Báshás og Mark með opnar vinnustofur á 1. maí

Sjónlistadagurinn 1. maí
 
Fimmtudaginn 1. maí halda myndlistarmenn á Íslandi upp á Sjónlistadaginn, annað árið í röð. Tilgangurinn með hátíðahöldunum er að vekja athygli á því mikla starfi sem unnið er á vinnustofum listamanna víðs vegar um landið. Hátíðahöldin fara fram með þeim hætti að myndlistarmenn opna vinnustofur sínar og taka á móti gestum.
 
Opið verður í Listamannahúsinu Seljavegi 32 milli kl 14 og 17.
 
Á Korpúlfsstöðum verður opið milli 13 og 17.
Þar sýna myndlistarmenn í kjallaranum sýninguna Flóð, en eins og kunngjört er flæddi inn á vinnustofur listamanna í byrjun árs. Vinnustofur verða einnig opnar og á milli kl. 14 og 16 munu tónlistarmenn úr hljómsveitinni Hjaltalín, Sigríður Thorlacius söngkona, Guðmundur Óskar Guðmundsson bassaleikari og Hjörtur Ingvi Jóhannsson píanóleikari flytja tónlistaratriði í stóra salnum. Útibú Myndlistaskóla Reykjavíkur á Korpúlfsstöðum mun einnig standa opið.

Eftirfarandi vinnustofur verða einnig opnar:
 
Báshás, (Ásta, Bogga og Sveinka) Brekkugötu 13, neðri hæð, 600 Akureyri frá 14-17
Samúel Jóhannsson, Mark, Eyjafjarðarsveit, 601 Akureyri frá 14-17
Kristinn Már Pálmason, Freyjugötu 14, 101 Reykjavík
Álfheiður Ólafsdóttir, Auðbrekku 6 Kópavogur
Elsa Nielsen, Skólabraut 16, 170 Seltjarnarnes
Margrét Jóelsdóttir og Stephen Fairbairn, Borgarholtsbraut 57, Kópavogi
Steinunn Marteinsdóttir, Hulduhólum, Mosfellsbæ
ART11 Auðbrekku 4, Kópavogi
Jökull Snær Þórðarson og Garðar Eymundsson Seyðisfirði
 
Lista yfir aðra listamenn sem opna dyr sínar fyrir almenningi, ásamt opnunartíma hvers og eins, er að finna á heimasíðu Sambands íslenskra myndlistarmanna, www.sim.is

Baldvin Ringsted á Glasgow international

Beyond Visibility: Exploring the spiritual in contemporary artistic practice

Part of GI – Glasgow International Festival of Contemporary Visual Art

Exhibition featuring video installation by t.s. Beall, photographs by
Thomas Joshua Cooper and sound installation by Baldvin Ringsted
exploring notions of place, vision and spirituality.
Baldvin Ringsted's sound installation is in Glasgow Cathedral, next
door to The St. Mungo Museum.

The exhibition will be opened by Dr Richard Holloway, Chair of a new
joint board for the Scottish Arts Council and Scottish Screen at a
public launch event, 6pm – 8pm on Friday 11 April.  All welcome.

The exhibition is run in collaboration with the University of Glasgow
Centre for the Study of Literature, Theology and the Arts, the Diocese
of Glasgow and Galloway, and the Glasgow School of Art.

Saturday 12 April to Monday 26 May.
St Mungo Museum of Religious Life and Art
2 Castle Street
Glasgow
G40RH

http://www.glasgowinternational.org

Guðrún Vera opnar sýninguna ,,Áhorfandi” í Deiglunni á laugardag

Laugardaginn 26. apríl kl.14-17 opnar myndlistakonan Guðrún Vera sýningu sína ,,Áhorfandi” í Deiglunni, Kaupvangsstræti 23 á Akureyri.

Guðrún Vera um sýninguna Áhorfandi:

Áhorf er gagnvirkt. Sá sem horfir og það sem horft er á horfir í raun til baka.

Þannig hugsa ég listaverk. Sem ígildi áhorfanda.

Listaverkið er staður þar sem áhorfandinn sér sjálfan sig því það beinist að honum sjálfum.

Á milli listaverks og áhorfanda skapast rými. Annars vegar rými sem er mælt í fjarlægð á milli hlutar og manneskju og hins vegar innra rými, sálræn tenging gegn um upplifun.

Ég hef unnið með þetta rými síðan ég mótaði minn fyrsta áhorfanda árið 1996, sem situr á svölum, áhugalaus og daufur í bragði.

