Sigtryggur Bjarni Baldvinsson opnar í Jónas Viðar Gallery

Laugardaginn 30. ágúst opnar sýning Sigtryggs Bjarna Baldvinssonar í
Jónas Viðar Gallery í Listagilinu á Akureyri.  Á sýningunni verða ný
olíumálverk Sigtryggs af Eyjafjarðará.
Listamaðurinn hefur á síðustu árum einbeitt sér að því að gera
straumvatni skil í verkum sínum í formi olíumálverka, vatnslitamynda,
lágmynda og innsetninga. Út frá verkum Sigtryggs má velta upp
spurningum varðandi samhliða eðli málverksins og vatnsyfirborðs. Þegar
horft er á vatnsflöt er það ekki vatnið sjálft sem sést heldur það sem
speglast í vatninu og sést í gegn um það. Færa má rök fyrir því að
gildi listaverks felist einmitt í því sama.

Sýningin er 20. einkasýning Sigtryggs og opnar kl. 14.30.

______________________________________________

Jónas Viðar
sími: 8665021
Heimasíða: http://www.jvs.is
Jónas Viðar Gallery: http://www.jvs.is/jvgallery.htm

Anna Gunnarsdóttir opnar sýningu í Ketilhúsinu

„Dulmögn djúpsins”
Velkomin á opnun sýningar minnar í Ketilhúsinu 30. ágúst kl. 16:00
Sýningin stendur til 22. september 2008
Léttar veitingar í boði.

Anna Gunnarsdóttir

 

Talið er að upphaf lífsins hafi verið í sjónum. Botn hafsins hefur margt að geyma
þar sem enginn hefur komið og aðeins ímyndunaraflið ræður för.
Líkt og í sál mannsins er þar ýmislegt okkur dulið.
Síðan ég var lítil stelpa að leika mér í fjörunni hefur mig alltaf langað til þess að
kanna dulda heima djúpsins og margbreytilegum formum hinna ýmsu dýra.
Þetta er mín sýn á djúpi hafsins og dulmögnun þess.

Anna Gunnarsdóttir lærði textíl hönnun í
Bandaríkjunum, Danmörku og á Íslandi. Hún hefur
aðallega fengist við vinnslu á þæfðri ull og textíl. Hún
blandar saman nytjavöru, myndlist og fatahönnun með
þessum miðlum.
Hún hefur að baki fjölmargar sýningar, þar á meðal yfir
um 38 samsýningar og hefur hlotið fjölda verðlauna og
viðurkenningar fyrir verk sín.
Hún er annar eigandi gallerí “Svartfugl og Hvítspóa” í miðbæ Akureyrar.
Anna var valin bæjarlistamaður Akureyrar árið 2008.

Sýningin Portraits of the north opnar klukkan 17 í Amtsbókasafninu á Akureyrarvöku

Ykkur er boðið að vera við opnun sýningarinnar Portraits of the north á laugardag klukkan 17 í Amtsbókasafninu en sýningin er hluti af dagskrá Akureyrarvöku. 
Um er að ræða áhrifamiklar blýantsteikningar af fólki úr frumbyggjabyggðum Norður-Kanada og hefur sýning farið víða frá árinu 2006 . 
Myndirnar eru eftir listamanninn Gerald Kuehl og koma frá Listasafni Manitoba en sýningin er í boði Manitobastjórnar.
Peter Bjornsson menntamálaráðherra Manitoba mun opna sýninguna en hann í opinberri heimsókn á Íslandi í boði Þorgerðar Katrínar Gunnarsdóttur menntamálaráðherra.
Álftagerðisbræður syngja við opnunina og léttar veitingar verða í boði.

Vert er að minnast á meiri menningu tengda Manitoba sem hægt er að njóta á Akureyrarvöku.
Jaxon Haldane og Chris Saywell úr Bluegrass hljómsveitinni DRangers spila á föstudagskvöld í Lystigarðinum við setningu Akureyrarvöku, auk þess sem þeir félagar eru hluti af lokaatriði Akureyrarvöku á laugardagskvöldið
Freya Olafson listakona sýnir video-danslistaverkið New Icelander klukkan 20.30 í Húsinu í Rósenborg og verður einnig þátttakandi í lokaatriði Akureyrarvöku.

