Freyja Reynisdóttir opnar sýningu í Kompunni, Alþýðuhúsinu á Siglufirði

FJÖGUR MÁLVERK

Freyja Reynisdóttir opnar sýningu í Kompunni, Alþýðuhúsinu á Siglufirði, nýjársdag. Sýningin stendur til 5. febrúar. Til sýnis verða fjögur málverk sem Freyja vann á staðnum og mynda þau eitt verk.


Hér er ég að búa eitthvað til fyrir áhorfandann, hvað svo og hvernig sem hann síðan ákveður að þetta sé. Þetta er kannski eitthvað sem á upphaf eða enda, eins og setning, taktur, hljóðtíðni eða hreyfing. Kannski er þetta hluti af stærri heild. Stöðug þróun frá einu að örðu eða tvístraðar útgáfur af sömu rót. Fjögur málverk.

Freyja Reynisdóttir, fædd 1989 býr og starfar á Akureyri. Hún útskrifaðist vorið 2014 frá Myndlistaskólanum á Akureyri og hefur síðan þá starfað sem listamaður hér á Íslandi, í Evrópu og í Bandaríkjunum.

www.freyjareynisdottir.com

Verið hjartanlega velkomin í Alþýðuhúsið á Siglufirði. Það verður hátíðleg smá-opnun á gamlárskvöld en sýningin verður opin öllum frá 18:00, fimmtudaginn 1. janúar 2015!

Koman er opin daglega kl: 14:00-17:00, eða þegar skiltið er úti. Einnig er hægt að hafa samband við Aðalheiði S. Eysteinsdóttur í síma: 865-5091

Menningarráð Eyþings, Fiskbúð Siglufjarðar og Fjallabyggð eru bakhjarlar Alþýðuhússins.

Ljósmyndasýningin Takk fyrir komuna í Populus tremula

Laugardaginn 27. desember kl. 14.00 verður opnuð ljósmyndasýningin Takk fyrir komuna í Populus tremula. Þar verður stiklað á stóru í tíu ára sögu Populus og myndir þeirra Kristjáns Péturs Sigurðssonar og Daníels Starrasonar verða í aðalhlutverki þótt fleiri muni koma við sögu.

Sýningin verður einnig opin 28. desember kl. 14.00-17.00 og að kvöldi 30. desember.

Þetta er síðasta sýningin í nafni menningarsmiðjunnar Populus tremula, sem rekin hefur verið í Listagilinu á Akureyri í tíu ár af hópi áhugafólks en hættir starfsemi um komandi áramót. Að baki eru 300 list- og menningarviðburðir af fjölbreyttum toga og útgáfa meira en 20 bókatitla og einnar hljómplötu.

Takk fyrir komuna í tíu ár!

https://www.facebook.com/events/1585518265013972/

Pinhole Sólargraf í Fjallabyggð

Pinhole Sólargraf í Fjallabyggð (sýning í Listhús Gallery)

Opnunartími:

26. 12.  2014 | kl.16-18
27. & 28. 12.  2014 | kl.14-17
2. 01.  2015 | kl.16-18
3. & 4. 01.  2015 | kl.14-17

Höfundar verka:
Ásdís Pálmadóttir | Eyrún Brynja Valdimarsdóttir | Gísli Kristinsson
Guðný Ágústsdóttir | Hólmfríður Arngrímsdóttir | Kristín Sigurjónsdóttir
María Bjarney Leifsdóttir | Matthías Gunnarsson |Sigmundur Agnarsson
Sigurður Svavarsson | Shok Han Liu

Kennsla i gerð pinhole myndavéla verður lokadag sýningarinnar á opnunartíma.  
Komið með eigin dósir 500 ml áldósir. Annað efni útvegað, gjald 500-kr pr. dós.

meire: http://listhus.com/7/post/2014/12/pinhole-solargraphy-of-fjallabyggd.html

* This exhibition is also our annual fund raising event. The person who donate 5000-kr or more to Listhus for supporting the art activities, they can select one of the prints attached.

