Joris Rademaker sýnir í myndlistarsal SÍM í Reykjavík

Joris Rademaker opnar myndlistarsýningu í myndlistarsal SÍM, Hafnarstræti 16, Reykjavík, föstudaginn 1. ágúst kl. 16-18. Og eru allir velkomnir.

Sýningin er opin alla virka daga frá kl. 10-16 og stendur til 22. ágúst.

Joris er hollenskur listamaður sem búsettur hefur verið á Íslandi í 20 ár. Á sýningunni eru mest megis þrívíddar verk frá 2004 -2014. Joris safnar ýmis konar efnum og hlutum, oft lífrænum og jafnvel tilbúnum sem hann setur saman. Efnisval og samsetningar Jorisar eru oft óvæntar. Hvert verk er táknrænt fyrir einhverja tilfinningu eða ástand sem vekur spurningar um mannlegt eðli, tilvist og tilgang.

Þetta er fimmta einkasýning Jorisar í Reykjavík.

https://www.facebook.com/events/1514497845448381/1514580378773461

VIÐBURÐASTYRKIR VEGNA AKUREYRARVÖKU

 

Ertu með góða hugmynd fyrir Akureyrarvöku?

Landsbankinn styrkir skemmtilega og frumlega viðburði á Akureyrarvöku sem haldin verður dagana 29.-31. ágúst næstkomandi. Umsóknarfrestur er til 1. ágúst.

Styrkveitingin er samstarf Akureyrarstofu og Landsbankans sem hefur verið bakhjarl Akureyrarvöku um árabil. Veittir verða styrkir að upphæð 25.000 - 100.000 til einstaklinga og hópa sem vilja skipuleggja fjölbreytta og áhugaverða viðburði á Akureyri. Horft er sérstaklega til viðburða sem gætu átt sér stað á Ráðhústorgi og í miðbænum. Umsóknir skal senda á netfangið: [e-mail]. Í umsókninni þurfa að koma fram upplýsingar um umsækjanda, heiti viðburðar, kostnaðaráætlun, nafn tengiliðar, kennitala, sími og ítarleg lýsing á viðburðinum.

Nánari upplýsingar veitir Kristín Sóley Björnsdóttir, verkefnastjóri viðburða, á Akureyrarstofu í síma 460-1157. 

KUNSTSCHLAGER Á ROTTUNNI 2 í VERKSMIÐJUNNI Á HJALTEYRI

KUNSTSCHLAGER Á ROTTUNNI 2: Litla hafmeyjan kemur í heimsókn!
Björk Viggósdóttir, Dóra Hrund Gísladóttir, Hanna Kristín Birgisdóttir, Þorvaldur Jónsson,
Helga Páley Friðþjófsdóttir, Hrönn Gunnarsdóttir, Helgi Þórsson, Kristín Karólína Helgadóttir
Guðlaug Mía Eyþórsdóttir, Sigmann Þórðarson, Þórdís Erla Zoega, Þorgerður Þórhallsdóttir
Dagrún Aðalsteinsdóttir, Victor Ocares, Sigurður Ámundason, Ragnheiður Harpa Leifsdóttir

VERKSMIÐJAN Á HJALTEYRI, 02.08 – 02.09.2014
Neðst á Hjalteyri við Eyjafjörð / 601 Akureyri http://www.verksmidjan.blogspot.com
OPNUN Laugardaginn 2 ágúst kl. 15:00 / Opið þri - sun: 14:00 - 17:00 til og með 2. sept.
Sýningarstjóri Kristín Karolína Helgadóttir


Kunstschlager leggur land undir fót og heimsækir perlu Norðurlands: Hjalteyri.


Kunstschlager stendur fyrir myndlistaskemmtun í Verksmiðjunni á Hjalteyri og verður opnun um sjálfa Verslunarmannahelgina. Fjölbreyttur hópur ungra listamanna sýnir myndlist og mun sannkölluð karnival stemning svífa yfir vötnum. 
Innsetningar, gjörningar, videó verk, grill, Kunstschlager basar, happdrætti, pílukast, músík, varðeldur og stuð! 
Kunstschlager rottan mun svo slá botninn í fjörið og stýra brekkusöng á bryggjunni.


