Guðrún Hadda Bjarnadóttir opnar sýningu í Gallerí Haughúsi

Guðrún Hadda Bjarnadóttir opnar sýningu í Gallerí Haughúsi á Þórisstöðum,
Svalbarðsströnd, laugardaginn 1. ágúst kl. 14.

Um sýninguna:

Arfur
Ömmur mínar gáfu mér nöfnin sín, þær gáfu mér einnig arfinn sem þær fengu frá ömmum sínum.
Ég hef lengi verið stolt af því að bera þessi nöfn og er þakklát fyrir arfinn.
 
Árið 2003 var samsýning í Lystigarðinum á Akureyri og vann ég þar verk út frá balderuðu mynstri er formæður okkar gerðu á búninga sína. Þetta mynstur hef ég síðan unnið með áfram og útfært í vefnað og málverk.
Sýningin opnar laugardaginn 1. ágúst 2009 kl 15.00 í Haughúsinu á Þóristöðum og er opin alla daga frá 14.00-18.00 til ágústloka. http://www.hotelnatur.com (gengið inn í gegnum veitingastofu)
Og er hún hluti af viðburðarröð Mardallar VITIÐ ÞÉR ENN - EÐA HVAÐ?
http://www.mardoll.blog.is
Sýningin opnar á laugardaginn 1. ágúst 2009 kl 15.00 í Haughúsinu á Þóristöðum og er opin alla daga frá 14.00-18.00 og út ágústmánuð. http://www.hotelnatur.com

Ókeypis aðgangur og allir velkomnir.

Myndlistarsýning á Siglufirði, 1. - 3. ágúst

 
Laugardaginn 1. ágúst næstkomandi kl 13:00 verður myndlistasýningin

Lífsmörk - Útmörk opnuð í Sýningarsal Ráðhúss Siglufjarðar.

Það mun kenna ýmissa grasa á sýningunni, videoinnsetning, klippimyndir, myndbandsverk, teikningar, postulínskúlptúrar, málverk og ljósmyndir. Umfjöllunarefni þeirra er af ýmsum toga, sterkar konur,
sjálfsímynd, endurvinnsla, líkt og ólíkt gildismat kynslóða, gremja og efniskennd.

Lífsmörk - Útmörk er sjálfstætt framhald af sýningunni Lífsmörk sem haldin var samhliða LungA hátíðinni 16. - 20. júlí.

Alls sjö listamenn taka þátt í sýningunni.

Listamennirnir hafa allir unnið  saman áður, til dæmis sýndu þau öll saman í verkefninu Flökkukindur á þessu ári sem gekk út á að fylla auð rými í miðborginni.

Listamennirnir eru :

Bergþór Morthens, Gunnar Helgi Guðjónsson, Harpa Dögg Kjartansdóttir, Hugsteypan (Ingunn Fjóla Ingþórsdóttir og Þórdís Jóhannesdóttir), Kristjana Rós Oddsdóttir Guðjohnsen og Ólöf Dómhildur Jóhannsdóttir.

Myndlistarmennirnir hafa lokið  námi úr myndlistadeild Listaháskóla Íslands og Myndlistarskólans á Akureyri.
 
 
Sýningin er öllum opin og aðgangur ókeypis

Aðalsteinn Vestmann opnar í Jónas Viðar Gallery

 

Opnun á sýningu Aðalsteins Vestmanns í Jónas Viðar Gallery, laugardaginn 1. ágúst kl. 15. Allir velkomnir.

Sex listamenn opna í Deiglunni

Laugardaginn 1. ágúst kl. 15 opnar samsýning 6 listamanna í Deiglunni undir
yfirskriftinni "Sex sýna". "Hver er kynlægur munur á túlkun, er hægt að tala
um kyntúlkun. Það er talað endalaust um að við sjáum, skiljum og gerum hluti
eftir því hvers kyns við erum. En gerum við það? Hvernig sér
myndlistamaður/-kona þetta eða hitt? ER í raun kynlægur munur á túlkun?
Sýnendur eru þrír karlmenn og þrjár konur: Ása Óla, Dagrún Matthíasdóttir,
Sigurlín M. Grétarsdóttir, Margeir Sigurðsson, Ólafur Sveinsson og Trausti
dagsson.

“Náttúra og mannlíf” og "Vökudraumar" í Ketilhúsinu

Laugardaginn 1. ágúst kl. 14:00 verður opnuð myndlistarsýningin “Náttúra og mannlíf” í Ketilhúsinu á Akureyri. Þetta er samsýning þeirra Halldóru Helgadóttur (málverk) og Guðrúnar Halldórsdóttur (skúlptúr). Sýningin er opin daglega frá kl. 13:00 til kl. 17:00 Síðasti sýningardagur er 16. Ágúst. Sýningin er öllum opin og eru allir velkomnir á opnunina.
 
Þær Halldóra og Guðrún sýna saman á ýmsum stöðum innanlands og utan. Fyrr í sumar á Ísafirði og nú sem innlegg í Listasumar á Akureyri.
 
Guðrún sýnir persónur sem þverskurð af mannlífinu, mótaðar í leir, en Halldóra sýnir gróður jarðar með olíu á striga.
 
