Lind Völundardóttir opnar sýningu á Café Karólínu

Lind Völundardóttir

Bleikt með loftbólum

04.07.09 - 31.07.09

Café Karólína // Kaupvangsstræti 23 // IS 600 Akureyri 

Lind Völundardóttir opnar sýninguna “ Bleikt með loftbólum “ á Café Karólínu 4. júlí 2009
Kl.15

Lind er Reykvíkingur fædd 1955 í Þingholtunum og er 101 í húð og hár.

Lind er kjólameistari, myndlista-og textílkona og hefur verið svo lánsöm að geta framfleytt sér á kunnáttu sinni með iðkun og kennslu.

Verkin sem hér hanga eru hluti af stærra verki þar sem myndlist og textíl skarast. Verkið er unnið út frá ferli í litun á textíl. Litunarferlið byrjar á því að vatnið er látið renna og litnum er blandað í vatnið. Myndirnar eru teknar þegar þetta er að gerast. Í þessu tilfelli var litað silki og fékk það svona gamaldags móskulegan laxableikan lit. Loftbólurnar urðu til þegar vatnið streymdi af krafti úr krananum.


Menntun

2007 - 2009 University of Iceland, Diploma, Teachers certificate.
2006-2007   The Reykjavík Technical Collage, Certificate as a master craftsman in tailoring.
1994 - 1996 St. Joost Academy, Breda, Postgraduade  Visual Art
1993 - 1994 The Royal Academy of Art in The Hague, Department of Sculpture.
1987 - 1989 The Icelandic Academy of Arts and Crafts, BFA, Department of New Art.
1985 - 1986 The Reykjavik ,Chollage, of Visual Art, Drawing .
1980 - 1984 The Reykjavik Technical Collage, Journeyman's examination in tailoring.


Sýningar

2009 Artótek Reykjavík, Iceland. Photographs
2008 Gallery Ráðhús Reykjavíkur, Iceland. Photographs
2007 Ljósmyndasafn Reykjavíkur, Iceland. Photographs
2007 Lucent,  Den Haag, The Netherlands. Photographs
2006 Kaffi Mokka, Reykjavík, Iceland. Photographs
2005 Gallery Zoet, Den Haag, The Netherlands.  Textile and clothing.
2004 Gallery Red Hot, Den Haag, The Netherlands. Textile and clothing.
2003 Wandering Library, Markers lV in Venice, Unecko   National Italia, Comition, Roadshow. Italy, Germany, Franc, Mixed media
1999 Quartair Contemporary Art Initiatives, Den Haag, The Netherlands,Mixed media
1997 Gallery Keller, Den Haag, The Netherlands. Mixed media
1997 Nýlistasafnið, Reykjavik, Iceland. Mixed media
1996 The Artgive Den Haag, The Netherlands.Photographs
1996 Kunstraum Wohn Raum, Hannover, Duitsland, Mixed media.
1996 Gallery Litter, Den Haag, The Netherlands. Mixed media
1995 Gallery Sævar Karl, Reykjavík, Iceland. Mixed media
1995 Nýlistasafnið, Reykjavík, Iceland. Mixed media
1994 Gallery Sævar Karl, Reykjavík, Iceland.
1994 Quartair Contemporary Art Initiatives, Den Haag, The Netherlands. Mixed media
1993 “22”  Reykjavík, Iceland. Photographs.
1992 Hlaðvarpinn, Reykjavík, Iceland. Photographs.
1991 Image Photogallery, Arhus, Denmark. Photographs.


Nánari upplýsingar veitir Lind í tölvupósti [e-mail]

Næstu sýningar á Café Karólínu:
01.08.09 - 04.09.09 Þórgunnur Oddsdóttir
05.09.09 - 02.10.09 Ólöf Björg Björnsdóttir

Umsjónarmaður sýninganna er Hlynur Hallsson

MAJA WOLA listamaður júnímánaðar

MAJA WOLA frá Póllandi er listamaður júnímánaðar í gestavinnustofu
Gilfélagsins á Akureyri.

Áhugasamir geta fræðst nánar um listakonuna á heimasíðu
gestavinnustofunnar: http://artistsstudio.blogspot.com

Vídeóhátíð í GalleríBOXi

Laugardaginn þann 27. júní kl. 14:00 mun GalleriBOX opna Vídeóhátíð
fyrir gesti og gangandi. Verkin koma víða að, þ.á.m frá Finnlandi og Bretlandi.

