WOOD YOU SEE WOOD YOU LISTEN frestað

Þessari sýningu hefur verið frestað en nánari upplýsingar koma síðar.

Laugardaginn 16. Maí kl 14 opna félagarnir Þorsteinn Gíslason og Kristján Pétur Sigurðsson innsetninguna " Wood you see Wood you listen " í Verksmiðjunni á Hjalteyri. 
Innsetningin sem nú er sýnd öðru sinni ( var áður sett upp í Populus Tremula í nóvemberlok 2014 ) samanstendur af skógardýrinu " Skógar-Hjassa " sem er einskonar sjálfspilandi pípuorgel, vídeói sem tekið var í eyfirskum skógum, reyk og ljósadýrð. 
Verkefnið unnu Þorsteinn og Kristján með tilstilli styrks frá Menningarráði Eyþings.
Sérlegur aðstoðarmaður er Birgir Sigurðsson og ráðgjöf í tæknimálum veitti Hallgrímur Stefánsson.
Sýningin er opin 16. - 17.5. frá 14-17 og 23. - 24.5. frá 14-17.

https://www.facebook.com/events/958290024211490

Bjarney Anna Jóhannesdóttir sýnir í Listasalnum Braga

Bjarney Anna Jóhannesdóttir hefur undanfarnar tvær vikur unnið að nýjum verkum hér í Braga. Bjarney vinnur að mestu teikningar og málverk en hefur einnig unnið að tónlist undir nafninu Sockface. 

Laugardaginn 16. maí frá kl 15:00 til 17:00 er opið hús hjá okkur þar sem hægt verður að rabba við Bjarneyju um listina og lífið. 

Endilega kíkið við í kaffi og veitingar!

https://www.facebook.com/events/1588490161431372/

https://www.facebook.com/ListasalurinnBragi

20 ára afmæli Safnasafnsins

Safnasafnið er gimsteinn í íslensku og alþjóðlegu listumhverfi og í ár fagnar Safnasafnið 20 ára afmæli sínu. Í tilefni af afmælinu opna 14 nýjar sýningar, inni og úti, á Alþjóðlega safnadaginn, laugardaginn 16.maí. 

Meðal sýninga eru sérsýningar Gunnhildar Hauksdóttur, Bjarna Þórarinssonar, Eirúnar Sigurðardóttur og Margrétar M. Norðdahl. 
Safnið minnist 100 ára afmælis kosningaréttar kvenna á Íslandi og sýnir af því tilefni verk Hrefnu Sigurðardóttur.
Safnið kynnir einnig teikningar og málverk eftir Thor Vilhjálmsson sem hefði orðið 90 ára á þessu ári ef honum hefði enst aldur til. 

Þá eru sýndir stórmerkilegir gripir frá Grænlandi, tupilakar og hálsfestar, sem safnið fékk að gjöf 2012-2014 úr dánarbúi Herdísar Vigfúsdóttur kennara og Valtýs Péturssonar listmálara. Gripina fengu þau á ferðum sínum um Grænland á sjöunda áratugnum en þau voru mikið ævintýra fólk. 

Aðrir listamenn eiga verk á samsýningum, þau Aðalheiður S. Eysteinsdóttir, Birgir Húni Haraldsson, Erla Björk Sigmundsdóttir, Guðmundur Ármann Sigurjónsson, Guðný Guðmundsdóttir, Haraldur Níelsson, Hálfdán Ármann Björnsson, Helga Pálína Brynjólfsdóttir, Helgi Þorgils Friðjónsson, Helgi Valdimarsson, Helgi Þórsson, Ragnar Bjarnason, Steinunn Svavarsdóttir, Sæmundur Valdimarsson, Vilmundur Þorgrímsson og Yngvi Örn Guðmundsson. Leik- og grunnskólabörn í Svalbarðsstrandarhreppi sýna að venju, og í garðinum eru skúlptúrar eftir Önnu Eyjólfsdóttur og Þórdísi Öldu Sigurðardóttur.

