Joan Jonas og Ásdís Sif Gunnarsdóttir opna í Listasafninu á Akureyri

Laugardaginn 29. október kl. 15 verða tvær sýningar opnaðar í Listasafninu á Akureyri; sýning Ásdísar Sifjar Gunnarsdóttur, Sýn í þokunni, og sýning bandarísku listakonunnar Joan Jonas, Eldur og saga, 1985 / Volcano Saga, 1985.

Joan Jonas (f. 1936) er frumkvöðull á sviði vídeó- og gjörningalistar og einn þekktasti myndlistarmaður samtímans. Hún starfar enn ötullega að sköpun nýrra verka, nú um fimmtíu árum eftir að hún hóf að sýna verk sín í heimaborginni New York í Bandaríkjunum. Jonas hefur haft víðtæk áhrif á samferðamenn sína, verk hennar hafa verið sýnd í helstu listasöfnum heims og hún hlotið fjölda viðurkenninga og verðlauna. Hún starfar sem prófessor við MIT; Massachussets Institute of Technology, og hefur kennt þar frá árinu 1998. Joan Jonas var fulltrúi Bandaríkjanna á Feneyjatvíæringnum árið 2015.

Joan Jonas kom til Íslands á níunda áratug liðinnar aldar og skilaði áhrifunum af þeirri heimsókn í verkinu Volcano Saga, frásagnarmyndbandi þar sem Tilda Swinton fer með hlutverk Guðrúnar Ósvífursdóttur í heitri laug umluktri hrjóstrugu eldfjallalandslagi. Þessi nána vísun í Laxdælu og drauma Guðrúnar, sem rekur sig eftir verkinu eins og rauður þráður, var forleikur að frekari verkum Jonas byggðum á íslenskum bókmenntum, fornum og nýjum.

Íslandstengd verk Joan Jonas eru nú sýnd í fyrsta sinn á Íslandi. Verkið Reanimation er sýnt í Listasafni Íslands og verkið Volcano Saga er sýnt í Listasafninu á Akureyri. Sýningarnar eru unnar í samstarfi Listasafns Íslands og Listasafnsins á Akureyri. Sérstakir styrktaraðilar eru Safnráð og sendiráð Bandaríkjanna á Íslandi.

Listamannaspjall með Joan Jonas:
Þriðjudaginn 25. október kl. 12.30 verður listamannaspjall með Joan Jonas í Listaháskóla Íslands Laugarnesi. Aðgangur er ókeypis.
Sunnudaginn 30. október kl. 15 verður listamannaspjall með Joan Jonas í Listasafninu á Akureyri. Aðgangur er ókeypis.

Ásdís Sif Gunnarsdóttir (1976) hefur vakið athygli fyrir vídeó innsetningar, ljósmyndaverk og gjörninga. Auk þess að sýna á Íslandi hefur hún sýnt víða erlendis, tekið þátt í fjölda samsýninga og unnið vídeóverk á internetinu. Það er því engin tilviljun að hún setji upp sýningu á nýjum verkum í Listasafninu á Akureyri á sama tíma og Joan Jonas. Líkt og í verkum Jonas er sterkur kvenlegur undirtónn í verkum Ásdísar Sifjar sem oft er settur fram á ljóðrænan hátt og af tilfinninganæmi. Frásagnir, lífsreynsla og ferðalög konu eru í forgrunni.

Ásdís Sif útskrifaðist með BFA-gráðu frá School of Visual Arts í New York árið 2000 og MA-gráðu frá University of California í Los Angeles 2004. Hún heldur Þriðjudagsfyrirlestur í Listasafninu, Ketilhúsi, þriðjudaginn 25. október kl. 17-17.40, undir yfirskriftinni Innsetningar og útsetningar í rauntíma, úti og inni og í gegnum net. Ókeypis aðgangur.

Sýningarstjóri sýninganna tveggja í Listasafninu á Akureyri er Hlynur Hallsson og þær standa báðar til 8. janúar 2017. Opnunartími er þriðjudaga - sunnudaga kl. 12-17. Leiðsögn um sýningar Listasafnsins er alla fimmtudaga kl. 12.15-12.45. Ókeypis aðgangur.

https://www.facebook.com/events/322471614794623

https://www.facebook.com/events/1797318790551368

listak.is

 

Ásdís Sif Gunnarsdóttir með Þriðjudagsfyrirlestur í Listasafninu á Akureyri

Þriðjudaginn 25. október kl. 17-17.40 heldur myndlistarkonan Ásdís Sif Gunnarsdóttir Þriðjudagsfyrirlestur í Listasafninu á Akureyri, Ketilhúsi undir yfirskriftinni Innsetningar og útsetningar í rauntíma, úti og inni og í gegnum net. Í fyrirlestrinum fjallar hún um nýlegar vídeó innsetningar sínar, hugmyndafræðina sem býr að baki og hvaða vinnuaðferðum hún beitir. Aðgangur er ókeypis.

Ásdís Sif útskrifaðist með BFA-gráðu frá School of Visual Arts í New York árið 2000 og MA-gráðu frá University of California í Los Angeles 2004. Hún hefur vakið athygli fyrir vídeó-innsetningar, ljósmyndaverk og gjörninga. Auk þess að sýna á Íslandi hefur hún sýnt víða erlendis, tekið þátt í fjölda samsýninga og unnið vídeóverk á internetinu. Ásdís Sif opnar sýninguna Sýn í þokunni í Listasafninu laugardaginn 29. október kl. 15.

