Fyrirlestur um "Myndlistakennslu og sjónræn menningu" í Ketilhúsinu

Fyrirlestrar á vordögum í samstarfi listnámsbrautar VMA, Listasafnsins á Akureyri og
Menningarmiðstöðvarinnar í Listagili. Fyrirlesari Guðmundur Ármann
Sigurjónsson, myndlistamaður og kennari. Í erindi sínu veltir Guðmundur því
fyrir sér hvernig þessi sjónræni heimur setur kröfur á myndlistakennslu.
Jafnframt hugleiðir Guðmundur hvort myndlistakennsla, eins og hún hefur
verið, taki á þessu efni. Allir velkomnir !

Ketilhúsið í Listagili á Akureyri 

kl. 14:50, föstudaginn 25. febrúar 2011.

Safnakennsla í Listagilinu á Akureyri

Myndlistafélagið hefur í samvinnu við Menningarmiðstöðina í Listagili, Akureyrarstofu og Listasafnið hafið safnakennslu í Listagilinu á Akureyri í því skyni meðal annars að efla safnavitund barna og auka samstarf við skólana í bænum. Lögð verður sérstök áhersla á fjölskyldu- og barnamenningu og það að auka áhuga barna á menningu og listum.

Nú stendur yfir á Listasafninu sýningin "Varanlegt augnablik" þar sem listamennirnir Sigtryggur Baldvinsson og Þorri Hringsson sýna verk sín. Báðir vinna þeir með umhverfið og náttúruna, ár og  vötn. Hér er á ferðinni einstaklega áhugaverð sýning sem enginn ætti að láta fram hjá sér fara. Í heimsókn á Listasafnið verður fjallað um sýninguna og listamennina en nemendur fá einnig að vinna stutt verkefni sem tengjast þessari sýningu. Sýningin stendur til 6. mars.

Einnig verður boðið upp á heimsókn í Davíðshús. Hús skáldsins er einstaklega fallegt og áhugavert. Þar eru verk eftir listamennina Kjarval, Kristínu Jónsdóttur, Ásgrím Jónsson og marga fleiri. Í þessari heimsókn verður einnig fjallað um skáldið og heimilið hans.

Hægt er að panta leiðsögn hjá Brynhildi Kristinsdóttur með því að senda tölvupóst á [e-mail] eða í síma 868 3599. Brynhildur tekur á móti hópum frá kl. 8-16 á mánudögum, þriðjudögum og miðvikudögum en frá kl. 13-16 á fimmtudögum og föstudögum.

Nemendur Myndlistaskólans á Akureyri sýna í Populus tremula

VERUND ENDURVINNSLA FM2H08

Föstudaginn 25. febrúar kl 17:00 opnar sýning í Populus tremula á vegum 1. og 2. árs nema Fagurlistadeildar Myndlistaskólans á Akureyri. Allt á sýningunni er unnið úr hlutum sem venjulegt fólk myndi kalla rusl eða drasl, og er afurð úr endurvinnsluáfanga undir leiðsögn lista konunnar Aðalheiðar S. Eysteinsdóttur.

Sýningin verður einnig opin laugardaginn 26. og sunnudaginn 27. febrúar kl. 14:00-17:00.

Aðeins þessa helgi. Léttar veitingar.

Populus Tremula

Listagilið

Akureyri

 

Styrkir úr Menningarsjóði Akureyrarbæjar

Stjórn Akureyrarstofu úthlutar styrkjum úr Menningarsjóði og er hlutverk hans að styrkja liststarfsemi og aðra menningarstarfsemi á Akureyri.

Umsóknum skal skilað í þjónustuanddyri Ráðhússins, Geislagötu 9, og er hægt að nálgast þar umsóknareyðublöð eða á slóðinni www.akureyri.is/auglysingar/adrarumsoknir. Þess skal vandlega gætt að allar umbeðnar upplýsingar komi fram.

Umsóknir sem borist hafa sjóðnum frá áramótum verða afgreiddar með þeim umsóknum sem berast fyrir auglýstan umsóknarfrest.

Umsóknarfrestur er til 4. mars 2011.

Upplýsingar veitir Hulda Sif Hermannsdóttir, verkefnastjóri á Akureyrarstofu, í síma 460 1157 eða í netfanginu [e-mail].