Val verkanna er undir handleiðslu Aðalsteins Ingólfssonar, en Björn G. Björnsson sýningarhönnuður hefur yfirumsjón með uppsetningu.


Laugardaginn 1. ágúst kl. 14 opnar María Sigríður Jónsdóttir sýninguna "Vökudraumar" á svölunum í Ketilhúsinu. María er fædd á Akureyri og stundaði nám í Flórens á Ítalíu 1994-1998, þar sem hún hefur búið síðan. "Hin mildu hughrif verka Maríu líða ljúflega áfram. Skínandi björt og fíngerð hægja þau á tímans rás og bjóða áhorfandanum í friðsæla heiðríka ferð þar sem fjallagyðjur, blóm, föll og fuglar hvetja okkur til að líta heiminn nýju ljósi... Og við stöldrum við til að virða fyrir okkur verk hennar og finna nýjan lífstakt vökudraumanna", skrifar Francesca Marini, listfræðingur um verk Maríu.

Þórgunnur Oddsdóttir opnar sýningu á Café Karólínu

Þórgunnur Oddsdóttir

Íslensk landafræði

01.08.09 - 04.09.09

Café Karólína // Kaupvangsstræti 23 // IS 600 Akureyri // 4612755

Þórgunnur Oddsdóttir opnar sýninguna “íslensk landafræði” á Café Karólínu laugardaginn 1. ágúst klukkan 15.

Þórgunnur er Eyfirðingur, fædd árið 1981. Hún stundar nám við Listaháskóla Íslands og hefur meðfram námi starfað sem blaðamaður og pistlahöfundur á Fréttablaðinu og nú síðast sem fréttamaður á RÚV.

Sýningin Íslensk landafræði er óður til gömlu landslagsmálaranna sem lögðu grunn að íslenskri myndlistarsögu og áttu með verkum sínum þátt í að vekja þjóðerniskennd í brjóstum landsmanna. Fjallið upphafna er á sínum stað, líkt og í verkum meistaranna, en þetta eru hvorki Hekla né Herðubreið heldur óárennilegir fjallgarðar sniðnir eftir línuritum yfir gengisþróun, úrvalsvísitölu, verðbólgu og tap. Landslagið sem tekið hefur við.


Nám

2007 -  Listaháskóli Íslands, myndlistardeild
2006 – Kunstskolen Spektrum, Kaupmannahöfn
2003 – 2006 Háskóli Íslands, BA-próf í íslensku og fjölmiðlafræði
2002 – 2003 Myndlistarskólinn á Akureyri, fornámsdeild
1997 – 2001 Menntaskólinn á Akureyri, stúdentspróf

Meðfylgjandi mynd er af einu verka Þórgunnar.

Nánari upplýsingar veitir Þórgunnur í síma 820 8188 eða tölvupósti: [e-mail]

Næstu sýningar á Café Karólínu:
05.09.09 - 02.10.09    Ólöf Björg Björnsdóttir
03.10.09 - 06.11.09    Bryndís Kondrup     
07.11.09 - 04.12.09    Bergþór Morthens   
05.12.09 - 01.01.10    Sveinbjörg Ásgeirsdóttir

Umsjónarmaður sýninganna er Hlynur Hallsson

Stofnendur Verksmiðjunnar á Hjalteyri opna sýningu

Laugardaginn 1. ágúst kl. 15.00 opnar sýningin Kvörn í Verksmiðjunni á Hjalteyri.
Á sýningunni eru verk eftir stofnendur Verksmiðjunnar og einn gest.

Aðalheiður S. Eysteinsdóttir, Arnar Ómarsson, Arna Valsdóttir, A.P.E. , Clémentine Roy, Gústav Geir Bollason, Hlynur Hallsson, Jón Laxdal, Jóna Hlíf Halldórsdóttir, Knut Eckstein, Lene Zachariassen, Véronique Legros, Þórarinn Blöndal.

Átök um yfirráðin standa enn... Á sama tíma og endurmatið á gildum samfélagsins og menningarinnar fer fram í rústum gjaldþrota hlutaveltunnar, bæði andlega og efnislega.

Hlutir sem við sjáum í rými sem geymir þá, geta þeir tilheyrt okkur á okkar stað, ef að einhver annar beinir samtímis athygli sinni að þeim og gerir þannig tilkall til þeirra?   Þetta megum við oft reyna – meðvitað/ómeðvitað – við margvíslegar aðstæður, en ekki er gott að átta sig á því af hverju samkeppni ætti að skapast á milli þeirra sem líta sömu hlutina augum.  Það ber þó gjarnan við þegar mat á gildi þeirra og merkingu bætist við, sem tekur til þess hæfileika að sundurgreina og fella dóma um gildið.  Um gildi hvers sem vera skal og þar með hefst oft ójöfn aðgreining þess sem telst skipta einhverju máli.  Það kann að vera einhver lausn á þessari togstreitu þegar við náum að beina augum okkar að raunveruleikanum eins og hann er.  Það að takast sameiginlega á við hindranir, ekki eingöngu við að sjá þennan raunveruleika, heldur skynja það sem er handan auðkenndra forsenda hans (þess sem blasir við).  Við þurfum því að öðlast einhvern sameiginlegan skilning á því hvernig við hugsum og metum gildi hlutanna.  Til þess þarf einhvern einn hvarfpunkt sem leyfir að út frá honum byggist upp sameiginlegt perspektív.  Það má jafnframt taka með í reikninginn og minnast þá allra þeirra óbugandi huglægu viðhorfa, tilfinninga, skynjana, hugsana og framsetninga sem hvert okkar, sem af sjálfu sér, veit, hefur og þarf að fást við með eigin dómgreind, og um leið, mati á öllu því sem einhverju kann að varða.
Hvernig er best að finna þennan hvarfpunkt?  Hann gæti leitt aftur til grundvallaratriða og orðið upphaf endurmats.  Í bókstaflegri merkingu er hugmyndin sú að finna upp hjólið að nýju.

