Gunnhildur Þórðardóttir opnar sýningu í Mjólkurbúðinni í Listagilinu

Gunnhildur Þórðardóttir opnar sýninguna Slóðir/Trails í Mjólkurbúðinni laugardaginn 9.apríl kl. 15.

Á sýningunni eru málverk, grafíkverk og skúlptúrar sem sækja sér innblástur í hin mismunandi ferðalög lífsins þar sem maðurinn skilur eftir sig spor og tengsl myndast við umhverfið á mismunandi stað og tíma. Listamaðurinn nálgast hugðarefnið meðal annars á persónulegan hátt með skírskotun í æskuslóðir sínar í Keflavík. Verkin kallast á en við nánari skoðun eru þau ólík enda gerð úr mismunandi efnivið.

Gunnhildur lauk BA (HONS) í listasögu og fagurlistum frá Listaháskólanum í Cambridge árið 2003 og MA í liststjórnun frá sama skóla árið 2006. Hún hefur haldið nokkrar einkasýningar nú síðast örsýninguna Hulduorka á Skörinni í Handverk og hönnun en áður hefur hún sýnt í sal Íslenskrar Grafíkur í Hafnarhúsinu, í Suðsuðvestur og í Danmörku og Englandi. Hún hefur tekið þátt í mörgum samsýningum bæði á Íslandi og erlendis m.a. í Norræna húsinu, Hafnarborg, Þjóðminjasafninu, galleríBOXi, samsýningum Íslenskrar Grafíkur í Þýskalandi og í Cambridge ásamt KIC Art listahópnum.

Gunnhildur starfaði með lista- og hönnunardúóinu Lúka Art & Design og hefur unnið lengi fyrir félagið Íslensk Grafík auk þess að vera meðlimur í SÍM.

Sýningin Slóðir stendur til 24.apríl og eru allir velkomnir.


Mjólkurbúðin Listagili er opin:


Fös. 15-17 og lau. - sun. 14-17 meðan sýningar standa yfir og eftir frekara samkomulagi.
 

Nánari upplýsingar veita:

Mjólkurbúðin – Dagrún Matthíasdóttir s.8957173


Gunnhildur Þórðardóttir s.8983419

http://lukaartdesign.is
http://www.umm.is/UMMIS/Listamenn/Listamadur/722
http://www.saatchi-gallery.co.uk