Georg Óskar sýnir í Listasafninu á Akureyri

Laugardaginn 28. janúar kl. 15 verður sýning Georgs Óskars, Fjögur ár, opnuð í Listasafninu, Ketilhúsi. Á sýningunni má sjá valin verk úr smiðju listamannsins frá 2013 til 2016.

„Yfirlitssýningar listamanna eru gjarnan stórar í sniðum og innihalda mikið úrval verka sem unnin eru á löngu tímabili,“ segir Georg Óskar. „Mér fannst skemmtileg hugmynd að setja núna upp yfirlitssýningu sem spannar aðeins fjögur ár af þeim tólf sem ég hef unnið markvisst að eigin myndlist. Mig langar allavega að sjá eina yfirlitssýningu með verkum mínum, því satt að segja hef ég ekki hugmynd um hvort ég verði vitni að þeirri næstu.“

Georg Óskar útskrifaðist frá Myndlistaskólanum á Akureyri 2009 og lauk mastersnámi í myndlist við Kunst- og designhøgskolen í Bergen í Noregi 2016. Hann hefur haldið ellefu einkasýningar og tekið þátt í fimm samsýningum.

Georg Óskar verður með leiðsögn á síðasta sýningardegi, fimmtudaginn 9. febrúar kl. 12.15-12.45.

listak.is

Auður Ómarsdóttir sýnir á gangi hjá Sal Myndlistarfélagsins

Laugardaginn 28.janúar sýnir Auður Ómarsdóttir nokkur abstrakt rómantísk verk á gangi hjá Sal Myndlistarfélagsins á Akureyri.
Athugið að sýningin stendur aðeins yfir í einn dag, svo áhugasamir eru hvattir til að mæta.

Auður útskrifaðist úr Listaháskóla Íslands vorið 2013 og hefur síðan unnið að myndlistinni og sýnt bæði hér heima og erlendis.
______________________________________________________

'Þín bíður bréf undir bekk við hliðina á styttunni af Jónasi Hallgrímssyni í Hljómskálagarðinum.'

https://www.facebook.com/events/1369500953121509

Snorri Ásmundsson opnar sýningu í Sal Myndlistarfélagsins

Laugardaginn 28. janúar kl. 15:00 opnar Snorri Ásmundsson sýningu sýna "In arms" í Sal Myndlistarfélagsins, Kaupvangsstræti 10 á Akureyri
Hinn rómantíski listmálari og lífskúnstner, Snorri Ásmundsson er jafnan nefndur einn af þremur bestu samtímamálurum Evrópu. Vert er að nefna að Snorri er einnig margrómaður fyrir píanóhæfileika sína, en hann hefur verið talinn einn sá besti píanóleikari í Evrópu. Þar lætur hann ekki við sitja en hefur um þessar mundir tekið sér ástfóstri við harmonikkuna. Það er sem harmonikkan hafi talað til hjarta Snorra og gert hann að þjóni sínum. Sú ástríða hrífur alla þá sem hafa séð Snorra leika á harmonikkuna en spáð er því að hann verði sá allra besti harmonikku leikari í heimi. Sumir telja að nú þegar sé hann sá allra besti í mannkynssögunni. Slíkir eru hæfileikarnir.

https://www.facebook.com/events/1668123043203588

 

Skammdegi Festival / Skammdegishátíð á Ólafsfirði

Skammdegi Festival / Skammdegishátíð
26-29 January 2017
Opening night Guided Tour starts at 17:00 from Landsbjörg
17:00 Skammdegi Exhibition - Landsbjörg
↓
17:45 - 18:30 Slaggrinding in a Throughfeed System
by Jeffery Shivers & Nina Guo
↓
19:00 Skammdegi Exhibition - Listhus Gallery
↓
19:30 Skammdegi Exhibition - Kaffi Klara

Welcome to join us. Free Admission. Hope to see you all.

There are guided tours on Sat. and Sun as well. Please check the program leaflet attached for details.

Alice Liu
Festival organizer

Skammdegi Festival
www.skammdegifestival.com

https://www.facebook.com/events/397320273991357

Barbara Bernardi sýnir í Deiglunni

Orð frá Íslandi

Verið velkomin á opnun sýningar Barbara Bernardi, “Orð frá Íslandi” laugardaginn 28. janúar kl. 14 – 17 í Deiglunni, Kaupvangsstræti 23. Einnig opið á sunnudag 14 – 17. Léttar veitingar í boði og listamaðurinn verður á staðnum.

