Sýningin Veisla opnar á 5 ára afmæli Myndlistarfélagsins

Hin árlega samsýning í sal Myndlistarfélagsins verður opnuð laugardaginn 26. janúar kl. 15

Í tilefni 5 ára afmælis félagsins sýna nokkrir félagsmenn sérvalin verk úr safni sínu.

Myndlistarfélagið

Kaupvangsstræti 10

600 Akureyri

Rikke Flensberg sýnir í Populus tremula

 

Laugardaginn 26. janúar kl. 14.00 opnar danska listakonan Rikke Flensberg myndlistarsýninguna THE LUME í Populus tremula. Rikke, sem dvelur í Gestavinnustofu Gilfélagsins, vinnur með ljósmyndir, video, þrívíða myndlist og innsetningar. Á sýningunni verða nýjustu verk listakonunnar.


Sýningin verður einnig opin sunnudaginn 27. janúar frá kl. 14.00-17.00. Aðeins þessi eina helgi.

THE LUME

A solo exhibition by guest artist at Gil Society, Rikke Flensberg, educated from Malmö Art

Academy (MFA) in 2009, based in Copenhagen, Denmark.

www.rikkeflensberg.com / Contact information: [e-mail]

The Danish artist Rikke Flensberg has a background in the field of photography, video,

sculpture and installation.

With a distinctive interest for reality contra fiction and the limits in between, she challenges the

2 dimensional looking at the nature as an ongoing mutual process in humans, the imaginary

becomes a landscape of utopia aswell as a dystopian paradigm.

The work of Rikke Flensberg is a mythological language, that visualizes the physical structure

and substances of the earth and the world as volatile, variable and ever changing.

A parallel between the experience of changing feelings towards everyday life as an individual

and natures sudden changes for better or worse, is present in her work.

Whether you would experience reality and fiction as parallels or opposites, Rikke describes

a 'something' in between the two. A leak into a parallel universe or entry into the real, where the

two notions are not separated but more likely one.

Through Illusion, use of dimensions and perspective, reflections of elements she represent what

is known different, both in form, material and subject.

'Lume' is a solo exhibition and a presentation of the newest work by Rikke Flensberg.

Welcome to the exhibition and the opening.

 

Arnar Ómarsson opnar sýningu í Kompunni á Siglufirði

Arnar Ómarsson opnar sýninguna "Tengsl" í Kompunni á Siglufirði föstudaginn 18. janúar klukkan 20:00. Allir velkomnir.


To live together in the world means essentially that a world of things is between those who have it in common, as a table is located between those who sit around it; the world like every in-between, relates and separates men at the same time.
(Arendt 1958: 52–53)


Nánari upplýsingar á
www.arnaromarsson.com

Jóhanna Helga Þorkelsdóttir opnar sýningu í Ketilhúsinu

KVEIKJA Í KETILHÚSI

Sýningin Kveikja verður opnuð í Ketilhúsinu á Akureyri laugardaginn 19. janúar kl. 15. Þar sýnir listakonan Jóhanna Helga Þorkelsdóttir ljóðrænar, náttúrutengdar innsetningar, útfærðar í takt við rýmið.

Í sýningunni tekst Jóhanna meðal annars á við upplifun mannsins í náttúrunni og hvernig sé mögulegt að endurskapa þá reynslu. Hún íhugar hvort hægt sé að líkja eftir þeirri dularfullu vellíðan sem svo oft fylgir náttúruupplifun, án aðkomu náttúrunnar sjálfrar og hefur í þeim tilgangi kynnt sér rannsóknir sem sýna að maðurinn hafi meðfædda þörf fyrir tengsl við náttúruna og ætti því vansælum, náttúrusviptum nútímamanninum að vera farsælast að hlaða batteríin úti í hinni guðsgrænu. Þótt náttúran reynist þessi uppspretta vellíðunar eru fáir sem daglega eyða miklum tíma í snertingu við hana. Í athugunum sínum hefur Jóhanna fundið rannsóknir sem sýna að jafnvel myndir af náttúru geri sama gagn, þ.e. að náttúrustaðgenglar geti gagnast okkur á svipaðan hátt og náttúran sjálf.

