Myndlistarfélagið

Gilfélagið stendur fyrir samsýningunni „Salon des Refusés“ í Deiglunni. Þeim sem var hafnað. Sýningin opnar samsíða sýningunni Vor á Listasafninu á Akureyri laugardaginn 18. maí, þar sem dómnefnd hefur valið inn verk og listamenn tengdum Akureyri og nærsveitum.

Skráning fer fram hjá Gilfélaginu á: gilfelag@listagil.is til 13. maí. Afhending verka er fyrir 15. maí. Öllum er velkomið að taka þátt hvort sem þeim var hafnað af dómnefnd, skipulagsleysi eða innri gagnrýnanda.

Föstudaginn 19. apríl kl. 14.00 opnar Unnar Örn J. Auðarson sýningu í Kompunni, Alþýðuhúsinu á Siglufirði. Þann sama dag kl. 15.00 hefst Gjörningadagskrá á föstudaginn langa þar sem fram koma Ásdís Sif Gunnarsdóttir, Aðalsteinn Þórsson, Styrmir Örn Guðmundsson og Katrín Inga Jónsdóttir Hjördísardóttir.

Laugardaginn 20. apríl kl. 17.00 verða haldnir tónleikar þar sem þrjú tónskáld koma fram með eigið efni og fjórði tónlistamaðurinn aðstoðar við flutning. Tónlistamennirnir eru:
Þórir Hermann Óskarsson, tónskáld, píanóleikari
Daníel Sigurðsson, tónskáld, trompetleikari
Snorri Skúlason, kontrabassaleikari

Daníel Helgason, tónskáld, gítarleikari

Nánari upplýsingar um listamennina hér að neðan.
Boðið verður uppá veitingar og eru allir velkomnir.
Uppbyggingasjóður/Eyþing, Fjallabyggð, Norðurorka, Aðalbakarí, Kjörbúðin og Rammi ehf. styrkja menningarstarf í Alþýðuhúsinu á Siglufirði.

Kompan

Unnar Örn J. Auðarson Í myndlist sinni vinnur Unnar Örn gjarnan með staðreyndir, frásagnir og merkingu stóru sögunnar og gefur fundnu efni annað samhengi innan ramma myndlistarinnar. List hans er ekki bundinn einum sérstökum miðli en jafnan eru verk hans hlutar eða brot úr stærri leiðangri sem tekur í sig merkingu þess sýningarstaðar sem verkið er hluti af. Unnar útskrifaðist árið 1999 frá Myndlista- og handíðaskóla Íslands og lauk mastersnámi við Listaakademíuna í Malmö 2003. Bókverk, auk annars prentverks skipa stóran þátt á sýningum og höfundarverki listamannsins.
Mirage [ b-b-br–b-b-br–breytingar ]
Sérstaða lands er undirstrikuð í þáttum sem oft eru nefndir landgæði. Undir þessa skilgreiningu flokkast veðurfar, jarðfræði landsins og aðrir sýnilegir sem og ósýnilegir þættir. Landmæling er aðferð mannsins til kortlagningar á náttúrunni. Við kortlagningu verður til teikning sem álitin er óháð vísindaleg mæling - þessi mæling breytir náttúru í manngert umhverfi - umhverfi sem hægt er að þróa og breyta. Mælingin er leið mannsins til stjórnunar og er talin gefa hugmynd um það sem er og jafnvel gefa forspá um það sem verður í framtíðinni.
Á sýningunni í Alþýðuhúsinu á Siglufirði er dregin er fram óljós hugmynd af landi - þar sem nærvera manneskjunnar er einungis hilling - birtist stutta stund við sjóndeildahring en hverfur jafn óðum. Manneskjan er í þessu landi lítið annað en mælikvarði á víðáttu - kvarði sem gefur merkingarlausa mynd af umhverfinu og ósýnilegum gæðum þess.

