Listasmiðja fyrir börn og aðstandendur við Alþýðuhúsið á Siglufirði

Listasmiðja fyrir börn og aðstandendur við Alþýðuhúsið á Siglufirði laugardaginn 30. júlí kl. 14.00 - 16.00
EF VEÐUR LEYFIR.
Leiðbeinandi er Aðalheiður S. Eysteinsdóttir.
Vinsamlegast takið með ykkur hamra og athugið að ekki er ætlast til að börnin komi án tilsjónar.

Að uppgötva
Sagt er að við fæðumst öll með sköpunargáfu og þurfum ekki annað en aðstöðu og smá hvatningu til að virkja hana.
Hugmyndaflug barna er sístarfandi, opið fyrir nýjungum og gagnrýnislaust.
Hjá barni er ekki markmiðið að fullkomna myndverk, heldur sjálf athöfnin að skapa.
Sagt er að fyrir fimm ára aldur séum við búin að uppgötva allt það helsta í tilverunni, hita, kulda, ást, hræðslu, hungur, vellíðan, sköpun, fegurð og svo framvegis.
Hvernig getum við þá viðhaldið þeim eiginleika að uppgötva?

Í uppeldi og skólastarfi uppgötvum við að sjálfsögðu ýmsa hluti daglega, en þeir eru fyrirfram vitaðir af reyndari og lærðari mönnum. Með listsköpun komumst við skrefi nær því marki að uppgötva algerlega á okkar eigin forsendum. Þar eru engar fyrirfram gefnar staðreyndir sem heft geta hugarflug einstaklinga.
Uppgötvun barna tengist ekki endilega raunveruleikanum, heldur alskyns undarlegum hlutum og hugmyndum sem fullorðnir eiga stundum erfitt með að skilja. Hver kannast ekki við það að sjá óskiljanlega mynd sem barn hefur teiknað, en í huga barnsins er teikningin heilt ævintýri.

Fjallabyggð, Menningarráð Eyþings, Húsasmiðjan og Egilssíld styðja við menningarstarf í Alþýðuhúsinu á Siglufirði.

https://www.facebook.com/events/207943839603353

AÐ LESA BLÓM í Kompunni, Alþýðuhúsinu á Siglufirði

Guðrún Hrönn Ragnarsdóttir og Rúna Þorkelsdóttir opna sýningu í Kompunni, Alþýðuhúsinu á Siglufirði
29. júlí kl. 17.00- 19.00.

Sýningin “AÐ LESA BLÓM” samanstendur af tveimur myndröðum sem kallast á í rýminu.
Litir blóma og Sun - Set, eru titlar myndraðanna og hafa listamennirnir eftirfarandi um verkin að segja.

LITIR BLÓMA – Guðrún Hrönn Ragnarsdóttir
Ég hef verið að vinna með liti úr blómkrónum afskorinna blóma og jurtum úr nánasta umhverfi.
Áhugavert hefur verið að fylgjast með hvernig liturinn breytist frá því að vera fljótandi litarefni þar til hann er þornaður á pappírnum.
Rautt blóm gefur ekki endilega rauðan lit og bláar og fjólubláar jurtir gefa oft græna litatóna.
Útkoman ræðst oft af tilviljunum. Umhverfið þar sem litirnir eru lagaðir hefur áhrif, einnig samsetning vatnsins, ljósið og rakinn meðan liturinn þornar.

SUN – SET – Rúna Þorkelsdóttir
Sólarljósið er eflaust elsti prentmiðill, notaður meðvitað eða ómeðvitandi.
Ljósið lýsir eða dekkir þann flöt sem ekki er hulinn, samanber sólbruni á hörundi eða för á veggfóðri eftir myndir og aðra hluti.
Myndröð sú er hér er sýnd eru sólarþrykk með
Plöntuhlutum úr nánasta umhverfi á pappír.
Þessa aðferð nefni ég Sun-Set en off-set prentun er sú aðferð sem ég nota að jafnaði.

Guðrún Hrönn Ragnarsdóttir útskrifaðist úr Nýlistadeild, Myndlista- og handíðaskóla Íslands og fór síðan í framhaldsnám við Jan van Eyck Akademie í Hollandi. Hefur fengist við sýningarstjórnun, bókaútgáfu og rekur sýningarrýmið 1.h.v. í Reykjavík. Býr og starfar í Finlandi og á Íslandi.