Stjórn Safnasafnsins setur svip á sýningarnar með hugmyndafræði, skipulagningu og uppsetningu verka. Hugmynd þeirra er að leggja áherslu á bjartsýni sem ríkir í starfsemi safnsins og beina sjónum manna að margvíslegum tengingum, fínlegum útfærslum, björtum litum og léttu yfirbragði

Safnasafnið er opið daglega frá kl. 10.00–17.00 alla daga til 31. ágúst, en tekið á móti hópum í september eftir samkomulagi á meðan veður leyfir
Safnasafnið gefur gestum sínum veitingar og glæsilega sýningarskrá, og upplifun af skemmtitækjum í móttökunni þegar færi gefst.

https://www.facebook.com/events/630976840370378/631192747015454

Guðmundur Ármann Sigurjónsson sýnir í Mjólkurbúðinni

Guðmundur Ármann Sigurjónsson opnar myndlistarsýninguna NÁTTÚRUSÝN í Mjólkurbúðinni á Akureyri,16. maí kl 15.00

Náttúrusýn - Þar sem fjallið teigir kollinn mót himni

Myndefnið á sýningunni er sótt í umhverfið við Eyjafjörð.
Vatnslitamyndirnar eru málaðar úti undir berum himni, oftast á góðviðrisdögum en stundum á mörkum þess mögulega fyrir vatnsliti. Viðvangsefnið er náttúran eins og hún birtist í mismunandi ljósi dagsins. Leitast er við að færa á vatnslitaörkina myndefnið eins og það birtist sjónum horfandans. Þannig verða myndirnar jafn náttúrutrúverðugar og efniviðurinn, og hið eina sem setur þeim hugsanlegar skorður er færni þess sem heldur á penslinum. Að sitja úti undir berum himni og skoða umhverfið með öllum skilningarvitunum er áskorun sem ekki verður notið með öðrum hætti. Meðvitundin um verkefnið að mála mynd skerpir athyglina og skynjunina til fullnustu og svo að töfrum er líkast. Að sjá myndina framkallast skref fyrir skref á pappírsörkina er augnarbliks fögnuður, sérstaklega þegar vel tekst til.

Olíumálverkin eru unnin á vinnustofunni með vatnslitamyndirnar í bakgrunni. Litasamsetning og formspil náttúrunnar er fært í nokkuð strangari myndbyggingu og brugðið er á leik. „Myndlistin býr yfir samræmi sem er hliðstætt náttúrunni,“ á Cézanne að hafa sagt við kollega sinn þegar hann var að útskýra hvað hann væri að fást við þegar hann leyfði sér að hnika réttri fjarvídd og myndefnið var einfaldað og fært undir grunnformin. Í þeim anda eru málverkin unnin og jafnvel gengið enn lengra í að brjóta upp form náttúrunnar.

Töfrar náttúrusýnar felast ekki síður í að mála á vinnustofunni og finnast mynd sem glímt er við lokið þegar hún ber í sér minni sumarsins.
Ríkjandi litaskali er bláir tónar í bland við dempaða jarðliti.

Sýningin opnar laugardaginn 16. maí kl 16.00, henni lýkur 25. maí kl 18.

Útskriftarsýning Myndlistaskólans á Akureyri opnar í Listasafninu á Akureyri

Laugardaginn 16. maí kl. 15 verður opnuð útskriftarsýning Myndlistaskólans á Akureyri undir yfirskriftinni Sjónmennt 2015, en þetta er í fyrsta sinn sem sýningin fer fram í Listasafninu á Akureyri. Nemendurnir hafa lokið þriggja ára námi við sérnámsdeildir skólans og að þessu sinni útskrifast fimm nemendur af fagurlistadeild og átta nemendur sem grafískir hönnuðir. Opnunarhelgina 16.-17. maí verða nemendurnir á svæðinu og er mögulegt að eiga við þá samtal um verkin.