Um þessar mundir eru liðin tvö ár síðan hópurinn lagði af stað með fyrirætlanir um blómlegt menningarlíf í gömlu Verksmiðjunni á Hjalteyri.
Ekki verður annað sagt en vel hafi tekist til og listáhugafólk verið duglegt að leggja leið sína á fjölbreytilega viðburði.
Verksmiðjan hefur öðlast nýtt líf í hugum fólks og möguleikarnir óendanlegir.

Sýningin stendur til 22. ágúst og er opin um helgar frá kl. 14.00 - 17.00.
www.verksmidjan.blogspot.com
Menningarráð Eyþings, Norðurorka, Kaldi og Ásprent styrkja Verksmiðjuna á Hjalteyri.
Húni II siglir kl. 13:00 frá Torfunefsbryggju á Akureyri á opnun í Verksmiðjunni á Hjalteyri.
Nánari upplýsingar gefur Hlynur Hallsson í síma 659 4744 eða Gústav Geir Bollason í síma 461 1450

KVÖRN

Aðalheiður S. Eysteinsdóttir
Arnar Ómarsson
Arna Valsdóttir
A.P.E.
Clémentine Roy
Gústav Geir Bollason
Hlynur Hallsson
Jón Laxdal
Jóna Hlíf Halldórsdóttir
Knut Eckstein
Lene Zachariassen
Véronique Legros
Þórarinn Blöndal

1. – 22. ágúst 2009
Opnun laugardaginn 1. ágúst kl. 15
Opið um helgar frá kl. 14 - 17
www.verksmidjan.blogspot.com

 

Knut Eckstein opnar í Gallerí + sunnudaginn 2. ágúst

Opnun sýningar Knut Eckstein í Gallerí +, Brekkugötu 35 á Akureyri er frestað um einn dag. Opnunin verður því sunnudaginn 2. ágúst kl. 15 í stað 1. ágúst eins og auglýst er í Listasumarsbæklingnum. Sýningin nefnist "Sommer of Love" og stendur til og með 9. ágúst, opið daglega frá kl. 14-17.

Knut Eckstein er starfandi listamaður í Berlín og er þetta önnur sýning hans í Gallerí+.

List án landamæra, Norræn ráðstefna 28. september 2009

 

 

Líf og list án landamæra

Sýnileiki, réttindi og þátttaka

 

 

NORRÆN RÁÐSTEFNA

28. september 2009

 

 

Ráðstefnan er haldin á vegum Listar án landamæra, sem er árlegur viðburður þar  sem lögð er áhersla á samvinnu fólks með fötlun og almennings í gegnum listir og menningarstarf, í þeim tilgangi að efla vitund og skilning á milli einstaklinga sem búa að ólíkri getu til athafna, til hagsbóta fyrir samfélagið í heild.  

 

Aðstandendur Listar án landamæra eru Landssamtökin Þroskahjálp, Öryrkjabandalag Íslands, Fjölmennt, Átak félag fólks með þroskahömlun og Hitt húsið.

 

Ráðstefnan er skipulögð í samráði við Norrænu nefndina um málefni fólks með fötlun, menntamálaráðuneytið, og með stuðningi Norrænu ráðherranefndarinnar og Norræna menningarsjóðsins. Ráðstefnan er hluti af dagskrá formennskuáætlunar Íslands, sem gegnir formennsku í norrænu ráðherranefndinni árið 2009.

 

Á ráðstefnunni verður m.a fjallað um:

 

·        Sýnileika og kynningu fatlaðra í fjölmiðlum og menningu í norrænum löndum.

·        Mikilvægi 30. greinar samnings Sameinuðu þjóðanna um réttindi fólks með fötlun (Þátttaka í menningarlífi, tómstunda-, frístunda- og íþróttastarfi).

·        Gildi Listar án landamæra og annarrar menningarstarfsemi sem fyrirmynda fyrir grasrótar-hreyfingar og þátttöku fólks með fötlun í listum og menningarstarfi, sem hægt væri að nýta svæðisbundið eða á landsvísu í öðrum norrænum löndum.

 

 

Ráðstefnan fer fram á Grand Hótel í Reykjavík 28. september 2009.

