Guðbjörg Ringsted sýnir á Kaffi Loka

 
                            Guðbjörg Ringsted opnar sýningu á nýjum málverkum á
                            KAFFI LOKA, Lokastíg 28, Reykjavík næstkomandi föstudag
                            5. nóvember kl. 16:00 - 18:00.
                            Sýningin stendur til 3.desember og er opin á opnunartíma
                            Kaffihússins.
 
                            Verkin eru framhald af vinnu með mynstur af íslenska
                            þjóðbúningnum. Krafturinn í náttúrunni sameinast
                            kraftinum í manneskjunni.
 
                            Allir velkomnir !

Listveisla frá Safnasafninu í Aðalstræti 10

 

Þann 29. október voru opnaðar tvær nýjar sýningar í elsta húsi Reykjavíkur, Aðalstræti 10:

 

Listveisla 1 frá Safnasafninu, Svalbarðsströnd og ICELANDIC SOFTWARE, sýning Bjargeyjar Ingólfsdóttur

 

Sýningarnar standa til 10. nóv. og er opið alla virka daga frá 9-18 og 12-17 um helgar.

 

 

Listveisla 1 frá Safnasafninu, Svalbarðsströnd

 

„Listveisla 1”, sýning frá Safnasafninu Svalbarðsströnd verður opnuð föstudaginn 29. okt. á skörinni hjá HANDVERKI OG HÖNNUN, Aðalstræti 10 í elsta húsi Reykjavíkur.

 

„Listveisla 1”er 22 listaverk í hirslu eftir 22 listakonur. Hirslan er fjölfeldi í 50 eintökum.

 

© hugmynd: Níels Hafstein; höfundar verka

 

Útgefandi: Safnasafnið, 2010

 

Umsjón: Harpa Björnsdóttir, Níels Hafstein

 

 

 

Höfundar: Aðalheiður S. Eysteinsdóttir, Andrea Maack, Anna Hallin, Anna Líndal, Arna Valsdóttir, Ásta Ólafsdóttir, Brynhildur Þorgeirsdóttir, Erla Þórarinsdóttir, Elsa Dórothea Gísladóttir, Gjörningaklúbburinn, Guðbjörg Ringsted, Harpa Björnsdóttir (hirsla), Hekla Dögg Jónsdóttir, Hildigunnur Birgisdóttir, Magnhildur Sigurðardóttir, Olga Bergmann, Ólöf Nordal, Ragnheiður Ragnarsdóttir, Ragnhildur Stefánsdóttir, Rúrí, Sigríður Ágústsdóttir, Þórunn Elísabet Sveinsdóttir, Þórdís Alda Sigurðardóttir

 

 

„Listveisla 1”er styrkt af Hlaðvarpanum, Menningarsjóði kvenna, einnig Menningarráði Eyþings og Rarik

 

Höfundar fá eina hirslu hver, hinar verða seldar (kjörið tækifæri fyrir safnara, fólk sem vill breyta til, er að hefja búskap).

 

 

 

 

 

 

ICELANDIC SOFTWARE

 

Bjargey Ingólfsdóttir sýnir í Fógetastofunum, Aðalstræti 10.

 

 

Formæður okkar og forfeður hafa í gegnum aldirnar beitt hugviti sínu og verkfærni til að nýta sem best ull sauðkindarinnar til að halda á sér hita í vondum veðrum og köldum húsakynnum.

 

Þessi mjúki auður er umhverfisvænt hráefni og nú sem fyrr reynir á sköpunarkraft og verkkunnáttu að gera eftirsóknarverð verðmæti úr ullinni og ekki síst sauðagærunni.

 

Á sýningunni “Icelandic Software” má meðal annars sjá verkið „Féþúfuna” en „Féþúfan” er fyrir stofnfjáreigendur fósturjarðarinnar sem vilja ekki láta aðra hafa sig að féþúfu.  Í botni þúfunnar er fjársjóðshirsla.  Eigandinn sér sjálfur um sínar innistæður,  uppgreiðslur og niðurgreiðslur. Það má búast við því að hver sá sem kemst í tæri við féþúfuna verði loðinn um lófana.

