Evudætur í Listasafninu á Akureyri

EVUDÆTUR

TÓTA, TOBBA OG HRAFNHILDUR

Laugardaginn 24. október kl. 15 verður sýningin Evudætur opnuð í Listasafninu á Akureyri, en hér eru á ferðinni þær stöllur Þórunn Elísabet Sveinsdóttir (Tóta), Þorbjörg Halldórsdóttir (Tobba) og Hrafnhildur Arnardóttir. Þessar vinkonur unnu allar um skeið hjá Fríðu frænku þar sem gamlir hlutir ganga í endurnýjum lífdaga og andi hins liðna svífur yfir vötnum. Þær eiga einnig sameiginlegt að vinna með fundna hluti og alls konar lífræn og ólífræn efni og aðferðir.

Þórunn Elísabet Sveinsdóttir (f. 1952) hefur starfað innan leikhússins í hartnær 30 ár og getið sér gott orð fyrir búningahönnun og sviðsmyndir. Þórunn útskrifaðist frá Myndlista- og handíðaskóla Íslands í frjálsri myndlist 1982 en fljótlega eftir að námi lauk tók hún að sér verkefni fyrir leikhúsin. Meðfram fjölbreyttu og krefjandi starfi í leikhúsunum hefur Þórunn unnið að myndlist og haldið einkasýningar ásamt því að taka þátt í ýmsum samsýningum. Fyrsta einkasýning hennar var í gamla Nýlistasafninu vorið 1982. Árið 2001hélt Gerðuberg henni Sjónþing þar sem farið var yfir feril hennar að viðstöddu fjölmenni og sýndi hún þar um leið nýjustu verk sín. Tilfinning og efnismeðferð í myndlist Þórunnar hefur í öllum sínum fjölbreytileika og litadýrð lengst af verið nátengd ástríðu hennar fyrir búningum; áhugi hennar á íslenskri þjóðmenningu hefur einnig verið mikill áhrifavaldur í verkum hennar. Að undanförnu hafa ný efni og önnur sjónarhorn í verkum hennar brotið þann ramma.

Hrafnhildur Arnardóttir (f. 1969) útskrifaðist með MFA-gráðu frá School of Visual Arts í New York árið 1996, þar sem hún hefur búið og starfað allar götur síðan. Listamannsnafn hennar er Shoplifter. Í verkum sínum tekst hún á við fyrirbæri eins og hégóma, sjálfsmynd, fegurð og tísku og kemur með margvíslegum hætti inn á þráhyggju og blæti, afsprengi nútímalifnaðarhátta. Tilraunir Hrafnhildar hafa mótast af straumum alþjóðlegrar myndlistar sem og afþreyingarmenningu, tískuiðnaði, dægurlagakúltúr, leikhúsi og fjölmiðlum. Verk hennar eru samofin gjörningum á ýmsa vegu þar sem hún leikur sér oft með freistingar ofgnóttarinnar. Á undanförnum árum hefur hún unnið mikið með gervihár og náttúrulegt hár og búið til skúlptúra og veggmyndir, sem minna á klifurplöntur á húsgöflum, svo úr verður skreytikennd fegurð sem býr jafnframt yfir ógnvekjandi draugalegum áhrifum. Í verkum sínum glímir Hrafnhildur við sögu þessarar hárugu þráhyggju okkar og hvernig sköpun með hana heldur áfram að birtast í menningu samtímans þar sem tilhugsunin um „slæman hárdag“ (e. bad hair day) vokir yfir okkur eins og bölvun.

Þorbjörg Halldórsdóttir (f. 1968) útskrifaðist frá Menntaskólanum að Laugarvatni 1988. Tveimur árum síðar hélt hún á vegum skiptinemasamtakanna A.U.S til Mexíkó þar sem hún dvaldi næstu tólf mánuði og stundaði tónlistarnám og starfaði sem músiktherapisti. 1993 urðu tímamót í hennar lífi þegar hún kynntist Önnu í versluninni Fríðu frænku þar sem hún starfaði á árunum 1994-2002. Nokkru síðar var stefnan tekin norður til Akureyrar og árið 2004 opnaði hún sjálf, ásamt Guðrúnu Jónsdóttur, búðina Frúin í Hamborg. Það má segja að í gegnum búðina hafi hún þróað sína myndlist. Þorbjörg vinnur mest með innsetningar og gjörninga og þá gjarnan í samvinnu við aðra listamenn. Í Frúnni í Hamborg hannar og saumar Tobba púða, töskur, hálskraga, hárspangir, kjóla og margt fleira undir merkinu „Frúin í Ham“.