Í sýningunni er meðvitað reynt að flytja eftirlíkingar af náttúrunni inn í manngert umhverfi, líkt og landslagsmálverk gera, þótt miðlarnir séu hér örlítið frábrugðnir. Gerð er tilraun til að fanga dýrðina í náttúrunni sem heillað hefur listamanninn og koma henni fyrir í dauðum hlut; raða efnum, línum og litum þannig að andinn fari í efnið og sú innblásna tilfinning sem því fylgir að standa frammi fyrir náttúrunni lifi að einhverju leyti í verkinu.

Sýningin stendur til 24. febrúar og er opið alla daga nema mánudaga og þriðjudaga. Aðgangur er ókeypis.

Guðný Marinósdóttir opnar sýningu í Deiglunni

FERÐALAG Í DEIGLUNNI

Textíllistakonan Guðný Marinósdóttir opnar sýningu sína Ferðalag, í Deiglunni, laugardaginn 19. janúar kl. 15.

Þar sýnir hún valin verk úr BA námi sínu í útsaums-textíl (e. embroidered textiles), allt frá skissum og teikningum yfir í fullunnin verk eins og brúðarkjól.

Nafnið á sýningunni vísar til þess huglæga ferðalags sem lagt er upp í þegar unnið er að skapandi verkefnum, í námi sem og annars staðar. Ferðalagið hófst árið 2006 í fjarnámi við Opus School of Textile Arts, svo lá leiðin til Julia Caprara School of Textile Arts og þvi lauk við Middlesex University í London 2012. Verkin á sýningunni endurspegla þá reynslu og sýn sem ferðalagið veitti.

Guðný hefur starfað sem kennari í textíl og skapandi greinum í 35 ár og jafnframt sinnt eigin listsköpun. Hugmyndir að verkum sínum sækir Guðný í náttúruna og tengsl mannsins við umhverfi sitt og ábyrgð hans á því. Einnig hefur hún áhuga á eldri textílum og þeirri sögu sem þeir segja í menningarlegu samhengi.

Sýningin stendur til 24. febrúar og er opið alla daga nema mánudaga og þriðjudaga. Aðgangur er ókeypis.

 

Umsóknarfrestur fyrir Mugg styrki rennur út 1. febrúar

MUGGUR

TENGSLASJÓÐUR FYRIR MYNDLISTARMENN

Muggur er sjóður sem Menningarmálanefnd Reykjavíkur, SÍM og Myndstef stofnuðu árið 2004 og er SÍM umsjónaraðili sjóðsins.

Hlutverk sjóðsins er að styrkja myndlistarmenn til tímabundinnar dvalar erlendis vegna sýningar, vinnustofu eða annars sambærilegs myndlistarverkefnis. Með þeim hætti er sjóðnum ætlað að efla myndlistarstarf í Reykjavík og styrkja ímynd Reykjavíkurborgar sem framsækinnar menningarborgar á heimsvísu. Stofnun sjóðsins er liður í því að gera Reykjavíkurborg að vettvangi alþjóðlegra listastrauma.

Umsóknarfrestir fyrir Mugg 2013 eru eftirfarandi:

1. febrúar 2013 vegna verkefna sem hefjast á tímabilinu 1. mars – 31. águst 2013

1. júlí 2013 vegna verkefna sem hefjast á tímabilinu 1. september – 28. febrúar 2014