Allir eru velkomnir og möguleiki á því að tjalda. 

Decadence & delicatessen!
 Auf wiedersehen,
 Kunstschlager og vinir!
 
Sýningin verður opnuð laugardaginn 2. ágúst 2014, kl. 15:00
Koma listamannanna og sýningin eru styrkt af, Menningarráði Eyþings, Ásprenti og Myndlistarsjóði.  Bakhjarlar Verksmiðjunnar á Hjalteyri eru CCP-games, Bústólpi og Hörgársveit.
Nánari upplýsingar veitir sýningarstjóri  Kristín Karólína Helgadóttir  s. 661.0856 [e-mail]
eða Gústav Geir Bollason  [e-mail] / [e-mail] s.4611450 / 6927450

https://www.facebook.com/events/1467377906844543

Freyja Reynisdóttir opnar sýningu í Populus Tremula

Freyja Reynisdóttir opnar sýninguna EIN AF ÞEIM í Populus Tremula, í listagilinu á Akureyri, laugardaginn 2. ágúst klukkan 14:00.

Sýningin fjallar um persónuleg vísindi og verklega heimspeki Freyju á sjálfri sér, mannkyninu og banönum.

Freyja útskrifaðist frá Fagurlistadeild Myndlistarskólans á Akureyri sl. vor og hefur tekið þátt í ýmsum samsýningum og alþjóðlegum verkefnum auk þess að hafa ásamt öðrum starfrækt Gallerí Ískáp á vinnustofu þeirra, Samlaginu, í Gilinu. Hún var einnig ein af skipuleggjendum Rótar 2014, á Akureyri nú í sumar.

Allir eru hjartanlega velkomnir.

Sýningin stendur aðeins þessa einu helgi, til sunnudagsins 3. ágúst.


event á facebook: https://www.facebook.com/events/1436535889967746/
www.freyjareynisdottir.com

Sýningin Ekkert er Óbreytt opnar í Sal Myndlistafélagsins

Sýningin Ekkert er Óbreytt opnar nú á laugardaginn, 26.júlí, kl. 15 í Sal Myndlistafélagsins á Akureyri, og stendur til mánudagsins 4.ágúst. Sýningin er í boði Heklu Bjartar Helgadóttur og Karólínu Baldvinsdóttur.

Þema sýningarinnar er umrót og breytileiki, þar sem rými og listsköpun umbreyta hvort öðru.
Eðlileg þróun náttúrunnar er hreyfing og breyting, þar sem ekkert helst eins frá degi til dags. Í sýningunni Ekkert er Óbreytt hafa Hekla og Karólína þessar sífelldu breytingar í fyrirrúmi, þar sem þær hyggjast endurskapa og breyta sýningunni stöðugt. Því má segja að ný sýning verði til á hverjum degi og aldrei eins umhorfs í salnum.


Karólína Baldvinsdóttir útskrifaðist frá Fagurlistadeild Myndlistaskólans á Akureyri s.l. vor og sýnir nú margvísleg verk undanfarinna mánaða og nokkur eldri. Karólína hefur tekið þátt í ýmsum samsýningum á undanförnum árum og nú síðast var túlkaði hún ljóð Heklu, Árabátur Pípuhattur, í Geimdósinni. Einnig hefur hún ásamt öðrum starfrækt Gallerí Ískáp á vinnustofu þeirra Samlaginu í Gilinu og var ein af skipuleggjendum Rótar 2014, í Gilinu nú í sumar.
Hekla Björt hefur lengi fengist við myndlist og ljóðlist og starfrækir Gallerí Geimdós á vinnustofu sinni í Gilinu. Þar hefur hún boðið fjölda listamanna að sýna við ljóð sem hún sjálf hefur skrifað. Hún hefur tekið þátt í hinum ýmsu samsýningum en einnig staðið að einkasýningum, nú síðast í Mjólkurbúðinni í Listagilinu. Hún hefur einnig starfað sem skapandi hönnuður fyrir Leikfélagið á Akureyri, Listasafnið á Akureyri og setti upp sviðslistaverkið Herba Humana í Samkomuhúsinu á Akureyri, síðastliðið vor.