Freyja Reynisdóttir opnar sýningu í Los Angeles

PLEASED 2 MEAT

Acryl, paper, canvas, wood. Freyja Reynisdóttir 2014.
At Reykjavik Outpost. 4680 Eagle Rock Blvd. Los Angeles, CA 90041.

Freyja Reynisdóttir b.1989, is an Icelandic artist living and working in Akureyri, Iceland. She graduated 2014 with first class honours from Akureyri School of Visual Arts and has since been working in Iceland, Europe and LA. Her most recent exhibition in Denmark covered the subject of Nothing through the nature of things, language and experience. Her work often depicts an unusual fantasy that addresses the emotional reality of being amongst others, our experiences, memory and communication. Crossing between drawing, painting, performance, text, video work and installations.
www.freyjareynisdottir.com

Gymnophobia
Love Water
is the title of a short story written by Icelandic writer and artist Hekla Björt Helgadóttir and is part of a book being published in late 2015 by Hekla and Freyja. In coming months Freyja will go through Hekla’s chapters and poems, using them as inspiration and material. The two will live together in an exhibition space at Akureyri’s central art street, creating and living through the book with performances, happenings, sound & video, installations, sculptures and paintings. (Gymnophobia is a fear (phobia) of nudity). This short story is the second text Freyja works with in their collaboration, the first one was a poem named Kattastófískt Kynlíf, e. Catastrophic Sex and ended up as a painting, installation and a performance by the two.

STYRKTARSJÓÐUR GUÐMUNDU ANDRÉSDÓTTUR AUGLÝSIR EFTIR UMSÓKNUM

STYRKTARSJÓÐUR GUÐMUNDU ANDRÉSDÓTTUR AUGLÝSIR EFTIR UMSÓKNUM UM STYRKI ÚR SJÓÐNUM Á ÁRINU 2014

Samkvæmt skipulagsskrá sjóðsins nr. 9321 er markmið hans ,,að styrkja og hvetja unga og efnilega myndlistarmenn til náms” en stofnfé sjóðsins er arfur samkvæmt erfðaskrá Guðmundu Andrésdóttur listmálara sem lést árið 2002. Ráðstöfunarfé sjóðsins eru raunvextir af höfuðstól og verður í ár ráðstafað 1.8 milljónum króna. Veittir verða þrír styrkir að upphæð 600.000 krónur hver.

Sjóðurinn styrkir myndlistarmenn til framhaldsmenntunar og er æskilegt að umsækjendur hafi lokið BA prófi í myndlist eða sambærilegu námi. Hægt er að sækja um styrk til lengri eða skemmri námsdvalar erlendis, þó aldrei skemur en til sex mánaða. Umsókn skal fylgja ítarleg greinargerð um fyrirhugað nám ásamt meðmælabréfi og upplýsingum um fyrra nám og starfsferil.

Umsóknarfrestur er til og með 15. desember 2014.
Umsóknir merktar styrktarsjóðnum skulu sendar Listasafni Íslands, Laufásvegi 12, 101 Reykjavík. Nánari upplýsingar eru veittar í síma Listasafns Íslands 515 9600. Stefnt er að úthlutun eigi síðar en 18. desember næstkomandi.

Styrktarsjóður Guðmundu Andrésdóttur

Kazuko Kizawa með fyrirlestur í Ketilhúsinu

Í dag, þriðjudaginn 9. desember, kl. 17 heldur japanska listakonan Kazuko Kizawa fyrirlestur í Ketilhúsinu þar sem hún mun fjalla um sýningu sína Spectrum – Polarljós sem opnar í Deiglunni næstkomandi laugardag, en þar sýnir hún verk sem unnin eru útfrá norðurljósunum. Á fyrirlestrinum, sem fer fram á ensku, mun Kazuko einnig fjalla um eldri verk og myndlistarferil sinn.