Rúna Þorkelsdóttir stundaði nám við Myndlista- og handíðaskóla Íslands, Konstfackskolan Stokkhólmi og Gerrit Rietveld Academie Amsterdam. Hefur sýnt á alþjóðlegum vettvangi síðan 1979 og er höfundur nokkurra bókaverka. Einn af stofnendum Boekie Woekie í Amsterdam, listræn útgáfa. Býr og starfar í Amsterdam og Íslandi. http://runathorkelsdottir.com/

Fjallabyggð, Menningarráð Eyþings og Egilssíld styðja við menningarstarf í Alþýðuhúsinu á Siglufirði.

https://www.facebook.com/events/1021188901328599

Sunnudagskaffi með Önnu Ósk Erlingsdóttur í Alþýðuhúsinu á Siglufirði

Anna Ósk Erlingsdóttir verður með erindi á Sunnudagskaffi með skapandi fólki í Alþýðuhúsinu á Siglufirði, sunnudaginn 31. júlí kl. 15.30 – 16.30.


Anna Ósk Erlingsdóttir er fædd og uppalin í Sandgerði. Hún á rætur sínar að rekja til Siglufjarðar þar sem faðir hennar Erlingur Björnsson í Hljómunum átti Siglfirskan föður.

Anna Ósk lærði ljósmyndun í Ástralíu og bjó þar í tvö og hálft ár. Hún fékk tækifæri að vera með í nokkrum sýningum þar og ein af þeim var í National Portrait gallerý í höfuðborginni Canberra. Einnig hefur Anna Ósk verið með sýningu í Ljósmyndasafni Reykjavikur 2012.

Þetta árið hefur Anna Ósk gefið út ljósmyndabók sem er saman safn af myndum teknar yfir 10 ára tímabil. Bókin heitir Enigma, og er tileinkuð konum í ólíku hugarástandi.

Á fyrirlestrinum þann 31. júlí mun Anna Ósk tala um innblástur, ljósmyndun og ævintýri í kring um myndatökurnar!

Fjallabyggð, Menningarráð Eyþings og Egilssíld styðja við menningarstarf í Alþýðuhúsinu á Siglufirði.

https://www.facebook.com/events/1286202164753367

Jóhanna Friðfinnsdóttir opnar sýninguna "Fuglar og form" í sal Myndlistarfélagsins

"Fuglar og form" á Listasumri!
Jóhanna Friðfinnsdóttir opnar leirlistasýninguna "Fuglar og form" þann 6. ágúst kl. 14:00 í sal Myndlistarfélagsins í Kaupvangstræti 10 (Listagilinu).
Sýningin stendur yfir til 14. ágúst. Opið verður daglega milli 14:00-17:00
Allir velkomnir.

https://www.facebook.com/events/1035398579848251/

SKRÍMSLANDI, RÖSK í Listagilinu á Akureyri

SKRÍMSLANDI, opnun í Listagilinu á Akureyri, listahópurinn RÖSK sýnir á Listasumri, opnunin verður þann 16. júlí kl. 14:00 og stendur sýngin yfir þar til 29.ágúst, (eftir Ak-Vöku)
Sýningin verður utanhús og munu lífga uppá umhverfið og bæta og kæta.
RÖSK er samsýningarhópur fjögurra listamanna sem hafa sýnt saman undanfarin ár. Þær eru Brynhildur Kristinsdóttir, Dagrún Matthíasdóttir, Jónborg Sigurðardóttir og Thora Karlsdóttir.
Að þessu sinni vinnur RÖSK með Skrímsli sem leika lausum hala utandyra og verða gestum á öllum aldri listasumars 2016 til ánægju. Listaverkin eru skúlptúrar sem hvetji fólk til þátttöku í leik og ýta undir ímyndunarafl þeirra og gefa jafnvel skrímslum sem búa í hugarskotum þeirra lausan tauminn.

https://www.facebook.com/events/246999902353916/

Það kom ekkert - Heiðdís Hólm sýnir í Kaktus

ÞAÐ KOM EKKERT

Heiðdís Hólm opnar myndlistasýninguna 'Það kom ekkert' í Kaktus laugardaginn 23. júlí kl. 14. Einnig opið sunnudag 14 - 17.
Verið velkomin á opnun, léttar veitingar í boði.

'Það kom ekkert' kannar tengingu og aftengingu einstaklingsins við líkamann í gegnum akrýl- og blekteikningar á viðarplötur og pappír, texta og kannski líka glimmer.

Heiðdís Hólm útskrifaðist nú í vor úr fagurlistadeild Myndlistaskólans á Akureyri. Þetta er hennar fyrsta einkasýning en hún hefur tekið þátt í ýmsum samstarfsverkefnum og samsýningum vítt og breitt.

www.heiddisholm.com
Nánari upplýsingar hjá heiddis.holm (hjá) gmail.com
Það kom ekkert er partur af Listasumri á Akureyri - www.listasumar.is
Kaktus er styrktur af Akureyrarstofu, Menningarráði Eyþings og Norðurorku.

https://www.facebook.com/events/1758392464373575

Ólafsfjörður Impression in Deiglan

Olafsfjordur Impression in Deiglan

Date: 23 July 2016

Time: 15:00 and at: 17:00

We are honored to be part of Listasumar á Akureyri/Summer Arts Festival in Akureyri with the program, Olafsfjordur Impression. The program is included two parts, a Screening and an installation exhibition.