Fyrir sýninguna í Deiglunni kviknaði forvitni að sjá hvar áhorfandinn er staðsettur þegar listaverk horfir á listaverk, ígildi áhorfanda gengt ígildi áhorfanda.

http://this.is/veransu/vera
S.8633763
http://www.listagil.is

Opin Gestavinnustofa á laugardag

 

TRACES, MISTAKES AND LEFTOVERS

L I M B O

Laugardaginn 26. april verður HANNY AHERN með opna Gestavinnustofu frá 18:00-22:00

Allir velkomnir

Gestavinnustofa Gilfélagsins 

 

www.artistsstudio.blogspot.com

 

Herhúsið á Siglufirði, gestavinnustofa fyrir innlenda og erlenda listamenn

Gestavinnustofa fyrir innlenda og erlenda myndlistarmenn, skáld, tónlistarmenn eða hverja þá sem starfa að listsköpun.
Á neðri hæð hússins er 70 fm vinnusalur með setustofu, trönum, vaski og vinnuborðum. Hljómburðurinn í salnum er mjög góður og hentar vel fyrir tónleika og upptökur á tónlist. Þar er einnig baðherbergi með sturtu. Á efri hæðinni er björt stúdíóíbúð (rúm fyrir tvo).

Dvalartími er að jafnaði 1 mánuður, en hann er þó umsemjanlegur.  Í lok dvalartíma er þess óskað að listamenn kynni verk sín fyrir almenningi í salnum. Dvalargjald er kr. 15.000 kr. á mánuði, hiti og rafmagn innifalið. Möguleiki er á þráðlausri adsl tengingu fyrir 3000 kr. á mánuði.. Tryggingargjald er 3000 kr. sem dvalargestur fær endurgreitt í lok dvalar enda sé húsnæði í sama standi og hann tók við því.

Umsóknareyðublöð er hægt að nálgast á heimasíðu Herhússins. Umsóknarfrestur fyrir sumarmánuðina (júní-ágúst) er  31.janúar sama ár. Hægt er að sækja um aðra mánuði ársins hvenær sem er. Við mat á umsóknum er litið til starfsferils, menntunar og félagslegra þátta (hvað hentar starfsemi Hússins á hverjum tíma).

Nánari upplýsingar er hægt að finna á heimasíðu Herhússins eða í síma 8945219.

www.herhusid.com
[e-mail]

Hanny Ahern með fyrirlestur og opna vinnustofu

Hanny Ahern dvelur í Gestavinnustofu Gilfélagsins í Apríl.
Hún verður með fyrirlestur í Myndlistaskólanum á  Akureyri þann 9. april klukkan 13:00.
Einnig verður hún með opna vinnustofu 24. apríl 2008.

Hanny Ahern Has a BA from Bennington College In Vermont (US).  She hales form Connecticut in the U.S. and is also a citizen of Ireland were she like to spend time as part of the theme tat she finds herself in cold wet weather frequently.
Prior to arriving at the guest studio Hanny was Living and working in London drawing in a rather traditional way at the princes drawing school.  In the past she has worked with many mediums to describe her own visual cosmos.  Mostly she prefers to use cleaning and domestic products as a way to shift the mundane into the magical. While here in Akureyri where Hanny is delighted to be, she will be rethinking to discover her long term goal of working in many ways to see and use visual arts as research as well as means of making and simulating beauty of the natural world.  She asks if it is not only materials surrounding us.. are images enough? Perhaps sound? Hanny is excited to be in Iceland and about the possibities of mankind.
 

Sveinbjörg Hallgrímsdóttir opnar sýningu á bókasafni Háskólans á Akureyri

Sveinbjörg Hallgrímsdóttir opnar sýningu á nýjum handþrykktum tréristum á bókasafni Háskólans á Akureyri laugardaginn 12. apríl  kl. 14.00 – 17:00.
Sýningin mun standa til 16. maí næstkomandi

Í verkum sínum fjallar hún um höfuðprýði Íslands, hálendið og jöklanna sem hægt og bítandi bráðna og renna út í sandinn.

Sveinbjörg útskrifaðist frá kennaradeild Myndlista- og handíðaskóla Íslands 1978 og aftur frá málaradeild sama skóla 1992.  Hún var einnig við nám í Myndlistaskóla Reykjavíkur 1986-1990.
Frá árinu 1992 hefur Sveinbjörg verið með eigin vinnustofu.  Í dag rekur hún vinnustofu og sýningaraðstöðu í Svartfugli og Hvítspóa ásamt Önnu Gunnarsdóttur í miðbæ Akureyrar.
Sveinbjörg á að baki 11 einkasýningar og fjölda samsýninga heima og erlendis.
Hún er félagi í grafíkfélaginu Íslensk Grafík og Sambandi íslenskra myndlistarmanna, SÍM.
Sveinbjörg er einnig meðlimur í dönsku grafíksamtökunum Fyns Grafiske Værksted í  Óðinsvéum.
Sveinbjörg var valin bæjarlistamaður Akureyrar 2004 og listamaður Stíls 2007- 2008.