Kazuko Kizawa vinnur í margskonar miðla s.s. innsetningar, video, ljósmyndir, málverk og þrívídd. Hennar meginþema er ljós og litir. Hún hefur sýnt verk sín víða í Evrópu, Japan og Bandaríkjunum.

Fyrirlesturinn er á vegum Gilfélagsins og aðgangur er ókeypis.

Arna Vals - samtal - Hekla Björt: Geimdósin

Geimdósin kynnir síðustu opnun sína, laugardaginn 13. des. kl. 20: 

Agnes - samtal- Kæra Ljóðsdóttir
Arna Vals - samtal - Hekla Björt 

Arna Valsdóttir og Hekla Björt Helgadóttir sýna í Geimdósinni í Kaupvangsstræti á Akureyri verk þar sem þær stefna videoverki Örnu “Agnes” saman við ljóð Heklu Bjartar “Kæra Ljóðsdóttir”.

Verkið Agnes er stutt myndskeið tekið í Vatnsdalnum á hráslagalegum degi vorið 2014 við aftökustað Agnesar 
Magnúsdóttur og Friðriks Sigurðssonar. 

Arna Valsdóttir nam myndlist við MHÍ og lauk framhaldsnámi frá Jan van Eyck Academie í Hollandi árið 
1989. Hún hefur sýnt víða bæði samsýningar og einkasýningar en í ágúst 2014 opnaði einkasýning hennar 
“Staðreynd-Local fact” í Listasafninu á Akureyri. Þar sýndi hún 6 video/söng -innsetningar sem hún hefur unnið frá 2008 og 1 videoverk frá 1988. Arna er búsett á Akureyri og kennir við listnámsbraut VMA.

Hekla Björt hefur starfrækt gallerí Geimdós á vinnustofu sinni í Kaupvangsstræti, síðan í desember 2013. 
Þar hefur hún unnið myndlist og ljóð, auk þess að bjóða listafólki að sýna þar verk sín við ljóð eftir hana. 
Þó Geimdósin teljist ekki stór í fermetrum, er hún takmarkalaus. Hún hefur fyllst af sandi, vatni, rusli, myndlist, ljóðum og alls konar fólki. Fyrsta opnun Geimdósarinnar var 17. desember 2013 og verður opnunin á laugardaginn sú síðasta og sautjánda í röðinni. Að því tilefni, eru allir hjartanlega velkomnir í Dósina í síðasta sinn. Arna og Hekla munu meðal annars bjóða upp á ljóðasúpu og brauð og einhvern ljúfan vökva í glasi. 
Gleðin hefst klukkan átta og lifir þar til glóðin lognast út. 
Hér að neðan má lesa ljóðið:

Kæra Ljóðsdóttir

Ekki láta þér bregða, þeir koma þessir dagar…
Dagarnir sem byrja á síðdegi og enda á kaldri súpu
spegilmyndin hörfar, fölnuð ást safnar ryki
og þú starir fram hjá sjónvarpinu í úlpu

Það snjóar inn um gluggann og hjartað er úr ösku
og þú vilt eyða þeim í rúminu,
með einhverjum að yrkja um… 
og ekki um einhvern sem drap í glóð í hjartanu, 
heldur einhvern sem klæðir sig brosandi í úlpu
hitar súpuna og situr með þér.

Ég man daginn sem ég uppgötvaði kveðskap og kvenhatur Charles 
Bukowskis. Ég las ekkert annað, hálfheilluð, hálfhelluð
og frekar hneyksluð.
Og ég undraði mig á afköstum mannsins,
Hann teygaði minnst sex lítra af bjór á dag!
og ég spurði mig hvort ég kæmist upp með slíkt hið sama
að drekka og skrifa og skrifa um að drekka í bræði
… svo komu dagarnir sem ég lét á það reyna…
en ræðum þá sem minnst…
þeir enduðu í kulnuðu flóði
við Ginnungagapið sjálft.