“Orð frá Íslandi” er mynd- og hljóðinnsetning unnin á meðan dvöl minni í Gestavinnustofu Gilfélagsins á Akureyri stóð.
Ég safnaði fyrstu hughrifunum úr síbreytilegu landslaginu og ég tengi þau við einveruna í þessu nýja listræna samtali við náttúruna á Akureyri.
Þetta ferli varð speglun þar sem líkamleg hreyfing og hreyfing tilfinninganna, líkamlegt og tilfinningaferðalag speglast í hvort öðru.

Myndir, orð og rödd eftir Barbara Bernardi.
Tónlist eftir Marco Capra.

Barbara Bernardi er ítölsk vídeolistakona sem hefur búið og starfað í Berlín síðan 2008. Hún lærði kvikmyndaleikstjórn í Mílanó og lauk MFA í Vídeolist í London's Chelsea College of Art and Design. Hún hefur komið víða við og m.a. starfað sem leikstjóri við þáttagerð, unnið myndbönd og innsetningar fyrir leikhús og heimildarmyndina “Ciao Italia” sem var sýnd á kvikmyndahátíðum og hlaut önnur verðlaun á hátíð í Ítalíu.
Barbara vinnur vídeoverk í samvinnu við aðra listamenn, ljóðskáld, gjörningalista, dansara og tónlistamenn og þessi verk hafa verið sýnd í Þýskalandi, Frakklandi og Ítalíu.
Hún er gestalistamaður Gilfélagsins í janúarmánuði.
www.barbarabernardiberlin.wordpress.com
www.listagil.is
https://www.facebook.com/events/390975724569530

///

Words from Iceland

You are invited to attend the opening of “Words from Iceland” by artist Barbara Bernardi in Deiglan, Kaupvangsstræti 23, Akureyri. Open Saturday 14 – 17 and Sunday 14 – 17.

"Words from Iceland" is a video and sound installation which shows a work in progress during my Gil Residency in Akureyri.

I collected the first strong impressions of a landscape that changes every day and I related them to the feelings of solitude in a new artistic dialogue with the nature in Akureyri.
This process was a mirror in which physical movement and emotional movement, physical journey and emotional journey reflect themselves into each other.  

Images, words and voice by Barbara Bernardi.
Music by Marco Capra


Barbara Bernardi
Born in Padua, after graduating in Directing from the Film School of Milan, she received a scholarship to read a Master in Fine Arts, specialising in Video Art, at London's Chelsea College of Art and Design.

After returning to Milan, she worked as a director for a national music TV channel for Tv Shows about music and art. She received a scholarship by the Gallery Isolacasatheatro in Milan for her art work as video installations for the opening of the Gallery and for theatre's plays. Since 2008 she lives and works in Berlin as an artist and video-maker.

In 2010 "Ciao Italia”, a documentary film made with Fausto Caviglia, was screened in cinemas in Berlin, Milan, Rome, Florence and it took part in several Film festivals among them in Padua, La Spezia, Nettuno and Latina; it won the second prize at the regional Migration Museum 'Pietro Conti', Italy.

Since 2015 she created video and sound installation, which were shown in exhibitions in Berlin bei Funkhaus und Kunst am Spree Knie 2015 and 2016; with performance in Schöneweide as part of the Licht Gestalten Festival, at the archi-Medial, in Berlin; in Nantes, (France) at the Gallery Le Rayon Vert and at the Cosmopolis Festival 2016.

Her videos with poet Nicoletta Grillo has been awarded with three First Prizes in Literature Festivals in Italy in 2016. The film together with Flaminia Vendruscolo, dancer/performer, was screened at the Festival in Bath, UK.

She collaborated with the musician Antoine Lukac making two videos art for his music.

Since September 2016 she has started to work on a video/sound installation with performance, together with artist Nina Hansen to be shown in Copenhagen, 2017.

She is the artist of the Gil Artist Residency in Akureyri in January 2017.

