Sæunn Þorsteinsdóttir sýnir í DaLí Gallery

Sæunn Þorsteinsdóttir opnar myndlistasýninguna Veggskraut í DaLí Gallery laugardaginn 14. febrúar kl. 14-17.

Sæunn vinnur með hringformið sem er henni hugleikið og hefur gamalt íslenskt munstur oft veitt henni innblástur auk þess sem hún reynir að fanga munstur kviksjár. Litagleði og síbreytileg munstur kviksjárinnar eru kveikjan að þessari sýningu Sæunnar þar sem hún leikur sér að því að fanga kviksjá hugar síns. Myndirnar eru unnar á við með blandaðri tækni, túss, vatnslitum, akrýllitum og lakki.

Sæunn um myndverkin:

Ég hef lengi haft áhuga á mynstrum, sérstaklega hringmynstrum, og í einni heimsókn minni á byggðasafnið í Skógum teiknaði ég upp nokkur slík mynstur sem þar prýða útskornar öskjur. Þessar teikningar, ásamt ýmsum öðrum mynstrum sem ég hef safnað í skissubókina mína undanfarin ár, urðu kveikjan að myndunum sem ég sýni núna.

     Gamalt íslenskt handverk sem geymir hafsjó af mynstri og alls kyns skreytingum er mér oft innblástur. Mér finnst þetta handverk vitna um þörf fólks fyrir að skreyta og fegra sitt nánasta umhverfi, hvort sem efnin voru mikil eða lítil. Hagleiksfólk liðinna tíma lagði alúð, tíma og vinnu í að skreyta umhverfið með mynstrum og myndum og ég lít til þeirra sem fyrirmynda.

     Erlendir listamenn eins og Gustav Klimt, Charles Rennie Mackintosh, hjónin Carl og Karin Larsson, Jockum Nordstrom, og Hundertwasser blása mér líka oft inn nýjar (eða gamlar?) hugmyndir. List þeirra og hönnun þykir mér full af gleði, litum, fallegum línum, formum og skrauti og til þess fallin að láta manni líða vel.

     Ég hef alltaf haft gaman af að skreyta og raða litum, formum og hlutum. Ég er heilluð af kviksjám og get gleymt mér tímunum saman við að horfa í litadýrðina og síbreytilegar myndirnar sem þar birtast.

Hringmyndirnar sem ég sýni núna eru tilraun mín til að ná að grípa myndir úr minni eigin kviksjá og koma þeim á pappír eða tré til þess að skreyta umhverfið aðeins. 

 

Sýning Sæunnar stendur til 1. mars og eru allir velkomnir.

 

DaLí GALLERY

BREKKUGATA 9

600 AKUREYRI

OPIÐ FÖSTUDAGA OG LAUGARDAGA Í VETUR KL.14-17

Kappar og ofurhetjur opna í GalleríBOXi laugardaginn 7. febrúar 2009 klukkan 15

Myndlistarfélagið opnar sína fyrstu samsýningu “Kappar og ofurhetjur” laugardaginn 7. febrúar kl. 15:00 í GalleríBOXi í Listagilinu á Akureyri. Sýningin er sú fyrsta sem félagið skipuleggur í GalleríBOXi sem nú er í umsjá félagsins eftir nokkrar endurbætur og stækkun. Tilgangur með félagasýningu að þessu sinni liggur fyrst og fremst í því að vera nokkurs konar mót, þar sem hverjum og einum listamanni gefst tækifæri til þess að koma á framfæri sýnishorni úr sinni smiðju og gefur gestum einnig fjölbreytt sýnishorn af því sem myndlistarmenn eru að fást við. Sýningin stendur til 6. mars og er opinn alla laugardaga og sunnudaga milli kl. 13:00 og 15:00

Kappar og ofurhetjur

07.02.09 - 06.03.09

GalleríBOX // Kaupvangsstræti 10 // IS 600 Akureyri // galleribox.blogspot.com 

 

Myndlistarfélagið var stofnað á Akureyri í janúar 2008 og eru félagar um 80. Myndlistarfélagið er aðila á Sambandi íslenskra myndlistarmanna (SÍM). Við þetta tækifæri verður sýningardagskráin fyrir GalleríBOX 2009 kynnt.

