Sveinbjörg Ásgeirsdóttir opnar sýningu á Café Karólínu

 

Sveinbjörg Ásgeirsdóttir

 

Á meðan ég svaf

 

05.12.09 - 08.01.10

 

Café Karólína // Kaupvangsstræti 23 // IS 600 Akureyri // 4612755

-

Sveinka (Sveinbjörg Ásgeirsdóttir) opnar sýninguna “Á meðan ég svaf“ á Café Karólínu laugardaginn 5. desember klukkan 15.

 

Sýningin samanstendur af draumkenndum fígúratífum vatnslita-blek myndum sem málaðar eru á ríspappír sem spilar sitt hlutverk með litunum. 

 

Nám:

1988-1992       ISAL + Iðnskólinn í Reykjavík - sveinspróf í vélvirkjun.

2003-2007       Myndlistaskólinn á Akureyri - diplóma af fagurlistabraut

 

Samsýningar:

2004                  Nemendasýning Myndlistaskólans á Akureyri

2005                  Nemendasýning Myndlistaskólans á Akureyri

2005                  Nemendasýning  í vinnustofu í Gilinu

2006                  Langi Mangi Ísafjörður – Land og menn

2006                  Nemendasýning Myndlistaskólans á Akureyri

2006                  Nemendasýning í Deiglunni Akureyri

2007                  Nemendasýning - útskrift - Myndlistaskólinn á Akureyri

2007                  Deiglan – Listasumar Akureyri

2007                  Gallerí DaLí – Grálist smálist

2008                  Deiglan – Grálist engin smálist - Listasumar Akureyri    

2008                  Staðfugl farfugl

2008                  Grálist – Akureyrarvaka

2009                  Gallerí Box – Góða veislu gjöra skal

 

Einkasýningar:

2006                  Kaffi Kidda Rót - Hveragerði - Veisla

2007                  Laxárvirkjun - Rammalífströll

2008                  Gráa svæðið

2009                  Café Karólína - Á meðan ég svaf

 

Sýningin stendur til föstudagsins 8. janúar og allir eru velkomnir.

 

Meðfylgjandi mynd er af einu verka Sveinbjargar.

Nánari upplýsingar veitir Sveinbjörg í síma 849 4799 eða tölvupósti: fifill(hjá)live.com

 

Næstu sýningar á Café Karólínu:

09.01.10 - 05.02.10                  Anna Gunnarsdóttir

06.02.10 - 05.03.10                  Samúel Jóhannsson

06.03.10 - 02.04.10                  Guðbjörg Ringsted                 

03.04.10 - 30.04.10                  Kristján Pétur Sigurðsson

01.05.10 - 04.06.10                  List án landamæra

05.06.10 - 02.07.10                  Hanna Hlíf Bjarnadóttir

 

Sparwasser HQ vinnustofudvöl í Berlín

___public sphere and rhetoric / RESIDENCY_PROGRAMME
Sparwasser HQ & netres.org
RESIDENCY_PROGRAMME netres.org


C/O Sparwasser HQ


Offensive for Contemporary Art and Communication


Schwedterstrasse 36 A


Contact: Katja Meyer (NETRES.org // office)


[e-mail]



www.sparwasserhq.de


netres.org



DEADLINE: 15/12/2009

 

//// OPEN CALL__ Sparwasser HQ & netres.org


___public sphere and rhetoric



Our aim is to research internationally and to invite two Nordic/Baltic artists to Berlin.



We are looking for artworks which deal with strategies for the public realm/'offentligheden', and artworks, which create a public attention/'en offentlighed'. Or, how the process of campaigning is directed into something else?


We are not expecting descriptions of sculptures for an open square but rather works reflecting situations, performance of life itself. The works do not necessarily grow out of a local context but rather a set context.

Visual artists and other arts related producers who use the public sphere, better described with Scandinavian 'offentligheden' or german die 'Öffentlichkeit' can apply. We are also interested to know how you would consider the use of rhetoric practically and critically.



Questions among many could be: What is the constellation of the public sphere/ 'offentligheden' and time? Interconnected pasts and presents, of people, places, and events comprise histories. The public sphere/ 'offentligheden' is there to navigate and possibly reclaim. Is the public sphere/ 'offentligheden' singular? What public rights, what common spaces do we have?



