Staðfugl - Farfugl: opnar í Eyjarfjarðarsveit á laugardag

Víðavangssýningin „Staðfugl – Farfugl“  verður opnuð við hátíðlega athöfn þann 31. maí  kl. 14:00 við Hrafnagilsskóla.
Á sýningunni verða um 40 verk eftir innlenda og erlenda listamenn og eru verkin staðsett víðsvegar við Eyjafjarðarbraut eystri og vestri. Sýningin stendur til 15. september 2008 og er gert ráð fyrir því að á sýningartímabilinu verði fjölbreytt dagskrá með opnun nýrra verka eftir framandi fugla, námskeiðahald, gjörningar og aðrir viðburðir sem verða auglýstir sérstaklega.

Dagskrá 31. maí
Ávarp  krúnk krúnk 
Anna Richards,   furðufugl
Kvæðamannafélagið Gefjun    bí bí bí
200 friðardúfum sleppt                                    
Léttar veitingar í boði    gagalagú     

Nánar á www.fugl.blog.is

Sýningin  „Staðfugl ­ Farfugl” er staðsett úti á víðavangi í Eyjafjarðarsveit og stendur frá 31. maí til 15. september 2008. Hugmyndin að sýningunni er hugleiðing um þær breytingar sem verða meðfram þjóðveginum þegar vorar. Fuglar birtast frá fjarlægum löndum eftir langa vetrardvöl. Bílar þeysa eftir malbikinu til þess eins ­ að því er stundum virðist ­ að bæta upp tímann sem tapast hefur í vetrarfærðinni. Mest ber á tengslum milli farþega og náttúru þegar vorfugl skýst yfir veginn og rétt sleppur undan bílnum...eða ekki.  Í nokkur ár hefur mig langað að vekja athygli á þessum hugleiðingum með því að búa til úrval af fugla-innsetningum sem yrðu staðsettar víðsvegar meðfram veginum í Eyjafjarðarsveit.


Er farfugl ferðamaður, erlent vinnuafl eða innflytjandi? Er heimamaður þá staðfugl? Hvað eru heimalönd, útlönd og landmæri? Ertu næturgali, heiðlóa, monthani, mörgæs eða bara furðufugl? Til  að sýningin gæti orðið að veruleika og um leið til þess að auka fjölbreytni hennar bað ég nokkra vini að taka þátt í henni með mér. Áður en ég vissi af var kominn fjöldi þátttakenda og leitaði þá eftir samstarfi við Steina & Dísu í Gallerí Við8tta601. Þetta egg byrjaði að klekjast út um áramótin 2007 og er nú orðið að fugli sem hefur sig til flugs... Njóttu vel.

George, Steini & Dísa


Sérstakir þakkir:
Hestamannafélagið Funi, Landflutningar, Hulda í Stíl, Kvæðamannafélagið Gefjun, Vegagerðin, Ívar, Viktor & Hugi, Skógrækt Ríkisins, Fallorka, Hrafnagilsskóli, Bjartur Baltazar, Gunna í Smámunasafninu, Skrifstofa Eyjafjarðarsveitar, Vegagerðin, ábúendur í Hvammi, Torfum, Rifkelsstöðum, Klauf, Sandhólum, Leifsstöðum, Möðruvöllum, Eyrarlandi, Öngulsstöðum og allir hinir sem við gleymdum.

Það eru vinsamleg tilmæli til gesta og gangandi að ganga vel um svæðin, sýna tillitssemi við þau mannvirki sem við höfum til afnota og virða verkin sem eru til sýnis.
Sýningarstjórnin.


Viðburðir:
Sýningar sem opna á næsta leyti eru eftir Gunn Morstoel (Noregur) og Helen
Molin (Svíþjóð).


Þátttakendur:
Aðalsteinn Þórsson
Anna Sigríður Sigurjóns
Arna Vals
Art group Grálist:
Dagrún Matthíasdóttir
Ása Ólafsdóttir
Inga Björk Harðardóttir
Karen Dúa Kristjánsdóttir
Kristín Guðmundsdóttir
Linda Björk Óladóttir
Steinunn Ásta Eiríksdóttir
Steinn Kristjánsson
Lína
Gvaka
Sveinbjörg Ásgeirsdóttir