 

Stærsta Féþúfan var valin inn á sýninguna NORDIC MODELS+COMMON GROUND sem nú stendur yfir í Scandinavian House í New York.

 

 

Sýningarstjóri er Birgir Rafn Friðriksson

Brynja Baldursdóttir með fyrirlestur um bóklist í Ketilhúsinu

Brynja Baldursdóttir myndlistamaður og hönnuður verður með fyrirlestur um bóklist í Ketilhúsinu í Listagili á Akureyri á morgun föstudag kl. 14:50.
Fyrirlesturinn er öllum opinn og ókeypis.

Brynja segir:
"Bóklistaverk bræða saman bók og myndlist,
Þeim er engin takmörk sett nema kannski hugkvæmni listamannsins.
Aðferðirnar eru jafn mismunandi og verkin.
Þetta listform býður upp á allt aðra möguleika en til dæmis mynd á vegg.
Eigindir tímans og rúmsins verða mun sterkari og nálægari,
þátttaka viðtakandans er meiri því það felur í sér snertingu."

Helgi Þórsson sýnir í Pop­ulus tremula

SMALASTÚLKAN OG ALLAR HINAR
Málverkasýning
GAMLI ELGUR
30. og 31. október 2010

Laugardaginn 30. október kl. 14:00 opnar Gamli elgur, einnig þekktur sem Helgi Þórsson í Kristnesi, málverkasýninguna Smalastúlkan og allar hinar í Pop­ulus tremula í Listagilinu á Akureyri.

Þar sýnir Gamli elgur lítil olíumálverk sem fara sérlega vel á veggjum. Listamaðurinn mun flytja nokkur lög við opnun.

Einnig opið sunnudaginn 31. október frá kl. 14:00-18:00. Aðeins þessi eina helgi.

PortrettNú! í Listasafninu á Akureyri

Þann 23. október n.k. opnar sýningin PortrettNú! í Listasafninu á Akureyri. Sýningin er unnin í samstarfi við Fredriksborgarsafn í Danmörku, en hér er á ferðinni samnorræn portrettsýning sem fyrst var sett upp árið 2008. Á sýningunni PortrettNú! er að finna verk frá öllum Norðurlöndunum og er öllum birtingarformum portrettlistarinnar gert jafn hátt undir höfði.

Portrettlist er yfirleitt ákveðin framsetning eða kynning á persónuleika einstaklings þar sem uppstilling og svipbrigði hafa mest um það að segja hvernig verkið er skynjað. Portrettið og sjálfsmyndin hefur samfélagslegt gildi, henni er ætlað að vera meira en aðeins hégómlegt prjál, enda væri þá nóg að horfa í spegil. Sjálfsmyndin er í raun eins konar staðsetning á sjálfinu innan samfélagsins. Fyrr á öldum létu menn oft mála af sér myndir og voru þær jafnvel eilítið fegraðar til að auka álit áhorfenda á fyrirsætunni.

Þegar við skoðum portrettmyndir unnar með nýjum miðlum – miðlum þar sem stafrænar myndavélar og almennri tæknikunnáttu er beitt – má sjá merkjanlega breytingu í portrettmyndagerð samtímalistarinnar. Allir geta tekið sjálfsmynd, en færri kunna að munda pensilinn og mála mynd af sjálfum sér. Við sjáum breytinguna frá hinu sérhæfða til hins almenna þegar við skoðum veraldarvefinn, netsíður sem ganga út á birtingu og umræður um ljósmyndir. Almenningur hefur öðlast skilning á myndbyggingu, dýpt, sjónarhorni og lýsingu sem lengi vel var sérgrein listamannsins. Þessi þróun gerir listina almennari og kallar á að listamenn leiti út fyrir skilgreind mörk listarinnar, eða hugi að nýjum leiðum í list sinni. Þessi minnkandi munur á listamönnum og leikmönnum hefur leitt til þess að faglært fólk hefur þurft að endurnýja þekkingu sína. Ólíkt máluðum portrettmyndum fyrri alda er alls ekki víst að ljósmynduð portrettmynd sé ávallt talin listaverk. Í raun er ekki um listaverk að ræða nema höfundurinn segi að svo sé og listaheimurinn samsinni því.