Nánari upplýsingar hér

Hádegisheimsóknir myndlistarmanna í fyrirtæki á Akureyri

Í desember og í byrjun janúar hafa félagar í Myndlistarfélaginu farið í hádegisheimsóknir í fyrirtæki á Akureyri og kynnt félagið, Menningarráð Eyþings og eigin listsköpun. Þetta er liður í listfræðslu til almennings og kallast verkefnið "Myndlist milli mála, listfræðsla fyrir almenning" og hlaut verkefnið styrk frá Menningarráði Eyþings.
Sívaxandi eftirspurn hefur verið eftir menningaruppákomum og fræðslu sem þessari og því ánægjulegt fyrir félagsmenn Myndlistarfélagsins að fá tækifæri til að hitta starfsmenn á vinnustað með þessum hætti. Hver heimsókn tók u.þ.b.15-20 mínútur. Farið var í fyrirtæki og í stofnanir eins og á Skattstofuna, Mjólkursamsöluna, á fæðingardeild FSA, í tölvufyrirtækið Þekkingu og í Landsbankann. Þetta er tilraunarverkefni og ef vel tekst til væri jákvætt að geta þróað verkefnið og haldið því áfram.
Nemendum í skólum bæjarins var einnig boðið að koma í Sal Myndlistarfélagsins og skoða sýninguna "Aðventa" sem nemendur Myndlistaskólans sýndu þar. Vonandi geta þessi verkefni haldið áfram að vaxa og dafna og að fyrirtæki og stofnanir sjái sér hag í að auka þekkingu starfsmanna sinna um gildi menningar og lista, kynnast myndlistarmönnum og að starfsfólk fái tækifæri til að spyrja spurninga og ræða um myndlist á breiðum grunni við listamenn.

Kristinn G. Jóhannsson opnar myndlistasýningu í Mjólkurbúðinni

Kristinn G. Jóhannsson opnar myndlistasýningu í Mjólkurbúðinni í Listagilinu á Akureyri, laugardaginn 12.janúar kl.15

Kristinn um sýninguna:

Hvað sem annars má segja um þessi verk verður því með engu móti haldið fram, með réttu, að þeim hafi verið hróflað upp í skyndi eða í óðagoti.  Eins og sum ykkar muna ef til vill var fyrst skorið til þeirra fyrir rúmum þrjátíu árum og stundum hefi ég sýnt ykkur hluta úr þeim eða frumparta . Fyrst vorið 1982. Þau verk hafa síðan lifað sjálfstæðu lífi.  En nú loksins hefur mér auðnast það eftirlæti að koma verkunum til annarrar meðvitundar.  Þau eru orðin eins og mig minnir ég hafi ætlað þeim í upphafi  án þess ég muni það  glöggt, enda er fátítt að nokkuð verði það sem því var ætlað.

Þar sem þetta verkefni hefur tekið mig þrjátíu ár  og ég að nálgast áttrætt er ekki talið líklegt ég ljúki öðru slíku verki. Er þó langlífi í ættum sem að mér standa, bæði svarfdælskum og þingeyskum.

Þess vegna má, held ég , lofa ykkur því, að með þessu ljúki útskornu , grafísku og þrykktu lífi mínu en það hefur verið með nokkrum fádæmum og  fólgið í þessum  dúkristum, sem hér hefur verið raðað saman til að byggja  þessi kostulegu verk, sem  eiga sér ekki marga sálufélaga.

Hvað  sem því  líður er ég heldur feginn því, að  nú er lokið bjástrinu og ég hefi komið þessum dúkskurði á nýtt tilverustig.

 

Kristinn G. Jóhannsson (1936) varð stúdent frá MA 1956 og lauk kennaraprófi 1962. Starfaði við kennslu og skólastjórn á Patreksfirði, Ólafsfirði og Akureyri tæpa fjóra áratugi. Nam myndlist á Akureyri, í Reykjavík og í Edinburgh College of Art. 

Efndi til fyrstu sýningar sinnar á Akureyri 1954 en sýndi fyrst í Reykjavík 1962 í Bogasal Þjóðminjasafnsins og tók sama ár , fyrsta sinni,þátt í Haustsýningu FÍM í Listamannaskálanum við Austurvöll. Hefur síðan sýnt oft og víða heima og erlendis.

Sýning Kristins G. Jóhannssonar stendur 12.-27.janúar og eru allir velkomnir

 

Gestavinnustofa Gilfélagins er laus í febrúarmánuði 2013 vegna forfalla

Vegna forfalla er gestavinnustofa Gilfélagins á Akureyri laus í febrúarmánuði 2013.


