LISTA- OG FRÆÐIMANNSÍBÚÐ Í SAFNASAFNINU

 
Tekin hefur verið í notkun Lista- og fræðimannsíbúð í risi Kaupfélags Svalbarðseyrar (1900) sem var flutt á lóð Safnasafnsins árið 2006. Íbúðin er 76 m2, með sérinngangi á 2. hæð frá bílastæði, útbúin eins og “byggðasafn með andrúmslofti og rómantík liðinnar aldar” en þó með nútímalegu ívafi; í henni er forstofa, bað, eldhús með setkróki, samliggjandi borð- og skrifstofa með rúmi (196x86) og herbergi með hjónasæng (200x150) og 3 rúmum (172x75/160x75/95x45)
Íbúðin er sjálfstæð eining, án tengsla við aðra starfsemi safnsins, þ.á.m. sýningarhald; hún verður leigð frá og með 24. september, eina viku í senn, frá kl. 16.00 á fimmtudegi til kl. 12.00 næsta fimmtudag. Skv. leigusamningi fær leigutaki aðstöðu til að vinna í sal við pappírsmyndir og handrit en er óheimilt að smíða, nota olíuliti og úðabrúsa eða önnur rokgjörn, rykertandi, smitandi, astma- og ofnæmisvaldandi efni; hið sama gildir um íbúðina; gæludýr eru ekki leyfð, reykingar ekki heldur. Í samningnum eru ákvæði um öryggi, eldvarnir og flóttaleiðir, hljóðmengun, tryggingar, ábyrgð á persónulegum eigum, umgengni og lágmarksþrif; þá er leigutaka óheimilt að framleigja íbúðina eða bjóða til sín dvalargestum nema fyrir liggi samþykki gestgjafa
Vikuleiga íbúðar er 40.000 kr. með rúmfatnaði, nettengingu, grunnvöru í kæli, aðgangi að þvottavél, sal og bókastofu - og kvöldverði með gestgjöfum fyrsta daginn. Hægt er að semja um ferðir að og frá flugvelli, en að öðru leyti sér leigutaki um sig sjálfur
Pantanir skulu staðfestar í tölvupósti og leigan millifærð þá, eða greidd strax við komu. Leigugjald verður uppfært 1. janúar og bókað til 15. apríl. Dregið verður út nafn eins leigutaka og honum boðnar 2 fríar nætur í röð í íbúðinni árið 2010
Leigutakar sem vilja kanna listaverk safnsins og stunda rannsóknir sem gætu varpað nýju ljósi á hana, eða sinna verkefnum sem tengjast menningu og sögu héraðsins, geta fengið niðurstöður vinnu sinnar kynntar í máli og myndum í Svalbarðsstrandarstofu, á hæðinni fyrir neðan íbúðina, frá og með vorinu 2012, einnig í sýningaskrá og á heimasíðu sama ár
Gestgjafar eru Níels Hafstein og Magnhildur Sigurðardóttir, þau búa í Þinghúsinu sem er tengt safnbyggingunum.

SAFNASAFNIÐ - ALÞÝÐULISTARSAFN ÍSLANDS
Aðsetur við hringveginn, 12 km frá miðbæ Akureyrar
Myndir af íbúðinni: www.safnasafnid.is / Nánari upplýsingar: 4614066 / Pantanir: [e-mail]

GalleríBOX sem samanstendur af Sal Myndlistarfélagsins og BOXinu er laust til umsóknar fyrir árið 2010. Umsóknarfrestur rennur út 30. september 2009.

GalleríBOX hefur verið í rekið frá árinu 2004 og um mitt árið 2008 tók Myndlistarfélagið við og stækkaði GalleríBOX í tvö rými: Sal Myndlistarfélagsins og BOXið.

Salur Myndlistarfélagsins er u.þ.b. 120 fermetrar, lofthæð 2,25-2,45 m.

BOXið sem er hið upprunalega sýningarrými er lítið og óvenjulega skemmtilegt herbergi, u.þ.b. 4 fermetrar, lofthæð 2,45 m.

Sýningarnefnd Myndlistarfélagsins sér um að velja úr umsóknum þá sem hún telur best til þess fallna að sýna og leggur tillögurnar fyrir stjórn Myndlistarfélagsins. Hafa skal í huga fjölbreytni og framsækna myndlist. Sýningar standa yfir í fjórar helgar og opnanir taka mið af tímasteningum á opnunum í Listasafninu á Akureyri.

Ekki þarf að greiða leigu af sýningarrýminu en sýnendur leggja fram 10.000 kr. sem tryggingu fyrir sýningunni. Þessi upphæð er endurgreidd að sýningu lokinni en ef eitthvað þarf að laga eða kostnaður hlýst af sýningunni verður það dregið frá endurgreiðslunni. Ef óskað er eftir því að félagið sjái um að útvega yfirsetu þarf að greiða fyrir hana. Sama gildir um veitingar á opnun og þrif.

