Ragnar Hólm sýnir í Mjólkurbúðinni

Á skírdag kl. 14 opnar Ragnar Hólm sýningu á nýjum vatnslitamynd og málverkum í Mjólkurbúðinni í Listagilinu á Akureyri.

Þetta er níunda einkasýning Ragnars sem hefur stigið fjörugan dans við listagyðjuna á síðustu árum en fyrstu sýningu sína hélt hann vorið 2010. Við opnunina á skírdag í Mjólkurbúðinni ætla Pálmi Gunnarsson og Kristján Edelstein að leika létta tónlist af fingrum fram.

Á sýningunni er að finna röð vatnslitamynda af þekktum húsum í bænum en einnig landslagsmyndir, myndir tengdar fluguveiði og myndir af fólki. Titill sýningarinnar vísar annars vegar til þess að vetur breytist í vor en hins vegar til þess að á þessum árstíma er allra veðra von, stundum nái vetur konungur aftur tímabundið yfirhöndinni á vorin.

Ragnar Hólm hefur sótt námskeið í myndlist en mest munar um einkakennslu hjá Guðmundi Ármann Sigurjónssyni myndlistarmanni sem staðið hefur nær óslitið síðustu sex árin. Ragnar hefur lengst af aðallega sýnt vatnslitamyndir en á síðustu tveimur sýningum hafa stór og smá olíumálverk skotið upp kollinum og að þessu sinni verða akrýlmálverk einnig til sýnis.

Dagsdaglega starfar Ragnar Hólm Ragnarsson á Akureyrarstofu sem verkefnastjóri upplýsinga– og kynningarmála fyrir Akureyrarbæ. Hann hefur verið virkur í félagsmálum fluguveiðimanna, verið formaður fluguveiðifélagsins Ármanna, Landssambands stangaveiðifélaga og Stangaveiðifélags Akureyrar. Ragnar skrifar reglulega um veiðiskap í blöð og tímarit og er annar ritstjóra veftímaritsins Flugufrétta. Í tómstundum skrifar hann, veiðir og málar.

Sýningin í Mjólkurbúðinni verður opin yfir páskana. Opnun verður á skírdag og sýningunni lýkur annan í páskum. Opið verður alla dagana frá kl. 14–17. Allir velkomnir.

Nánari upplýsingar veitir Ragnar Hólm í síma 867 1000.

Þórarinn Blöndal sýnir í Kompunni, Alþýðuhúsinu á Siglufirði

Föstudaginn 3. apríl klukkan 15:00 opnar Þórarinn Blöndal myndlistarmaður sýninguna Ferðbúinn í Kompunni, Alþýðuhúsinu á Siglufirði. Sýningin verður opin laugardag og mánudag um páskahelgina kl. 14.00 – 17.00 en stendur til 10. maí.

Fyrir réttu ári sýndi Þórarinn í 002 gallerí í Hafnarfirði og má segja að sú sýning hafi verið einskonar vegvísir að þeim leiðangri sem er nú hafinn. Í fyrsta áfanga er haldið að Alþýðuhúsinu  á Siglufirði og þar verður tilgangur ferðarinnar endurmetinn.
 
Ferðin er undirbúin í þaula og eru þó furðu lítil drög að leiðum. Kveikjan er gamalkunn árátta og þrá eftir hinu óvænta.  Er farangur er um margt kunnuglegur, mikill að umfangi og margþvældur.
Áningarstaðir eru ekki allir kunnir en munu varða leiðina.  Hver staður fæðir af sér nýja ferð og gamlar maníur ágerast, gaumgæfi  eftir frummyndum, leita eftir slóðum og myndvísum sem breyta för minni.
Staðir setjast að í skúmaskoti Pallalangurs og bíða færis.
 
Þórarinn Blöndal er fæddur á Akureyri 1966. Hann stundaði myndlistarnám á Akureyri, í Reykjavík og Rotterdam, Hollandi. Hann hefur tekið þátt í fjölmörgum sýningum bæði heima og erlendis.
 