Húsnæði Gestavinnustofunnar er samtals um 60 m2 sem skiptist þannig:
eldhús, svefnherbergi, baðherbergi og u.þ.b. 30 m2 vinnuaðstaða.
Vinnustofan er búin nauðsynlegustu búsáhöldum, svo sem sængurfatnaði,
síma, þvottavél, þurrkara, útvarp, sjónvarpi og málaratrönum. 

Gjald fyrir dvöl í Gestavinnustofu er 30.000 krónur.

Áhugasamir hafi samband sem fyrst með tölvupósti til [e-mail]

Þorbjörg Birgisdóttir og María Jónsdóttir. Supervisors of the studio for visiting artists in Akureyri www.artistsstudio.blogspot.com

 

Finnur Arnar og Þórarinn Blöndal opna í Listasafninu á Akureyri

Sjónlistamiðstöðin á Akureyri heilsar nýju ári laugardaginn 12. janúar kl. 15 með opnun sýningar listamannanna Finns Arnars og Þórarins Blöndal í Listasafninu. Sýningin ber yfirskriftina Samhengi hlutanna.

Sýningin stendur til 3. mars og er opin alla daga nema mánudaga og þriðjudaga frá kl. 13-17. Aðgangur er ókeypis í boði Akureyrarbæjar.

Umsóknarfrestur fyrir KÍM styrki er 01.02

Kynningarmiðstöð íslenskrar myndlistar styrkir myndlistarmenn til starfa, ferða og sýningahalds erlendis. Sú breyting verður á 2013 að styrkir verða veittir fjórum sinnum í stað sex. Verkefnastyrkir verða veittir tvisvar á ári og ferðastyrkir tvisvar. Verkefnastyrkir eru veittir til framleiðslu verka og sýninga og útgáfu en ferðastyrkir fyrir ferðum, gistingu og/eða uppihaldi á ferðalögum.

 

Tekið verður við umsóknum frá 2. janúar en umsóknarfrestir á árinu 2013 eru eftirfarandi:

 

01.02.2013 – Verkefnastyrkir

01.05.2013 -  Ferðastyrkir

01.07.2013 -  Verkefnastyrkir

01.11.2013 -  Ferðastyrkir

Frekari upplýsingar og umsóknareyðublöð er að finna hér.

Íris Ólöf Sigurjónsdóttir í listamannsspjalli í Flóru

Íris Ólöf Sigurjónsdóttir
Drósir og draumar
24. nóvember  2012 - 12. janúar 2013
Sýningarspjall fimmtudaginn 10. janúar kl. 20-21.
Sýningarlok laugardaginn 12. janúar
Flóra, Hafnarstræti 90, 600 Akureyri, s. 6610168

http://floraflora.is
https://www.facebook.com/flora.akureyri

Fimmtudagskvöldið 10. janúar kl. 20-21 verður Íris Ólöf Sigurjónsdóttir í listamannsspjalli í Flóru í Hafnarstræti 90 á Akureyri og allir eru velkomnir.

Nú eru einnig síðustu forvöð að sjá sýningu Írisar sem nefnist „Drósir og draumar” í Flóru. Hún sýnir textílverk og skart úr hráefni úr ýmsum áttum sem lifað hefur tímana tvenna og þrenna. Gamlir efnisbútar, perlur og prjál  eru efniviður nýrra drauma og drósir koma við sögu.

Íris Ólöf Sigurjónsdóttir er textílhönnuður og textílforvörður að mennt. Menntuð í Osló og London. Hún er safnstjóri  Byggðasafnsins á Dalvík og samfara safnastarfinu vinnur hún að textílhönnun á vinnustofu sinni í Svarfaðardal þar sem hún hefur búið sl. 10 ár. Íris Ólöf hefur tekið þátt í fjölmörgum samsýningum s.s hjá Handverki og Hönnun en sýningin í Flóru  er þriðja einkasýning Írisar.

Sýningin er öllum opin á opnunartíma Flóru mánudaga til föstudaga kl. 11-13 og 16-18 og laugardaga kl. 13-16 og stendur til laugardagsins 13. janúar 2013.
Nánar um sýninguna á http://www.mynd.blog.is/blog/mynd/entry/1269247

Nánari upplýsingar veitir Íris Ólöf í síma 892 1497 og Kristín í síma 661 0168.