Einn aðili úr sýningarnefnd sér um hverjar tvær sýningar sem opna á sama tíma í Sal Myndlistarfélagsins og í BOXinu og er nokkurskonar sýningarstjóri.

Myndlistarfélagið hefur umsjón með báðum sýningarrýmunum. Hægt er að sækja um annað rýmið eða bæði.

Umsóknum skal skilað á netfangið: [e-mail]

Umsóknin á að innihalda stuttan texta um fyrirhugaða sýningu, feril listamanns eða listamanna ef um samsýningu er að ræða, myndir af verkum og ósk um sýningartímabil og hvort rýmið henti betur. Þessu skal skilað sem pdf skjali eða aðskildu sem doc skjölum og jpg myndum.

Í undantekningartilfellum er tekið við umsóknum með pósti.

Umsóknarfrestur rennur út 30. september 2009.

Myndlistarfélagið er aðildarfélag að SÍM Sambandi íslenskra myndlistarmanna.

 

Stjórn Myndlistarfélagsins

Myndlistarsýningin KÓPÍUR í Populus Tremula

KÓPÍUR
GUÐBRANDUR ÆGIR OG ELLI
MYNDLISTARSÝNING

OG TRÚBADÚRTÓNLEIKAR
AÐALSTEINS SVANS SIGFÚSSONAR

Föstudagskvöldið 11. september kl. 21:00 verður opnuð myndlistarsýningin KÓPÍUR í Populus Tremula. Sýningin fjallar um upphaf, ferðalag og endi listaverks, sem og fram­haldslíf þess. Sýningin samanstendur af videoverki og ljósmyndum. Hún er sam­starfs­verkefni myndlistarmannanna Guðbrands Ægis og ella.

Um kl. 22:00 tekur síðan trúba­dúrinn Aðalsteinn Svanur völdin um stund þar sem hann mun frumflytja nokkra nýja söngva í bland við eldra efni.

Sýningin verður einnig opin laugardaginn 12. og sunnudaginn 13. september kl. 13:00 - 16:00

Lína sýnir í Safnahúsinu á Húsavík

RÉTTARKAFFI OG OPIÐ HÚS Í FREYJULUNDI

OPIÐ HÚS Í FREYJULUNDI VIÐ REISTARÁRRÉTT
RÉTTARKAFFI
KLUKKAN 14:00 - 18:00 LAUGARDAGINN 12. SEPT.
ATH: EKKI TEKIÐ VIÐ KORTUM

Mireyja, Vættir og Amboð í DaLí Gallery

Mireya Samper opnar myndlistasýninguna Vættir í DaLí Gallery á Akureyri laugadaginn 5. September kl.14-17.
Sýning Mireyu samanstendur af skúlptúr og myndverkum unnum með blandaðri tækni og eru öll verkin ný og sérstaklega unnin fyrir sýninguna Vættir. Mireya fjallar um íslenska vætti og verur á sýningunni en með þeim leynist einn japanskur shaman.
Mireya tekur einnig þeirri áskorun að vinna inn í litla rýmið KOM INN á vinnustofu DaLí og sýnir þar innsetninguna Amboð.

Sýningarnar Vættir og Amboð standa til 20. september og eru allir velkomnir.

 

DaLí GALLERY - BREKKUGATA 9 600 AKUREYRI

OPIÐ LAUGARDAGA OG SUNNUDAGA Í SUMAR KL.14-17

Umsóknarfrestur um starfslaun listamanna rennur út 19. október

Hér með eru auglýst til umsóknar starfslaun listamanna sem úthlutað verður árið 2010, í samræmi við ákvæði laga nr. 57/2009 með áorðnum breytingum.

 Starfslaunin eru veitt úr sex sjóðum, þ.e.:

1.   launasjóði hönnuða,
2.   launasjóði myndlistarmanna,
3.   launasjóði rithöfunda,
4.   launasjóði sviðslistafólks,
5.   launasjóði tónlistarflytjenda,
6.   launasjóði tónskálda.

Vakin er sérstök athygli á að umsækjendum er gert að sækja um á rafrænu formi á vef Stjórnarráðsins á vefslóðinni http://umsokn.stjr.is. fram til  mánudagsins  19. október 2009. Aðgangur er veittur á kennitölu umsækjanda (ekki kennitölu félags eða samtaka) og verður lykilorð sent viðkomandi á netfang sem hann gefur upp við nýskráningu.