Á sýningunni má sjá fjölbreytt verk; leturhönnun, málverk, skúlptúra, innsetningar, ímyndasköpun, hljóðverk, vídeóverk og vöruhönnun. Verkin eru mörg persónuleg og innblástur þeirra er m.a. dreginn frá æskuslóðum við Jökulsá á Dal, gömlu handritunum, áhrifum tónlistar á sköpunarferlið, vangaveltum um erfðir og listrænum möguleika á nýtingu grjóts úr Holuhrauni og Vaðlaheiðargöngunum svo fátt eitt sé nefnt.

Fagurlistadeild - frjáls myndlist: Elísabet Inga Ásgrímsdóttir, James Earl Ero Cisneros Tamidles, Jónína Björg Helgadóttir, Margrét Kristín Karlsdóttir, Sigrún Birna Sigtryggsdóttir.

Listhönnunardeild - grafísk hönnun: Eidís Anna Björnsdóttir, Eva Björg Óskarsdóttir, Harpa Stefánsdóttir, Ívar Freyr Kárason, Linda Þuríður Helgadóttir, Perla Sigurðardóttir, Svala Hrönn Sveinsdóttir, Svanhildur Edda Kristjánsdóttir.

Sýningin stendur til 7. júní og er opin þriðjudaga til sunnudaga kl. 12-17, en frá 2. júní kl. 10-17. Aðgangur er ókeypis.

http://www.listak.is

https://www.facebook.com/events/1418631355123922

Úlfur Logason sýnir í Kaktus

Að moldu er málverkasýning Úlfs Logasonar nemanda á listnámsbraut VMA. Þar veltir hann fyrir sér andartökunum fyrir dauðann bæði hjá þeim sem standa frammi fyrir honum og eftirlifendum.

Opnun laugardaginn 16. maí 2015, kl. 14.

Sýningin stendur yfir frá kl. 14:00 - 19:00 bæði laugardag og sunnudag.

Kaktus

Kaupvangstræti 10, 600 Akureyri

 

https://www.facebook.com/events/473304496160904

Karl Guðmundson sýnir í Deiglunni

Laugardaginn 9. maí klukkan 16.00 opnar sýningin Málað á hjólum þar sem Karl Guðmundsson listamaður hátíðarinnar í ár sýnir verk sín. Sýningin stendur til 16. maí.

Karl Guðmundsson, Kalli, fékk hugmyndina um að mála með hjólastólnum sínum fyrir nokkrum árum. Borinn er litur á hjólin og síðan hjólað yfir strigann á gólfinu. Málverkin á þessari sýningu eru unnin á þennan hátt

Opnunartími: Mánudaga - föstudaga 15-18 (3-6). Helgar kl. 14-18 (2-6)

Deiglan, Kaupvangsstræti 23, 600 Akureyri

https://www.facebook.com/events/881876205193448

Mary Zompetti opnar sýninguna "Negative/Positive" í Mjólkurbúðinni

Mary Zompetti opnar sýninguna "Negative/Positive" í Mjólkurbúðinni í Listagilinu á Akureyri, laugardaginn 9.maí kl. 14.

Listaverkin á sýningunni eru unnin með sérsmíðaðri skanna-myndavél sem nemur ljós, rými, hreyfingu og tíma. Mary vinnur með kvikmyndafilmur, strendinga, spegla og linsur við gerð myndanna og hún notar einnig hluti úr náttúrunni eins og plöntur, steina og vatn. Hver ein mynd er einstök og eru verkin retrospective og túlka bæði minningar og reynslu listakonunnar, sem verður síbreytilegt viðfangsefni í myndsköpun hennar.