Í grein sem Sjón skrifaði í tilefni sýningarinnar segir m.a.: „Það var í svörtum flauelspúða, stungnum með samlitum glersteinum; það var í jörpum, snúnum hárlokki sem bundinn var saman með fölnandi appelsínugulum silkiborða; það var í eldhússvuntu, svo bættri með grænum, rauðum, bláum og gulum bótum að engin leið var að sjá að eitt sinn var hún hvít. Flauelið í einu horni púðans tók að hnoðrast líkt og krafsað væri í það með langri nögl. Eitt hár lokksins tók að vaxa, að spinna sig frá hinum í silkihaftinu, og reyndist hrokkið. Einn saumanna sem hélt fastri bót á vinstra brjósti svuntunnar tók að rekja sig upp, að lengjast og vinda sig niður á gólfið. Og þannig gekk á með kvisi, hvísli og hvískri uns flauelshnoðrinn, hárið staka og saumþráðurinn höfðu magnast svo að stærð og gerð – hnoðri dafnað, hár þykknað, þráður hlaðist upp – að hvert fyrir sig myndaði að lokum fullvaxna og einstaka konu.“

Sýningarstjóri er Hannes Sigurðsson. Rithöfundurinn Sjón skrifar smásögu í sýningarskrána sem er hönnuð af Kviku ehf. Sýningin stendur til 13. desember. Nánari upplýsingar veitir Hannes Sigurðsson, forstöðumaður Listasafnsins á Akureyri, í síma: 461-2610 / 899-3386. Netfang: [e-mail].

Listasafnið á Akureyri er opið alla daga nema mánudaga frá kl. 12-17. Ókeypis aðgangur í boði Akureyrarbæjar.

 
 LISTASAFNIÐ Á AKUREYRI
 AKUREYRI ART MUSEUM

Möguleg fjármögnun til menningarstarfs

Möguleg fjármögnun til menningarstarfs
Kynning á Akureyri

Skipuleggjandi: Norræna upplýsingaskrifstofan á Akureyri

Flestir þeir sem vinna með menningartengd verkefni þurfa að sækja um styrki til fjármögnunar þeirra.  Til hvaða verkefna, frá hverjum og hvernig er hægt að fá styrki?

Á kynningunni verður lögð sérstök áhersla á Norræna menningarsjóðinn.  Markmið sjóðsins er að efla norrænt menningarsamstarf og er starfssviðið breitt, nær til lista- og menningarsviðsins, jafnt fagfólks sem leikmanna.

Einnig verður farið verður farið yfir aðra sjóði tengda norrænu menningarsamstarfi

Dagskrá

13.00 – 16:00 
Kynntar verða nýjar áherslur Norræna menningarsjóðsins sem taka gildi
                        1. janúar 2010
                       
Kynnt verða sérstök verkefni Norræna menningarsjóðsins
                       
                        Umsóknareyðublað sjóðsins verður skoðað og við förum yfir mikilvæg atriði varðandi umsóknir til sjóðsins.

                        Umsækjandi segir frá reynslu sinni af umsóknarferlinu.

                        Aðrir norrænir sjóðir kynntir.
                       
                        Kaffi, spurningar og umræður

Um kynningu sjá: Stefán Baldursson óperustjóri og stjórnarmeðlimur Norræna menningarsjóðsins, María Jónsdóttir forstöðumaður Norrænu upplýsingaskrifstofunnar og George Hollanders listamaður.                 

Tími og staður

Kynningin verður haldin í Ketilhúsinu á Akureyri föstud. 16. okt. 2009 kl. 13:00 – 16:00 og er þátttakendum að kostnaðarlausu.

