Margrét Jónsdóttir opnar sýninguna "Kjörklefinn" í Flóru

Margrét Jónsdóttir
Kjörklefinn
16. júní - 16. ágúst 2015
Opnun þriðjudaginn 16. júní kl. 16
Flóra, Hafnarstræti 90, 600 Akureyri, s. 6610168

http://floraflora.is
https://www.facebook.com/flora.akureyri

https://www.facebook.com/events/888890104482666

Þriðjudaginn 16. júní kl. 16 opnar Margrét Jónsdóttir sýninguna „Kjörklefinn” í Flóru á Akureyri.

Margrét Jónsdóttir fæddist á Akureyri árið 1961. Hún dvaldi í Danmörku frá 1979 - 1985, þar sem hún nam leirlist við Listiðnaðarskólann í Kolding. Margrét hefur starfað á Akureyri að sinni list allt frá útskrift fyrir 30 árum.
Hún hefur tekið þátt í fjölda samsýninga bæði á Íslandi og erlendis og haldið nokkrar einkasýningar, þar á meðal sýninguna „Hvítir Skuggar“ í Listasafninu á Akureyri árið 2009.

Kjörklefinn er innsetning sem gerð er til að heiðra minningu Vilhelminu Lever sem kaus fyrst kvenna hér á landi árið 1863 sem var 52 árum áður en kosningaréttur kvenna var lögleiddur á Íslandi. Með áræðni sinni og kjarki ruddi hún braut kvenna og ennþá 152 árum síðar getur hún verið konum sú fyrirmynd um að láta ekki kúga sig eða dæma sem annars flokks borgara vegna kynferðis.

Sýningin er öllum opin á opnunartíma Flóru: mánudaga til laugardaga kl. 10-18 og sunnudaga kl. 12-18. Sýningin stendur til sunnudagsins 16. ágúst 2015.
Nánari upplýsingar veitir Kristín Þóra Kjartansdóttir í [e-mail] og síma 661 0168.

Flóra er verslun og viðburðastaður með vinnustofum sem Kristín Þóra Kjartansdóttur félagsfræðingur rekur. Áherslan er á nýtingu, endurnýtingu, náttúrutengsl og verkmenningu.