She likes to create new atmospheres. She collects and produces images, sounds, moments and voices, which later she edits together experimenting new stories.
www.barbarabernardiberlin.wordpress.com
www.listagil.is

https://www.facebook.com/events/390975724569530

Barbara Bernardi með fyrsta Þriðjudagsfyrirlestur ársins í Listasafninu

Þriðjudaginn 24. janúar kl. 17-17.40 heldur ítalska listakonan Barbara Bernardi fyrsta Þriðjudagsfyrirlestur ársins í Listasafninu, Ketilhúsi undir yfirskriftinni A Poetic Landscape. Í fyrirlestrinum fjallar hún m.a. um vinnuaðferðir sínar við listsköpun og endurreisn tilfinningarýmis með myndum og hljóði.

Barbara Bernardi nam kvikmyndaleikstjórn í Mílanó og lauk MA gráðu frá Chelsea College of Art and Design í London þar sem vídeólist var hennar megin viðfangsefni. Frá 2008 hefur hún búið og starfað sem listamaður í Berlín. Í gegnum tíðina hefur Bernardi unnið að fjölmörgum vídeóverkefnum, s.s. heimildarmyndinni Ciao Italia í samvinnu við Fausto Caviglia 2010, og hlutu vídeóljóð hennar og ljóðskáldsins Nicolettu Grillo fyrstu verðlaun á Ítölsku bókmenntahátíðinni 2016. Hún dvelur um þessar mundir í gestavinnustofu Gilfélagsins í Kaupvangsstræti.

Þetta er fyrsti Þriðjudagsfyrirlestur ársins og sem fyrr fara þeir fram í Listasafninu, Ketilhúsi á hverjum þriðjudegi kl. 17. Aðgangur er ókeypis.

Fyrirlestraröðin er samvinnuverkefni Listasafnsins á Akureyri, Myndlistaskólans á Akureyri, Gilfélagsins, Menntaskólans á Akureyri, Myndlistafélagsins og Háskólans á Akureyri. Á meðal annarra fyrirlesara vetrarins eru Hallgrímur Oddsson, Páll Björnsson, Katinka Theis og Immo Eyser, Rebekka Kuhnis, Aðalsteinn Þórsson, Susan Singer og Ingibjörg Sigurðardóttir.

Dagskrá vetrarins má sjá hér að neðan:

24. janúar: Barbara Bernardi, vídeólistakona
31. janúar: Hallgrímur Oddsson, blaðamaður
7. febrúar: Páll Björnsson, sagnfræðiprófessor
14. febrúar: Ingi Bekk, ljósa- og myndbandahönnuður 
21. febrúar: Katinka Theis og Immo Eyser, myndlistarmenn
28. febrúar: Rebekka Kühnis, myndlistarkona
7. mars: Aðalsteinn Þórsson, myndlistarmaður
14. mars: Susan Singer, myndlistarkona
21. mars: Ingibjörg Sigurðardóttir, bókmenntafræðingur

https://www.facebook.com/events/327578490975098

http://www.listak.is/is/frettir/frettasafn/fyrsti-thridjudagsfyrirlestur-arsins-1

Auglýst er eftir umsóknum úr Menningarsjóði

Menningarsjóður Akureyrar auglýsir eftir umsóknum um styrki.  Auglýst er eftir umsóknum um samstarfssamninga og verkefnastyrki. Samstarfssamningar skulu stuðla að fjölbreyttu menningarlífi á Akureyri. Hægt er að sækja um samstarf til tveggja eða þriggja ára í senn. Við úthlutun er litið til fjölbreytileika í starfsemi,aldurs þátttakenda, jafnréttis og sýnileika. 
Sótt er um á heimasíðu Akureyrarbæjar: http://www.akureyri.is/is/ibuagatt/umsoknir

Hinvegar er auglýst eftir umsóknum um verkefnastyrki. Verkefnin skulu auðga menningarlífið í bænum,hafa sérstöðu og fela í sér frumsköpun. 
Vegna 100 ára afmælis Leikfélags Akureyrar verða 500.000 kr. eyrnamerktar verkefnum tengdum afmælinu.
Sótt er um á heimasíðu Akureyrarbæjar: http://www.akureyri.is/is/ibuagatt/umsoknir

Umsóknarfrestur er til og með 5. febrúar 2017.

Nánari upplýsingar hér.

Stjórn Akureyrarstofu auglýsir eftir umsóknum um starfslaun listamanna

Stjórn Akureyrarstofu auglýsir eftir umsóknum um starfslaun listamanna fyrir tímabilið 1. júní 2017 til 31. maí 2018. Starfslaunum verður úthlutað til eins listamanns og hlýtur viðkomandi 9 mánaða starfslaun.

