Sex ungir listamenn sýna í Mjólkurbúðinni og á Langa gangi

Núvitund er samsýning ungra listamanna í Mjólkurbúðinni og á Langa gangi í Listagilinu sem opnar föstudaginn 6.febrúar kl. 13-17.
Á samsýningunni Núvitund sýna:

Vikar Mar
Dagný Lilja Arnarsdóttir
Lena Birgisdóttir
Karólína Rós Ólafsdóttir
Stefán Bessason
Úlfur Logason

Á sýningunni Núvitund velta listamennirnir fyrir sér hinum ýmsu þáttum nútímans s.s. samskiptum, neysluhyggju, staðalímyndum og spillingu og áhrifum þess á nútímasamfélög. Þau túlka áhrif þess í verkum sínum bæði í málverkum og skúlptúr.

Vikar Mar er fæddur árið 1999 og er yngstur í hópnum. Vikar hefur starfað við að sitja yfir sýningum í Versmiðjunni á Hjalteyri, og hefur það starf veitt honum vissa sýn inn í listaheiminn. Vikar Mar er félagi í Grasrót og starfar þar á vinnustofu. Í dag málar hann í abstrakt expressionisma. Sem innblástur braut hann niður orðið "núið" og vann með flókinn hversdagsleikann og hafði "samskipti" fólks og hlutanna í kringum það mikið í huga við gerð verkanna.

Lena Birgisdóttir er tvítug og útskrifaðist úr Verkmenntaskólanum á Akureyri jólin 2014. Hugmyndina af verkinu fékk hún þegar hún leiddi hugann að því hvað nútíma samfélag sóar miklu rusli og hversu lítið það hugsar um hvert ruslið fer. Öll þessi eyðsla og það hugsunarleysi gagnvart náttúrunni og finnst henni sá hugsunarháttur alltof ríkjandi.

Dagný er fædd árið 1995 og útskrifaðist af myndlistarkjörsviði úr Vermenntaskólanum á Akureyri jólin 2ö14. Hún hefur teiknað, málað og skrifað síðan hún man eftir sér. Innblástur fyrir verkin á sýningunni er netneysla nútímamannsins og hversu stór partur netið er af lífi fólks.

Stefán Bessason er fæddur árið 1992 á Akureyri. Stefán byrjar að mála í janúar 2012. Hann sérhæfir sig í abstrakt expressionisma og innblástur hans fyrir sýninguna er spilling, græðgi, fátækt, ringulreið, reiði og ömurleiki nútímasamfélags.

Karólína Rós er fædd 1997, og er frá Akureyri. Hún hefur teiknað síðan hún var barn og hefur tekið þátt í nokkrum samsýningum. Innblásturinn fyrir sýninguna eru óraunhæfar staðalímyndir og útlitsdýrkun, sem nær yfir fleira en mannfólkið svo sem dýr og plöntur. Bonsai tréð er vafið vírum til að breyta náttúrulegum vexti þess. Mótun líkamans verður sífellt brenglaðri, vísindi og tækni móta holdið eins og leir til þess að það falli sem best að stöðlum hverju sinni. Ónáttúrulegt og jafnvel óheilbrigt útlit verður oftar en ekki útkoman.

Úlfur er sautján ára og er á listnámsbraut í Verkmenntaskólanum á Akureyri. Hann hefur málað síðan hann man eftir sér. Hann málaði mynd af hengingu Saddam Hussain. Það sem vakti áhuga hans var að myndin lítur út fyrir að vera mun eldri en hún er, þó hún hafi bara verið tekin fyrir 9 árum.

Sýningin Núvitund í Mjólkurbúðinni og á Langa gangi stendur yfir frá 7.-15.febrúar og er opin á föstudögum k. 14-17 og laugardaga og sunnudaga kl. 13-17.
Allir eru velkomnir.

Sýningarstjóri eru Dagný Lilja s.6960564
Mjólkurbúðin s.8957173
[e-mail]

Umfjöllun á heimasíðu Verkmenntaskólans:
http://www.vma.is/is/skolinn/frettir/fint-ad-vera-einn-vid-tronurnar
http://www.vma.is/is/skolinn/frettir/-opnadu-hugann-og-blomstradu-
http://www.vma.is/is/skolinn/frettir/ur-listinni-i-logfraedina
https://www.google.is/?gws_rd=cr,ssl&ei=AIfQVN10gbZQy8iC8AE#q=%C3%BAlfur%20logason

Umfjöllun hjá Vísi:
http://www.visir.is/seldi-oll-sin-verk-a-fyrstu-syningunni/article/2014705219949

Arnar Ómarsson með Þriðjudagsfyrirlestur í Listasafninu á Akureyri, Ketilhúsi

Þriðjudaginn 3. febrúar kl. 17 heldur myndlistarmaðurinn Arnar Ómarsson fyrirlestur í Listasafninu á Akureyri, Ketilhúsi undir yfirskriftinni Skáldið og staðreyndin. Þar mun Arnar ræða fyrri verk og hugmyndir sem byggja grunninn að næstu sýningu hans, MSSS, sem opnar í vestursal Listasafnsins laugardaginn 28. febrúar næstkomandi. Viðfangsefni sýningarinnar er hlutverk skáldskapar í mótun staðreynda með áherslu á tækni og geimrannsóknir.

