Kristján Pétur Sigurðsson opnar sýningu á ljósmyndum í Hafnarfirði

Rauðaþögn á ferð og flugi.

Laugardaginn 18.september kl. 14-17 opnar Kristján Pétur Sigurðsson sýningu á ljósmyndum í Gullsmíðastofu Fríðu Strandgötu 43 í Hafnarfirði.

Sýningin ber yfirskriftina RAUÐAÞÖGN Á FERÐ OG FLUGI og er önnur sýningin um ferðalög skúlptúrsins Rauðuþagnar um landið elds og ísa.

Sýningin verður síðan opin á opnunartíma gullsmíðastofunnar fram um miðjan október.

Setningarhátíð Hjólabrettafélags Akureyrar í Verksmiðjunni á Hjalteyri

 

Verksmiðjan á Hjalteyri

 

Setningarhátíð Hjólabrettafélags Akureyrar

11. – 12. september 2010

Laugardaginn 11. september kl. 13:00 og fram eftir degi

Sunnudaginn 12. september kl. 13:00 og fram eftir degi

verksmidjan.blogspot.com

http://www.facebook.com/event.php?eid=147755401912876

 

Setningarhátíð Hjólabrettafélags Akureyrar verður haldin í Verksmiðjunni á Hjalteyri laugardaginn 11. september. Hátíðin/Sessionið byrjar kl 13:00 og verður eitthvað fram eftir degi.

Á staðnum verða pallar, rail, box og fullt af dóti til að renna sér á.

Markmið félagsins er að kveikja aðeins í bæjaryfirvöldum/sveitarstjórnum og sýna hvað þessi íþrótt er stór hérna á Akureyri og í nágrenni.

Við verðum með undirskriftalista fyrir innanhúss aðstöðu hjólabrettamanna á Akureyri á staðnum og vonum að sem flestir sýni okkur stuðning.

Opið fyrir alla og endilega komið með sem flesta til að sýna stuðning.

Á staðnum verða sýndar brettaljósmyndir og myndbönd

Komið og deilið góðum tíma áður en veturinn skellur á!

 

Nýstofnað Hjólabrettafélag Akureyrar

Nánari upplýsingar veitir Elvar Örn Egilsson, formaður Hjólabrettafélagsins 6163044

 

Menningarráð Eyþings styrkir Verksmiðjuna á Hjalteyri.

Yst sýnir innsetninguna ÚT ÚR MYRKRI í Populus tremula

Föstudaginn 10. september kl. 17:00- 19:00 birtir Yst langtímarannsókn sína á grímulausu ofbeldi með opnun á innsetningunni ÚT ÚR MYRKRI í Populus tremula.
Sýningin verður einnig opin um helgina 11.-12. september kl. 14:00-17:00. Aðeins þessa einu helgi.

 

Populus tremula

Listagili

Akureyri

Stefán Boulter sýnir í Norræna húsinu

 

 

Andlit og skuggar

Nú stendur yfir Sýning Stefáns Boulter í Norræna húsinu Andlit og skuggar.

Sýningin opnaði 21.ágúst og líkur sýningunni 15. sept. 2010.

Sýningin er opin frá kl 12-17 alla daga. Lokað mánudaga.

Hann sýnir þar 37 verk, málverk og grafík unnin á síðast liðnum tveim árum. Viðfangsefni Stefáns er fólk,landslag, dýr og hlutir, þetta er heimur túlkaður í formi málverka, ljóðrænt raunsæi eða það sem hefur verið kallað Kitsch. Kitsch hefur verið lýst þannig að þar sé áhersla frásögnina og að ná tilfinningalegu sambandi við áhorfandann, það sem Grikkirnir kölluðu Pathos. "Kitsch er ávallt laust við kaldhæðnina og endurspeglun samtímans sem einkennt hefur hefðbundna samtímamyndlist.

Ég bý til leikmynd og síðan mála ég hana og umbreyti, þannig að þetta eru eins og glefsur úr sögum en við fáum aldrei alla söguna, þannig virka verkin oft kunnuglega án þess að maður viti nákvæmlega hvaðan sá kunnugleiki kemur, sem eru í raun erkitýpur."

stefanboulter.com

 

Óskað eftir fólki til þátttöku í myndbandsverki

 

Góðan daginn

Ég er að leita að fólki til að taka þátt í myndbandsverki á Akureyri í september, nákvæm dagsetning verður ákveðin síðar. Get því miður ekki borgað en góð reynsla fyrir þá sem hafa áhuga á gjörningum og myndbandsverkum. Áhugasamir vinsamlegast hafið samband í síma 8928048 eða sendið tölvupóst á [e-mail].