Að sýningu lokinni á Akureyri mun Portrett Nú! halda ferðalagi sínu áfram um Norðurlönd. Í janúar 2011 verður hún sett upp í Tikanojas konsthem í Vaasa í Finlandi. Þá taka Norðmenn við þar sem sýningin verður sett upp í Norsk Folkemuseum í Osló í apríl 2011.

Kristín Elva Rögnvaldsdóttir og Melkorka Huldudóttir sýna í sal Myndlistarfélagsins og Gallerí Boxi

Spuni og Hjartað í vélinni

23. október – 13. nóvember 2010.

Á laugardag verða opnaðar tvær einkasýningar eftir myndlistarmennina Kristínu Elvu Rögnvaldsdóttur og Melkorku Huldudóttur í sal Myndlistarfélagsins og Gallerí Box á Akureyri.

Í sal Myndlistarfélagsins sýnir Kristín Elva Spuna; teikningar, ljósmyndir og málverk á panel. Kristín Elva vinnur verkin út frá sjónarhorni smádýra sem eiga líf sitt og dauða undir rándýrum og dyntum náttúrunnar.

Í Gallerí Boxi sýnir Melkorka Huldudóttir Hjartað í vélinni. Verkið er innsetning með myndbandi og hljóði. Með sýningunni skoðar Melkorka manneskjuna og tækni nútímans í tengslum við vísindaskáldskap og kvalarfulla lengingu lífs.  

Um listamennina
Kristín Elva Rögnvaldsdóttir lauk prófi frá Myndhöggvaradeild Myndlistar- og handíðaskólans árið 1998 og Mastersgráðu frá Konunglegu Listaakademíunni í Stokkhólmi þremur árum síðar. Í listsköpun sinni notar Kristín Elva blandaða miðla; skúlptúr, ljósmyndir, teikningar og hreyfimyndir. Hún vinnur meðal annars út frá hinu hversdagslega í náttúrunni, klisjum í manngerðu umhverfi og sagnahefð. Hún hefur tekið þátt í fjölda sýninga bæði hér heima og erlendis.

Melkorka Huldudóttir útskrifaðist frá Listaháskóla Íslands árið 2002.  Hún notar alla mögulega miðla við listsköpun sína og er undir sterkum áhrifum frá kvikmyndum, vísindaskáldskap og tölvuleikjum. Melkorka hefur tekið átt í fjölmörgum sýningum og verkefnum hér heima og erlendis.

Salur Myndlistarfélagsins og Gallerí Box eru í Listagilinu Akureyri, Kaupvangsstræti 10 og eru opin laugardaga og sunnudaga frá kl. 14-17.

SONJA LOTTA SÝNIR Í POPULUS TREMULA

Laugardaginn 23. október kl. 14:00 opnar svissneska listakonan Sonja Lotta sýninguna the complexity of letting go í Populus tremula á Akureyri.
Sonja Lotta, sem býr og starfar í Zurich, er listmenntuð í Bandaríkjunum og Skotlandi. Í list sinni skráir hún hversdagsleika daglegs lífs út frá óvæntum og jafnvel ærslafullum sjónarhornum. Öll verkin á sýningunni eru ný og byggja á upplifun listakonunnar af dvöl sinni á Íslandi.
Sýningin verður einnig opin sunnudaginn 24. október kl. 14:00-17:00. Aðeins þessi eina helgi.


name of the show: the complexity of letting go  

by: Sonja Lotta

when: 23/24 October

where: Populus Tremula, Akureyri, Iceland

The work for Populus Tremula is based on the impression and emotions of my stay here in Iceland. All the works are new.
In my practice I document or alienate the daily life and its banality. I work within different views and highlight the everyday life always new. Playfully I add narrative levels, which go beyond the everyday life and opens up to look at it in a different way.

The media I work in mostly is Photography and Video; nevertheless it does not exclude other medias. Since 2007 I live and work in Zurich Switzerland where I am originally from. Before that I studied in the USA and Scotland Photography and Fine Art.

Ný stjórn Myndlistarfélagsins og frá aðlafundi

Aðalfundur Myndlistarfélagsins laugardaginn 9. okt. 2010 kl. 18:00.