 

Ráðstefnan er opin almenningi og allir eru velkomnir en ætti  sérstaklega að höfða til samtaka fatlaðra á Norðurlöndunum, fræðimanna, þeirra er vinna að málefnum fólks með fötlun og stjórnenda á sviði lista- og menningarmála.

 

Ekkert þátttökugjald er á ráðstefnunni, en þátttakendur þurfa að skrá sig. Það má gera með því að slá inn þessa slóð hér fyrir neðan. Í skráningunni má einnig skrá sig í hádegismat og á leiksýningu Dissimilis í Borgarleikhúsinu.

Skráning:

http://www.eventure-online.com/eventure/welcome.do?type=participant&congress=69_9028&page=index

 

DAGSKRÁ

 

 

Ráðstefnustjóri:

Þuríður Backmann, alþingismaður og formaður Norrænu nefndarinnar um málefni fatlaðra

 

 

9:00   I.           UPPHAF RÁÐSTEFNUNNAR

 

                            Gestir boðnir velkomnir   

                                    Þuríður Backmann, ráðstefnustjóri

 

                            Opnunarávarp

                                    Katrín Jakobsdóttir, menntamálaráðherra

 

                            Upphafsorð

                                    Tone Mørk, stjórnandi Norrænu Velferðarmiðstöðvarinnar, Stokkhólmi            

 

 

9:30   II.          SÝNILEIKI FÓLKS MEÐ FÖTLUN

 

                            Samspilið milli fjölmiðla, menningarlífs og stjórnmála

                                    Lars Grip, blaðamaður, Stokkhólmi

 

                            Rannsóknir á sýnileika í sænskum fjölmiðlum,

                            með áherslu á almannaþjónustu

                                    Karin Ljuslinder, prófessor við háskólann í Umeå í Svíþjóð

 

10:20 – 10:40 KAFFIHLÉ

 

                            Birtingarmynd fötlunar í norrænum kvikmyndum - endurskoðun

                                    Friederike A. Hesselman, rithöfundur

 

                            Hinn ósýnilegi minnihluti

                                    Sigrún Stefánsdóttir, dagskrárstjóri útvarps hjá Ríkisútvarpinu (RÚV)

 

                            Stillt á staðnaðar ímyndir? Sýnileiki fatlaðra í fjölmiðlum

                            Pallborðsumræður: Lars Grip, Karin Ljuslinder, Friederike A. Hesselman og
                            Ingólfur Margeirsson

      

 

12:10 – 13:10 HÁDEGISHLÉ

 

 

13:10   III.      SAMNINGUR SAMEINUÐU ÞJÓÐANNA UM RÉTTINDI

                        FÓLKS MEÐ FÖTLUN

 

                            30. grein samnings Sameinuðu þjóðanna um réttindi fólks með fötlun

                                    Guðmundur Magnússon, varaformaður Öryrkjabandalags Íslands og

                                    fulltrúi í nefnd sem undirbýr staðfestingu Íslands á samningnum   

                           

 

                            Mikilvægi menningarstarfs í nútímaþjóðfélagi

                                    Karitas H. Gunnarsdóttir, skrifstofustjóri menningarmála,

                                    menntamálaráðuneytinu

 

 

13:40   IV.       LIST ÁN LANDAMÆRA OG ÖNNUR DÆMI

 

                            Framkvæmd og þróun Listar án landamæra

                                    Margrét M. Norðdahl, framkvæmdastýra hátíðarinnar

 

                            Þátttakendur og reynslusögur

                                    Flytjendur verða kynntir síðar

 

14:30 – 14:50 KAFFIHLÉ

 

                            Upphaf og hugmyndafræði Listar án landamæra – Eitthvað fyrir aðra?

                                    Friðrik Sigurðsson, framkvæmdastjóri Þroskahjálpar

                                   

                            Dissimilis: Frá eldhúsborðinu til Óperuhússins

                                    Kai Zahl, stofnandi Dissimilis í Noregi

                           

                            Hver eru næstu skref fram á við?

                            Pallborðsumræður: Guðmundur Magnússon, Friðrik Sigurðsson, Kai Zahl

                                                 

 

16:00   V.        RÁÐSTEFNULOK

 

                            Hugleiðing: Hinn fullkomni maður: Staða fatlaðra í menningunni

                                    Ármann Jakobsson, dósent við Háskóla Íslands

 

                            Samanatekt og lokaorð

                                    Þuríður Backmann, alþingismaður og

                                    formaður Norrænu nefndarinnar um málefni fatlaðra

 

 

- Þau erindi sem fram fara á erlendu máli verða þýdd af rittúlkum á íslensku.

 

 

 

KVÖLD DAGSKRÁ

 

 

Gestum ráðstefnunnar sem og öðrum er boðið á stóra svið Borgarleikhúsið að kvöldi 28.september, kl.20:00.

Þá mun norski hópurinn Dissimilis sýna verkið ´´Árstíðirnar fjórar´´ og íslenskir leikhópar sýna einnig verk sín. Hægt er að skrá sig á sýninguna þar sem skráning á ráðstefnuna fer fram ( sjá að ofan).