Kristina Kvalvik og Christina Leithe Hansen með sýningu í gallerí BOXi

  

Kristina Kvalvik og Christina Leithe Hansen frá Noregi sem nú dvelja í gestavinnustofu Gilfélagsins á Akureyri verða með sýningu á ljósmynda og- kvikmyndaverkum í gallerí BOXi, Sal Myndlistarfélagsins, Kaupvangsstræti 10 á Akureyri, laugardaginn 19. og sunnudaginn 20. febrúar 2011.

Opið kl 14-17 og allir velkomnir.

Guðmundur Ármann og Kristinn G. opna sýningu hjá Íslenskri grafík

 

Guðmundur Ármann Sigurjónsson og Kristinn G. Jóhannsson opna
grafíksýninguna “Ristur” í sýningarsal “Íslenskrar grafíkur” í Hafnarhúsinu, Tryggvagötu 17, (hafnarmegin) í Reykjavík.  
Sýningin verður opnuð  laugardaginn 19. febrúar kl. 14.00 en verður síðan opin fimmtudaga til sunnudaga kl. 14.00- 18.00 og lýkur sunnudaginn 6. mars.

Kristinn G. Jóhannsson sýnir dúkristur og hefur um þær þessi orð: “ Ég hefi lengi verið aðdáandi einlægs handbragðs á smíðuðum, ofnum og prjónuðum hversdagshlutum, fordildarlausrar listar. Þar leitaði ég fanga. Skar í dúk mynstur ,sótt þangað, þrykkti á pappír og velti fyrir mér á ýmsa vegu.  Ég var alls óvanur dúkskurði og ekki sérlega handlaginn heldur, en niðurstaðan þessi.”
Kristinn G. Jóhannsson (1936) . Stúdent frá MA 1956 og lauk kennaraprófi 1962. Starfaði við kennslu og skólastjórn á Patreksfirði, Ólafsfirði og Akureyri í tæpa fjóra áratugi en hefur velt af sér þeim reiðingi.  Nam myndlist á Akureyri, Reykjavík og í Edinburgh College of Art.  Hann efndi til fyrstu  sýningar sinnar á Akureyri 1954 en sýndi fyrst í  Reykjavík, í Bogasal Þjóðminjasafnsins,1962 og sama ár tók hann fyrsta sinni þátt í Haustsýningu FÍM í Listamannaskálanum. Hefur síðan sýnt oft og víða.

Guðmundur Ármann Sigurjónsson sýnir tréristur.  Viðfangsefnið er sótt í náttúruna, hina síbreytilegu birtu sem ljær landinu, himninum, vatninu, fjöllunum og gróðrinum form, sem við nemum í umhverfinu.  Skynjun sem grópast í vitundina verður að minni sem  er viðmið í sköpunarferlinu. Myndirnar eru óhlutlægar þar sem hefðbundið mótíf er horfið og eftir standa lárétt form sem fljóta frjáls á myndfletinum og skapa skynjun sem vísar til náttúruupplifunar.  Ferlinu lýkur svo ekki fyrr en sýningargestir hafa skynjað myndirnar og lagt sinn dóm á hvernig til hefur tekist.
Guðmundur Ármann lauk námi í prentmyndasmíði  1962. Hóf myndlistarnám við Myndlista- og handíðaskóla Íslands 1962 og útskrifaðist úr málunardeild 1966.
Nám við Valand Konsthögskolan í Gautaborg 1967 og lauk þar námi í grafíkdeild 1972.
Kennararéttindanám við Háskólann á Akureyri 2003 og stundar nú meistaranám  í kennslu listgreina. Starfar sem kennari myndlistarkjörsviðs listnámsbrautar Verkmenntaskálans á Akureyri. Er stundakennari við Háskólann á Akureyri.
Guðmundur Ármann sýndi fyrst í Mokkakaffi 1962, blekteikningar og kolteikningar.  Einkasýningarnar eru á þriðja tug, síðast í Norðurlandahúsinu, Færeyjum og í Gallerí Turpentín.
Hefur tekið þátt í fjölda samsýninga heima og erlendis , norrænum myndlistarverkefnum og alþjóðlegum grafíksýningum.

Umsóknir um vinnustofur í Dalsåsen, Noregi

ARTIST-IN-RESIDENCE 2012

OPEN CALL

APPLICATION DEADLINE: APRIL 10, 2011

Professional artists, designers, architects and curators are eligible to apply for residency.

www.nkdale.no


Artists cabins / Nordic Artists' Centre Dalsåsen, photo Laura Vuoma


The selection is based on artistic merits and the quality of artistic practice.

