Samsýningin Remote / Afskekkt í Segli 67 á Siglufirði

Miðvikudaginn 4. júlí kl. 18.00 – 21.00 opnar sýningin Afskekkt í sýningarrými Seguls 67 á Siglufirði. Sýningin er opin daglega kl. 14.00 – 18.00 á Strandmenningarhátíðinni til 8. júlí.
Listamennirnir sem taka þátt í sýningunni Afskekkt eru allir búsettir, alfarið eða að hluta í Fjallabyggð, og er áhugavert að stefna þeim saman til sýningar á Strandmenningarhátíð.
Listamennirnir eru: Örlygur Kristfinnsson, Brynja Baldursdóttir, Helena Hansdóttir Aspelund, Aðalheiður S. Eysteinsdóttir, Bergþór Morthens, Hrafnhildur Ýr Denke, Brák Jónsdóttir, J Pasila, Arnar Ómarsson, Ólöf Helga Helgadóttir, Helena Stefánsdóttir, Arnar Steinn Friðbjarnarson, Eva Sigurðardóttir, Hólmfríður Vídalín Arngrímsdóttir, Garún, Bára Kristín Skúladóttir.


Afskekkt

Að morgni hátíðardags fara vegaverkamenn á fánum skreyttu fjórhjóli um bæinn og mála sebradýr þvert á akbrautir. Íbúar Fjallabyggðar safnast saman til ræðuhalda, kaffidrykkju og skemmtana. Fólk er uppáklætt og lætur napran norðan vindinn ekki hafa áhrif á hátíðarskapið. Enn snjóar í fjöll, enda erum við stödd í einni af nyrstu byggðum Íslands. Í dag er heldur rólegra yfir Siglufirði en Ólafsfirði þar sem hátíðardagskráin fer fram að mestu. Kötturinn Lóa hirðir ekki um sebrarendurnar og lallar letilega skáhallt yfir Túngötuna. Fjölskyldur aka saman um bæinn og kíkja inn á sýningar og söfn. Hér veit fólk að einstaklingsframtakið er lífsnauðsynlegt sem og samvinna og samhugur í öllum málum. Það hefur sýnt sig að það munar um hverja manneskju og hverja þá skapandi hugsun sem kemur góðu til leiðar. Frumkrafturinn á þessum afskekkta stað stafar frá ólgandi Atlantshafinu, frá stórbrotnum fjallahringnum sem umvefur allt, með norðanstormi og sunnanvindum. Mannlífið er í takti við náttúruna og vitundina um að hér er fegurðin fegurst og drunginn dekkstur.


Aðalheiður S. Eysteinsdóttir, sýningarstjóri.

Freyja Eilíf sýnir í Kompunni, Alþýðuhúsinu á Siglufirði

Miðvikudaginn 4. júlí kl. 14.00 opnar Freyja Eilíf sýningu í Kompunni, Alþýðuhúsinu á Siglufirði.


"Listaverk um ferðalög út úr mannslíkamanum inn í aðra heima "Trommukjöt, sýning eftir Freyju Eilíf opnar miðvikudaginn 4. júlí kl. 14:00 – 17.00 í Kompunni, Alþýðuhúsinu á Siglufirði. Til sýnis verða nýleg verk eftir listakonuna sem unnin eru eftir leiðslum út úr mannslíkamanum inn í aðra heima.
Sýningin er opin daglega til 22. júlí frá kl. 14.00 – 17.00

"Á sýningunni Trommukjöt verða málverk, skúlptúrar og vídjóverk sem ég hef unnið sem minjar og vísbendingar annarra tilvistarsviða eftir eigin tilraunir gegnum drauma- og hugleiðsluferðalög. Það sem drífur mig áfram í þessari rannsókn er forvitni um jarðvist mannsins og það sem ekki er staðfastlega vitað um heiminn og okkur sjálf. Með verkunum vil ég færa víddirnar, raunverulegar og ímyndaðar, huldar og óstaðsettar inn í okkar veruleika. Til þess að varðveita þær og færa hugmyndina um víddirnar nær okkur og þenja þannig svæði mannshugans sem og heiminn sem hann dvelur í.