 

 

Um Dissimilis:   

Fyrir u.þ.b. 30 árum sat Kai Zahl, faðir þroskahefts ung manns, og átti erfitt með að sætta sig við  að stærsti draumur sonar hans um að spila á hljóðfæri og spila í hljómsveit gæti ekki orðið að veruleika því að sonurinn gat ekki lesið nótur. Kai tók að hanna einfalt nótnakerfi með litum sem gerði syni hans kleift  að læra að spila á hljóðfæri og 1981 var fyrsta hljómsveit hans stofnuð. Þetta var upphafið að Dissimilis.

 

Næstu árin fóru fleiri að æfa með Dissimilis og árið 1987 skrifaði Kai Zahl söngleik fyrir hópinn. Fyrsta sýning þeirra var sýnd fyrir fullu húsi í Hljómleikahöllinni í Osló. Þetta var í fyrsta skipti sem eingöngu þroskaheftir einstaklingar komu fram á sýningu í Osló og olli hún afgerandi hugarfarsbreytingu sýningargesta. Áfram var haldið næstu árin, hljómsveitirnar urðu fleiri og fjölbreyttari og danshópar og kórar bættust við. Dissimilishópar spruttu upp í fleiri landshlutum í Noregi og síðan í fjarlægum heimshornum. Hópar voru stofnaðir á Kúbu, Sri Lanka, Rússlandi og í fleiri löndum og þessi hópar uxu og döfnuðu. Í dag eru um 800 meðlimir í Dissimilis í Noregi og um 2500 í öðrum löndum.

 

Um verkið:

 “Árstíðirnar fjórar” er verk leikið af 22 nemendum Dissimilis.

Þau bjóða okkur í ferðalag um árstíðirnar fjórar og fjölbreytileika þeirra.

 

Frekari upplýsingar um Dissimilis má sjá á síðu þeirra:

 

www.dissimilis.no

 

List án landamæra:

 

www.listanlandamaera.blog.is og [e-mail]

 

Myndlistarmenn - Rithöfundar - Tónlistarmenn

 
Menningarmálanefnd Hveragerðisbæjar auglýsir eftir umsóknum um dvöl í húsinu Varmahlíð í Hveragerði.  Íbúðarhúsið er búið öllum húsgögnum og tækjum og Hveragerðisbær mun greiða kostnað vegna rafmagns og hita.  Gestalistamenn fá endurgjaldslaus afnot af húsinu. Engin vinnustofa fylgir húsnæðinu.
Óskað er eftir því að í skriflegum umsóknum, sem senda á til menningarmálanefndar Hveragerðisbæjar, Sunnumörk 2, 810 Hveragerði, komi fram æskilegt dvalartímabil og að hverju listamaðurinn hyggst vinna meðan á dvölinni stendur.

Úthlutun dvalartímabila mun fara fram í september og mun vera úthlutað frá október 2009.
Allar frekari upplýsingar svo og umsóknareyðublöð fást á skrifstofum Sambands íslenskra myndlistarmanna, Hafnarstræti 16, sími 551 1346, Rithöfundasambands Íslands, Gunnarshúsi,  Dyngjuvegi 8, sími 568 3190 og Félagi íslenskra Hljómlistamanna, Rauðagerði 27, sími 588-8255. Einnig er hægt að leita upplýsinga hjá menningar- og frístundafulltrúa Hveragerðisbæjar í síma 483 4000.
Umsóknareyðublöð er hægt að nálgast á heimasíðu Hveragerðisbæjar www.hveragerdi.is
Umsóknarfrestur er til 1. september n.k.

Menningarmálanefnd Hveragerðisbæjar

Sýning Hlyns Hallssonar í Gallerí Víð8ttu601 sett upp aftur og framlengd

Gallerí Víð8tta601

Hlynur Hallsson

Landnám - Ansiedlung - Settlement

16.05. - 23.08. 2009

Verkið sem Hlynur Hallsson setti upp í Gallerí Víð8ttu hefur verið stolið í tvígang en vegna þrjósku listamannsins og sýningarstjóranna hefur það verið sett upp í þriðja skipti og sýningin verið framlengd um mánuð.

Litla Skerið í Tjörninni sem myndaðist þegar Drottningarbraut var lögð árið nítjánhundruð sjötíu og eitthvað er ónumið land. Tunglið var það einnig einu sinni og Norðurpóllinn og Suðurpóllinn líka. Hver verður fyrstur til að stíga á þetta Sker litið persónulegt skref en um leið stórt skref fyrir mannkynið? Ekki Bandaríki Norður Ameríku heldur auðvitað Evrópusambandið. Hið nýja heimsveldi er mætt á staðinn. Þar hefur verið settur upp fáni ESB, sannkallaður landnemafáni.