Að síðustu er það þing Þjóðræknisfélags Íslendinga sem haldið verður í Safnaðarheimili Akureyrarkirkju á morgun frá klukkan 13 - 16.  Á dagskrá þingsins verða ávörp ráðherra, bæjarstjórans á Akureyri og aðalræðismanns Íslands í Winnipeg. Flutt verður minni Árna Bjarnarsonar og fjallað um Sigríði móður Nonna auk þess sem sýning henni tileinkuð verður sett upp á fundarstað. Sagt verður frá starfi Vesturfarasetursins á Hofsósi og greint frá 10 ára öflugu starfi Snorraverkefnisins. Það verkefni hefur blásið nýju lífi í samskiptin milli afkomenda íslenskra landnema í Vesturheimi og Íslands og tengt starfið enn betur við byggðir landsins einum á norður- og austurlandi. Hópur úr Snorri Plus verkefninu verður á Akureyri við þetta tækifæri. 

Það eru allir hjartanlega velkomnir á þingið.

(Lára Stefánsdóttir tók myndina af Amtsbókasafninu)

Grálist út um allan bæ á Akureyrarvöku

Grálist-engin smálist

Út um allan bæ eins og gráir kettir á Akureyrarvöku! Án titils.

Setur einhver heimsmet á Akureyrarvöku? Er Mosfell í miðbæ? Verður þú úr fókus? Sjáðu, er fylgst með þér?  Hæ hó jibbí jei, er ísbjörn á ferli rétt einu sinni enn? Ég fíla hrossaflugur, Stefnumót við Mikines, Fegurð fjalla, Tálsýn, Umhyggju, Naflaskoðun og  Samtal við mig sjálfan.

Grálist-engin smálist myndlistasýning í Deiglunni, Kaupvangsstræti  og um allt á Akureyrarvöku. Sýningin stendur til 31.ágúst.

Artgroup Grálist

www.gralist.wordpress.com

Samsýningin GRÁLIST engin smá list inniheldur verk eftir listamennina Stein Kristjánsson, Karenar Dúu Kristjánsdóttir, Guðrúnu Vöku, Dögg Stefánsdóttur, Sveinbjörgu Ásgeirsdóttur, Ingu Björk Harðardóttur, Herthu Richardt, Margeir Dire Sigurðsson, Sigurlín M. Grétarsdóttur, Kristínu Guðmundsdóttur, Unni Óttarsdóttur, Steinunni Ástu Eiríksdóttur, Ásu Ólafsdóttur og Dagrúnu Matthíasdóttur

SJÓNLIST 2008 opnar í Listasafninu á Akureyri á laugardag

LAUGARDAGINN 30. ÁGÚST KL. 15 er yður boðið á opnun sýningar á verkum þeirra listamanna sem tilnefndir eru til Íslensku sjónlistaverðlaunanna 2008.

FÖSTUDAGINN 19. SEPTEMBER KL. 10. Spjallað við tilnefnda listamenn um verk þeirra á sýningu Sjónlistar í Listasafninu á Akureyri.

FÖSTUDAGINN 19. SEPTEMBER KL. 13, Brekkuskóli Málþing Sjónlistar: (Un)Making of Public Space / (Af)myndun almenningsrýmis

Aðalfyrirlesari er bandaríski rithöfundurinn Jeff Byles, en einnig taka til máls heimspekingurinn Haukur Már Helgason og myndlistarkona Berglind Jóna Hlynsdóttir.

Stjórnandi málþings er Páll Björnsson sagnfræðingur. Málþingið fer fram á ensku og er öllum opið.

FÖSTUDAGINN 19. SEPTEMBER KL. 19.40 verður bein útsending undir stjórn Þorsteins J. í Ríkissjónvarpinu frá afhendingu Sjónlistarorðunnar 2008 í Flugsafni Íslands á Akureyri.

LAUGARDAGINN 20. SEPTEMBER Spjallað við tilnefnda listamenn í Listasafninu kl. 14. Opnanir í galleríum bæjarins og nýtt gallerí á Glerártorgi tekur til starfa. Verkstæði gullsmiða verða eining opin og óvæntar uppákomur víðsvegar um bæinn. Helginni lýkur með glaum og gleði á veitinga- og skemmtistöðum bæjarins þar sem grímubúningar, náttföt og ýmiskonar furðufatnaður verður í hávegum hafður.

Tvær sýningar opna í GalleríBOXi laugardaginn 30. ágúst klukkan 14:30

Siggi Eggertsson: Bíttar ekki máli

Raquel Mendes: Generosa

30.08. - 14.09.2008

Opnun laugardaginn 30. ágúst klukkan 14:30

GalleríBox
Kaupvangsstræti 10
600 Akureyri
 

Raquel Mendes og Siggi Eggertsson opna sýningarnar "Generosa" og "Bíttar ekki máli" í GalleríBOXi laugardaginn 30. ágúst kl.14:30. GalleríBox sem er við Kaupvangsstræti 10 á Akureyri er opið föstudaga, laugardaga og sunnudaga frá 14:00 til 17:00. Sýningarnar standa til og með 14. september 2008.