Hann var meðal stofnenda Verksmiðjunnar á Hjalteyri en þar er rekin listamiðstöð í gömlu síldarverksmiðjunni. Þar eru skipulagðar myndlistarsýningar og ásamt fjölbreyttri dagskrá viðburða.
Nánari upplýsingar um Þórarinn  og verk hans er að finna á heimasíðunni thorarinnblondal.com

Hiroko Shitate opnar sýningu í Mjólkurbúðinni

Japanska listakonan Hiroko Shitate opnar myndlistasýninguna "Shadowing - work in progress" í Mjólkurbúðinni í Listagilinu á Akureyri á laugardaginn 28.mars kl. 14.
Sýningin stendur 28.-29.mars - opið 14-17 og allir velkomnir.

Hiroko Shitate er myndlistakona frá Kyoto í Japan. Hiroko er lærð í hefðbundinni japanskri málun þar sem farið er eftir hinum ströngustu reglum þessarar ævafornu listsköpunar. Hiroko kynnist síðar japanskri avant-garde hreyfingu Gutaï (1954-1972) sem enn er mikil áhrifavaldur list í Japan. Hiroko hrífst af því frelsi að skapa óháð stöðlum hefðbundinnar japanskrar listar.

Á sýningunni notar listakonan garn og snýr það með japönskum pappír og fréttablöðum sem hún setur upp í rýminu og hugar að skugga þeirra. Hún segir snúningur garnsins gefa verkunum dularfulla hreyfingu eins og  verum sem elta hver aðra um rýmið í skuggaspili sköpunar.

Hiroko Shitate hefur áður dvalist á Íslandi. Fyrir tveimur árum dvaldist hún á Listamiðstöðinni Nesi á Skagaströnd og heillaðist þá af landi og þjóð. Nú í mars hefur hún dvalið í Gestavinnustofu Gilfélagsins í listagilinu á Akureyri og varð sýningin Shadowing - Work in Progress til í þeirri dvöl.

Hioko hefur sýnt víða í Japan. Hún hefur einnig sýnt í Suður Kóreu, í Þýskalandi, Svíþjóð og á Íslandi.

Sýning Hiroko Shitate í Mjólkurbúðinni stendur aðeins þessa helgi 28.-29.mars og er opið 14-17 báða daga.

http://hiroko-shitate.sakura.ne.jp/hp/

Mjólkurbúðin Listagili s.8957173

https://www.facebook.com/groups/289504904444621/

Föstudagurinn langi í Alþýðuhúsinu á Siglufirði

Föstudaginn langa kl. 15.00 - 18.00 verður árleg gjörningadagskrá í Alþýðuhúsinu á Siglufirði. Að þessu sinni er áhersla lögð á fatahönnun og eru það ungir norðlenskir fatahönnuðir sem sýna verkin sín. Fjöldi annarra listamanna taka þátt með gjörningum, myndlistasýningu í Kompunni, ljóðum og tónlist.

Úr verður samsuða listgreina sem áhugavert verður að fylgjast með. Einnig mun fjöldi manns koma að viðburðinum með einum eða öðrum hætti.

Enginn aðgangseyrir og allir velkomnir meðan húsrúm leyfir.

LISTAMENN

Arna Guðný Valsdóttir
Arnar Ómarsson
Arnljótur Sigurðsson
Björg Marta Gunnarsdóttir
Hekla Björt Helgadóttir
Helga Mjöll Oddsdóttir
Kolbrún Erna Valgeirsdóttir
Rakel Sölvadóttir
Þorbjörg Halldórsdóttir
Þórarinn Blöndal

AÐSTOÐARFÓLK

Aðalheiður Sigríður Eysteinsdóttir
Anna Gréta Oddsdóttir
Anne Balanant
Auður Helena Hinriksdóttir
Áki Sebastian Frostason
Brák Jónsdóttir
Freyja Reynisdóttir
Guðrún Hulda Ólafsdóttir
Hrafnhildur Jóna Hjartardóttir
Hrafnhildur Ýr Denke Vilbertsdóttir
Jóna Guðný Jónsdóttir
Margrét Guðbrandsdóttir
Marteinn Örn Aðalsteinsson
Nefeli Pavlidou
Salka Heimisdóttir
Sandra Finnsdóttir
Steinunn Marteinsdóttir
Úlfur Logason
Þórey Ómarsdóttir

https://www.facebook.com/events/1423646691264948/

Jón Páll Eyjólfsson, leikhússtjóri með Þriðjudagsfyrirlestur í Listasafninu á Akureyri

Þriðjudaginn 24. mars kl. 17 mun Jón Páll Eyjólfsson, leikhússtjóri Leikfélags Akureyrar, halda fyrirlestur í Listasafninu á Akureyri, Ketilhúsi undir yfirskriftinni Leikhúsvélar, tæki og lögmál Donald Rumsfelds um stig þekkingar.