Applicants from outside the Nordic region are expected to be fluent in English.

Please note that the program is not available for students.

Residency periods are 2 or 3 months. Please indicate preferred time and length of stay in the application but note that the nkd reserves the right to suggest a different period or/and length of residency.

The residency at the Nordic Artists' Centre includes a monthly grant of 6700 NOK, living and working space, as well as covered travel expenses up to 5500 NOK. Artists' houses are fully equipped, studios are 50m², with a wireless internet access available in both houses and studios.

APPLICATION

Application should include:
• a CV containing contact information
• Project proposal for the residency
• Short artist statement
• Examples of previous work:
Up to 15 images ( JPEG, 72 dpi, max 1MB per image) and/or Video/sound work ( edited to max. 3 min)
• Link to a website

All submitted material should be Macintosh compatible.

Application form is available for downloading in Word at http://www.nkdale.no/art_artists.html

Please send the application by e-mail to: residency(at)nkdale.no

We only accept applications using the application form, and only digital documentation.




Nordisk kunstnarsenter Dalsåsen
6963  Dale i Sunnfjord  Norway
Tlf. [phone] | 201
residency(at)nkdale.no
www.nkdale.no

Hallgrímur Ingólfsson sýnir í Populus tremula

 

Laugardaginn 19. febrúar kl. 14:00 mun Hallgrímur Ingólfsson opna málverkasýningu í Populus tremula.

Á sýningunni verða ný og nýleg akrílmálverk af ýmsum toga. Hallgrím er óþarft að kynna fyrir Eyfirðingum, en á síðustu árum hefur hann sinnt málverkinu af auknum krafti og haldið nokkrar einkasýningar, auk þátttöku í samsýningum.

Sýningin er einnig opin sunnudaginn 20. febrúar kl 14:00-17:00. Aðeins þessi eina helgi.

 

Populus tremula

Nýlistasafnið auglýsir eftir umsóknum fyrir sýninguna „Grasrót 2011“

NÝLISTASAFNIÐ

GRASRÓT 

2011

Samsýning yngri kynslóðar myndlistarmanna.


Nýlistasafnið auglýsir eftir umsóknum fyrir sýninguna „Grasrót 2011“,

sem áætlað er að verði opnuð 3. September 2011.

Sýningaröðin „Grasrót“ var sett á laggirnar í Nýlistasafninu árið 2000 og hefur verið sett upp árlega til ársins 2008, utan ársins 2007. Nú hefst þessi sýningaröð aftur en áhersla er lögð á verk yngri kynslóðar upprennandi myndlistarmanna íslenskra listamanna/búsettra á Íslandi. Nánari upplýsingar á heimasíðu Nýlistasafnsins:  www.nylo.is

Umsóknarskilyrði: BA-gráða (2011 eða fyrr) eða nýleg MA-gráða í myndlist eða sambærileg menntun.

Þriggja manna valnefnd, skipuð af stjórn Nýlistasafnsins, mun fara í gegnum umsóknir. Nafn sýningarstjóra sýningarinnar verður kunngjört að umsóknarferli loknu.

Myndefni af 6-10 verkum og útskýringar (stærðir, efni, ártal) sendist á: [e-mail] merkt „Grasrót 2011“. 

Myndir má annað hvort senda sem eitt pdf skjal eða sem stök pdf eða jpg skjöl. Æskilegt er að stærð stakra skjala sé ekki meira en 300 KB hvert. 
Myndbandsverk má koma með/senda á vel merktum dvd-diski í Nýlistasafnið, Skúlagötu 28, 101 Reykjavík, berist fyrir kl. 17.00 þriðjudaginn 1. mars. 

Frestur til að fylla út umsóknareyðublaðið og senda fylgiskjöl er til 1. mars 2011. Mikilvægt er að umsókn og öll fylgiskjöl berist innan réttra tímamarka. Ekki verður tekið við umsóknum sem berast eftir miðnætti þann 1. mars 2011.