Fyrirlestraröðin er samvinnuverkefni Listasafnsins á Akureyri, Gilfélagsins, Verkmenntaskólans á Akureyri, Myndlistarfélagsins og Háskólans á Akureyri og er öllum opin. Á meðal annarra fyrirlesara vetrarins eru Almar Alfreðsson, vöruhönnuður, Pamela Swainson, myndlistarkona, Gústav Geir Bollason, myndlistarmaður og Lárus H. List, formaður Myndlistarfélagsins.

listak.is

HAM-MAN í Kaktus

Loksins! Loksins! Á laugardaginn verður frumsýnt tónlistarmyndbandi HAM-MAN í Kaktus kl. 21:15! HAM-MAN varð til á síðasta degi RóTar 2016. Myndbandið verður sýnt á heila tímanum til miðnættis - svo verður öllum hent út. Dans og glaumur.

Fyrir myndir af ferlinu:
http://www.rot-project.com/d.-7--2016

///

Finally!! This saturday we will premier the infamous HAM-MAN music video in Kaktus, Akureyri. HAM-MAN was created on the last day of RóT 2016. The video will be showed every hour on the hour untill midnight - then you have to leave ok bæ. Dancing and joy..

Photos and info:
http://www.rot-project.com/d.-7--2016

https://www.facebook.com/events/1118056381580911

ART AK, gallerý og vinnustofur myndlistarmanna opnar með sýningunni KAOS

OPNUN-OPNUN-OPNUN-NÝTT-NÝTT-NÝTT-FRÉTTIR!
ART AK, gallerý og vinnustofur myndlistarmanna.
Opnar með myndlistarsýningunni "KAOS"
kl. 13:00 laugardaginn 22. okt.
Léttar veitingar í boði.
Allir hjartanlega velkomnir

ART AK, Strandgata 53, 600 Akureyri

https://www.facebook.com/art.akureyri.iceland/

Myndlistamennirnir sem sýna eru:
Aðalsteinn Þórsson
Ásta Bára Pétursdóttir
Brynhildur Kristinsdóttir
Dagrún Matthíasdóttir
Elísabet Ásgrímsdóttir
Guðbjörg Ringsted
Guðmundur Ármann Sigurjónsson
Heiðdís Hólm
Hrefna Harðardóttir
Hrönn Einarsdóttir
James Earl
Jónborg Sigurðardóttir
Jónína Björg Helgadóttir
Magnús Helgason
Ólafur Sveinsson
Thora Karlsdottir

https://www.facebook.com/events/984495751676722

Þórgunnur Oddsdóttir sýnir Fundin fjöll í Mjólkurbúðinni

Fundin fjöll – tilraunastofa í landslagsmálun
 
Laugardaginn 15. október kl. 14:00 opnar Þórgunnur Oddsdóttir myndlistarsýninguna Fundin fjöll – tilraunastofa í landslagsmálun í Mjólkurbúðinni í Listagilinu á Akureyri.
 
Þórgunnur vinnur oft með fundna hluti í verkum sínum og leikur sér að því að setja þá í nýtt samhengi. Á sýningunni í Mjólkurbúðinni eru gamlar og flagnaðar málningaflyksur útgangspunkturinn en Þórgunnur notar liti þeirra og form sem innblástur að landslagsmálverkum.
 
Opnunin á laugardaginn markar í raun upphaf vikulangs gjörnings því Þórgunnur hefur sett upp vinnustofu í galleríinu og hyggst vinna að verkunum á staðnum. Afrakstur vinnunnar verður sýndur dagana 22. og 23. október.
 
Þórgunnur lauk BA námi í myndlist frá Listaháskóla Íslands árið 2010. Hún starfar sem dagskrárgerðarmaður hjá RÚV á Akureyri.
 
Nánari upplýsingar um sýninguna veitir Þórgunnur í síma: 820 8188.
www.thorgunnur.info

https://www.facebook.com/events/340692342948460

Þórgunnur Þórsdóttir og Sara Sigurðardóttir sýna í Kaktus

Fimmtudaginn 27. október kl. 20:00 opna listakvendin Þórgunnur Þórsdóttir og Sara Sigurðardóttir sýninguna: Órói, í Kaktus, Akureyri. Opnunin stendur yfir í fjóra tíma, með tilheyrandi veigum og fatamarkaði. Plötusnúðurinn Vélarnar - hirðsnúður Eyjafjarðar - tryllir lýðinn.
Sýningin verður opin sem hér segir :
[fim] 27. okt: 20:00 - 24:00
[fös] 28. okt: 14:00 - 22:00
[lau] 29. okt: 14:00 - 22:00
Þórgunnur Þórsdóttir (f. 1991) og Sara Sigurðardóttir (f. 1993) útskrifuðust báðar með Diplómu frá Teiknideild ‘Myndlistaskólans í Reykjavík’ og síðar meir með BA í Myndlist frá ‘University of Cumbria, Institude of the Arts’. Órói er þeirra önnur samsýning, en hér gefst fólki færi á að sjá - í fyrsta sinn á Íslandi - brot af þeim verkum sem unnin voru í Englandi á árunum 2014-16.
Til sýnis verða ljósmyndir, teikningar, málverk og skúlptúrverk. Þó að framsetningin sé formföst einkennir þyngdarleysi og leikgleði verkin. Tvær ólíkar raddir leitast við að finna sína tíðni í heimi sem er álíka súr og límónudjús. Í nær barnslegu sakleysi varpa þær fram hugmyndum um stöðu mannverunnar, og tvískiptingu tilverunnar á landamærum draums og vöku.
Glaumur, gleði, undrun og útúrsnúningar.
Hlökkum til að sjá sem flesta.