 
Siggi Eggertsson stundaði nám í grafískri hönnun við Listaháskóla Íslands árin 2003 til 2006 og útskrifaðist þaðan með B.A gráðu, árið 2005 stundaði hann einnig nám við Kunsthochschule Berlin – Weissensee. Hann hlaut viðurkenningu Print's New Visual Artists 2006, hlaut tilnefningu til menningarverðlauna DV 2008 og er nú tilnefndur til Íslensku Sjónlistarverðlaunanna í flokki hönnunar.

Sýningin  „Bíttar ekki máli"  er að jöfnu hlutfalli listsýning og safnarasýning. Nýtt verk sem Siggi hefur framkvæmt á staðnum er nokkuð óhefðbundin mósaík, búin til úr safni körfuboltamynda frá æskuárunum.

 

Raquel Mendes útskrifaðist úr skúlptúrdeild  listaháskólans í Lissabon árið 2002 og lauk Mastersgráðu frá listaháskólanum í Glasgow 2007.

Athuganir á aðlögunarhæfni manneskjunnar og getu hennar til þess að bregðast við óvæntum aðstæðum eru megin uppspretta verka Raquel Mendes. Raquel fæst við skúlptúr, innsetningar og nú upp á síðkastið ljósmyndun og videoverk.

Verkefnið "Generosa" var grundvallað á athugunum og skráningu (ljósmyndir/video) ástands og hátternis, sem leiddu í ljós merki um andlega og líkamlega hnignun ömmu hennar. Andspænis slíkum aðstæðum var nauðsyn á köldu auga myndavélarinnar til þess að aðskilja sorgarferlið, einnig þörf á fegrandi lýsingu sem gerir áorkanina yfirskilvitlegri og þar af leiðandi bærilegri en líka, án efa, þrungna merkingu.  

Nánari upplýsingar: http://www.galleribox.blogspot.com
Siggi Eggertsson: http://www.vanillusaft.com
Raquel Mendes: http://artnews.org/artist.php?i=3044

 

Guðmundur Thoroddsen sýnir: Ísbjörn, farðu heim! á VeggVerk

Laugardaginn 30. ágúst 2008 opnar Guðmundur Thoroddsen sýninguna: Ísbjörn, farðu heim!

Guðmundur Thoroddsen er fæddur í Reykjavík 1980. Hann lauk BA-gráðu í myndlist frá Listaháskóla Íslands árið 2003 og hefur unnið að myndlist síðan. Guðmundur hefur tekið þátt í fjölda samsýninga hérlendis og erlendis s.s. í Svíþjóð, Finnlandi, Berlín og Salzburg og á einnig tvær einkasýningar að baki, Rjómaísland í 101 gallerí árið 2007 og Neðangarðs í Íbíza Bunker nú í sumar.

Þetta verður í þriðja skipti sem Guðmundur vinnur að stórri veggmynd en einhverjir gætu munað eftir pixlaðri mynd af kind á vegg við Kolaportið sem hann vann í samstarfi við kollega sinn árið 2003.

www.veggverk.org

 
VeggVerk er heiti á sýningarrými sem er á vesturhlið Strandgötu 17 á Akureyri. Vegfarendum er velkomið að fylgjast með listafólkinu við iðju sýna.                                        

VeggVerk er opið allan sólarhringinn og er aðgangur ókeypis.

    kveðja
    Jóna Hlíf Halldórsdóttir
    www.jonahlif.com
    sími 6630545

Bryndís Kondrup sýnir í Populus tremula

Populus kynnir: Nýtt starfsár, 2008-2009, hefst á Akureyrarvöku.

Myndlistarsýning og miðnæturtónleikar


BRYNDÍS KONDRUP

myndlistarsýning

TIL VERA

Bryndís Kondrup opnar sýninguna TIL VERA í Populus tremula 30. ágúst kl. 14:00. Þar sýnir hún myndbandsverk og myndverk á striga. Bryndís hefur unnið við myndlist og myndlistarkennslu, ásamt öðrum myndlistartengdum störfum, undanfarin 20 ár. TIL VERA er tíunda einkasýning Bryndísar og er hugleiðing um tilvist og ferðalag í eiginlegri og óeiginlegri merkingu. Við opnun sýningarinnar tekur Þórarinn Hjartarson lagið.

Einnig opið sunnudaginn 31.8. kl. 14:00 - 17:00.