https://www.facebook.com/events/351121795041096

Tröllaskaga Art Exhibition á Ólafsfirði

Opnunartími:

25. 07 | kl. 18:00-20:00
26-27. 07 | kl.14:00-17:00
28-29. 07 | kl.16:00-18:00

 
Staðsetning:

Menningarhúsið Tjarnarborg


Dagskrá

 

25. 07 | kl. 19:00

 

Fluttar verða: Bæjarímur eftir Gunnar Ásgrímsson og Hartmann Pálsson (lesnar af ættingjum)

 

William Huberdeau (Bandaríkjunum)

 

26. 07 | kl. 14:30-15:30

Nánari upplýsingar: http://listhus.com/7/post/2014/07/-2014-trollaskaga-art-exhibition.html
Upplýsingar:

Alice Liu 8449538 ([e-mail]) eða Anna María Guðlaugsdóttir ([e-mail])

Skipulagt af Listhús í Fjallabyggð (www.listhus.com)

Samstarfsaðili: Menningarhúsið Tjarnarborg Í Fjallabyggð

Opin fundur um Listasumar á Akureyri 2015

Þriðjudaginn 22. júlí kl. 12-13 verður haldinn opinn fundur á veitingastaðnum RUB23 í Listagilinu á Akureyri um endurreisn Listasumars. Á fundinum gefst tækifæri til að koma með hugmyndir fyrir Listasumar á Akureyri 2015 og ræða tillögur um áherslur og breytingar.
Allir áhugasamir eru velkomnir á þennan hádegisfund.
Listasafnið á Akureyri / Sjónlistamiðstöðin stendur fyrir fundinum.

https://www.facebook.com/events/433658316772325

Steinn Kristjánsson opnar sýningu í Mjólkurbúðinni

Steinn Kristjánsson opnar sýninguna MÁLVERK í Mjólkurbúðinni í listagilinu á Akureyri, laugardaginn 19. júlí kl. 14.

Á sýningunni Málverk sýnir listamaðurinn Steinn Kristjánsson portrait málverk eins og titill sýningarinnar gefur til kynna. Málverkin eru máluð á árunum 2010 - 2014 á Íslandi og í Danmörku þar sem Steinn var búsettur um tíma. Þetta eru andlitsmyndir af fólki sem koma úr hugskoti listamannsins og er hann bæði að sýna olíu- og akrylmálverk.

Steinn Kristjánsson útskrifaðist frá Myndlistaskólanum á Akureyri 2007 og stendur sýning hans til 28. júlí.
Mjólkurbúðin er opin laugardaga og sunnudaga kl. 14-17 og eftir samkomulagi þess utan.

Allir velkomnir.

Steinn Kristjánsson s. 8490566
http://picasaweb.google.com/Steinn52
Mjólkurbúðin Listagili er á facebook
https://www.facebook.com/groups/289504904444621/

ÆFINGAR OG PÓNÍHESTAR Í POPULUS TREMULA

Laugardaginn 19. júlí kl. 14.00 opnar Ingiríður Sigurðardóttir sýningu á verkum sínum í Populus tremula.

Athugið einnig: Að kvöldi laugardagsins, kl. 21.00, mun Steinunn Arnbjörg Stefánsdóttir flytja eigin ljóð, lesin og sungin, við sellóundirleik.

Einnig opið sunnudaginn 20. júlí kl. 14.00-17.00.
Aðeins þessi eina helgi.

https://www.facebook.com/events/663554760407512

Reitir 2014 - alþjóðlegt skapandi samstarfsverkefni á Siglufirði

Reitir 2014 - alþjóðlegt skapandi samstarfsverkefni á Siglufirði

Opnar laugardaginn 12. júlí
 

Verkefnið Reitir býður árlega 25 einstaklingum víðsvegar að úr heiminum til Siglufjarðar að taka þátt í tilraunakenndri nálgun á hinni hefðbundnu listasmiðju. Reitir byggja á þeirri hugmynd að með því að blanda saman starfsgreinum úr mörgum áttum nýtist fjölbreytt reynsla þátttakenda sem grunnur að nýstárlegum verkefnum sem fjalla á einn eða annan hátt um Siglufjörð.