We need to launch two calls in one: One for text production only, which might suggest future collaboration, and one for traveling. Only Nordic/Baltic applicants can be invited to Berlin within the residency programme.



You are invited to send in applications. For further information please check our homepage.



The residency_programme netres is supported by nordic culture point.
 

Opin vinnustofusýning Hjördísar Frímann málara

Hjördís Frímann málari býður til opinnar vinnustofu laugardaginn 28.nóvember
kl. 14 - 18, að Aðalstræti 16 á Akureyri. (næsta hús við Gamla spítalann)

Allir hjartanlega velkomnir!

Hjördís Frímann er fædd á Akureyri 1954. Hún lauk námi frá The School of the
Museum of Fine Arts í Boston árið 1986 og hefur málað síðan bæði í olíu og
akrýl. Síðast sýndi Hjördís í Galleríi Óla G., Festarkletti í Listagilinu,
fyrir sléttu ári síðan.

Sýning um bækur, rithöfunda, skáld, prentsmiðjur og útgáfustarfsemi í GalleríBOXi

Laugardaginn 28. nóvember kl. 14 opnar sýningin Bráðum – áminning um möguleika gleymskunnar á Akureyri. Sýningin verður í GalleríBOXi, sal Myndlistarfélagsins fram til 6. desember.
Sýningin fjallar í stuttu máli sagt um bækur, rithöfunda, skáld, prentsmiðjur og útgáfustarfsemi í Eyjafirði og Þingeyjarsýslum. Sérstaklega hefur víða verið leitað fanga til að bregða upp mynd af Akureyri í bókmenntum og bókmenntum á Akureyri. Hægt verður að skoða forvitnilegar bækur, gleymda höfunda og forvitnast um að því er virðist týnda kynslóð skálda.
Á staðnum verður horn til að grúska í bókum og tímaritum og alltaf heitt á könnunni. Ásprent og Menningarráð Eyþings gerðu það kleyft að setja sýninguna upp og eru þeim bestu þakkir færðar.
Sýninguna vinna Jóna Hlíf Halldórsdóttir og Hjálmar Stefán Brynjólfsson. Sýningin er sú fyrsta af þremur sem tengjast bókmenningu og margmiðlun. Í undirbúningi er sýningin reimleikur/húslestur fyrir árið 2010.
Nánari upplýsingar veitir Hjálmar í síma 849 – 3143 eftir kl. 16.

Útskriftarnemendur á listnámsbraut VMA sýna í Deiglunni

Góðan daginn,

Við vildum vekja athygli á að útskriftarnemendur á listnámsbraut Verkmenntaskólans á Akureyri halda sýningu á lokaverkefnum sínum helgina 28.-29. nóvember í Deiglunni. 

Opið verður frá kl. 14-18 báða dagana.

Allir velkomnir. 

Okkur þætti vænt um ef þið gætuð komið þessum upplýsingum á framfæri.

Með fyrirfram þökk,

Útskriftarnemar listnámsbrautar VMA.

Hjálmar H. Ragnarsson með fyrirlestur í Ketilhúsinu

Fyrirlestrar á haustdögum

Listmenntun

Hjálmar H. Ragnarsson mun flytja fyrirlestur í Ketilhúsinu í Listagili föstudaginn
20. nóvember 14.50. Í erindi sínu mun hann  fjalla um: Listmenntun almennt.
Fyrirlestrar á haustdögum, eru skipulagðir af kennurum á listnámsbraut
Verkmenntaskólans á Akureyri, í samvinnu við Listasafnið á Akureyri og
Menningarmiðstöðvarinnar í Grófargili.
Fyrirlesturinn er opinn  öllum og aðgangur ókeypis.

Eygló Antonsdóttir sýnir á Bláu könnunni

Sýningin er á Bláu könnunni við Hafnarstræti á Akureyri, opnaði 14. nóvember og verður  
opin til 15. janúar 2010.

Eygló segir um sýninguna:

"Í þessum verkum er ég að vinna með uppáhalds jólasmákökur fimm ættliða, það eru Gyðingakökurnar hennar ömmu, Írisarkökurnar hennar mömmu, Vanilluhringirnir uppáhaldið mitt, Mömmukökur eftirlætis kökur dóttur minnar og Piparkökur sem dótturdóttur minni finnst ekki megi vanta á jólaborðið.