Skapti Runólfsson

Eva Dagbjört Óladóttir

Björg Eiríksdóttir

Morgane Parma

Bjarke Stenbæk Kristensen

Emmi Kalinen

Hekla Björt Helgadóttir

Sigrún Lýðsdóttir

Unu Björk Sigurðardóttir

Steinn Kristjánsson

Sigurlín M. Grétarsdóttir

 

Hátíðin stendur yfir þessa einu helgi, 27. júní - 28. júní, kl. 14:00 - 17:00.

Léttar veitingar í boði.

Vídeóhátíðin er styrkt af Ljósgjafanum, Fjölsmiðjunni og Menntasmiðjunni.

Myndlistarfélagið, GalleriBOX, Kaupvangsstræti 23, 600 Akureyri.

galleribox.blogspot.com

Kórsöngur vélanna / húsameistari - könguló opnar í Verksmiðjunni á Hjalteyri

Verksmiðjan á Hjalteyri

Kórsöngur vélanna / húsameistari – könguló
Pétur Örn Friðriksson
Ilmur María Stefánsdóttir
27. júní - 19. júlí 2009
Opnun laugardaginn 27. júní kl. 15 - 17
Opið um helgar frá kl. 14 - 17
verksmidjan.blogspot.com


Kórsöngur vélanna / húsameistari - könguló

Á næstunni, munu árvökulir vegfarendur á Hjalteyri geta að nýju heyrt glaðlegan vélargný úr Verksmiðjunni. Hann stafar frá heimilistækjum, steypuhrærivél og óvenjulegum rennibekk. Þau hafa þar afsannað einhliða notagildi sitt og í fagurfræðilegum tilgangi, raskað og sett sig úr samhengi hlutanna með nýjum og óvæntum verkefnum.
   
Hljóðlátari er köngulóin sem að með aðstoð trésmiðs hefur spunnið sér íverustaði út um allt og inn í skúmaskotin.

Listamennirnir Pétur Örn Friðriksson og Ilmur María Stefánsdóttir eiga það helst sammerkt að fást við gagnslausar tilraunir á mörkum þess nytsamlega og tæknilega. Niðurstaðan  birtist oftar en ekki í mjög fullkomnum hlutum.

Við fyrstu sín mætti ætla að sum verka Péturs Arnar gætu átt uppruna sinn að rekja til einhverrar rannsóknarstofu eða séu, stundum, jafnvel nokkurs konar „alþýðleg vísindi“, þegar hann í raun og veru er að skapa líkön sem birta öðru fremur hugmyndir um eðli og eiginleika listaverka
Ilmur María beinir athugunum sínum að gagnverkandi tengslum fólksins og hlutanna. Hún þróar tilbúin, hversdagsleg tæki í eitthvað óvenjulegt, breytir hlutverki þeirra og bætir gagnsemd.
Sýningin opnar laugardaginn 27. júní kl. 15:00 og lýkur 19. júlí. Hún er opin um helgar frá kl.14:00 til 17:00.

Húni II siglir kl. 13:00 frá Torfunefsbryggju á Akureyri á opnun í Verksmiðjunni á Hjalteyri, laugardaginn 27 júní.

Menningarráð Eyþings, Norðurorka og Ásprent styrkja Verksmiðjuna á Hjalteyri.

Myndlistarsýningin Freyjumyndir opnar á sumarsólstöðum

Sunnudaginn 21. júní á sumarsólstöðum opnar myndlistarsýningin Freyjumyndir víðsvegar um Akureyri. 27 listamenn á Eyjafjarðarsvæðinu vinna verk til heiðurs hinni fornu norrænu gyðju Freyju. Sýningin stendur til 22. september, haustjafndægurs. Frekari upplýsingar um sýninguna, þátttakendur og staðsetningu listaverkanna má sjá á síðunni freyjumyndir.blog.is

Guðrún Pálína Guðmundsdóttir sýnir PORTRETT í Populus Tremula

GUÐRÚN PÁLÍNA GUÐMUNDSDÓTTIR
Portrett
MYNDLISTARSÝNING

Laugardaginn 20. júní kl. 14:00 opnar Guðrún Pálína Guðmundsdóttir myndlistarsýninguna PORTRETT í Populus Tremula.