Mary Zompetti kemur frá Grand Isle í Vermont í Bandaríkjunum og dvelur nú í gestavinnustofu Gilfélagsins á Akureyri. Hún lærði í Art Intitute of Boston í Lesley Univercity og er útskrifuð þaðan með MFA gráðu. Mary Zompetti starfar sem framkvæmdarstjóri ljósmyndadeildar hjá Burlington City Arts og kennir við Champlain College í Vermont.

Sýningin stendur aðeins þessa einu helgi og er opið laugardag og sunnudag kl. 14-17.
Allir velkomnir

http://www.maryzompetti.com/



Mjólkurbúðin s.8957173
https://www.facebook.com/groups/289504904444621/

Mary Zompetti s.+18023556279

DELTA TOTAL Á HJALTEYRI, Í HRÍSEY OG Á SIGLUFIRÐI

DELTA TOTAL Á HJALTEYRI, Í HRÍSEY OG Á SIGLUFIRÐI

Verksmiðjan á Hjalteyri / Sæborg í Hrísey/ Gamla SR á Siglufirði/ Neðst á eyrinni við SR vélaverkstæði/ 08.05. – 07.06. 2015 / Neðst á Hjalteyri við Eyjafjörð / 601 Akureyri http://www.verksmidjan.blogspot.com/

Opnanir föstudaginn 8 maí kl. 12:00 á Hjalteyri, kl. 16:00 í Hrísey og kl. 20:00 á Siglufirði/ Sýningin stendur til og með 07:06 í Verksmiðjunni (opið um helgar kl. 14:00 – 17:00) Hún stendur yfir dagana 8 – 10 maí á Siglufirði opið kl. 14.00 – 17.00 og í Hrísey,

Umsjón: Gústav Geir Bollason, Sébastien Montéro, Aðalheiður S. Eysteinsdóttir, Hulda Stefánsdóttir, Édith Commissaire.

Föstudaginn 8 maí kl. 12:00/16:00/20:00 opna sýningar undir yfirskriftinni « Hjalteyri  chose toujours », « Minimal Bancal à Hrísey » og « Mingle « Sigló » Mingle »í Verksmiðjunni á Hjalteyri/Sæborg í Hrísey/Gömlu SR á Siglufirði

Delta Total er prógramm sem felur í sér 4 verkefni á ári sem byggja á listrænni reynslu, markmiðið er leitin að formum/leiðum sem fer í gang út frá reynslunni af breidd eða fjarlægðum(jörð, þrep, styrkleiki) og samræmi þessa.

Delta Total er   viðbótar listaskóli sem kemur sér fyrir hér og þar sem að aðstæður leyfa og á mótum þeirra áforma sem hún hefur.

 

Delta Total verkefnið sem nú fer fram í annað sinn á Íslandi og tengir saman myndlistarakademíur, ætlar þáttakendum að þessu sinni að búa til 3 sýningar á 3. mismunandi stöðum norður í landi. Á : Hjalteyri, Siglufirði og í Hrísey – Samstarfsverkefnið varir í 10 daga. Það snýst um að takast á við kraftmikið form listrænnar skuldbindingar : hugsa fyrir eigin stefnu og leiðum.

Opnanir: Föstudaginn, 8 maí, kl. 12:00/16:00/20:00

Verkefnið er samstarfsverkefni : L’École Supérieure d’Art et Design Le Havre – Rouen, L’École supérieure d’art de l’agglomération d’Annecy, Listaháskóla Íslands, L’École Supérieure des beaux-arts de Nantes, Myndlistarskólans á Akureyri, Alþýðuhússins á Siglufirði og Verksmiðjunnar á Hjalteyri

« Hjalteyri  chose toujours », « Minimal Bancal à Hrísey » og « Mingle « Sigló » Mingle »

Opnanir föstudaginn 8. maí 2015, kl. 12:00 í Verksmiðjunni á Hjalteyri, 16 :00 í Sæborg í Hrísey og kl. 20.00 í Gömlu SR á Siglufirði

Koma skólanna er styrkt af , Menningarráði Eyþings, Slippfélaginu, Húsasmiðjunni, Ásprent,CCPgames, Bústólpi, Hörgársveit, Fjallabyggð, Rauðka ehf, Síldarminjasafn Íslands, Svarta Krían og Fiskbúð Siglufjarðar. Einnig tekur Herhúsið á Siglufirði á móti þátttakendum.