Markmiðið er að listamaðurinn sem starfslaunin hlýtur geti helgað sig betur listsköpun sinni eða einstökum verkefnum á vettvangi hennar á tímabilinu. Einungis listamenn sem eiga lögheimili á Akureyri koma til greina.

Umsækjendur skili inn umsókn með upplýsingum um listferil, menntun og greinargóðum upplýsingum um hvernig starfslaunatíminn skal notaður.

Umsóknum skal skilað í netfangið [e-mail] eða í þjónustuanddyri Ráðhússins að Geislagötu 9.

Umsóknarfrestur er til og með 8. febrúar 2017.

Nánari upplýsingar hér.

 

Jónborg Sigurðardóttir sýnir á bókasafni HA

Málverkasýningin JÓNBORG-SÓLBORG er fjórða sýning í sýningarröðinni JÓNBORG-STÓRBORG-ELDBORG-SVANBORG sem er haldin á bókasafni HA. Að þessu sinni mála ég myndir af fyrrverandi vistmönnum Sólborgar sem fluttu á lítil sambýli þegar stofnuninni var lögð niður, í húsnæði sem áður var fyrir fólk með þroskaskerðingu er nú háskóli. Allir velkomnir.

Opnun föstudaginn 13. jan. kl. 16-18.
Sýningin stendur til 10. feb. og er opið á opnunartíma bókasafnsins.

https://www.facebook.com/events/1073466709447928

Hallgrímur Stefán Ingólfsson opnar sýninguna Ship ohoj í Mjólkurbúðinni

Hallgrímur Stefán Ingólfsson opnar einkasýninguna Ship ohoj í Mjólkurbúðinni í Listagilinu á Akureyri á laugardaginn 14.janúar kl. 14.

Sýningarárið 2017 hefst með tíundu einkasýningu Hallgríms Stefáns Ingólfssonar og málverkasýningu hans Ship ohoj. Sjórinn er honum hugleikinn og kemur oft fyrir í myndum listamannsins þó myndefni hans eru fjölbreytileg.

Hallgrímur sem er kennari við listnámsbraut VMA hefur teiknað og málað frá barnæsku. Hallgrímur er lærður innanhússarkitekt frá Skolen for boligindretning (Det Kongelige Danske Kunstakedemi) í Kaupmannahöfn og nam eitt ár í grafík við sama skóla og er með kennsluréttindi frá Háskólanum á Akureyri.

Sýning Hallgríms Ship ohoj stendur yfir frá 14.-29.janúar og er opin laugardaga og sunnudaga kl. 14-17 og eftir samkomulagi þess utan.

Nína Tryggvadóttir og Freyja Reynisdóttir í Listasafninu á Akureyri

Árið 2017 verður óvenjulegt ár í Listasafninu á Akureyri þar sem framkvæmdir við efstu hæðina í Listasafnsbyggingunni hefjast í febrúar. Starfsemin beinist því aðallega að því að setja upp sýningar í Ketilhúsinu. Sýningarárið hefst með tveimur opnunum laugardaginn 14. janúar kl. 15. Á miðhæð Ketilhússins má sjá yfirlitssýningu á verkum Nínu Tryggvadóttur, Litir, form og fólk, en á svölunum opnar Freyja Reynisdóttir sýninguna Sögur. 

Nína Tryggvadóttir
Litir, form og fólk
Listasafnið á Akureyri, Ketilhús, 14. janúar - 26. febrúar

Nína Tryggvadóttir (1913-1968) var meðal frjóustu og framsæknustu myndlistarmanna sinnar kynslóðar og þátttakandi í formbyltingunni í íslenskri myndlist á 5. og 6. áratugnum. Hún nam myndlist í Kaupmannahöfn og New York og bjó auk þess í París, Lundúnum og Reykjavík. Nína vann aðallega með olíu á striga en hún er einnig þekkt fyrir pappírsverk, verk úr steindu gleri, mósaíkverk og barnabækur. Hún var einn af brautryðjendum ljóðrænnar abstraktlistar.

Sýningin Litir, form og fólk er unnin í samvinnu við Listasafn Íslands, en í safneign þess eru um 80 verk eftir Nínu frá tímabilinu 1938–1967. Hún er að hluta byggð á sýningunni Ljóðvarp sem sett var upp í Listasafni Íslands 2015, en í tengslum við þá sýningu kom út vegleg bók um Nínu. Bókina prýðir fjöldi ljósmynda af verkum hennar auk greina og viðtala á íslensku og ensku.