Freyja Eilíf er fædd í Reykjavík 1986 og útskrifaðist af myndlistardeild Listaháskóla Íslands árið 2014. Hún hefur unnið sýningar víða um Norðurlönd og Evrópu ásamt því að starfrækja sýningarýmið Ekkisens í Þingholtunum í miðbæ Reykjavíkur til dagsins í dag sem hún stofnaði árið 2014. Freyju voru veitt laun úr starfsjóði listamanna árið 2018 og að auki hefur hún hlotið margvíslegar viðurkenningar fyrir störf sín á sviði myndlistar, svo sem tilnefningu til Menningarverðlauna DV 2016 og Tilberann árið 2015.

Freyja Eilíf 692-5114

Uppbyggingarsjóður/Eyþing, Fjallabyggð, menningarsjóður Siglufjarðar og Egilssíld styrkja menningarstarf í Alþýðuhúsinu á Siglufirði.

Vinnustofur og sýningarrými til leigu í Listagilinu

Listasafnið á Akureyri hefur til leigu tvö mismunandi rými fyrir listamenn á Akureyri. Rýmin eru hugsuð sem vinnustofur og sýningarrými sem reglulega væru opin almenningi. Þar væri boðið upp á viðburði og starfssemin sem þar færi fram þyrfti að tengjast og vera í samvinnu við aðra starfssemi í Listagilinu.

Húsnæði til leigu:

1. Rými að stærð 60 m2
þar sem áður var Mjólkurbúðin og Jónas Viðar Gallerí. Mánaðarleiga er 80.000 kr.

2. Rými að stærð 110 m2
þar sem áður voru geymslur Listasafnsins. Mánaðarleiga er 110.000 kr.

Húsnæðið leigist frá 15. ágúst 2018 til 4 ára að uppfylltum skilyrðum. Tilboðum skal skilað á [e-mail] fyrir 10. júlí 2018. Þriggja manna dómnefnd velur úr innsendum umsóknum.

Kynningarfundur verður haldinn mánudaginn 2. júlí kl. 16 í Listasafninu á Akureyri, Ketilhúsi. Þar verður húsnæðið sýnt og spurningum svarað.

Hönnuðarspjall með Anítu Hirlekar í Listasafninu

Hönnuðarspjall með Anítu Hirlekar verður í Listasafninu á Akureyri laugardaginn 30. júní kl. 15. Aðgangur ókeypis.

Hlynur Hallsson sýningarstjóri og safnstjóri Listasafnsins ræðir við Anítu um sýningu hennar í Listasafninu, feril og framtíð. Gestum er velkomið að taka þátt í samtalinu og hér er gott tækifæri til að kynnast hönnun Anítu betur.

Í hugmyndafræði Anítu Hirlekar sameinast handverk og tískuvitund með einkennandi hætti. Listrænar litasamsetningar og handbróderaður stíll eru áberandi þættir í hönnun hennar.

Aníta er fædd á Akureyri árið 1986. Hún lauk BA námi í fatahönnun með áherslu á textílprent 2012 og MA gráðu í textílhönnun fyrir tískufatnað frá Central Saint Martins í London 2014. Hún hefur tekið þátt í fjölda sýninga bæði á Íslandi og erlendis, m.a. á tískuvikunni í London og París, Espoo Museum of Modern Art í Finnlandi og í Hönnunarsafni Íslands. Aníta var tilnefnd til Menningarverðlauna DV 2015 og hönnun hennar var í forvali fyrir Hönnunarverðlaun Íslands 2015. Hún hlaut Fashion Special Prize í International Talent Support hönnunarkeppninni á Ítalíu 2014.

Sýning Anítu Hirlekar í Listasafninu á Akureyri stendur til 16. september 2018.

https://www.facebook.com/events/468351863586443

 

Gunnhildur Helgadóttir, Freyja Reynisdóttir og Karólína Baldvinsdóttir sýna í Deiglunni

Verið velkomin á opnun sýningarinnar Veður í Deiglunni í Listagili, föstudaginn 29. júní kl. 20 - 22. Myndlistarmennirnir Gunnhildur Helgadóttir, Freyja Reynisdóttir og Karólína Baldvinsdóttir sýna ný verk og innsetningu innblásna af veðrinu.