Lykilorðinu má breyta eftir innskráningu með því að opna Mínar stillingar. Umsækjendur skrá sig inn með kennitölu og lykilorði og velja Stjórn listamannalauna undir flipanum Umsóknir. Þar eru umsóknareyðublöðin. Svæði merkt rauðri stjörnu verður að fylla út.

Fylgigögnum með umsókn sem ekki er hægt að senda rafrænt skulu berast Skrifstofu Stjórnar listamannalauna, Hallveigarstöðum, Túngötu 14, 101 Reykjavík fyrir kl. 17:00 mánudaginn 19.október 2009.

Með umsókn skal fylgja greinargerð um verkefni það sem liggur til grundvallar umsókninni ásamt upplýsingum um hve langan starfstíma er sótt um og rökstuðningi fyrir tímalengd.  Jafnframt skulu fylgja upplýsingar um náms- og starfsferil, verðlaun og viðurkenningar. Þessir þættir  skulu  að  jafnaði  liggja  til  grundvallar  ákvörðun  um úthlutun starfslauna.

Athugið að hafi umsækjandi áður hlotið starfslaun verður umsókn hans því aðeins tekin til umfjöllunar að hann hafi skilað Stjórn listamannalauna skýrslu um störf sín í samræmi við ákvæði 4. gr. laga um listamannalaun nr. 57/2009 með áorðnum breytingum.

Nánari upplýsingar og leiðbeiningar fást á vef Stjórnar listamannalauna www.listamannalaun.is eða á skrifstofunni í síma 562 6388.

Umsóknarfrestur rennur út mánudaginn 19. október 2009.

Stjórn listamannalauna 16. ágúst 2009

Dvalarstaður lista- og fræðimanna í Jensenshúsi í Fjarðarbyggð

Jensenshús sem er í eigu Fjarðabyggðar var byggt  árið 1837 af Jens Peder Jensen.  Jensenshús er elsta íbúðarhús Austurlands og eitt elsta uppistandandi íbúðarhús landsins.  Húsið var friðað 1. janúar 1990. Nýbúið er að gera húsið upp og lagfæra það og nú er það nýtt sem dvalarstaður fyrir lista- og fræðimenn, íslenska og erlenda.   

Ekki er gert ráð fyrir neinni greiðslu vegna dvalar í Jensenhúsi annarri en afnot af síma.  Hins vegar er ætlast til að þeir sem þar dvelja komi á einhvern hátt á framfæri því sem þeir eru að vinna að í sinni list og/eða fræðigrein eða öðrum verkum sínum meðan á dvalartíma stendur.  Gesturinn getur því verið beðinn um að halda sýningu, tónleika, fyrirlestur eða taka þátt í samkomu, skilja eftir listaverk eða eitthvað annað sem um semst milli hans og ferða- og menningarfulltrúa fyrir hönd menningar-, íþrótta- og ferðamálanefndar Fjarðabyggðar.    Verkefni sem efla menningu í Fjarðabyggð munu njóta forgangs í umsóknarferlinu en litið er til fleiri þátta. 

Menningar- íþrótta- og ferðamálanefnd ásamt menningar- og ferðamálafulltrúa og forstöðumanni Safnastofnunar velur úr innsendum umsóknum í samvinnu við forstöðumann Kirkju- og menningarmiðstöðvar Fjarðabyggðar.  

Fyrsti gestur hússins var rithöfundurinn og ljóðskáldið Sigurjón Birgir Sigurðsson betur þekktur sem Sjón.  Hann dvaldi nú nýlega í húsinu ásamt syni sínum Flóka.   Sjón á sterkar rætur til Eskifjarðar en hann dvaldi þar oft á sumrin sem krakki og spilaði fótbolta á lóðinni við hliðina á Jensenshúsi.  Feðgarnir létu vel af dvölinni og sögðu gott að dvelja í húsinu og að þar væri mjög góður andi.  Sjón var með kvöldvöku í Randulfssjóhúsi á Eskifirði í Gönguvikunni Á fætur í Fjarðabyggð, þar  spjallaði hann við gesti og las upp úr bók sinni.  Þeir feðgar eyddu annars miklum tíma í að skoða bæinn, fiska á bryggjunum og láta líða úr sér í sundlauginni.    

Þeir sem hafa áhuga á að dvelja í húsinu er bent á að hafa samband við ferða- og menningarfulltrúa Hildigunni Jörundsdóttur, netfang: [e-mail] , sími: 860-4726.  

Frekari upplýsingar má nálgast á heimasíður Fjarðabyggðar www.fjardabyggd.is undir menning- og tómstundir.