Fundarstjóri var Hallgrímur Ingólfsson.

Brynhildur Kristinsdóttir las skýrslu stjórnar

•    Félagið sendi frá sér opið bréf í apríl þar sem það mótmælti niðurskurði  á starfslaunum listamanna.  Stjórn Myndlistarfélagsins lýsti einnig  yfir áhyggjum sínum vegna skerðingar á öðrum styrkjum til menningarmála og listaverkakaupa.

•    Í lok apríl stóð félagið fyrir opnum kynningarfundi í Deiglunni þar sem fulltrúar flokkanna kynntu meðal annars stefnu sína í menningar málum og svöruðu spurningum Myndlistarfélagsins.
 
•    Myndlistarfélagið og Menningarmiðstöðin í Listagili tóku þá sameiginlegu ákvörðun í maí 2010 að Myndlistarfélagið skyldi standa fyrir einni sýningu á Listasumri árlega sem þátt í segja sögu myndlistar á Akureyri fyrr og nú. Fyrsta sýningin var sett upp í júlí 2010 þar sem sýnd voru verk málaranna Guðmundar Ármanns og Kristins G. Jóhannssonar. Með þessu samkomulagi vilja samningsaðilar að myndlist á Akureyri verði hafin til vegs og virðingar um ókomin ár.

•    Félagið stóð fyrir kynningu á Myndlistarfélaginu og sýndi af því tilefni verk 62 myndlistarmanna auk þess stóð félagið fyrir útgáfu bæklings í samstarfi við Hof þar sem rakin er saga myndlistar á Akureyri og Myndlistarfélagið kynnt.

•    Myndlistafélagið hefur skrifað undir áframhaldandi samning við Akureyrarstofu um rekstur á Boxinu.

•    Myndlistarfélagið undirbýr nú málþing sem ber yfirskriftina „ERU SKÓLARNIR SKAPANDI“ Þar koma fram fimm framsögumenn sem munu meðal annars tala um myndlistarkennslu, hvernig  kennslu er háttað í skólum og hvernig myndlistarkennsla  þróast og hvert hún stefnir.

GALLERÍ BOX OG SALUR MYNDLISTARFÉLAGSINS
Sigríður Ágústsdóttir las skýrslu sýningarnefndar
 
Sýningar 2010 eru eftirfarandi:
16. jan. - 7. feb.      Súpan, sjálfsmyndir
13. mars - 5. apríl     Duftker, samsýning leirlistafélagsins.
15. maí - 6. jún.       Hlíf Ásgrímsdóttir Innlyksa, Helena Renard, BNA, Envelope.
3.- 25. júl.          Grálist, samsýning tíu myndlistarmanna
28. ágúst - 19. sept.   opnun á Akureyrarvöku
                     Guðrún Pálína í salnum og
                     Kristján Pétur í Boxi
23. sept.             Habbý Ósk, myndbandsverk.
23. okt. - 14. nóv.       Kristín Elva Rögnvaldsdóttir, sal
                     Melkorka Huldudóttir, Boxi
20. nóv.              Sýning á verkum barna í tengslum við málþing.
26. - 28. nóv.            Útskriftarnemar VMA
4. des - 23. des         Lind Völundardóttir og
                     Marijolijn van der Meij


Kosning stjórnar:

Brynhildur Kristinsdóttir formaður
Joris Rademaker varaformaður
Dagrún Matthíasdóttir gjaldkeri
Lárus H List
Pálína Guðmundsdóttir

Laufey Margrét Pálsdóttir varamaður
Helgi Vilberg Hermannsson varamaður

Áherslur félagsins sem eru:

1.    Að efla samtök myndlistarmanna og vera málsvari þeirra.
2.    Að bæta kjör og starfsgrundvöll myndlistarmanna og gæta hagsmuna þeirra.
3.    Að efla  umræðu, þekkingu og fræðslu um myndlist.
4.    Að auka myndlist á Norðurlandi og koma á samstarfi við opinbera aðila á svæðinu.
5.    Að standa fyrir sýningum á verkum félagsmanna.
6.    Að koma á samstarfi við listamenn erlendis sem og hér á landi.

