Listhús: Skammdegi AIR award

Call for Artists: Listhus Skammdegi AIR award
Deadline: April 30, 2014
What is Listhus SKAMMDEGI AIR Award?

Skammdegi in Icelandic means dark winter or short sunlight winter.  December 21 is the shortest day in Iceland. The sunlight is from 11am to 3pm only.  Listhús í Fjallabyggð is located in Olafsfjordur, north Iceland where is rounded by mountains. So during December and January, the sun never can raise up higher than the mountains. Resulting, the lands are always covered by a mysterious reflective lighting. To push up the spirit, people eager to light up the house with Christmas lights and joy with 13-Yule Lads, Icelandic Santa Claus until 6 January. The sun climbs up bit by bit until the first shinning line shows on the peak on January 21.

For Listhus AiR SKAMMDEGI Award winners, we offer our accommodation for full or half free during your two months stay. From 2014, we newly established this AWARD to maximize the possibility to explore in the dark winter.

Who are we looking for?

Artists, writers, musicians, and researchers (individually or in pairs) who like to take the challenge/enjoy a dark winter.

Proposals must focus mainly on content of the work and the process of working resulting in a presentation in our space. Projects must have a strong site specify concept and/or with interactive elements with locals and/or environment. Do not take this too literally, feel free to propose the unexpected, and be bold! We strongly advise you to read into our website: www.listhus.com prior to submitting a proposal.

Duration: Two months, December 2014 and January 2015

Paid by host

Full grant: Accommodation, studio and gallery ( equal to the value of 1,000 to 1,300 euro)
Half grant: 50% fees reduction ( equal to the value of 500 to 650 euro)

Paid by Artists

Travel, living and production expenses must be paid by artists.
Also, overseas artists are asked to get insurance before departure.

How To Apply

1) Application Fee: In order to apply, Listhus requests a small application fee of €15,-. Collected funds cover basic administrations costs. The application fee should be transferred to our PayPal account with email address [e-mail]. Fees paid are non-refundable. Without received payment your application will not be considered.

2. Application Form

3. CV/ Artist Profile

4. Relevant images, audios, videos, magazines, website links

5. At least two recommendation letters

 
More information: http://listhus.com/listhus-skammdegi-air-award.html

 
 
 

Sigríður Ella Frímannsdóttir og Þórarinn Örn Egils­­son sýna í Populus tremula

Laugardaginn 19. apríl kl. 14.00 opna Sigríður Ella Frímannsdóttir og Þórarinn Örn Egils­­son ljósmyndasýning­una Thoella í Populus tremula.

Sýnd verða þrjú ljósmyndaverk: FYRST OG FREMST ER ÉG samanstendur af 21 portrettmynd Sirgíðar Ellu af einstaklingum með Downs heilkennið.

BLOODGROUP, ljósmyndabók úr myndaröð sem Sigríður Ella tók á tíma­bilinu frá 2011-2013 af hljómsveitinni Bloodgroup.

FEGURÐIN Í DAUÐANUM: Í þessu verkefni notar Þórarinn Örn sína túlkun til að sýna fegurðina í dauðanum.

Sýningin er einnig opin páskadag og annan í páskum kl. 14.00-17.00.
Aðeins þessi eina helgi.

https://www.facebook.com/events/708681175840469

Ásta Bára Pétursdóttir sýnir í Mjólkurbúðinni

Ásta Bára Pétursdóttir opnar sýninguna VIÐ í Mjólkurbúðinni í Listagilinu laugardaginn 12.apríl kl. 15.

Á sýningunni sýnir Ásta Bára olíumálverk og viðfangsefni sýningarinnar erum við sjálf og athafnir okkar við leik og störf.

Ásta Bára útskrifaðist úr Myndlistaskólanum á Akureyri 2008. Hún er einnig í Myndlistarfélaginu og starfar þar í sýningarstjórn.

Sýningin VIÐ er opin laugardag og sunnudag kl. 14-17 og verður opið yfir páskana. Sýningunni lýkur 20.apríl.

Allir velkomnir.

Dagrún Matthíasdóttir sýnir í Ketilhúsinu

Laugardaginn 12. apríl kl. 15 opnar myndlistarkonan Dagrún Matthíasdóttir sýninguna Gómsætt í Ketilhúsinu á Akureyri. Matur er umfjöllunarefnið en Dagrún vinnur með ólík efni og aðferðir og velur það sem hentar viðfangsefninu hverju sinni. Frásögn bregður fyrir í verkum hennar þar sem hún gramsar í matnum og gefur honum hlutverk með túlkun sinni í formum og litum. Á sýningunni reiðir Dagrún fram alls konar rétti úr eldhúsi myndlistarinnar, jafnt hefðbundin málverk sem fjöltæknilega bragðarefi. Þannig fá gestir sýningarinnar vatn í munninn um leið og hugtökin tilraunaeldhús og heimabakstur eignast nýja merkingu.
 
Sýningin stendur til 18. maí og er opin alla daga nema mánudaga kl. 12-17. Aðgangur er ókeypis.