Ýtið hér til að fara inn á umsóknareyðublaðið á heimasíðu safnsins: Umsóknareyðublað

NÝLISTASAFNIÐ

Skúlagötu 28

101 Reykjavík

www.nylo.is

Málverkasýning Ragnars Kjartanssonar og Snorra Ásmundssonar í 002 Gallerí

Myndlistarmennirnir Ragnar Kjartansson og Snorri Ásmundsson, sýna í 002 Gallerí um næstu helgi.Ragnar og Snorri eru þekktir fyrir gjörninga sína og myndbandsverk, en sýna báðir málverk að þessu sinni. Ragnar hefur að undanförnu brugðið sér í Kraftgallann og málað utandyra myrka morgna á Reykjavíkursvæðinu, en Snorri mun sýna málverk af ballerínum.

Sýningin opnar klukkan 14, laugardaginn 5. febrúar og er opin til 17 á laugardag og sunnudag. Gallerí 002 var opnað í haust í íbúð Birgis Sigurðssonar, rafvirkja og myndlistarmanns, í íbúð hans, 002 að Þúfubarði 17 í Hafnarfirði og er þetta fjórða sýningin í þessu óvenjulega sýningarrými. Athugið að sýningin er aðeins opin þessa einu helgi.

 

 

Gallerí 002

Birgir Sigurðsson

Þúfubarði 17

Hafnarfirði

Sími 8673196

http://002galleri.blogspot.com

[e-mail]

Listasafn ASÍ auglýsir eftir umsóknum um sýningaraðstöðu í safninu á árinu 2012

 

Hér með er auglýst eftir umsóknum um sýningaraðstöðu í Listasafni ASÍ á árinu 2012. Umsóknarfrestur er til 21. febrúar 2011. Listráð Listasafns ASÍ sem skipað er forstöðumanni safnsins auk tveggja fagaðila fer yfir umsóknir og úthlutar sýningaraðstöðu. Sýningaraðstaða í safninu er án endurgjalds. Sjá nánar um skilmála á heimasíðu safnsins  www.listasafnasi.is. Safnið/upplýsingar fyrir listamenn.

Alls eru þrjú sýningarrými safnsins til úthlutunar: Ásmundarsalur, Gryfja og Arinstofa. Tilgreina þarf hvaða sýningarrými sótt er um, en hægt er að sækja um einstaka rými eða öll saman.

Umsækjendur eru beðnir um að senda inn vandaða umsókn með upplýsingum um náms- og sýningarferil, myndum af verkum og gera auk þess grein fyrir sýningarhugmynd sinni.

Skriflegar umsóknir sendist til:

Listráð, Listasafn ASÍ, Freyjugötu 41, 101 Reykjavík.

Einnig er hægt að senda inn rafrænar umsóknir á [e-mail]

Stefnt er að því að úthlutun verði lokið fyrir 15. apríl 2011

 

Nánari upplýsingar á heimasíðu safnsins eða hjá starfsmönnum safnsins í síma síma 511-5353  Einnig er hægt er að senda fyrirspurnir á: [e-mail] eða [e-mail]

 

f.h. Listráðs Listasafns ASÍ

Kristín G. Guðnadóttir, forstöðumaður

Andrea Weber sýnir í Gallerí+

Laugardaginn 22. janúar opnar Andrea Weber tvær sýningar á Akureyri sem bara standa yfir helgina. Tactile traces I want to listen to er titill sýningar hennar sem hún opnar kl. 15-17 í Gallerí+, í Brekkugötu 35. Sýningin er líka opin frá kl. 14-17 á sunnudaginn.
Andrea Weber býr og starfar bæði í París og í Berlín. Hún hefur dvalið á Nesi listamiðstöðinni á Skagaströnd og á Seyðisfirði en þaðan kemur hún til Akureyrar.

Andrea Weber

www.andreaweber.net

http://igomythic.blogspot.com

http://personaliceland.blogspot.com

[phone]

 

 

Andrea Weber sýnir í Populus Tremula

Laugardaginn 22. janúar kl. 14:00 opnar Andrea Weber myndlistarsýn­inguna Cinderella through the Air í Populus Tremula í Listagilinu á Akureyri.

Andrea býr og starfar í Berlín og París. Í innsetning­um sínum túlkar hún umhverfi sitt, innblásin af náttúrunni, stórborgum, poppmenningu og tísku.

Sama dag kl. 15:00 opnar Andrea aðra sýningu í Galleri+ við Brekkugötu 35 á Akureyri.

Sýningin er einnig opin sunnudaginn 23. janúar kl 14:00-17:00. Aðeins þessi eina helgi.