Gjörningadagskrá

Ásdís Sif Gunnarsdóttir
Ásdís Sif Gunnarsdóttir er fædd í Madison, Wisconsin, Bandaríkjunum og býr og starfar í Reykjavík. Ásdís Sif stundaði nám við UCLA í Los Angeles og við The School of Visual Arts í New York. Ásdís Sif er þekkt fyrir sýningar sínar í óhefðbundnum rýmum og vídeó innsetningar, sem fela í sér þrívídd og örvandi framsetningu ljóðaformsins með sjónrænum hætti. Hvert vídeó er sem sönglag, í framsetningunni blandar hún þeim innbyrðis og flytur ljóð meðan á sýningu stendur. Verk Ásdísar eru breytileg, allt frá stærri sýningum og vídeó innsetningum, til ljóðalesturs og ljósmyndasýninga.

Aðalsteinn Þórsson Ég hef svo ég muni ekki áður tekið þátt í svona gjörninga dagskrá eins og Alþýðuhúsið á Siglufirði býður upp á. Þannig að minn gjörningur mun leitast við að taka á því. Gjörningar hafa í gegn um tíðina verið mikilvægur þáttur í minni listsköpun. Þó minna seinni árin. Fyrir mér eru mörkin milli gjörnings og annarra gjörða í listrænu starfi ekki alltaf fullkomlega ljós.
Aðalsteinn Þórsson er fæddur 20. október 1964. Foreldrar voru bændur á Kristnesi í Eyjafirði og þar ólst hann upp. Aðalsteinn varð snemma skapandi, teiknaði mikið og smíðaði úr spýtum, aðallega vopn og morðtól. Eftir grunnskóla fór hann í bændaskóla. Í einhverju tómarúmi vitandi ekkert hvert sig langaði. Formlegt listnám hóf hann ekki fyrr en í kring um tvítugt, 24 ára byrjaði Aðalsteinn í Myndlistaskólanum á Akureyri sem nemandi í fullu námi. Síðan hefur ekki verið aftur snúið af braut listarinnar. Hann fór í framhaldsnám í Finnlandi og seinna í Hollandi þar sem hann bjó og starfaði í 19 ár, eða til ársins 2016. Í fyrstunni málaði Aðalsteinn aðallega en varð sífellt meira afhuga tilbúnum litum og málaði um tíma helst með drykkjum á pappír og þá mest með kaffi. Það verkefni sem Aðalsteinn hefur hefur unnið að umfram önnur er samt “Einkasafnið” verkefni sem hann hefur unnið að síðan 2001. Í þessu verki gengur Aðalsteinn út frá því að afgangar neyslu sinnar séu menningar verðmæti á sama hátt og afgangar hugans hið skapandi verk. Þannig inniheldur Einkasafnið bæði andlegan og efnislegan afgang/sköpun lífs hans. Miðstöð Einkasafnsins opnaði í júní 2018, í landi Kristness í Eyjafirði. Þar verður hægt sjá safnkostinn og fylgjast með framgangi .
söfnunarinnarhttp://steini.art

Styrmir Örn Guðmundsson
Styrmir Örn Guðmundsson (f. 1984) er sögumaður, hljóðfærasmiður, söngvari og myndskreytari. Hann hrífst af hinu fjarstæðukennda, en með því er frekar átt við milda og kærleiksríka afstöðu en þráhyggju fyrir hinu fáránlega. Hann ber umhyggju fyrir hinu fjarstæðukennda. Hann aðstoðar það við að þróast. Hann gefur því pláss meðfram öllu öðru, þar sem það getur tekið form hins óþolandi nágranna eða þíns besta vinar. Styrmir hefur búið og starfað sem myndlistarmaður í Reykjavík, Amsterdam og Varsjá.