Þar mun Jón Páll fjalla um almenna kenningu sína um samyrkju í sviðslistum; Leikhúsvélina. Kenning þessi hefur bæði vakið alþjóðlega athygli og verið kennd í Listaháskóla Íslands, en hún er afurð níu ára tilraunavinnu sem miðar að samvinnu í sviðslistum og ber heitið Mindgroup. Vefir:  jonpalle.com og mindgroup.me.

Jón Páll útskrifaðist úr East 15 Acting School í London árið 2000 og hefur síðan starfað sem leikari og leikstjóri, bæði hér heima og erlendis.

Enginn aðgangseyrir er á fyrirlesturinn sem er sá tíundi og næstsíðasti í röð fyrirlestra sem haldnir eru í Ketilhúsinu á hverjum þriðjudegi kl. 17 undir yfirskriftinni Þriðjudagsfyrirlestrar.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Hildur Friðriksdóttir heldur síðasta fyrirlestur vetrarins þriðjudaginn 31. mars undir yfirskriftinni Hin fullkomna kvenímynd.

https://www.facebook.com/events/414270212068620

http://www.listak.is

 

LUNGA skólinn með lokasýningu í KAKTUS

Listasýning LungA Skólans í KAKTUS, Akureyri.

LungA Skólinn á Seyðisfirði er á farandsfæti og heimsækir nágranna sína hérna á norðurlandinu, Akureyri, í tilefni af lokasýningu vor-annar skólans. Nemenda hópurinn hefur undanfarnar 11 vikur verið á ferðalagi um hina ótal mörgu kima sköpunarinnar, listarinnar og sjálfsins. Sýningin samanstendur af verkum sem meðal annars endurspegla þetta ferðalag hvers og eins á persónulegan hátt. Búast má við fjölbreyttri sýningu!

Sýningin verður í lista-og menningarrýminu KAKTUS sem er staðett í miðju Listagilinu þar sem Populus Tremula starfaði áður. KAKTUS býður upprennandi lista-og hugsjónarfólki að nýta rýmið á margskonar máta og hafa strjórnendur KAKTUS boðist til að hýsa útskriftarsýningu LungA skólans.

Sýningin hefst klukkan 20:00 föstudagskvöldið 27. mars 2015, í KAKTUS á Akureyri og verður einnig opin laugardaginn 28. mars frá 14:00 - 16:00.

Vonumst til að sjá sem flesta!

KAKTUS & LungA Skólinn

Heimasíða KAKTUS: www.kaktusdidsomeart.com
Heimasíða LungA Skólans: http://lunga.is/school

event á facebook: https://www.facebook.com/events/581233998679230/

 

>>>>>>> PEOPLE OF THE WORLD <<<<<<<

You are invited to the great Final Exhibition of the LungA School Spring 2015 Program &#39;Here comes the sun&#39;!

Friday, March 27 at 8:00pm

In collaboration with the newly opened KAKTUS gallery in Akureyri we welcome you to an evening full of art, inspiration, excitement and delicious snacks! 

We will keep you updated here in Facebook with more details, pictures from the process and other interesting facts – so stay tuned!

LOTS OF LOVE FROM THE LUNGA SCHOOL

https://www.facebook.com/events/581233998679230

https://www.facebook.com/kaktusdidsomeart

María Rut Dýrfjörð með Þriðjudagsfyrirlesturinn: Ferilskrá hönnuðar í Listasafninu á Akureyri, Ketilhúsi

Þriðjudaginn 17. mars kl. 17 mun grafíski hönnuðurinn María Rut Dýrfjörð halda fyrirlestur í Listasafninu á Akureyri, Ketilhúsi undir yfirskriftinni Ferilskrá hönnuðar. Í fyrirlestrinum mun hún fjalla um þá ákvörðun að gerast grafískur hönnuður og það nám sem hún á að baki. Einnig mun María Rut stikla á stóru um þau verkefni sem hún hefur unnið og fjalla sérstaklega um útskriftaverkefnið frá Myndlistaskólanum á Akureyri. Að auki mun hún segja frá reynslu sinni úr atvinnulífinu og rekstri eigin vinnustofu.