Ólöf Björg Björnsdóttir opnar sýninguna “Visas” á Café Karólínu

Ólöf Björg Björnsdóttir

Visas

05.09.09 - 02.10.09

Café Karólína // Kaupvangsstræti 23 // IS 600 Akureyri // 4612755

Ólöf Björg Björnsdóttir opnar sýninguna “Visas” á Café Karólínu laugardaginn 5. september klukkan 15.

Ólöf Björg útskrifaðist frá Listaháskóla Íslands árið 2001 með málun sem aðalgrein og vorið 2007 lauk hún kennaranámi frá sama skóla. Einnig lærði hún myndlist við háskólann í Granada á Spáni, dvaldi á textílverkstæði Ami Ann og lærði hjá meistara An Ho Bum í Seoul í Kóreu 1994-1995.

Ólöf Björg hefur verið virk í myndlistinni frá útskrift, haldið einkasýningar og tekið þátt í fjölda samsýninga og uppákomum ýmiskonar m.a. Sequenses árið 2007 og afmælissýningu Hafnarfjarðar í Hafnarborg árið 2008, var með skápainnsetningar í tilefni af Björtum dögum árið 2009 á eigin heimili svo eitthvað sé nefnt.

Málverk Ólafar Bjargar eru í senn kaótísk og nákvæm og eru litrík og flæðandi í víðum skilningi. Hún notar gjarnan aðra miðla líka og hafa innsetningar hennar haft á að skipa lifandi dýrum, dúnsængum, leikföngum, ilmi og mörgu fleiru. Verk Ólafar Bjargar eru fersk og tilfinningarík og er í þeim fólginn mikill sköpunarkraftur. Heimasíða hennar er: http://www.olofbjorg.is

Meðfylgjandi mynd er af einu verka Ólafar Bjargar.

Nánari upplýsingar veitir Ólöf Björg í síma 868 8098 eða tölvupósti: olofbjorg(hjá)olofbjorg.is

Næstu sýningar á Café Karólínu:
03.10.09 - 06.11.09    Bryndís Kondrup     
07.11.09 - 04.12.09    Bergþór Morthens   
05.12.09 - 01.01.10    Sveinbjörg Ásgeirsdóttir

Varp Haraldar Jónssonar í Gallerí Víð8ttu601

Laugardaginn 29. ágúst var verkið VARP eftir Harald Jónsson myndlistarmann
afhjúpað hjá Gallerí Víð8ttu601 í hólmanum í Leirutjörn á Akureyri.
Innsetningin sem unnin er í nánu samstarfi við aðstandendur
sýningarstaðarins vísar í margar áttir samtímis,verkið er í senn heimsendir
eða neyðarmerki yfir á íslenska meginlandi en er líka stækkunargler og
fylgja sem kom til þegar Drottningarbrautin,sem kennd er við dönsku krúnuna,
var lögð á sínum tíma og myndar leiðin þannig áþreifanlegan naflastreng út á
flugvöll og yfir til okkar fyrri nýlenduherra.
Haraldur Jónsson nam myndlist í Aix en Provence í Frakklandi, í
Myndlistaskólanum í Reykjavík, MHÍ, við Kunstakademíuna í Düsseldorf í
Þýskalandi og Institut des Hautes Etudes en Arts Plastiques í París,
Frakklandi. Verk hans eru í eigu helstu safna landsins og eru reglulega til
sýnis víðs vegar um heim.

Kreppa og kærleikur - Nýir Íslendingar í nýju landi á Akureyrarvöku

Listasumar í samstarfi við Norrænu upplýsingaskrifstofuna og Alþjóðahús hafa
tekið höndum saman um verkefnið "Kreppa og kærleikur". Varpað er ljósi á
hér búandi listamenn af erlendum uppruna og vakin athygli á því hvernig þeir
hafa auðgað samfélag okkar með sínum störfum á listræna sviðinu í námi og
leik.

Hugmyndin varð til þegar Norræna upplýsingaskrifstofan sóttist eftir að fá
hingað til lands sýningu, danska ljósmyndarans Henrik Saxgren "Krig og
kærlighed", Stríð og ást, en sýningin hefur hlotið mikið lof. Það kynnti
einnig undir hugmyndina að hér er starfandi Alþjóðastofa og að Listasumri
bauðst sýning þeirra Ásthildar Jónsdóttur og Ásthildar Kjartansdóttur
"Lífsmunstur - Líf í nýju landi", en sú sýning fjallar um það, að á bak við
hvert andlit er flókið munstur tilfinninga og upplifana og að alls staðar má
finna sameiginlega þræði.

Sýning Ásthildanna verður sett upp í Deiglunni, en sýning Henrik Saxgren í
sal Ketilhússins. Á sýningunni í Ketilhúsinu verður hægt að skoða sögur 40
einstaklinga og fjölskyldna og ástæður þeirra fyrir flutningi frá
heimalandinu, en Henrik Saxgren ferðaðist um Norðurlöndin í fjögur ár og
myndaði fulltrúa rúmlega hundrað þjóðarbrota.