Þetta er þriðji Þriðjudagsfyrirlestur ársins og sem fyrr fara þeir fram í Listasafninu á Akureyri, Ketilhúsi á hverjum þriðjudegi kl. 17. Aðgangur er ókeypis.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri.

Dagskrá vetrarins:

10. febrúar
Pi Bartholdy, ljósmyndari

17. febrúar
Margeir Dire Sigurðsson, myndlistarmaður

24. febrúar
Guðmundur Heiðar Frímannsson, heimspekiprófessor 

3. mars
Elísabet Ásgrímsdóttir, myndlistarkona

10. mars
Katrín Erna Gunnarsdóttir, myndlistarkona

17. mars
María Rut Dýrfjörð, grafískur hönnuður

24. mars
Jón Páll Eyjólfsson, leikhússtjóri Leikfélags Akureyrar

31. mars
Hildur Friðriksdóttir, meistaranemi við Háskólann á Akureyri

http://www.listak.is

https://www.facebook.com/events/414270212068620

Súpufundur í Gilinu

Halló, það er kominn febrúar og það þýðir aðeins eitt: súpufundur fyrsta þriðjudag í mánuði er þá þriðjudaginn 3. febrúar kl. 12-13 á RUB23. Allir eru velkomnir og tilvalið að taka með sér gesti. Þetta er afar óformlegt en tilvalið að skiptast á hugmyndum, upplýsingum og setja hluti á dagskrá eins og næsta Gildag sem er fyrirhugaður 14. mars og einnig Listasumar og Gjörningahátíðina A!, Hjóladaga, næstu opnanir og fleira og fleira. Sjáumst!

https://www.facebook.com/events/768334243252752

Listamannaspjall í Kompunni, Alþýðuhúsinu á Siglufirði

Freyja Reynisdóttir dvaldi í Alþýðuhúsinu fyrir áramótin og vann á staðnum sýningu inní Kompuna sem hún kallar FJÖGUR MÁLVERK.  Opnunin var svo á fyrstu mínútu nýja ársins, 2015.  
Nú er komið að síðustu sýningarhelgi þessarar sýningar og á sunnudaginn 1. feb. ætlar Freyja að spjalla um verkin í Kompunni, lífið og listina.
Heitt verður á könnunni og góðgæti með, allir velkomnir.

https://www.facebook.com/events/328145134046512

Sýning í febrúar í Listhúsi

The observance of short days (myndir sýning)
Nastasya Tay og Yiannis Hadjiaslanis

Opið: 3. febrúar 2015 | kl. 19:00 | Listhús Gallery

sýning frá 4. til 10. febrúar 2015| kl. 17:00-20:00
 
Nastasya og Yiannis eru photojournalist og búa í suður-Afríka. Þau eru sýna nýjar myndir sínar tekin á Íslandi.
 
CENTRE
Joe Scullion og Sinead Onora Kennedy

13.-19. febrúar 2015 | kl. 17:00-20:00 |
Listhús gallery
 
Joe og Sinead eru írsk. Þau eru að sýna nýjar teikningar.
 
meiri upplýsingar að sjá á www.listhus.com
 
 
Allir velkomnir

Salt: Pappírsdagar / Salt: Paperdays

FYRSTI HLUTI

SALT: Pappírsdagar
(english description at bottom)

Á föstudagskvöld verður fyrsta opnun bókverksins og samstarfsins SALT VATN SKÆRI. Fyrsti hluti bókarinnar heitir SALT og á föstudagskvöldinu gefst gestum kostur á að vera viðstaddir frumsýningu Salts.

Sagan er þrískipt nóvella og heita hlutarnir eftir megin táknum sögunnar: SALT, VATN og SKÆRI. Þessi tákn eru síendurtekin og gegnumgangandi í atburðarásinni og marka andvara og ástand söguheimsins og persónanna sjálfra.

Að verkefninu standa Freyja Reynisdóttir og Hekla Björt Helgadóttir, en þær búa og starfa saman að SALT VATN SKÆRI í Kaupvangsstræti 23 í Listagilinu á Akureyri.

Húsið opnar klukkan 20:00 og sýningin byrjar á slaginu 20:30

Allir eru hjartanlega velkomnir.