Bókasafn Háskólans á Akureyri er opið alla virka daga frá 8:00 – 18:00 og á laugardögum frá 12:00 – 15:00.  Eftir 10. maí er einungis opið virka daga frá 8:00-16:00

Allir eru velkomnir

Síðustu forvöð að sækja um starfslaun listamanna á Akureyri

Stjórn Akureyrarstofu auglýsir eftir umsóknum listamanna um starfslaun fyrir tímabilið 1. júní 2008 til 31. maí 2009.  Starfslaunum verður úthlutað til tveggja listamanna og hlýtur hvor um sig sex mánaða laun.

Ætlast er til að viðkomandi listamaður helgi sig list sinni eða einstökum verkefnum á vettvangi hennar á starfslaunatímanum og einungis listamenn sem eiga lögheimili á Akureyri koma til greina.

Umsækjendur skili, ásamt umsókn, upplýsingum um listferil sinn og greinargóðum upplýsingum um hvernig starfslaunatíminn skal notaður.  Umsóknum skal skilað í þjónustuanddyri ráðhússins að Geislagötu 9.

Nánari upplýsingar veitir Hulda Sif Hermannsdóttir verkefnisstjóri viðburða- og menningarmála hjá Akureyrarstofu í netfanginu [e-mail] eða í síma 460-1157. Umsóknarfrestur er til og með  2.apríl.

Guðmundur R Lúðvíksson opnar sýninguna "Hreppsómagi og vindhanar" á Café Karólínu á Akureyri, laugardaginn 5. Apríl 2008,

Guðmundur R Lúðvíksson hefur sett upp fjölmargar sýningar á síðustu árum og er nýkominn frá Rotterdam þar sem hann tók þátt í samsýningu. Hann segir um verkin sem hann sýnir á Café Karólínu:

"Verkið Hreppsómagi og vindhanar er unnið þannig að ég mun leggja af stað kl. 05.00 föstudags nótt frá Njarðvíkum til Akureyrar. Kílómetra mælir bílsins verður stilltur á núll við upphaf ferðar. Við hver hreppamörk alla leið til Akureyrar verður lofti blásið í poka, og lokað þétt fyrir þá. Hver poki  er merktur með km sem eftir eru á áfangastað. Ljósmynd er tekin af gjörningnum og tilheyrir hverjum poka. Núll pokinn verður stærri en allir hinir pokarnir.
Einnig verða þrjú verk sem unnin eru með girni og eru þrívíð."

Guðmundur R Lúðvíksson

Hreppsómagi og vindhanar

05.04.08 - 02.05.08   

Café Karólína // www.karolina.is

Kaupvangsstræti 23 // IS 600 Akureyri // 4612755

Laugardaginn 5. Apríl 2008, opnar Guðmundur R Lúðvíksson sýninguna "Hreppsómagi og vindhanar", á Café Karólínu á Akureyri.

Nánari upplýsingar um Guðmund R Lúðvíksson era ð finna á www.1og8.com og netfangið er 5775750(hjá)isl.is   Sýningin á Café Karólínu stendur til 2. maí, 2008.

Meðfylgjandi er ferilskrá Guðmundar R Lúðvíkssonar og tvær myndir, önnur af verkinu "Sumarið í Reykjavík 1999" sem hann sýndi einmitt á Café Karólínu árið 1999.

Sýning Jóns Laxdal “Úr formsmiðju” á Karólínu Restaurant stendur yfir til 5. september 2008.

Næstu sýningar á Café Karólínu: 

03.05.08-13.06.08    Kjartan Sigtryggsson
14.06.08-04.07.08    Arnar Ómarsson
05.07.08-01.08.08    Vilhelm Jónsson
02.08.08-05.09.08    Margeir Sigurðsson
06.09.08-03.10.08    Sigurlín M. Grétarsdóttir
04.10.08-31.10.08    Ingunn St. Svavarsdóttir Yst
01.11.08-05.12.08    Þorsteinn Gíslason

Umsjónarmaður sýninganna er Hlynur Hallsson

Samstarfsverkefni við Brasilíu

Menningaráætlun ESB auglýsir eftir umsóknum vegna samstarfsverkefna sem gerast utan Evrópu. Að þessu sinni er skilyrði að verkefnið tengist Brasilíu.  Hægt er að sækja um allt að 200.000 evrur. Þá er skilyrði að verkefnið sé unnið í samstarfi við a.m.k. þrjár aðrar evrópuþjóðir fyrir utan Brasílíu. Allar nánari upplýsingar og umsóknargögn er hægt að nálgast á eftirfarandi vefslóð:

http://eacea.ec.europa.eu/culture/calls2008/strand_1_3/index_en.htm

Skilafrestur umókna er 1. júní 2008

Menningaráætlun ESB / The European Union's Culture Programme
Upplýsingaþjónusta menningaráætlunar ESB / Cultural Contact Point Iceland
Túngata 14, 101 Reykjavik, Iceland
[phone]
email: [e-mail]
www.evropumenning.is