Akureyrarstofa og Ásprent eru stuðningsaðilar Myndlistarfélagsins.

Nánar upplýsingar veita Þórarinn Blöndal í síma 8996768 og Tinna Ingvarsdóttir í síma 6912705.

Gestalistamaður gilfélagsins, Scott Rogers, með opna vinnustofu

Gestalistamaður Gilfélagsins, Scott Rogers, verður með opna vinnustofu næstkomandi föstudagkvöld, þann 23. Janúar. Gestir og gangandi eru velkomnir í spjall. Endilega komið og takið vini og vandamenn með.
Það verður opið frá 18:00 og frameftir fyrir gesti og gangandi.

Nánari upplýsingar um Scott Rogers má finna hér og á vefsíðu hans.

Gestavinnustofan er einnig komin á Facebook og má finna slíðu hennar hér.


The guest artist of January, Scott Rogers, will have an open studio this Friday evening, 23rd January. The studio opens at 18:00 and will be open throughout the evening. Everyone is welcome to come by, talk with the artist and socialize.

More information on Scott Rogers can be found here and on his website.

The Guest artists' studio now has its own facebook page for those who are interested, the site can be found here.

Nýtt verk á VeggVerki og opnunarveisla í GalleríBOXi

VeggVerk
Strandgötu 17

STYRKUR
24.01 - 07.03.2009

Níu manna hópur úr listhönnunardeild Myndlistarskólans á Akureyri
sýnir veggverkið Styrkur. Verkið er þrívíddarverk með skírskotun í
tölvuleikinn vinsæla Super Mario Bros.

Sveppurinn í tölvuleiknum, sem verkið byggist á,  gefur einmitt
leikendum aukinn styrk, og þaðan er nafn verksins runnið.

Markmiðið með verkinu er að skapa eitthvað myndrænt og táknrænt sem
jafnframt á skírskotun í nútímann. Með verkinu viljum við líka gefa
þeim sem þess njóta aukinn styrk á þessum erfiðu tímum sem nú eru
uppi.

Opnunarpartý í tilefni af sýningu verksins verður haldið í Gallerí
Boxi, Kaupvangsstræti 10, laugardaginn 24. janúar kl. 20.00. Allir
VELKOMNIR.


Hópurinn:

Aldís María Valdimarsdóttir
Ásta Rut Björnsdóttir
Berglind H Helgadóttir
Dagrún Íris Sigmundsdóttir
Guðrún Huld Gunnarsdóttir
Helgi Vilberg Helgason
Karen Lind Árnadóttir
Sindri Smárason
Unnur Jónsdóttir

www.veggverk.org
Verkefnastjóri: Jóna Hlíf Halldórsdóttir
Sími: 6630545

Sænsk-íslenski samstarfssjóðurinn auglýsir ferðarstyrki

Árið 2009 verða veittir úr Sænsk-íslenska samstarfssjóðnum annars vegar ferðastyrkir og hins vegar styrkir til að styðja íslenska þátttakendur í sænsk-íslenskum og norrænum verkefnum. Markmið sjóðsins er að stuðla að auknu samstarfi Svíþjóðar og Íslands á sviði vísinda, menntunar og menningar.

Um styrki þessa skal sótt á sérstökum eyðublöðum sem fást í menntamálaráðuneyti, Sölvhólsgötu 4, 150 Reykjavík og á skrifstofu Norræna félagsins í Stokkhólmi, Box 127 07, S-112 94 Stockholm. Umsóknareyðublöð er einnig að finna á vefslóðinni www.norden.se. Umsóknir skulu sendar á skrifstofu Norræna félagsins í Stokkhólmi.

Umsóknir skal stíla á stjórn Sænsk-íslenska samstarfssjóðsins/Svensk-isländska samarbetsfonden.
Umsóknarfrestur er til 1. febrúar 2009 og gildir póststimpill. Styrkjunum verður úthlutað í lok mars.

