Vöknun - sýningarlok í Listasafninu á Akureyri

 

Sunnudaginn 1. maí kl. 17 lýkur sýningunni Vöknun í Listasafninu á Akureyri.

Á sýningunni eru verk eftir Katrínu Elvarsdóttur og Pétur Thomsen. Tvo myndlistarmenn sem hafa valið sér ljósmyndina sem miðil og virðast á stundum hafa allt að því fullkomna stjórn á miðlinum, í það minnsta upp að því marki sem raunverulega er mögulegt að hafa stjórn á honum.

Með því að stilla verkum þeirra Péturs og Katrínar upp hlið við hlið er athygli áhorfenda beint að einu þeirra einkenna ljósmyndarinnar sem gerir hana að áhugaverðum listmiðli. Verk þeirra tala beint inn í umræðu samtímans um mörk veruleika og þess sem stendur utan hans, um tilbúinn heim og raunverulegan, um einstaklinginn, manninn og menninguna andspænis náttúrunni. Þrátt fyrir að myndefnin, og þar með tilgangur listamannanna, séu við fyrstu sýn ólík, eiga þau Pétur og Katrín það sameiginlegt að snerta veruleikann undur varlega í verkum sínum.

Katrín Elvarsdóttir (f. 1964) hefur á síðustu árum haft mótandi áhrif á stöðu ljósmyndarinnar innan íslenskrar samtímalistar. Sýningar hennar hafa vakið verðskuldaða athygli og orðið tilefni til umræðna um stöðu og möguleika ljósmyndarinnar sem listmiðils. Katrín er með BFA gráðu frá Art Institute í Boston í Bandaríkjunum.

Pétur Thomsen (f. 1973) hefur vakið athygli, bæði á Íslandi og erlendis, fyrir verk sem fjalla um manninn andspænis, og í náttúrunni, og tilraunir hans til að móta og breyta náttúru í manngert umhverfi. Pétur er með MFA gráðu frá École Nationale Supérieur de la Photographie í Arles í Frakklandi. Bæði hafa þau haldið fjölda einkasýninga og tekið þátt í samsýningum víða um heim. 

Listasafnið er opið alla daga nema mánudaga frá kl 12-17. Nánari upplýsingar í síma 461-2610 eða tölvupóst [e-mail]

 

LISTASAFNIÐ Á AKUREYRI

Kaupvangsstræti 12

600 Akureyri

Sími: [phone]

GSM: [phone]

http://www.listasafn.akureyri.is

 

 

Himinn og jörð, ljósmyndasýning Láru Stefánsdóttur í Menningarhúsinu Bjargi

Lára Stefánsdóttir

Himinn og jörð

Menningarhúsið Berg, Dalvík

30. apríl - 17. maí 2011

Opnun laugardaginn 30. apríl kl. 14-17

Hugmynd að verkefninu himinn og jörð vaknaði þegar ég var að fara í starfsviðtal til Ólafsfjarðar í janúar 2010. Ég staldraði við í Múlanum og þar blasti Grímsey við en þangað hafði ég komið og notið þess að skoða fallegt landslagið heimsækja góða vini og njóta. En frá Múlanum séð var Grímsey lítill blettur á sjóndeildarhingnum og svo ógnarlítill hluti veraldarinnar á sama tíma og hún er land þeirra sem búa þar og starfa. Sjálf stóð ég að því er mér fannst hátt uppi í Múlanum en vissi að Múlinn er ógnarsmár séður frá Grímsey. Það sem eftir lifði ársins kannaði ég með myndavélinni samhengi himins og jarðar víða á landinu. Staðirnir eru til þó ég sé ekki þar, þeir eru þeim stórir sem búa þar eða horfa upp á þá en þeim smáir sem langt eru frá. Jafnvel hæstu fjöll verða smá allt eftir því hvernig horft er á þau og þá sérstaklega í samhengi við himininn. 