Alþjóðahús hefur fengið myndlistarmennina George Hollanders, Joris Rademaker
og Véronique Anne Germaine Legros til að setja upp samsýninguna Af hverju er
ég hér? á svölum Ketilhússins og tónlistarmennina Thiago Trinsi, Valmar
Väljaots, Wolfgang Sahr, Kaldo og Margot Kiis, Heimir Ingimarsson og fleiri
til að sjá um tónlistina á opnun sýninganna í Ketilhúsinu og Deiglunni.

Þá munu nokkrir útvaldir nýbúar á Akureyri, bæði af innlendu og erlendu
bergi brotnir, svara spurningunni "Af hverju ert þú hér?". Það fer þannig
fram að hver og einn verður merktur sérstaklega og eiga gestir og gangandi á
sýningunum að geta spurt þá spjörunum úr um tilvist þeirra á Akureyri.



Kreppa og kærleikur er síðasti viðburður á Listasumri 2009 og markar lok
Listasumars og afmæli Akureyrarbæjar á Akureyrarvöku þann 29. ágúst.
Dagskráin stendur frá kl. 14 til 18 og eru nánari upplýsingar um
tímasetningar inn á heimasíðu Listasumars www.listagil.akureyri.is

Íslenskar ljósmyndir 1866–2009 opnuð í Listasafninu á Akureyri

Á Akureyrarvöku laugardaginn 29. ágúst kl. 15 verður sýningin „Úrvalið: íslenskar ljósmyndir 1866–2009“ opnuð í Listasafninu á Akureyri. Einar Falur Ingólfsson ljósmyndari hefur valið verk eftir þrettán kollega sína á sýninguna, og skrifar jafnframt um þá, sem og rökin fyrir vali sínu, í texta sem birtist í vandaðri sýningarskrá. Er þetta í fyrsta sinn sem tilraun er gerð til þess að gefa markvisst yfirlit á einni sýningu yfir sögu skapandi ljósmyndunar hér á landi, frá upphafi til dagsins í dag.

 Á sýningunni er verk níu látinna ljósmyndara og fjögurra sem enn starfa. Sýningarstjórinn valdi ekki fólk sem fætt er eftir 1960 og einungis fólk sem gerði ljósmyndun að ævistarfi og starfaði því við fagið á um langt skeið. Verk ellefu karlmanna og tveggja kvenna eru á sýningunni, en fram á síðustu áratugi heyrði það til undantekninga að konur störfuðu markvisst við ljósmyndun lengur en í örfá ár. Ljósmyndararnir eru: Sigfús Eymundsson, Nicoline Waywadt, Magnús Ólafsson, Pétur Brynjólfsson, Sigríður Zoëga, Jón Kaldal, Ólafur Magnússon, Vigfús Sigurgeirsson, Ólafur K. Magnússon, Guðmundur Ingólfsson, Sigurgeir Sigurjónsson, Ragnar Axelsson og Páll Stefánsson.

Sigfús Eymundsson (1837–1911) kom heim til Íslands árið 1866 eftir að hafa lokið ljósmyndanámi í Noregi. „Sagt hefur verið að heimkoma Sigfúsar marki þáttaskil. Hann var fyrsti íslenski ljósmyndarinn sem náði að gera ljósmyndun að lífsstarfi – og var frábær ljósmyndari, einn sá allra merkilegasti sem hér hefur starfað, til þessa dags.

Íslensk ljósmyndun var orðin til,“ skrifar Einar Falur.

“Hvað gerir ljósmynd góða?” spyr hann. “Eða áhrifamikla? Hvaða ljósmyndari er góður og hver síðri? Þar koma margir þættir inn. Fagurfræðilegt mat, sem er huglægt og persónulegt, skiptir líklega mestu þegar myndverk eru metin út frá formrænum eigindum sínum. Og vissulega þarf að setja sköpunarverkin í sögulegt samhengi. Hugsa um stefnur og strauma í tímanum, hugmyndafræði í listum yfirleitt og afstöðu listamannanna – ljósmyndaranna. Það þarf einnig að skoða heildarverkið. Hvað liggur eftir ljósmyndarana? Náðu þeir, og jafnvel fyrir tilviljun, nokkrum góðum myndum, en voru annars bara þokkalegir iðnaðarmenn? Eða lögðu þeir mikinn metnað í sköpunina, stefndu að því að skapa einstæð myndverk? Það eru slíkir gripir sem við viljum sjá, myndir sem láta okkur staldra við og benda: svona var þetta og enginn gat sýnt það betur.”