Hlynur Hallsson er fæddur á Akureyri 1968. Hann stundaði myndlistarnám á Akureyri, í Reykjavík, Hannover, Hamborg og í Düsseldorf. Hann hefur verið iðinn við að setja upp sýningar og síðastliðið haust setti hann upp nokkurskonar yfirlitssýningu á verkum sínum í Nýlistasafninu og í A-sal Hafnarhúss Listasafns Reykjavíkur ásamt verslunum, veitingastöðum og þjónustufyrirtækjum í Miðborginni setti hann upp verkið ÚT/INN.
Hlynur hlaut verðlaun Kunstverein Hannover 1997, verðlaun ungra myndlistarmanna í Neðra-Saxlandi 2001 og verðlaun Sparda Bank árið 2006. Hann hefur hlotið starfslaun myndlistarmanna og var bæjarlistarmaður Akureyrar árið 2005. Hlynur vinnur með aðstæður, texta, innsetningar, ljósmyndir, gjörninga og hvað eina, allt eftir því sem hentar í hverju tilfelli. Hversdagslegir atburðir eins og sundferðir, snjóhúsbygging eða verslunarleiðangur geta verið efniviður í verkum hans en einnig landmæri, samskipti fólks og viðhorf okkar. Nánari upplýsingar um Hlyn og verk hans er að finna á heimsíðunni www.hallsson.de

Anna Bryndís Sigurðardóttir og Þorsteinn Gíslason hafa starfrækt Gallerí Víð8ttu601 frá árinu 2007. Sýningarnar í Hólmanum í tjörninni í Innbænum á Akureyri munu halda áfram fram á næsta ár og þá taka aðrir sýningarstaðir við.

Sýningin hjá Gallerí Víð8ttu601 hefur verið framlengd til 23. ágúst 2009 og vonandi fær fáninn að vera í friði svo lengi. Nánari upplýsingar um Gallerí Við8ttu601 veita Anna Bryndís Sigurðardóttir og Þorsteinn Gíslason í 435 0033 eða 8461314 og í tölvupósti: vid8tta(hjá)simnet.is
Nánari upplýsingar um verkið veitir Hlynur í síma 6594744 og í tölvupósti: hlynur(hjá)gmx.net

Muggur og Ferðasjóður Muggs auglýsa eftir umsóknum

Umsóknarfrestur er til 25. ágúst 2009, póststimpill gildir.
 
Auglýst er eftir umsóknum til dvalar erlendis vegna:
   * myndlistarsýningar
   * vinnustofudvalar / þátttöku í verkstæði
   * annars myndlistarverkefnis
 
Sömu skilyrði gilda um Ferðasjóð Muggs og Mugg,  auk þess eru skilyrði um að verkefnið sé sýnilegt og að það geti að mati sjóðsstjórnar styrkt ímynd Reykjavíkur sem uppsprettu fyrir öflugt og framsækið myndlistarlíf.
 
Þeir sem þegar hafa fengið úthlutað styrk úr dvalarsjóði Muggs annars vegar og ferðasjóði Muggs hins vegar þurfa að skila greinagerð áður en sótt er um aftur.
___________________
 
Hér með er auglýst eftir umsóknum vegna verkefna sem hefjast á tímabilinu
1. október til 2009 til 31. mars 2010.  Úthlutun verður lokið 15. september 2009.
 
Til að geta fengið úthlutun úr dvalarsjóði Muggs og/eða Ferðasjóði Muggs þarf umsækjandi að vera fullgildur (skuldlaus) félagi í SÍM og leggja fram tilskilin gögn er staðfesti boð um þátttöku í myndlistarviðburði eða úthlutun á aðstöðu til vinnu við myndlist. Ekki er veitt fé vegna dvalar í vinnustofum þegar fullir dvalarstyrkir fylgja úthlutun.
Vinsamlega athugið að dvalarstyrkir og ferðastyrkir eru eingöngu veittir til einstaklinga. Ferðastyrkir eru veittir í formi flugmiða, ekki peninga, ekki er hægt að endurgreiða keypta miða.

Athugið að hægt er að sækja um báða styrkina samtímis, en á sitthvoru eyðublaðinu.
 
Umsóknum skal fylgja ítarleg og greinargóð lýsing á verkefninu, upplýsingar um sýningu, sýningarstað, vinnustofusetur, verkstæði, ráðstefnu eða annað það sem við á hverju sinni. Einnig skal fylgja staðfesting ábyrgðarmanns verkefnisins í því landi sem það fer fram í, þ.e. sýningarstjóra, safnstjóra, galleríeiganda, forstöðumanns vinnustofuseturs, verkstæðis eða annars, allt eftir eðli verkefnisins. Dagsetningar verkefnisins verða að koma fram.
 
Styrkþegar undirgangast skuldbindingar gagnvart sjóðunum samkvæmt sérstökum samningum sem gerðir verða í kjölfar úthlutunar og kveður m.a. á um að styrkþegum beri að skila stuttri greinargerð um notkun styrksins.
 
Mikilvægt er að hafa umsóknina vandaða, skýra og hnitmiðaða. Lesa reglur og leiðbeiningar vel.  Sækja þarf um á sér eyðublaði fyrir hvorn sjóð.
 
Umsóknareyðublöð, stofnskrár beggja sjóðanna og reglur um úthlutun er að finna á heimasíðu SÍM, www.sim.is
undir Hagnýtt. Frekari upplýsingar um Mugg eru einnig veittar á skrifstofu SÍM, [e-mail], s. 551 1346
 
Umsóknum skal skilað til skrifstofu SÍM fyrir 25. ágúst 2009, póststimpill gildir. Úthlutað verður úr báðum sjóðunum samtímis.

