Sýningarlok í Listasafninu á Akureyri

Nú eru síðustu forvöð að sjá sumarsýningu Listasafnsins á Akureyri.
Sýningin sem ber heitið Rím, samanstendur af höggmyndum Ásmundar
Sveinssonar(1893-1982) og verkum valinna samtímalistamanna, sem
kallast á og ríma saman.
 
Myndhöggvarinn Ásmundur átti sér mörg viðfangsefni í listinni; mörg þeirra
sótt í arfleifðina og þann tíðaranda sem skóp hann, en önnur í framtíðina,
tæknina og vísindin. Listamennirnir sem valdir hafa verið til að sýna með
Ásmundi hafa glímt við sömu hluti og Ásmundur en í nútímanum og í
samhengi við sinn tíma og tíðaranda. Tengsl verka Ásmundar Sveinssonar
við verk listamanna samtímans endurnýjar innihald þeirra og dýpkar
samtal þeirra við umhverfi sitt.
 
Sýningin stendur til 22. ágúst, opið er alla daga nema mánudaga frá 12-17.
Aðgangur er ókeypis í boði Akureyrarbæjar


Myndir af verkum er hægt að nálgast á þessari síðu http://www.listasafn.akureyri.is/myndasafn/

Uppskeruhátíð ræktunar og myndlistar á Akureyri

Uppskeruhátíð ræktunar og myndlistar 28. ágúst
Sýning og viðburður

Sýningin opnaði á opnun Listasumars á Akureyri 19. júní og er í Gömlu Gróðrarstöðinni við Krókeyri (í Innbænum), þar sem matjurtargarðar bæjarbúa eru.
Sýningin er opin á virkum dögum frá 10-15 og er bæði utandyra og inn í gróðurhúsinu.
Sýnendur eru:
Arna G. Valsdóttir
Guðrún Pálína Guðmundsdóttir
Hlynur Hallsson
Joris Rademaker
Kristín Þóra Kjartansdóttir
Þórarinn Blöndal

Viðburðurinn verður á Akureyrarvöku, 28. ágúst kl. 11-12 á sama stað. Fjallað verður stuttlega um sýninguna, þátttöku í ræktun í matjurtargörðunum og Arna G. Valsdóttir flytur gjörning og lokar sýningunni en hún opnaði einnig sýninguna með gjörningi 19. júní. Viðburðurinn endar með að boðið verður upp á smakk af uppskerunni.

Sýningin og viðburðurinn eru styrktir af Menningarráði Eyþings.

Safnasafnið með nýja vefsíðu

Safnasafnið er komið með nýja og spennandi vefsíðu sem enginn
listamaður má láta framhjá sér fara. Bent er sérstaklega á
Vefsýningar og Íbúð.

Lista- og fræðimannsíbúðin er nú auglýst að nýju, viku í senn / eða
fleiri ef fólk vill / verð: 20.000 kr. vikan / sjá nánar á
www.safnasafnid.is

Clara Drummond sýnir í GalleriBOXi

Clara Drummond frá London, Englandi, opnar sýningu á teikningum úr
náttúrunni laugardaginn 7. ágúst kl. 14.
Sýningin mun standa til sunnudagsins 22. ágúst og verður opin föstudaga,
laugardaga og sunnudaga kl. 14-17.

GalleriBox, Salur Myndlistarfélagsins, Listagilinu, Kaupvangsstræti 10, 600 Akureyri.

Sýningin "Húsmæður og heimasætur" á Skeiði í Svarfaðardal

Laugardaginn 7. ágúst kl. 14.00-17.00 opna Guðrún Pálína Guðmundsdóttir myndlistarkona og Kristín Þóra Kjartansdóttir sagnfræðingur sýninguna Húsmæður og heimasætur að gistiheimilinu á Skeiði í Svarfaðardal. Kveikjan að sýningunni var sú að ömmur þeirra beggja bjuggu samtíða að Skeiði fyrir um hundrað árum. Í sýningunni er þessum formæðrum gerð skil, en núverandi húsmóðir og heimasæta koma líka fyrir. Kaffi og kökur verða til sölu á opnuninni. Allir eru velkomnir.