Sýningarstjóri: Hlynur Hallsson.  

https://www.facebook.com/events/250505972047721

Freyja Reynisdóttir
Sögur
Listasafnið á Akureyri, Ketilhús, 14. - 26. janúar

Verk Freyju Reynisdóttur (f. 1989) eru unnin í ólíka miðla en fjalla mörg hver um þá þráhyggju mannsins að skilgreina allt og alla, en einnig um þræðina sem við eigum sameiginlega s.s. upplifanir, minni og samskipti. Þessar vangaveltur eru ennþá ofarlega á baugi í sýningunni Sögur þó engin endanleg niðurstaða sé í boði. Erfitt er að sjá fyrir hvað áhorfandinn spinnur út frá frásögn listamannsins, enda er það einstaklingsbundið.

Freyja útskrifaðist úr Myndlistaskólanum á Akureyri 2014 og hefur starfað og sýnt á Íslandi, Danmörku, Spáni, Þýskalandi og í Bandaríkjunum. Hún hefur rekið sýningarýmið Kaktus auk þess að halda árlega listviðburðinn Rót á Akureyri og tónlistarhátíðina Ym.

https://www.facebook.com/events/163548724129884

 

Súpu- eða sushifundur í Listagilinu

Það er komið að fyrsta súpu- eða sushifundi ársins í Listagilinu. Við hittumst þriðjudaginn 10. janúar 2017 kl. 12-13 á RUB 23.
Allir sem hafa áhuga á Listagilinu eru velkomnir.
Það er engin formleg dagskrá en tilvalið að ræða það sem brennur á fólki og það sem er framundan á nýju ári eða það sem er afstaðið.
Gott er að skrá sig á fundinn hér, þá veit starfsfólk RUB 23 hvað það er um það bil von á mörgum. https://www.facebook.com/events/230579537399003/
Verið velkomin.

Joris Rademaker sýnir í Berlín

Joris Rademaker opnar innsetningu 5. janúar 2017, kl. 19 til 22, í Studio Gallery Hier und Jetzt, Langhansstr. 116 í Berlín.
Sýningin stendur til 12. janúar. Opið frá 6. 7. 11. og 12. janúar frá kl. 14. til 18. Allir velkomnir.
 
Titill innsetningarinnar er: Berlin Island, Gautaborg Hollandi.
 
Á sýningunni blandar Joris saman mismunandi verkum, efni og tækni frá mismunandi tímum, stöðum og löndum. Hér blandar hann þessu öllu saman í nýtt samhengi.
Aðal viðfangsefni sýningarinnar er íslensk náttúra og erlend í samtali við hans hendur og líkama. Það er samtal við innra og ytra umhverfi. Með því að búa í mismandi löndum, borgum og stöðum hugsar hann um sjálfan sig sem menningarlegan hirðingja (nomand).
 
Akureyrarstofa veitti Joris ferðastyrk vegna sýningarinnar. Hann dvaldi og vann í mánuð i gestavinnustofu SIM í Berlin.

---

Joris Rademaker
Installations

Painting is in many ways symbolic for Joris working methods, as the main part of his oeuvre is presented in rows and series, where each picture can also stand alone. These rows of images create an impression of a sequence that indicates how the idea is thouroughly worked through in a variety of works balancing regularity and disorder. Each work carries with it the history of fruitful experimentation and precise implementation and this history carries over into the next them/object/form/instalation. In this way, Joris has produced rows of a variety of works that have in common the dissolution of tight forms and the suggestion of perpetual motion.

Úlfhildur Dagsdóttir


Opening 5.1.2017
7 PM

Open
5.1. till 12.1.2017
Wednesday / Thursday / Friday / Saturday 14 till 18 o`clock

Hier und Jetzt
Studiogalerie
Langhansstraße 116
13086 Berlin

Tram 12 & M13 Stop: Friesickestraße

https://www.facebook.com/events/837672669704072

REITIR, sýning og málstofa í Listasafninu á Akureyri, Ketilhúsi

REITIR í samstarfi við Akureyrarstofu, Listasafnið á Akureyri, Alþýðuhúsið á Siglufirði, Evrópu Unga fólksins og Haack_Marteinsson bjóða þig velkominn á bókaútgáfu REITA