Segja má að þessi ljósmyndasería sé óður til himins og jarðar en á sama tíma áminning um að þau viðfangsefni sem virðast okkur stór í núinu eru ef til vill smá þegar við fjarlægjumst þau.

Lára Stefánsdóttir, [e-mail], www.lara.is 896-3357

Jude Griebel sýnir í Populus Tremula

 

Laugardaginn 30. apríl kl. 14:00 opnar kanadíski listamaðurinn Jude Griebel sýninguna After works í Populus tremula í Listagilinu á Akureyri.

Í verkum Griebels á sér stað samræða um sjálfsmynd mannsins í teikningum sem í senn eru ímyndanir og byggðar á lífshlaupi listamannsins og sýna manninn í táknrænum og yfirnáttúrlegum aðstæðum. Griebel (f. 1978) hefur sýnt verk sín víða um heim.

Sýningin verður einnig opin sunnudaginn 1. maí kl. 14-17. Aðeins þessi eina helgi.

Gunnhildur Þórðardóttir: Listamannsspjall og sýningarlok í Mjólkurbúðinni

Slóðir – Gunnhildur Þórðardóttir 9. – 24. apríl í Mjólkurbúðinni

Listamannsspjall og sýningarlok

Mynd af verkunum á sýningunni

 

Laugardag 9. apríl síðastliðinn var sýningin Slóðir, verk eftir

Gunnhildi Þórðardóttur, opnuð í Mjólkurbúðinni á Akureyri. Á sýningunni eru málverk, grafíkverk og skúlptúrar sem sækja sér innblástur í hin mismunandi ferðalög lífsins þar sem maðurinn skilur eftir sig spor og tengsl myndast við umhverfið á mismunandi stað og tíma. Listamaðurinn nálgast hugðarefnið meðal annars á persónulegan hátt með skírskotun í æskuslóðir sínar í Keflavík. Verkin kallast á en við nánari skoðun eru þau ólík enda gerð úr mismunandi efnivið. Gunnhildur lauk BA (HONS) í listasögu og fagurlistum frá Listaháskólanum í Cambridge árið 2003 og MA í liststjórnun frá sama skóla árið 2006. Hún hefur haldið nokkrar einkasýningar nú síðast örsýninguna Hulduorka á Skörinni í Handverk og hönnun en áður hefur hún sýnt í sal Íslenskrar Grafíkur í Hafnarhúsinu, í Suðsuðvestur og í Danmörku og Englandi. Hún hefur tekið þátt í mörgum samsýningum bæði á Íslandi og erlendis m.a. í Norræna húsinu, Hafnarborg, Þjóðminjasafninu, galleríBOXi, samsýningum Íslenskrar Grafíkur í Þýskalandi og í Cambridge ásamt KIC Art listahópnum. Gunnhildur starfaði með lista- og hönnunarfyrirtækinu Lúka Art & Design og hefur unnið lengi fyrir félagið Íslensk Grafík auk þess að vera meðlimur í SÍM. Verkin eru til sölu og eru allir velkomnir. Sýningunni lýkur næstkomandi sunnudag 24. apríl og verður listamaðurinn á staðnum til viðtals en sýningin verður opin laugardag og sunnudag 14-17. Mjólkurbúðin er staðsett í Listagilinu, Kaupvangsstræti 12 þar sem áður var gallerí Jónasar Viðars.

Nánari upplýsingar veitir Gunnhildur í síma 898 3419 og á:

http://lukaartdesign.is

http://www.umm.is/UMMIS/Listamenn/Listamadur/722

http://www.saatchi-gallery.co.uk


Birgir Sigurðsson sýnir í Populus tremula

 

Á skírdag, 21. apríl, kl. 14:00 opnar Birgir Sigurðsson rafvirki og myndlistarmaður, sýninguna LÍFIÐ vs LÍFIÐ í Populus tremula í Listagilinu á Akureyri.

Sýningin er ljósinnsetning þar sem við sögu koma þríhjól og flúrperur.