Aðeins þessi eina helgi.

 


DEAN FERRELL: miðnæturtónleikar

Á miðnætti laugardagsins 30. ágúst heldur kontrabassa leikarinn Dean Ferrell tónleika í Populus tremula.

Dean er Akureyringum að góðu kunnur enda hefur hann haldið nokkra tónleika í Populus tremula undanfarin ár. Dean hefur getið sér orð víða um lönd fyrir óvenjulega og bráðskemmtilega tónleika/ kvöldskemmtanir þar sem hann nálgast sígilda tónlist og bókmenntir með afar sérstæðum og oft bráðfyndnum hætti án þess að slá nokkurn tíma af listrænum kröfum. Hugsanlegt er að leynigestur láti sjá sig...

Húsið verður opnað kl. 23:45

Aðgangur ókeypis – malpokar leyfðir.

Kristjana Samper og Baltasar Samper sýna í DaLí Gallery

Listamennirnir Kristjana Samper og Baltasar Samper opna samsýningu í DaLí
Gallery laugardaginn 30. ágúst kl. 17 á Akureyrarvöku, afmælishátíð Akureyrar.

Á sýningunni verða sýnd málverk eftir Baltasar sem unnin eru upp úr goðafræði, sérstaklega Eddukvæðum og skúlptúrar eftir Kristjönu sem vísa til fornrar trúar.

Kristjana Samper vinnur einkum í þrívídd, í stein, járn, tré, leir og steinsteypu.

Í grafík, litógrafíu og koparstungu og myndverk með blandaðri tækni.

Baltasar vinnur með blandaða tækni í  myndverkum sínum og síðasta áratug hefur hann aðallega unnið með encaustic tækni ( innbrennt vax). Baltasar stundar grafík aðallega ætingu og litógrafíu. Aðal viðfangsefni hans á u.þ.b. tuttugu og fimm ára tímabili hefur verið hin norræna goðafærði auk þess að mála portrait og vinna myndir úr heimi hestsins sem hefur verið honum ákaflega hugleikinn og táknrænn. Baltasar var valinn heiðurslistamaður Kópavogs 2007.
 
Sýningin stendur til 14. september og eru allir velkomnir.

 
Kær kveðja
Dagrún og Lína í DaLí Gallery
Dagrún Matthíasdóttir 8957173
Sigurín M. Grétarsdóttir 8697872
Brekkugata 9, 600 Akureyri
[e-mail]
http://daligallery.blogspot.com
opið lau-sun kl.14-17

Tilraunastofa flugdreka og fljúgandi furðuhluta

Experimental workshop with Kites and other Flying Objects

Sunday the 31/8 from 12-16hrs an Experimental workshop with Kites and other Flying Objects will be held at Alda, Eyjafjarðarsveit. Open for all ages.

Participants will get a change to:

-          build their own kite

-          make ordinary objects fly

-          make a rocket

-          try out a variety of single and double line kites with instruction

The results will be shown and tried out near the old airfield at Melgerðismelar. For more information and registration phone [phone]

http://fugl.blog.is

George, Steini & Dísa

Sýningu Guðmundar Ármanns Sigurjónssonar í Listasafninu á Akureyri lýkur á sunnudag

Sunnudaginn 24. ágúst lýkur sumarsýningu Listasafnsins á Akureyri er
helguð er yfirliti á verkum Guðmundar Ármanns Sigurjónssonar.
Guðmundur hefur starfað við myndlist og kennslu síðastliðna fjóra
áratugi og verið mikilvirkur í félags- og baráttumálum
myndlistarmanna. Eftir nám við Myndlista- og handíðaskóla Íslands
árið 1967 og Valand-listaháskólann í Gautaborg með MA-gráðu frá
grafíkdeild árið 1972, flutti Guðmundur norður um haustið fyrir
áeggjan Harðar Ágústssonar sem vildi að hann tæki að sér að leiða hið
nýstofnaða Myndlistarfélag Akureyrar til vegs og virðingar, en þá um
mundir skorti sárlega kennara. Guðmundur lét strax að sér kveða sem
einn fyrsti gagnmenntaði myndlistarmaður norðurlands. Jónas Jakobsson
og Haukur Stefánsson höfðu rutt veginn ásamt Kristni G. Jóhannssyni.
Haukur stofnaði Félag frístundamálara árið 1947 sem bauð upp á
kennslu í málun og skúlptúr í höndum Jónasar uns það fjaraði út í
byrjun sjöunda áratugarins.