 

Uppáhalds jólasmákökurnar flytjast frá einum ættlið til annars. Það bætast nýjar við, sumar þeirra ná hylli, aðrar ekki.

Hvað ræður að tiltekin sort er í mestu uppáhaldi hjá einum  en ekki öðrum?  Er það eingöngu uppeldislegt? Eða koma erfðaþættir líka við sögu?"

Aðalsteinn Þórsson með myndlistarsýningu og bók

MYNDLISTARSÝNING OG BÓK
Aðalsteinn Þórsson
PÓSTKORT

Laugardaginn 21. nóvember kl. 14:00 mun Aðalsteinn Þórsson opna myndlistarsýningu í Populus Tremula. Jafnframt kemur út á vegum Populus bókin PÓSTKORT eftir Aðal­stein, sem inniheldur 16 póstkort með myndum listamannsins.

Sýningin verður einnig opin sunnudaginn 22. nóvember kl. 14:00 - 17:00

LISTASJÓÐUR DUNGAL auglýsir eftir umsóknum um styrki

 
Listasjóður Dungal var stofnaður árið 1992 í minningu Margrétar og Baldvins P. Dungal kaupmanns í Pennanum. Markmið sjóðsins er að styrkja unga og efnilega myndlistarmenn sem eru að stíga sín fyrstu skref á listabrautinni.
 
Umsóknareyðublöð og nánari upplýsingar má nálgast á vef listasjóðsins www.listasjodur.is.
 
Umsóknum skulu fylgja ljósmyndir af verkum umsækjenda ásamt ferilsskrá og skal skila gögnum í pósthólf 148, 121 Reykjavík.
 
(Vinsamlegast athugið að ekki er tekið við gögnum í tölvupósti)
 
Umsóknarfrestur er til 7. desember 2009

UMSÓKN UM ÞÁTTTÖKU Á LISTASUMRI Á AKUREYRI 2010

Menningarmiðstöðin í Listagili á Akureyri auglýsir eftir umsóknum um
þátttöku í Listasumri á Akureyri 2010.

Listasumar stendur yfir frá Jónsmessu í júní til Akureyrarvöku í lok ágúst.

Umsækjendur eru hvattir til að kynna sér skilmála fyrir þátttakendur á
vefsíðu Menningarmiðstöðvarinnar í Listagili www.listagil.akureyri.is.

Umsóknarfrestur er til 15. desember 2009.

Umsóknareyðublöð er hægt að nálgast á vefsíðu Menningarmiðstöðvarinnar í
Listagili www.listagil.akureyri.is

Nánari upplýsingar á skrifstofu Menningarmiðstöðvarinnar í Listagili í síma
466-2609 eða í netpósti [e-mail] og/eða [e-mail]

Umsóknir og fylgigögn skulu send á neðanskráð póstfang, póststimplað fyrir
15. desember 2009:



Menningarmiðstöðin í Listagili

Ketilhúsið

Pósthólf 115

602 Akureyri

Myndlistasýning í Vinnustofunni í Kaupangi

 

Myndlistasýning mun opna í Vinnustofunni, Kaupangi á Akureyri, laugardaginn 14. nóvember kl. 14.

Að sýningunni standa 7 myndlistakonur, allar með sína vinnuaðstöðu á Vinnustofunni.  Þessar myndlistakonur eru Ásta Bára, Borghildur, Eygló Antons, Gréta Gísla, Gulla, Steinunn Ásta og Telma Brim. Þær eru útskrifaðar af Fagurlistadeild Myndlistaskólans á Akureyri fyrir utan Borghildi og Grétu Gísla sem eru enn í sínu námi við skólann. Sýningin samanstendur af þeim verkum sem þær hafa unnið síðustu mánuði en það eru olíumálverk, vaxmyndir og fleiri verk. Þetta er þeirra fyrsta samsýning á Vinnustofunni sem opnaði síðastliðið vor.

Sýningin mun standa yfir tvær helgar eða 14. - 15. og 21. - 22. nóvember.  

Opnunartími sýningarinnar er kl. 14 - 17 þessa daga.