Olafsfjordur is a village with 800 popular located in North Iceland. Although it is only 1 hour drive from Akureyri, the biggest town in North Iceland, it is even not known among Icelanders, of course, very little tourist pollution.

In past 5 years, Listhus was running artists residency in this “remote” village and over 200 artists have visited the town and created their artworks inspired the nature and people here.

Through the program, Olafsfjordur Impression, we will show you what the impression from an outsiders perspectives. It’s the whole, but pieces by pieces.

The program is in 2 parts:

Part 1: Video Screening: When the sun refuses to shine

Video list:

1) Tunnel by YuJeong Eom (South Korea) and Kate Carr (Australia) (2013, 5:55)
Olafsfjordur is connected outside through several tunnels. Before the tunnels open, the only way out in winter was by boats. Eom is a painter who animated her drawings and Carr makes the sound track along with the images.
YuJeong Eom: http://www.slowdream.com/
Kate Carr: http://flamingpines.com/

2) The sky is erupting, but we live under the sea by Oranje Lwin (Singapore) (2014, 8:50)
This short video makes us associated with the dancing plastic bag in American Beauty.However, time changes in space is always a long lasting theme in art world. Music by Etza Meisyara (Indonesia)
Oranje Lwin: http://oranjelwin.tumblr.com/

3) Life would be tragic if it were not funny by Jolene Mok (Hong Kong, China) (2015, 3:45)
It’s birds daily lives, or… our lives…
Jolene Mok: http://jojolenelene.net/

4) Skammdegi by Alkistis Terzi (Greek) and Jamie Scott Gordon (Scotland) (2016, 60:00)
To produce Skammdegi, Alkistis and Jamie had been staying in Olafsfjordur for 3 months in last winter. They interviewed three generations in the town how they lived on with the dark winter in a remote village. It’s a film full of kindness and friendship.
Alkistis Terzi: http://noapenonyr.tumblr.com/post/134730959997/cinematography-in-the-dark-winter-of-iceland
Jamie Scott Gordon: http://www.jamiescottgordon.com/

http://listagil.is/?p=390

https://www.facebook.com/events/166841337067315/

Sandra Rebekka opnar sýninguna no2 í Mjólkurbúðinni

Sandra Rebekka opnar sýninguna no2 í Mjólkurbúðinni í listagilinu á Akureyri laugardaginn 16.júlí kl. 14. Sýning Söndru Rebekku er einnig opnunarsýning á Listasumri 2016 í Mjólkurbúðinni.


Sandra Rebekka um sýninguna no2:

Þversagnir geta umbreytt því hefðbundna, kunnulega og hversdagslega. Með þversögnum vaknar nýr áhugi og það sem áður var, fær nýtt líf. Verkin eru í eðli sínu kyrrstæð en listamaðurinn gerir tilraun til þess að ná fram hreyfingu í annars kyrrstæðan veruleika. Hreyfinguna notar hann líkt og síu og gerir þannig viðfangsefnið fjarlægar áhorfandanum. Með hreyfingunni færist hlutbundna viðfangsefnið nær því óhlutbundna og í verkunum kannar listamaðurinn sambandið á milli þess hlutbundna og þess óhlutbundna. Verkin eru tilraun til þess að skapa veruleika sem er bæði kyrrstæður og á hreyfingu og ef til vill á gráu svæði þar sem hið hlutbundna og hið óhlutbundna mætast.


Sýning Söndru Rebekku stendur til 24.júlí og er opin laugardaga kl.14-17 og eftir samkomulagi.


Sandra Rebekka [e-mail]

Mjólkurbúðin Listagili er á facebook

Pierre Coulibeuf sýnir «THE WORLD IS AN ENIGMA» í Verksmiðjunni á Hjalteyri

Opnun í Verksmiðjunni á Hjalteyri, 16. júlí 2016.
«THE WORLD IS AN ENIGMA»
Í Verksmiðjunni á Hjalteyri.
PIERRE COULIBEUF


Verksmiðjan á Hjalteyri, 16.07 – 01.08 2016 / Neðst á Hjalteyri við Eyjafjörð / 601 Akureyri.
http://verksmidjanhjalteyri.com
einnig facebook: Verksmiðjan á Hjalteyri
Opnun laugardaginn 16. júlí kl. 14:00 / Opið alla  daga kl. 14:00 – 17:00.