Verkin á sýningunni vinnur Guðrún Pálína út frá fjórum einstaklingum sem allir eiga sama afmælisdag og rýnir m.a. í stjörnukort þeirra.

Sýningin verður einnig opin sunnudaginn 21. júní kl. 14:00 - 17:00 | Aðeins þessi eina helgi

PORTRETT GUÐRÚNAR PÁLÍNU ER SÍÐASTA MYNDLISTARSÝNING STARFSÁRSINS.

Listasumar hefst í dag

Setning Listasumars í Ketilhúsinu, föstudaginn 19. júní kl. 17. Hermann Jón
Tómasson bæjarstjóri setur Listasumar. Sendiherra Noregs Margit Fredrikke
Tveiten opnar sýningu á verkum norsk/íslenska málarans Kaare Espolin Johnson
og sýningu Héraðsskjalasafnsins á íslenskum ættartengslum Espolin.
Í Deiglunni kl. 18 opnar japanska listakonan Miyuki Tsushima sýningu á
innsetningu og teikningum. Samtímis opnar á Ráðhústorgi, ljósmyndasýning
Hermanns Arasonar, Gamla Akureyri frá sjöunda áratugnum í samvinnu við
Minjasafnið á Akureyri.

Föstudaginn 19. júní kl. 17:00. Festaklettur-listhús: Opnun á sýningu Óla G.
Jóhannssonar ,,Chessboard of my life".
Föstudaginn 19. júní kl. 18:00. Opnar Guðrún Pálína Guðmundsdóttir sýninguna
Portrett í Populus Tremula.
Föstudaginn 19. júní kl. 19:19. Svalbarðsströnd, Haughúsið: Listsalurinn
Haughúsið formlega vígður með opnun á sýningu Guðrúnar Steingrímsdóttur
,,Margt býr í kýrhausnum".
Grímsey 19.-20. júní: Sólstöðuhátíð: Tónleikar, hagyrðingar, bjargsig og
siglingar.

Laugardaginn 20. júní kl. 13, verður sigling með Húna II á opnun á völdum
verkum Espolin Johnson í Hákarlasafninu í Hrísey. Á leiðinni mun Gisle
Espolin Johnson kynna verk föður síns, hraustlegir sjómenn  segja sögur,
harmonikkuleikur, söngur, kaffi og með því. Sigling með Húna II til baka frá
Hrísey kl. 17.
Á leiðinni verður sagt frá ýmsu fróðlegu sem fyrir augu ber í Eyjafirðinum
og í boði verður fiskisúpa og öl að hætti heimamanna. Skráning í ferðina hjá
[e-mail]

Hin árlega flughelgi verður haldin á Akureyrarflugvelli við Flugsafn Íslands
20. - 21. júní. Fjölbreytt dagskrá. Sjá nánar á www.flugsafn.is
Laugardaginn 20. júní kl. 21:00. Hjalteyri, Verksmiðjan: Ljóðadagskrá og rokk í
umsjón Einars Más Guðmundssonar.
 Laugardaginn 20. júní kl 15:00 Leikminjasafnið í Laxdalshúsi: Opnun á
sýningu Hallmundar Kristinssonar leikmyndahöfundar og myndlistarmanns.

Sunnudagur 21. júní. "Freyjumyndir". Opnun á myndverkum til heiðurs hinni
fornu gyðju Freyju. Samsýning eyfirskra listamanna á ýmsum stöðum á Akureyri
og nágrenni. Nánari upplýsingar á www.freyjumyndir.blog.is

Sunnudagur 21. júní. Bárðardalur, Kiðagil: Opnun á sýningunum Útilegumenn í
Ódáðahrauni, Ullarverk Friðrikku Sigurgeirsdóttur og ljósmyndasýningunni
Bílferð yfir Sprengisand.
Sunnudagur 21. júní. Ásbyrgi, Gljúfrastofa kl. 23:00: Sumarsólstöðuganga.
Sunnudagur 21. júní. Þistilfjörður: Rauðanesdagurinn: Fjölbreytt
menningardagskrá.

