Myndlistarsýning Rannveigar Helgadóttur "Heilagar Mandölur" á bókasafni Háskólans á Akureyri

Fimmtudaginn 10. október opnar bókasafn Háskólans á Akureyri nýja og spennandi myndlistarsýningu Rannveigar Helgadóttur, Heilagar Mandölur.

Rannveig Helgadóttir vinnur með hringformið í málverkum sínum sem hún kallar mandölur. Verkin eru unnin með blandaðri tækni með akríl á striga, blaðsilfri og gulli. Mandala er reglubundin formgerð unnin út frá möndli og myndar munstur. Orðið mandala kemur úr sanskrít og merkir "heilagur hringur" eða hringur eilífðarinnar. Rannveig býr og starfar í Listagilinu á Akureyri.

Sýningin er opin mánudaga, miðvikudaga og föstudaga frá kl. 8.00 – 16.00, þriðjudaga og fimmtudaga frá kl. 8.00 – 18.00 og stendur til 8. nóvember.

Allir eru velkomnir!

 

JBK Ransu og Guðrún Vera Hjartardóttir í Listasafninu á Akureyri

Laugardaginn 12. október kl. 15 verður opnuð sýning á verkum listamannanna og hjónanna Guðrúnar Veru Hjartardóttur og JBK Ransu. Í sýningarsölum Listasafnsins á Akureyri tefla þau saman málverkum og skúlptúrum. Verk þeirra eru unnin með tilliti til viðtekinna einkenna listmiðlanna – sem tvívíðir abstrakt fletir og þrívíðir fígúratífir hlutir – og lúta sem slík eigin lögmálum og innri hugmyndafræði en hér eiga þau jafnframt í fjölþættu samtali sín á milli, sem og við áhorfandann og rýmið. Titillinn Einu sinni er… gefur til kynna að hið liðna sé enn til staðar, fortíð og nútíð séu eitt í huga okkar. Lífið sjálft, í sínu endalausa ferli varðveitir fortíðina, birtist í núinu og í sömu andrá erum við okkur meðvituð um óhjákvæmilega framtíð.

Guðrún Vera Hjartardóttir hefur um árabil unnið að fínlegum höggmyndum sínum úr leir og eru myndir hennar af mannslíkömum og forvitnilegum verum mörgum kunnar. Í verkum hennar birtist viðkvæmni mannslíkamans og mannlegrar tilvistar á áleitinn hátt.

JBK Ransu hefur í verkum sínum gjarnan teflt saman andstæðum pólum og velt fyrir sér hvernig hið andlega og það félagslega birtist þar. Hann notar afgerandi liti og í myndum hans hefur m.a. brugðið fyrir vörumerki Nike og tilvísunum í málverk Barnetts Newman sem tengingu við vestrænan skilning á andlegum málefnum.

Guðrún Vera og Ransu stunduðu listnám í Reykjavík og í Hollandi á tíunda áratug síðustu aldar. Þau eiga að baki fjölda einkasýninga bæði hérlendis og erlendis sem og þátttöku í fjölmörgum samsýningum.
 
Sýningin stendur til 8. desember og er opin alla daga nema mánudaga og þriðjudaga kl. 13-17 í Listasafninu á Akureyri. Aðgangur er ókeypis.
 
Meginstyrktaraðilar Sjónlistamiðstöðvarinnar eru Flugfélag Íslands og Flytjandi.

TEIKN/SIGN, sýning í Mjólkurbúðinni, Listagilinu Akureyri

Bára Kristín opnar sýninguna TEIKN/SIGN í Mjólkurbúðinni í Listagilinu á Akureyri laugardaginn 12.október kl.14.


TEIKN/SIGN inniheldur svart hvítar teikningar Báru Kristínar sem eru draumkenndar og hafa yfir sér ævintýrablæ.

Bára Kristín er þekkt fyrir að semja raftónlist undi nafninu Plasmabell og hefur komið fram á ýmsum tónleikum hér á landi.