Kv,

Habby Osk

www.vimeo.com/habbyosk
www.habbyosk.com

Margrét Buhl opnar sýningu á Cafe Karólínu

 

Margrét Buhl

 

04.09.10 - 01.10.10

 

Café Karólína // Kaupvangsstræti 23 // IS 600 Akureyri // 4612755

---

Margrét Buhl opnar sýningu á Cafe Karólínu laugardaginn 4. september kl. 15:00. Sýningin stendur til 1. október og eru allir velkomnir.

 

Margrét útskrifaðist af fagurlistadeild úr Myndlistaskólanum á Akureyri vorið 2009 og er þetta önnur einkasýning hennar. Margét vinnur mikið með tónlist og tónlistarmenn í verkum sínum, þar sem hún fjallar um ástríðu sína á tónlist og hvernig hún tengist henni á persónulegan hátt.

 

Sýning Margrétar samanstendur af ljósmyndum þar sem hún túlkar látna tónlistarmenn, sem hafa haft sterk áhrif á hana í gegnum árin. Allir tónlistarmennirnir eru karlmenn, og túlkar hún þá með því að endurgera ljósmyndir af þeim, þar sem hún sjálf er viðfangsefnið.

 

Nánari upplýsingar veitir Margrét í síma 869 3632 eða tölvupósti: megbuhl(hjá)gmail.com

 

Café Karólína er opin frá kl. 17 og fram eftir nóttu alla daga nema laugardaga þá er opið frá kl. 15.

 

Næstu sýningar á Café Karólínu:

02.10.10 - 05.11.10                  Hrönn Einarsdóttir                 

06.11.10 - 03.12.10                  Guðrún Hadda Bjarnadóttir

 

Jón Laxdal Halldórsson opnar sýninguna "Viðbrögð" í Gerðubergi

Á sýningu Jóns Laxdal Halldórssonar Viðbrögð í Menningarmiðstöðinni Gerðubergi gefur að líta myndaröð sem unnin er úr gömlum pappír. Listamaðurinn raðar saman formum, textum og myndum í heillandi myndverk, eins konar klippimyndir sem að þessu sinni eru unnar úr vikublaðinu Fálkanum.

Nánar um sýninguna hér.

Sýningin stendur til 10. október og er opin virka daga 11-17 og um helgar 13-16.

Menningarmiðstöðin Gerðuberg | Gerðuberg 3-5 | 111 Reykjavík | Sími 575 7700

JARED BETTS SÝNIR Í POPULUS TREMULA UM NÆSTU HELGI

Laugardaginn 4. september kl. 14:00 opnar kanadíski myndlistarmaðurinn Jared
Betts sýningu í Populus tremula.

Jared, sem er frá New Brunswick, hefur dvalið á Skagaströnd síðustu mánuði
og unnið þar að list sinni. Hann hefur haldið einkasýningar og tekið þátt í
fjölmörgum samsýningum á síðustu árum.

Sýningin verður einnig opin sunnudaginn 5. september kl. 14:00-17:00.
Aðeins þessi eina helgi.

Gallerí Við8tta601 á Akureyrarvöku

Gallerí Við8tta601 tók daginn snemma og startaði Akureyrarvöku með opnun sýningarinnar "Fiskisaga/Tilbrigði við þorsk" kl. 06:00 í morgun, föstudag 27.08. Sýnendur eru Kristján Pétur Sigurðsson og Þorsteinn Steini Gíslason og er verkið staðsett utan á austur hlið Myndlistaskólans á Akureyri í Gilinu. Verkið er skúlptúr/bókverk með tónfræðilegu ívafi. Þagnamerki Kristjáns og þorskhausar Steina gefa verkinu annarlegan blæ, blæ ósættis og sameiningar, þöggunar og átaka.

Þrjár sýningar opna í Listagilinu á vegum Listasumars

Á laugardaginn 28. ágúst opna þrjár sýningar í Listagilinu á vegum
Listasumars á Akureyri.