[English]
You are cordially invited to the opening of the exhibition ‘Órói’, in Kaktus art space, on the 27th og October. The Opening starts at 8 pm and continues until midnight. There will be some free drinks, a pop up market, and music played by the one and only: DJ Vélarnar.
The opening hours are as follows:
[Thu] 27. okt: 20:00 - 24:00
[Fri] 28. okt: 14:00 - 22:00
[Sat] 29. okt: 14:00 - 22:00
Þórgunnur Þórsdóttir (born 1991) and Sara Sigurðardóttir (born 1993) both studied drawing at Reykjavík School of the Arts before graduating with BA (hons) in Fine Art from the University of Cumbria, Institute of the Arts. Órói is their second collaborative exhibition, showcasing, -for the first time in Iceland-, a selection of works made during their time in the UK 2014 - 16.
On display are photographs, drawings, paintings and sculpture. The work is playful and vibrant. Two different minds seek to find meaning and boundaries in a world that seems abstract and sometimes absurd. The focal point is the figure that tries to deal with her reality.
We look forward to seeing you!

https://www.facebook.com/events/282521825474675

Ragnheiður Harpa Leifsdóttir með Þriðjudagsfyrirlestur í Listasafninu

Þriðjudaginn 11. október kl. 17-17.40 heldur Ragnheiður Harpa Leifsdóttir, sviðshöfundur, Þriðjudagsfyrirlestur í Listasafninu á Akureyri, Ketilhúsi, undir yfirskriftinni „Þetta er allt eins og klukknahljómur úr djúpinu“. Í fyrirlestrinum fjallar hún um tilurð verka sinna og veitir innsýn í starfsaðferðir sínar sem sviðshöfundur og lýsir hugmyndafræðinni að baki þeim. Einnig mun hún ræða um sína áhrifavalda og það sem henni þykir nauðsynlegt í sköpun. Aðgangur er ókeypis.

Ragnheiður Harpa lauk B.A. námi úr Listaháskóla Íslands 2011 og lagði stund á sambærilegt nám í University of Dartington 2010. Hún hefur starfað á ýmsum sviðum leikhúss og myndlistar, samið, sett upp og tekið þátt í fjölda gjörninga, leiksýninga og innsetninga bæði á Íslandi og erlendis. Af verkum hennar má nefna Söng kranans, sem tilnefnt var til Grímunnar 2016, Skínöldu, samstöðugjörning með ljósi fyrir UN Women, og Flugrákir: „… og veröldin var sungin fram“, lokaverk Listahátíðar 2014. Ragnheiður Harpa stundar nú framhaldsnám í ritlist við Háskóla Íslands. Hún hefur skrifað útvarpsleikrit, gefið út smásögur og vinnur nú að ljóðahandriti sem verður frumflutt á ljóðahátíð í Istanbúl í haust.

Fyrirlestraröðin er samvinnuverkefni Listasafnsins á Akureyri, Gilfélagsins, Verkmenntaskólans á Akureyri, Myndlistarfélagsins og Háskólans á Akureyri og er öllum opin. Á meðal annarra fyrirlesara vetrarins eru Margrét Elísabet Ólafsdóttir, listfræðingur, Ásdís Sif Gunnarsdóttir, myndlistarkona, Almar Alfreðsson, vöruhönnuður, Pamela Swainson, myndlistarkona, Gústav Geir Bollason, myndlistarmaður og Lárus H. List, formaður Myndlistarfélagsins.

Ljósmyndabók um Kjólagjörninginn

Í tilefni af sýningu Thoru Karlsdottur, Kjólagjörningur, í Listasafninu á Akureyri, Ketilhúsi verður ljósmyndabók hennar og Björns Jónssonar gefin út 12. nóvember. Á sýningunni má sjá afrakstur níu mánaða kjólagjörnings Thoru sem stóð yfir frá mars til desember 2015 þar sem hún klæddi sig í nýjan kjól á hverjum morgni og klæddist kjól til allra verka. Á meðan á gjörningnum stóð tók Björn daglega ljósmyndir af Thoru. Hann átti stóran þátt í ferlinu; hafði áhrif og kom með hugmyndir varðandi staðsetningu og vinnslu myndanna. 

Á vefsíðu Karolina Fund stendur yfir hópfjármögnun þar sem hægt er að kaupa bókina fyrirfram. HÉR má sjá frekari upplýsingar: https://www.karolinafund.com/project/view/1516

Cistam sýnir á Bókasafni Háskólans á Akureyri

Cistam er listamannsnafn James Earl Ero Cisneros Tamidles, sem er 25 ára gamall listamaður og parkourþjálfari á Akureyri. Hann er fæddur á Filippseyjum en flutti hingað til lands með móður sinni þegar hann var 6 ára og hefur búið hér síðan. Hann gekk fyrst í Hrafnagilsskóla, síðan í Oddeyrarskóla og lauk svo stúdentsprófi frá MA 2011. Hann stundaði jafnframt nám í Myndlistaskólanum á Akureyri og brautskráðist úr fagurlistadeild 2015.