En svo komu líka dagar
og ég lofa þér… þeir koma
þegar allt hið ofangreinda
fellur í skugga hins fullkomna orðasambands
og þér finnst þú hafa sigrað bikið og heiminn og allan stokkinn
og gefur skuggum meistaranna langt nef

- Hekla Björt

 

GEIMDÓSIN, Kaupvangsstræti 12. Listasafnshúsið/gengið inn úr portinu fyrir ofan, baka til.

https://www.facebook.com/events/610482915720098

Ingibjörg Berglind sýnir í Mjólkurbúðinni

Ingibjörg Berglind Guðmundsdóttir opnar sýninguna HUG-SJÓN í Mjólkurbúðinni í listagili, laugardaginn 6. desember kl. 14.

Ingibjörg er grafískur hönnuður og útskrifaðist frá Myndlistaskólanum á Akureyri 2014.

Sýningin HUG-SJÓN er fyrsta einkasýning Ingibjargar og hefur að geyma blek og pennateikningar af manneskjum. Þessar manneskjur verða að persónum mjög fljótt í ferlinu, þar sem tilfinningar fá að flæða undan áhrifum hugsana og umhverfis.

Sýningin stendur yfir helgina 6.-7. desember og er opið kl. 12- 17.

Allir velkomnir.


Mjólkurbúðin Listagili s. 8957173

Aflsgjörningur og sýning á Akureyri Backpackers

Ungmennahúsið í samstarfi við Þuríði Önnu Sigurðardóttur efnir til listasýningar á Akureyri Backpackers þann 6. desember frá kl. 13-18. 
Sýningin er okkar liður í þátttöku 16 daga átaks gegn kynbundnu ofbeldi. Átakið, sem stendur frá 25. nóvember til 10. desember, er alþjóðlegt og skipulagt af Miðstöð fyrir alþjóðlega forystu kvenna/ Center for Women‘s Global Leadership. Síðustu 23 ár hefur alþjóðlegt 16 daga átak gegn kynbundnu ofbeldi verið tileinkað baráttu og skipulagningu á aðgerðum til þess að binda endi á ofbeldi gegn konum bæði á innlendum og alþjóðlegum vettvangi.
Markmið okkar með sýningunni er að varpa ljósi á bága fjárhagsstöðu Aflsins, sem er samtök gegn kynferðis- og heimilisofbeldi hér á Akureyri. 

Á sýningunni verða videoverk og ljóð til sýnis, listaverk og fatnaður til sölu og vel verður tekið á móti frjálsum framlögum. Allur ágóði rennur óskertur til Aflsins.

Hlökkum til að sjá ykkur kæru vinir.

Fyrir ykkur sem sjáið ykkur ekki fært að mæta en viljið leggja ykkar af mörkum þá tekur Aflið á móti frjálsum framlögum ♥

Bankareikningur: 566 -26-2150
Kennitala: 690702-2150

https://www.facebook.com/events/753632301379073

Súpufundur í Listagilinu

Það styttist í hinn mánaðarlega súpufundi í Gilinu. Við hittumst fyrsta þriðjudag í mánuði og nú er komið að þriðjudeginum 2. desember 2014 kl. 12-13 á RUB 23.
Allir sem vinna í Gilinu, tengjast starfseminni þar eða hafa bara áhuga á Gilinu eru velkomnir.
Það er engin formleg dagskrá en tilvalið að ræða það sem brennur á fólki og það sem er framundan. Til dæmis umferðina í Gilinu, aðventudagskrána eða næsta Gildag sem er fyrirhugaður 10. jan. og fleira og fleira.
Sjáumst!

https://www.facebook.com/events/1511757572420262

Agnes Ársælsdóttir og Vala Hjaltalín sýna í Populus tremula

KVÁNRÍKI

Föstudaginn 5. desember kl. 18.00 opna Agnes Ársælsdóttir og Vala Hjaltalín sýninguna Kvánríki í Populus tremula. Sýndar verða myndir í hinum ýmsu miðlum auk myndbands sem þær unnu í sameiningu og er titilverk sýningarinnar.