Opnun Reita verður á Siglufirði, laugardaginn 12. júlí kl. 15:00, og þá getur almenningur séð og upplifað fjölbreytt verkefni víðsvegar um bæinn. Athugið að opnunin stendur yfir aðeins þennan eina dag.

Aðalstyrktaraðilar verkefnisins eru Menningarráð Eyþings og Aðalheiður S. Eysteinsdóttir, eigandi Alþýðuhússins á Siglufirði.

Hér er skemmtilegt myndskeið frá vinnu síðustu daga: http://vimeo.com/100472893

Verkefnið Reitir opnar á morgun, laugardaginn 12. júlí, kl 15:00 í Alþýðuhúsinu á Siglufirði. Þar verður boðið upp á léttar veitingar og verkefnið opnað formlega. Um 15:30 verður farið í gönguferð milli verkefna þar sem þátttakendur útskýra hugmyndirnar á bakvið verkefnin. Hér fylgir stutt yfirferð fyrir áhugasama:

Þeir sem hafa áhuga á vísindum ættu að kíkja í The Science Kitchen sem er fyrir utan Alþýðuhúsið. Þar er fengist við allskonar tilraunir á rækjudufti, lúpínum, rafmagnstækjum, efnablöndum og fleiru.

Lengi hefur verið deilt um hvað skuli gera við gamla malarvöllinn við Alþýðuhúsið. Einn hópur Reita greip á lofti þann almannaróm að borgarskipulag Manhattan hafi verið fyrirmynd bæjarskipulags Siglufjarðar og nýtti þá hugmynd í að endurhanna tvö sjónarhorn á Siglufjörð, þar sem hin sögufræga Chrysler bygging frá Manhattan virðist rísa á malarvellinum.

Mikið er um vídeóvinnslu á Reitum í ár. Annars vegar verður sýnd heimildarmynd um tólf einstaklinga sem hafa nýja hugsun og hæfileika eftir síldarævintýrið mikla. Myndin sýnir fjölbreytileika og persónueinkenni fólks. Hin myndin fjallar um hversdagslífið á síldarárunum. Þar velta þátttakendur fyrir sér því lífi sem sjaldan er veitt athygli og setja það upp eftir sínu höfði.

Það má með sanni segja að aldrei hafi verið langt í glensið meðal hópsins. Fyrstu kvöldin var ákveðinn hópur sem heillaðist af fleyttum kellingum og kom af stað heljarinnar markaðssetningu fyrir „Skipping Stones“. Búin var til húmorísk auglýsing með tilheyrandi stefi og uppsetningu.

Áhugaverður hugbúnaður í formi vef apps sem nýtir GPS staðsetningu snjallsíma og spjaldtölva til fjársjóðsleitar hefur verið unnið á Reitum. Fólki gefst kostur á að fara um bæinn í leit að sögum innfæddra tengdum ákveðnum staðsetningum fjarðarins, sem voru klipptar saman úr viðtölum. Allt saman var forritað og hannað frá grunni, frá leturgerð til allsherjar heildarútlits og virkni.

Dag hvern í þessari viku klukkan 18:00 hefur öllum verið velkomið að koma í Alþýðuhúsið og hitta franska leikkonu sem hefur boðið fólki að segja sér frá leyndarmáli, vandamáli, draumi, játningu, sögu eða hverju sem þig langar til að tala um, á hvaða tungumáli sem er, undir nafnleynd og öryggi. Síðasti dagur The Secret Room verður í Alþýðuhúsinu í kvöld frá kl. 18:00.

Fjölmörg verkefni til viðbótar eru væntanleg, þar má telja kajakgerð, svokallaður Factory Playground tileinkaður yngstu kynslóðinni, kaffihús á ótrúlegum stað í miðjum ruslahaug, hljóðbox og furðulegar vélar með skemmtilegan tilgang.

Útsjónarsemi og ríkt hugmyndaflug hefur verið í fyrirrúmi á Reitum og drifkrafturinn og fjölbreytnin í hópnum er til fyrirmyndar — enda hafa þátttakendur unnið viðstöðulaust frá 9:00 til miðnættis alla daga!
Norðlendingar og aðrir gestir eru hvattir til að fara á stúfana og forvitnast á morgun kl. 15 í Alþýðuhúsinu og víðar um bæinn.