Cistam hefur vinnustofu á þriðju hæð í Rósenborg, var áður á efstu hæð Listasafnsins. Hann hefur tekið þátt í mörgum sýningum og átt verk víða. Hann gerði spreylistaverk í Gilinu á Akureyrarvöku 2014 og hélt þá líka einkasýningu í MA. Hann hefur einnig átt vegglistaverk á Hjalteyri og sýndi ásamt Jónínu Björgu Helgadóttur í MA 2015. Þá tók hann þátt í samsýningunni Sköpun bernskunnar 2016. Þá er ótalið að hann hefur leyft teikniáráttunni að blómstra við að gera skopmyndir í útskriftarbækur framhaldsskólanna, Carminu og Minervu, á árunum 2010-2016.

Samhliða listinni hefur James lagt mikla áherslu á hreyfingu á borð við parkour og segir þá  íþróttaiðkun hafa verið sér mikill innblástur ásamt tölvuleikjum, teiknimyndum og myndasögum.
Í þessari sýningu er hann að prófa sig áfram með olíumálningu og viðfangið hans eru norðurljósin. Hann málar landslag eftir ljósmynd og norðurljósin sjálf eftir upplifun, þar sem þau eru síbreytileg á næturhimninum.

Sýningin stendur til 31. október 2016 og er opin á opnunartímum bókasafnsins, mánudaga, miðvikudaga og föstudaga kl. 8:00 – 16:00 og þriðjudaga og fimmtudaga kl. 8:00 – 18:00. Lokað um helgar.

Ljósmyndamessa í Deiglunni

Helgina 8. - 9. október fer fram ljósmyndamessa í Deiglunni.
Þar verða til sýnis ljósmyndir eftir norðlenskt listafólk, bæði sem stundar iðju sína af áhuga og eldmóði eða starfar við ljósmyndun á einn eða annan hátt.

Sýningarstjóri er Daníel Starrason
Sýningin er opin kl 14 - 17 á laugardag og sunnudag
Allir eru velkomnir.
Þátttakendur:
Daníel Starrason
Eyþór Ingi Jónsson
Linda Ólafsdóttir
Völundur Jónsson
Margrét Elfa Jónsdóttir
Agnes Heiða Skúladóttir
Rolf Birgir Hannén
Elver Freyr Pálsson

Ljósmyndamessan er á vegum Gilfélagsins og er styrkt af Uppbyggingarsjóði Norðurlands Eystra og Akureyrarstofu.

https://www.facebook.com/events/1201630156561972

Dr. Thomas Brewer með Þriðjudagsfyrirlestur í Listasafninu á Akureyri

Þriðjudaginn 4. október kl. 17 heldur Dr. Thomas Brewer, myndlistarmaður og prófessor í listum, Þriðjudagsfyrirlestur í Listasafninu, Ketilhúsi, undir yfirskriftinni The Significance of Art in Our Education. Í fyrirlestrinum, sem fer fram á ensku, fjallar hann m.a. um hvernig list og menntun geta haft áhrif á lífið. Brewer mun rekja persónulega sögu sína, ásamt listrænni og faglegri þróun sem hefur leitt hann til Akureyrar í fimmta sinn. Aðgangur er ókeypis.

Dr. Thomas Brewer er með B.A. gráðu í listum og keramík frá Southern Illinois University Carbondale (1973), M.A. gráðu í listum frá University of Illinois Urbana-Champaign (1985) og Ph.D. gráðu í listum frá Florida State University (1989). Hann hefur kennt listir og listnám á háskólastigi undanfarin 34 ár.

Brewer opnaði sýninguna "Adjust <X> Seek (Con’t)" í Mjólkurbúðinni í Listagilinu á Akureyri 1. október og hefur dvalið í gestavinnustofu Gilfélagsins síðan í byrjun september. Þetta er hans fyrsta sýning á Íslandi. Í mörgum verka hans er leikur að orðum og aðstæðum í lífinu, með keim af kímni og kaldhæðni.

Fyrirlestraröðin er samvinnuverkefni Listasafnsins á Akureyri, Gilfélagsins, Verkmenntaskólans á Akureyri, Myndlistarfélagsins og Háskólans á Akureyri og er öllum opin. Á meðal annarra fyrirlesara vetrarins eru Ragnheiður Harpa Leifsdóttir, listakona, Margrét Elísabet Ólafsdóttir, listfræðingur, Ásdís Sif Gunnarsdóttir, myndlistarkona, Almar Alfreðsson, vöruhönnuður, Pamela Swainson, myndlistarkona, Gústav Geir Bollason, myndlistarmaður, Lárus H. List, formaður Myndlistarfélagsins.

listak.is

REITIR hefja hópfjáröflun

REITIR hefja hópfjáröflun: Safna fyrir útgáfu af bók

Síðan 2012 hafa REITIR árlega boðið um 25 manns alls staðar að úr heiminum, til Siglufjarðar til að taka þátt í tveggja vikna tilraunakenndri smiðju sem fjallar um samstarf, staðarvitund, þverfagleg verkfæri og félagslega þátttöku og virkni í almenningsrýminu. Þátttakendur REITA koma víða að og búa að fjölbreytni starfsreynslu og sérfærni. Þau þróa saman hugmyndir sem eiga uppruna sinn úr nærumhverfinu. Markmið REITA er að vera virkur og áhrifamikill hluti af menningarlandslagi og uppbyggingu Siglufjarðar og skapa traustan grunn að skapandi samstarfi með nýnæmi og gagnrýna hugsun að leiðarljósi.