Það er með stolti og ánægju sem Listasafnið á Akureyri setur upp
þessa sýningu á verkum Guðmundar, sem er aðallega helguð nýlegum
málverkum hans og þrykkimyndum en varpar einnig ljósi á vítt umfang
listamannsferils hans í rúmlega fjörutíu og fimm ár. Enda þótt
lífsstarf hans samanstandi af hlutbundnum teikningum, hlutlægum og
hálf-abstrakt landslagsmálverkum, dúkristum og tréþrykksmyndum, var
það framan af tilgangurinn, fremur en formið, sem var driffjöðrin í
listsköpun hans. Félagsraunsæislegar þrykksmyndir hans og málverk frá
síðari hluta sjöunda áratugarins og þeim áttunda ­ stemmningar úr
Slippnum og vefnaðarverksmiðjum, myndir af verkafólki í vígaham ­
gerðu það að verkum að hann þótti vafasamur meðal rótgróinna borgara
á Akureyri. Slíkum mönnum ætti að halda í hæfilegri fjarlægð frá
nemendum. Guðmundur hvikaði þó hvergi frá því markmiði sínu að færa
alþýðunni listina og var í fylkingarbrjósti vaxandi hreyfingar fólks
sem vildi telja bæjaryfirvöld á það að styrkja og leggja meiri
fjármuni í þetta ólgandi listalíf, ekki síður en listmenntun.

Í tengslum við sýninguna hefur verið gefin út 150 síðna bók um
listferil Guðmundar sem í rita m.a. Kristján Kristjánsson
heimspekingur og listfræðingurinn Shauna Laurel Jones, sem segir að
ígrunduð rannsókn Guðmundar á burðarþoli og takmörkunum hinna ýmsu
miðla hafi gert honum kleift að nýta efniviðinn vel og slípa sínar
ólíku listrænu aðferðir. Á nýliðnum árum hefur Guðmundur tekið að
huga grannt að hinu formfasta hugtaki um rammann; ef hugsað er í
hugtökum er raunar erfitt að ramma inn allt hans starf á sviði
listarinnar með einstökum merkimiðum fyrir stefnur og stíla ­ en
þannig kýs Guðmundur greinilega að hafa það.

Guðmundi er fullljóst að hann hefur oft og iðulega gengið gegn
stefnum og straumum í listaheiminum, bæði á Íslandi og erlendis;
þetta hefur þó ekki verið ætlunarverk hans. Fyrst og fremst hefur
hann staðið vörð um heilindi sín sem einstaklingur og listamaður,
ómetanlegt hlutverk sitt sem kennari og þá trú sína að það sé
nauðsynlegt að næra þann mikla áhuga á listum sem íbúar á Akureyri
hafa ræktað með sér á undanförnum áratugum. Enda þótt Reykjavík hafi
löngum togað til sín listrænt og vitsmunalegt starf, hefur Guðmundur
Ármann Sigurjónsson ötullega lagt krafta sína í að Akureyri þróist á
þá lund að bærinn verði réttnefnd menningarmiðstöð upp á sitt eindæmi.

Þess má að lokum geta að í framhaldi af þessu yfirliti á verkum
Guðmundar í Listasafninu á Akureyri verða settar upp sýningar með
honum í Turpentine galleríinu í Reykjavík í júlí 2008 og í Norræna
húsinu í Færeyjum sama ár um haustið. Það mun því halda áfram að gára
um G.Ármann, eins og hann signerar myndir sínar, um ókomna tíð.

Norðurorka er aðalstyrktaraðili sýningarinnar. Nánari upplýsingar
veitir Hannes Sigurðsson, forstöðumaður Listasafnsins á Akureyri, í
síma 899-3386. Netfang: [e-mail].

GRÁLIST - engin smá list í Deiglunni

GRÁLIST engin smá list - er yfirskrift samsýningar Grálistahópsins í Deiglunni 16. ágúst kl. 14.
14 meðlimir í Grálist sýna verk sem mælast öll metri eða meir, sem er sameiginlegi útgangspunkturinn í verkunum, sem er í raun mótvægi við sýningu hópsins Grálist með smálist í desember 2007. Þá var unnið út frá því að ekkert verk væri stærra en 20 cm.