Stjórnin óskar eftir  tillögum frá ykkur varðandi áherslur á komandi starfsári

Bestu kveðjur
Stjórnin

Bryndís Arnardóttir opnar sýningu í Jónas Viðar Gallery

Laugardaginn 23. október kl. 15.00 opnar Bryndís Arnardóttir "Billa"
málverkasýningu í Jónas Viðar Gallery listagilinu á Akureyri.
Þetta er 14 einkasýning Billu og ber hún yfirskriftina
"Teigar, flatir, ár og vötn"
og eru verkin öll unnin í acryl á striga nú í ár.

Þér og þínum er boðið


Bryndís Arnardóttir
Fædd 25.05.1960

Listgreina- og listasögukennari við VMA frá 1989
Kennslustjóri listnámsbrautar VMA 2007 - 2010
Visiting scholar University of Central Florida UCF 2009 - 2010

Nám: Koninklijke akademi voor
Beelende kunsten
Mechelen Belgíu 1979-80
Myndlistaskólinn á Akureyri
Fornám 1982-83
Málaradeild Diploma-BFA 1983-86
KHÍ Uppeldis og kennslufræði 1990-92

HA
Diplóma 2007
M.ed. – listgreinar 2009

Samsýningar: Samsýning N.K. Akureyri 1985
M-dagar Akureyri 1986
Menor Deiglunni Akureyri 1994
50x50 Deiglunni Akureyri 1997
Menningarhúsið Hof 2010

Einkasýningar: Internet 1996
Café Karólína 1997
Verslunin Perfect Akureyri 1998
Við Pollinn Akureyri 1998
Café Presto Kópavogi 2001
Verkmenntask. á Akureyri 2002
Friðrik V. Akureyri 2002
Landsbanki Ísl. Akureyri 2003
Café Karólína 2004
Skipholti Reykjavík 2004
Gallerí JV Akureyri 2006
Akureyrarvaka 2008
IBK Reykjavík 2009
Gallerí JV Akureyri 2010



______________________________________________

Jónas Viðar
sími: 8665021
Heimasíða: http://www.jvs.is/
Jónas Viðar Gallery: http://www.jvs.is/jvgallery.htm

Styrkjanámskeið á Akureyri

Þriðjudaginn 19. október kl. 16:00 -18:00 mun María Jónsdóttir, forstöðukona Norrænu upplýsingaskrifstofunnar, fara yfir mögulega fjármögnun norrænna menningarverkefna í Deiglunni Kaupvangsstræti 23.


Dagskrá:


• Norræni Menningarsjóðurinn
• Aðrir norrænir sjóðir
• Hvernig skrifa ég góða umsókn
• Hugmyndir að norrænum samstarfsverkefnum

Skráning er með tölvupósti til [e-mail] eða í síma 462 7000 fyrir kl. 16:00 þann 18. október.

Námskeiðið er þátttakendum að kostnaðarlausu.

Soffía Árnadóttir leturlistamaður heldur fyrirlestur í Ketilhúsinu

Föstudaginn 08.10.2010 kl. 14.50 mun Soffía Árnadóttir leturlistamaður halda fyrirlestur í Ketilhúsinu á Akureyri um verk sín.
Fyrirlesturinn er hluti af fyrirlestraröð listnámsbrautar VMA, Listasafnsins á Akureyri og Menningarmiðstöðvarinnar í Grófargili, en um er að ræða 8 fyrirlestra á hverjum vetri, 4 á hvorri önn skólaársins.

Aðgangur er ókeypis og allir velkomnir

Dagur myndlistar 2. október um allt land

Laugardagur 2. október
Dagur myndlistar á Íslandi. Undanfarin ár hefur Samband íslenskra
myndlistarmanna staðið fyrir Degi myndlistar þar sem gestum og gangandi
hefur verið boðið að heimsækja listamenn á vinnustofur þeirra um allt land.
Nú er einnig hægt að skoða viðtöl við myndlistarmenn og fá ýmsar upplýsingar
á vefsíðunni www.dagurmyndlistar.is .
Á Akureyri verða eftirtaldar vinnustofur opnar frá kl. 13:00-17:00:

- Dagrún og Lína. DaLí Gallerí, Brekkugötu 9
- Aðalbjörg og Hallmundur. Litalandshúsið, Furuvöllum 7
- Sveinbjörg og Anna. Svartfugl og Hvítspói, Brekkugötu 3a
- Hrefna Harðardóttir, Kaupvangsstræti 12 (Listagili), 1.h.t.v
- Linda Björk Óladóttir, Kaupvangsstræti 12 (Listagili), efsta hæðin
- Ólafur Sveinsson, Kaupvangsstræti 12 (Listagili), efsta hæðin
- Björg Eiríksdóttir, Engimýri 12

Myndlistarmenn opna vinnustofur sínar fyrir öllum áhugasömum á Degi myndlista 2. okt. 2010

Myndlistarmenn opna vinnustofur sínar fyrir öllum áhugasömum á Degi myndlista
þann 02 október. Í ár verða vinnustofurnar opnar 13:00 - 17:00 (nema annað komi fram)
Opnar vinnustofur listamanna árlega út um allt land gefa almenningi kost á að skoða
vinnuaðstöðu og verk, spjalla beint við listamenn og fræðast um starfið.  

Þannig gefum við listamönnum einnig kost á því að kynna starf sitt fyrir almenningi,
veita þeim einstaka upplifun og víkka sýn á myndlist og vinnunni sem fer frambak við
tjöldin.

Á vefsíðunni reynum við að auðvelda leitina að vinnustofum til að heimsækja með
því að vera með sérstakt kort þar sem allar vinnustofur eru merktar með rauðum punkti.
Hægt er að smella á punktinn til að fá upplýsingar um vinnustofuna og fá leiðbeiningar
um hvernig sé best að komast að vinnustofunni með því að skrifa inn staðsetningu þína
og kortið vísar þér að vinnustofunni.

Aðalbjörg Kristjánsdóttir og Hallmundur Kristinsson verða með 

opnar vinnustofur sínar í Litalandshúsinu. Furuvöllum 7, 600 Akureyri 

frá kl 13 - 17. Verið velkomin. 

Listi yfir opnar vinnustofur

Hrönn Einarsdóttir sýnir á Cafe Karólínu

Hrönn Einarsdóttir
Þráhyggja
02.10.10 - 05.11.10

Café Karólína // Kaupvangsstræti 23 // IS 600 Akureyri // 4612755

Hrönn Einarsdóttir opnar sýningu á Cafe Karólínu laugardaginn 2. október kl. 15:00. Sýningin stendur til 5. nóvember og eru allir velkomnir.

Hrönn útskrifaðist af fagurlistadeild Myndlistaskólans á Akureyri vorið 2010. Hún segir um sýninguna:  "Þráhyggja er titill sýningar minnar...verkin mín eru túlkun á hugsunum mínum... sem oftar en ekki spinnast í höfðinu á mér... hring eftir hring og enda í algjörri þráhyggju sem ég á mjög erfitt með að komast út úr…"

Nánari upplýsingar veitir Hrönn í tölvupósti: hronnein(hjá)hotmail.com

Café Karólína er opin frá kl. 17 og fram eftir nóttu alla daga nema laugardaga þá er opið frá kl. 15.

Næstu sýningar á Café Karólínu:           
06.11.10 - 03.12.10        Guðrún Hadda Bjarnadóttir
04.12.10 - 07.01.11        Hugi Hlynsson og Júlía Runólfsdóttir

Aðalfundur og árshátíð Myndlistarfélagsins í Húna II

Aðalfundur Myndlistarfélagsins verður laugardaginn 9. okt. 2010 kl. 18:00 í Húna II við Torfunefsbryggju á Akureyri.
Árshátíð Myndlistarfélagsins verður laugardaginn 9. okt. kl.19:00 í Húna.


Dagskrá fundar:

  Skýrsla stjórnar.
  Stjórnarkosning: Kosning formanns og gjaldkera.
  Lagabreytingar.
  Ákvörðun félagsgjalda.
  Önnur mál:

Árshátíð Myndlistarfélagsins verður auglýst síðar.