Fólkið á bakvið REITI eru nú langt komin með bók sem greinir og miðlar hugmyndafræði smiðjunnar á 350 blaðsíðum. Bókin er innihaldsríkur leiðarvísir að menningartengdu frumkvöðlastarfi og innblástur fyrir alla áhugasama lausnamiðað skapandi starf. Þau eru í raun að kryfja verkefnið, sem fyrsta síns eðlis á íslandi og gera öðrum kleift að nýta sér aðferðafræði og hugmyndir sem er beitt.

Þau hófu hópfjáröflun á Karolina fund í gær, en það er mikilvægt fyrir REITIR að nota hópfjármögnunarmiðla frekar en útgáfufyrirtæki, því það sýnir vel hvað ferlið &#39;frá hugmynd að veruleika&#39; er aðgengilegt öllum; ferli sem er unnið mikið með í smiðjunni.

Bókin er væntanleg síðar á árinu og verður útgáfa og sýning í Listasafninu á Akureyri 17. desember 2016.


Endilega skoðaðu meira um smiðjuna hér: www.reitir.com

og fylgist með gang mála á á facebook.com/reitir og á Karolina Fund (https://www.karolinafund.com/project/view/1527)

Thomas Brewer opnar sýningu í Mjólkurbúðinni

Dr. Thomas Brewer opnar sýninguna "Adjust <X> Seek (Con’t)" í Mjólkurbúðinni í Listagilinu á Akureyri laugardaginn 1.október kl. 14-17.

Sýningin "Adjust <X> Seek (Con’t)" samanstendur af 17 verkum Dr. Thomas Brewer og þar af eru tvö ný verk unnin núna í september, í dvöl hans í gestavinnustofu Gilfélagsins. Á sýningunni eru líka fjórar útprentaðar ljósmyndir í A2 stærð sem kynna vinnu hans með byggingar í klippimyndum og blandaðri tækni síðustu 10 árin. Myndbandsverkið “Life’s Loop” sýnir svo sögu Brewer og keramik verk hans.

Verkin hans í klippimyndum og blandaðri tækni innihalda sjálfsævisögulegan grunn, útlista okkar stað í veröldinni, málefni lista og menntunar og áhrif fjölmiðla sem og tækni og þróunar. Í mörgum verka hans er leikur að orðum og aðstæðum í lífinu, með keim af kímni og kaldhæðni.

Dr. Thomas Brewer er staddur í fimmta skiptið á Akureyri. Árið 2013 kom hann á vegum Fulbright og starfaði í Háskólanum á Akureyri en í dag dvelur hann í Gestavinnustofu Gilfélagsins á Akureyri. Að opnun lokinni í Mjólkurbúðinni eða kl.17-19 opnar Brewer gestavinnustofuna og tekur þar á móti gestum á sama tíma og Gilfélagið er með móttöku í Deiglunni í kjölfar aukaaðalfundar félagsins.
Brewer verður einnig með fyrirlestur í Listasafninu á Akureyri þann 4.október kl.17-18

Sýning Dr. Thomas Brewer "Adjust <X> Seek (Con’t)" í Mjólkurbúðinni stendur til 10.október og eru allir velkomnir.


www.tombrewergallery.com
https://www.facebook.com/pages/TomBrewerGallerycom/144078418980494

Aðalheiður S. Eysteinsdóttir með fyrsta Þriðjudagsfyrirlestur vetrarins

Þriðjudaginn 27. september næstkomandi kl. 17 heldur Aðalheiður S. Eysteinsdóttir, myndlistarkona, fyrsta Þriðjudagsfyrirlestur vetrarins í Listasafninu, Ketilhúsi undir yfirskriftinni Brjóstvit. Þar fjallar hún um hversu langt er hægt að komast með áhugamál og ástríðu þegar dugnaður, áræðni og ástundun eru lögð í verkefnið og treyst er eigin ákvörðunum. Aðgangur er ókeypis.

Aðalheiður S. Eysteinsdóttir stundaði nám við Myndlistaskólann á Akureyri 1989-93 og hefur síðan unnið ýmis störf á sviði myndlistar ásamt því að vera athafnasöm myndlistarkona. Aðalheiður starfrækti galleríið Kompan í 8 ár á Akureyri, tók virkan þátt í uppbyggingu Listagilsins og er einn stofnenda Verksmiðjunnar á Hjalteyri. Hún hefur verið í sýningarnefnd Skaftfells á Seyðisfirð, gjaldkeri Gilfélagsins og varaformaður Myndlistarfélagsins auk þess að vera meðlimur í Dieter Roth akademíunni. Árið 2011 keypti Aðalheiður Alþýðuhúsið á Siglufirði þar sem hún hefur komið upp vinnustofu, endurvakið Kompuna og staðið fyrir mánaðarlegum menningarviðburðum.

Fyrirlestraröðin er samvinnuverkefni Listasafnsins á Akureyri, Gilfélagsins, Verkmenntaskólans á Akureyri, Myndlistarfélagsins og Háskólans á Akureyri. Á meðal annarra fyrirlesara vetrarins eru Thomas Brewer, myndlistarmaður, Ragnheiður Harpa Leifsdóttir, listakona, Margrét Elísabet Ólafsdóttir, listfræðingur, Ásdís Sif Gunnarsdóttir, myndlistarkona, Almar Alfreðsson, vöruhönnuður, Pamela Swainson, myndlistarkona, Gústav Geir Bollason, myndlistarmaður, Lárus H. List, formaður Myndlistarfélagsins.

listak.is

Dagur myndlistar / opin vinnustofa / opnun í Kompunni

Dagur myndlistar 2016.
Opnun sýningar í Kompunni, opin vinnustofa.