Listsýningar og listviðburðir á Ólafsfirði

Dagana 24. - 29. júlí munu Menningarhúsið Tjarnarborg og Listhúsið í Ólafsfirði standa fyrir listsýningum og listviðburðum.
Kallað er eftir þátttöku listamanna á Tröllaskaga og sömuleiðis þátttöku íbúa Ólafsfjarðar.
Markmið með verkefinu er m.a.: að auka fjölbreyttni í listmenningu á svæðinu, auðga menningarlífið í sveitarfélaginu og um leið skapa tækifæri fyrir alþjóðlega listamenn og listamenn úr heimabyggð til að skiptast á hugmyndum og mynda tengsl. Nú þegar hafa fjórir erlendir listamenn boðað komu sína.
Markmið og verkefni:
    •    Auka fjölbreytni í listmenningu
    •    Auðga menningarlífið í sveitarfélaginu
    •    Skapa tækifæri fyrir alþjóðlega listamenn og listamenn úr heimabyggð til að skiptast á hugmyndum og mynda tengsl.

Sýningardagar og tímasetningar:

Menningarhúsið Tjarnarborg:

25. 07 | kl. 18:00-20:00 opnun

26.-27. 07 | kl.14:00-17:00

28.-29. 07 | kl.16:00-18:00
 
Allir listamenn á Tröllaskaga velkomnir að taka þátt.
engar takmarkanir
Interested parties, please send their information (name, size of works,  medium, short description and an image) to [e-mail] with the title of  Trollaskaga Art Exhibition.  Þeir sem hafa áhuga á því að taka þátt sendi upplýsingar um sig á netfangið [e-mail]
Nánari upplýsingar:
http://listhus.com/7/post/2014/07/-2014-trollaskaga-art-exhibition.html

Sýningin Ólíkindi í Populus tremula

VIKAR MAR OG ELVAR ORRI

Laugardaginn 12. júlí kl. 14.00 munu tveir ungir og ólíkir myndlistamenn, þeir Vikar Mar og Elvar Orri, opna sýninguna Ólíkindi í Populus tremula.

Einnig opið sunnudaginn 13. júlí kl. 14.00-17.00. Aðeins þessi eina helgi.

Kristín Gunnlaugsdóttir með listamannsspjall í Flóru

Kristín Gunnlaugsdóttir
14. júní - 17. ágúst 2014
Sýningarspjall föstudaginn 4. júlí kl. 20-21
Flóra, Hafnarstræti 90, 600 Akureyri, s. 6610168

http://floraflora.is
https://www.facebook.com/flora.akureyri
https://www.facebook.com/events/1419489705006353

Föstudagskvöldið 4. júlí kl. 20-21 verður Kristín Gunnlaugsdóttir í listamannsspjalli í Flóru í Hafnarstræti 90 á Akureyri og allir eru velkomnir meðan húsrúm leyfir.

Kristín er fædd á Akureyri og stundaði nám við Myndlistaskólann á Akureyri, MHÍ í Reykjavík og Accademia delle Belle Arti í Florence á Ítalíu. Hún er ein af okkar fremstu myndlistarmönnum og einkasýning hennar í Listasafni Íslands á síðasta ári hlaut verðskuldaða athygli. Fyrir þá sýningu fékk Kristín menningarverðlaun DV fyrr á þessu ári.

Á sýningu Kristínar í Flóru gefur að líta málverk og teikningar frá þessu og síðasta ári. Nokkur þeirra verka voru einmitt á einkasýningu Kristínar í Listasafni Íslands en einnig eru verk sem ekki hafa verið sýnd áður.
Nánari upplýsingar um verk Kristínar má finna á http://kristing.is

Sýningin er öllum opin á opnunartíma Flóru alla daga kl. 10-18 og hún stendur til sunnudagsins 17. ágúst 2014.



Flóra er verslun og viðburðastaður með vinnustofum sem Kristín Þóra Kjartansdóttur félagsfræðingur rekur. Áherslan er á nýtingu, endurnýtingu, náttúrutengsl og verkmenningu. Listrænn ráðunautur staðarins er Hlynur Hallsson, myndlistarmaður. Menningardagskrá Flóru hlaut styrk úr Menningarsjóði Akureyrar.