Sýningin er opin þessa einu helgi, frá kl. 18:00-22:00 á föstudag og kl. 14:00-17:00 laugardaginn 6. desember og sunnudaginn 7. desember.

https://www.facebook.com/events/910176792334603

Þriðjudagsfyrirlestur í Ketilhúsinu: Giorgio Baruchello - Athugasemdir um mælskufræði og málverk

Þriðjudaginn 2. desember kl. 17 heldur Giorgio Baruchello prófessor í heimspeki við Háskólann á Akureyri fyrirlestur í Ketilhúsinu á Akureyri undir yfirskriftinni Athugasemdir um mælskufræði og málverk. Þar mun hann fjalla um hin ævagömlu en gleymdu tengsl milli mælskufræði og málverka og sýna fram á hvernig aðalhugtök mælskufræðinnar hafa verið notuð í sköpun listaverka og túlkun þeirra. Erindið er flutt á ensku en íslenskar þýðingar tæknilegra orða verða sýndar á glærum.  
Giorgio Baruchello lauk doktorsnámi í heimspeki frá Háskólanum í Guelph í Kanada. Meðal þess sem hann rannsakar er félagsheimspeki, kenningar um gildi og verðmæti og hugmyndasaga. Hann ritstýrir veftímaritinu Nordicum-Mediterraneum sem vistað er innan Háskólans á Akureyri.

Enginn aðgangseyrir er á fyrirlesturinn sem er sá tíundi í röð fyrirlestra sem haldnir eru í Ketilhúsinu á hverjum þriðjudegi kl. 17 undir yfirskriftinni Þriðjudagsfyrirlestrar.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri.

http://listasafn.akureyri.is

https://www.facebook.com/events/1612473045646551

Hjördís Frímann sýnir í Gallerí LAK

Allir eru hjartanlega velkomnir á opnun Hjördísar Frímann í Gallerí LAK kl. 16.00, fimmtudaginn 27. nóv.

Lokaverkefni nemenda á Listnámsbraut VMA í Sal Myndlistarfélagsins

Útskriftarsýning nemenda á listnámsbraut VMA í sal Myndlistafélagsins, Kaupvangsstræti 10, 600 Akureyri.

Sýningin heitir Hugarþel og er opnun á föstudagskvöldið 20-22 og sýningin er opin á laugardag og sunnudag 14-17.

12 útskriftarnemar með verk úr öllum áttum: textíll, myndlist, þrívíddarverk, vöruhönnun og vídeóverk.

Erwin van der Werve opnar sýningu í Flóru

Erwin van der Werve
Innrömmuð rými
29. nóvember - 23. desember 2014
Opnun laugardaginn 29. nóvember kl. 14
Flóra, Hafnarstræti 90, 600 Akureyri, s. 6610168

http://floraflora.is/

Laugardaginn 29. nóvember kl. 14 opnar Erwin van der Werve sýninguna “Innrömmuð rými” í Flóru á Akureyri.

Erwin van der Werve er menntaður frá Willem de Kooning Academi í Rotterdam og útskrifaðist árið 2002. Hann var skiptinemi við Listaháskóla Íslands í Reykjavík árið 2001.
Hann hlaut startstipendium í Hollandi árið 2003 og er búin að starfa sem myndlistamaður upp frá því. Árið 2004 var hann með vinnustofu í Klink og Bank í Reykjavík. Eftir að hann lauk námi hefur hann búið á Íslandi, í Hollandi og Noregi og eftir dvöl í gestavinnustofunni í Listagilinu á Akureyri árið 2012 ákvað fjölskyldan að flytja til Akureyrar og hér hafa þau búið frá janúar á þessu ári. Erwin er nú með vinnustofu í Grasrót á Akureyri. Erwin hefur sýnt verk sín í Hollandi, Finnlandi, Svíþjóð, Noregi, Þýskalandi, Kína og á Íslandi.