 

Alþýðuhúsið á Siglufirði

Verksmiðjan á Hjalteyri

Neðst á Hjalteyri við Eyjafjörð

http://www.verksmidjan.blogspot.com/

https://www.facebook.com/pages/Verksmiðjan-á-Hjalteyri/92671772828

Sköpun bernskunnar í Listasafninu á Akureyri, Ketilhúsi

Laugardaginn 9. maí kl. 15 verður opnuð í Listasafninu á Akureyri, Ketilhúsi samsýningin Sköpun bernskunnar. Þátttakendur eru nemendur leik- og grunnskóla Akureyrar, tíu starfandi myndlistarmenn og Leikfangasýningin í Friðbjarnarhúsi.

Þemað er börn og sköpun þeirra. Hugmyndin er að blanda saman list starfandi myndlistarmanna, sem fást við bernskuna í víðum skilningi, og verkum eftir börn og leikföngum þeirra. Stefnt er að því að sýningin verði árviss viðburður með nýjum þátttakendum ár hvert.

Þátttakendur sýningarinnar: Bergþór Morthens og börn hans Vilmundur Ernir og Indíana, Guðrún Vera Hjartardóttir, Hjördís Frímann, Hrönn Einarsdóttir, Ólafur Sveinsson, Rósa Júlíusdóttir og Karl Guðmundsson, Samúel Jóhannsson, Þóra Sólveig Bergsteinsdóttir og Erwin van der Werve og börn þeirra Logi og Ylva, Glerárskóli, Oddeyrarskóli, Brekkuskóli, Hlíðarskóli, Naustaskóli, Giljaskóli, Lundarskóli, Síðuskóli, Tröllaborgir, Iðavöllur, Naustatjörn, Kiðagil, Hlíðaból, Hulduheimar, Lundarsel og Leikfangasýningin í Friðbjarnarhúsi.

Sýningarstjóri er Guðrún Pálína Guðmundsdóttir.

https://www.facebook.com/events/1628330777381376

http://www.listak.is

Katrín Erna Gunnarsdóttir opnar sína fyrstu einkasýningu í Mjólkurbúðinni

Katrín Erna Gunnarsdóttir opnar sína fyrstu einkasýningu BROT/FRACTURES í Mjólkurbúðinni í listagilinu á Akureyri föstudaginn 1.maí kl.15.

Katrín sýnir hér sín nýjustu verk sem unnin eru með vatnslitum á brotinn pappír.
Verkin eru innblásin af rannsóknum hennar á einfaldleika línunnar og tilraunum til að samþætta skúlptúrgerð og teikningu.

Katrín lærði myndlist í Listaháskóla Íslands og listfræði í Háskóla Íslands en hóf myndlistarnám sitt í Myndlistaskólanum á Akureyri sex ára gömul. Þetta er hennar fyrsta einkasýning eftir útskrift úr LHÍ.

Sýningin stendur aðeins þessa einu helgi og eru allir hjartanlega velkomnir.

Katrín Erna http://katrinerna.com/cv


Mjólkurbúðin s. 8957173
https://www.facebook.com/groups/289504904444621/

Útskriftarsýning listnámsbrautar VMA í Listasafninu á Akureyri, Ketilhúsi

Laugardaginn 25. apríl kl. 15 verður útskriftarsýning nemenda listnámsbrautar VMA, Fimmtán, opnuð í Listasafninu á Akureyri, Ketilhúsi. Sýning á lokaverkefnum nemenda hefur lengi verið fastur liður í starfsemi listnáms- og hönnunarbrautar Verkmenntaskólans á Akureyri. Nemendur fá eina önn til að vinna að lokaverkefnum sínum og uppsetningu sýningar í samvinnu við leiðsagnarkennara og samnemendur þar sem áhersla er lögð á sjálfstæð vinnubrögð.  