Sýningin mun standa fram á haust og er þá opið samkvæmt samkomulagi við Myriam Dalstein á Skeiði.

Gistihúsið Skeið
Svarfaðardal
621 Dalvík
++354 - 466 1636
++354 - 866 7036
www.thule-tours.com
www.travel2dalvik.com
www.dalvik.is

Arnþrúður Dagsdóttir opnar sýningu á Kaffi Karólínu

 

Arnþrúður Dagsdóttir

 

Breiða

 

07.08.10 - 03.09.10

 

Café Karólína // Kaupvangsstræti 23 // IS 600 Akureyri // 4612755

 

 

Breiða, sýning Arnþrúðar Dagsdóttur verður opnuð laugardaginn 7.ágúst kl. 15.00 á Kaffi Karólínu. Sýningin stendur til 3.september. Allir eru velkomnir.

 

Arnþrúður Dagsdóttir lauk mastersnámi í myndlist frá Sandberg Instituut í Amsterdam haustið 2007. Hún útskrifaðist 2003 frá myndlistarskólanum AKI, Academie voor Beeldende Kunst en Vormgeving, Enschede, Hollandi. Algeng þemu í verkum hennar eru samskipti manns við náttúruna og náttúruna í sér, sjálfsmyndin, kynja- og kynímyndir.

 

Breiða samanstendur af ljósmyndum. Þær spyrja spurninga um mörk hins almenna og hins einstaka og um tímann í efnislegum hlutum. Í ljósmyndum og fötum er falinn ákveðinn tími, stund sem aldrei kemur aftur en við reynum að klófesta. Föt eru hluti af persónusköpun mannsins, næst skinninu, náttúrunni. Frá mörkum hins almenna og hins einstaka er stutt í sviðsetningar og mögulegar atburðarásir sem efniviður myndanna gæti/gæti ekki hafa tekið þátt í. Myndin sjálf, framsetningin, ákvarðast af einhverju leiti af þessu, en ekki síður af þeirri spennu og fegurð sem verður til þegar náttúru og manngerðum hlutum er stefnt saman.

 

Nánari upplýsingar veitir Arnþrúður í síma 849 2804 eða tölvupósti: [e-mail]

 

Sýningin stendur til föstudagsins 3. september og allir eru velkomnir.

 

Café Karólína er opin frá kl. 17 og fram eftir nóttu alla daga nema laugardaga þá er opið frá kl. 15.

 

Næstu sýningar á Café Karólínu:

04.09.10 - 01.10.10                  Margrét Buhl                  

06.11.10 - 03.12.10                  Guðrún Hadda Bjarnadóttir

 

Sýningu Hrefnu Harðardóttur á Café Karólínu að ljúka

HREFNA HARÐARDÓTTIR

TENGJA  Lokadagur sýningarinnar er föstudagur 6. ágúst n.k.

Myndverkið TENGJA samanstendur af tólf ljósmyndum af konum búsettum við Eyjafjörð og sem eru allar virkar í menningarlífi Akureyrar. 

Með konunum á myndunum eru hlutir sem tengjast þeim á einn eða annan hátt.  Ljósmyndabók af sýningunni getur fólk pantað beint frá Hrefnu.

Café Karólína // Kaupvangsstræti 23 // IS 600 Akureyri // 4612755

Opnunartími er eftir kl. 17.00
Fréttatilkynninguna er einnig hægt að sjá á: http://mynd.blog.is/blog/mynd/entry/1072190

Konurnar eru :
Arna Guðný Valsdóttir
Guðrún Hallfríður (Hadda) Bjarnadóttir
Hjördís Frímann
Hildur María Hansdóttir
Hrafnhildur Vigfúsdóttir
Guðrún Pálína Guðmundsdóttir
Kristín Þóra Kjartansdóttir
Linda Ólafsdóttir
Þorbjörg Ásgeirsdóttir
Valdís Viðarsdóttir
María Jóna Jónsdóttir
Sigrún Höskuldsdóttir