Í tilefni útgáfu bókar Reita, Tools for Collaboration, verður opnuð sýning og málstofa haldin í Listasafninu á Akureyri, Ketilhúsi laugardaginn 17. desember kl. 15. Viðburðurinn er öllum opinn, án endurgjalds. Smiðjan Reitir hefur nú verið haldin síðustu fimm sumur í Alþýðuhúsinu á Siglufirði og til að fagna þeim áfanga hefur hópurinn unnið að ítarlegri greiningu á verkefninu. Eftir marga mánaða vinnu er útkoman 448 blaðsíðna bók sem tekur saman öll helstu atriði smiðjunnar og miðlar þeirri þekkingu sem þar hefur orðið til á síðustu árum. Bókin er hagnýtur leiðarvísir að menningartengdu frumkvöðlastarfi og innblástur fyrir alla þá sem eru áhugasamir um lausnamiðað og skapandi starf.

Dagskráin er eftirfarandi:
15.00 Opnun sýningar og bókaútgáfu
15.15 Ávarp ritstjóra
16.00 Málstofa
17.10 Boðið uppá kartöflusúpu Aðalheiðar S. Eysteinsdóttur

Málstofan verður miðuð að einstaklingsframtaki og frumkvöðlastarfi í menningu og þeim verkfærum sem hægt er að beita á þeim grundvelli. Hluti viðburðarins fer fram á ensku.

Málstofan er styrkt af Akureyrarstofu, sem er heimahöfn menningar-, markaðs-, kynningar- og ferðamála hjá Akureyrarbæ. Við þökkum þeim stuðninginn!

ATH: Það er sérstakur útgáfuviðburður í Alþýðuhúsinu á Siglufirði klukkan 17:00 föstudaginn 16.desember.

https://www.facebook.com/events/1299090130143283

Hitt og þetta, hingað og þangað í Kaktus

Jónína Björg Helgadóttir heldur sölusýningu þar sem hún sýnir verk sem hún hefur málað hingað og þangað um bæinn, eitt verk á mánuði. Fleiri verk verða til sýnis og sölu, en Jónína er að flytja vinnustofuna sína úr Kaktus og yfir í Flóru um áramótin svo það verður öllu til tjaldað!

Opið:
Föstudag frá kl. 19 -22
Laugardag frá kl. 13-19
Sunnudag frá kl. 13-19

// Jónína Björg Helgadóttir exhibits work in Kaktus. The works include paintings painted around town in the last year, some outside but inside when the weather didn't allow outside painting.
Jónína is moving her studio from Kaktus to Flóra and will be showing and selling a lot of different work, f.x. linocuts, jewellery, small and big paintings.

Open:
Friday Des. 16th 5 - 10pm
Saturday Des. 17th 1 - 7pm
Sunday Des. 18th 1 - 7pm

https://www.facebook.com/events/1431069076955056

Lista- og handverksmessa Gilfélagsins

Lista- og handverksmessa Gilfélagsins verður haldin í Deiglunni laugardaginn 10. desember kl. 13 - 20. Um er að ræða markað lista- og handverksfólks og þar mun kenna ýmissa grasa, myndlist, handverk, tónlist og ljóð. Upplagt að koma og versla eitthvað sniðugt í jólapakkann eða til að gleðja í skammdeginu.

Þátttakendur eru:
Adam Óskarsson, Guðmundur Ármann, Hrönn Einarsdóttir, HM handverk, Jónborg Sigurðardóttir, Kristín S. Bjarnadóttir, Jökull Guðmundsson, Rósa Kristín og Karl Guðmundsson, Valdís, Þóra Þorvaldsdóttir, Þorgerður Jónsdóttir, Dóra Hartmannsdóttir, Agnes Arnardóttir, Þórhildur Örvars; Lára, Hjalti o.fl.

Nánari upplýsingar veita
Guðmundur Ármann Sigurjónsson s. 864 0086 og
Sigrún Birna Sigtryggsdóttir s. 847 7488.

Stjórn Gilfélagsins

Messur Gilfélagsins eru styrktar af Uppbyggingarsjóði Norðurlands Eystra. Gilfélagið er styrkt af Akureyrarstofu.

https://www.facebook.com/events/226276374449934

Innsæi/útfærsla á Langa gangi í Listagilinu

Innsæi/útfærsla.

Nemendur Fagurlistar í Myndlistaskólanum á Akureyri sýna afrakstur áfanga þar sem þau útfæra hugmyndir sínar umsvifalaust á pappír/striga sem unnar eru í óritskoðuðu flæði. 