Skráningar í síðasta lagi  13. okt. 2009, kl. 12:00  hjá Maríu Jónsdóttur Norrænu upplýsingaskrifstofunni.   Tölvupóstfang [e-mail].  Heimasíða skrifstofunnar er www.akmennt.is/nu

María Jónsdóttir


Forstöðumaður Norrænu upplýsingaskrifstofunnar


Leder Nordisk informationkontor 


Netfang/e-post: [e-mail]


hjemmeside: www.akmennt.is/nu



Norræna upplýsingaskrifstofan/Nordisk informationkontor


Kaupvangsstræti 23


600 Akureyri


Island.


Sími: 462 7000

Fax: [phone]

Bryndís Kondrup opnar sýningu á Café Karólínu

 

Bryndís Kondrup

Staðsetningar

03.10.09 - 06.11.09

 

Café Karólína // Kaupvangsstræti 23 // IS 600 Akureyri // 4612755

 

Bryndís Kondrup opnar sýninguna “Staðsetningar” á Café Karólínu laugardaginn 3. október klukkan 15.

 

Sýningin Staðsetningar samanstendur af málverkum, landakortum og trjágreinum.

Þetta eru hugleiðingar um staði og staðsetningar, hvar erum við stödd í tíma og rúmi eða hvar vildum við vera stödd?

 

Bryndís Kondrup er menntuð við Myndlista- og handíðaskóla Íslands, Skolen for Brugskunst og myndlistadeild Dansk Lærerhöjskole í Kaupmannahöfn, listfræði við Háskóla Íslands og Listaháskóla Íslands.

Bryndís hefur haldið hátt á annan tug einkasýninga og tekið þátt í fjölda samsýninga hér á landi og erlendis.

  

Meðfylgjandi mynd er af einu verka Bryndísar.

 

Nánari upplýsingar veitir Bryndís í síma 866 7754 eða tölvupósti: [e-mail]

 

Næstu sýningar á Café Karólínu:

07.11.09 - 04.12.09                   Bergþór Morthens                 

05.12.09 - 01.01.10                   Sveinbjörg Ásgeirsdóttir

Ólöf Björg Björnsdóttir opnar sýninguna “Visas” á Café Karólínu

Ólöf Björg Björnsdóttir

Visas

05.09.09 - 02.10.09

Café Karólína // Kaupvangsstræti 23 // IS 600 Akureyri // 4612755

Ólöf Björg Björnsdóttir opnar sýninguna “Visas” á Café Karólínu laugardaginn 5. september klukkan 15.

Ólöf Björg útskrifaðist frá Listaháskóla Íslands árið 2001 með málun sem aðalgrein og vorið 2007 lauk hún kennaranámi frá sama skóla. Einnig lærði hún myndlist við háskólann í Granada á Spáni, dvaldi á textílverkstæði Ami Ann og lærði hjá meistara An Ho Bum í Seoul í Kóreu 1994-1995.

Ólöf Björg hefur verið virk í myndlistinni frá útskrift, haldið einkasýningar og tekið þátt í fjölda samsýninga og uppákomum ýmiskonar m.a. Sequenses árið 2007 og afmælissýningu Hafnarfjarðar í Hafnarborg árið 2008, var með skápainnsetningar í tilefni af Björtum dögum árið 2009 á eigin heimili svo eitthvað sé nefnt.

Málverk Ólafar Bjargar eru í senn kaótísk og nákvæm og eru litrík og flæðandi í víðum skilningi. Hún notar gjarnan aðra miðla líka og hafa innsetningar hennar haft á að skipa lifandi dýrum, dúnsængum, leikföngum, ilmi og mörgu fleiru. Verk Ólafar Bjargar eru fersk og tilfinningarík og er í þeim fólginn mikill sköpunarkraftur. Heimasíða hennar er: http://www.olofbjorg.is

Meðfylgjandi mynd er af einu verka Ólafar Bjargar.