Hrefna Harðardóttir stundaði nám á myndlistarbraut MA (stúdent 1989) og útskrifaðist frá Leirlistardeild MHÍ eftir nám árin 1992-95 og lauk B.Ed. kennaranámi frá Listaháskóla Íslands 2007. Hún hefur sótt mörg námskeið í grafík, ljósmyndun og leirlist í Frakklandi, Ítalíu, Ungverjalandi, Danmörku og Englandi og haldið einkasýningar og tekið þátt í mörgum samsýningum víða um land og erlendis. Hún er félagi í Sambandi íslenskra myndlistarmanna, Myndlistarfélaginu og Leirlistarfélagi Íslands. Hrefna starfar á eigin verkstæði í Listagilinu Akureyri. 

Nánari upplýsingar veitir Hrefna í síma 862 5640 eða tölvupósti: [e-mail]

Ana Fradique með umræður á sýningu sinni

Nú stendur yfir í Boxinu og Sal Myndlistarfélagsins sýning listakonunnar Ana Fradique, sem dvelur í
gestavinnustofu Gilfélagsins um þessar mundir. Sýningin byggir m.a. á
spurningum á blöðum sem sýningargestir eru beðnir um að svara og samræðum
sín á milli og við listamanninn.

Opinber umræða verður á sunnudaginn 1. ágúst kl. 15 þegar sýningu lýkur.

Guðmundur Ármann og Kristinn G. Jóhannsson sýna í Ketilhúsinu

Myndlistarfélagið í samvinnu við Listasumar stendur fyrir sýningu á verkum Guðmundar Ármanns Sigurjónssonar og Kristins G. Jóhannssonar. Sýningin ber yfirskriftina: „MEÐ  PENSLI OG PALLETHNÍF“
Og verður opnuð í Ketilhúsi, Akureyri kl. 14:00 laugardaginn 31. júlí. Sýningin stendur til 15. ágúst. ALLIR VELKOMNIR!

 

Finnur, Keli og Kristján í Verksmiðjunni á Hjalteyri

 

Verksmiðjan á Hjalteyri

 

Finnur Keli Kristján ?

31. júlí – 5. september 2010

Opnun laugardaginn 31. júlí kl. 16

Opið um helgar frá kl. 14 - 17

verksmidjan.blogspot.com

facebook.com/pages/Verksmidjan-a-Hjalteyri/92671772828?ref=ts

 

 

Finnur Arnar, Kristján Steingrímur og Þorkell Atlason

 

Laugardaginn 31. júlí verður opnuð sýningin "Finnur Keli Kristján ?" í Verksmiðjunni á Hjalteyri.

Sýningin er samvinnuverkefni myndlistarmannanna Finns Arnar, Kristjáns Steingríms og tónskáldsins Þorkels Atlasonar.

Listamennirnir, sem eru búsettir á höfuðborgarsvæðinu, lögðu land undir fót á húsbíl norður á Hjalteyri viku fyrir opnunina og settu upp sýninguna úr efnis- og hljóðheimi staðarins.

Á opnun verður fluttur gjörningur.

Sýningin stendur frá 31. júlí til 5. september og verður opin um helgar frá 14 - 17. Á virkum dögum er hægt að hafa samband í síma 692 7450  til að skoða sýninguna.

Nánari upplýsingar veitir Finnur Arnar í síma 899 5590 og Kristján Steingrímur í [e-mail]

Menningarráð Eyþings styrkir Verksmiðjuna á Hjalteyri.