Áslaug Thorlacius
Beate Stormo
Claudia Losi
Franz P.V. Knudsen
George Hollanders
Guðrún Vaka
Guðrún Hadda Bjarnadóttir
Gunn Morstoel
Helen Molin
Helgi Þórsson
Hlynur Hallsson
Hrafnagilsskóli
Hrefna Harðardóttir
Joris Rademaker
Katja Hennig
Kees Verbeek
Kristján Pétur Sigurðsson
Margret Schopka
Pálína Guðmundsdóttir
Iðavöllur
Krummakot
Roel Knappstein
Lína
Þorsteinn “Steini” Gíslason
Sæunn Þorsteinsdóttir
Kristján Ingimarsson
Anna Richards
Buzby Birchall
Daniele Signaroldi
George Hollanders
Hilma Stefánsdóttir
Jacqueline Fitz Gibbon
Ragnheiður Ólafsdóttir
Tonny Hollanders

Sæunn Þorsteinsdóttir
Valgerður H. Bjarnadóttir
Valdís Viðarsdóttir
Katrín Jónsdóttir
Hrefna Harðardóttir
Guðfinna Nývarðsdóttir
Anna Richards

Sveinbjörg Ásgeirsdottir
Charlotta Þorgils

Guðný Þórunn Kristmannsdóttir opnar myndlistarsýningu í Populus tremula

Laugardaginn 24. maí kl. 14:00 opnar Guðný Þórunn Kristmannsdóttir myndlistarsýningu í Populus tremula. Þar sýnir Guðný áður ósýnd málverk og verk gerð með blandaðri tækni á pappír frá tímabilinu 1997 til þessa dags. Þetta er fjórða einkasýning Guðnýjar sem einnig hefur tekið þátt í samsýningum. Guðný útskrifaðist af málunardeild MHÍ 1991 – hún býr og starfar á Akureyri.

Einnig opið sunnudaginn 25. maí kl. 14:00-17:00. Aðeins þessi eina helgi.

Ingileif Thorlacius og Áslaug Thorlacius sýna í Jónas Viðar Gallery

Myndir

Laugardaginn 17. maí kl 13.00 opna systurnar Ingileif og Áslaug Thorlacius sýningu í Jónas Viðar Gallery í Listagilinu á Akureyri.
Ingileif sýnir syrpu af vatnslitamyndum, Áslaug sýnir Esjumyndir unnar með vatnslit á pappír og með tempera á tré.

Sýningin stendur frá 17. maí til 6 júní og er opin föstudaga og laugardaga frá kl 13.00 til 18.00

______________________________________________

Jónas Viðar
sími: 8665021
Jónas Viðar Gallery: http://www.jvs.is/jvgallery.htm

Gústav Geir Bollason opnar sýningu í Deiglunni

Gilfélagið kynnir:

Gústav Geir Bollason opnar sýningu á teikningum sem ber heitið Landslag - Landslagsatvik, í Deiglunni á Akureyri laugardaginn 17. maí kl. 13:30.
Á heimasíðu Gilfélagsins, www.listagil.is, má finna nánari upplýsingar og greinagerð listamannsins um verkin.
Opnunartími er frá kl. 14:00 - 16:00 mánudaga - laugardaga.
Síðasti sýningardagur er 31. maí.

Ráðstefna um menningarstefnur sveitarfélaga

„Marklaus plögg eða tæki til framfara?“

- ráðstefna um menningarstefnur sveitarfélaga

„Menningarstefnur sveitarfélaga – marklaus plögg eða tæki til framfara?” er yfirskrift ráðstefnu sem haldin verður í Ketilhúsinu á Akureyri þann 22. maí nk.  Á ráðstefnunni verður fjallað um menningarstefnur sveitarfélaga og hvernig þær geti stuðlað að framförum og eflingu byggðar í landinu.

Frummælendur eru Helgi Gestsson, lektor við Háskólann á Akureyri; Njörður Sigurjónsson, lektor við Háskólann á Bifröst og Gísli Sverrir Árnason, ráðgjafi hjá R3 ráðgjöf.  Helgi Gestsson mun fjalla um menningarstefnu á landsbyggðinni, sérstöðu og sóknarfæri. Njörður Sigurjónsson fjallar um menningu og milliliði og Gísli Sverrir Árnason um menningarstarf sem vaxtarsprota byggðanna.  Auk þeirra munu Björg Erlingsdóttir, forstöðumaður Menningarmiðstöðvar Hornafjarðar, fjalla um vinnu sveitarfélags í skjóli stefnumótunar og Þórgnýr Dýrfjörð, framkvæmdastjóri Akureyrarstofu, mun fjalla um hugmyndafræðina að baki Akureyrarstofu.   Að loknum framsöguerindum verða pallborðsumræður.