Ár hvert hefur Dagur myndlistar verið haldinn um land allt með opnum vinnustofum listamanna. Í ár er hverjum listamanni gefið frjálst að hafa opið hús eftir því sem hentar hverjum og einum.

Laugardaginn 1. okt. kl. 14.00 - 18.00 verður opin vinnustofa hjá Aðalheiði S. Eysteinsdóttur í Alþýðuhúsinu á Siglufirði. Einnig mun Aðalheiður opna sýningu í Kompunni á lágmyndum sem hún hefur verið að vinna undanfarið. Myndröðina kalla Aðalheiður á milli vita, og sameinar hún á ýmsan hátt verk hennar undanfarin 25. ár.

Eigum góðan dag saman.

Léttar veitingar í boði og allir velkomnir.

Fjallabyggð, Menningarráð Eyþings, Egilssíld og Fiskkompaníið styðja menningarstarf í Alþýðuhúsinu.

Þriðjudagsfyrirlestrar í Listsafninu á Akureyri

Þriðjudagsfyrirlestrarnir hefjast að nýju næstkomandi þriðjudag 27. september kl. 17. Fyrirlestrar eru haldnir yfir vetrartímann á hverjum þriðjudegi kl. 17 í Listsafninu, Ketilhúsi. Fyrsta fyrirlestur vetrarins heldur Aðalheiður S. Eysteinsdóttir undir yfirskriftinni Brjóstvit. Þar mun hún m.a. fjalla um hversu langt er hægt að komast með ástríðu og áhugamál þegar treyst er eigin ákvörðunum og dugnaður, áræðni og ástundun eru lögð í verkefnið.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri, Gilfélagsins og Myndlistarfélagsins. Aðgangur er ókeypis.

27. september: Aðalheiður S. Eysteinsdóttir, myndlistarkona
4. október: Thomas Brewer, myndlistarmaður
11. október: Ragnheiður Harpa Leifsdóttir, rithöfundur
18. október: Margrét Elísabet Ólafsdóttir, listfræðingur
25. október: Ásdís Sif Gunnarsdóttir, myndlistarkona
1. nóvember: Almar Alfreðsson, vöruhönnuður
8. nóvember: Pamela Swainson, myndlistarkona
15. nóvember: Margrét Elísabet Ólafsdóttir, listfræðingur
22. nóvember: Gústav Geir Bollason, myndlistarmaður 
29. nóvember: Lárus H. List, formaður Myndlistarfélagsins

listak.is

Brynhildar Kristinsdóttur sýnir í Mjólkurbúðinni Akureyri

ÞJÁNING/TJÁNING

"Þjáning/Tjáning" er yfirskrift sýningar Brynhildar Kristinsdóttur í Mjólkurbúðinni Akureyri, þar sýnir hún skúlptúra og myndverk. Verkin fjalla um tjáningu mannsins, angist, ótta og hvernig hugmyndir hlutgerast. Á sýningunni er einnig pistill eftir Héðinn Unnsteinsson um flakk milli heima. Sýningin verður opnuð á laugardaginn 17. sept. kl. 15.00.

Brynhildur Kristinsdóttir (f.1965) nam myndlist í Myndlistaskólanum á Akureyri og í Myndlista- og handíðaskóla Íslands. Eftir útskrift úr myndmótunardeild 1989 fór Brynhildur til Ítalíu þar sem hún vann með myndhöggvurum en síðan lá leið hennar í Iðnskólann í Reykjavik þar sem hún lærði húsgagnasmíði en árið 2011 lauk hún kennaranámi frá Háskólanum á Akureyri. Auk þess að starfa við eigin myndsköpun hefur hún kennt myndlist og átt í samstarfi við ýmsa listamenn, gert leikmynd og búninga fyrir gjörninga og dans. Brynhildur hefur haldið nokkrar einkasýningar og tekið þátt í fjölmörgum samsýningum. Hún starfar nú á Akureyri sem athafnasamur kennari og myndlistarmaður.Brynhildur Kristinsdóttir (f.1965) nam myndlist í Myndlistaskólanum á Akureyri og í Myndlista- og handíðaskóla Íslands. Eftir útskrift úr myndmótunardeild 1989 fór Brynhildur til Ítalíu þar sem hún vann með myndhöggvurum en síðan lá leið hennar í Iðnskólann í Reykjavik þar sem hún lærði húsgagnasmíði en árið 2011 lauk hún kennaranámi frá Háskólanum á Akureyri. Auk þess að starfa við eigin myndsköpun hefur hún kennt myndlist og átt í samstarfi við ýmsa listamenn, gert leikmynd og búninga fyrir gjörninga og dans. Brynhildur hefur haldið nokkrar einkasýningar og tekið þátt í fjölmörgum samsýningum. Hún starfar nú á Akureyri sem athafnasamur kennari og myndlistarmaður.Brynhildur Kristinsdóttir (f.1965) nam myndlist í Myndlistaskólanum á Akureyri og í Myndlista- og handíðaskóla Íslands. Eftir útskrift úr myndmótunardeild 1989 fór Brynhildur til Ítalíu þar sem hún vann með myndhöggvurum en síðan lá leið hennar í Iðnskólann í Reykjavik þar sem hún lærði húsgagnasmíði en árið 2011 lauk hún kennaranámi frá Háskólanum á Akureyri. Auk þess að starfa við eigin myndsköpun hefur hún kennt myndlist og átt í samstarfi við ýmsa listamenn, gert leikmynd og búninga fyrir gjörninga og dans. Brynhildur hefur haldið nokkrar einkasýningar og tekið þátt í fjölmörgum samsýningum. Hún starfar nú á Akureyri sem athafnasamur kennari og myndlistarmaður.