Samsýningin GRÁLIST engin smá list inniheldur verk eftir listamennina Stein Kristjánsson, Karen Dúu Kristjánsdóttir, Guðrúnu Vöku, Dögg Stefánsdóttur, Sveinbjörgu Ásgeirsdóttur, Ingu Björk Harðardóttur, Herthu Richardt, Margeir Dire Sigurðsson, Sigurlín M. Grétarsdóttur, Kristínu Guðmundsdóttur, Unni Óttarsdóttur, Steinunni Ástu Eiríksdóttur, Ásu Óladóttur og Dagrúnu Matthíasdóttur

http://gralist.wordpress.com

HLYNUR HALLSSON OPNAR SÝNINGU Í NÝLISTASAFNINU LAUGARDAGINN 16.08

HLYNUR HALLSSON
TILLIT – RÜCKSICHT – REGARD
NÝLISTASAFNIÐ, LIVING ART MUSEUM
16.08.2008 – 28.09.2008


LAUGARDAGINN 16.08 KLUKKAN 17 OPNAR HLYNUR HALLSSON EINKASÝNINGU SÍNA: TILLIT – RÜCKSICHT – REGARD Í NÝLISTASAFNINU.

SÝNINGIN ER NOKKURSKONAR YFIRLITSSÝNING OG SAMANSTENDUR AF ELDRI OG NÝRRI VERKUM. M.A. STÓRRI FJÖLSKYLDUMYND, LÍNUTEIKNINGUM OG PÓSTKORTUM AF GÖTUM ÚR HEIMABÆ HANS; AKUREYRI, SPREYVERKUM OG MYNDBÖNDUM OG VIÐAMIKILLI LITASTÚDÍU Í GLUGGA SAFNSINS. Í TILEFNI SÝNINGARINNAR MUN HLYNUR KYNNA BÓK SEM KEMUR ÚT Í SEPTEMBER UM VERKRÖÐINA "MYNDIR - BILDER -PICTURES". SÝNINGIN STENDUR TIL SUNNUDAGSINS 28. SEPTEMBER 2008. OG NÝLISTASAFNIÐ ER OPIÐ ALLA VIRKA DAGA KLUKKAN 10-17 OG LAUGARDAGA KLUKKAN 12-17.

SÝNINGIN ER UNNIN Í NÁINNI SAMVINNU VIÐ NÝLISTASAFNIÐ OG ER HLUTI AF AFMÆLISDAGSKRÁ SAFNSINS, EN ÞAÐ FAGNAR NÚ 30 ÁRA AFMÆLI SÍNU. Í TILEFNI ÞESS HEFUR NÝLÓ TEKIÐ SAFNEIGN SÍNA FYRIR OG UNNIÐ MARKVISST AÐ GERA SÖGU SÍNA AÐGENGILEGA. MEÐ SÝNINGU SINNI BRÝTUR HLYNUR ÞAÐ FERLI NIÐUR, VELTIR UPP NÝJUM SJÓNARHORNUM Á STARFSEMI SAFNSINS OG HLUTVERK ÞESS.

TILLIT – RÜCKSICHT – REGARD ER ÞRIÐJA STÓRA SÝNINGIN Í NÝLISTASAFNINU Á ÞESSU AFMÆLISÁRI. HILDIGUNNUR BIRGISDÓTTIR REIÐ Á VAÐIÐ OG NÚ SÍÐAST SÝNDI SÆNSKI LISTAMAÐURINN KARL HOLMQVIST VERK SÍN Á LISTAHÁTÍÐ Í REYKJAVÍK. SÝNINGARNAR HAFA ALLAR FJALLAÐ UM, BEINT SJÓNUM SÍNUM AÐ, BENT Á EÐA TEKIÐ TILLIT TIL MIKILVÆGRAR SÖGU NÝLISTASAFNSINS.

NÁNARI UPPLÝSINGAR UM VERK HLYNS ER AÐ FINNA Á WWW.HALLSSON.DE

HEIMASÍÐA NÝLISTASAFNSINS ER WWW.NYLO.IS

Bók um Margréti Jónsdóttur leirlistakonu

Um miðjan janúar 2009 verður opnuð einkasýning í Listasafninu á Akureyri á
verkum Margrétar Jónsdóttur leirlistakonu. Hún hefur starfað óslitið að list
sinni frá árinu 1985 og haldið nokkrar einkasýningar og tekið þátt í fjölda
samsýninga bæði á Íslandi og erlendis. Í tilefni opnunarinnar gefur
Listasafnið út bók um Margréti og list hennar. Í hana rita listfræðingarnir
Shauna Laurel Jones og Aðalsteinn Ingólfsson og Sigurður Örn Guðbjörnsson
mannfræðingur. Auk þess prýðir bókina fjöldi ljósmynda.