Reimleikar – húslestur frá 20. öld í Verksmiðjunni á Hjalteyri

Um helgina verður ljóðasýningin Reimleikar sett upp í Verksmiðjunni. Sýningin stendur yfir eina helgi frá 23. til 25. júlí. Á sýningunni er ljósi brugðið á íslenska ljóðlist, upptökur og upplestur. Þar sem gefnar hafa verið út á Íslandi með upplestri ljóðskálda, og þær settar upp til spilunar. Sýningin er í grunninn bókmenntasöguleg. Hægt verður að hlusta á skáld og skáldskap frá ólíkum tímabilum og hlusta sig þannig í gegnum íslenska ljóðlist 20. aldar. Sýningin býr einnig yfir mörgum lögum: hægt er að njóta raddanna og bera saman raddblæ skáldanna, hægt er að njóta ljóðanna, hægt er að njóta sögunnar sem býr í útgáfunni og upptökutækninni. Á endanum stendur áheyrandinn líka frammi fyrir spurningum um eðli upptökunnar og hins talaða orðs. Verksmiðjan sjálf á Hjalteyri skiptir sköpum fyrir sýninguna, tilkomumikill hljómburður hússins skapar sýningunni einstaka umgjörð. Enginn fær notið upplesturs sem hefur verið upptekinn, nema hann fari fram í húsi sem hæfir. Verksmiðjan er fullkomlega eyðilegur staður - hún leyfir fólki að hlusta eitt, sér og út af fyrir sig, þótt allir fái notið ljóðlistarinnar í sameiningu. Sýningin er önnur í röðinni af þremur sýningum sem tengjast bókmenningu og margmiðlun. Jóna Hlíf Halldórsdóttir og Hjálmar Stefán Brynjólfsson setja upp sýninguna. Áður hafa þau dansað á mörkum bókmennta og myndlistar í sýningunni Bráðum – áminning um möguleika gleymskunnar sem sett var upp í nóvember 2009 í GalleríBOX. Síðasta sýningin fer fram árið 2011.

Athugið: aðeins þessi eina helgi.

http://www.verksmidjan.blogspot.com

http://www.facebook.com/pages/Verksmidjan-a-Hjalteyri/92671772828?v=wall

Gjörningadagskrá í Verksmiðjunni á Hjalteyri

Laugardaginn 10. júlí stendur Verksmiðjan á Hjalteyri fyrir Gjörningadagskrá frá kl. 14.00 - 16.00.

fram koma:
Birgir Sigurðsson
Hlynur Hallsson
Arnar Ómarsson
Kjartan Sigtryggsson
Aðalheiður S. Eysteinsdóttir

Íslenskur safnadagur í Safnasafninu

 

SAFNASAFNIÐ - ÍSLENSK ALÞÝÐULIST

Íslenskur safnadagur 11. júlí 2010

Opnun kl. 14.00-16.00 í Norðursölum, 2. hæð

Listveisla 1, 2010, fjölfeldi í 50 eintökum, 22 listaverk í hirslu

© hugmynd: Níels Hafstein; höfundar verka

Útgefandi: Safnasafnið, 2010

Gestgjafi: Magnhildur Sigurðardóttir

Umsjón: Harpa Björnsdóttir, Níels Hafstein

Styrkveitendur: Hlaðvarpinn, Menningarsjóður kvenna, Menningarráð Eyþings og Rarik

Höfundar: Aðalheiður S. Eysteinsdóttir, Andrea Maack, Anna Hallin, Anna Líndal, Arna Valsdóttir, Ásta Ólafsdóttir, Brynhildur Þorgeirsdóttir, Erla Þórarinsdóttir, Elsa Dórothea Gísladóttir, Gjörningaklúbburinn, Guðbjörg Ringsted, Harpa Björnsdóttir (hirsla), Hekla Dögg Jónsdóttir, Hildigunnur Birgisdóttir, Magnhildur Sigurðardóttir, Olga Bergmann, Ólöf Nordal, Ragnheiður Ragnarsdóttir, Ragnhildur Stefánsdóttir, Rúrí, Sigríður Ágústsdóttir, Þórunn Elísabet Sveinsdóttir, Þórdís Alda Sigurðardóttir