Ráðstefnan er samstarfsverkefni  Menningarráðs Eyþings, Menningarráðs Austurlands, Háskólans á Akureyri, Háskólans á Bifröst og Akureyrarstofu.  Ráðstefnan hefst klukkan 13 og stendur til klukkan 16.15

Ráðstefnan er öllum opin

Menningarstefnur sveitarfélaga
– marklaus plögg eða tæki til framfara?

Ráðstefna    um    menningarstefnur    sveitar félaga haldin    í    Ketilhúsinu    á    Akureyri  22.    maí    kl.    13:00-16:15

Á    ráðstefnunni    verður    fjallað    um    menningarstefnur    sveitarfélaga og    hvernig    þær    geta    stuðlað    að    framförum    og    eflingu    byggðar
 

 DAGSKRÁ
13.00     Ávarp     
         Sigrún    Björk    Jakobsdóttir,    formaður    Menningarráðs    Eyþings     
13.10     Menningarstefna    á    landsbyggð,    sérstaða    og    sóknarfæri
     Helgi    Gestsson,    lektor    við    Háskólann    á    Akureyri     
13.40     Menning    og    milliliðir     
     Njörður    Sigurjónsson,    lektor    við    Háskólann    á    Bifröst    og    frkvstj.    Bókmenntasjóðs
14.10     Menningarstarf :    Vaxtarsproti    byggðanna!     
     Gísli    Sverrir    Árnason,    ráðgjafi    hjá    R3    ráðgjöf     
14.40     KAFFI
15.00     Vinna    í    skjóli    stefnumótunar
         Björg    Erlingsdóttir,    forstöðumaður    Menningarmiðstöðvar    Hornafjarðar
15.20         Að    finna    fjölina?
     Þórgnýr    Dýr fjörð,    framkvæmdastjóri    Akureyrarstofu
15.40         Pallborðsumræður    og    samantekt
     Stjórnandi:    Óðinn    Gunnar    Óðinsson,    formaður    Menningarráðs    Austurlands
     
     Fundarstjóri    :
     Birgir    Guðmundsson    lektor    við    félagsvísinda-    og    lagadeild    Háskólans    á    Akureyri   

 
AÐGANGUR ÁN ENDURGJALDS – ALLIR VELKOMNIR

Ráðstefnan    er    samstar fsverkefni    Menningarráðs    Eyþings,    Menningarráðs    Austurlands,     
Háskólans    á    Bifröst,    Háskólans    á    Akureyri    og    Akureyrarstofu

Sýningin HLASS opnar í Öxnadal 20. júní 2008

H L A S S

Opnun 20.06.2008
18:00-20:00
21.06 - 21.07 2008

Hlynur Hallsson // Huginn Arason // Jóna Hlíf Halldórsdóttir // Karlotta Blöndal // Karen Dúa Kristjánsdóttir // Níels Hafstein // Unnar Örn Jónsson Auðarson

www.hlass.blogspot.com

Hugmyndin á bak við sýninguna er að setja óvenjulegan bæjarviðburð í hversdagslegt sveitaumhverfi. Hvetja fólk til þess að koma að Hálsi, njóta náttúrudýrðarinnar, ganga upp að Hraunsvatni, minnast ljóða Jónasar Hallgrímssonar og fá sér góðan mat á Halastjörnunni. Hlaðan stendur í dag að miklu leyti ónýtt en með því að halda þar sýningu er hægt að sýna möguleikana sem felast í þessum ónýttu rýmum til sýningarhalds eða annarra viðburða, en þannig er farið með fleiri hlöður á landinu en að Hálsi. Þannig er hægt að glæða þær lífi og skapa úr þeim nýtt umhverfi, og koma þannig lífi í þessar undirstöður sveita landsins. Það er þekkt fyrirbæri að menningarviðburðir á fáförnum slóðum dregur fólk að, og sáir skapandi frjókornum í huga þeirra sem þangað koma. Þannig ganga gömul rými oft í endurnýjun lífdaga og fá á endanum nýtt hlutverk eftir að listamenn hafa bent á möguleikana sem í því felast.