Í vali sínu á ljósmyndurum og myndum þeirra beinir Einar Falur einkum sjónum að manninum, mannlífi og hinu manngerða í umhverfinu. Hann segir að ekki sé þó hægt að líta fram hjá því að hér hefur ætíð búið fátt fólk í stóru og margbrotnu landi, og náttúru- og landslagsljósmyndun hefur skipað stærri sess hér en víðast hvar. „Ljósmyndavélin gerir það sama á Íslandi og annarsstaðar. Þetta er aðeins skráningartæki. Það eru afstaða og sýn ljósmyndarans á heiminn sem skipta öllu máli.”

Ljósmyndirnar á sýningunni í Listasafninu á Akureyri eru í eigu Ljósmyndasafns Íslands í Þjóðminjasafninu, Ljósmyndasafni Reykjavíkur, Morgunblaðsins og ljósmyndaranna. Sýningin er gerð í sérstöku samstarfi við bókaútgáfuna Sögur ehf. og Þjóðminjasafn Íslands. Sýningin stendur til 18. október. Nánari upplýsingar veitir Hannes Sigurðsson, forstöðumaður Listasafnsins á Akureyri, í síma: 461-2610 / 899-3386. Netfang: [e-mail].

Listasafnið á Akureyri er opið alla daga nema mánudaga frá kl. 12-17. Ókeypis aðgangur í boði Akureyrarbæjar.

DaLí Gallery á Akureyrarvöku

Á Akureyrarvöku verður líflegt á DaLí Gallery og á vinnustofu DaLí. Það er
opið gestum Akureyrarvöku kl. 14-17 og svo aftur um kvöldið frá kl.20-00.
Dagskrá Akureyrarvöku á DaLí:

Edda Þórey Kristfinnsdóttir og sýning hennar Vistaskipti. Síðustu forvöð
og lokadagur sýningarinnar.

Steinn Kristjánsson verður með málverkasýningu í litla galleríinu KOM INN
sem er litla rýmið á vinnustofu DaLí.

DaLíurnar (Dagrún og Lína) pakka inn saumavél á súrrealíska vísu og verður
heitt kakó í boði fyrir gesti gallerísins og sköpunarveggur þar sem má tjá
sig á listrænan hátt.

Allir velkomnir.
Dagrún Matthíasdóttir og Sigurlín M. Grétarsdóttir
s.8957173 og 8697872
DaLí Gallery
Brekkugata 9
Akureyri
www.daligallery.blogspot.com

Fersk Finnsk Höggmyndalist í GalleríBOXi

Container ­ Fersk Finnsk Höggmyndalist
29.8.-20.9.2009
Kalle Mustonen, Atte Uotila, Antti-Ville Reinikainen og Petri Eskelinen
GalleriBox, Akureyri

Laugardaginn 29. Ágúst kl. 15:00 opnar samsýningin CONTAINER í GalleríBOX, Kaupvangsstræti 10, 600 Akureyri.
Hópurinn var mótaður fyrir heppilega tilviljun og er ætlun hans að færa ferskan blæ af finnskri nútímahöggmyndalist til Akureyrar. Það sem sameinar þessa fjóra einstaklinga er forvitnilegt og rannsakandi viðhorf gagnvart efnisviðnum. Höggmyndalist er mjög breitt hugtak er nota má yfir mismunandi tilraunir. Antti-Ville Reinikainen og Atte Uotila nota félagsfræðilega nálgun, á meðan Kalle Mustonen og Petri Eskelinen rannsaka tæknilegan og eðlisfræðilegan efnisvið.
Vísindaleg nálgum við myndlistina þurrkar í burt gagnslausar reglur sem eru einum of algengar í heimi fagurlistar. Niðurstöðurnar af þessum annað hvort tæknilegu eða félagsfræðilegu leikjum er mannleg yfirlýsing um frjálsan einstakling. Skilaboðin eru ekki prentuð á tilbúin verk, heldur byggjast þau upp í samhengi við lífstíl myndhöggvarans.

Þrír af Container hópnum byggja sýninguna á föstudegi og laugardegi.  Áhorfendum er frjálst að skoða verkin frá viðarkössum til rýmisins í galleriBOX.