Tryggvi Þórhallsson opnar sýningu í Mjólkurbúðinni

 

Tryggvi Þórhallsson opnar myndlistasýninguna Undir háum himni í Mjólkurbúðinni í listagilinu á Akureyri, laugardaginn 5.júlí kl. 15.

Tryggvi Þórhallsson sýnir akvarellur þar sem leitast er við að fanga hin ólíku birtubrigði íslenskrar náttúru. Efnistökin fela í sér sígilda leit að einingu milli teikningar og málverks - línu og flatar - himins og jarðar.

Viðfangsefnið er því klassískt en Tryggvi heldur því engu að síður fram að fátt sé jafnbundið menningunni og það hvernig fólk á hverjum tíma upplifir umhverfi í mynd – enda eigi landslagið sér tvöfalda tilveru: Annars vegar í hinum svokallaða raunheimi og hins vegar í huga þess sem dvelur eða ferðast í landinu.

Tryggvi (f. 1962) stundaði nám við Myndlista- og handíðaskóla Íslands 1984 – 1988 og brautskráðist frá grafíkdeild. Á meðan á námi stóð og á árunum eftir útskrift tók hann þátt í nokkrum samsýningum myndlistarmanna. Hann hefur árlega haldið einkasýningar frá 2012 og auk vatnslita vinnur hann með teikningu, ætingu og þurrnál.

Tryggvi er félagi Íslenskri grafík.
Opnun sýningarinnar 5. júlí kl. 15:00. Allir velkomnir. Opið daglega 6. – 13. júlí frá 10:00 til 18:00.

"The Hjalteyri Scales" í Verksmiðjunni á Hjalteyri

The Hjalteyri Scales

Rod Summers (UK)

Verksmiðjan á Hjalteyri, / 05.07. – 27.07.2014 / Neðst á Hjalteyri við Eyjafjörð / 601 Akureyri
 http://www.verksmidjan.blogspot.com

Opnun laugardaginn 5. júlí kl. 15:00 / Opið alla daga til og með 27. júlí  kl. 14:00 - 17:00.
Umsjónarmaður Gústav Geir Bollason

The Hjalteyri Scales.
Listamaðurinn Rod Summers  bjó til  verkið  "The Hjalteyri Scales" sérstaklega með Verksmiðjuna á Hjalteyri í huga.  Þetta er lesinn texti og hljóðinnsetning. Um verkið segir hann:
“Casting the mesh into uncharted waters can result in an unexpected catch. When Loki broadcast his sperm into Angrboða we may be religiously sure he didn’t expect to net a ravenous wolf, a writhing serpent and sheer hell. These days scientists, bolstered by the support of paper reputations, willingly inform that mobility instigated global warming has caused fish shoal disappearance but I maintain (in this work at least) that the real cause of fishy absenteeism is the result of container ship noise pollution, the European common agriculture policy and speculative chocolate. The Hjalteyri Scales is a 4 channel audio work which seeks to bring a cubist balance into the remotest corners of places of abandoned employment."

Frumflutningurinn á verkinu þann 5. júli verður að nokkru leiti lifandi gjörningur eða audiodrama með leikendum.  Rod Summers mun líka sýna vídeó og prentuð verk í Verksmiðjunni .

Rod Summers er fæddur á Englandi en býr og starfar í Maastricht, Hollandi. Hann hefur talsvert unnið með íslenskum listamönnum og kemur oft til Íslands, hann dvelur þá gjarnan  á Ytra Lóni á Langanesi.
 
Sýningin verður opnuð laugardaginn 5. júlí 2014, kl. 15:00 með frumflutningi á verkinu The Hjalteyri Scales í Verksmiðjunni á Hjalteyri.

Koma listamannsins og sýningin eru styrkt af, Menningarráði Eyþings, Ásprenti og Myndlistarsjóði,  Bakhjarlar Verksmiðjunnar á Hjalteyri eru CCP­games, Bústólpi og Hörgársveit.