Verkefnastjóri er Jóna Hlíf Halldórsdóttir
sími 6630545

Inga Björk Harðardóttir opnar í Dalí Gallery föstudaginn 16. maí

Inga Björk Harðardóttir opnar myndlistasýninguna Brýr í DaLí Gallery föstudaginn 16. maí kl. 17-19. Inga sýnir stórar landslagsmyndir málaðar með olíulitum. Myndirnar eru hluti af útskriftaverki Ingu Bjarkar frá Myndlistaskólanum á Akureyri, en útskrift hennar fór fram í gærkvöldi. Sýningin stendur til 31. maí

Inga Björk um verk sín:

Brýr eru táknrænar og á lífsleiðinni förum við yfir margar slíkar. Frá bernsku til fullorðinsára verða á vegi okkar hindranir og erfiðleikar sem við verðum að yfirstíga - þær brýr eins og hinar raunverulegu eru mislangar og misgreiðar yfirferðar.

Mér þykja gamlar brýr sérstaklega fallegar. Bogalínur og fallegar steinhleðslur skapa skemmtilegt samspil ljóss og skugga, svo eru gömlu brýrnar smám saman að hverfa, þær molna og gróðurinn flæðir yfir.

Inga Björk Harðardóttir s.8621094

Dagrún og Lína í DaLí Gallery
http://daligallery.blogspot.com

Facing China í Listasafninu á Akureyri

Laugardaginn 17. maí kl. 13 verður sýningin Facing China ( Augliti til auglitis við Kína ) opnuð í Listasafninu á Akureyri. Heiti sýningarinnar endurspeglar meginstef hennar, manninn og andlitið, sem sjá má í málverkum og skúlptúrum eftir níu kínverska samtímalistamenn sem vakið hafa alþjóðlega athygli og sett hvert sölumetið á fætur öðru í uppboðshúsum heimsins. Listamennirnir sem verk eiga á sýningunni eru Chen Qing Qing, Fang Lijun, Liu Ye, Tang Zhigang, Wei Dong, Yang Shaobin, Yue Minjun, Zhang Xiaogang og Zhao Nengzhi.

Öll verkin á sýningunni koma úr fórum hollenska listaverkasafnarans Fu Ruide. Hann hefur reynst Listasafninu á Akureyri mikill haukur í horni við mótun og undirbúning sýningarinnar og bætti við mörgum nýjum verkum í safn sitt til að gera hana sem best úr garði. Af þessu tilefni hefur verið gefin út glæsileg 270 síðna bók í hörðu bandi á ensku og kínversku sem í rita, auk forstöðumanns Listasafnsins og eiganda verkanna, Vigdís Finnbogadóttir fyrrverandi forseti Íslands, hinn þekkti bandaríski listfræðingur Robert C. Morgan og virtasti gagnrýnandi kínverskrar myndlistar, Li Xianting, sem stundum er kallaður guðfaðir samtímalistarinnar þar í landi. Þá hefur Listasafnið gefið út dagblað sem hefur að geyma valda texta á íslensku og myndir í áðurnefndri bók. Sýningin er sett upp í tengslum við Listahátíð í Reykjavík, sem árið 2008 er að miklu leyti helguð alþjóðlegri myndlist. Frá Akureyri ferðast sýningin víða um lönd og verður hún meðal annars sett upp í söfnum í Austurríki, Þýskalandi, Noregi, Finnlandi og Svíþjóð. „Skandinavíuför“ hennar lýkur árið 2010, en þetta er í fyrsta sinn sem íslenskt listasafn á frumkvæðið að skipulagningu alþjóðlegrar farandsýningar af þessari stærðargráðu. Sýningarstjóri er Hannes Sigurðsson forstöðumaður Listasafnsins á Akureyri.

Verkin úr safni Fu Ruide voru ekki einvörðungu valin vegna verðleika sinna, heldur einnig til að þau væru í samræmi við stef sýningarinnar, sem er manneskjan, fas hennar og fés, og þar af sprettur heitið, Facing China . En þótt líta megi á sýninguna harla bókstaflega í þessu tilliti, er heitið einnig margrætt með ráðnum hug, jafnvel eilítið ógnvænlegt, þar eð það að standa „augliti til auglitis við eitthvað“ þýðir að takast á við veruleikann. Sýningin býður því birginn að mögulega kvikni einhverjar væntingar til kínverskrar listar um að hún sé annaðhvort sprottin af eintómri pólitík eða seiðandi „exótísk“ og öðrum hefðbundnum grillum. Málverkin og skúlptúrarnir á sýningunni eru ekki til marks um „Kínverjaskap“ þessara listamanna. Þess í stað afhjúpa þau stereótýpur, beina sjónum okkar frá hinu dálítið kunnuglega að djúpri sjálfshygli þegar við leiðum augun um andlitin og líkamana sem bregður fyrir í verkunum. Þau afhjúpa persónulegar og andlegar sneiðmyndir af fólkinu sem þau sýna, og mannlega eiginleika sem eru almennari en áhorfandinn kann að gera sér í hugarlund við fyrstu sýn.