Á sýningunni í Flóru mun Erwin sýna brot af rúmlega 600 teikningum og málverkum sem hann hefur unnið að síðastliðin 10 ár. Oftast vinnur Erwin með innsetningar í rými og þessar teikningar eru af landslagi eða mismunandi rýmum og ef til vill ekki svo ólíkar því þegar horft er út um glugga.

Nánari upplýsingar um verk Erwins van der Werve má finna á http://www.erwinvanderwerve.nl/
Sýningin er öllum opin á opnunartíma Flóru fimmtudaga og föstudaga kl. 11-18 og laugardaga kl. 11-16. Sýningin stendur fram á Þorláksmessu, þriðjudaginn 23. desember 2014.


Flóra er verslun og viðburðastaður með vinnustofum sem Kristín Þóra Kjartansdóttur félagsfræðingur rekur. Áherslan er á nýtingu, endurnýtingu, náttúrutengsl og verkmenningu. Menningardagskrá Flóru hlaut styrk úr Menningarsjóði Akureyrar.

https://www.facebook.com/events/819199351454539

 

Eiríkur Arnar Magnússon sýnir í Populus tremula.

Laugardaginn 29. nóvember kl. 14.00 mun Eiríkur Arnar Magnússon opna sýninguna Bækr voru í Populus tremula.

Eiríkur Arnar Magnússon (1975) er fæddur og uppalinn á Akureyri. Útskrifaðist úr Listaháskóla Íslands 2007 og vinnur aðallega með bækur og málverk. Þetta er þriðja einkasýning hans.

Sýningin er einnig opin á sunnudag 30. nóvember frá kl 14.00-17.00.
Aðeins þessi eina helgi.

https://www.facebook.com/events/999302396752877

Stefán Boulter með Þriðjudagsfyrirlestur í Ketilhúsinu

Þriðjudaginn 25. nóvember kl. 17 heldur listmálarinn Stefán Boulter fyrirlestur í Ketilhúsinu á Akureyri undir yfirskriftinni Handverk er hugmynd. Þar mun hann fjalla um sín eigin verk og vekja upp nokkrar áleitnar spurningar um listsköpun en Stefán hefur verið ötull talsmaður þess að sameina aftur handverk og hugmynd í listsköpun. Hann flokkar verk sín sem „kitsch“ en til að lýsa þeim á auðskiljanlegri hátt kallar hann þau einnig „ljóðrænt raunsæi“. Stefán nam myndlist í Bandaríkjunum, Ítalíu og Noregi og hefur tekið þátt í fjölda sýninga bæði á Íslandi og erlendis. Hann kennir við Myndlistaskólann á Akureyri.

Enginn aðgangseyrir er á fyrirlesturinn sem er sá níundi í röð fyrirlestra sem haldnir eru í Ketilhúsinu á hverjum þriðjudegi kl. 17 undir yfirskriftinni Þriðjudagsfyrirlestrar. Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Á næstu vikum tala Giorgio Baruchello og Kazuko Kizawa.

http://listasafn.akureyri.is

https://www.facebook.com/events/1612473045646551

In Love we trust í Gallerí Ískáp / Súper Öfundsjúkur Eiginmaður í Útibúinu

In Love we trust:

“in God we trust” was adopted as the official motto of the United States in 1956.
It first appeared on U.S coins in 1864 and has appeared on paper currency since 1957.

23. Davíðssálmur

“ Drottinn er minn hirðir,
mig mun ekkert bresta.
Á grænum grundum lætur hann mig hvílast,
leiðir mig að vötnum, þar sem ég má næðis njóta.
Hann hressir sál mína,
leiðir mig um rétta vegu fyrir sakir nafns síns.
Jafnvel þótt ég fari um dimman dal,
óttast ég ekkert illt,
því að þú ert hjá mér, sproti þinn og stafur hugga mig.
Þú býr mér borð frammi fyrir fjendum mínum,
þú smyr höfuð mitt með olíu,
bikar minn er barmafullur.
Já, gæfa og náð fylgja mér alla ævidaga mína,
og í húsi Drottins bý ég langa ævi. “


Laugardaginn 22. nóvember, kl. 14:00 opnar Hekla Björt Helgadóttir, listrænn stjórnandi Geimdósarinnar, listamaður og skáld, sýninguna "In Love we trust" Í Gallerí Ískáp á vinnustofunum í Gilinu.