Upplýsingar eru veittar í síma 4614066 / sjá líka: www.safnasafnid.is

Frauke Hänke og Claus Kienle sýna í Kunstraum Wohnraum á Akureyri

 

FRAUKE HÄNKE + CLAUS KIENLE

WO AUCH IMMER - HVAR SEM ER

11.07. - 29.08.2010

 

Opnun sunnudaginn 11. júlí 2010, klukkan 11-13

Eröffnung am Sonntag 11. Juli 2010, 11-13 Uhr           

Preview on Sunday July 11^th.  2010, at 11-13

 

Opið samkvæmt samkomulagi • Geöffnet nach Vereinbarung • Open on appointment       

    

KUNSTRAUM WOHNRAUM                          

Hlynur Hallsson • Kristín Kjartansdóttir           

Ásabyggð 2 • IS-600 Akureyri •  [phone]

hlynur(hjá)gmx.net • www.hallsson.de

 

Sunnudaginn 11. júlí 2010 klukkan 11-13 opna þau Frauke Hänke og Claus Kienle sýninguna “Wo auch immer – Hvar sem er” í Kunstraum Wohnraum á Akureyri.

 

Sýningin er byggð á ljósmyndum sem eru unnar með með mismunandi aðferðum. Frauke Hänke og Claus Kienle eru búsett í Hamborg í Þýskalandi en verða viðstödd opnunina í Kunstraum Wohnraum.

Fyrir sýninguna kemur út 32 blaðsíðna sýningarskrá með myndum og textum.

 

Úr texta í sýningarskrá: “Verk Frauke Hänke og Claus Kienle eru önnur sýn á veruleikann sem oft virkar hversdagslegur. Ljósmyndir af gönguhópi, vinnuvélum, ferðamönnum, fótboltavelli eða hjólhýsum. En það er liturinn, textinn, skurður myndanna og samhengið sem gera þær allt annað en hversdagslegar.”

 

Myndir af verkum þeirra og nánari upplýsingar eru á síðunni www.haenke-kienle.de og einnig á www.heim-herd.de

 

Nánari upplýsingar veita Frauke og Claus í [e-mail]

 

Kunstraum Wohnraum hefur verið starfrækt frá árinu 1994, fyrst í Hannover og nú á Akureyri. Það er til húsa á heimili Hlyns Hallssonar og Kristínar Kjartansdóttur í Ásabyggð 2. Sýning Frauke Hänke og Claus Kienle stendur til 29. ágúst 2010 og er opin eftir samkomulagi og hægt er að hringja í síma 462 3744.

 

Nánari upplýsingar um Kunstraum Wohnraum er að finna á: http://www.hallsson.de/projects/kunstraum_wohnraum/kunstraum_wohnraum.html

 

Gullkistan, dvalarstaður fyrir skapandi fólk

Gullkistan, dvalarstaður fyrir skapandi fólk gjörir kunnugt:

Við bjóðum nú gestunum okkar íbúðir á Laugarvatni og herbergi í Eyvindartungu þar sem einnig er frábær vinnuaðstaða í uppgerðu fjósi. Eyvindartunga er sveitabær í 10 mínútna göngufæri frá Laugarvatni. Allar græjur til heimilishalds og internet. Fjölskyldufólk velkomið. Sjá myndir á gullkistan.is

Frábært fyrir einstaklinga og hópa.

Nokkur pláss laus í sumar á góðu verði fyrir Íslendinga.
Opið fyrir áhugasama í vetur.

Alda og Kristveig
892-4410 og 699-0700


íbúð 35 þús ein vika
4 daga helgi 25 þús
Eyvindartunga ein vika fyrir tvo 25 þús
Eyvindartunga fyrir einn 18 þús

--
GULLKISTAN, dvalarstaður fyrir skapandi fólk
GULLKISTAN, residency for creative people
Eyvindartunga
801 Selfoss, Iceland
gullkistan.is
[e-mail]

Jóna Bergdal opnar sýningu í Rafveitu Reyðarfjarðar

Jóna Bergdal opnar sýningu í Rafveitu Reyðarfjarðar, sem heldur upp á 80 ára afmæli föstudaginn 2. júlí.