Laugardaginn 31. janúar verður húsið svo opið frá 14:00 - 17:00 þar sem leifar þessa fyrsta atburðar verða til sýnis fyrir þá sem ekki gátu komist daginn áður.

www.salt-water-scissors.com
http://salt-water-scissors.com/freyja
http://salt-water-scissors.com/hekla
______________________________________________

höfuðið hús

stundum kalt og dimmt.

kringt garði og trjám.

mosavaxin gólf.

Pappírsborð.

Lykt af blautri mold

og dísæt angan

af rotnandi laufi og ávöxtum

það er lín mitt og kör

og ég ligg

og ég horfi upp í bylgjandi græna blævængi

Í eldhúsinu flæðir hafið um gólfflötinn

ég veð saltið á tánum

og sýð í pottum

rotnandi lauf og ávexti

það er líf mitt og slör

hinnar vatnsbláu brúðar hússins
_______________________________________________

First Part

SALT: Paperdays

First opening of the SALT WATER SCISSORS manuscript and collaboration will be held this Friday evening. The first part of the story goes by the name of Salt and with this event people are invited to witness its premiere.

The story is split into three parts and each part is named after its main symbol: SALT, WATER and SCISSORS. These symbols are recurrent throughout the story and its events and give a tone to the attitude and mood of the world and the characters of the manuscript.

Freyja Reynisdóttir and Hekla Björt Helgadóttir are the people behind this collaboration. They live and work together during its realisation at Kaupvangsstræti 23, Akureyri.

The house opens at 20:00 and the show starts at the minute 20:30.

Everybody is invited.

Saturday 31. January, the house will be open from 14:00-17:00 where remnants of the event will be up for display for people who did not make it the day before.

www.salt-water-scissors.com
http://salt-water-scissors.com/freyja
http://salt-water-scissors.com/hekla

https://www.facebook.com/events/1532601253688298

Kristján Pétur Sigurðsson opnar sýningu í vestursal Listasafnsins á Akureyri

Laugardaginn 31. janúar kl. 15 verður opnuð í vestursal Listasafnsins á Akureyri sýning Kristjáns Péturs Sigurðssonar, Þriggja radda þögn og Rauða. Á sýningunni gefur að líta skúlptúrinn Rauða Þögn, en sú þögn hefur ferðast víða og alltaf þráð að komast inn í listasafn, og mynd af tónverki þar sem þögn er útsett fyrir píanó og selló. Vegna þess að nostra þarf við þagnir mun ásýnd verksins taka daglegum breytingum á sýningartímanum. Á lokamínútum sýningarinnar mun Kristján Pétur rjúfa þögnina með söng.

Sýningin verður opin sunnudag, þriðjudag, miðvikudag og fimmtudag kl. 12-17. Henni lýkur formlega fimmtudaginn 5. febrúar kl. 15 með lokunarteiti.

Myndlistarferill Kristjáns Péturs Sigurðssonar hófst 1984 með samsýningunni Glerá ´84. Hann hefur haldið nokkrar einkasýningar og tekið þátt í samsýningum. Kristján hefur einnig gefið út fjölrit, þrjár kvæðabækur og nokkrar hljómplötur. Síðustu 10 ár var Kristján meðlimur í listsmiðjunni Populus tremula sem starfrækt var með blóma í kjallara Listasafnsins.

Sýningin er hluti af sýningaröð sem hófst 10. janúar og mun standa til 8. mars og inniheldur 8 vikulangar sýningar. Habby Osk og Brenton Alexander Smith hafa þegar sýnt og nú stendur yfir sýning Jónu Hlífar Halldórsdóttur, Hola í vinnslu. Aðrir sýnendur eru í tímaröð: Þóra Karlsdóttir, Joris Rademaker, Lárus H. List og Arnar Ómarsson.

http://www.listak.is

https://www.facebook.com/events/1378331485809622

Hundur í óskilum með Þriðjudagsfyrirlestur í Listasafninu á Akureyri, Ketilhúsi

Þriðjudaginn 27. janúar kl. 17 heldur hljómsveitin Hundur í óskilum, skipuð þeim Hjörleifi Hjartarsyni og Eiríki Stephensen, fyrirlestur í Listasafninu á Akureyri, Ketilhúsi undir yfirskriftinni Hundalógík. Þar munu þeir félagar velta fyrir sér Hundi í óskilum og hvort eitthvað sé á bak við hann.

Hundur í óskilum varð til í leikfélagspartíi á Dalvík fyrir 20 árum og ætlaði sér aldrei stóra hluti. Þrátt fyrir litlar væntingar í upphafi hefur hljómsveitin troðið upp við fjölbreyttar aðstæður beggja vegna Atlantsála, gefið út tvær plötur án þess að fara í stúdíó, haldið úti óskalagaþætti í útvarpi fyrir minnihlutahópa, haldið uppi innanlandsflugi Flugfélags Íslands, starfrækt tveggja manna leikhús og hlotið tvær grímur fyrir leikhústónlist en aldrei sungið í Frostrósum. 