Í verkinu Líffæraflutningur hefur Styrmir mótað röð leirskúlptúra sem hver og einn sækir form sitt í lögun líffæra okkar. Þetta eru lungu, lifur, heili og magi, allt lykillíffæri líkamans sem halda okkur á lífi. Við þekkjum þessi form sem búa innra með okkur, við finnum fyrir þeim en fæst höfum við séð þau í raunveruleikanum. Styrmir hefur valið þau út frá formi og eiginleikum þeirra en hér gegna líffærin hlutverki hljóðfæra. Maginn er Udu tromma, lifrin er flauta, lungun eru dauðaflautur Azteka og heilinn er gæddur hljóðgervli sem býr til hljóm úr rafbylgjum. Á sama hátt og hvert líffæri líkamans hefur mjög ákveðið og aðeins eitt hlutverk í tilverunni fá þau ný og afmörkuð hlutverk í Líffæraflutningi Styrmis. Þau minna á að ekkert þeirra getur án hinna verið, þau eru tengd órjúfanlegum böndum í vél án varahluta. Þrátt fyrir hve ómissandi þessi lífsnauðsynlegu líffæri eru hugsum við ekki alltaf nógu vel um þau. Okkur þykir þau jafnvel vera ógeðfelld, notum táknmyndir líffæra til að hræða hvert annað í formi hryllingsmynda og hrollur fer um okkur ef við sjáum þau í formalíni á rannsóknarstofum.

Katrín Inga Jónsdóttir Hjördísardóttir
ListMessa varð til á sýningu í Kling og Bang árið 2009 á föstudeginum langa. Gjörningurinn felst í því að lofsama listina í trúarlegu samhengi og er gjörningakarakterinn einskonar prestur sem er settur saman út frá ímynd bónda, lækni, kennara og listamanns.

Katrín Inga Jónsdóttir Hjördísardóttir (f. 1982) býr og starfar í Reykjavík. Hún útskrifaðist úr LHÍ 2008 og með BA gráðu í Listfræði úr HÍ 2012. Hún lauk MFA námi við School of Visual Arts in New York (2014) Katrín Inga hlaut viðurkenningu úr Svavars Guðnasonar og Ástu Eiríksdóttur (2017), Dungal viðurkenningu (2012), námsstyrk úr Guðmundu Andrésardóttur sjóðnum (2013) og Fulbright námstyrk (2012). Katrín hefur tekið þátt í ýmsum samsýningum hérlendis og erlendis, má þar nefna einkasýningu í Nýlistarsafninu árið 2013 og samsýningu á High Line Art í New York árið 2017. Katrín hefur stofnað og rekið ýmis fyrirbæri tengt myndlist og vinnur iðulega í þágu listarinnar. Viðfangsefni Katrínar eru oft um hið félagslega og pólitíska landslag innan listanna sem hún tekst m.a. á við með aðferðum eins og skrifum, gjörningum og teikningum.


Tónleikar

Þórir Hermann Óskarsson
Þórir Hermann lærði á píanó frá unga aldri ásamt klarínett og gítar, á Englandi þar sem hann ólst upp. Eftir að hann flutti til Íslands 16 ára gekk hann í FÍH og Tónlistarskólann í Reykjavík, þar sem hann útskrifaðist með Burtfararpróf í klassískum píanóleik og tónsmíðum. Þórir Hermann er að mestum hluta klassískt menntaður en þó sækir hann innblástur úr mörgum áttum, þar á meðal Jazz, Prógressívt Rock, Pop, Elektróník og Þjóðlagatónlist. Um þessar mundir stundar Þórir Hermann tónsmíðanám við Listaháskóla Íslands. Á tónleikunum í Alþýðuhúsinu mun Þórir flytja eigin verk á píanó í bland við verk Daníels Sigurðssonar sem leikur á trompet og í samstarfi við Snorra Skúlason sem leikur á kontrabassa.

Daníel Sigurðsson
Daníel Sigurðsson byrjaði að læra á trompet 9 ára í Skólasveit Vesturbæjar. Hann byrjaði að spila jazz í Hagaskóla með hljómsveitinni Danni og Dixieland-Dvergarnir. Síðan þá hefur hann spilað með hljómsveitum eins og Ojba Rasta, Boogie Trouble, Amaba Dama, Ara Árelíusi, sem og sinni eigin hljómsveit, Óreglu, sem hefur gefið út tvær plötur og er að vinna í sinni þriðju. Undanfarin ár hefur Daníel líka samið nokkra strengjasextetta, þrjú lúðrasveitarverk, nokkur verk fyrir píanó og ýmislegt fleira. Eitt píanóverk verður flutt af Þóri Hermanni í Alþýðuhúsinu, og svo verða spiluð þrjú fyrir píanó, kontrabassa og trompet."