„Kraftur vatnsins“

7 olíuverk og 5 vatnslitamyndir.

Jóna útskrifaðist frá Myndlistarskólanum á Akureyri 2003.

Allir hjartanlega velkomnir.

Grálist opnar sýningu í sal Myndlistarfélagsins

Grálist opnar sýningu í sal Myndlistarfélagsins laugardaginn 3. júlí kl.14-17.

  Sýningin samanstendur af verkum 10 listamanna úr samsýningarhópnum
  Grálist. Þau eru:
  Aðalbjörg S. Kristjánsdóttir
  Sveinbjörg Ásgeirsdóttir
  Sigurlín M. Grétarsdóttir
  Linda Björk Óladóttir
  Dagrún Matthíasdóttir
  Hertha R. Úlfarsdóttir
  Unnur Óttarsdóttir
  Steinunn Ásta Eiríksdóttir
  Ása Ólafsdóttir
  Steinn Kristjánsson

  Sýningin stendur til 25.júlí og er opin laugardaga og sunnudaga milli kl.
  14-17
  www.gralist.wordpress.com

 

Salur Myndlistarfélagsins

Gallerí BOX

Listagili 

Akureyri

Rím í Listasafninu á Akureyri

Laugardaginn 3. júlí klukkan 15.00 opnar Listasafnið á Akureyri sýninguna Rím. Þar gefur að líta úrval verka Ásmunds Sveinssonar í bland við verk listamanna samtímans, sem ríma við minni Ásmundar.

Myndhöggvarinn Ásmundur var 20. aldar maður mótaður af 19. öldinni. Hann átti sér mörg viðfangsefni í listinni; mörg þeirra sótt í arfleifðina og þann tíðaranda sem skóp hann, en önnur í framtíðina, tæknina og vísindin. Listamennirnir sem valdir hafa verið til að sýna með Ásmundi hafa glímt við sömu hluti og Ásmundur en í nútímanum og í samhengi við sinn tíma og tíðaranda. Listamennirnir sem eiga verk á sýningunni, auk Ásmundar Sveinssonar eru Birgir Snæbjörn Birgisson, Davíð Örn Halldórsson, Eirún Sigurðardóttir, Finnur Arnar Arnarson, Guðrún Vera Hjartardóttir, Hrafnkell Sigurðsson, Kristín Gunnlaugsdóttir, Ólöf Nordal, Pétur Örn Friðriksson og Sara Riel. Sýningarstjórar eru Ólöf K. Sigurðardóttir og Sigríður Melrós Ólafsdóttir.

Tengsl verka Ásmundar Sveinssonar við verk listamanna samtímans endurnýjar innihald þeirra og dýpkar samtal þeirra við umhverfi sitt. Þótt verkin á  sýningunni séu mótuð af ólíkum tíðaranda og tæknilegum möguleikum eiga þau sér innra rím sem sækir í sameiginlegan brunn þar sem uppspretta nýrra hugmynda virðist óþrjótandi.

Safnið er opið alla daga nema mánudaga frá klukkan 12.00 til 17.00. Sýningarstjórar eru þær Ólöf K. Sigurðardóttir og Sigríður Melrós Ólafsdóttir, og er sýningin unnin í samstarfi við Listasafn Reykjavíkur – Ásmundarsafn.

Nánari upplýsingar um safnið og sýninguna má nálgast á vef safnsins, listasafn.akureyri.is.

MYND: Verk eftir Ásmund Sveinsson, Kristínu Gunnlaugsdóttur, Eirúnu Sigurðardóttur og Finn Arnar Arnarsson eru á meðal þeirra sem líta má á sýningunni Rím, sem opnar í Listasafninu á Akureyri þann 3. júlí næstkomandi.
Mynd með leyfi Listasafns Reykjavíkur/ljósmynd Arnaldur Halldórsson.