Opnunartímar:
Fös. 29. júní kl. 20 - 22
Lau. 30. júní kl. 14 - 17
Sun 1. júlí kl. 14 - 17

lægi ræna derringur stroka gustur kuldastormur hægviðri ofankoma fönn ofsarok sperringur fjúk næpingur bál hret pos blær harðfenni lausamjöll stórveður kuldastrekkingur gráð snarvindur hríð krap snjóalög rok stólpi kafaldsbylur stórviðri snerta fjúk ofankafald él músarbylur skafelgur ókjör sveljandi frostleysusnjór muggukafald sperra kæla stormur hríð skakviðri hreytingur hraglandi snjókoma næðingur óveður svælingsbylur dúnalogn galdraveður strykur blindöskubylur hviða gol ördeyða hvirfilbylur snjódyngja skafl leysing snjóhula gamburgarri belgingur áfreði snjóakk fok fannburður hregg kyrrviðri áhlaup fannfergi hroði ljón kylja öskurok rokstormur nýsnævi stólparok hrakviðri stórastormur remba drif kul ofviðri kári andvari illviðri bál gjóstur hryðja drífa snjóreykur streytingur vindsvali skafrenningur brimleysa ofsaveður fok andblær skæðadrífa vindur mjöll veðrahamur snjóhald dús klessingur logndrífa stilla hríðarkóf tíkargjóla rumba snjóhengja blæs gola strengur slitringur snjóburður svak grjónabylur kafald bálviðri streyta snær rembingur svali svipur gerringur maldringur manndrápsveður strekkingur bylur runta Aftakaveður sólbráð hundaveður snjófukt mannskaðaveður mugga hrök kali logn vindblær súgur skafmold andi kóf foráttuveður hjarn kófviðri vonskuveður éljagangur aska vindkul nepja snerra haglél slagveður gjóna ofsi hundslappadrífa flyksumjöll mulla gjóla stórhríð moksturskafald fellibylur veðurofsi blástur lágdeyða túða kaldi hvassviðri svalr

Karólína Baldvinsdóttir er fædd og uppalin að mestu á Akureyri, en hefur, eftir að uppeldi lauk, farið víðar til dvalar og starfa. Hún útskrifaðist úr Myndlistaskólanum á Akureyri árið 2014 og hefur síðan þá tekið þátt í og staðið fyrir ýmsum einka-­ og samsýningum og verkefnum.

Freyja Reynisdóttir er fædd 1989, hefur verið og verður áfram allskonar einstaklingur ásamt því að vera listamaður hér og þar.

Gunnhildur Helgadóttir er fædd á Akureyri árið 1980, hún útskrifaðist af fagurlistabraut Myndlistaskólans á Akureyri árið 2013 og Keramikbraut/Mótun Myndlistaskólans í Reykjavík árið 2015. Gunnhildur er með veðrið á heilanum.

Sýningin er hluti af Listasumar á Akureyri / Akureyri Art Summer

https://www.facebook.com/events/232992224174068

//

Please join us for the opening of the exhibition Weather/Veður in Deiglan, Listagil on Friday, June 29th hr. 20 - 22. Visual artists Gunnhildur Helgadóttir, Freyja Reynisdóttir and Karólína Baldvinsdóttir exhibit new works and installations inspired by the weather.

Opening hours:
Fri. June 29th hr. 20 -22
Sat. June 30th hr. 14 - 17
Sun. July 1st hr. 14 - 17