Myndlistarmenn eru
Petri Eskelinen www.petrieskelinen.com
Kalle Mustonen mustone.blogspot.com
Antti-Ville Reinikainen www.avreinikainen.net
Atte Uotila www.atteuotila.com

Haraldur Jónsson sýnir í Gallerí Víð8ttu601

Laugardaginn 29. ágúst kl.17:00 verður verkið Varp eftir Harald Jónsson myndlistarmann afhjúpað í hólmanum í Leirutjörn við Drottningarbraut á Akureyri. Innsetningin sem unnin er í nánu samstarfi við aðstandendur Víð8ttu vísar í margar áttir samtímis, verkið er í senn heimsendir eða neyðarmerki yfir á íslenska meginlandið en það er sömuleiðis stækkunargler og fylgja sem kom til þegar Drottningarbrautin, sem kennd er við dönsku krúnuna, var lögð á sínum tíma og myndar verkið þannig áþreifanlegan naflastreng út á flugvöll og yfir til okkar fyrri nýlenduherra.

Haraldur Jónsson nam myndlist í Aix en Provence í Frakklandi, í Myndlistaskólanum í Reykjavík, MHÍ, við Kunstakademíuna í Düsseldorf í Þýskalandi og Institut des Hautes Etudes en Arts Plastiques í París, Frakklandi. Verk hans eru í eigu helstu safna landsins og eru reglulega til sýnis víðs vegar um heim.

Þetta er síðasta sýningin sem Gallerí Víð8tta601 setur upp í hólmanum í Leirutjörn en Víð8tta bindur sig ekki við almenn sýningarrými heldur finnur sér stað úti í náttúrunni eða í byggingum sem ekki hafa verið notaðar sem sýningarstaðir áður.

Upplýsingar um verkið veitir Haraldur Jónsson:  860 8468

Upplýsingar um Gallerí Víð8ttu601: Steini eða Dísa  846 1314

Tónlistargjörningur í Verksmiðjunni á Hjalteyri

Tónlistargjörningur verður framinn í Verksmiðjunni á Hjalteyri á föstudagskvöld, 21. ágúst, kl. 21.00. Meiningin er að breyta gömlu síldarverksmiðjunni í hljóðfæri og nota til þess raddir söngfólksins í kammerkórnum Hymnodiu, ýmiss konar slagverk Hjörleifs Arnar Jónssonar, gamalt orgel harmóníum í eigu Eyþórs Inga Jónssonar og fiðlu Láru Sóleyjar Jóhannsdóttur. Flutt verða sígild og alþekkt lög en sannarlega í óvenjulegum og nýstárlegum búningi. Fólki er bent á að koma hlýlega klætt því svalt er í verksmiðjunni. Þó gæti hitnað í kolunum þegar fjörið færist í leikinn ...

Upplýsingar veita:
Eyþór Ingi Jónsson 663-1842
Hjörleifur Örn Jónsson 697-5845
Lára Sóley Jóhannsdóttir 867-0749

Moira Tierney sýnir og fjallar um kvikmyndir sínar í Verksmiðjunni á Hjalteyri

Laugardaginn 22 ágúst  kl. 20 :00 mun írska kvikmyndagerðarkonan Moira Tierney sýna og fjalla um kvikmyndir sínar í Verksmiðjunni á Hjalteyri.

Moira Tierney stundaði nám í Dublin og París en fluttist að því loknu til New York þar sem hún starfaði með Jonas Mekas við Anthology Film Archives. Hún er stofnfélagi í SOLUS collective  fyrir tilraunakvikmyndir sem hefur bækistöðvar sínar í Dublin og er þáttakandi í væntanlegri sýningarferð þeirra um Írland, Egyptaland, Túnis og Mauretaniu á haustdögum 2009.

Kvikmyndir Moiru Tierney eru fyrst og fremst teknar á Super-8mm og 16mm filmur; þær eru mannlýsingar úr þéttbýlinu og viðfangsefnin jafn fjölbreytt sem  samfélag Förufólks á Írlandi til Haítískra aðgerðarsinna í New York til Snáka og Magadansara til Franskra sirkusa til Rússneskra  sundkappa til veggmynda í Bronx til Max Roach og Cecil Taylor « in the house »…….. í Verksmiðjunni mun Moira segja frá og sýna úrval stuttmynda frá síðustu tíu árum, viðburðinn nefnir hún strandsiglingu.
www.moiratierney.net
www.soluscollective.org

Í Verksmiðjunni á Hjalteyri stendur nú ennþá yfir sýningin Kvörn sem er samsýning stofnenda Verksmiðjunnar. Sýningin er opinn um helgar frá 14:00 til 17:00, einnig er hægt að komast að samkomulagi um að fá að sjá hana utan sýningartíma. Laugardagurinn 22 ágúst er lokadagur sýningarinnar.