Viktoría Blöndal sýnir í Geimdósinni

Geimdósin kynnir opnun gestalistakonu sinnar Viktoríu Blöndal, sem hefur nú unnið í Geimdósinni að sýningu sinni 1 2 og NÚ(tíð).
Verkið er margþætt en byggir á einlægum vangaveltum um fortíð og nútíð. Hluti verksins er texti eftir Viktoríu og hér að neðan má lesa brot:

Mannskepnan tilheyrir þegar það rignir. Við tilheyrum
malbikinu. Á sama tíma og það rignir í hundraðogeinum Reykjavík er öskufall einhverstaðar annarstaðar og ég veit að þarna úti situr einhver kjélling í heiðbláum stígvélum, með skítugt hár og fulla tösku af pennum og lífrænu koníaki og hugsar um fortíðina, tíðarfarið, framtíðina og tíðarhringinn sinn. Hún gæti líka litið niður og séð að kjóllinn hennar er allur í götum og hugsað:
hver er þessi kjélling?
Texti: Viktoría Blöndal.

Auk þess verður einstaklingsverkefni Viktoríu frá sviðshöfundabraut í Listaháskóla Íslands til sýnis á opnuninni, en í vor kláraði hún annað ár sitt í skólanum með verki sínu I WHANNA I WHANNA I WHANNA.
Verkið verður sýnt á myndbandsformi og þar fjallar Viktoría um unglingsár sín á afdráttarlausan hátt.

Geimdósin býður alla hjartanlega velkomna á laugardaginn 28. júní klukkan 15:00 og minnir á að mikið verður um að vera í Gilinu þann daginn

1 2 og sjáumst!

Hekla Björt Helgadóttir opnar sýninguna KASTALAR í Mjólkurbúðinni

Hekla Björt Helgadóttir opnar sýninguna KASTALAR í Mjólkurbúðinni, í listagilinu á Akureyri laugardaginn 28. júní kl. 15.

Listakonan og skáldið Hekla Björt starfar í listagilinu á Akureyri og er þar með vinnustofu og sýningarrýmið Geimdósina.

Hekla Björt um sýninguna:

Skáldið á margar mismunandi sögur í mörgum mismunandi skúffum.
Sumar eru af vængjum og ávöxtum, á meðan aðrar eru af skærum og stingandi fálmurum.
Það eru ótal leiðir til að segja þessar sögur. Það má mála þær á striga, teikna þær á blað, segja þær með nótum, segja þær með orðum, á sviði, á rituðu formi, í bundnu eða óbundnu máli... og svo mætti lengi telja.

En það eru líka sögur sem skáldið segir aldrei...
Það eru sögur skúffuskáldsins, sem skrifar og skapar fyrir endann nema hljóðar skúffur. Stundum er það vegna þess að sögur skáldsins eru einfaldlega ekki nógu góðar sögur. Skáldið vill gleyma þeim... fleygja lyklunum af skúffunum.

En skáldið gat samt ekki gleymt...
Það hugleiddi hvort vond saga gæti nokkurn tímann orðið góð saga. Það hugleiddi hvort hægt væri að endurskrifa sögur minninganna og gera þær ögn betri fyrir vikið.
Skáldið tók því allar sínar vondu sögur og endurskapaði þær sem mínimalískar allegóríur. Formið var þrívítt og skáldið gaf þeim leiksvið úr gömlum skúffum og fann þeim stað og stund til að láta ljós sitt skína.

Staðurinn er Mjólkurbúðin í Listagilinu á Akureyri
og stundin er laugardaginn 28.júní klukkan 15:00.

Allir eru hjartanlega velkomnir
Skúffuskáldið, Hekla Björt Helgadóttir [e-mail]
s.865 4096

Sýningin KASTALAR í Mjólkurbúðinni er aðeins opin þessa einu helgi.

Leiðsagnir í Sjónlistamiðstöðinni alla fimmdudaga kl. 12

Á morgun, fimmtudaginn 26. júní, kl. 12 býður Sjónlistamiðstöðin upp á leiðsögn um sumarsýningu Listasafnsins, Íslensk samtíðarportrett – mannlýsingar á 21. öld. Guðrún Pálína Guðmundsdóttir, fræðslufulltrúi, mun leiða gesti um sýninguna og fræða þá um verkin og tilurð þeirra.