Laugardaginn 3. júlí kl. 15.00 opnar Jón Laxdal sýningu í Jónas Viðar Gallery í Listagilinu á Akureyri

Jón Laxdal Halldórsson er fæddur á Akureyri 1950. Hann nam heimspeki við
Háskóla Íslands hjá Páli Skúlasyni og Þorsteini Gylfasyni þegar þeir voru
að hefja heimspekikennslu þar við skólann. Jón er sjálfmenntaður
myndlistarmaður og var útnefndur Bæjarlistamaður Akureyrar árið 1993. Hann
átti bæði hlut að rekstri Rauða hússins á Akureyri og var einn þeirra sem
hófu Listagilið til vegs og virðingar.
Jón hefur haldið eða tekið þátt í um 40 myndlistarsýningum á Akureyri, í
Reykjavík og erlendis.
Verk hans eru einkum collage-myndir með upplímdum texta, letri og myndum.
Hráefnið er einkum dagblöð og hefur það nokkuð með verkin að segja hvaða
blöð liggja til grundvallar. Þannig eru sumar myndraðir unnar alfarið úr
sama blaðabunkanum og bera þá keim af stjórnmálabaráttu og málflutningi
þess tíma ekki síður en stíl og prenttækni. Í sýningarskrá sem gefin var
út 2008 í tilefni af einkasýningu Jóns í Listasafninu á
Akureyri segir m.a.: “Verk Jóns hafa þróast mikið þann rúma aldarfjórðung
sem hann hefur fengist við þau. Smátt og smátt hafa þau hneigst til
einföldunar og hugmyndir að baki hverju verki eða hverri myndröð eru
skýrari. Lógísk úrvinnsla hverrar hugmyndar er svo bæði umgjörð og inntak
myndraðarinnar. Týpógrafísk gildi ráða að mestu í framsetningu
pappírsverkanna, hlutföll flata og hliða, dálkar og notkun þeirra, samspil
leturfjölskyldna, o.fl. Í langflestum verkanna er litaskalinn umfram allt
prentsvertan og rauður og blár sem öldum saman hafa verið helstu litir
prentara. Inntakið verður til þegar kannaðar hafa verið sem flestar leiðir
í samsetningu efnisins innan þess ramma sem settur var. Þannig verða
iðulega til myndraðir, mismunandi langar eftir því hver þröngum ramma
hugmyndin er mótuð. Sum verkin falla undir svo víðfeðmar hugmyndir að þeim
eru nánast engin takmörk sett. Slík verk geta því verið af ýmsum toga og í þeim er oft augljósari kímni en í myndröðunum þar sem framsetning er agaðri.”

Sýningin í Jónas Viðar Gallery stendur til 28.júlí og er opnunartími
13.00 til 18.00 laugardaga eða eftir samkomulagi

Vinnustofa og heimili Jóns er í Freyjulundi, 601 Akureyri. Sími: 462-4981

______________________________________________

Jónas Viðar
sími: 8665021
Heimasíða: http://www.jvs.is
Jónas Viðar Gallery: http://www.jvs.is/jvgallery.htm

Björg Eiríksdóttir sýnir í Stólnum og Ragnheiður Þórsdóttir er með opna vinnustofu

Opnun sýningar Bjargar Eiríksdóttur og opin vinnustofa Ragnheiðar Þórsdóttur í Stólnum í Listagili laugardaginn 3. júlí kl.14:00.

Sýninguna kallar Björg "Verk handa" og þar verða textílverk og málverk þar sem kveikjan er handverk ömmu hennar.
Björg útskrifaðist úr Myndlistarskólanum á Akureyri vorið 2003 og er þetta fimmta einkasýning hennar.

Stóllinn er sýningarsalur og vinnustofa Ragnheiðar Þórsdóttur veflistakonu.

Sýningin varir í 10 daga.
Upplýsingar gefur Björg s.691 6681
umm.is
bjorgeiriksdottir.blogspot.com

Allir hjartanlega velkomnir