María Rut Dýrfjörð útskrifaðist sem grafískur hönnuður frá Myndlistaskólanum á Akureyri vorið 2013. Auk þess er hún með diplómapróf í alþjóðlegri markaðsfræði með áherslu á hönnun frá TEKO í Danmörku, stúdentspróf af félagsfræðibraut Menntaskólans á Akureyri og af listhönnunarbraut Fjölbrautarskólans í Garðabæ. María rekur vinnustofu í Flóru á Akureyri þar sem hún starfar sem grafískur hönnuður ásamt því að sinna ýmsum persónulegum verkefnum en er sem stendur í fæðingarorlofi.

Þetta er níundi Þriðjudagsfyrirlestur ársins og sem fyrr fara þeir fram í Listasafninu á Akureyri, Ketilhúsi á hverjum þriðjudegi kl. 17. Aðgangur er ókeypis.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Tveir síðustu fyrirlesarar vetrarins eru Jón Páll Eyjólfsson og Hildur Friðriksdóttir.

https://www.facebook.com/events/414270212068620

http://www.listak.is

Silkisalur, pappírsborð í Salt Vatn Skæri

Laugardaginn 14. mars fer fjórða opnun samstarfsins Salt Vatn Skæri, í loftið. 
Að þessu sinni kynna Freyja og Hekla rými og leiksvið gjörningsins: Silkisalur, pappírsborð, fyrir gestum og gangandi. 
Gjörningurinn hefst formlega mánudaginn 16. mars og lýkur föstudaginn þann 20.  
Alla dagana gefst áhugasömum kostur á að heimsækja Silkisal, pappírsborð og fylgjast með þróun og sköpun gjörningsins og persóna hans: Sivonigaba og Tokkólu Mírus en þær eru söguhetjur nóvellunnar Salt Vatn Skæri. 

Laugardagurinn 14. mars er einnig Gildagur með tilheyrandi pompi víðsvegar í Kaupvangsstrætinu. Auk opnunar Silkisalur, pappírsborð, opnar Aðalheiður S. Eysteinsdóttir innsetningu sína: Blái flygillinn, í verkefnarými Salt Vatn Skæri. 
https://www.facebook.com/events/1574414956130730/

Við bjóðum því með stolti, hvern þann sem koma vill og upplifa listheima þriggja kvenna í Listagilinu á Akureyri frá klukkan 16:00 til 18:00.

Kaupvangstæti 23, 600 Akureyri

https://www.facebook.com/events/288988741225461

ÁLFkonur sýna á LangaGangi í Listagilinu

Félagar úr hópnum ÁLFkonur verða með myndasýninguna - Það er komin vetrartíð -  vetrarmyndir sem verða varpaðar á vegg, á LangaGangi í Listagilinu, á Gildegi laugardaginn 14. mars milli kl. 14 og 17.
Sýningin er einnig opin sunnudaginn 15. mars kl. 14-17.

ÁLFkonur er félagsskapur kvenna á Akureyri og í Eyjafirði
sem eiga ljósmyndun að áhugamáli og hafa starfað saman frá sumrinu 2010.
Þetta er fjórtánda samsýning hópsins og sýna myndirnar fjölbreytt tilbrigði við veturinn.

Sýningin stendur aðeins helgina 14.-15. mars milli kl. 14 og 17. Allir velkomnir.
LangiGangur er í Kaupvangsstræti 12, 2. hæð til vinstri, í Listagilinu Akureyri.