Bestu kveðjur
Stjórnin

Hannes Sigurðsson með fyrirlestur í Ketilhúsinu

Föstudaginn 24. september kl. 14.50 er fyrsti fyrirlesturinn í fyrirlestraröð listnámsbrautar VMA, Listasafnsins á Akureyri og Menningarmiðstöðvarinnar í Grófargili.

Að þessu sinni mun Hannes Sigurðsson safnstjóri Listasafnsins stíga á stokk og fjalla um fjármálagjörninga listaheimsins og kallar hann erindi sitt: Peningar + Myndlist = Hin eina sanna sýn (og enginn afsláttur)

Fyrirlesturinn fer fram í Ketilhúsinu og eru allir velkomnir.
Aðgangur er ókeypis

Habbý Ósk sýnir myndbandsverk í Gallerí Boxi á fimmtudagskvöld

"It's in our nature"

Habbý Ósk sýnir myndbandsverk í Gallerí Boxi, Sal Myndlistarfélagsins fimmtudagskvöldið 23. september frá 18 til 22. 

Verkin fjalla á einn eða annan hátt um mannlegt eðli og samskipti fólks. Habbý Ósk býr og starfar í New York en þaðan lauk hún meistaragráðu í myndlist frá School of Visual Arts. Verk hennar hafa verið sýnd víðsvegar um Bandaríkin og Evrópu.

 

www.vimeo.com/habbyosk
www.habbyosk.com

 

Toni Crabb með fyrirlestur í Myndlistarskólanum á miðvikudag

 

Hello,

My name is Toni Crabb and I'm currently in residence at the Guest Studio in Akureyri.

I'm writing to let you know that tomorrow, Wednesday 22nd, at 1.00 pm, I'll be giving a presentation of my work at the Art School. They have agreed for it to be open to members of the public/Art Society. Thanks very much,
Best regards
Toni Crabb


www.tortoisebox.org/tonicrabb

Elva Hreiðarsdóttir opnar grafíksýningu í Jónas Viðar Gallery

Laugardaginn 25. september kl. 15.00 opnar
Elva Hreiðarsdóttir grafíksýningu
í Jónas Viðar Gallery listagilinu á Akureyri
...
Þér og þínum er boðið

Elva Hreiðarsdóttir
Myndlistamaður og kennari
[e-mail]

Vinnustofa: Korpúlfsstaðir
Sími 692 4440

www.eva.is

http://www.facebook.com/?ref=home#!/event.php?eid=147863668582745&ref=mf


______________________________________________

Jónas Viðar
sími: 8665021
Heimasíða: http://www.jvs.is
Jónas Viðar Gallery: http://www.jvs.is/jvgallery.htm

Framundan hjá Myndlistarfélaginu

Framundan hjá Myndlistarfélaginu er eftirfarandi:


•    Opnar vinnustofur á degi myndlistar laugardaginn 2. okt.
 Dagur myndlistar er haldin til að kynna starf myndlistarmannsins og
þannig vonandi auka grunnþekkingu almennings á viðamiklu starfi
hans. Fókusinn er meira á listamönnunum sjálfum og vinnunni á
bak við verkin.
Þeir listamenn sem ætla að taka þátt í verkefninu og vera með opna
vinnustofu endilega láta vita með því að senda  stutta línu á
[e-mail] með fullu nafni og nákvæma staðsetningu á
vinnustofunni þannig að réttar upplýsingar fari á vefsíðuna.


•    Aðalfundur Myndlistarfélagsins og árshátíð í Húna 9. okt.
Brynhildur, Laufey Margrét, Dagrún og Lárus List ætla taka að sér að
skipuleggja árshátíð og er áætlað að hún verði haldin í Húna þar sem elduð verður fiskisúpa,
spiluð tónlist og ljós munu loga langt fram á kvöld.


•        Myndlistarfélagið mun halda  málþing Alþjóðadegi  barna 20. nóv. sem ber yfirskriftina: „ERU SKÓLARNIR SKAPANDI„.
  Hugmyndin er sú að vinna út frá úttekt sem gerð var á listgreinakennslu í íslenskum skólum af Anne Bamford.

Bestu kveðjur
Stjórn Myndlistarfélagsins