Flóra er verslun, vinnustofa og viðburðastaður Kristínar Þóru Kjartansdóttur félagsfræðings og garðyrkjukonu. Áherslan er á nýtingu, endurnýtingu, náttúrutengsl og verkmenningu. Listrænn ráðunautur staðarins er Hlynur Hallsson, myndlistarmaður.

Hvar finnur þú peninga til norrænna samstarfsverkefna?

Norræna upplýsingaskrifstofan/Nordisk informationkontor

María Jónsdóttir

Netfang/e-post: [e-mail]

Kaupvangsstræti 23

600 Akureyri, Island.

Sími/Tel.:  [phone]   Fax: [phone].
Netfang/e-post: [e-mail]

Heimasíða/hjemmeside: http://www.nordeninfo.is

 

 

Isis Meander sýnir í Deiglunni

In a Time of Disruptions

Opening at Deiglan, Listagili.

Saturday December the 22nd. from 14 - 17



Also open Sunday December the 23rd. from 14-17




The metaphoric progress of a rolling snowball is the starting-point of Danish artist Isis Meander’s transformative, new photographic oeuvre, in which she has been greatly inspired by the Icelandic nature and has herein been drawn towards the mystifying unknown.

The works presented in this exhibition enclose impressions that nature independently has created in the surroundings of Akureyri, but at the same time indicate how we as analytic perceptive subjects often project own conceptions into these surroundings. Isis Meander is inspired by Sigmund Freud's definition of The Uncanny from his essay The Uncanny (1919). 
Isis Meander is depicting surroundings in which there is a disharmony and where something seems deviant which at the same time is defining her general artistic praxis.



The work Uncertain Times presented at Deiglan is a subtle abstract recreation of unpredictable phenomenons happening in nature. The unpredictable and undeterminable is a feeling much linked to this work. The zoetrope in which the images are installed invites the viewer to start the photographic animation, which ends abrupt and disturbingly (for the eye and mind).

In the photographic series Impending Memories it is obvious that the images play with ideas on psychologic tensions. She is interested in showing the small signs of lurking danger which are everyday scenes transformed into interpretation of a paranoid view of surroundings containing elements of nature.



Menace as a driving force is evident in these photographic works and connotations to aesthetic, psychological or philosophical reflections seems obvious and considerable. The fascination of unknown possibilities and unspecified lurking has inspired artists for decades. To a great extent Isis Meander does not differ. Her work encompasses the challenges, which lies in the apprehension of the unknown.

These matters, which her new series of work are concentrated on, are also deeply motivated by aspects of time and subject matter common to the metaphoric imagery of dystopic, imaginative landscapes.

Isis Meander’s practice is focussing on ideas of recollection, experience, gaze and relations; which has been primarily communicated through photographic media. These subjects play a central role in her concept of space and are often a "direct" response to what is an impression, understanding or experience of my immediate surroundings.

Isis Meander is educated from Malmö Art Academy (MFA) in 2008 and is currently based in Copenhagen, Denmark.
Guest artist at Gil Society, Akureyri.

www.isismeander.com
[e-mail]

Phone: [phone]

Nes listamiðstöð á Skagaströnd auglýsir eftir umsóknum frá íslenskum listamönnum

Nes listamiðstöð á Skagaströnd  auglýsir eftir umsóknum frá íslenskum listamönnum. Í boði er 50 þús. kr. dvalarstyrkur fyrir hvern listamann á vorönn 2013, mars, apríl og maí. Gist er í íbúðum þar sem hver listamaður hefur sitt herbergi en deilir sameiginlegu rými með 2-3 öðrum listamönnum, flestum erlendum.
Í Nes listamiðstöð eru allt að 12 listamenn í hverjum mánuði og það býður upp á einstaka möguleika á tengslamyndun, tækifærum til samstarfs, umræðum og listrænni þróun. Á meðan styrkhafar dvelja í listamiðstöðinni þurfa þeir að koma með tillögu um samfélagsverkefni á staðnum og vinna að því.
Allar nánari upplýsingar eru á vefsíðunni:  http://neslist.is . Einnig er hægt að hafa samband við Melody á netfanginu [e-mail] . Umsóknarfresti lýkur 15. janúar 2013.
Menningarráð Norðurlands vestra styrkir Nes listamiðstöð til að bjóða íslenskum listamönnum dvalarstyrk gegn samfélagslegu framlagi.