Nánari upplýsingar veitir Ólöf Björg í síma 868 8098 eða tölvupósti: olofbjorg(hjá)olofbjorg.is

Næstu sýningar á Café Karólínu:
03.10.09 - 06.11.09    Bryndís Kondrup     
07.11.09 - 04.12.09    Bergþór Morthens   
05.12.09 - 01.01.10    Sveinbjörg Ásgeirsdóttir

Varp Haraldar Jónssonar í Gallerí Víð8ttu601

Laugardaginn 29. ágúst var verkið VARP eftir Harald Jónsson myndlistarmann
afhjúpað hjá Gallerí Víð8ttu601 í hólmanum í Leirutjörn á Akureyri.
Innsetningin sem unnin er í nánu samstarfi við aðstandendur
sýningarstaðarins vísar í margar áttir samtímis,verkið er í senn heimsendir
eða neyðarmerki yfir á íslenska meginlandi en er líka stækkunargler og
fylgja sem kom til þegar Drottningarbrautin,sem kennd er við dönsku krúnuna,
var lögð á sínum tíma og myndar leiðin þannig áþreifanlegan naflastreng út á
flugvöll og yfir til okkar fyrri nýlenduherra.
Haraldur Jónsson nam myndlist í Aix en Provence í Frakklandi, í
Myndlistaskólanum í Reykjavík, MHÍ, við Kunstakademíuna í Düsseldorf í
Þýskalandi og Institut des Hautes Etudes en Arts Plastiques í París,
Frakklandi. Verk hans eru í eigu helstu safna landsins og eru reglulega til
sýnis víðs vegar um heim.

Haraldur Jónsson sýnir í Gallerí Víð8ttu601

Laugardaginn 29. ágúst kl.17:00 verður verkið Varp eftir Harald Jónsson myndlistarmann afhjúpað í hólmanum í Leirutjörn við Drottningarbraut á Akureyri. Innsetningin sem unnin er í nánu samstarfi við aðstandendur Víð8ttu vísar í margar áttir samtímis, verkið er í senn heimsendir eða neyðarmerki yfir á íslenska meginlandið en það er sömuleiðis stækkunargler og fylgja sem kom til þegar Drottningarbrautin, sem kennd er við dönsku krúnuna, var lögð á sínum tíma og myndar verkið þannig áþreifanlegan naflastreng út á flugvöll og yfir til okkar fyrri nýlenduherra.

Haraldur Jónsson nam myndlist í Aix en Provence í Frakklandi, í Myndlistaskólanum í Reykjavík, MHÍ, við Kunstakademíuna í Düsseldorf í Þýskalandi og Institut des Hautes Etudes en Arts Plastiques í París, Frakklandi. Verk hans eru í eigu helstu safna landsins og eru reglulega til sýnis víðs vegar um heim.

Þetta er síðasta sýningin sem Gallerí Víð8tta601 setur upp í hólmanum í Leirutjörn en Víð8tta bindur sig ekki við almenn sýningarrými heldur finnur sér stað úti í náttúrunni eða í byggingum sem ekki hafa verið notaðar sem sýningarstaðir áður.

Upplýsingar um verkið veitir Haraldur Jónsson:  860 8468

Upplýsingar um Gallerí Víð8ttu601: Steini eða Dísa  846 1314

Edda Þórey Kristfinnsdóttir opnar sýningu í DaLí Gallery

Edda Þórey Kristfinnsdóttir opnar myndlistasýninguna Vistaskipti í DaLí
Gallery á Akureyri, laugardaginn 15. Ágúst kl. 15-17.
Sýning Eddu Þóreyjar Vistaskipti fjallar um hið eilífa ferðalag okkar
mannfólksins, vist á ólíkum stöðum og mismunandi áhrif umhverfis þeirra og fl.
Edda Þórey lærði hönnun í Iðnskólanum í Hafnarfirði, stundaði myndlistanám
í Myndlistaskóla Reykjavíkur, Myndlista og Handíðaskóla íslands og
útskrifaðist frá Myndlistaskólanum á Akureyri 2004. Edda Þórey er með
vinnustofu að Korpúlfsstöðum, er félagi í SÍM - Sambandi íslenskra
myndlistamanna, Gilfélaginu á Akureyri og í Myndstef.