Þrjár nýjar sýningar í Safnasafninu

Þriðjudaginn 21. júlí voru opnaðar 3 sýningar á efri hæð í
Safnasafninu á Svalbarðsströnd. Í framrými eru hljóðdempandi málverk eftir
Kristján Guðmundsson, í miðrými innsetning með borðbúnaði eftir Söru Riel og
í innrými myndbandsverk um dáleidda konu í rauðu herbergi eftir Sigurð
Guðmundsson.

Ódauðlegt verk um samhengi hlutanna í Verksmiðjunni á Hjalteyri

Verksmiðjan á Hjalteyri

Ódauðlegt verk um samhengi hlutanna

Eftir Steinunni Knútsdóttur

Áhugaleikhús atvinnumanna

Sunnudaginn 26. júlí 2009 kl. 22:00
www.verksmidjan.blogspot.com

Sunnudaginn 26. júlí flytur Áhugaleikhús atvinnumanna sjónleikinn ,,Ódauðlegt verk um samhengi hlutanna"  eftir Steinunni Knútsdóttur

Sýningin hefst kl. 22.00 og er verkið um það bil klukkustund í flutningi.
Aðgangur er ókeypis og allir velkomnir.

(Sjónleikurinn) Ódauðlegt verk um samhengi hlutanna
Eftir Steinunni Knútsdóttur
Verkið er hluti af fimmverka röð ódauðlegra leikverka um hegðun og eðli mannsins og er annað í röðinni. Verkin eru rannsókn á áráttuhegðun mannkyns og ófullkomleika. Þau feta sig inn í augnablikið þar sem maðurinn stendur berskjaldaður frammi fyrir guði og viðurkennir vanmátt sinn. Verkin leita að sársaukanum sem býr djúpt inní sálu mannsins og leitast við að skilja hann. Fyrsta verkið í kvintólógíunni var Ódauðlegt verk um stjórn og stjórnleysi og var sýnt við góðan orðstír í Klink og Bank listasamsteypunni vorið 2005 en þriðja verkið er í smíðum og verður frumsýnt í september á LOKAL, alþjóðlegri leiklistahátíð í Reykjavík í september.

Áhugaleikhús atvinnumanna er hópur áhugafólks um frelsi til óháðrar listsköpunar í leiklist. Áhugaleikhús atvinnumanna hefur áhuga á leiklist sem talar til sinna áhorfenda án þess að verða meðvirk. Áhugleikhús atvinnumanna lítur á leiksýningar sínar sem vettvang til að velta áleitnum spurningum fyrir sér þó ekki sé langt í kímni og kæruleysi. Engir peningar renna í gegnum Áhugaleikhús atvinnumanna og er ókeypis er inn á leiksýningar leikhússins.

Höfundur og leikstjóri verksins er Steinunn Knútsdóttir um útlit sér Ilmur Stefánsdóttir en leikarar sýningarinnar eru:

Aðalbjörg Árnadóttir
Árni Pétur Guðjónsson
Hera Eiríksdóttir
Jórunn Sigurðardóttir
Lára Sveinsdóttir
Magnús Guðmundsson
Ólöf Ingólfsdóttir/Steinunn Knútsdóttir
Sveinn Ólafur Gunnarsson


Nánari upplýsingar veitir Steinunn Knútsdóttir í síma 6624805 [e-mail]

Menningarráð Eyþings, Norðurorka og Ásprent styrkja Verksmiðjuna á Hjalteyri.
Að auki styrkir Slippurinn á Akureyri þessa sýningu.

Gestavinnustofa í Finnlandi laus til umsóknar

ARTISTS' RESIDENCY SUMU

Arte Association's Artists' Residency SUMU offers one- to three-month
residencies in 2010 to new media artists, working in the intersection of new
technologies and contemporary art.

The residence is located in Turku, in the Southwestern coast of Finland. Artists
are provided with free accommodation and studio, and a possibility of exhibiting
their work either in Sumu?s studio which is adjoined to Arte?s gallery
Titanik, or on Sumu?s website. The artists must fund all their living
expenses including food and transportation. Arte can help the artists with
material costs up to 200 euros depending on the application.

More information: http://www.arte.fi/sumu/sumu_main.html


APPLICATION REQUIREMENTS

Please prepare an individual submission, including:
-project plan (short, clear & realistic, max one page)
-short artists? statement (max one page)
-CV (max one page)
-DVD / CD including a maximum of 10 minutes worth of samples in PC
format
-samples of recent work as print-outs (3 - 5 pieces)

The submissions will not be returned. E-mail or internet applications are not
accepted, only submissions sent by mail are processed. Deadline 30th of
September is a postmark date.

The proposal can also include an exhibition either in the studio space or on our
website at the end of the residency.

Deadline September 30th, 2009 (postmark).

Session dates: From July 11th to December 31st, 2010.


********************************************************************************

NOTE! OBS!
We will invite 2-4 artists for 1 or 2 months residency periods from the Nordic
countries in addition to our normal residencies during 2010. This Nordic
program is sponsored by KulturKontakt Nord. Artists, who were born or live in
the Nordic countries, can send us their applications and project plans for
whole year of 2010 by 30th September 2009. The stipend includes accommodation,
work space, daily allowance, material money and travelling costs within
reasonable limits. See the application requirements above.