Þér/ykkur er hér með boðið að kaupa bókina í forsölu og fá þannig nafn
þitt/ykkar á Tabula Gratulatoria á titilsíðu bókarinnar. Verð bókarinnar er
4.500.- og greiða þarf andvirðið inn á reikning 1145-26-11421, kennitala
051061-5279 fyrir 15.september en þá fer bókin í prentun. Við greiðslu er
nauðsynlegt að fram komi nafn, kennitala og heimilisfang greiðanda. Hægt
verður að nálgast bókina á Listasafninu á meðan á sýningu stendur, en þeir
sem þess óska geta fengið bókina senda í pósti á kostnað kaupanda.

Nafn greiðanda mun birtast á Tabula Gratulatoria, en sé óskað eftir að
fleira en eitt nafn komi fram þarf að hafa  samband við verkefnisstýru í
síma 4663365 eða 6632525 og á netfangið signyjons(hjá)internet.is sem mun gefa
allar frekari upplýsingar.

Umsóknarfrestur Norræna menningarsjóðsins rennur út 1. september

Ég minni á að næsti umsóknarfrestur Norræna menningarsjóðsins rennur út 1. september.

Á heimasíðu skrifstofunnar hef ég uppfært "styrkjadagatalið". Þar kemur fram umsóknarfrestur norrænna styrkja til menningarstarfs.

Góðar kveðjur

María Jónsdóttir
Forstöðumaður Norrænu upplýsingaskrifstofunnar
Leder Nordisk informationkontor
Netfang/e-post: mariajons(hjá)akureyri.is
hjemmeside: www.akmennt.is/nu

Norræna upplýsingaskrifstofan/Nordisk informationkontor
Kaupvangsstræti 23
600 Akureyri
Island.
Sími: 462 7000 Fax: [phone]

Lína sýnir það sem augað ekki greinir

Sigurlín M. Grétarsdóttir - Lína - opnar myndlistasýninguna "Það sem augað ekki greinir" föstudaginn 8. ágúst kl. 17-20 í DaLí Gallery á Akureyri.
Lína dregur fram fegurðina í því sem við sjáum í hversdagsleikanum en augað greinir ekki vegna smæðar sinnar og setur það fram í olíumálverkum sínum svo allir getið notið.
 
Lína útskrifaðist af fagurlistadeild Myndlistarskólans á Akureyri 2007. Þar á undan hafði hún stundað nám við Iðnskólann í Hafnarfirði í 3 ár á hönnunarbraut og útskrifaðist þaðan sem tækniteiknari.

Lína er annar eigenda DaLí Gallery á Akureyri ásamt listakonunni Dagrúnu Matthíasdóttur og er félagi í samsýningarhópnum Grálist.

Sýningin stendur til 24. ágúst
 
Lína s. 8697872 - 5554453
http://daligallery.blogspot.com
http://gralist.wordpress.com

Jóna Hlíf opnar sýninguna HOLE UP í Listasal Mosfellsbæjar

    MYNDLISTAOPNUN
    Listasalur Mosfellsbæjar
    Kjarna, Þverholt 2
    Laugardaginn 09.08.2008
    klukkan 14:00

 

    Jóna Hlíf opnar sýninguna H O L E  UP
    Hole Up v, to go into a hole; retire for the winter, as a hibernating animal.
    
    Á laugardaginn 9. ágúst klukkan 14:00 opnar sýningin H O L E  UP í Listasal Mosfellsbæjar. Jóna Hlíf Halldórsdóttir sýnir þá samnefnda innsetningu sem er mynduð úr skúlptúr og hljóðverki.
    
     „H O L E  UP er lokahnykkur á innsetningum þar sem ég hef verið að prófa mig áfram með ljós og efni til að kveikja hughrif í rýmum," segir Jóna Hlíf. „Áður hef ég sýnt einkasýningu á Akureyri og tekið þátt í samsýningu í Portúgal þar sem ég nota rýmið í bland við ákveðna grunnþætti til að búa til nokkurs konar hella eða hreiður. Lokaniðurstaðan í ferlinu er ólík í hvert skipti, innsetningarnar verða aldrei eins í uppsetningunni, þótt spilað sé með sömu grunnþætti í hvert skipti – ljós og efni. Fyrir vikið er hver hellir einstakur og þeir breytast eðlilega eftir sem ég venst efninu sem ég nota í uppsetningar. Einhver óræður kuldi er samt kjarninn í öllum hellunum, eins og líklega í flestum hellum, nema mínir hellar hafa líka við sig einhver notalegheit í bland við ónáttúruna. "
    
    Titill sýningarinnar vísar að sögn Jónu til árstímans, nú þegar dagur er tekinn að styttast og nóttin að lengjast. „Rökkrið er farið að sækja á," segir Jóna Hlíf „og fyrir vikið tikkar Íslendingseðlið inn. Fólk fer að sækjast í að marka sér holur og hýði og sumir draga sig í hlé fram í apríl eða maí. Kannski er þetta hellalíf á veturna partur af útileguarfleifðinni, ég veit það ekki. Allavega er það ennþá ríkt í okkur að geta hjúfrað okkur upp að sjónvarpinu, sófanum og teppinu þegar veturinn er kaldastur og helblá snjóbirtan ætlar allt að kæfa."
    