Birgir býður gestum í ferðalag með samspili þessara ólíku hluta.

Sýningin verður opin alla páskana. Aðeins þessi einu helgi.

Útskrifarnemendur á listnámsbraut VMA sýna í Verksmiðjunni

Sýning á lokaverkum 25 nemenda á listnámsbraut VMA

verður opnuð í Verksmiðjunni á Hjalteyri á föstudagskvöldið 15. apríl 2011 kl. 20:00 og allir eru hjartanlega velkomnir. Sýningin er einnig opin milli 14:00 og 17:00 um helgina 16.-17. apríl.

Opið fyrir umsóknir – Æringur í Bolungarvík

Kæru myndlistarmenn!

Æringur 2011 verður haldin í Bolungarvík, áhugasamir sendið umsóknir í tölvupósti: [e-mail]

Líkt og í fyrra er þema hátíðarinnar staðbundið og er mikilvægt að gera ráð fyrir góðum tíma í Bolungarvík til að vinna að sýningunni.Opnunin á Æringi verður laugardaginn 2. júlí, en á sama tíma halda Bolvíkingar bæjarhátíðina Markaðsdaga hátíðlega og því verður mikið um að vera.

Æringur er spennandi viðbót við Markaðsdaga og skemmtilegt verður að vinna með bæjarbúum að góðri dagskrá fyrir hátíðina. Uppi eru m.a. hugmyndir um að standa fyrir ljóðakvöldi í Einarshúsi, einu krá bæjarins og allar aðrar hugmyndir eru vel þegnar. Þeir listamenn sem hafa áhuga á að taka þátt í Æring 2011 eru beðnir um að senda tölvupóst með nafni og cv á [e-mail]

 

Open call for ÆRINGUR 2011, in Bolungarvík, Iceland.

Application deadline 25^th April 2011-03-27

Send your application to [e-mail]

Application should include:

Artist CV

Short statement

5-10 images of previous work.

About the project:

Æringur in Bolungarvík is the second of what is intended to become an annual art exhibition held in the beginning of July every year. The festival is held in a different location each time and focuses on the smaller communities dotting the Icelandic coastline. Last year Æringur was held for the first time, at Stöðvarfjörður on the east coast of Iceland, with 24 artists from Iceland, Sweden and Belgium.

Æringur allows young and promising artists to experience the atmosphere outside the capital region and invites them into a space that was not necessarily intended for art exhibitions. It is conceived as a site-specific project that deals with the society and the environment it is held in. Therefore we encourage the artists to stay and work on their projects for at least 10 days before the opening. The artists are invited to arrive in Bolungarvík from the 17^th of June to get acquainted with the town and its surroundings.

This year, Æringur received a grant from the Youth in Action program so the invited artists will receive support of a certain amount for travel cost and accommodation.

The exhibition opens on the 2^nd of July and will be on display until the end of the month.

For further information please visit; http://aeringur.wordpress.com/ or contact [e-mail]

Styrkur til rannsókna á íslenskri myndlist

Styrktarsjóður Listasafns Háskólta Íslands
auglýsir eftir umsóknum um styrki úr sjóðnum fyrir árið 2011
Hlutverk sjóðsins er að efla rannsóknir á íslenskri myndlist að fornu og
nýju. Í því skyni skulu veittir styrkir af ráðstöfunarfé sjóðsins til
rannsókna á sviði íslenskrar myndlistar, myndlistarsögu og forvörslu
myndverka svo og til birtingar á niðurstöðum slíkra rannsókna.

Umsóknarfrestur er til 6. maí 2011.

Umsóknum skulu fylgja upplýsingar um umsækjanda, ítarleg verkefnislýsing
(heiti, markmið og fræðilegt gildi verkefnis) ásamt áætlun um útgáfu
og/eða birtingu rannsókna.