Áfanginn er undir leiðsögn myndlistamannsins Aðalsteins Þórssonar.

Sýningin er staðsett á Langa gangi í húsnæði Kaktus í Listagilinu.
Opnar á Laugardaginn 10. des. og er opin frá klukkan 14-17.
Veitingar í boði.
Aðgangur ókeypis.


Listamennirnir eru: 
Andri Fannar Kristjánsson
Aníta Friðfinnsdóttir
Atli Tómasson 
Hallrún 
Herdís Hlíf Þorvaldsdóttir
Hrafnhildur Heiða Sandholt
Sara Sif
Snorri Þórðarson
Tryggvi Zophonias Pálsson

https://www.facebook.com/events/1168153746594401

Súpu- eða sushifundur í Listagilinu

Það er komið að súpufundi í Listagilinu. Við hittumst fyrsta þriðjudag í mánuði og það er þá þriðjudaginn 6. desember 2016 kl. 12-13 á RUB 23.

Allir sem hafa áhuga á Listagilinu eru velkomnir.

Það er engin formleg dagskrá en tilvalið að ræða það sem brennur á fólki og það sem er framundan eða afstaðið. 

Það er hádegistilboð á RUB23, hlaðborð með sushi og allskonar en svo getur hver og einn einnig pantað það sem hann/hún vill.

Gott er að skrá sig á fundinn hér: https://www.facebook.com/events/699534016889045 þá veit starfsfólk RUB 23 hvað það er um það bil von á mörgum.

Sjáumst kát!

 

Hömlulaus listsköpunarhátíð í Ungmennahúsinu – Rósenborg

Hömlulaus 2016, 7. – 11. desember, Ungmennahúsið – Rósenberg, Akureyri.

Hömlulaus 2016 verður dagana 7. til 11. desember næstkomandi í Ungmennahúsinu – Rósenborg á Akureyri og er Hömlulaus haldið í annað sinn. Um ræðir 5 daga listasmiðjur undir handleiðslu starfandi Akureyskra listamanna. Miðvikudagur - föstudags frá kl 16 – 20 og laugardagur 10 til 17.

Skapandi textíl/fatahönnunarsmiðja verður í höndum Anítu Hirlekar þar sem hún leiðir þátttakendur í gegnum ferlið við hönnun fatalínu og kennd helstu undirstöðuatriði hönnunarferilsins. Nemendur fá innsýn inní heim fatahönnunar, frá textílhönnun og skissuvinnu yfir í hönnun fatnaðar. Eins munu þátttakendur skoða endurnýtingu fatnaðar. Anita Hirlekar lærði fatahönnun í London og hefur unnið með nokkrum af helstu hönnunarfyrirtækjum í London sem og á Ítalíu. 

Hömlulaust leiklistarnámskeið verður í höndum Birnu Pétursdóttur sem mun vinna með sögur úr eigin lífi og reynsluheimi þeirra er taka þátt, úr verður handrit og gert videó. Birna lærði leiklist í London og hefur frá útskrift unnið á sviði en einnig við þáttagerð fyrir sjónvarp. 

Myndlistarsmiðjan verður í höndum Earl James, Cistam, hann lærði myndlist í Myndlistaskólanum á Akureyri. Hann mun leggja áherslu á tjáningu og almenna kunnáttu í listinni. Hann mun taka fyrir notkun og samspil milli forms og lita og leiða þátttakendur í gegnum ferlið frá hugmynd í fullbúið veggverk. Helsta markmið Cistam er að koma hugmyndaflugi þátttakenda af stað og skapa vettvang fyrir unga listamenn til að koma og spreyta sig í skapandi umhverfi. 

Raftónlistarsmiðja verður í höndum Sigga Sigtryggssonar (Sadjei) þar sem hann mun kenna undirstöðuatriðin í Ableton Live forritinu, uppbyggingu trommutakta frá grunni, almenna notkun hljóðgerval og hvernig nota má hljóðbúta úr ýmsum áttum á skapandi hátt. Siggi er starfandi tónlistarmaður og upptökustjóri, lærði í London og hefur unnið með nokkrum af helstu plötufyrirtækjum heims.