Á útskriftarsýningunni má sjá fjölbreytt verk; innsetningar, málverk, textílverk, fatahönnun, vídeóverk, húsgagnahönnun og hljóðverk. Sýningin gefur góða innsýn í hið víðtæka nám sem fram fer á listnámsbraut VMA, en þetta er í fyrsta sinn sem hún er haldin í samstarfi við Listasafnið á Akureyri. Jafnframt er sýningin sú fyrsta af þremur þar sem skólabærinn Akureyri er útgangspunktur, en hinar tvær eru Sköpun bernskunnar sem verður opnuð 9. maí og Sjónmennt 2015, sýning útskriftarnema Myndlistaskólans á Akureyri, sem verður opnuð 16. maí.

Útskriftarsýning nemenda listnámsbrautar VMA stendur til 3. maí og er opin þriðjudaga til sunnudaga kl. 12-17. Nemendur verða til umræðu um verkin alla opnunarhelgina, en þeir eru: Anett Ernfelt Andersen, Agnes Ársælsdóttir, Andrea Lind, Axel Flóvent Daðason, Birgitta Líf, Fjóla Berglind Hjaltadóttir, Fjóla Björg, Gréta Jóhannsdóttir, Hreiðar Kristinn, Jóhanna Valgerður Guðmundsdóttir, Kári Hrafn Svavarsson, Nína Kristín Ármanns, Stefán Óli Bessason, Svandís Dögg Stefánsdóttir, Þórey Lísa.

https://www.facebook.com/events/1639188316301659

http://www.listak.is

Fjórar sýningar í apríl í Listhúsi, Ólafsfirði

As Above, So below

Sóló sýning Ella West

Opnunardagur: 21. apríl | kl. 18:00 – 19:00

Sýningartímar : 22-23 apríl, 2015 | kl. 12:00 – 19:00

-----------------------------------------------------

Mapping the dark

Ný verk á pappír eftir Dervla O'Flaherty

Opnunardagur: 24. apríl, 2015 | kl. 17:00 – 20:00

Sýningartímar: 25-26 apríl, 2015 | kl. 15:30 – 19:30

-----------------------------------------------------

Lost

sýnir ný verk, bæði hreyfimyndir og verk á pappír

Lorraine Heller-Nicholas

27. apríl, 2015 | kl. 19:30 – 21:30

-----------------------------------------------------

With a fine-tooth comb

Sameiginleg sýning Jena Tegeler og Kristine Roan.

28-29 apríl, 2015 | kl. 19:30 – 21:30

-----------------------------------------------------

allir velkomnir

Frekari upplýsingar sjá www.listhus.com

 
Alice Liu
Listhús
[phone]

Guðrún Pálína Guðmundsdóttir og Joris Rademaker sýna á kirkjulistaviku

14. kirkjulistavika í Akureyrarkirkju 19.-26. apríl 2014

Hjónin Guðrún Pálína Guðmundsdóttir og Joris Rademaker opna sýningar í safnaðarheimili og kapellu Akureyrarkirkju sunnudaginn 19. apríl kl. 12

Guðrún Pálína skrifar um sýningu sína:

Málverkin tjá kraft og fegurð náttúrunnar sem er í stanslausri breytingu.
Vinnuferli málverkanna og efnisnotkun var í stöðugu samspili við tilfinningar og orku andartaksins.
Reynt var að fanga fegurðina sem bjó í augnablikinu, efninu og litunum.
Málverkin voru unnin í Maastricht( 1989) og í Berlín (2014).