Daníel Helgason
Daníel Helgason hóf gítarnám 8 ára gamall og árið 2012 útskrifaðist hann úr Tónlistarskóla FÍH af jazzbraut. Fjórum árum síðar lauk hann tónsmíðanámi í Listaháskóla Íslands. Hann hefur verið virkur í íslensku tónlistarlífi síðustu ár og spilað opinberlega og í upptökum með listamönnum á borð við Unu Stef, Kristjönu Stefánsdóttur (Bambaló), Svavar Knút og fleiri. Daníel spilar einnig töluvert af Suður-Amerískri latín tónlist og hefur tileinkað sér kúbanska tres-gítarinn. Auk þess er hann í DÓH tríó sem fékk tvær tilnefningar í jazz og blús flokki í Íslensku tónlistarverðlaununum 2018 fyrir plötu ársins og sem flytjendur. Á þeim sama viðburði var Daníel útnefndur sem Bjartasta vonin í sama flokki.
Á þessum tónleikum ætlar Daníel að leika frumsamið efni í bland við önnur lög og spuna.

https://www.facebook.com/events/658017734629881

Ólafur Sveinsson sýnir í Mjólkurbúðinni

55
Sýnd verða olíumálverk á striga unnin á síðasta ári. Ein grafíkmynd gæti slæðst með til að valda ójafnvægi. Jafnvægi eða mótvægi. Allir velkomnir !

https://www.facebook.com/events/385062022332347

Næstkomandi laugardag 22. mars 2019 opnar Guðrún Pálína Guðmundsdóttir fallega sýningu hjá okkur í Kaktus.

Sýningin tjáir einhverskonar vinnustofu stemmingu þar sem tínd eru fram verk sem unnin voru í lok dvalar, þegar afgangs efni
eru notuð áður en öllu er pakkað niður og haldið heim. Verkin hafa ekki verið sýnd áður og voru unnin í febrúar 2017 í Berlín eftir sex mánaða dvöl þar.
Á sýningunni, sem er einhvers konar vinnustofu innsetning, eru andlitsmyndir tengdar borgarlífinu. Andlit mismunandi tíma og vídda birtast. Það er ekki alltaf skírt hvort þetta sé raunverulega lifandi fólk eða svipir, einstaklingar frá öðrum tíma sem enn eru á reiki. Andlit sem birtast í neonljósum, næturmyrkri eða jafnvel dúkka upp í draumum eða martröðum.

Fáar stórborgir hafa jafn áþreifanlegt andrúmsloft skelfilegrar fortíðar en jafnframt uppbyggingu og endursköpun nútíma fjölþjóðlegrar menningarborgar, eins og Berlín.
Þar mætir illskan góðvildinni, ljótleikinn fegurðinni og fortíðardraugarnir nútímanum.

Pálína Guðmundsdóttir er fædd og starfandi á Akureyri. Nam myndlist í Gautaborg og síðar í Hollandi, fyrst í Enschede í AKI 1982-87 og síðar framhaldsnám í Maastricht 1987-89.
Hún hefur haldið margar einkasýningar og tekið þátt í ótal samsýningum síðast í Hollandi sl. sumar.
Hún var bæjarlistamaður Akureyrar 2013 og dvaldi þá 6 mánuði í Berlín og fékk listamannalaun til dvalar í Berlín í 6 mánuði 2016.
Pálína er starfandi fræðslufulltrúi Listasafnsins á Akureyri.