Nánari upplýsingar sýninguna er að finna á vefsíðu Listasafnsins: www.listasafn.akureyri.is. Einnig er hægt að hafa samband við Hannes Sigurðsson í síma 899-3386 (netfang: [e-mail]). Aðalstyrktaraðili sýningarinnar er Samskip sem veitti aðstoð við flutning á verkunum til landsins. Sýningunni lýkur 29. júní og er safnið opið alla daga nema mánudaga frá kl. 12 – 17.   

Tilraunastofa lista og vísinda

Guðrún Pálína opnar sýninguna Arna-litrík-Arna í galleriBOXi

galleriBOX
Laugardaginn 17. mai 2008
klukkan 13:00
opnar Guðrún Pálína sýninguna Arna litrík Arna


Guðrún Pálína Guðmundsdóttir er fædd og búsett á Akureyri. Hún nam myndlist fyrst í Gautaborg og svo í Enschede og Maastricht í Hollandi. Hún hefur einnig BA og Diplómugráðu í almennum málvísindum og hljóðfræði frá Háskólanum í Gautaborg. Þar nam hún einnig siðfræði, sænsku fyrir útlendinga og skipulagningu og stjórnun menningarviðburða.  Frá Háskólanum á Akureyri hefur hún einnig numið uppeldis- og kennslufræði og hefur því kennsluréttindi.
Pálína rekur listagalleríið Gallerí+, í Brekkugötu 35 ásamt eiginmanni sínum Joris Rademaker. Hún starfar sem kennari.
Þetta er fjórða einkasýningin þar sem Pálína vinnur með stjörnukort ákveðins listamanns á Akureyri, fyrsta sýningin var í Kompunni 2004 og hét ALLA känner ALLA og var út frá stjörnukorti Aðalheiðar S. Eysteinsdóttur, 2005 á Listasumri á Akureyri var sýningin Anna bara Anna í Ketilhúsinu og var unnin útfrá stjörnukorti Önnu Richards fjöllistakonu, á Listasumri 2006 var sýningin Hlynur sterkur Hlynur á Café Karólínu og núna er það stjörnukort Örnu Valsdóttur sem sýningin Arna litrík Arna byggir á, og er í Boxinu á Akureyri frá 17.maí til 7.júní . Stjörnukort Jónasar Hallgrímssonar þjóðarskálds ( vantaði þó nákvæman fæðingartíma ) var notað síðasta ár á Listasumri á stórri samsýningu í Ketilhúsinu. Um myndlist sína segir Pálína:
Í listsköpun minni hef ég fyrst og fremst unnið með liti og málað. Einnig bregður fyrir texta við og við í verkum mínum. Ég hef alltaf verið upptekin af tungumálinu og að því að skrifa og hef alveg sérstakt dálæti á handskrifuðum texta. Frá árinu 1993 hef ég eingöngu málað andlitsmyndir með áherslu á tjáningu tilfinninga gegnum litaval og pensilskrift en ekki á að gera eftirlíkingu af einhverri vissri manneskju. Stjörnuspeki hefur heillað mig sem ein leið til að skilja tilveruna svipað og málfræði er ein nálgunarleið til skilnings á tungumálinu. Þegar ég reyni að draga upp mynd af einhverjum sérstökum einstaklingi eins og Örnu Vals núna þá passar ágætlega að blanda þessu öllu saman, litunum, myndlistinni, textabrotunum og orðum og stjörnukorti viðkomandi byggt á mínútunni sem fyrsti andardrátturinn átti sér stað.

--
galleriBOX
Kaupvangstræti 10
600 Akureyri
www.galleribox.blogspot.com
Jóna Hlíf Halldórsdóttir 6630545

Anna Líndal, Bjarki Bragason og Hildigunnur Birgisdóttir í Safnasafninu

Laugardaginn 17. maí kl. 14.00 verður opnuð sýningin Greinasafn í Safnasafninu á Svalbarðsströnd, samstarfsverkefni Önnu Líndal, Bjarka Bragasonar og Hildigunnar Birgisdóttur, byggt á heimildum, 
umhverfisskoðun, ljósmyndum og rannsóknum í nágrenni safnsins og innan veggja þess. Sýningin er í Norðursölum og stendur yfir til 8. júlí 2008.