Um Joris og verk hans:

Meginverkefni Jorisar hefur löngum verið rými, hreyfing og orkuútgeislun. Á síðustu árum hefur áherslan einnig verið á samspil lífrænna efna í þrívíðum verkum. Þrjátíu árum eftir útskrift úr listaakademíu er efnisvalið orðið ansi frjálslegt. Listaverkin kalla fram spurningar í samhengi við tilvist okkar, rými og náttúruna. Að baki hverju einasta verki liggja margvíslegar tilraunir og nákvæmar útfærslur, sem skila sér svo áfram í næstu verkefni. Verkin hafa oftast táknrænt gildi sem tengist mannlegu eðli.

Sýningarnar verða opnar á meðan Kirkjulistaviku stendur frá kl. 10-17. Sýningarnar verða svo áfram opnar til 29. maí nk.

https://www.facebook.com/events/1629050077328421

Jónborg Sigurðardóttir - Jonna, sýnir í Mjólkurbúðinni

JÓNBORG-ELDBORG                       

Laugardaginn 18. apríl kl. 14 opnar Jónborg Sigurðardóttir - Jonna, málverkasýningu í Mjólkurbúðinni á Akureyri.
         

Að þessu sinni tjáir Jonna kraft eldsins og lífsorkunnar í eigin tilfinningum í málverkum sem hún vinnur með akríl á striga.


Jónborg (Jonna) er fædd 1966 og útskrifaðist úr málunardeild Myndlistarskólans á Akureyri vorið 1995 og lærði fatahönnun í Danmörku og útskrifaðist þaðan um vetur 2011. Jonna hefur tekið þátt í fjölda samsýninga og haldið nokkrar einkasýningar.   

Sýningin JÓNBORG-ELDBORG stendur til 26. apríl og er opið laugardaga og sunnudaga frá kl.14-17 og allir velkomnir..

Mjólkurbúðin Listagili s.8957173

https://www.facebook.com/events/1620230154857396

Umsóknarfrestur um þátttöku í Haustsýningu til 27. apríl

Listasafnið á Akureyri efnir til sýningar á verkum eftir norðlenska myndlistarmenn 29. ágúst - 18. október 2015. Dómnefnd velur úr innsendum verkum listamanna sem búa og/eða starfa á Norðurlandi eða hafa tengingu við svæðið. Umsóknarfrestur er til og með 27. apríl næstkomandi. 

Haustsýningar voru lengi fastur liður í sýningarhaldi hér á landi og erlendis lifa þær víða enn góðu lífi. Haustsýning Listasafnsins á Akureyri verður tvíæringur og endurvekur þá góðu hefð að sýna hvað listamenn á svæðinu eru að fást við. Hún verður því fjölbreytt og mun gefa góða innsýn í líflega flóru myndlistar á Akureyri og Norðurlandi. 

Sérstakt eyðublað má finna hér að neðan.

• Eyðublaðið er einungis rafrænt og þarf ekki að prenta út. Umsækjandi fyllir út grunnupplýsingar um sjálfan sig og hleður upp 1-3 myndum sem dómnefndin mun fjalla um. Mikilvægt er að myndirnar séu í góðri upplausn sem seinna má nýta í prentaða sýningarskrá og annað kynningarefni. Stærðin er um það bil 150x100 mm ( 1.772x1329 pixlar) og 300 pt. 
• Stuttur texti skal fylgja þar sem listamaðurinn fjallar um verkin og sýn hans á listina. Umsækjandi hleður textanum upp sem Word skjali með hnappnum „Almennt um verkin“.
• Sérstakar upplýsingar um verkin eru færðar inn: ártal, stærð, tækni og nafn ásamt stuttum texta um verkin til útskýringar.
• Mynd af listamanninum sem verður nýtt í sýningarskrá og annað kynningarefni. Myndin þarf að vera í 300 pt. upplausn.
• Að síðustu þarf að fylgja örstutt ferilskrá á bilinu 60-80 orð.