Við minnum á að allir eru velkomnir og í boði verða léttar veitingar.
Sýningin er svo einnig opin sunnudaginn 23. mars frá 15 - 18.

https://www.facebook.com/events/2388631904798444

Laugardaginn 2. mars kl. 15 verður opnuð sýning finnsku myndlistarkonunnar Elinu Brotherus, Leikreglur / Rules of Play / Règle du Jeu í Listasafninu á Akureyri. „Eftir að hafa notað sjálfa mig í myndum mínum í 20 ár fannst mér ég hafa setið fyrir í öllum hugsanlegum stellingum,“ segir Elina Brotherus.

„Leiðina út úr þessum botnlanga fann ég í Fluxus. Ég hóf að nota Fluxus viðburðalýsingar og aðrar ritaðar leiðbeiningar eftir listamenn, sem grunn í ný verk. Ég hef útvíkkað hugmyndina á bak við lýsingarnar og leyft mér að verða fyrir áhrifum frá mismunandi listamönnum, s.s. kvikmyndagerðarmönnum, ljósmyndurum, listmálurum og ljóðskáldum. Þessi gjörningalega og eilítið absúrd aðferð hefur gert mér kleift að halda áfram að vinna með myndavélina, bæði sem ljósmyndarinn og fyrirsætan. Ég vitna í Arthur Köpcke, sem sagði: „Fólk spyr: Af hverju? Ég spyr: Af hverju ekki?“

Leikreglur / Rules of Play / Règle du Jeu hlaut Carte blanche PMU verðlaunin og var fyrst sýnd í Centre Pompidou 2017.

Sýningin er samstarfsverkefni Listasafnsins á Akureyri og Listasafns Íslands.

Listamannaspjall með Elinu Brotherus sunnudaginn 3. mars kl. 15.

https://www.facebook.com/events/554661461699456

Föstudagskvöldið 1. mars opnar listamaðurinn Friðgeir Jóhannes Kristjánsson sýninguna "Smali" í Kaktus.
Friðgeir er fæddur á Akureyri 1987. Hann lærði myndlist við Myndlistaskólann á Akureyri og svo við Myndlistaskólann í Reykjavík og svo við listaháskólann í Angoulême, Frakklandi, en þar útskrifaðist hann árið 2017. Friðgeir hefur tekið þátt í fjölda samsýninga í Frakklandi en þetta er kannski fyrsta einkasýning hans á Íslandi.

Með eigin orðum lýsir Friðgeir sýningunni sem svo:
Sýning þessi er smá tilraun til að myndskreyta minningar mínar frá síðustu tveim sumrum þar sem ég vann sem smali í suður Frakklandi. Sumt er erfitt að muna eins og hvernig er litur skugga sem fellur á jörð í eikarskógi og hvort var smalahundurinn með hvítan haus með hvítum blettum eða var hann með svartan haus og hvíta bletti? Notast ég við ljósmyndir og skissur sem ég hef safnað að mér í gegnum árin, restin er uppspuni en minningarnar eru allar ekta.

Allir innilega velkomnir í Kaktus að skoða lítil málverk, stórar teikningar og njóta léttra veitinga.

https://www.facebook.com/events/1030255420508186

https://www.facebook.com/events/351015482166304

Verið velkomin á opnun sýningarinnar "Untitled Lullaby" í Deiglunni föstudaginn 22. febrúar 2019 kl. 17 - 20. Gestalistamenn Gilfélagsins Dennise Vaccarello og Manuel Mata sýna afrakstur dvalar sinnar en þau hafa búið í Listagilinu í febrúar. Sýningin er einnig opin laugardag og sunnudag kl. 13 - 17.

Listamennirnir koma bæði frá Spáni og eru prófessorar hjá Listaháskólanum í Pontevedra.
Þrátt fyrir ólík áhugasvið og hugmyndir þá eru þau vön því að deila sýningarrými og koma á framfæri mismunandi sjónarmiðum sem auðga hugmyndir hvors annars. Á sýningunni verða því kynntar tvær hugmyndir.
Dennise Vaccarello vinnur eins og oft áður verk þar sem landslag, skáldskapur og dagdraumar spila lykilhlutverki. Hún vinnur útfrá reynslu sinni af Akureyri þar sem hún mótar umræðu sem sveiflast á milli vísinda og fantasíu.
Manual Mata vinnur með skyndiljósmyndun (polaroid) og stutta texta sem sýna frá dögum hans á Akureyri. Hann nýtir dagbókina sem verkfæri til hugleiðingar og leggur áherslu á ljóðrænu, stutta frásögn og tæknilegan einfaldleika.