anchorage rob derring stroke flurry freezing wind light wind snowfall snow ofsarok sperringur Fiuk næpingur fire hret pos tint frozen snow loose snow large weather cold stretching GRAD instant wind while slush snow accumulation windy pillar Heavy Blowing Snow storm touch Fiuk ofankafald hail mouse wind scratch moose deposit vast amounts starvation frozen solvent snow muggukafald BEAM cool storm while bias wind hreytingur hraglandi snow privacy isolate storm svælingsbylur descends magic weather escapes blind ash hurricane Gust gol ördeyða whirling snow shield shaft digestion snow wraps gamburgarri Belgingur exit snjóakk Fok found birth hregg still wind run fannfergi acceleration lion kylja öskurok rokstormur nýsnævi stólparok hrakviðri big storm remba drive kul storm Kari breeze storms bonfire gjóstur flurries hurry snow increases streytingur wind choice Blowing surf resolve storm Fok windswept windswind windsweather windswind snowdrift clusters sleepy calm hríðarkóf tíkargjóla rumba snow hanging blows breeze string wear dioxide snow wonder antigen grains hurricane kafald bálviðri flowing Snær macho coolness likeness rightly rate pressures maldringur murder weather blocked wind runt Extreme weather thaw dogs weather snjófukt loss of life weather Mugga arrogance Kali calm still small free environment scratch mold spirit KOF above criticism weather cerebral kófviðri swept snowshowers ash vindkul nepja Snerra hail rains Gjon freaky doggy dragonfly flydocks mulla goggle big-haul moksturskafald hurricane weather-blow blowjob low-tide duck kald whale swallow

Karólína Baldvinsdóttir is born and mostly bred in Akureyri, but has been all over to stay and work. She graduated from Akureyri School of Visual Arts in 2014 and has since participated in and organized several private- and group exhibitions and various art projects.

Freyja Reynisdóttir is born in 1989 and has been and will continue to be an individual of all sorts as well as an artist here and there.

Gunnhildur Helgadóttir is born in Akureyri in 1980, she graduated from Fine Arts in Akureyri School of Visual Arts in 2013 and Ceramics/Sculpture in Reykjavík School of Visual Arts in 2015. Gunnhildur has the weather on her mind.

Opið allan sólarhringinn í Listasafninu á Jónsmessuhátíð

 

Listasafnið á Akureyri tekur þátt í Jónsmessuhátíð á Akureyri um helgina. Opið verður allan sólarhringinn, frítt verður inn í safnið og boðið upp á viðburði.

Fjölskylduleiðsögn og listasmiðja laugardaginn 23. júní kl. 11-12

Heiða Björk Vilhjálmsdóttir, fræðslufulltrúi, segir börnum og fullorðnum frá sýningu Anítu Hirlekar, Bleikur og grænn. Að lokinni leiðsögn er gestum boðið að búa til sitt eigið verk, innblásið af verkum Anítu. Safnkennsla og fræðsla fyrir börn og fullorðna í Listasafninu er styrkt sérstaklega af Norðurorku.

Leiðsögn um sýninguna Fullveldið endurskoðað laugardaginn 23. júní kl. 15-15:45

Arndís Bergsdóttir, safnafræðingur verður með leiðsögn um sýninguna Fullveldið endurskoðað. útisýningu sem sett er upp á átta völdum stöðum í miðbæ Akureyrar, í tilefni að aldarafmæli fullveldis Íslands. Alls eiga 10 ólíkir myndlistarmenn verk á sýningunni sem gerð eru sérstaklega fyrir sýninguna. Listamennirnir eru: Guðmundur Ármann Sigurjónsson, Gunnar Kr. Jónasson, Hrefna Harðardóttir, Jón Laxdal Halldórsson, Jónína Björg Helgadóttir, Karólína Baldvinsdóttir, Libia Castro og Ólafur Ólafsson, Rebekka Kühnis, Samúel Jóhannsson og Snorri Ásmundsson. Markmiðið með sýningunni er að sýna nýja hlið á stöðu fullveldisins á okkar tímum og fá áhorfendur til að velta fyrir sér hugmyndum, útfærslum og fjölbreyttum sjónarhornum því tengdu.

Leiðsögnin hefst kl. 15 við Listasafnið á Akureyri, Ketilhús og svo er gengið á milli verkanna. Leiðsögnin tekur um 45 mínútur.

Sýningin hlaut styrk úr sjóði aldarafmælis fullveldis Íslands.