Kristinn G. Jóhannsson sýnir Litbrekkur

Litbrekkur nefnir Kristinn G. Jóhannsson sýningu sína sem hann opnar í Grófargili laugardaginn 15.janúar kl. 15:00. (Áður Jónas Viðar Gallery)

Um sýninguna segir Kristinn: "Ég er enn genginn í brekkurnar og ef einhvern tíma hafi mátt telja það til staðfestu og sem  einlægt samtal við átthagabrekkur sem voru og eru, kann nú að vera komið að lokum þessa könnunarleiðangurs sem , eins og mörg ykkar muna, hófst með sýningunni “Um Búðargil og brekkurnar”  og svo komu “Sumarbrekkur”, “Haustbrekkur”, “Vetrarbrekkur” og “Vorbrekkur”. Ef til vill er nú nóg sótt í þetta yrkisefni og “Litbrekkur”, þessar hér, verði síðasta erindi þessa bálks. Ég hefi einatt haldið því fram að málverk þarfnist ekki útskýringa eða orðavaðals en hefi svo sjálfur sett á langar romsur um þau, þvert á fullyrðingar mínar um þarfleysi þess. Nóg komið af því líka, en hér eru brekkurnar  og ráði nú hver í með sínum hætti.

VARANLEGT AUGNABLIK Í LISTASAFNINU Á AKUREYRI

Laugardaginn 15. janúar 2011 opnar samsýning listamannanna Sigtryggs Baldvinssonar og Þorra Hringssonar í Listasafninu á Akureyri. Sýningin nefnist Varanlegt augnablik og hefur sterk tengsl við Norðurland, en báðir listamennirnir eiga þar rætur sínar.


Þorri Hringsson er fæddur í Reykjavík árið 1966 en er ættaður úr Haga í Aðaldal í Þingeyjarsýslum. Þorri stundaði nám við Myndlistaskólann í Reykjavík, Myndlista- og handíðaskóla Íslands og Jan Van Eyck-akademíuna í Maastricht. Hann hefur tekið þátt í ríflega 40 samsýningum og haldið yfir 20 einkasýningar á Íslandi og erlendis.


Sigtryggur Bjarni Baldvinsson er fæddur á Akureyri 1966. Hann nam við Myndlistaskólann á Akureyri, Myndlista- og handíðaskóla Íslands og Ecole des Arts Décoratifs í Frakklandi. Hann hefur haldið á þriðja tug einkasýninga og tekið þátt í fjölmörgum samsýningum hér heima og erlendis.


Sigtryggur og Þorri hafa hvor sína hugmyndina um málverkið sem  eiga það þó sameiginlegt að snúast um samband þess við ytri veruleika. Báðir styðjast við ljósmyndir en Sigtryggur Bjarni forvinnur verk sín í tölvu þar sem hann mótar myndina á meðan Þorri málar beint á strigann þar sem sjálf myndin verður til. Þessar ólíku aðferðir gera það að verkum að þótt einstök málverk beri með sér ákveðið svipmót eru þau býsna ólík við nánari skoðun. Hér er verið að vísa í verk sem sýna lygnan flöt í skugga árbakka og spegilmynd af skýjaslæðum eða nærmynd af gáruðu vatnsyfirborði. Ef við lítum upp frá þessum verkum og skoðum heildarverk hvors um sig á sýningunni í Listasafninu á Akureyri, sjáum við að forsendur þessara áþekku niðurstaðna eru gerólíkar en líkindin má rekja til hins ytri veruleika sem verkin byggja á.  


Sýningin stendur til 6. mars 2011.

Þorsteinn (Steini) Gíslason sýnir í Boxinu

 
Stemmur/Stemma

Myndlistamaðurinn Þorsteinn (Steini) Gíslason opnar sýninguna Stemmur/Stemma í sal Myndlistarfélagsins í Boxinu laugardaginn 15. janúar næstkomandi kl. 14:00.

 

Myndlistarfélagið
galleriBOX
Kaupvangstræti 10
600 Akureyri

galleriBox er opið 14:00 - 17:00 laugardaga og sunnudaga

Samúel Jóhannsson sýnir í Hofi

Myndverkasýning Samúels Jóhannssonar í Menningarhúsinu Hofi, 9. janúar til 7. febrúar 2011.

Myndverk hans eru unnin með akríl- og vatnslitum, tússbleki, járni og lakki. Myndverkasýningar Samúels eru orðnar fjölmargar. Hann hefur haldið yfir tuttugu einkasýningar auk fjölmargra samsýning hér heima og erlendis og er þetta hans 27. einkasýning.