Luuk Honey og Hannah Stephens opna sýningu í Listhúsi á Ólafsfirði

 

Föstudag 7. 12. 2012 | 19:00 (opunun)       
og Laugardag 8. 12. 2012 | 15:00-17:00
Ægisgötu 10, 625 Ólafsfirði, Iceland

Listamenn: Luuk Honey & Hannah Stephens  (USA)

Hannah og Luuk eru fjölhæfir listamenn frá Bandaríkjunum.  Þau skapa tónlist, teikna og mála, útbúa prentverk og eru hæfileikarík í eldamennsku.

Á sýningunni Huldufólk eru þau með teikningar og málverk sem þau hafa gert í dvöl sinni í Listhúsi.  Þau sækja sér innblástur í hugmyndir um huldufólk og í raunverulegt íslenskt landslag og umhverfi .  Dularfullt andrúmsloft er gert náttúrulegt.

Allir velkomnir.

um Luuk og Hannah:
http://www.secretsilm.com

Styrktarsjóður Guðmundu Andrésdóttur auglýsir eftir umsóknum

Styrktarsjóður Guðmundu Andrésdóttur auglýsir eftir umsóknum um styrki úr sjóðnum á árinu 2012

Samkvæmt skipulagsskrá sjóðsins nr. 9321 er markmið hans ,,að styrkja og hvetja unga og efnilega myndlistarmenn til náms” en stofnfé sjóðsins er arfur samkvæmt erfðaskrá Guðmundu Andrésdóttur listmálara sem lést árið 2002. Ráðstöfunarfé sjóðsins eru raunvextir af höfuðstól og verður í ár ráðstafað 3.8 milljónum króna. Stjórn sjóðsins ákveður hversu margir styrkir verða veittir.

Sjóðurinn styrkir myndlistarmenn til framhaldsmenntunar og er æskilegt að umsækjendur hafi lokið BA prófi í myndlist eða sambærilegu námi. Hægt er að sækja um styrk til lengri eða skemmri námsdvalar erlendis, þó aldrei skemur en til sex mánaða. Umsókn skal fylgja ítarleg greinargerð um fyrirhugað nám ásamt meðmælabréfi og upplýsingum um fyrra nám og starfsferil.

Stefnt er að úthlutun eigi síðar en 27. desember næstkomandi.
Umsóknarfrestur er til og með 17. desember 2012. Umsóknir merktar styrktarsjóðnum skulu sendar Listasafni Íslands, Laufásvegi 12, 101 Reykjavík.

Nánari upplýsingar eru veittar í síma Listasafnsins 515 9600.

Stjórn Styrktarsjóðs Guðmundu Andrésdóttur

Daníel Starrason opnar ljósmyndasýningu í Populus tremula

Föstudaginn 7. desember kl. 21.00 opnar Daníel Starrason ljósmyndasýningu í Populus tremula og á sama tíma hefjast þar tónleikar fjögurra hljómsveita. Það eru Naught, Sejl klubben, Brák og Völva.

Húsið verður opnað klukkan 20.30 og aðgangur er ókeypis.

Sýningin verður einnig opin 8. og 9. des. frá kl. 14.00-17.00. Aðeins þessi eina helgi.

Desembersýning Myndlistaskólans opnuð í Sal Myndlistarfélagsins

Desembersýning Myndlistaskólans í Sal Myndlistarfélagsins verður opnuð laugardaginn 1. desember kl. 13:00.