-------------------------------------------------------------------------------

Heiðdís Hólm og Jónína Björg Helgadóttir opna sýninguna "Súper Afbrýðissamur Eiginmaður" í Útibúi Gallerí Ískáps á sama tíma. Hann verður staðsettur einhversstaðar í Listagilinu, leitið og þér munuð finna!

Á "Súper Afbrýðissamur Eiginmaður" verður hugarástand afbrýðisams eiginmanns rannsakað, með sálfræðilegum og heimspekilegum aðferðum. Alls ekki siðferðislegum.


Aðeins þennan eina dag! Allir hjartanlega velkomnir!

Nánari upplýsingar veitir Heiðdís Hólm, í síma 848-2770 eða tölvupósti heiddis.holm hjá gmail.com

Kaupvangstræti 12, 600. Listasafnshúsið/gengið inn úr portinu fyrir ofan, baka til.

https://www.facebook.com/events/1566114643621304

Ívar Freyr Kárason opnar sýninguna Loftskip í Geimdósinni

Nú á laugardaginn 22. nóvember kl. 14, stígur Ívar Freyr Kárason í Geimdósina opnar sýninguna Loftskip.
Sýningin er unnin við samnefnt ljóð eftir Heklu Björt, með spraypaint tækni sem Ívar hefur þróað með sér um nokkurt skeið.
Ívar er á lokaári við grafíska hönnun í Myndlistaskólanum á Akureyri, en ver einnig tímanum á vinnustofu sinni Samlaginu, ásamt galvöskum hópi. Þar hefur hann velt mikið fyrir sér hugtakinu "ljót list", og setti sér það að hálfgerðu markmiði. Hér er áhugavert viðtal við kauða, þar sem hann talar meðal annars um hugmyndirnar sínar að baki ljótrar listar. http://www.felagi.is/is/frettir/frettir/getAllItems/14/listskopunarhatidin-homlulaus

Loftskip

Við vorum lök á loftskipum
strengd á milli mastra
en þöndumst ekki í storminum, eins og stolt segl
aðeins þunnar hræður á vindmiðum
sem varð okkur um megn

Svo flöktandi
með óráði
bárumst við
með bergmáli
á reikulum sporbaugum,
hverfulum glitsaumum
um náttblámans mistur og mána
og dreymdi að verða segl

Við vorum lök í álögum
frá rykföllnum tunglunum
og í húminu við heyrðum þau hvísla:

Undirlægjulök
fá engu að ráða
Undirlægjulök
fá aðeins að ráfa

því lök á loftskipum
þenjast ekki í storminum
og lök verða aldrei segl
og lök á vindmiðum
var allt sem við vorum
og það sem varð okkur um megn

- hekla 2011


Nú er að sjá... tekur Ívar sig til og opnar Dósina með ljótri list? Eða vandasamri fallegri list?
Hver dæmir fyrir sig, og því eru allir velkomnir í Geimdósina á laugardaginn klukkan 14:00 og þiggja list og veigar, ljótar eða fagrar.

one love

GEIMDÓSIN, Kaupvangsstræti 12. Listasafnshúsið/gengið inn úr portinu fyrir ofan, baka til.

https://www.facebook.com/events/377304789099191

Aðalfundur Myndlistarfélagsins

 

Aðalfundur Myndlistarfélagsins verður haldinn í kvöld 19. nóvember kl. 20 í sal Myndlistarfélagsins, Kaupvangsstræti 10 á Akureyri. Vonumst til að sjá sem flesta.

https://www.facebook.com/events/594230827369314