Bára Kristín fæst einnig við teiknaðar hreifimyndir (animation) en hún útskrifaðist úr Kvikmyndaskóla Íslands 2013.

Sýning Báru Kristínar stendur til 27.október
Opið laugardaga og sunnudaga kl. 14-17 og allir velkomnir.

Bára Kristín s.8450679 og 5525587 https://myspace.com/plasmabell
Mjólkurbúðin Listagili s. 8957173 (Dagrún)
https://www.facebook.com/groups/289504904444621

Vörur frá kvenhönnuðum og listakonum í Flóru á Dekurdögum

Í tengslum við Dömulega dekurdaga á Akureyri leggur Flóra áherslu á vörur frá kvenhönnuðum og listakonum, eins og þessum: Aðalheiður S. Eysteinsdóttir, ásta créative clothes (Ásta Guðmundsdóttir), Eternity by Rannveig Helgadóttir, urtaislandica, Guðríður, Sigrún Guðmundsdóttir, Inga, ASH - Anna Sigríður Hróðmarsdóttir, Wilde10, Hrefna Harðardóttir, Kristín Aðalsteinsdóttir, Helga Sigríður og Hadda, svo einhverjar séu nefndar.
Maria Creative Studio er staðsett í Flóru og verður María Rut Dýrfjörð hönnuður sjálf með sérstaka kynningu á því sem hún er að vinna að. Opið er inn á vinnustofur í Flóru á laugardeginum kl. 12-16.
Flóra hvetur fólk til þess að kaupa vörur frá kvenhönnuðum og listakonum og efla þannig sköpunarkraft kvenna og framleiðslu þeirra. Flóra býður upp á 10% afslátt af vörum frá konum á Dekurdögum.
Föstudaginn 11. október er opið í Flóru kl. 12-18 og laugardaginn 12. október kl. 12-16.


Flóra er verslun, vinnustofur og viðburðastaður Kristínar Þóru Kjartansdóttur félagsfræðings og garðyrkjukonu. Áherslan er á nýtingu, endurnýtingu, náttúrutengsl og verkmenningu.


flóra / hafnarstræti 90 / 600 akureyri / s. 6610168  
http://floraflora.is  /  https://www.facebook.com/flora.akureyri

https://www.facebook.com/events/1425834240968788

Hallgrímur Ingólfsson sýnir í Populus tremula

Laugardaginn 12. október kl. 14:00 mun Hallgrímur Ingólfsson opna málverkasýninguna Haustið sem ekki kom í Populus tremula.

Á sýningunni verða ný og nýleg akrílmálverk. Hallgrím er óflarft að kynna fyrir Eyfirðingum, en á síðustu árum hefur hann sinnt málverkinu af auknum krafti og haldið einkasýningar, auk þátttöku í samsýningum.


Sýningin er einnig opin sunnudaginn 13. október kl. 14:00-17:00. Aðeins þessi eina helgi.

Leiðarþing Menningarráðs Eyþings

-Leiðarþing-

12. október í Hlíðarbæ Hörgársveit kl. 11-16
 
Viltu taka þátt í að móta áherslur Menningarráðs Eyþings?
Hefur þú skoðun á því hvernig menningarsamningar framtíðarinnar eiga að vera?
Viltu vita hvernig hugmyndir verða að veruleika?
Ertu með hugmynd og vantar samstarfsaðila?
Þá er Leiðarþing eitthvað fyrir þig!
Dagskrá
Ávarp Geir Kristinn Aðalsteinsson formaður Eyþings

Litið um öxl
Sigrún Björk Jakobsdóttir fyrsti formaður Menningarráðs Eyþings

Menningarsamningar framtíðarinnar
Karitas Gunnarsdóttir skrifstofustjóri skrifstofu menningarmála, mennta- og menningarmálaráðuneytinu

Veruleiki hugmynda
Guðmundur Oddur Magnússon (Goddur), prófessor við Listaháskóla Íslands