********************************************************************************


For further information please visit our website, www.arte.fi or Res Artis
website, www.resartis.org, or contact:

Please send your completed submission by mail to:
Gallery Titanik / Sumu
Itäinen Rantakatu 8
20700 Turku
Finland


Paula Väinämö
Residencies Coordinator, Arte
tel. [phone]
[e-mail]

Verkefnastyrkir og ferða- og menntunarstyrkir Myndstefs 2009

Myndstef auglýsir eftir umsóknum um verkefnastyrki og ferða- og menntunarstyrki á vegum samtakanna. 
Rétt til þess að sækja um verkefnastyrki hafa allir myndhöfundar.
Rétt til að sækja um ferða- og menntunarstyrki hafa allir félagsmenn Myndstefs.

Sérstök umsóknareyðublöð eru á vef samtakanna www.myndstef.is og þar eru einnig nánar skilgreind þau atriði sem þurfa að koma fram í umsókninni ásamt reglum um úthlutun styrkjanna.  Umsóknarfrestur rennur út 21. ágúst 2009. Umsóknir sem berast eftir þann tíma fá ekki afgreiðslu. Tekið skal fram að póststimpill gildir á innsendum umsóknum.

Umsóknir skulu berast til skrifstofu Myndstefs, Hafnarstræti 16, p.o.box 1187, 121 Reykjavík fyrir ofangreindan tíma.
Vakin er athygli á að þeir sem sent hafa inn umsóknir um styrki fyrir birtingu þessarar auglýsingar verða að endurnýja þær umsóknir.

Allar nánari upplýsingar gefa Þórhildur Laufey Sigurðardóttir og Kristín Magnúsdóttir á opnunartíma skrifstofunnar: kl: 10:00 – 14:00 alla virka daga. Einnig er hægt að senda fyrirspurnir á netfangið [e-mail]

Stjórn Myndstefs.

Umsóknarfrestur um Gestavinnustofu Skaftfells er til 1. ágúst

Skaftfell - miðstöð myndlistar á Austurlandi
auglýsir eftir umsóknum um gestavinnustofu Skaftfells fyrir árið 2010.

Umsóknarfrestur er 1. ágúst, póststimpill gildir.

Frekari upplýsingar og umsóknareiðublað má finna á skaftfell.is

Sendið umsóknareiðublað með viðeigandi fylgigögnum á:
Skaftfell, miðstöð myndlistar á Austurlandi
Austurvegi 42
710 Seyðisfirði

ATH. EKKI ER TEKIÐ VIÐ UMSÓKNUM Í TÖLVUPÓSTI

Georg Óskar og Margeir Dire sýna á Eiðum

Georg Óskar og Margeir Dire Sigurðsson eru með verk til sýnis í veitingarsalnum
á Eiðum. Hafa þeir félagar báðir lokið námi við Myndlistarskólann á Akureyri, sýning þessi á Eiðum er samansett af nýkláraðri sýningu Georgs Óskars á Karólínu "Lollipopp" og sýningunni GÓMS sem var á Dalí í vetur. Þar voru sameiginleg verk eftir Margeir Sigurðsson & Georg Óskar.
Opið er frá 07:30-23:00. Allir velkomnir.

Þrjár nýjar sýningar opnaðar í Safnasafninu á sunnudag

SAFNASAFNIÐ - ALÞÝÐULIST ÍSLANDS

Safnasafnið á Svalbarðsströnd í Eyjafirði kynnir þrjár nýjar sýningar á Íslenska safnadeginum 12. júlí. Í  Austursal er sýning á verkum í eigu Aðalsteins Ingólfssonar listfræðings frá Burkina Faso, Benin, Ghana, Kamerún, Kongó, Mósambik, Nígeríu, Suður Afríku, Tansaníu og Togo. Í bókastofu eru keramikbollar eftir Elísabetu Haraldsdóttur á Hvanneyri, og í Langasal samstarfsverkefnið Birtingarmynd-Ímynd-Sjálfsmynd III, með fuglahræðum eftir Sigurlínu Jóhönnu Jóhannesdóttur á Kópaskeri og tískuteikningum eftir grunnskólabörnin á Raufarhöfn undir leiðsögn Þóru Soffíu Gylfadóttur, sú sýning er styrkt af Menningarráði Eyþings og Rarik. í safninu eru að auki 12 sýningar, bæði úti og inni, og standa þær allar til 6. september
Á Íslenska safnadeginum er frítt inn í Safnasafnið, en aðra daga er 500 kr. inngangseyrir, frítt fyrir börn innan fermingar, og opið daglega frá kl. 10.00-18.00. Nánari upplýsingar á safnasafnid.is og [e-mail]

Myndlist og ljóð í Stólnum á laugardag

Opnuð verður sýning á myndlist Hönnu Pálsdóttur í Stólnum, Kaupvangsstræti 21, laugardaginn 11. júlí klukkan 14:00. Við það tækifæri lesa Hjörtur Pálsson og Þráinn Karlsson úr verkum Jóns Bjarman.  Allir velkomnir.