Laugardaginn 16. júlí kl. 14-17 opnar franski myndlistar og kvikmyndagerðarmaðurinn Pierre Coulibeuf sýninguna «THE WORLD IS AN ENIGMA» Artwork: interpretation: possible universe.Sýningin mun samanstanda af 4 vídeóinnsetningum: «Somewhere in between 2004/2006» Tilraunakennd mannlýsing. Í verkinu er  rannsóknum danshöfundarins Meg Stuart snúið yfir í skáldskap. Titli þess er ætlað vekja upp tilfinningu tómleika; «the Warriors of Beauty 2002/2006» sækir í leikhúsheim Jan Fabre. Völundarhúslaga   með mörgum inngöngum, þar sem að ótrúleg Ariadne í brúðarkjól ("the demon of passage" ?) leiðir og afvegaleiðir áhorfandann um framandi heim sem að einkennist af hamskiptum, stríðandi hvötum, tvöföldunum, skrumskælingu, trúarathöfnum og fjarstæðum; «A Magnetic Space 2008» innblásin af veröld kanadíska danshöfundarins  Benoît Lachambre’s, verkið fer inn á svið hins yfirnáttúrulega. Samspil  margvíslegra krafta tengir persónurnar við elementin – loft, vatn, plöntur og steina -  sem leiðir til undarlegra en eðlislægra líkamshreyfinga. Þessar persónur ferðast um segulmagnað rými þar sem að líkamstjáning tekur við af tungumálinu; «Le Démon du passage 1995/2006». Myndin er innblásin af heimi franska listamannsins og ljósmyndarans Jean-Luc Moulène. Er þetta lögreglu ráðgáta eða annars leikur ástarinnar ?… Eitthvað er um það bil að verða til á yfirborði óreiðunnar, til samræmis ókunnuglegri og torskilinni þraut sem erfiðar í áttina að lausn… ýjar að Hugmynd… teiknar upp Fígúru… Röð undarlegra tákna samtengjast í andrúmslofti (falskrar) fjársjóðsleitar… Einhverskonar myndletur birtist hingað og þangað, tengist óvænt og dregur upp Fígúrur á hreyfingu...Hefðbundnar fagurlista kategoríur (andlitsmynd, landslag, nekt, kyrralíf) með hverju Jean-Luc Moulène vanalegast hugsar upp myndir sínar, eru túlkaðar að nýju í kvikmyndinni.

Kvikmyndaverkið - sem líking - er handahófskennd umritun á innri sýn. Eins og birtingarmynd  hugsunar, afurð hverfulla krafta. Í skapandi sýn er brotum  raunveruleikans raðað saman. Heimurinn er lygi. Kvikmyndaverkið býr til heim. Heimurinn sem að kvikmyndaverkið kallar fram er ekki uppfærsla á raunveruleikanum heldur endurvarp hans.

Raunveruleikinn er ekki lengur eitthvað auðþekkjanlegt, hughreystandi. Þvert á móti. Í gegnum þessi verk miðar sýningin að því að benda á hversu tengsl manneskjunnar við heiminn geta verið torráðin, og heimurinn sjálfur óviss, dularfullur og erfiður að henda reiður á. Kvikmyndaverkið, langt frá því að þykjast gefa heiminum merkingu, getur eingöngu bergmálað undarlegan kunnugleika.
Sérhvert verk sem að gert er ráð fyrir á þessari sýningu reynir að líkja eftir þankagangi, hvöt eða viðhorfi, umhugsun og umorðun, tilfinningu eða uppnámi; með öðrum orðum, líkja eftir (miðla) ósýnilegum geðshræringum. Sýningin er opin alla daga  frá kl. 14-17. Sýningin stendur til og með 1. ágúst.

Á opnun verður sýnd sérstaklega kvikmyndin Crossover (2009) með Ernu Ómarsdóttur og PONI.

Frekari upplýsingar veita: Gústav Geir Bollason [e-mail] [e-mail] og í síma: 4611450 og 6927450.
Ari Allansson [e-mail]

Koma listamannsins og sýningin eru styrkt af, Uppbyggingarsjóði, Myndlistarsjóði og Ásprenti. Bakhjarl Verksmiðjunnar er Hörgársveit. Verksmiðjan á Hjalteyri er handhafi Eyrarrósarinnar 2016.

 

Samúel Jóhannsson sýnir vatnslitamyndir í Kartöflugeymslunni

Samúel Jóhannsson sýnir vatnslitamyndir í Kartöflugeymslunni í Kollgátu í Listagilinu á Akureyri.
Sýningaropnun á laugardaginn 09.07. kl 15.00.
Allir velkomnir.

https://www.facebook.com/events/157562014654833