Sýningin Dísir í DaLí Gallery framlengd

Dísir - Sýning Hrefnu Harðardóttur í DaLí Gallery verður framlengd til 15. nóvember. Hrefna tekur á móti gestum í DaLí Gallery síðasta sýningardaginn.
Allir velkomnir

DaLí Gallery
Brekkugata 9
600 Akureyri
daligallery.blogspot.com

Opið laugardaga og sunnudaga kl. 14-17

Sjálfsmyndir, sýningar á fjórum stöðum

 

SJÁLFSMYNDIR

 

Súpan  

 

sýnir afrakstur samstarfs síns við unga sem aldna allt frá nyrstu ströndum

til nafla alheimsins ...

á 4x farandsýningum í:

 

 

1. Bragganum í Öxarfirði,

Frumsýning laugard.14. nóvember kl.13-17

 

2.  SÍM-húsinu Hafnarstræti 16, Reykjavík, 5.-18. desember

Opnun laugard. 5. desember kl. 16-18

 

3. Kaffistofunni Nemendagallerí Listaháskólans Hverfisgötu 42, Reykjavík 5.-6. des

Opnun laugard. 5. Desember kl.14-16

 

3. Box – inu, Sal myndlistarfélagsins í Listagilinu á Akureyri 16. janúar –

 6. febrúar 2010

Opnun laugardaginn 16. janúar kl.14  

 

 

Björg Eiríksdóttir  myndlistakona/myndlistakennari VMA

Edda Þórey Kristfinnsdóttir  myndlistakona Korpúlfsstöðum

Jóna Bergdal Jakobsdóttir  myndlistakona/málari Eskifirði

Unnur G. Óttarsdóttir  listmeðferðarfræðingur/myndlistakona

Yst Ingunn St. Svavarsdóttir  sálfræðingur/fagurlista-verkakona

Aðgangur er ókeypis

EYÞING styrkir verkefnið

                                                                       RARIK er máttarsólpi EYÞINGS í menningarmálum

Opið er fyrir ferðastyrki hjá Norrænu menningargáttinni til 11.11.2009

 
Ferðastyrkir eru ætlaðir til allrar lista- og menningarstarfsemi á Norðurlöndunum og í Eystrasaltslöndunum: Fagfólks innan allra listgreina, höfunda fagurbókmennta, þýðenda, sýningarstjóra, framleiðenda, blaðamanna sem starfa við menningartengt efni, menningarfræðinga o.s.frv.
-          Fagfólk getur sótt um dvalarstyrk í öðru landi á Norðurlöndunum eða í Eystrasaltslöndunum
-          Dvalarstyrkur stendur straum af kostnaði fyrir sjö sólarhringa að hámarki (fimm virkir dagar + helgi). Forsendur útreiknings miðast annarsvegar við dvöl í höfuðborg og hinsvegar við dvöl á öðru svæði
-          Athugið að umsækjandi og styrkþegi verður að vera sama manneskjan og að styrkir eru einungis veittir einstaklingum, ekki hópum
 
 
http://www.kknord.org/lang-is/menningaraaetlanir/fereastyrkjaaaetlunin/fereastyrkir
 
Nánari upplýsingar og aðstoð veitir:
 
Þuríður Helga Kristjánsdóttir
Verkefnastjóri / Prosjektleder / Project Manager
 
Norræna húsið / Nordens hus / Nordic house
Sími / tel: [phone]
[e-mail]
www.norraenahusid.is
 

Umsókir um þátttöku í alþjóðlegri tilraunakvikmynda- og vídeóhátíð á Austurlandi

 

700IS Hreindýraland – Alþjóðleg tilraunakvikmynda- og vídeóhátíð á Austurlandi.

Tekið verður við myndum til umsóknar frá 3.nóvember – 1.desember 2009.
Að þessu sinni verður eingöngu tekið við myndum gegnum internetið.

Við vonum að þið sýnið þessu skilning.

Við tökum á móti öllum tilraunakvikmynda- og vídeóverkum sem hafa ekki verið sýnd á Austurlandi.

Verk eftir listamenn búsetta í Evrópu eru sjálfkrafa gjaldgeng í keppnina um Alternative Routes verðlaunin.