Í Ketilhúsinu kl. 14:00 opna Anna Sigríður Hróðmarsdóttir og Guðrún Hadda
Bjarnadóttir sýninguna "Rabbabari". Hér er á ferðinni einstök sýning, þar
sem rabbabari er viðfangsefnið í allri hugsanlegri og óhugsanlegri mynd,
s.s. þurkaður rabbabaraskúlptúr á vegg, ofinn rabbabari í hör, dúkar, teppi
og uppskriftabækur, málverk og ljósmyndir af rabbabara, leirílát í litum
rabbabarans undir afurðir rabbabarans s.s. saft, grauta og sultur og fleira
og fleira. Nýtíndur rabbabari verður í boði utandyra fyrir gesti og gangandi
að smakka og geta gestir fengið sykur til að dýfa í. Sýningin stendur til
12. september og er opin alla daga nema mánudaga frá kl. 13-17.

Í Deiglunni kl. 14:00 opnar Ragnheiður Guðmundsdóttir (Heiða),
ljósmyndasýninguna "Börn" og er viðfangsefni eins og yfirskriftin segir
ljósmyndir af börnum frá því þau eru nokkurra daga gömul og uppúr. Sýningin
stendur til og með sunnudeginum 29. ágúst og verður opin fram til miðnættis
á laugardag og á sunnudag kl. 13-17.

Milli Ketilhússins og Listasafnsins kl. 14:30 verður formleg opnun á
ljósmyndasýningu Gísla B. Björnssonar og Önnu Fjólu Gísladóttur "Litróf".
Samtímis kemur út ný 400 mynda ljósmyndabók eftir þau feðgin og verður hún
afhent við hátíðlega athöfn.

www.listagil.akureyri.is

Tvær ljósmyndasýningar opna í Listasafninu á Akureyri

Á Akureyrarvöku, laugardaginn 28. ágúst kl. 15.00, verða tvær ljósmyndasýningar opnaðar í Listasafninu á Akureyri, annars vegar hin árlega sýning Blaðaljósmyndarafélags Íslands og hins vegar sýning á myndröðinni Trú eftir norska ljósmyndarann Ken Opprann. Sýningarnar standa til 17. október. 

Styrktarsjóður Guðmundu Andrésdóttur óskar eftir umsóknum

Styrktarsjóður Guðmundu Andrésdóttur
auglýsir eftir umsóknum um styrki úr sjóðnum á árinu 2010

Samkvæmt skipulagsskrá sjóðsins nr. 9321 er markmið hans ,,að styrkja og hvetja unga og efnilega myndlistarmenn til náms” en stofnfé sjóðsins er arfur samkvæmt erfðaskrá Guðmundu Andrésdóttur listmálara sem lést árið 2002. Ráðstöfunarfé sjóðsins eru raunvextir af höfuðstól og verður í ár ráðstafað 8.0 milljónum króna. Stjórn sjóðsins ákveður hversu margir styrkir verða veittir.

Sjóðurinn styrkir myndlistarmenn til framhaldsmenntunar og er æskilegt að umsækjendur hafi lokið BA prófi í myndlist eða sambærilegu námi. Hægt er að sækja um styrk til lengri eða skemmri námsdvalar erlendis, þó aldrei skemur en til sex mánaða. Umsókn skal fylgja ítarleg greinargerð um fyrirhugað nám ásamt meðmælabréfi og upplýsingum um fyrra nám og starfsferil.

Stefnt er að úthlutun eigi síðar en 22. október næstkomandi.
Umsóknarfrestur er til og með 21. september 2010.
Umsóknir merktar styrktarsjóðnum skulu sendar Listasafni Íslands, Laufásvegi 12, 101 Reykjavík.
Nánari upplýsingar eru veittar í síma Listasafnsins 515 9600.

Stjórn Styrktarsjóðs Guðmundu Andrésdóttur

Opnunarhátíð Menningarhússins Hofs á Akureyri

 

Velkomin á kynningu Myndlistarfélagsins í Hofi föstudaginn 27. ágúst kl. 17:00.

Á kynningunni eru verk eftir rúmlega 60 listamenn úr Myndlistarfélaginu sem sannarlega endurspegla þann margbreytileika sem myndlistin felur í sér.
Einnig sýnir Guðný Kristmannsdóttir málverk en hún er einnig félagi í Myndlistarfélaginu og fyrrverandi bæjarlistamaður.

Allir velkomnir!

Loka útkall! Umsóknir fyrir gestavinnustofur Skaftfells 2011

 

Opið fyrir umsóknir til 1. september 2010

Skaftfell, miðstöð myndlistar á Austurlandi auglýsir eftir umsóknum í gestavinnustofur á árinu 2011.