Aðalsteinn Svanur Sigfússon: Söngvar og bækur í Populus tremula

S Ö N G V A R

AÐALSTEINN SVANUR SIGFÚSSON

O P I Ð H Ú S

Laugardaginn 17. maí kl. 14:00-17:00 verður opið hús í Populus tremula. Þar kynna félagsmenn starfsemina, m.a. bókaútgáfu félagsins sem stendur með miklum blóma.

Sama kvöld kl. 21:00 mun söngvaskáldið Aðalsteinn Svanur Sigfússon standa fyrir trúbadúrkvöldi í Populus tremula. Þar flytur Aðalsteinn Svanur eigin lög við kvæði sín og föður síns, Sigfúsar Þorsteinssonar frá Rauðavík. Af þessu tilefni gefur Populus tremula út bókina SÖNGVAR með kvæðum þeirra feðga.

Húsið verður opnað kl. 20:30.

Aðgangur ókeypis – malpokar leyfðir.

http://poptrem.blogspot.com

Bragginn í Öxarfirði: sýning númer 5

BRAGGINN Í ÖXARFIRÐI

Braggasýning númer 5: "Teikning" hefst kl. 11 laugardaginn 28.júní og stendur fyrstu 2 vikurnar í júlí.

Ingunn St. Svavarsdóttir
Yst

Bragginn, Vin, Öxarfirði, 671 um Kópasker

Þorsteinn Gíslason sýnir „Andans flug“ í Gallerí Víð8ttu601

Gallerí Víð8tta601 opnar sýninguna „Andans flug“ í Leirutjörn á Akureyri laugardaginn 10.maí kl.14:00.

Þorsteinn Gíslason (Steini) sýnir þar skúlptúr/innsetningu í nyrðri hólmanum í tjörninni. Verkið samanstendur af bókum sem þátttakendur skrifuðu hugsanir sínar í á 14 daga tímabili, listamaðurinn mótar bækurnar  og festir á misháar stangir í hólmanum þannig að frá landi séð verða bækurnar eins og fuglahópur sem er að hefja sig til flugs. Hugmyndin að baki verkinu er sú að fá að láni hugsanir ólíkra einstaklinga á fjórtán daga skeiði í ævi þeirra,  fanga þær á einn stað í ákveðinn tíma og láta þær endurtaka sig aftur og aftur.

Þátttakendur í sýningunni eru:

Jón Ásgeir Kalmansson siðfræðingur

Ingibjörg María Gísladóttir guðfræðingur

Hólmfríður María Þorsteinsdóttir grunnskólanemi

Guðný Ketilsdóttir verslunarstjóri

George Hollanders leikfangasmiður

Silja Aðalsteinsdóttir rithöfundur

Olov Tällström myndlistamaður

Helgi Þórsson hljómlistamaður

Dagrún Matthíasdóttir myndlistamaður

Aníta Jónsdóttir námsráðgjafi

Bjartur Hollanders leikskólanemi

Baldvin Ringsted myndlistamaður

Hlynur Hallsson myndlistamaður

Þórhildur Þorsteinsdóttir bóndi

 

Andans flug er styrkt af Menningarráði Eyþings og RARIK.

Listasjóður Pennans auglýsir eftir umsóknum um styrki úr sjóðnum

Styrkir til myndlistarmanna
 
Listasjóður Pennans auglýsir eftir umsóknum um styrki úr sjóðnum
 
Um er að ræða sjóð sem nú er veittur úr í annað sinn.
 
Hlutverk sjóðsins er að veita listamönnum brautargengi. Í fyrra hlaut Elín Hansdóttir hæsta styrk sjóðsins. Pétur Thomsen og María Kjartansdóttir fengu aðra styrki úr sjóðnum og Halldór Örn Ragnarsson hlaut sérstaka viðurkenningu.
 
Veittir verða þrír styrkir:
·                    Einn að upphæð 500 þúsund krónur
·                    Tveir að upphæð 200 þúsund krónur
 
Styrkirnir skiptast annars vegar í peningaupphæð og hins vegar kaup á listaverkum.
 