Kristján Pétur í Populus tremula

Laugardaginn 12. apríl kl. 14.00 opnar Kristján Pétur Sigurðsson sýningu á nýjum og gömlum högg­myndum, lágmyndum og ljósmyndum í Populus tremula. Enn er Kristján Pétur að krukka í form og merkingu hljómfræðitákna. Við opnunina mun Kristján Pétur spila nokkur lög til að kynna útgáfu á splunkunýjum hljómdiski sínum er nefnist TVÖ LÖG.
Sýningin er einnig opin sunnudaginn 13. apríl frá 14.00-17.00.
Aðeins þessi eina sýningarhelgi en diskurinn verður áfram til sölu hjá Kristjáni Pétri.

Ívar Freyr Kárason sýnir í Gallerí Ískáp

Ívar Freyr Kárason býður upp á sýninguna Rusl fæði? í Gallerí Ískáp í Listagilinu á laugardaginn kl. 14-17.

Kaupvangstræti 12, 600 Akureyri (gengið inn úr portinu bakvið Listasafnið)

https://www.facebook.com/events/832552723426092

Opnar vinnustofur í portinu á bak við Listasafnið á Akureyri

Opnar vinnustofur verða frá kl 14 - 17 á laugardaginn 5. apríl í portinu á bak við Listasafnið Á Akureyri og opnun í listasafninu og populus tremula. opnun í Dósinni, Andyrinu og Gallerí Ískápur / Gallery Fridge.

https://www.facebook.com/events/244414772409640

Þorgils Gíslason í Geymdósinni

Næsta opnun og flugtak Geimdósarinnar verður laugardaginn 5. apríl og að þessu sinni kynnir Dósin Togga Nolem (Þorgils Gíslason) til leiks.
Kumpáninn sá er kannski þekktastur sem tónlistarmaður, lagahöfundur og upptökustjóri, en einnig nemur hann við Myndlistaskólann á Akureyri og bræðir því ýmislegt annað saman en tónlist.

Dósin færði Nolem ljóðverk eftir Heklu Björt Helgadóttur og vann hann út frá því myndverk og innsetningu, á áhugaverðan hátt.

Hann vill ekkert tjá sig um málið, en verður viðstaddur opnunina í Geimdósinni, næstkomandi laugardag frá klukka 14:00.

Auk þessa, verða svo opnar vinnustofur í Portinu, með sýningu í Gallerí ísskáp og forstofunni, svo hægt verður að fóðra kúltúrskrímslið vel þennan daginn.

Að lokum er það svo ljóðið:

Og sjá…
Því kristur er fæddur!
Endurborinn
og upprisinn áfengum dauða
með brunninn tanngarð
og gallgula fingur
þú finnur hann!
Ganga blaut gólf knæpunnar
stika áfram
eftir ælupollum
í húsasundum,
rauðeygan
hlandausinn
negldan syndum
með hrapsár í lófunum

Upprisan
endurkoman
ráfalings með vígsluvín
er hrakinn var á brott
nótt eftir nótt.
En upprisinn
röflar hann sig áfram inn í sátt okkar:
Sjáið mig
kæru hálsar!
og hengið samvisku yðar á mig!
Aum ásjóna mín
sú myrka hryggðarsýn
er ekkert nema holdgerð þjáning yðar!
Í áfengu blóði mínu
flæða syndirnar, sakirnar
og svikulir kossar
á vörum mér.
Svo sjáið mig
kæru hálsar!
en dæmið eigi
ellegar dæmið yður sjálf
þið fótfúnu þrælar
eigin svipuhögga

Því ykkar er ríkið
mátturinn og dýrðin
til lífs og til mistaka
að eilífu
eyðing

 

Geimdósin. Kaupvangsstræti 12. Listasafnshúsið, gengið inn úr portinu að ofan, baka til. 

https://www.facebook.com/events/1460682397498678

Helgi Hjaltalín og Pétur Örn sýna í Listasafninu á Akureyri

 
Laugardaginn 5. apríl kl. 15 opna myndlistamennirnir Helgi Hjaltalín Eyjólfsson og Pétur Örn Friðriksson sýninguna Markmið XIV í Listasafninu á Akureyri. Á þessari sýningu halda þeir áfram að gera tilraunir, sem skila engri afgerandi niðurstöðu, á ferðalagi sem hefur engan sérstakan áfangastað. Tilgangur félaganna er að setja saman mynd þar sem framkvæmd og framsetning sýningarinnar verður að sjónrænni upplifun. Þeir ýta myndmálinu að rökrænum þolmörkum sínum, en bjóða um leið áhorfandanum upp á dúnmjúkan þægindaramma fyrir skilningarvitin.
 
Hugmyndaferðalög þessara tveggja myndlistamanna hafa leitt til samvinnuverkefna sem skrásett eru í formi afritaðra athafna, meðal annars með ljósmyndum, myndböndum, skúlptúrum og öðrum tjáningarmiðlum myndlistarinnar. Sýningin byggir á samvinnuverkefninu Markmið, sem varð til um síðustu aldamót, og samanstendur af tveimur einkasýningum.
 
Sýningin stendur til 25. maí og er opin alla daga nema mánudaga kl. 12-17. Aðgangur er ókeypis.