Nánari upplýsingar veita : Linda Ólafsdóttir sími 867-8000 og Hrefna Harðardóttir sími 862-5640

ÁLFkonur á facebook : www.facebook.com/alfkonur

https://www.facebook.com/events/1620226861539043

Freyja Reynisdóttir opnar sýningu í Flóru

Freyja Reynisdóttir        
EF ÉG VÆRI FUGL SEM HEITIR SÚRMJÓLK
14. mars - 4. apríl 2015
Opnun laugardaginn 14. mars kl. 14
Flóra, Hafnarstræti 90, 600 Akureyri, s. 6610168

http://floraflora.is
https://www.facebook.com/flora.akureyri
https://www.facebook.com/events/451207511704001

Laugardaginn 14. mars kl. 14 opnar Freyja Reynisdóttir sýninguna “EF ÉG VÆRI FUGL SEM HEITIR SÚRMJÓLK” í Flóru á Akureyri.

Til sýnis verða sex akrílmálverk unnin út frá spurningunni, hvernig lít ég út ef ég væri fugl sem heitir Súrmjólk. Hvert málverk er svar við þeirri spurningu, en hana spurði Freyja sig sex sinnum. Freyja hefur ákveðið að svara þeirri spurningu aldrei aftur.

Freyja Reynisdóttir, f.1989 í Reykjavík, býr og starfar á Akureyri. Undanfarið ár hefur Freyja starfað sem myndlistarmaður hér á Íslandi, í Þýskalandi, Danmörku og í Bandaríkjunum ásamt því að hafa stofnað og rekið sýningarrými, séð um sýningar- og verkefnastjórnun og unnið að fjölbreyttum samstarfsverkefnum og einkasýningum. Freyja vinnur innsetningar, málverk, skúlptúra, hljóðverk og gjörninga en einnig skrifar hún texta. Nú síðast hefur hún unnið mikið í samstarfi við aðra listamenn í listsköpun og þróun hugmynda í rannsókn sinni á samfélaginu.
Verk hennar lýsa oft óvenjulegum fantasíum og súrrealískum aðstæðum sem fjalla um tilfinningalegu hliðar okkar sameiginlega veruleika sem við deilum í gegn um reynslu, minningar og samskipti. Hún hefur óbilandi áhuga á hugmyndum mannkyns um himingeiminn og stöðu okkar innan hans þar sem við sameinumst og tvístrumst í tilraunum til að svara spurningum sem hvergi eiga rétt svör.
Nánari upplýsingar um verk Freyju: http://www.freyjareynisdottir.com

Sýningin er öllum opin á opnunartíma Flóru fimmtudaga kl. 11-18, föstudaga kl. 11-16 og laugardaga kl. 11-14. Sýningin stendur til laugardagsins 4. apríl 2015.
Nánari upplýsingar veitir Kristín Þóra Kjartansdóttir í [e-mail] og síma 661 0168 og Freyja Reynisdóttir í [e-mail] og í síma  663 7710.


Flóra er verslun og viðburðastaður með vinnustofum sem Kristín Þóra Kjartansdóttur félagsfræðingur rekur. Áherslan er á nýtingu, endurnýtingu, náttúrutengsl og verkmenningu. Menningardagskrá Flóru hlaut styrk úr Menningarsjóði Akureyrar.

Aðalheiður S. Eysteinsdóttir sýnir í SALT VATN SKÆRI

Næstkomandi Laugardag 14. mars kl. 16.00 opnar Aðalheiður S. Eysteinsdóttir innsetningu í verkefnarýminu SALT VATN SKÆRI Kaupvangsstræti Akureyri.

Verkið sem sýnt er ber yfirskriftina Blái flygillinn og var gert fyrir sýninguna Píanó á Listasafni Íslands sumarið 2014.

Nú gefst Norðlendingum og gestum færi á að skoða verkið.