María Jónsdóttir
Forstöðumaður Norrænu upplýsingaskrifstofunnar
Leder Nordisk informationkontor
Netfang/e-post: mariajons(hjá)akureyri.is
hjemmeside: www.akmennt.is/nu

Norræna upplýsingaskrifstofan/Nordisk informationkontor
Kaupvangsstræti 23
600 Akureyri
Island.
Sími: 462 7000 Fax: [phone]

Margrét Jónsdóttir opnar sýningu í Listasafninu á Akureyri

Laugardaginn 17. janúar kl. 15 opnar sýning á verkum leirlistakonunnar Margrétar Jónsdóttur í Listasafninu á Akureyri. Margrét (f. 1961) hefur unnið að listsköpun sinni á Akureyri síðan 1985, en hún lærði leirlist í Danmörku við Listiðnaðarskólann í Kolding frá 1980-1984. Árið 1992 hlaut Margrét styrk til námsdvalar við Haystack School of Arts and Crafts í Bandaríkjunum þar sem hún lagði stund á flísagerð. Árið eftir var hún valin bæjarlistamaður Akureyrar og sótti á þeim tíma mósaíknámskeið í Ravenna á Ítalíu. Margrét vinnur jöfnum höndum að gerð nytjahluta, stærri listmuna og listskreytinga. Hún hefur tekið þátt í mörgum samsýningum bæði heima og erlendis og haldið nokkrar einkasýningar. Hvítir Skuggar í Listasafninu á Akureyri er stærsta einkasýning hennar fram til þessa.

Margrét settist að í heimabæ sínum, Akureyri, og gerðist þar brautryðjandi á sínu sviði. Fyrst í stað stundaði hún lágbrennslur á jarðleir í gömlum ofni sem hún hafði með sér frá Danmörku; m.a. var hún meðal fyrstu leirlistarmanna hér á landi til að stunda rakú-brennslu. Í árslok 1986 hafði Margrét komið sér upp stórum hábrennslu rafmagnsofn, sem gerði henni kleift að vinna með steinleir og postulín.

Margrét hefur gert ótal tilraunir með samspil leirs og annarra efna, svo sem steinsteypu, kopars, silfurs og mósaíks. Á ferli sínum hefur hún komið sér upp persónulegum og afar þokkafullum skreytistíl, m.a. með gyllingum, en á tímabili urðu þær eins konar aðalsmerki hennar sem leirlistarmanns. Margrét hefur einnig komið að rýmis- og umhverfismótun með gerð gólf- og veggflísa, handlauga og skírnarsáa fyrir kirkjur. Áhrifa hennar gætir því víðar en á Akureyri, jafnt í umhverfinu sem annarri leirlist.

Margrét sker sig frá þeirri tilhneigingu að draga girðingar milli lífs og listar. Hún blygðast sín ekki fyrir að sýna einlægni og hlýju, sem virðist eitur í augum þeirra sem sigra vilja heiminn. Og það sem meira er, hún deilir ástfóstrum sínum með fólki á þann hátt að notkun og áhorf fellur saman í eina sæng. Sýning Margrétar gefur út vissa yfirlýsingu til listheimsins sem löngum hefur haft tilhneigingu til að taka sig of alvarlega. Verk hennar hampa þeim eiginleikum sem samtímalistin lítur vanalega hornauga nema þeir séu umvafðir afsakandi kaldhæðni. Margrét gerir út á mýkt, kímnigáfu og tilfinningasemi án nokkurs háðs. Hún skapar verk sín af einlægni og minnir um leið hæversklega á, að það er aldrei til of mikil fegurð í heiminum.

Í tilefni af sýningunni hefur Listasafnið á Akureyri gefið út glæsilega 176 síðna bók um listakonuna með greinum eftir Hannes Sigurðsson, Shaunu Laurel Jones, Aðalstein Ingólfsson og Sigurð Örn Guðbjörnsson. Inn fjárfesting styrkir útgáfuna. Bókin fæst í Listasafninu.