Vasaljósaleiðsögn um sýningu Anítu Hirlekar, aðfaranótt sunnudags kl. 1-1:30 

Klukkan 1 eftir miðnætti á aðfaranótt sunnudagsins 24. júní verður boðið upp á vasaljósaleiðsögn um sýningu Anítu Hirlekar Bleikur og grænn í Listasafninu á Akureyri, Ketilhúsi. Hlynur Hallsson sýningarstjóri segir gestum frá sýningunni og einstaka verkum með tendruð vasaljós. Leiðsögnin er hluti af Jónsmessuhátíð á Akureyri. Það er opið alla nóttina í Listasafninu á Jónsmessuhátíð og aðgangur er ókeypis.

Þau sem vilja geta tekið með sér vasaljós en einnig er hægt að fá vasaljós lánuð á Listasafninu.

 

Braggast á sólstöðum í Bragganum Yst

Braggast á sólstöðum í Bragganum Yst.

Bragginn Yst í Öxarfirði er í 26 km fjarlægð frá Vatnajökuls Þjóðgarðinum í Jökulsárgljúfrum og Ásbyrgi.

http://yst.is

 

Dana Neilson og Tuomo Savolainen sýna í Deiglunni

Verið velkomin á opnun Surrounded By, sýningar á verkum gestalistamanna Gilfélagsins, Dana Neilson og Tuomo Savolainen. Sýningin verður opnuð kl. 14 – 17 á laugardag, 23. júní og er líka opin á sunnudag, 24. júní kl. 14 – 17. Sýningin er hluti af Jónsmessuhátíð / Midsummer Magic og Listasumar á Akureyri / Akureyri Art Summer.

Verkin eru innblásin af Akureyri og nágrenni. Tuomo Savolainen mun sýna landslagsteikningar í anda 36 sjónarhorn á Fuji eftir Katsushika Hokusai sem kallast 15 sjónarhorn á Súlur. Portrett af sjávarbæ (Portrait of a Coast Town) eftir Dana Neilson er athugun á notkun fundins efnis i í keramiki. Verkin eru blanda af söfnun, kortum og tilraunum og leggur áherslu á að ferlið í listsköpun sé jafnáhugavert og lokaútkoman.

Dana Neilson er kanadískur myndlistarmaður sem er búsett í Helsinki, Finnlandi. Hún er lærður ljósmyndari en vinnur einnig með keramik, skúlptúr og vídeolist. Þema verka hennar er samband fólks við umhverfi sitt og hvernig ytra umhverfi hefur áhrif á innra sjálf. Í augnablikinu er útgangspunkturinn spurningin hvað er náttúrulegt við mannlegt eðli? Regla á móti óreglu (menning á móti náttúru) og keramik frá grunni. Dana mun útskrifast með mastersgráðu í myndrænni menningu og nútímalist frá Aalto háskólanum í Finnlandi. Verk hennar hafa verið sýnd í Kanada og Finnlandi og á næstunni mun hún sýna í fleiri löndum.

Tuomo Savolainen er frá Finnlandi og vinnur helst með innsetningar, vídjó og hljóð. Verk hans fjalla um væntingar, fyrirframgefnar hugmyndir, hið augljóslega óvænta og húmor, fyndnan jafnt sem ófyndnan. Hann býr til kvikmyndir í óvenjulegum formum sem og ósennilegar innsetningar af jarðfræði-, veðurfræði- og menningarfyrirbærum.
///

You are invited to Surrounded By, an exhibition of works created by Dana Neilson and Tuomo Savolainen while at Gil artist residency. Please join us for light refreshments on Saturday, June 23rd hr. 14 – 17 or on Sunday hr. 14 – 17. The event is a part of Jónsmessuhátíð / Midsummer Magic and Listasumar á Akureyri / Akureyri Art Summer.

The artwork is inspired by city of Akureyri and the surrounding area. 15 views to Mt.Súlur (Tuomo Savolainen) are landscape drawings inspired by the series 36 views to Mt.Fuji by Katsushika Hokusai. Portraits of a Coast Town (Dana Neilson) is an exploration into the use of found material in ceramics. The work is a mixture of collections, maps and experiments and highlights the process of art making as just as interesting as a final art object.