    Jóna Hlíf fæst við innsetningar, skúlptúra, vídeó, málverk og texta í listsköpun sinni. Hún útskrifaðist með MFA gráðu frá Glasgow 2007. Jóna starfar sem sýningarstjóri við Gallerí Ráðhús og VeggVerk á Akureyri. Hún var einn af umsjónarmönnum Gallerís BOX frá stofnun til 2008 og sá um Gestavinnustofuna á Akureyri veturinn 2007-2008. Framundan á árinu er sýning í D-sal Listasafns Íslands, Grasrótarsýning í Verksmiðjunni á Hjalteyri og á næsta ári tekur Jóna Hlíf þátt í samsýningu í Vancouver.
    
    Sýningin stendur yfir til 6. September 2008.
    Nánar upplýsingar um verk Jónu Hlífar er að finna á heimasíðunni; www.jonahlif.com

    Allir velkomnir.

 Jóna Hlíf Halldórsdóttir                                                                                                                   
    sími 6630545
    Listasalur Mosfellsbæjar

    Sími 566 6822
    [e-mail]


www.mos.is/bokasafn

MÁLVERK Á FISKIDEGI

 

Guðbjörg Ringsted opnar málverkasýningu á Dalvík þann 7. ágúst kl. 17:00.
Sýningin er til húsa í Krækishúsinu við Hafnarbraut og mun standa til og með 10 ágúst, eða á meðan á fiskidögum stendur.  Þetta er 14. einkasýning Guðbjargar en það eru um 20 ár síðan hún sýndi síðast á Dalvík.  Málverkin eru öll frá árinu 2007 og 2008 og er yrkisefnið laufa- og blómamunstur sem hún hefur unnið með undanfarið. Má t.d. sjá baldýringamunstur liðast um myndflötinn.
Sýningin er opin frá kl. 14:00 til kl. 22:00 föstudag og laugardag en frá 14.00 til 18:00 á sunnudag.
Sjá fiskidagur.muna.is
Allir velkomnir !

Listasmiðja fyrir börn í Verksmiðjunni á Hjalteyri

 

Verksmiðjan - Menningarmiðstöð á Hjalteyri

Helgina 9. - 10. ágúst kl. 10-15 verður listasmiðja fyrir 10-14 ára

Leiðbeinendur eru:
Gústav Geir Bollason
Aðalheiður S. Eysteinsdóttir
Þórarinn Blöndal

Ekkert Þátttökugjald
Skráning hjá Aðalheiði í síma 8655091

Laugardaginn 9. ágúst
10:00 - 15:00 Listasmiðja
15:00 Sönggjörningur - Arna Valsdóttir
15:30 Leiðsögn um sýninguna
18:00 Kammerkórinn Hymnodia

Sunnudaginn 10. ágúst
15:30 Leiðsögn um sýninguna
10:00 - 15:00 Listasmiðja

Opið á Kaffi Lísu og skemmtilegar gönguleiðir.

Opið í Verksmiðjunni frá fimmtudegi til sunnudags klukkan 14:00 - 17:00

nánari upplýsingar á www.verksmidjan.blogspot.com

Dúett Ólafar Bjarkar Bragadóttur og Sigurðar Ingólfssonar í Deiglunni

Verið velkomin á sýninguna Dúett sem opnar í Deiglunni á listasumri á Akureyri laugardaginn 2. ágúst
klukkan 15:00.
 
Að því tilefni kemur út bókin Dúett sem er samstarfsverkefni Ólafar Bjarkar Bragadóttur og Sigurðar Ingólfssonar. Ólöf Björk Bragadóttir sýnir  myndirnar sem eru í bókinni og Sigurður les upp ljóðin. Þetta er sonnettusveigur, sem samanstendur af fimmtán sonnettum, þar sem hver lokalína er upphafslína næstu sonnettu og síðan síðasta sonnettan búin til úr upphafs/lokalínum allra sonnettanna.
 
Sjá nánar í auglýsingin frá Listasumri:

http://www.listasumar.akureyri.is/Blogg/8486761B-F6E9-4366-8E2C-C72552CC19A4.html