Sýningin stendur til 9. mars. Ókeypis er í Listasafnið á Akureyri. Nánari upplýsingar veitir Hannes Sigurðsson, forstöðumaður, í síma 461-2610. Netfang: [e-mail]

Finnur Arnar sýnir í Laxdalshúsi

Föstudaginn 16. janúar opnar myndlistarmaðurinn og leikmyndahönnuðurinn Finnur Arnar sýninguna Húsgögn í Laxdalshúsi á Akureyri.
Opnunin hefst kl: 16:00 og verða léttar veitingar í boði.

Scott Rogers, gestalistamaður Gilfélagsins í janúar 2009

Scott Rogers er gestalistamaður Gilfélagsins í janúar 2009. Eftirfarandi texti erum hann og hans verk.

Ég er kanadískur listamaður sem er einnig sýningarstjóri og skrifar um list. Verk mín eru margbreytileg, en einblína gjarnan á staðbundna starfssemi, samvinnu og íhugul hugmynda verk. Mörg verk mín eru skammvinn, þau fela í sér tímabundnar athafnir í bæði almennu umhverfi og sýningum. Þessar athafnir taka á sig form skúlptúra, gjörninga, teikninga, margfeldni, ljósmynda og texta-byggðra verka. Stundum nota ég video, PowerPoint og myndvarpa einnig. Í starfi mínu hef ég áhuga á að rannsaka leiðir til sköpunar og semja um merkingu út frá tilviljunarkenndu efni, með því að vekja upp samtal í gegnum list og þar með þróa aðstæður og umhverfi sem gefa leyfi á félagslega og pólitíska gagnrýni.
Ég nota húmor, lágstemmda fagurfræði og blöndu af popp-menningu, listsögulegar og heimspekilegar tengingar til að festa í sessi þessa ramma. Ég eyði miklum tíma í að skipta um skoðun.



Scott hefur nýlega sýnt í ,,The New Gallery (Calgary), Eastern Edge Gallery (St. John's), Rock Paper Scissors (Oakland), The University of Lethbridge og við TULCA hátíðina (Galway, Írland). Komandi sýningar hans eru í Eyelevel Gallery (Halifax,), Galerie Sans Nom (Moncton) og Stride Gallery (Calgary).
Hann tók þátt nýlega í ,, Reverse Pedagogy Thematic Residency" gestadvöl á vegum Banaff Centre (Kanada) og mun vera gestalistamaður Pilotprojekt Gropiusstadt (Berlín, Þýskalandi) í febrúar 2009. Hann er stofnmeðlimur í Arbour Lake Sghool (Listasamstarfshópur í úthverfum Galgary, Kanada) og er sýningarstjóri ásamt Jason de Haan í Pocket Project, sem er frumkvöðlastarfsem snýst um það að gefa listamönnum margþætt umboðs verkefni.

Scott vill þakka Alberta Foundation for the Arts fyrir rausnarlegan stuðning við gestadvöl hans í Gestavinnustofu Gilfélagsins á Akureyri.

http://www.scottrogersprojects.com
http://www.thearbourlakesghool.com
http://www.foamcorerecords.com




Scott Rogers is the guest artist of the Gil Society in January 2009.
The following text is of his work and career.

I am a Canadian visual artist, who also writes about art and curates. My work is widely divergent, but is generally concerned with site-specific activities, collaborations and speculative conceptual projects. Many of my works are ephemeral, incorporating temporary gestures in both public and exhibition settings. These gestures take the form of sculptures, performances, drawings, multiples, photos and text-based work. Sometimes I use video, PowerPoint and projections as well. Within my practice I am interested in investigating ways of creating and negotiating meaning from essentially random material, in provoking dialogue and discussion through art and in developing platforms which allow for social or political critique. I use humour, lo-fi aesthetics and a mixture of pop cultural, art historical and philosophical references to establish these frameworks. I spend a lot of time changing my mind.



