönnun frá Myndlistaskólanum á Akureyri árið 2002.

Nú rekur hann og vinnur sem Grafískur hönnuður á Geimstofuni hönnunarhúsi ásamt öðrum.

Allir eru velkomnir á opnun sýningarinnar.

Sýningin stendur til föstudagsins 6. mars 2009.

Nánari upplýsingar veitir Arnar í síma 899 2295.

 

Arnar Sigurðsson

Kóngur um kóng

07.02.09 - 06.03.09

Café Karólína // Kaupvangsstræti 23 // IS 600 Akureyri // 4612755

Næstu sýningar á Café Karólínu:
07.03.09 - 03.04.09    Inga Björk Harðardóttir
04.04.09 - 01.05.09    Helga Sigríður Valdemarsdóttir
02.05.09 - 05.06.09    Hertha Richardt
06.06.09 - 03.07.09    Georg Óskar Manúelsson
04.07.09 - 31.07.09    Lind Völundardóttir
01.08.09 - 04.09.09    Þórgunnur Oddsdóttir

Umsjónarmaður sýninganna er Hlynur Hallsson

Anna Sigríður Sigurjónsdóttir opnar myndlistarsýningu í Galleri+

Anna Sigríður Sigurjónsdóttir, myndhöggvari, opnar myndlistarsýningu í Galleri+, Brekkugötu 35 á Akureyri, laugardaginn 31.janúar kl. 16.00 Sýningin ber yfirskriftina "Með tvær hendur tómar" og er innsetning í þremur rýmum gallerísins. Opnunartími gallerí+ er um helgar frá kl. 14-17.00 og aðra daga eftir samkomulagi við eigendurna, Joris og Pálínu, í síma 462 7818. Sýningunni lýkur 16. febrúar.
Anna Sigríður útskrifaðist úr MHÍ 1985 og fór í framhaldsnám í myndmótunardeild AKI listaakademíunnar í Enschede í Hollandi til 1989. Anna Sigríður hefur verið starfandi listamaður síðan og sýnt víða.

Nýtt verk á VeggVerki og opnunarveisla í GalleríBOXi

VeggVerk
Strandgötu 17

STYRKUR
24.01 - 07.03.2009

Níu manna hópur úr listhönnunardeild Myndlistarskólans á Akureyri
sýnir veggverkið Styrkur. Verkið er þrívíddarverk með skírskotun í
tölvuleikinn vinsæla Super Mario Bros.

Sveppurinn í tölvuleiknum, sem verkið byggist á,  gefur einmitt
leikendum aukinn styrk, og þaðan er nafn verksins runnið.

Markmiðið með verkinu er að skapa eitthvað myndrænt og táknrænt sem
jafnframt á skírskotun í nútímann. Með verkinu viljum við líka gefa
þeim sem þess njóta aukinn styrk á þessum erfiðu tímum sem nú eru
uppi.

Opnunarpartý í tilefni af sýningu verksins verður haldið í Gallerí
Boxi, Kaupvangsstræti 10, laugardaginn 24. janúar kl. 20.00. Allir
VELKOMNIR.


Hópurinn:

Aldís María Valdimarsdóttir
Ásta Rut Björnsdóttir
Berglind H Helgadóttir
Dagrún Íris Sigmundsdóttir
Guðrún Huld Gunnarsdóttir
Helgi Vilberg Helgason
Karen Lind Árnadóttir
Sindri Smárason
Unnur Jónsdóttir

www.veggverk.org
Verkefnastjóri: Jóna Hlíf Halldórsdóttir
Sími: 6630545

Nes listamiðstöð - Laust í febrúar og mars 2009 með styrk

 

Vegna forfalla eru nú laus pláss í Nesi listamiðstöð á Skagaströnd í
febrúar og mars 2009.Með húsnæðinu fylgir einnig vinnustofupláss í
vinnustofum Ness. Að öllu jöfnu þarf að greiða fyrir dvöl í
listamiðstöðinni en vegna styrks frá Menningarráði Norðurlands-vestra
gefst íslenskum listamönnum nú kostur á að dvelja endurgjaldslaust í Nesi.
Í staðinn skilji umsækjendur eitthvað eftir sig í bæjarfélaginu sem gæti
talist samsvara styrknum.  Það má vera upplestur, listsýning
myndlistarsýning, leiklestur, vinna með íbúum bæjarins eða hvað það sem
listamaðurinn kærir sig um.

Umsóknareyðublöð og nánari upplýsingar er að finna á www.neslist.is
og skulu þær sendast á [e-mail]. Fyrirspurnum er svarað á
[e-mail] eða í síma 864 0053.

Kveðja
Hrafnhildur Sigurðardóttir
Verkefnisstjóri
Nes Listamiðstöð
545 Skagaströnd