Brynhildur Kristinsdóttir s.8683599

Karl Guðmundsson sýnir verk í Sjúkrahúsinu á Akureyri

Á sýningunni er eitt verk, Án titils, sem samanstendur af þremur myndum. Myndirnar eru unnar með akrýl lit á striga og er hver og ein 160cm x 40. Sýningin mun standa fram í nóvember og er á fyrstu hæð sjúkrahússins.
 
Karl Guðmundsson (F. 1986)
Karl útskrifaðist frá Verkmenntaskólanum á Akureyri, myndlistasviði, vorið 2007. Hann stundaði nám á barna- og unglinganámskeiðum í Myndlistaskólanum á Akureyri í átta ár. Karl hefur haldið einkasýningar og tekið þátt í mörgum samsýningum. Hann og Rósa Kristín Júlíusdóttir, kennari hans og félagi í listum, sýndu fyrst saman árið 2000. Árið 2003 tók Karl þátt í fyrstu sýninga-röðListar án landamæra og sýndi á Kjarvalsstöðum. En síðan þá hefur Karl reglulega tekið þátt í sýningum á vegum LÁL. Þar á meðal tveimur sýningum í samstarfi við finnska myndlistamenn auk danshópsins Kaaos Company. Einnig hefur Karl unnið verk í samvinnu við Erling Klingenberg myndlistamann og var það verk sýnt á sýningunni Samsuða sem var hluti af listahátíð Listar án landamæra árið 2015. En það ár var Karl tilnefndur listamaður listahátíðar LÁL.
 
Karl og Rósa Kristín hafa unnið saman að myndlist í mörg ár. Sú samvinna nær yfir rúmlega tvo áratugi, en Kalli var nemandi hennar í Myndlistaskólanum á Akureyri. Samstarf þeirra hófst sem samspil nemanda og kennara en þróaðist markvisst yfir í samvinnu tveggja vina, félaga í listinni. Í dag vinna þau saman sem listamenn. Þau hafa haldið margar sameiginlegar listsýningar undanfarin ár þar sem myndverk þeirra eru afrakstur myndræns samspils eða samleiks. Einnig hafa þau haldið fyrirlestra um samvinnu sína í tengslum við sýningar og á ráðstefnum um menntamál, bæði hér heima og erlendis.
 
Karl Guðmundsson hóf myndlistanám á unga aldri og hefur starfað að listsköpun lengi. Á þeim tíma hefur sjálfstæði hans á listasviðinu vaxið og dafnað og nú fæst hann jöfnum höndum við að búa til myndverk og hanna nytjalist.

http://listin.is

Thora Karlsdottir opnar sýningu í Listasafninu á Akureyri, Ketilhúsi

Laugardaginn 10. september kl. 15 opnar Thora Karlsdottir sýninguna Kjólagjörningur í Listasafninu á Akureyri, Ketilhúsi.

Á sýningunni má sjá afrakstur níu mánaða kjólagjörnings Thoru sem stóð yfir frá mars til desember 2015. Að klæða sig í nýjan kjól á hverjum morgni og klæðast kjól til allra verka í 280 daga; 40 vikur; níu mánuði er áskorun sem þarfnast úthalds og elju. Kjólarnir komu frá fólki sem gaf þá í nafni listarinnar og voru fluttir frá vinnustofu Thoru yfir í Listasafnið, Ketilhús síðastliðinn föstudag með dyggri aðstoð yfir 200 nemenda úr Brekkuskóla.

Á meðan á gjörningnum stóð tók Björn Jónsson daglega ljósmyndir af Thoru. Hann átti stóran þátt í ferlinu; hafði áhrif og kom með hugmyndir varðandi staðsetningu og vinnslu myndanna. Í sameiningu gefa þau út bók um gjörninginn og sýninguna sem verður fáanleg í október.

Thora Karlsdottir útskrifaðist úr Europäische Kunstakademie í Trier í Þýskalandi 2013. Hún hefur haldið níu einkasýningar og tekið þátt í fjölmörgum samsýningum bæði á Íslandi og víða erlendis. Thora rekur vinnustofuna Lifandi vinnustofa í Listagilinu á Akureyri.

Sýningin verður opin þriðjudaga til sunnudaga kl. 12-17. Leiðsögn um sýningar Listasafnsins er á fimmtudögum kl. 12.15-12.45. Aðgangur er ókeypis.

listak.is

https://www.facebook.com/events/198986830519403

Myrkramessa á A!

 

Myrkramessa

3. hæðin, Listasafnið á Akureyri, gengið inn í portinu að aftan.

Að kvöldi næsta laugardags mun fjölbreyttur hópur listafólks efna til Myrkramessu á 3.hæð Listasafnsins á Akureyri.