Sjá nánar á www.listagil.akureyri.is

Yst sýnir í Bragganum

Braggasýning Ystar : “Sagt í lit” verður opin frá kl.11-18  í tengslum við Sólstöðuhátíðina á Kópaskeri dagana 19. - 21. júní  og svo áfram frá 27. júní - 12. júlí  alla dagana. Skyggnst er handan samtímans í gagnvirkri innsetningu.

Ljóðadagskrá með rokkuðu ívafi og sýningarlok í Verksmiðjunni á Hjalteyri

Laugardaginn 20. júní verður ljóðadagskrá með rokkuðu ívafi í Verksmiðjunni á Hjalteyri. Umsjónarmaður dagskrárinnar er skáldið og rithöfundurinn Einar Már Guðmundsson en sérlegir gestir hans verða söngvaskáldin Kristján Pétur Sigurðsson og Þórarinn Hjartarson.
Dagskráin hefst kl. 21:00 og er enginn aðgangseyrir og allir velkomnir.

Um þessar mundir stendur yfir sýningin "Hertar sultarólar" í Verksmiðjunni, hún  er opin laugardaga og sunnudaga milli kl 14:00-17:00 henni lýkur um næstu helgi og því eru síðustu forvöð að sjá þessa sýningu sem hefur hlotið afar góðar viðtökur og verið vel sótt. Sýningunni lýkur sunnudaginn 21. júní.
Myndir og nánari upplýsingar um viðburði og Verksmiðjuna á Hjalteyri á: http://www.verksmidjan.blogspot.com


Menningarráð Eyþings styrkir dagskrána í Verksmiðjunni á Hjalteyri

Safnamörk, samsýning við Safnasafnið

Laugardaginn 13. júní kl. 14:00 verður opnuð sýningin Safnamörk í Reinum norðan við Safnasafnið á Svalbarðsströnd. Huginn Þór Arason, Karlotta Blöndal og Unnar Örn J. Auðarson sýna þar verk unnin sérstaklega með garð Safnasafnsins í huga.

SAFNAMÖRK
samsýning í Reitnum norðan við Safnasafnið á Svalbarðsströnd
Huginn Þór Arason, Karlotta Blöndal & Unnar Örn
Daganna 13/6 -7/9 2009
Laugardaginn 13.júní kl.14.00 opnar í Reitnum norðan við Safnasafnið á Svalbarðsströnd sýningin Safnamörk. Þar munu myndlistarmennirnir Huginn Þór Arason, Karlotta Blöndal & Unnar Örn sýna verk unnin sérstaklega með garð Safnasafnsins í huga. Á sýningunni vinna listamennirnir útfrá staðsetningu Safnasafnsins og endimörkum þess bæði landfræðilega sem og hugmyndafræðilega. Verk listamannanna koma frá ólíkum rótum, alþjóðlegum helgisiðum og venjum tengdum sumarsólstöðum, munnmælasögum um uppruna skóga í Eyjafirði, takmörk upplifunar í manngerðri náttúru og merkingu einkennisklæðnaðar.

Kristín Kjartansdóttir sagnfræðingur og garðyrkjukona segir í texta sem fylgir sýningunni:
“Íslendingar sem í aldaraðir bjuggu allflestir hreinlega hálf grafnir í jörðu samsvöruðu sig vel við krafta náttúrunnar og upplifðu sig sem hluta af henni. Náttúran var eins og hýbýli landans órjúfanleg heild af manneskjunni sjálfri, ekki eitthvert fyrirbæri sem horft var á úr fjarska eða fólk réð yfir. Ólíkt því sem nú er þá fannst fólki það ekki þurfa að stjórna náttúrunni, heldur að læra umgangast hana. Þegar við gengum út úr moldarkofunum í byrjun 20. aldar, var náttúran skilin eftir, en svo snérum við okkur að því að beisla krafta hennar og stjórna eins og mögulegt er á meðan við ræktuðum tengslin við hana í yndislegum lautarferðum og landslagsmálverkum.”

Sýningin Safnamörk er hluti af viðamikilli og fjölbreyttri sýningardagskrá Safnasafnsins þetta sumarið. Safnasafnið er opið í sumar alla daga vikunnar frá 10.00 til 18.00.

Nánari upplýsingar veitir Níels Hafstein safnstjóri í síma 4614066 og eins er hægt að hafa samband beint við listamennina. Huginn - 692 9817 / Karlotta - 846 5042 / Unnar - 699 5621