Edda Þórey Kristfinnsdóttir um Vistaskipti:

Já
Mitt í hamingjunni
Blikka viðvörunarljós
Óreiða, skelfing , hrun
Gulir, rauðir, grænir, bláir
Englar himins gráta
Já
Mitt í hamingjunni


Vistaskipti er uppspretta verka minna.   Við mannfólkið erum á eilífu
ferðalagi.  Hús úr húsi, sveit úr sveit, borg úr borg, land úr landi, úr
einni vist í aðra.   Vistin getur verið frá því að vera góð til þess að
vera nöturleg.   Við ráðum ekki alltaf för.      Umhverfi,  innlendar og
erlendar fréttir hafa áhrif á mig, móta hugsanir mínar og  halda mér við
gerð verkanna.

Sýning Eddu Þóreyjar í DaLí Gallery stendur fram yfir Akureyrarvöku,
menningarvöku Akureyrarbæjar þann 29. Ágúst. DaLí gallery er opið
laugardaga og sunnudaga kl. 14-17 og á Akureyrarvöku kl.14-17 og 20-00.
Allir velkomnir
www.daligallery.blogspot.com

Þórgunnur Oddsdóttir opnar sýningu á Café Karólínu

Þórgunnur Oddsdóttir

Íslensk landafræði

01.08.09 - 04.09.09

Café Karólína // Kaupvangsstræti 23 // IS 600 Akureyri // 4612755

Þórgunnur Oddsdóttir opnar sýninguna “íslensk landafræði” á Café Karólínu laugardaginn 1. ágúst klukkan 15.

Þórgunnur er Eyfirðingur, fædd árið 1981. Hún stundar nám við Listaháskóla Íslands og hefur meðfram námi starfað sem blaðamaður og pistlahöfundur á Fréttablaðinu og nú síðast sem fréttamaður á RÚV.

Sýningin Íslensk landafræði er óður til gömlu landslagsmálaranna sem lögðu grunn að íslenskri myndlistarsögu og áttu með verkum sínum þátt í að vekja þjóðerniskennd í brjóstum landsmanna. Fjallið upphafna er á sínum stað, líkt og í verkum meistaranna, en þetta eru hvorki Hekla né Herðubreið heldur óárennilegir fjallgarðar sniðnir eftir línuritum yfir gengisþróun, úrvalsvísitölu, verðbólgu og tap. Landslagið sem tekið hefur við.


Nám

2007 -  Listaháskóli Íslands, myndlistardeild
2006 – Kunstskolen Spektrum, Kaupmannahöfn
2003 – 2006 Háskóli Íslands, BA-próf í íslensku og fjölmiðlafræði
2002 – 2003 Myndlistarskólinn á Akureyri, fornámsdeild
1997 – 2001 Menntaskólinn á Akureyri, stúdentspróf

Meðfylgjandi mynd er af einu verka Þórgunnar.

Nánari upplýsingar veitir Þórgunnur í síma 820 8188 eða tölvupósti: [e-mail]

Næstu sýningar á Café Karólínu:
05.09.09 - 02.10.09    Ólöf Björg Björnsdóttir
03.10.09 - 06.11.09    Bryndís Kondrup     
07.11.09 - 04.12.09    Bergþór Morthens   
05.12.09 - 01.01.10    Sveinbjörg Ásgeirsdóttir

Umsjónarmaður sýninganna er Hlynur Hallsson

Dagrún Matthíasdóttir sýnir í DaLí Gallery

Dagrún Matthíasdóttir opnar sýninguna TRÉ í DaLí Gallery laugardaginn 11. júlí kl. 14-17. Þar vinnur Dagrún í rými gallerísins og geri tréð að umfjöllunarefni. Merking trés getur verið mjög fjölbreytt og táknmyndir þess margar og er sú tálsýn að peningar vaxi á trjánum  mjög heillandi.

Dagrún Matthíasdóttir er útskrifuð frá Myndlistaskólanum á Akureyri og er í námi við Háskólann á Akureyri í Nútímafræði og kennslufræðum til réttinda. Hún er annar eigandi DaLí Gallery og er félagi í samsýningarhópnum Grálist og Myndlistafélaginu.