Alternative Routes er samstarfsverkefni kvikmynda/vídeóhátíða í Debrecen – Ungverjalandi, Porto – Portúgal, Liverpool & Manchester – Bretlandi og á Egilsstöðum - Íslandi.

Á hverri hátíð innan A.R. er einn listamaður/verk valinn í hóp sem síðan sýnir verk sín á öllum hátíðunum; í Debrecen í maí 2010, Porto í nóvember 2010, Egilsstöðum í mars 2011 og að lokum í Liverpool / Manchester í apríl 2011.

Þessir listamenn munu ferðast til allra staðanna 2010 og 2011; ferðakostnaður og uppihald verður greitt, svo og 1000 € peningaverðlaun.

Sýningarskrá verður gefin út um verkefnið.

Alternative Routes nýtur fjárstuðnings Evrópusambandsins.

S É R S T A K T Þ E M A

HLJÓÐ og VÍDEÓ er þema hátíðarinnar 2010 – en við tökum við öllum tilraunamyndum.

Vinsamlega athugið: Ef mynd eftir ykkur verður valin til sýningar, munum við óska eftir að fá sent hágæðaeintak í janúar næstkomandi.

Ö N N U R V E R Ð L A U N

Mynd hátíðarinnar
(allir listamenn)
(listamaður búsettur í Evrópu er sjálfkrafa í keppninni um Alternative Routes verðlaunin)

Sýning í Sláturhúsinu Egilsstöðum
Verðlaunafé 100.000 kr.
Ferðakostnaður og uppihald greitt.

Íslensk mynd hátíðarinnar
(listamenn búsettir á Íslandi)
(íslenskir listamenn eru sjálfkrafa í keppninni um Alternative Routes verðlaunin)

Sýning í Sláturhúsinu Egilsstöðum
Verðlaunafé 100.000 kr.
Ferðakostnaður og uppihald greitt.

Vinsamlegast farið á heimasíðuna okkar til að sjá hverjir styrkja 700IS, þátttakendur fyrri hátíða og aðrar upplýsingar. 700IS er líka á Facebook – Reindeerland Iceland

Inga Björk sýnir í Jónas Viðar Gallery

Laugardaginn 7. nóvember kl. 15:00 opnar Inga Björk málverkasýningu í Jónas Viðar Gallery í listagilinu á Akureyri.

Þér og þínum er boðið.

Opnar vinnustofur í Litalandshúsinu

Á annarri hæð í Litalandshúsinu við Furuvelli á Akureyri eru tvær vinnustofur. Í annarri ræður ríkjum Aðalbjörg Kristjánsdóttir og í hinni Hallmundur Kristinsson. Þau hafa ákveðið að bjóða gestum og gangandi að kíkja inn og sjá hvað þau eru að gera. Það verður opið hús kl. 13-17 laugardaginn 7. nóv. og sunnudaginn 8. nóv.
Ýmislegt í boði. Verið velkomin.

Tómas Bergmann sýnir í Populus Tremula

GRÆNLAND O.FL.
Tómas Bergmann
MYNDLISTARSÝNING
7.-8. nóvember 2009

Laugardaginn 7. nóvember kl. 14:00 mun Tómas Bergmann opna myndlistarsýninguna GRÆNLAND o.fl. í Populus Tremula.

Sýningin verður einnig opin sunnudaginn 8. nóvember kl. 14:00 - 17:00

Bergþór Morthens opnar sýningu á Café Karólínu

 

Bergþór Morthens

 

Jón um Jón frá Jóni til Jóns

 

07.11.09 - 04.12.09

 

Café Karólína // Kaupvangsstræti 23 // IS 600 Akureyri // 4612755

---

Bergþór Morthens opnar sýninguna “Jón um Jón frá Jóni til Jóns” á Café Karólínu laugardaginn 7. nóvember klukkan 15.

 

Sýningin “Jón um Jón frá Jóni til Jóns” samanstendur af portrett myndum unnum með blandaðri tækni. Verkin eru byggð á prófílmyndum þeirra sem heita Jón Sigurðsson á Facebook og hafa ýmsar skírskotanir til atburða, persóna eða aðstæðna úr samtíma okkar. Þjóðerniskennd, sjálfstæði og hetjudýrkun.