Dana Neilson is a Canadian artist based in Helsinki, Finland. A photographer by education her practice also includes ceramics, sculpture and video art. The overarching theme is her work is the relationship humans have with their environment and how our physical world influences our interior selves. At the moment her main points of inquiry are what’s natural about human nature? Order vs. disorder (culture vs. nature) and ceramics from scratch. She will graduate this spring from Aalto University Finland with a Master’s of Visual Culture and Contemporary Art. Her work has been exhibited in Canada and Finland and she has upcoming exhibitions abroad.

Tuomo Savolainen is a Finnish artist who works primarily with installation, video and sound. His work deals with expectation, preconceived ideas, the obviously unexpected and humor, whether it’s funny or not. He creates films in unanticipated formats as well as far fetched installations of geological, meteorological and cultural phenomena.

https://www.facebook.com/events/463111560795767

MINJAR AF MANNÖLD / ARCHAELOGY FOR THE ANTHROPOCENE Í Verksmiðjunni á Hjalteyri

Opnun í Verksmiðjunni á Hjalteyri, 17. júní 2018.
«MINJAR AF MANNÖLD/ARCHAELOGY FOR THE ANTHROPOCENE »
Í Verksmiðjunni á Hjalteyri.
Ívar Brynjólfsson, Svavar Jónatansson, Þorsteinn Cameron, Pétur Thomsen og Pharoah Marsan. Sýningarstjóri: Pétur Thomsen

Verksmiðjan á Hjalteyri, 17.06 – 22.07 2017 / Neðst á Hjalteyri við Eyjafjörð / 601 Akureyri.
http://verksmidjanhjalteyri.com
einnig: https://www.facebook.com/verksmidjan.hjalteyri
Opnun laugardaginn 17 júní kl. 14:00. Opið þri-sun 14:00-17:00
5. maí - 10. júní 2018

Sunnudaginn 17. Júní kl. 14:00 opnar sýningin «MINJAR AF MANNÖLD Archaeology for the Anthropocene », í Verksmiðjunni á Hjalteyri. 

Aðgerðir mannsins undanfarnar aldir hafa breytt heiminum svo mikið að farið er að tala um nýtt jarðsögulegt tímabil, Anthropocene.
Fólksfjölgun, ofurborgir, gríðarlegur bruni jarðefnaeldsneytis og rask á lífríki eru meðal þeirra þátta sem hafa haft áhrif á hlýnun jarðar. Vegna þessara varanlegu áhrifa mannsins á lífhvolfið; jarðskorpuna, lofthjúpin og höfin, er farið að tala um Mannöldina eða Anthropocene.
 
Áhrif mannsins á umhverfið og náttúruna eru mörgum listamönnum hugleikin.
Sýninging MINJAR AF MANNÖLD Archeology for the Anthropocene  samanstendur af verkum fimm ljósmyndara sem tengjast viðfangsefninu. Ljósmyndararnir eru Ívar Brynjólfsson, Svavar Jónatansson, Þorsteinn Cameron, Pétur Thomsen og Pharoah Marsan.
Sýningarstjóri er Pétur Thomsen.

///

The exhibition «ARCHAELOGY FOR THE ANTHROPOCENE» opens on Sunday 17th of June at Verksmiðjan Hjalteyri. ARCHAELOGY FOR THE ANTHROPOCENE is an exhibition with works by Ívar Brynjólfsson, Svavar Jónatansson, Þorsteinn Cameron, Pétur Thomsen og Pharoah Marsan.

The actions of man in the last centuries has had such an impact on our planet that we are now talking about a new geological epoch, the Anthropocene.
Population growth, super cities, excessive burning of fossil fuels and disruption of nature are among contributing factors to the global warming. Because of the permanent effects of man on the biosphere; the Earth's crust, the atmosphere and the oceans, we are now talking about a new epoch the Anthropocene.

Many artists are preoccupied by the effects of man on nature and the environment. The exhibition Archeology for the Anthropocene consists of works by five photographers related to the subject. The photographers are Ívar Brynjólfsson, Svavar Jónatansson, Þorsteinn Cameron, Pharoah Marsan and Pétur Thomsen.
The curator is Pétur Thomsen

Frekari upplýsingar veita: Gústav Geir Bollason [e-mail] [e-mail] og í síma: 4611450 og 6927450. Pétur Thomsen [e-mail]  og í síma: 8998014

Sýningin er styrkt af afmælisnefnd aldarafmælis fullveldis Íslands og hluti af opinberri dagskrá afmælisársins.