Edda Þórey Kristfinnsdóttir opnar sýningu í DaLí Gallery

Edda Þórey Kristfinnsdóttir opnar myndlistasýninguna Vistaskipti í DaLí
Gallery á Akureyri, laugardaginn 15. Ágúst kl. 15-17.
Sýning Eddu Þóreyjar Vistaskipti fjallar um hið eilífa ferðalag okkar
mannfólksins, vist á ólíkum stöðum og mismunandi áhrif umhverfis þeirra og fl.
Edda Þórey lærði hönnun í Iðnskólanum í Hafnarfirði, stundaði myndlistanám
í Myndlistaskóla Reykjavíkur, Myndlista og Handíðaskóla íslands og
útskrifaðist frá Myndlistaskólanum á Akureyri 2004. Edda Þórey er með
vinnustofu að Korpúlfsstöðum, er félagi í SÍM - Sambandi íslenskra
myndlistamanna, Gilfélaginu á Akureyri og í Myndstef.

Edda Þórey Kristfinnsdóttir um Vistaskipti:

Já
Mitt í hamingjunni
Blikka viðvörunarljós
Óreiða, skelfing , hrun
Gulir, rauðir, grænir, bláir
Englar himins gráta
Já
Mitt í hamingjunni


Vistaskipti er uppspretta verka minna.   Við mannfólkið erum á eilífu
ferðalagi.  Hús úr húsi, sveit úr sveit, borg úr borg, land úr landi, úr
einni vist í aðra.   Vistin getur verið frá því að vera góð til þess að
vera nöturleg.   Við ráðum ekki alltaf för.      Umhverfi,  innlendar og
erlendar fréttir hafa áhrif á mig, móta hugsanir mínar og  halda mér við
gerð verkanna.

Sýning Eddu Þóreyjar í DaLí Gallery stendur fram yfir Akureyrarvöku,
menningarvöku Akureyrarbæjar þann 29. Ágúst. DaLí gallery er opið
laugardaga og sunnudaga kl. 14-17 og á Akureyrarvöku kl.14-17 og 20-00.
Allir velkomnir
www.daligallery.blogspot.com

Maj Hasager sýnir í Populus Tremula

MAJ HASAGER
myndlistarsýning
22.-23. ágúst 2009


Laugardaginn 22. ágúst kl. 13:00 opnar listakonan Maj Hasager sýninguna HABITATION // ANTICIPATION í Populus Tremula. Þar sýnir hún á tveimur skjáum ljósmyndir og texta frá Vesturbakkanum í Palestínu verkið To Whom it May Concern, nokkurs konar ferðadagbók um breytingar á svæðinu undir hernámi Ísraela. Hasager sýnir einnig 21 verk sem hún hefur unnið á pappír meðan á dvöl hennar á Akureyri stendur.

Maj Hasager er dönsk listakona sem dvelur í gestavinnustofu Gilfélagsins á Akureyri í ágúst. Maj, sem er fædd 1977, hefur stundað list- og ljósmyndanám í Danmörku, Svíþjóð og Bretlandi og hlaut MFA gráðu frá Listaháskólanum í Malmö 2008. Hún hefur haldið sýningar og tekið þátt í samsýningum víða um heim á undanförnum árum.

Sýningin verður einnig opin sunnudaginn 23. ágúst kl. 13:00 - 17:00. Aðeins þessi eina helgi.

Sébastien Montéro og Steven Le Priol opna sýningu í GalleriBOX

FYRIRHEITNA LANDIÐ

Laugardaginn 8 ágúst kl.14.00 opna Sébastien Montéro og Steven Le Priol sýningu í GalleriBOX, Kaupvangsstræti 10, Akureyri.

Tveir strákar með storminn í fangið þar af einn út á sjó…

Hvað getur dregið tvo Fransmenn til fyrirheitna landsins hvers landslag er annálað, þegar þeir leita einskis nema ástarinnar eða ef ekki vill betur til byltingarinnar ? 
Boð frá tveimur kunningjum sem hér eiga heima um að búa til list…
Listin er þeim kostum búin að að lofa hverju sem er en ná síðan samkomulagi fyrir tilstuðlan jafngildis : tilfinningunni fyrir landslaginu og uppreisn eldfjallsins.

Listin er þegar við höfum ekkert betra að gera...

Sébastien Montéro og Steven Le Priol eru báðir starfandi listamenn í París. Sýningin sem ber heitið Fyrirheitna landið stendur til og með 23 ágúst . Hún er opin laugardaga og sunnudaga  milli  kl.14-17.


                                      TERRE PROMISE

Deux garçons dans le vent dont un a la mer…

Qu est ce qui peut amener deux français sur la terre promise du paysage chronique quand eux ne cherchent que l amour ou a défaut la révolution ? Une invitation a faire de l art par deux amis qui vivent ici…
L art a cet avantage de promettre n importe quoi puis de résoudre la négociation a coups d équivalences : le sentiment du paysage et l insurrection des volcans…

L art c est quand nous n avons rien de mieux a faire…