Hér er hægt að nálgast umsóknareyðublað.

Myndlist, gjörningar og tónlist í Kaktus

Laugardaginn 18. apríl 2015 kl. 20

Tónleikar - Vídeóverk - Myndlist - Gjörningar - Danspartý

með:
Antimony - Ice-cold mall goth synthpop
Kvöl - Lo-fi post-punk powerbömmer
Látún - Most minimal of dark minimal wave 

ásamt:
Ambient lead in set by Inland Shrines
Visual art by Sigurður Angantýsson
Performance by RX Beckett

Frítt inn og allir velkomnir!

https://www.facebook.com/events/895891250454112

Opinn fundur um Listasumar

Þriðjudaginn 14. apríl kl. 17 verður haldinn opinn fundur í Listasafninu á Akureyri, Ketilhúsi um Listasumar 2015. Allir sem hafa áhuga á þátttöku eru hvattir til að mæta. Listasumar fer fram 12. júní - 6. september 2015 og er tilvalinn vettvangur fyrir unga sem aldna listamenn til að koma sér á framfæri. 

Listasumar var umgjörð fyrir listviðburði á Akureyri í tæpa tvo áratugi og verður nú endurvakið með svipuðum áherslum eftir nokkurra ára dvala. Nú þegar eru margir viðburðir komnir á dagskrá og viðbrögð listamanna hafa verið framar vonum. Það er því spennandi Listasumar framundan á Akureyri. 

Verkefnastjóri Listasumars er Guðrún Þórsdóttir og hægt er að sækja um þátttöku á netfangið [e-mail].

https://www.facebook.com/events/373013189557096

Steinunn Steinars sýnir Friðþægingu í Gallerí Ískáp

Steinunn Steinars sýnir Friðþægingu í Gallerí Ískáp laugardaginn 11. mars. Þar sýnir hún fígúratíf leirverk, í krafti fjöldans, fjarlægðarinnar og fegurðar.

Steinunn Steinars er nemi á 2. ári á fagurlistadeild Myndlistaskólans á Akureyri.

Gallerí Ískápur er staðsettur á Vinnustofunum í Portinu, 3. Hæð Listasafninu, gengið inn að ofan og aftan.

-----------

Útibúið verður staðsett í Listagilinu, leitið og þér munuð finna!

-----------

AÐ AUKI VERÐA OPNAR VINNUSTOFUR þar sem listamenn sýna gömul, ný og verk í vinnslu. Frábært tækifæri til að sjá og eiga samtal við grasrótina í listalífi Akureyrar, margt spennandi að skoða og njóta. Verið velkomin!
Aðeins þennan eina dag!

Nánari upplýsingar veitir Heiðdís Hólm, í síma 848-2770 eða tölvupósti heiddis.holm[hjá]gmail.com

https://www.facebook.com/events/1380900955570212

Ásta Fanney Sigurðardóttir sýnir í Kaktus

Ásta Fanney Sigurðardóttir opnar sýninguna Fötur, laugardaginn 11. apríl í Kaktus klukkan 18. 

Ásta Fanney er myndlistarkona og skáld sem nýlega hefur fetað sig inn á tónlistarsviðið og samanstendur sýningin af þemalögum fyrir mismunandi fötur. 

 

,,þetta er ekkert flókið, þetta eru bara þemalög fyrir fötur“

ókei... nóg er sagt... 

 

 

Ásta útskrifaðist frá Listaháskóla Íslands árið 2012,

en síðan þá hefur hún meðal annars staðið í rekstri Kunstschlager gallerís og gefið út ljóðabækur. Nýlegasta ljóðaverkefni Ástu Fanneyjar eru Sjoppuljóð en undanfarið hefur hún stundað vinnustofudvöl í alla vegana sjoppum í Reykjavík. 

 

Allir eru hjartanlega velkomnir...

https://www.facebook.com/events/779043788859844