Koma listamannanna og sýningin eru styrkt af, Fullveldissjóði, Uppbyggingarsjóði, Myndlistarsjóði, Hörgársveit og Ásprenti.

Listmálararnir Kristján Eldjárn og Ragnar Hólm sýna í Deiglunni

Abstrakt

Listmálararnir Kristján Eldjárn og Ragnar Hólm sýna í Deiglunni

Listmálararnir Kristján Eldjárn og Ragnar Hólm leiða saman hesta sína á samsýningu í Deiglunni á Akureyri helgina 15.-17. júní nk. Báðir sýna þeir málverk sem eru abstrakt eða óhlutbundin að mestu eða öllu leyti en Ragnar sýnir að auki nokkrar nýjar vatnslitamyndir. Sýningin verður opnuð föstudaginn 15. júní kl. 17-19 og er einnig opin laugardaginn 16. júní og þjóðhátíðardaginn 17. júní frá kl. 14-17 báða dagana. Pálmi Gunnarsson og Kristján Edelstein leika tónlist af fingrum fram við opnun föstudaginn 15. júní.

Glíman við hið óhlutbundna í málverkinu getur verið snúin og allt frá því abstrakt málverkið kom fyrst fram, og vakti hneykslan margra, hafa efasemdarmenn haldið því fram að abstrakt sé krass sem hvaða barn sem er geti framkallað á strigann. Að halda slíku fram er ekki út í hött og má í því samhengi vitna til orða Pablos Picassos sem sagði að öll börn væru listamenn en það rjátlaðist í flestum tilvikum smám saman af þeim þegar þau yxu úr grasi.

„Þegar fólk eldist þá missir það gjarnan óbeislaðan sköpunarkraftinn og sker á tengslin við listamanninn í sjálfu sér,“ segir Kristján Eldjárn. „Listmálarinn þarf því að gefa sjálfum sér lausan tauminn og láta ímyndunaraflið taka völdin svo abstrakt málverkið verði einlægt og standi fyrir sínu sem listaverk. „Allt sem við getum ímyndað okkur er raunverulegt,“ er einnig haft eftir Picasso og það rammar e.t.v. inn hugmyndina um hið óhlutbundna.“

Kristján Eldjárn og Ragnar Hólm hafa fengist við myndlistina af fullum þunga síðustu árin og haldið fjölda einkasýninga, auk þess að taka þátt í samsýningum. Kristján hefur alla sína tíð einbeitt sér að óhlutbundnu málverki en Ragnar er líklega kunnastur fyrir vatnslitamyndir sínar.

„Vatnslitirnir eru kapituli út af fyrir sig en það er líka mjög verðugt að glíma við abstrakt málverkið,“ segir Ragnar Hólm. „Ég hef stundum haft abstrakt myndir með á sýningum mínum og alltaf fengið góð viðbrögð þótt yfirleitt sé það ekki sami hópurinn sem kann að meta akvarellurnar og abstraktið. Undanfarið hef ég verið að rýna í amerískan abstrakt expressjónisma, til dæmis verk eftir Perle Fine, Richerd Diebencorn, Carolyn Weir, Willem de Kooning og fleiri, og reynt að átta mig á því hvers vegna verkin þeirra ganga upp, ná að heilla. Þetta er að mörgu leyti mun meiri hausverkur og allt þyngra í vöfum en þegar unnið er með vatnsliti.“

Sýningin í Deiglunni á Akureyri verður sem áður segir opnuð föstudaginn 15. júní kl. 17-19 og verður einnig opin laugardaginn 16. júní og þjóðhátíðardaginn 17. júní, báða daga frá kl. 14-17.

Nánari upplýsingar veita Kristján Eldjárn í síma 863 1313 og Ragnar Hólm í síma 867 1000.

www.keldjarn.is

www.ragnarholm.com

https://www.facebook.com/events/184287352231005