Á sýningunni verða 24 ný listaverk nemenda sérnámsdeilda skólans. Höfundar eru:
Anna Elionora Olsen Rosing, Anna Kristín Arnardóttir, Aron Freyr Heimisson, Ásmundur Jón Jónsson, Björgvin Björgvinsson, Eidís Anna Björnsdóttir, Elísabet Inga Ásgrímsdóttir, Eva Björg Óskarsdóttir, Freyja Reynisdóttir, Harpa Stefánsdóttir, Hekla Björt Helgadóttir, Héðinn Ólafsson, Hrannar Atli Hauksson, Inga María Gunnarsdóttir, Ingibjörg Berglind Guðmundsdóttir, Ívar Freyr Kárason, James Earl Ero Cisneros Tamidles, Jóhann Andri Knappett, Jónína Björg Helgadóttir, Karolína Baldvinsdóttir, Kolbrún Vídalín, Linda Þuríður Helgadóttir, Linn Skaghammar, Margrét Kristín Karlsdóttir, María Rut Dýrfjörð, Óðinn Sigurðsson, Perla Sigurðardóttir, Sandra Kristín Jóhannesdóttir,  Sandra Rebekka Dudziak, Sigríður Björg Haraldsdóttir, Sigrún Birna Sigtryggsdóttir, Sunna Björk Hreiðarsdóttir, Svala Hrönn Sveinsdóttir, Svanhildur Edda Kristjánsdóttir, Vaiva Straukaité og Viktor Helgi Hjartarson

Sýningin verður opin um helgar fram að jólum.

Hafdís Brands opnar leirlistasýninguna Gersemar í Mjólkurbúðinni

Hafdís Brands opnar leirlistasýninguna Gersemar í Mjólkurbúðinni í listagilinu á Akureyri, laugardaginn 1.desember kl. 15.
 
Hafdís Brands um sýninguna:

,,Gersemar leynast á ýmsum stöðum og misjafnt í hugum fólks hvað  gersemar eru.  Í verkum mínum vinn ég með náttúruna og þær gersemar sem fyrirfinnast í mínum huga þar.  Í sýningunni birtast katlar, pollar, pyttir og ker sem geyma mína tjáningu á náttúru og krafti landsins. Þau birtast endurmynduð sem minnisvarðar um náttúruna sem á sífellt undir höggi að sækja. Von mín er að verkin minni okkur á hvernig við komum fram við náttúruna og mikilvægi varðveislu hennar".

 
Hafdís Brands hefur starfað að leirlist í meira en 20 ár. Hún lærði í Myndlistarskóla Reykjavíkur 1986-1990 og fluttist síðar til Skotlands þar sem hún stundaði nám við Robert Gordon University, Aberdeen, 2001-2003 og fór í beinu framhaldi í Glasgow School of Art og lauk þar BA námi 2007 í listhönnun á keramiksviði.


Hafdís bjó í Skotlandi í sjö ár og rak þar eigið verkstæði og gallerí. Í dag býr hún á Íslandi og er bæði félagi í skoska leirlistafélaginu og því íslenska og er það draumur hennar að geta búið og starfað á báðum stöðum. Hafdís vinnur jafnt nytjahluti og skúlptúra í leirinn og brennir verk sín annað hvort í rafmagnsofni við 1160 °c eða notast við sag og raku brennslu útivið þegar veður leyfir.

Hafdís Brands hefur tekið þátt í hinum ýmsu samsýningum bæði hérlendis og erlendis og hlaut hún 1.verðlaun hjá Milton Art Gallery í Deeside í Skotlandi fyrir listaverk 2002. Ári síðar hlaut hún það verkefni að setja upp mósaíkverk hjá Woodend Barn Art Center í Banchory í Skotlandi.


Sýning Hafdísar Brands, Gersemar í Mjólkurbúðinni stendur til 16.desember og eru allir velkomnir.
Opið 1.-9 desember daglega og verður Hafdís Brands á staðnum kl. 14-17. Síðustu sýningarhelgi 15.-16.desember er opið kl. 14-17


Mjólkurbúðin s. 8957173 Dagrún Matthíasdóttir
Mjólkurbúðin Listagili er á facebook!