Þetta er annar Þriðjudagsfyrirlestur ársins og sem fyrr fara þeir fram í Listasafninu á Akureyri, Ketilhúsi á hverjum þriðjudegi kl. 17. Aðgangur er ókeypis.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Aðrir fyrirlesarar vetrarins eru Arnar Ómarsson, Pi Bartholdy, Margeir Dire Sigurðsson, Guðmundur Heiðar Frímannsson, Elísabet Ásgrímsdóttir, Katrín Erna Gunnarsdóttir, María Rut Dýrfjörð, Jón Páll Eyjólfsson og Hildur Friðriksdóttir.

Hér eru allir fyrirlestrarnir í tímaröð:

13.1. Jóna Hlíf Halldórsdóttir, myndlistarkona og formaður SÍM
27.1. Eiríkur Stephensen og Hjörleifur Hjartarson, Hundar í óskilum
3.2. Arnar Ómarsson, myndlistarmaður
10.2. Pi Bartholdy, ljósmyndari
17.2. Margeir Dire Sigurðsson, myndlistarmaður
24.2. Guðmundur Heiðar Frímannsson, heimspekiprófessor 
3.3. Elísabet Ásgeirsdóttir, myndlistarkona
10.3. Katrín Erna Gunnarsdóttir, myndlistarkona
17.3. María Rut Dýrfjörð, grafískur hönnuður
24.3. Jón Páll Eyjólfsson, leikhússtjóri Leikfélags Akureyrar
31.3. Hildur Friðriksdóttir, meistaranemi HA

http://listak.is/

https://www.facebook.com/events/414270212068620

Hola í vinnslu opnar í vestursal Listasafnsins á Akureyri

Laugardaginn 24. janúar kl. 15 verður opnuð í vestursal Listasafnsins á Akureyri sýningin Hola í vinnslu. Þar sýna nemendur úr fagurlistadeild Myndlistaskólans á Akureyri verk í sköpun undir leiðsögn Jónu Hlífar Halldórsdóttur, myndlistarmanns, stundakennara við Listaháskóla Íslands og Myndlistaskólann á Akureyri og formanns Sambands íslenskra myndlistarmanna. Á undanförnum árum hefur Jóna Hlíf verið afar virk í sýningarhaldi bæði á einka- og samsýningum auk þess sem hún hefur aðstoðað við sýningar í tengslum við Höggmyndagarðinn og Myndhöggvarafélagið. Nemendurnir breyta vestursal Listasafnsins í eina stóra vinnustofu og vinna þar fram á síðasta dag, fimmtudaginn 29. janúar, en þá verður sýningin tilbúin og opnuð formlega. Áhugasamir gestir geta komið og átt samtal við nemendurna og jafnvel haft áhrif á ákvörðunartöku er varðar verk og uppsetningu þeirra.

Nemendurnir eru: Atli Tómasson, Elísabet Ásgrímsdóttir, Hallrún Ásgrímsdóttir, Heiðdís Hólm, Helga Bergrún Sigurbjörnsdóttir, James Cistam, Jónína Björg Helgadóttir, Karen Dögg Geirsdóttir, Margrét Kristín Karlsdóttir, Sigrún Birna Sigtryggsdóttir, Snorri Þórðarson, Steinunn Steinars og Tinna Rós Þorsteinsdóttir.

Sýningin er hluti af sýningaröð sem mun standa til 8. mars og inniheldur 8 vikulangar sýningar. Habby Osk hefur þegar sýnt og nú stendur yfir sýning Brenton Alexander Smith en aðrir sýnendur eru í tímaröð Kristján Pétur Sigurðsson, Þóra Karlsdóttir, Joris Rademaker, Lárus H. List og Arnar Ómarsson.

http://www.listak.is

https://www.facebook.com/events/1533892103534972

Þorvaldur Guðni Sævarsson sýnir í Listasalnum Braga í Rósenborg

Laugardaginn 24. janúar kl 14:00 opnum við dyr hér í Listasalnum Braga, fjórðu hæð í Rósenborg. Þorvaldur Guðni Sævarsson er fyrsti þátttakandinn okkar en hann hefur unnið að teikningum og málverkum síðustu tvær vikur.

Sjá má ýmis verk eftir Þorvald á alter ego síðu hans: Skaðvaldur

Það er tilvalið að kíkja til okkar í Braga kl 14:00 og rölta svo niður gilið á sýningu Jónu Hlífar Halldórsdóttur í Listasafnið Á Akureyri sem hefst kl 15:00.

Verið velkomin! :)

Listasalurinn Bragi, fjórðu hæð í Rósenborg

Skólastígur 2, 600 Akureyri

https://www.facebook.com/ListasalurinnBragi

https://www.facebook.com/events/769490359786345