Gestavinnustofum Skaftfells er ætlað að stuðla að samfélagi listamanna, heimamanna og gesta. Að búa í haginn fyrir skapandi samræður milli listarinnar og hversdagsins. Að búa listamönnum rými til vaxtar og sköpunar í litlu samfélagi þar sem allt er hægt.

Þó svo að gestavinnustofur Skaftfells séu fyrst og fremst fyrir myndlistarmenn þá eru teknar til greina umsóknir frá listamönnum sem vinna á milli miðla eða í aðra miðla en á forsendum myndlistar. Umsóknir frá hópum og fjölskyldum eru einnig vel séðar.

Breyting hefur orðið á fyrirkomulaginu frá fyrri árum. Nú eru 3 hús á Seyðisfirði í boði fyrir gestalistamenn; Gestavinnustofan í Skaftfelli, Hóll við Vesturveg og Járnhúsið við Fossgötu. Dvalartími er frá 1 upp í 6 mánuði.

Allar frekari upplýsingar og umsóknareiðublað má finna á http://skaftfell.is

 

FINAL CALL FOR APPLICATIONS - Skaftfell residency program in 2011

Call for applications
Deadline 1st. September 2010

Skaftfell Center for Visual Art has opened a call for applications for the residency program in 2011.

The Skaftfell residency program’s objective is to create a community made up of artists and the general public in the rural setting of East-Iceland. Creating a platform to stimulate innovative dialogue between art and life. Allowing a space for artists to experience and explore a new angle to their artistic work in context with living and working in a unique, micro community were creativity is applied to every day life.

Although Skaftfell’s residency program is aimed at artists working with in the field of visual art, experimental artists working in intermediate methods are eligible to apply regardless of the nature of their primary profession/education within the arts. Group and family applications are welcome.

The residencies are located in three different houses in the town of Seyðisfjörður; at Skaftfell, at Hóll on Vesturvegur road and at the Iron House on Fossgata road. The houses all have two bedrooms, bathroom with shower, kitchen, a small living room aria and studio/working facilities. The houses are all equipped with beds, dining sets, duvets, linen and towels for 5 people. Each residency period is from 1 - 6 months.

All further information can be found on the website http://skaftfell.is

Þórunn Eymundardóttir

forstöðumaður

Skaftfell, miðstöð myndlistar á Austurlandi

Austurvegi 42, 710 Seyðisfirði

4721632 / 8695107

[e-mail]

skaftfell.is 

Starfslaun listamanna fyrir árið 2011

Starfslaun listamanna

Umsóknarfrestur rennur út föstudaginn  1. október 2010, kl. 17. 00.

Hér með eru auglýst til umsóknar starfslaun listamanna sem úthlutað verður árið 2011, í samræmi við ákvæði laga nr. 57/2009.

Starfslaun eru veitt úr sex sjóðum, þeir eru:

1.   launasjóður hönnuða
2.   launasjóður myndlistarmanna
3.   launasjóður rithöfunda
4.   launasjóður sviðslistafólks
5.   launasjóður tónlistarflytjenda
6.   launasjóður tónskálda

Auk starfslauna er sjóðunum heimilt að veita ferðastyrki.

Sækja skal um listamannalaun á vef Stjórnarráðsins, vefslóðin er:) http://umsokn.stjr.is  umsóknarfrestur er til kl. 17.00, föstudaginn 1. október 2010.

Rafrænt umsóknareyðublað fyrir listamannalaun verður aðgengilegt innan tveggja vikna.

Fylgigögn með umsókn sem ekki er hægt að senda rafrænt skulu berast skrifstofu stjórnar listamannalauna, Hallveigarstöðum, Túngötu 14, 101 Reykjavík, fyrir  kl. 17.00, föstudaginn 1. október 2010, sé um póstsendingu að ræða gildir dagsetning póststimpils.

Hafi umsækjandi hlotið starfslaun áður, verður umsókn því aðeins tekin til umfjöllunar að framvinduskýrslu vegna fyrri starfslauna hafi verið skilað til stjórnar listamannalauna, sbr. ákvæði 4. gr. laga um listamannalaun nr. 57/2009.

Einungis er unnt að sækja um starfslaun fyrir sama verkefni í einn sjóð.

Samkvæmt 3. gr. laga nr. 57/2009 er stjórn listamannalauna heimilt að færa umsóknir á milli sjóða. Slíkt verður gert í samráði við umsækjanda.