 

Bergþór Morthens útskrifaðist frá Myndlistaskólanum á Akureyri árið 2004 og hefur notað undanfarin ár eftir útskrift til að byggja upp myndlistarstefnu sína og hefur verið duglegur við að sýna, bæði á einka- og samsýningum.

 

Meðfylgjandi mynd er af einu verka Bergþórs.

 

Nánari upplýsingar veitir Bergþór í síma 691 6017 eða tölvupósti: bergthorm(hjá)simnet.is og á http://artnews.org/artist.php?i=4331

 

Næstu sýningar á Café Karólínu:

05.12.09 - 08.01.10                  Sveinbjörg Ásgeirsdóttir                 

09.01.10 - 05.02.10                  Anna Gunnarsdóttir

06.02.10 - 05.03.10                  Samúel Jóhannsson

06.03.10 - 02.04.10                  Guðbjörg Ringsted                 

03.04.10 - 30.04.10                  Kristján Pétur Sigurðsson

01.05.10 - 04.06.10                  List án landamæra

05.06.10 - 02.07.10                  Hanna Hlíf Bjarnadóttir

 

Safngestaráð Safnasafnsins á Svalbarðsströnd

SAFNASAFNIÐ - ALÞÝÐULIST ÍSLANDS
 
Safnasafnið á Svalbarðsströnd hefur stofnað Safngestaráð, hið fyrsta sinnar tegundar á Íslandi. Því er ætlað það hlutverk að hafa jákvæð áhrif á starfsemi safnsins, vega það og meta og hugleiða verkefni sem gætu orðið því til framdráttar. Í ráðinu sitja:  Hlynur Hallsson, myndlistarmaður og formaður Sambands íslenskra myndlistarmanna, og Sigríður Ágústsdóttir, leirkerasmiður og leiðsögumaður, Akureyri; Bryndís Símonardóttir, fjölskylduráðgjafi, Háuborg í Eyjafjarðarsveit; Ingibjörg Svafa Siglaugsdóttir, hjúkrunarfræðingur og fyrrum safnstjóri í Laufási, Grenivík; Völundur Jónsson, ljósmyndari, Mógili 1, Svalbarðsströnd; Guðfinna Magnúsdóttir, vöruhönnuður og kennari við Listaháskóla Íslands og Huginn Þór Arason, myndlistarmaður og stjórnarmaður í Nýlistasafninu, Reykjavík.


SAFNGESTARÁÐ
 
Safngestaráð er skipað 7 einstaklingum, 5 búsettum á Norðurlandi eystra, 2 á höfuðborgarsvæðinu, sem eru n.k. fulltrúar fyrir gesti eða markhópa Safnasafnsins; þeir mega hvorki vera skyldir né tengdir fólki í stjórn þess. Ráðið er myndað til 3ja ára, og framlengist tíminn um 1 ár í senn. Það starfar sjálfstætt án afskipta safnstjórnar, en þróar verkefni sín í samræmi við neðangreint - og stendur til boða aðstaða til fundarhalda í safninu hvenær sem er.
 
Safngestaráð Safnasafnsins er hið fyrsta sinnar tegundar á Íslandi, einstaklingar innan þess búa yfir mikilli reynslu og menntun sem gerir þeim kleyft að sinna starfi sínu af faglegri hæfni
Ekki er leitað fyrirmynda erlendis um safngestaráð (Visitor Panel) því verksvið þeirra er of þröngt; í söfnunum eru sérfræðingar á flestum sviðum, sýningar gagnrýndar í fjölmiðlum, og því ekki mikil þörf á utanað komandi aðstoð.
 
Safngestaráð gegnir ábyrgðar- og virðingarstöðu og mun með starfi sínu, að öllum líkindum, hvetja til stofnunar nýrra ráða, og vekja athygli einstaklinga og fyrirtækja á Safnasafninu, og öðrum söfnum og menningarstofnunum þjóðarinnar um leið. Safngestaráð getur því mótað viðhorf almennings til safna í framtíðinni.

Safngestaráði er ætlað það hlutverk að hafa jákvæð áhrif á starfsemi safnsins, gagnrýna það og meta; hugleiða ný verkefni sem þarfnast hugkvæmni og eftirfylgni; koma með uppástungur um kaup á kjörgripum sem safnstjóra er ókunnugt um; og jafnvel taka þátt í umræðum um starfsstefnu safnsins á komandi árum.