Sýningin í DaLí Gallery stendur til 19. júlí.

www.dagrunmatt.blogspot.com

www.gralist.wordpress.com

 

 

Kær kveðja
Dagrún og Lína í DaLí Gallery
8957173 / 8697872
Brekkugata 9, 600 Akureyri
http://daligallery.blogspot.com/
opið lau-sun kl.14-17 í sumar

Lind Völundardóttir opnar sýningu á Café Karólínu

Lind Völundardóttir

Bleikt með loftbólum

04.07.09 - 31.07.09

Café Karólína // Kaupvangsstræti 23 // IS 600 Akureyri 

Lind Völundardóttir opnar sýninguna “ Bleikt með loftbólum “ á Café Karólínu 4. júlí 2009
Kl.15

Lind er Reykvíkingur fædd 1955 í Þingholtunum og er 101 í húð og hár.

Lind er kjólameistari, myndlista-og textílkona og hefur verið svo lánsöm að geta framfleytt sér á kunnáttu sinni með iðkun og kennslu.

Verkin sem hér hanga eru hluti af stærra verki þar sem myndlist og textíl skarast. Verkið er unnið út frá ferli í litun á textíl. Litunarferlið byrjar á því að vatnið er látið renna og litnum er blandað í vatnið. Myndirnar eru teknar þegar þetta er að gerast. Í þessu tilfelli var litað silki og fékk það svona gamaldags móskulegan laxableikan lit. Loftbólurnar urðu til þegar vatnið streymdi af krafti úr krananum.


Menntun

2007 - 2009 University of Iceland, Diploma, Teachers certificate.
2006-2007   The Reykjavík Technical Collage, Certificate as a master craftsman in tailoring.
1994 - 1996 St. Joost Academy, Breda, Postgraduade  Visual Art
1993 - 1994 The Royal Academy of Art in The Hague, Department of Sculpture.
1987 - 1989 The Icelandic Academy of Arts and Crafts, BFA, Department of New Art.
1985 - 1986 The Reykjavik ,Chollage, of Visual Art, Drawing .
1980 - 1984 The Reykjavik Technical Collage, Journeyman's examination in tailoring.


Sýningar

2009 Artótek Reykjavík, Iceland. Photographs
2008 Gallery Ráðhús Reykjavíkur, Iceland. Photographs
2007 Ljósmyndasafn Reykjavíkur, Iceland. Photographs
2007 Lucent,  Den Haag, The Netherlands. Photographs
2006 Kaffi Mokka, Reykjavík, Iceland. Photographs
2005 Gallery Zoet, Den Haag, The Netherlands.  Textile and clothing.
2004 Gallery Red Hot, Den Haag, The Netherlands. Textile and clothing.
2003 Wandering Library, Markers lV in Venice, Unecko   National Italia, Comition, Roadshow. Italy, Germany, Franc, Mixed media
1999 Quartair Contemporary Art Initiatives, Den Haag, The Netherlands,Mixed media
1997 Gallery Keller, Den Haag, The Netherlands. Mixed media
1997 Nýlistasafnið, Reykjavik, Iceland. Mixed media
1996 The Artgive Den Haag, The Netherlands.Photographs
1996 Kunstraum Wohn Raum, Hannover, Duitsland, Mixed media.
1996 Gallery Litter, Den Haag, The Netherlands. Mixed media
1995 Gallery Sævar Karl, Reykjavík, Iceland. Mixed media
1995 Nýlistasafnið, Reykjavík, Iceland. Mixed media
1994 Gallery Sævar Karl, Reykjavík, Iceland.
1994 Quartair Contemporary Art Initiatives, Den Haag, The Netherlands. Mixed media
1993 “22”  Reykjavík, Iceland. Photographs.
1992 Hlaðvarpinn, Reykjavík, Iceland. Photographs.
1991 Image Photogallery, Arhus, Denmark. Photographs.


Nánari upplýsingar veitir Lind í tölvupósti [e-mail]

Næstu sýningar á Café Karólínu:
01.08.09 - 04.09.09 Þórgunnur Oddsdóttir
05.09.09 - 02.10.09 Ólöf Björg Björnsdóttir

Umsjónarmaður sýninganna er Hlynur Hallsson