Titill sýningarinnar "Untitled Lullaby" vinnur sem brú á milli verka listamannnana og einnig sem útlendingar og þeirra áhrifa sem Ísland hefur haft á þau.

//

Please join us for the opening of "Untitled Lullaby" in Deiglan, Kaupvangsstræti 23 Akureyri, on Friday, 22nd of February hr. 17 - 20. The exhibition is open on Saturday and Sunday hr. 13 - 17. Light refreshments and the artists are present.

The exhibition focuses on the work of Dennise Vaccarello and Manuel Mata, current residents of the Gil Artist Residency.
Both artists come from Spain and work as professors at the Faculty of Fine Arts of Pontevedra. Although their interests and proposals follow very different paths, they are accustomed to sharing the same exhibition space and to interpenetrate their different points of view in order to enrich their respective proposals.
During the exhibition, two separate proposals will be shown.
On one hand, Dennise Vaccarello will follow her usual line of work in which landscape, fiction and daydreaming play a central role. Through her experience in Akureyri she will give shape to a discourse that oscillates between the scientific field and the fantasy.
On the other hand, Manuel Mata will work with instant photography and short text to offer an approximation to his days in Akureyri. Using the diary as a discursive tool, Manuel will focus his work on poetic language, brief narration and technical simplicity.
“Untitled Lullaby” is the title of the exhibition, which serves as a bridge between the work of both artists and, also, between the quality of foreigners of these and the effect that Iceland has on them.

https://www.facebook.com/events/544180816090144

Á Gildegi, 9. febrúar, stendur Gilfélagið fyrir opnu húsi í Deiglunni kl. 14-17.
Öllum er velkomið að gera sitt eigið þrykk og kunnáttufólk verður á staðnum til aðstoðar. Efni og þátttaka verður ókeypis.

https://www.facebook.com/events/375630006317047

Síðastliðnar tvær vikur hafa útskriftarnemendur við myndlistardeild Listaháskóla Íslands dvalið á vegum Alþýðuhússins á Siglufirði. Nemendurnir hafa starfað undir handleiðslu Aðalheiðar S. Eysteinsdóttur og Sindra Leifssonar ásamt því að hafa kynnst heimamönnum og menningarstarfsemi í Siglufirði og Eyjafirði. Allir eru hjartanlega velkomnir á samsýningu þeirra suðsuðves í Segli 67, þar sem sýndur verður afrakstur síðustu vikna. Opnun suðsuðves fer fram milli 15 og 18 laugardaginn 26. janúar en sýningin mun jafnframt standa opin sunnudaginn 27. janúar frá 14 til 17.

Listamenn:

Anna Margrét Ólafsdóttir, Bernharð Þórsson, Harpa Dís Hákonardóttir, Hákon Bragason, Helena Margrét Jónsdóttir, Hildur Elísa Jónsdóttir, Hjördís Gréta Guðmundsdóttir, Jóhann Ingi Skúlason, Jóhanna Rakel, Katla Rúnarsdóttir, María Rún Þrándardóttir, Nína Kristín Guðmundsdóttir, Ólöf Björk Ingólfsdóttir, Óskar Þór Ámundason, Patricia Carolina, Salka Rósinkranz, Sigrún Erna Sigurðardóttir og Valey Sól.

Styrktar- og samstarfsaðilar Listaháskóla Íslands eru Alþýðuhúsið á Siglufirði, Aðalbakarí, Fjallabyggð, Húsasmiðjan, Kjörbúðin, Norðurorka, Ramminn hf., Segull 67, Torgið og Uppbyggingasjóður Eyþings.

https://www.facebook.com/events/391800788060047