Lög um listamannalaun og reglugerð er að finna á heimasíðu stjórnar listamannalauna: www.listamannalaun.is

Nánari upplýsingar veittar á skrifstofunni í síma 562 6388.

Stjórn listamannalauna 12. ágúst 2010

Lára Stefánsdóttir opnar ljósmyndasýningu í Jónas Viðar Gallery

Jónas Viðar Gallery

Akureyrarvaka - Úr holunni heim

Laugardaginn 28 ágúst kl 15.00 opnar Lára Stefánsdóttir ljósmyndasýningu

þér og þínum er boðið


Úr holunni heim

Myndirnar fjalla um öflun, flutning og geymslu á jarðvarmaorku á
Norðausturlandi. Jarðvarminn er endurnýjanlegur orkugjafi en undir manninum
komið hvernig og hvort hann nýtir hann. Með því að vinna með náttúrunni og
...umhverfinu getur orkuöflunin verið fögur og gert okkur kleift að lifa við
nútíma þægindi án þess að skaða náttúruna.


______________________________________________

Jónas Viðar
sími: 8665021
Heimasíða: http://www.jvs.is
Jónas Viðar Gallery: http://www.jvs.is/jvgallery.htm

Kristján Pétur sýnir tréskúlptúrinn ÞAGNARNÁL í BOXinu

Frá laugardeginum 28. ágúst mun Kristján Pétur Sigurðsson sýna tréskúlptúrinn ÞAGNARNÁL í BOXKompunni í Listagilinu. Þagnarnálin er eiginlega langa systir ÞAGNAR-FREYJU, sem sem sést á myndinni standa keik fyrir utan Populus Tremula og BOXið. Sýningin verður opin til 19. september, kl. 14-17 á föstu-, laugar- og sunnudögum.
Sýningin opnar laugardaginn 28. september kl. 14 og allir eru velkomnir.

Guðrún Pálína Guðmundsdóttir opnar sýninguna Taktur í sal Myndlistarfélagsins

Laugardaginn 28. ágúst kl. 14.00 opnar Guðrún Pálína Guðmundsdóttir sýnir sýninguna Taktur í sal Myndlistarfélagsins í Listagilinu á Akureyri. Guðrún Pálína sýnir teikningar og málverk  þar sem hún vinnur út frá hugmyndinni um lífstaktinn skoðaðan í ljósi ættfræði þar sem teflt er saman staðreyndum og tilbúnum persónum.
Sýningin mun standa til og með 19. september og er opin föstu-, laugar- og sunnudaga frá kl. 14.00-17.00 eða eftir samkomulagi við sýnanda.

Velkomin á kynningu Myndlistarfélagsins í Hofi 27. ágúst kl. 17:00

 

Á kynningunni eru verk eftir rúmlega 60 listamenn sem sannarlega endurspegla þann margbreytileika sem myndlistin felur í sér.

Myndlistarfélagið var stofnað í janúar árið 2008 og er eitt aðildarfélaga Sambands íslenskra myndlistarmanna. Í því eru nú rúmlega 80 myndlistarmenn, flestir búsettir á Akureyri eða á Norðurlandi en félagið er opið öllum myndlistarmönnum.

Megin tilgangur félagsins er að vera málsvari myndlistarmanna, gæta hagsmuna þeirra og bæta kjör og starfsgrundvöll þeirra. Einnig að efla umræðu um myndlist,  auka þekkingu og fræðslu um myndlist og stuðla að  samvinnu myndlistarmanna.

Í Myndlistarfélaginu er fjölbreyttur hópur ólíkra myndlistarmanna sem endurspeglar gróskuna í myndlist á landinu.

Myndlistarfélagið rekur Gallerí BOX og Sal Myndlistarfélagsins í Listagilinu á Akureyri og kappkostar að bjóða uppá framsæknar og fjölbreyttar sýningar erlendra og íslenskra listamanna ásamt því að sýna verk félagsmanna.

 

Batik og pappírsverk á Amtsbókasafninu á Akureyri

Sýning á batik og pappírsverkum, unnum af pólsku myndlistarmönnunum Zofia Bisiak og Alexandra Herisz verður opnuð á Amtsbókasafninu á Akureyri mánudaginn 23. ágúst kl. 17. Sýningin er liður í íslensk-pólsku listverkefni, „Art-platform“.

Sýningin mun standa til föstudagsins 27. ágúst og verður opin á opnunartíma safnsins kl. 10-19 alla dagana.

Allir hjartanlega velkomnir.