Samúel sótti nokkur námskeið á unglingsárum, að öðru leiti er hann sjálfmenntaður og hefur sinnt myndlistinni stöðugt frá 1980.

Samúel Jóhannsson
Sími: 8987326 & 4622273
Netfang: [e-mail]
Vefsíða: www.samueljohannsson.wordpress.com

Ken Leslie opnar sýningu í gallerí BOXi á þrettándanum

Sýning í gallerí BOXi, Listagilinu, Akureyri, 6.-12. janúar 2011.

Ken Leslie, sem nú dvelur í gestavinnustofu Gilfélagsins, opnar sýningu á verkum sínum í gallerí BOXi, sal Myndlistarfélagsins, á þrettándanum, fimmtudaginn 6. janúar kl. 17 – 19.  Sýningin verður opin til miðvikudagsins 12. janúar, alla daga frá kl. 14 – 18.

Ken, sem fæddur er og uppalinn í New York, býr nú í Vermont í Bandaríkjunum þar sem hann kennir og stundar sína myndlist.

 

Eftirfarandi er lýsing á verkunum:

 In June 1999, while I was in residence at the Gestavinnustofa, I painted Sólstöður à Akureyri, a 24-page circular artist's book that followed the sun, one page per hour, as it circled the full 360º panorama of the city as seen from Akureyrarkirkja.  (Please see the attached jpeg.) Since then I have painted similar cycle books around the Arctic in summer and in winter--in Kotzebue Alaska, Iqaluit Canada, Inari Finland, Kjøllefjord Norway and Longyearbyen Svalbard. It is with great pleasure that I have returned to paint the winter version of my Akureyri summer book.  

 These works are painted in watercolor on folded paper, opening to large 125cm diameter circles.  You can see them in the "Arctic Cycles" pages of my website, www.KenLeslie.net , but even better than seeing them on your computer, you can come to the Box Gallery and see the actual works and more.  The exhibition opens on 6 January and runs through the 12th.  During the exhibition I will be in the gallery working on my Akureyri Winter Cycle.  I hope to see you there!  

 

Ken Leslie

Professor of Fine Arts

Chair, Visual Arts Center

Johnson State College

337 College Hill

Johnson, Vermont 05656

[phone]

[e-mail]

http://www.KenLeslie.net

Gestavinnustofa á Spáni

Call for the Artist-in-Residency Program at the Countryside
Inland - art, agricultures and countryside.

Artists of different disciplines will be invited and comissioned, to inmerse and produce in diverse locations of the spanish countryside that represent paradigmatic cases of the current rural milieu.

Selected artists would be from 1st April untill 30 th August in the sites defined within Inland Residencies Program. The will became neighbours for a certain period of time, from a Cantabrian Mountains village, to a colonisation town of Extremadura, the plain lands of Tierra de Campos or a fishing community in Galicia

They will have a local resource person, a training workshop, a work space and accomodation, production resources,  curator´s guidance,  documentation of the process , with a publication and exhibition at the end of the residency.

The goal of the Inland Residency Program is to put in practice the statements posed during last Inland International Conference, Madrid 21-24 October, and at the same time have a creative investment in the rural question.

On support of experimenting with collaborative, site-specific and process art, where the portrait, the crithic, the transformation or elaboration of the essences and concepts within the rural are possible.

It will be also a chance to contrast the role of art and the artist in a local context.

For any other information, read the rules or download the registrance forms, visit   http://www.campoadentro.es

INLAND- CAMPO ADENTRO is a project that examines the role of territories, geopolitics, culture and identity in the relationship between the city and the countryside in Spain today.

Its objective is to launch a cultural strategy in support of rural life over a period of three years (2010-2013), specifically made up of an international conference, artistic production through a residency program, an exhibition and a publication.

Aðventa í menningu á Akureyri og nágrenni

Aðventa í Populus tremula: Hinn árlegi jólabasar Helga og Beate verður allar helgar fram að jólum og auk þess síðustu dagana fyrir jól. Allskonar drasl og druslur, meira og minna heimasmíðað og yfirþyrmandi þjóðleg hönnun. Þá verða þrælíslensk jólatré og greinar til sölu frá 11. desember til jóla. Auk þess munu gestir bjóða varning sinn. Opið frá kl. 14:00-18:00.