Umsóknareyðublað og nánari upplýsingar eru að finna á vef Pennans, www.penninn.is. Umsóknarfrestur er til 25. maí n.k. og er eingöngu tekið við gögnum á rafrænu formi í gegn um vefinn eða netfangið [e-mail]

Penninn, Hallarmúli 4 – sími 540 2000

Steingrímur Eyfjörð, Ragnar Kjartansson og Margrét H. Blöndal tilnefnd til Sjónlistarverðlaunanna 2008

Tilnefningar til Sjónlistaverðlaunanna 2008  voru kynntar í Reykjavík í gær. Fyrir hönnun eru tilnefnd Guðbjörg Kristín Ingvarsdóttir fyrir fimm skartgripalínur sem kynntar voru á síðasta ári, Hjalti Geir Kristjánsson fyrir sýningu sína Stólar og Sigurður Eggertsson fyrir verk sín í grafískri hönnun frá árinu 2007 en þar var umfangsmest verkið Sequences.

Í myndlist eru tilnefnd Steingrímur Eyfjörð fyrir sýninguna Lóan er komin á Feneyjartvíæringnum 2007, Ragnar Kjartansson fyrir innsetninguna Guð á samnefndri sýningu í Nýlistasafninu og Margrét H. Blöndal fyrir sýninguna Þreifað á himnunni í Hafnarhúsi Listasafns Reykjavíkur.

Sjónlist er samstarfsverkefni Akureyrarbæjar, Forms Ísland – samtaka hönnuða og Sambands íslenskra myndlistarmanna.  

Sex listamenn eða hópar listamanna sem starfa að jafnaði saman, hljóta tilnefningu á tveimur sviðum, myndlist og hönnun, fyrir framlag sitt til greinarinnar á tólf mánaða tímabili áður en tilkynnt er um tilnefningar. Allir hönnuðir og myndlistarmenn sem sýna verk sín á tímabilinu, eða kynna þau með öðrum hætti, koma til greina við tilnefninguna.

Tveir úr þeirra hópi hljóta Sjónlistaorðuna, auk peningaverðlauna að upphæð 2.000.000 kr. hvor. Heiðursorðu Sjónlistar hlýtur myndlistarmaður eða hönnuður ár hvert fyrir einstakt æviframlag til sjónlistanna. Sjónlistaverðlaunin verða afhent í Flugsafni Íslands á Akureyri 19. september.

(Myndin er frá tilnefningunni í fyrra.)

Tilnefningar til Sjónlistaverðlaunanna 2008

Sigurlín M. Grétarsdóttir - Lína opnar sýninguna "HVERFUL NÁTTÚRA" á Veggverk á Akureyri laugardaginn 10. maí

VeggVerk

Sigurlín M Grétarsdóttir - Lína opnar sýninguna "HVERFUL NÁTTÚRA" á Veggverk á Akureyri laugardaginn 10. maí.

Á Veggverk ætlar Lína að mála röndótt þrívíddarverk sem maður getur ímyndað sér að sé einskonar landslag. Þar er hún að fjalla um  hvað við mannfólkið erum að fjarlægast náttúruna þar sem má túlka þjóðfélagið í dag sem hálfgerðan sýndarveruleika.

,,Ég er að fjalla um hve hverful náttúra okkar er og hver birtingarmynd hennar er í mannskepnunni og hvað hún er síbreytileg. Hvernig sýndarveruleiki mannsins endurspeglar náttúru okkar og að maðurinn hverfur meira á vit sýndarveruleikans.

Náttúran sjálf er hverful og kröftug. Við höfum reynt að beisla hana um leið og við lifum í sátt og samlyndi við hana. Er sýn okkar á stórkostlega náttúruna að hverfa á vit sýndarveruleikans? Erum við ennþá náttúrubörn eða börn sýndarveruleika og eigin hverfulleika? Getum við virkjað okkar innri náttúru í stað þess að fórna náttúru landsins?"

Lína útskrifaðist af fagurlistadeild Myndlistarskólans á Akureyri 2007. Þar á undan hafði hún stundað nám við Iðnskólann í Hafnarfirði í 3 ár á hönnunarbraut og útskrifaðist þaðan sem tækniteiknari.

Lína er annar eigenda DaLí Gallery á Akureyri ásamt listakonunni Dagrúnu Matthíasdóttur.

Lína tekur á móti gestum í tilefni opnunar Veggverks á DaLí Gallery, Brekkugötu 9 kl. 17:00-20:00

www.veggverk.org

Sýningarstjóri: Jóna Hlíf Halldórsdóttir

sími. 6630545

VORSÝNING 2008

Þrítugasta og fjórða starfsári Myndlistaskólans á Akureyri lýkur með veglegri sýningu á verkum nemenda í húsnæði skólans. Sýnd verða verk nemenda fornámsdeildar, listhönnunar- og fagurlistadeildar. Þar gefur að líta sýnishorn af því helsta sem nemendur hafa verið að fást við í myndlist og hönnun á þessu skólaári.