Viku síðar eða fimmtudaginn 3. júlí verður leiðsögn um sumarsýningu Ketilhússins, Gísli B. – Fimm áratugir í grafískri hönnun. Um vikulegar leiðsagnir er að ræða sem verða til skiptis á hvorum stað á hverjum fimmtudegi kl. 12 og er aðgangur alltaf ókeypis.

Nánari upplýsingar um dagkrána í sumar má sjá hér að neðan:

Ketilhúsið, fimmtudagur 3. júlí kl. 12.00: Leiðsögn um yfirlitssýningu Gísla B. Björnssonar, Fimm áratugir í grafískri hönnun.
Listasafnið á Akureyri, fimmtudagur 10. júlí, kl. 12.00: Leiðsögn um samsýninguna Íslensk samtíðarportrett – mannlýsingar á 21. öld.
Ketilhúsið, fimmtudagur 17. júlí kl. 12.00: Leiðsögn um yfirlitssýningu Gísla B. Björnssonar, Fimm áratugir í grafískri hönnun.
Listasafnið á Akureyri, fimmtudagur 24. júlí, kl. 12.00: Leiðsögn um samsýninguna Íslensk samtíðarportrett – mannlýsingar á 21. öld.
Ketilhúsið, fimmtudagur 24. júlí kl. 12.00: Leiðsögn um yfirlitssýningu Gísla B. Björnssonar, Fimm áratugir í grafískri hönnun.
Listasafnið á Akureyri, fimmtudagur 31. júlí, kl. 12.00: Leiðsögn um samsýninguna Íslensk samtíðarportrett – mannlýsingar á 21. öld.
Ketilhúsið, fimmtudagur 7. ágúst kl. 12.00: Síðasta leiðsögn um yfirlitssýningu Gísla B. Björnssonar, Fimm áratugir í grafískri hönnun.
Listasafnið á Akureyri, fimmtudagur 14. ágúst, kl. 12.00: Síðasta leiðsögn um samsýninguna Íslensk samtíðarportrett – mannlýsingar á 21. öld.
Ketilhúsið, fimmtudagur 21. ágúst kl. 12.00: Leiðsögn um sýningu Urtaislandica ehf., Skapandi greinar í átt að heilbrigðara efnahagskerfi.
Ketilhúsið, fimmtudagur 28. ágúst kl. 12.00: Leiðsögn um sýningu Urtaislandica ehf., Skapandi greinar í átt að heilbrigðara efnahagskerfi.

Georg Kiiu Olsen sýnir í Hvítspóa

Hjartanlega velkomin á opnun sýningarinnar  WORLD SLEEPING DILEMMA.

Grænlenski listamaðurinn Georg Kiiu Olsen opnar sýningu sýna  ´´WORLD SLEEPING DILEMMA´´  í  Hvítspóa art-studio – gallery laugardaginn 28. júni kl. 14.
Sýningin er opin til 28. júlí.


Anna Gunnarsdóttir
HVÍTSPÓI  ART-STUDIO – GALLERY
Brekkugata 3a
600 Akureyri
4662064  - 8976064

RÓT 2014 í Populus Tremula

RÓT2014

Enginn veit hvað mun gerast í Populus Tremula helgina 28. - 29. júní. Opið frá kl. 14 - 17 laugardag og sunnudag. www.rot-project.com


Vikuna 23. - 29. júní fer fram listaviðburðurinn RÓT2014 í Gilinu á Akureyri. Verkefnið fer fram í fyrsta skipti í ár og er skipulagt af þrem ungum listakonum. Í heila viku mun fjölbreyttur hópur listamanna koma saman í Portinu fyrir aftan Listasafnið, og vinna að sameiginlegu verki, einu á dag. Afraksturinn verður svo sýndur á flötinni fyrir ofan Ketilhúsið og í enda viku, laugardaginn 28. og sunnudaginn 29. júní verður svo unnið í Populus Tremula í Kaupvangsstræti 10.
Þar sem þetta er fjölbreyttur hópur listamanna úr mismunandi geirum listalífsins verður niðurstaðan án efa spennandi og vel þess virði að kíkja við. Það verður líka hægt að fylgjast með á heimasíðu RÓTAR, www.rot-project.com, og finna 2014 RÓT á Facebook og Instagram.