 Aðventa í Freyjulundi: Listamennirnir Aðalheiður S. Eysteinsdóttir, Jón Laxdal og Arnar Ómarsson opna vinnustofur sínar og heimili í Freyjulundi aðventuhelgarnar í desember. Opið frá kl. 14:00-18:00.

 Keramikgallerí Margrétar Jónsdóttur, Gránufélagsgötu 48: Opið verður í desember alla virka daga frá 15:00-18:00 og laugardaga frá 13:00-16:00.

Aðventa í Minjasafninu á Akureyri: "Hvað var í pakkanum", örsýning í tilefni aðventunnar. Opið alla daga frá kl. 13:00-16:00. Kíkið líka í jólaglugga Minjasafnsins í versluninni Víking, Hafnarstræti.
 

Laugardagur 18. desember.
 Ketilhús kl. 14:00: Jólatónleikar tónskóla Roars Kvam. Nemendur skólans munu leika hugljúfa tónlist og jólalögin okkar vinsælu. Tónlistarflutningur sem gleður og léttir lund. Allir velkomnir meðan húsrúm leyfir og er aðgangur ókeypis.
 
 Populus tremula kl. 14:00: Georg Óskar Manúelsson opnar myndlistarsýninguna “This moment is nothing special about nothing - only me and Claude Debussy”. Sýningin samanstendur af málverkum, teikningum, textum og kroti. Verkin fjalla um að festa niður vangaveltur líðandi stundar - líkt og að halda dagbók. Sýningin er einnig opin sunnudaginn 19. desember kl. 14:00-17:00.

 Græni hatturinn kl: 22:00: Jólastjörnur, útgáfutónleikar. Fram koma Hvanndalsbræður, Jana María Guðmundsdóttir, Rúnar eff, Bryndís Ásmundsdóttir, Eyþór Ingi Gunnlaugsson, Margot Kiis, Katrín Arna og Thelma Hrönn Sigurðardóttir ásamt hljómsveit. Miðasala kr. 2.000. Forsala í Eymundsson.
 

Yfirstandandi sýningar, námskeið og annað:

 Café Karólína: Sýning Huga Hlynssonar og Júlíu Runólfsdóttur, “It's like living in your own world” Sýningin samanstendur af svart/hvítum ljósmyndum. Myndirnar eru teknar að hausti til við Mývatn og sýna vatnið og umhverfi þess við einstakar aðstæður. Sýningin stendur til 8. janúar 2011. Café Karólína er opin frá kl. 17:00 og fram eftir nóttu alla daga nema laugardaga þá er opið frá kl. 15:00 Þetta er síðasta sýningin á Café Karólínu í bili en þar hafa verið reglulegar sýningar frá opnun árið 1993.

 Gallerí BOX: Sýning Marjolijn van der Meij og Lind Völundardóttur í sal Myndlistarfélagsins. Sýningin stendur til 19. desember og er opin um helgar frá kl. 14:00-17:00.

 Jónas Viðar Gallery: Sýning Kristjáns Eldjárns "Við pollinn".

 Gallerí Ráðhús - Bæjarstjórnarsalur, 4. hæð: Sýningin "Óskir til handa akureyringum". Stendur fram að áramótum. Nánar á www.visitakureyri.is

 Hof - menningarhús: Jólasýning á verkum Hugrúnar Ívarsdóttur en hún sækir innblástur í laufabrauðið, hátíðarbrauð okkar Íslendinga. Á sýningunni eru skúlptúrverk unnin í plexigler ásamt kynningu á vörulínu sem Hugrún hefur verið að hanna og þróa undanfarin ár.Hugrún stofnaði Laufabrauðssetrið árið 2009 en þar er leitast við að halda á lofti þessu fallega handverki og einstöku hefð. Vörulína sem Hugrún hefur verið að hanna og þróa undanfarin ár er fáanleg þar, auk þess sem fagurlega skreyttar laufabrauðskökur eru til sýnis.

 Milli Ketilhúss og Listasafns: Ljósmyndasýningin "Sjáðu" úr samnefndri bók eftir Önnu Fjólu Gísladóttur og Gísla B. Björnsson.

 Gallerí VeggVerk á horni Strandgötu og Glerárgötu: Sýning Jorisar Rademaker.  

 ATHUGIÐ!
Umsókn um þátttöku á Listasumri 2011 rennur út 20. desember 2010.