Scott has recently exhibited at The New Gallery (Calgary), Eastern Edge Gallery (St. John's), Rock Paper Scissors (Oakland), The University of Lethbridge and the TULCA Festival (Galway, Ireland). His upcoming exhibitions include shows at Eyelevel Gallery (Halifax), Galerie Sans Nom (Moncton) and Stride Gallery (Calgary). He recently participated in the Reverse Pedagogy Thematic Residency at the Banff Centre (Canada) and will be an artist-in-residence at Pilotprojekt Gropiusstadt (Berlin) in February 2009. He is a founding member of the Arbour Lake Sghool (a collaborative art group in the suburbs of Calgary) and is the co-curator with Jason de Haan of Pocket Projects, an initiative which commissions artist multiples.


Scott would like to thank the Alberta Foundation for the Arts for its generous support of his residency at the Akureyri Artist Studio.


http://www.scottrogersprojects.com

http://www.thearbourlakesghool.com

http://www.foamcorerecords.com

--
Hertha Richardt Úlfarsdóttir
Supervisor of the studio for visiting artists in Akureyri
www.artistsstudio.blogspot.com

Hanna Hlíf Bjarnadóttir opnar sýninguna “Heima er best” í Kunstraum Wohnraum á Akureyri á sunnudag

Sunnudaginn 11. janúar 2009 klukkan 11-13 opnar Hanna Hlíf Bjarnadóttir sýninguna “Heima er best” í Kunstraum Wohnraum á Akureyri.

Hanna Hlíf hefur gert verk sérstaklega fyrir þessa sýningu og í texta um verkið segir:

Ísland var í efsta sæti ásamt Noregi árið 2007 í lífskjaravísitölu Þróunarstofnunar Sameinuðu þjóðanna en stofnunin birtir árlega lista þar sem lagt er mat á lífsgæði í 177 ríkjum, svo sem ævilíkur, menntunarstig og verga landsframleiðslu á mann.

Sama ár voru 8410 tilkynningar um vanrækslu á börnun til barnaverndunarstofu.


Hanna Hlíf Bjarnadóttir er fædd í Reykjavík 1. nóvember 1965, fór 17 ára til London og lærði þar snyrtifræði, fór síðan í Húsgagnasmíði í Iðnskólanum í Reykjavík en söðlaði síðan um stundaði myndlistarnám við Myndlistarskólann á Akureyri og útskrifaðist þaðan árið 2006.  Hún hefur haldið nokkrar sýningar eftir útskrift og staðið að ýmsum menningarviðburðum á Akureyri. Stofnaði hún til að mynda galleríBOX árið 2005 ásamt öðrum og rak það til 2007, en það er staðsett í Kaupvangstræti 10 á Akureyri.

Meðfylgjandi mynd er af verki Hönnu Hlífar.
Nánari upplýsingar veitir Hanna Hlíf í hannahlif(hjá)simnet.is og í síma 8640046

Kunstraum Wohnraum hefur verið starfrækt frá árinu 1994, fyrst í Hannover og nú á Akureyri. Það er til húsa á heimili Hlyns Hallssonar og Kristínar Kjartansdóttur í Ásabyggð 2. Sýning Hönnu Hlífar Bjarnadóttur stendur til 1. mars 2009 og er opin eftir samkomulagi og hægt er að hringja í síma 4623744.

Nánari upplýsingar um Kunstraum Wohnraum er að finna hér.

 

HANNA HLÍF BJARNADÓTTIR 

HEIMA ER BEST 

11.01. - 01.03.2009 

Opnun sunnudaginn 11. janúar 2009, klukkan 11-13  

Opið samkvæmt samkomulagi

 

KUNSTRAUM WOHNRAUM             

Hlynur Hallsson • Kristín Kjartansdóttir     

Ásabyggð 2 • IS-600 Akureyri •  [phone] 

hlynur(hjá)gmx.net • www.hallsson.de 

Jóna Hlíf sýnir í Rotterdam

Jóna Hlíf Halldórsdóttir sýnir hjá de Aanschouw í Rotterdam föstudaginn 9. janúar.

Nánar á http://www.aanschouw.nl