Hádegisverður

 Út fyrir kassann
Pétur Halldórsson framkvæmdastjóri Barkokksmiðju Hólastiftis

Upplit - Menningarklasi uppsveita Árnessýslu
Skúli Sæland formaður Upplits

Hraðstefnumót hugmynda
                Þórgnýr Dýrfjörð

Vinnustofa
                Menningarráð Eyþings

Samantekt og lokaorð
Arnór Benónýsson formaður Menningarráðs Eyþings
 
Þingið er þátttakendum að kostnaðarlausu en skráningar óskast á netfangið [e-mail]
Nánari upplýsingar veitir Ragnheiður Jóna Ingimarsdóttir menningarfulltrúi Eyþings sími 464 9935
 
 
Ragnheiður Jóna Ingimarsdóttir
Menningarfulltrúi Eyþings
 
Strandgötu 29,
600 Akureyri
Sími: 464 9935
 
www.eything.is
 

ÞOKUÞRÁ Í MJÓLKURBÚÐINNI

LAUGARDAGINN 5. OKTÓBER KL. 15. OPNA BRYNHILDUR KRISTINSDÓTTIR OG MARGRÉT LÓA JÓNSDÓTTIR SÝNINGUNA ÞOKUÞRÁ Í MJÓLKURBÚÐINNI.

TIL UMFJÖLLUNAR ERU SAMKENND OG SIÐBLINDA.

Á opnuninni frumflytur Margrét Lóa ljóð en öll verk hennar eru byggð á ljóðum úr væntanlegri ljóðabók hennar.

ALLIR VELKOMNIR! AÐEINS OPIÐ ÞESSA EINU HELGI!

https://www.facebook.com/events/167831733414206/

INVITE BEGO ANTON TO SPEND A WINTER DAY WITH YOU!! (message from Listhus)

Hello!
My name is Bego Antón, I’m a photographer and I will be living in Listhus during October and November.


I am very curious to discover how people in Ólafsfjördur live in very extreme atmospheric conditions, comparing to mine. I want to know how you adapt to the cold and the snow. The food you eat this time of the year and what kind of clothes you need to wear. I want to know which are the social activities in a town covered by ice and how life is in your houses.

The best way to know all about you life in winter is doing exactly what you do.

I’ll love to spend a winter day with you and your family. I’ll go anywhere you take me. We can go ice fishing; to a geothermal pool; ice skating. We can hike your favourite mountain; go for a walk around the village; eat winter dishes together. Or we can just sit down in the sofa and watch TV! Of course, I will be taking pictures of our adventure!

Would you invite me to spend a winter day with you?

You can reach me in Listhus (Ægisgötu 10, 625 Ólafsfirði) or by e-mail to:  

[e-mail]

Síðasta sýningarhelgi í Listasafninu á Akureyri

ANAMNESIS / SILENCE
Nú fer hver að verða síðastur að sjá sýningu þeirra Stefáns Boulter og Janne Laine í Listasafninu á Akureyri þar sem henni lýkur sunnudaginn 6. október n.k.
Listmálarinn Stefán Boulter (f. 1970) hefur verið virkur þátttakandi innan hinnar svonefndu Kitsch-hreyfingar, bæði sem einn af boðberum hennar og sterkur áhrifavaldur. Heimspeki listlíkisins (kitsch) hefur haft það að leiðarljósi að skapa hugmyndafræðilegan grundvöll sem leggur m.a. áherslu á vandað handverk með aðferðum gömlu meistaranna, húmanísk viðhorf, hluthyggju og fegurð hins ljóðræna.

Finninn Janne Laine /f. 1970) fæst við náttúruna og nálgast hana með hefðbundnum og nútímalegum hætti í senn. Hann umbreytir ljósmyndum sínum af landslagi með sérstakri tækni (e. photogravure) sem á rætur að rekja til árdaga ljósmyndarinnar snemma á 19. öld og byggist á ætingu.
 
Opnunartími í Listasafninu er alla daga nema mánudaga og þriðjudaga kl. 13-17 og er aðgangur ókeypis.