Af gefnu tilefni er gestum því boðið við veisluborð að upplifa
Kílómeters kökk í hálsi
Tvo óþokka skila krafti
óð til bands og banda
og fullnægingasvipi karla

...svo fátt eitt sé nefnt. Messan hefst klukkan 21:30 og vart þarf að taka það fram, en allir eru hjartanlega velkomnir.

FRAM KOMA:

Aldís Dagmar Erlingsdóttir Svarkur
tvinnar saman ólíkum aðferðum og miðlum í innsetningum og myndbandsverkum, með áherslu á inntak, tjáningu og upplifun

Andrea Ágústa Aðalsteinsdóttir
útskrifaðist frá Myndlistardeild Listaháskóla Íslands vorið 2015. Í verkum sínum fæst hún við það að ákalla galdur póesíunnar og kanna tilvist trúarinnar í margvíslegum miðlum; ljósmyndum, gjörningum, texta, vídeó, skúlptúr – sem og sameiningu þeirra. Eftir útskrift hefur hún meðal annars komið að tímaritinu
Listvísi – Málgagn um myndlist og tekið þátt í ýmsum sýningum; HÁVAÐI II í Ekkisens, YMUR festival á Akureyri, Stream in a Puddle í Gallerii Metropol í Eistlandi, Plan B listahátíð í Borgarnesi og Kynleikum sem opnuðu í Ekkisens, fluttu sig yfir í Ráðhúsið og lokuðu með þriðju opnun í Tjarnarbíó

Anton Logi Ólafsson
er listamaður starfandi í Reykjavík. Hann útskrifaðist úr LHÍ 2015 með BA-gráðu í Myndlist. Anton vinnur í hverjum þeim miðli sem kann að henta, en undanfarin ár hafa einkum einkennst af gjörningalist. www.antonlogi.wix.com/antonlogi

Bergþóra Einarsdóttir
er ljóðskáld og dansari sem rappar þegar færi gefst. Síðustu þrjú ár hefur hún komið fram með Reykjavíkurdætrum og upp á síðkastið með kontrabassarappdúóinu Silkiköttunum. Hún hefur komið fram í ótal dansmyndum og dans- ljóðagjörningum og fengið tilnefningu til Grímunnar fyrir danshöfundaverk. Árið 2014 gaf hún út ljóðabókina Sjósuðu með Partusi Press. Um þessar mundir skrifar hún aðallega lagatexta um pólitík, ást eða dauða

Egill Logi Jónasson
útskrifaðist frá fagurlistadeild Myndlistarskólans á Akureyri 2013 og frá myndlistardeild Listaháskóla Íslands í vor 2016.
Egill vinnur málverk, teikningar og klippimyndir, auk þess sem hann kokkar tónlist og myndbandsverk.
http://www.drengurinn.portfoliobox.me/

Freyja Eilíf
er sjálfstætt starfandi myndlistarkvendi sem býr og starfar í Reykjavík. Hún útskrifaðist frá Myndlistardeild Listaháskóla Íslands vorið 2014 og stofnaði sýningarýmið Ekkisens haustið sama ár og rekur það enn ásamt því að teyma hústökusýningar á vegum Ekkisens í öðrum rýmum, bæði hérlendis og erlendis. Freyja vinnur verk í mjög blandaða miðla og oft á tíðum fundið efni. Hún hefur einnig gefið út þónokkur bókverk og stofnaði til að mynda tímaritið Listvísi – Málgagn um myndlist árið 2012. https://freyjaeilif.com/

Gunnhildur Helgadóttir
útskrifaðist frá fagurlistadeild Myndlistarskólans á Akureyri vorið 2013 og árið 2015 lauk hún námi við mótun/keramikdeild í Myndlistarskólanum í Reykjavík.
Gunnhildur hefur tekið þátt í fjölda samsýninga og viðburða og má síðast nefna sýninguna “tilraunir leir og fleira” sem enn stendur yfir í Hafnarborg

Hekla Björt Helgadóttir
er listamaður og skáld, búsett á Akureyri. Hún er ein stofnenda listarýmisins Kaktus og hefur unnið við listræna hönnum fyrir söfn og leikhús. Hekla hefur staðið fyrir fjölmörgum sýningum og viðburðum, tekið þátt í fjölda samsýninga, listrænu samstarfi og á að baki allnokkrar einkasýningar.

Hlín Ólafsdóttir
er búsett í Berlín þar sem hún leggur stund á myndlist við Kunsthochschule Berlin-Weißensee

Snorri Páll (Jónsson Úlfhildason)
er skáld og slitamaður, borinn árið 1987 á níunda síðasta sjónvarpslausa fimmtudeginum. Fyrsta ljóðabók hans, Lengist í taumnum, kom út árið 2014. Snorri er sýningasóknari Sakminjasafnsins, en fyrsta sýning þess átti sér stað í reykvíska sýningarýminu Ekkisens um það leyti sem árleg hátíð þjáningar og upprisu gekk í garð. Marglaga framhald þeirrar sýningar fer fram síðar á þessu ári á gömlu herstöðinni í Keflavík

Steinunn Gunnlaugsdóttir
fæst við list og brúkar til þess ýmsa miðla.Verk hennar kjarnast um tilvistarátök innra með hverri mannskepnu – sem og togstreitu og átök hennar við alla þá ytri strúktúra sem umkringja hana
– eða uppgjöf gagnvart þeim
http://www.sackofstones.com/forsida/


Myrkramessan er off venue viðburður á gjörningahátíðinni A!
Slippfélaginu er kærlega þakkað fyrir styrk sinn.