Umsóknum skal skilað sem viðhengi á netfang Styrktarsjóða Háskóla Íslands:
[e-mail]. Áætlað er að úthlutun fari fram í maí 2011.
Frekari upplýsingar um styrkveitingu og úthlutun er að finna á heimasíðu
Háskóla Íslands, www.hi.is, sjóðavef Háskóla Íslands, www.sjodir.hi.is, og
hjá Auði Ólafsdóttur, safnstjóra Listasafns Háskóla Íslands, [e-mail],
sími 525 4411.

Gestavinnustofa með styrk í maí 2011 hjá Nesi listamiðstöð á Skagaströnd

Við erum að bjóða styrk upp á 32.500 ISK vegna dvalar í maí 2011.
Til þess að fá styrk verður listamaður gera eitthvað með eða fyrir samfélagið hér á Skagaströnd. Þetta getur t.d. verið að halda námskeið eða vera með fyrirlestur.
Til að sækja um dvöl í Nesi er best að fylla út umsóknareyðublaðið sem finna má hér: umsókn um gestavinnustofu. Einnig þarf að senda okkur ferilskrá, stutta verkefnislýsingu og fjórar myndir af fyrri verkum. Þessi gögn skulu sendast á [e-mail].
Frekar upplýsingar um Nes listamiðstöð eru að finna á heimasíðu okkar: http://neslist.is
Við eigum ennþá laus pláss sumarið og haustið 2011.

Special stipend for May 2011
A EUR 200 (about USD 280) stipend is now available for residents in May 2011 and we still have openings ...

The stipend project has to involve the Skagaströnd community in some way. This can for example be a short course for the public, workshop or performance etc.
To submit an application, please fill out the application form and send the following to [e-mail]:
-A CV or resumé
-Short project description/intentions for your stay
-Four work samples in jpeg format, marked with artists name and title

Further information on our website http://neslist.is
Housing and studio facilities 
Artists are provided with a studio space and a bedroom. 

Residents live in apartments in three modest comfortable houses and all including separate bedrooms and a living room, bathroom, kitchen and laundry facilities shared by all the residents.

The studios are open studios located in a former fish-processing plant. Each room gets a space about 12 m2 (130 sq ft). 

Each studio space is equipped with a table-top, two saw horses, stool, chair, shelf unit and a lamp. Residents will have to cover the cost of travel, food, art materials and and possible shipping of art back home.
Further information can be found here.
Residency fees for rooms and one studio space:
- EUR 550 for a single room
One person, one bed
- EUR 700 for a double room
Two persons, two beds or one double bed
- EUR 900 for a family apartment
Two bedrooms, one double bed and one single


Further information on our website http://neslist.is.


Applications to Nes Artist Residency can be submitted at any time and is for monthly periods ranging from 1 to 6 months.

The residency is not confirmed until a paymentis received.

ATTENTION:
We still have spaces open for the summer of 2011.


Ninna Þórarinsdóttir opnar sýningu í Boxinu, sal Myndlistarfélagsins

Ninnuundrin

Laugardaginn 9. apríl kl.14 opnar Ninna Þórarinsdóttir sýningu sína Ninnuundrin í Boxinu, sal Myndlistarfélagsins í Listagilinu á Akureyri.
Sýningin verður samansafn gamalla og nýrra verka hönnuðarins og myndskreytisins Ninnu Þórarinsdóttur. Ninnuundur er samansafn af furðuverum, ævintýraheimum og vélrænum dýrum, sýndar sem teikningar og skúlptúr.

http://www.flickr.com/photos/ninna_dance/

Ninna útskrifaðist árið 2006 frá Design Academy Einthoven sem hönnuður. Eftir útskrift hefur hún ferðast um heiminn og unnið við ýmiskonar verkefni meðal annars að skóhönnun í Guangzhou, Kína, teiknimyndagerð í Los Angeles, USA og iðnhönnun í Amsterdam, Hollandi.
Hún starfar nú á Íslandi sem myndskreytir og hönnuður.
Sýningin er opinn um helgar frá kl. 14.00- 17.00 til 16.apríl