Allar nánari upplýsingar veita þeir Kjartan Sigtryggsson, e. [e-mail], s. 8521255 og Jóhann Malmquist, [e-mail] í Ungmennahúsinu - Rósenborg s. 4601240 frá kl 08 til 22

https://www.facebook.com/events/1028540723942121

Heiðdís Hólm og Jónína Björg Helgadóttir opna sýningu í Flóru

Heiðdís Hólm og Jónína Björg Helgadóttir
Misminni
1. desember 2016 - 7. janúar 2017
Opnun fimmtudaginn 1. desember kl. 17-19
Flóra, Hafnarstræti 90, 600 Akureyri, s. 661 0168
http://floraflora.is/

https://www.facebook.com/flora.akureyri

https://www.facebook.com/events/1820393844881951

Fimmtudaginn 1. desember kl. 17-19 opna Heiðdís Hólm og Jónína Björg Helgadóttir sýninguna Misminni í Flóru á Akureyri.

Heiðdís og Jónína sýna hér ný verk, unnin á pappír með blandaðri aðferð. Líklega hefur það síast inn í úrvinnslu verkanna að sýningin varð til á sundfundi. Þeir eru einstaklega árangursríkir. Og hressandi. Verkin eru unnin uppúr samtölum við hvali. Í draumum. Og á Skype. Svo fóru listamennirnir á happy hour og hugleiddu hvort og þá hvernig þær væru misheppnaðar. Sem listamenn. Og lífverur. 

Jónína Björg Helgadóttir er fædd 1989 og alin upp á Akureyri. Hún útskrifaðist af fagurlistadeild Myndlistaskólans á Akureyri 2015. Hún er ein af skipuleggjendum listaverkefnisins Rótar, sem hefur farið fram síðustu þrjú sumur í Listagilinu. Hún er einnig ein af umsjónarmönnum listarýmisins Kaktus og hefur verið þar með sína vinnustofu. 

Valdar sýningar: 
07.05.2016 Stingur í augun - Kaktus á Hjalteyri. Verksmiðjan á Hjalteyri. Sýningaröð þar sem Kaktus tók yfir Verksmiðjuna með vinnustofum sínum og sýningarhaldi. 
30.04.2016 Krossnálar. Kaktus, Akureyri. Samsýning.
08.04.2016 Look at all the food! Palais de Tokyo, París. Gjörningur á gjörningahátíðinni Do Disturb.
19.03.2016 Hoppa. Núna! Mjólkurbúðin, Akureyri. Einkasýning.
31.10.2015 Eden/Vín. Ekkisens, Reykjavík. Samsýning með Kaktus meðlimum. 
17.10.2015 Týnd. Kaktus, Akureyri. Einkasýning.
16.05.2015 Sjónmennt 2015. Listasafnið á Akureyri. Sýning útskriftarnema við Myndlistaskólann á Akureyri. 

Heiðdís Hólm er fædd 1991 og lauk námi úr Myndlistarskólanum á Akureyri núna í vor 2016. Hún býr og starfar á Akureyri. Heiðdís 
vinnur verk í blandaða miðla með áherslu á breytileika málverksins. Verkin vilja oft vera sjálfsævisöguleg, femínísk, um lífið, listina og letina.

Valdar sýningar:
2016 Það kom ekkert. Kaktus, Akureyri. Einkasýning.
2016 Meðvirkni. Harbinger, Reykjavík. Samsýning.
2016 Do Disturb. Með Delta Total. Palais de Tokyo, Paris, France. Gjörningahátíð.
2016 Stingur í augu. Kaktus í Verksmiðjunni á Hjalteyri. Samsýning.
2016 Guð minn góður! Mjólkurbúðin, Akureyri. Samsýning
2015 Haust. Listasafnið á Akureyri. Akureyri. Samsýning 

Nánari upplýsingar um Jónínu og verk hennar má nálgast á heimasíðunni: http://www.joninabjorg.com/

Nánari upplýsingar um Heiðdísi og verk hennar má nálgast á heimasíðunni: http://www.heiddisholm.com/

Sýningin er öllum opin á opnunartíma Flóru: miðvikudaga kl. 14-18, fimmtudaga kl. 10-18, föstudaga kl. 10-14 og laugardaga kl. 10-14.

Sýningin stendur til laugardagsins 7. janúar 2017.

Flóra er verslun og viðburðastaður með vinnustofum sem Kristín Þóra Kjartansdóttur félagsfræðingur rekur. Áherslan er á nýtingu, endurnýtingu, náttúrutengsl og verkmenningu.