Safngestaráð fær vinnumöppu, í henni er: Atriðaorðaskrá(Gátlisti); Flokkun listasafna á Íslandi eins og þau kynna sig og starfa; Hugmyndasmiðja æskunnar; Hugmyndir - Fræðsla - Miðlun; Hringferill myndlistar, 16 þátta greiningarkerfi (útdráttur); Konurnar og safnið; Lán á safngripum samkvæmt gjafabréfum, varðveislusamningum og Safnalögum; Nýmæli - Frumkvæði - Jafnrétti; Siðareglur Alþjóðaráðs Safna, ICOM (útdráttur); Sjóðir; Skipulagsskrá; Starfslýsingar; Starfsstefna 2009-2013 (endurskoðuð árlega); Söfnunarstefna; Sýningastefna; Söfn, safnvísar, setur og einstaklingar sem varðveita íslenska alþýðulist; Umsagnir og ummæli
Safngestaráð fær fréttir af starfsemi safnsins og getur leitað eftir nánari upplýsingum á skrifstofu þess.

Safngestaráð metur m.a. aðgengi inni og úti, þarfir og aðstöðu fatlaðra, merkingar, fylgitexta, orðanotkun, þýðingar, sýningar og sýningaskrár, leiðsögn og skemmtun, bókastofu, sýnileg skólaverkefni, vörulínur, veitingar og verðlag, samspil á milli sýninga og hæða, áherslur, flæði, liti og sjónlínur (sjá nánar í Atriðaorðaskrá/Gátlista).

Safngestaráð getur, ef það vill, skilgreint markhópa safnsins og aldurssamsetningu og kannað hvernig hægt sé að ná til fleiri einstaklinga og hópa, innlendra sem erlendra. Í því samhengi hugar það að félagslegri, hugmynda- og fagurfræðilegri stöðu safnsins, og hvernig megi nýta hana til laða fólk að safninu eða kynna það sem víðast
Ekki er gert ráð fyrir umræðum um hjúskap, kynhneigð, nám, starf, tekjur, trú, fötlun og veikindi (Persónuvernd).

Safngestaráð kynnir niðurstöður sínar fyrir safnstjórn, sem semur spurningarlista á grundvelli þeirra, en að auki verða skráðar hugmyndir gesta um safnið og viðbrögð þeirra við því sem það býður upp á. Listarnir verða látnir liggja frammi í safninu um sumarið og gestir beðnir um að svara þeim. Mat Safngestaráðs og niðurstöður kannana verða strax kynntar á vefsíðu, sendar fjölmiðlum, og birtar í ársskýrslu og sýningaskrá safnsins ári síðar.

Safngestaráð getur - að eigin frumkvæði - lagt fram hugmyndir um öflun viðurkenninga og styrkja fyrir t.d. erlent samstarf, listaverkakaup, upplýsinga- og tölvumál, leikfanga- og tækjakaup, viðgerðir og byggingarframkvæmdir.

Safngestaráð fær afslátt á vörum í Kaupfélagi Svalbarðseyrar (safnverslun), hátíðarkvöldverð í safninu og gjafir í þakklætisskyni fyrir vel unnin störf. Meðlimir ráðsins sem eru búsettir fyrir sunnan njóta uppihalds í Safnasafninu á  meðan þeir starfa nyrðra (Maí/Júní er hentugur tími, því að þá er búið að prufukeyra sýningarnar).

Safngestaráð endurnýjar sig sjálft, ef einhver innan þess lætur af störfum; það getur leitað ráða hjá safnstjóra um nýjan einstakling. Ef ráðið ákveður að hætta starfsemi sinni áður en samningstími rennur út, eða ef safnstjóri telur ekki þörf á því lengur, ganga öll gögn til stjórnar Safnasafnsins, sem getur myndað annað ráð á þeim grunni síðar.

Safngestaráð getur, Safnasafninu að meinalausu, og ef áhugi er fyrir því, víkkað starfssvið sitt og boðið öðrum söfnum á Norðurlandi Eystra þjónustu sína (gegn þóknun), en þá verður líklega að breyta samsetningu þess og ofangreindum ákvæðum verulega til að koma til móts við þarfir jafn margra ólíkra stofnana og þar starfa.