Fjörutíu og fjórir nemendur stunduðu nám í dagdeildum skólans og af þeim munu sautján brautskrást frá skólanum að þessu sinni. Þrír sem grafískir hönnuðir, Friðlaugur Jónsson, Karl Halldór Reynisson og Margrét Ingibjörg Lindquist. Þrír sem myndlistarmenn, Hertha Richardt Úlfarsdóttir, Inga Björk Harðardóttir og Margeir Sigurðsson. Ellefu úr fornámsdeild, Berglind H. Helgadóttir, Bjartur Karlsson, Dagrún Íris Sigmundsdóttir, Guðrún Eysteinsdóttir, Gunnar Rúnar Guðnason, Heiða Erlingsdóttir, Hildur Ása Henrýsdóttir, Sindri Smárason, Unnur Jónsdóttir og Þuríður  Sverrisdóttir

Einnig verða sýnd verk eftir nemendur sem voru á barna- og unglinganámskeiðum á vorönn. Allir eru hjartanlega velkomnir í Myndlistaskólann á Akureyri um helgina. Sýningin verður opin kl. 14:00 til 18:00 laugardag, sunnudag og mánudag, annan í hvítasunnu.

Heimasíða skólans: www.myndak.is

VORSÝNING 2008
Myndlistaskólinn á Akureyri.
Opin helgina 10. - 12. maí kl. 14:00 - 18:00
Sýningarstaður: Kaupvangsstræti 16

Velkomin á sýningu Fjölmenntar

Velkomin á opnun sýningar Fjölmenntar "Fornminjar og frumbyggjalist" sem opnuð verður á morgun, fimmtudaginn 8. maí klukkan 17:00 í Amtsbókasafninu á Akureyri. Eyþór Ingi syngur nokkur lög við opnun.

Steinn Kristjánsson með Innilega útilegu í Populus tremula

Populus Kynnir:

INNILEGA-ÚTILEGA

STEINN KRISTJÁNSSON

Laugardaginn 10. maí kl. 14:00 opnar sjónlistamaðurinn Steinn Kristjánsson sjónlistasýninguna Innilega útilegu í Populus tremula. Þar verður sumarfríinu þjófstartað og hver veit nema tekin verði nokkur gömul og góð útilegulög og jafnframt frumflutt ný innilegulög. Þarna er um að ræða tilraun um mörk innra og ytra rýmis í formi hinnar einu sönnu íslensku útilegustemmingar.

Einnig opið sunnudaginn 11. maí kl. 14:00-17:00.

http://poptrem.blogspot.com

Sigurlín M. Grétarsdóttir - Lína opnar sýninguna "HVERFUL NÁTTÚRA" á Veggverk á Akureyri laugardaginn 10 maí

Á Veggverk ætlar Lína að mála röndótt þrívíddarverk sem maður getur ímyndað sér að sé einskonar landslag. Þar er hún að fjalla um hvað við mannfólkið erum að fjarlægast náttúruna þar sem má túlka þjóðfélagið í dag sem hálfgerðan sýndarveruleika.

,,Ég er að fjalla um hve hverful náttúra okkar er og hver birtingarmynd hennar er í mannskepnunni og hvað hún er síbreytileg. Hvernig sýndarveruleiki mannsins endurspeglar náttúru okkar og að maðurinn hverfur meira á vit sýndarveruleikans.

Náttúran sjálf er hverful og kröftug. Við höfum reynt að beisla hana um leið og við lifum í sátt og samlyndi við hana. Er sýn okkar á stórkostlega náttúruna að hverfa á vit sýndarveruleikans? Erum við ennþá náttúrubörn eða börn sýndarveruleika og eigin hverfulleika? Getum við virkjað okkar innri náttúru í stað þess að fórna náttúru landsins?"

Lína útskrifaðist af fagurlistadeild Myndlistarskólans á Akureyri 2007. Þar á undan hafði hún stundað nám við Iðnskólann í Hafnarfirði í 3 ár á hönnunarbraut og útskrifaðist þaðan sem tækniteiknari.

Lína er annar eigenda DaLí Gallery á Akureyri ásamt listakonunni Dagrúnu Matthíasdóttur. Lína tekur á móti gestum í tilefni opnunar Veggverks á DaLí Gallery, Brekkugötu 9 kl. 17-20