Blái flygillinn.
Heimsmyndin kom til sjávarþorps eins og Siglufjarðar með sögum, myndum og varningi sem sjómenn færðu heim og bú oftast fyrir jól.
Árið 1969 var faðir minn sjómaður á síðutogaranum Hafliða, Vanalegt var að sigla með aflann á markaði erlendis, og var stefnan tekin á Bremenhafen í Þýskalandi.
Við heimkomu fögnuðu fjölskyldur ekki aðeins heimilisföður heldur líka ilmandi rauðum eplum, dósaskinku, kalkún í jólamatinn, Ficher skíðum með stálköntum og vatteruðum skíðagöllum, 8 mm. kvikmyndum og í þetta tiltekna skipti, litlum bláum tréflygli.
Ég var 6 ára og hafði aldrei séð eins ævintýralegan hlut. Flygillinn var um 35 cm. á breidd og hafði eina og hálfa áttund sem hljómaði eins og í alvöru hljóðfæri. Þegar nánar var skoðað, kom í ljós gullin harpa og fóðraðir klossar tengdir lyklaborðinu. Undir flyglinum voru fingursverir og álíka langir viðkvæmir fætur sem lyftu hljóðfærinu aðeins frá jörðu.
Ég ákvað að verða píanóleikari.
Árin liðu og þrátt fyrir píanókennslu um fjögurra ára skeið hef ég ekki enn náð því markmiði að nota mér hljóðfærið á annan veg en til að njóta færni annarra. En tónlist hefur gefið mér hugarró og verið gjöful uppspretta hugmynda.
Fyrir tæpum þremur árum var ég svo heppin að eignast yndislegan lítinn viðarlitaðan flygil, sem stendur nú á vinnustofunni minni og bíður þess að fimmtug konan láti drauma sína rætast.

https://www.facebook.com/events/1574414956130730

Jan Voss - Með bakið að framtíðinni í Listasafninu á Akureyri

Laugardaginn 14. mars kl. 15 verður opnuð í Listasafninu á Akureyri sýning á verkum þýska myndlistarmannsins Jan Voss, Með bakið að framtíðinni.

Spurningin „hvað er mynd?“ er undirliggjandi þáttur í viðfangsefnum Jan Voss. Þó að óhefðbundnar vinnuaðferðir hans hafi stöku sinnum kallað fram svipleiftur þess sem gætu hafa verið svör þá hefur leit hans – sem spannar ólíka miðla – ekki bent á neitt umfram það sem væri speglun af einhverju öðru.

Jan Voss er fæddur 1945 í Þýskalandi og búsettur í Amsterdam. Sem ungur listamaður vann hann við að teikna teiknimyndasögur sem hann prentaði sjálfur og gaf út. Hann gekk síðar til liðs við félaga sína þær Henriëtte van Egten og Rúnu Thorkelsdóttur og síðastliðin 30 ár hafa þau í sameiningu rekið hina einstöku jaðar bókaverslun Boekie Woekie en þar eru seldar bækur eftir listamenn.

Í tilefni sýningarinnar kemur út á vegum Listasafnsins á Akureyri og Boekie Woekie í Amsterdam vönduð bók eftir Jan Voss, With the Back to the Future sem gefin verður út á ensku.

Ávörp á opnuninni flytja Hlynur Hallsson safnstjóri og Thomas H. Meister sendiherra Þýskalands á Íslandi auk þess sem Norðanpiltar koma fram af þessu tilefni.

Listamannaspjall með Jan Voss verður í Listasafninu fimmtudaginn 19. mars kl. 17 - 17.45. Leiðsögn um sýningarnar í Listasafninu / Ketilhúsinu er alla fimmtudaga kl. 12.15.

Sýningin Með bakið að framtíðinni stendur til 10. maí og er opin þriðjudaga til sunnudaga kl. 12-17.

https://www.facebook.com/events/1007516015943089

http://www.listak.is

Katrín Erna Gunnarsdóttir með Þriðjudagsfyrirlestur

Listasafnið á Akureyri, Ketilhús.

Þriðjudagsfyrirlestur

Katrín Erna Gunnarsdóttir: Áður fyrr seinna meir.

Þriðjudaginn 10. mars kl. 17 mun myndlistarkonan Katrín Erna Gunnarsdóttir halda fyrirlestur í Listasafninu á Akureyri, Ketilhúsi undir yfirskriftinni Áður fyrr seinna meir/Before In The After. Í fyrirlestrinum fjallar Katrín um lokaverkefni sitt frá LHÍ 2012 sem hún tengir við persónulega þróun sína í listsköpum og ræðir hvernig „ein lítil hugmynd getur haft gríðarleg áhrif á mann í langan tíma og jafnvel gefið tóninn fyrir feril manns sem heild“.

Auk Listaháskóla Íslands nam Katrín við Myndlistaskólann í Reykjavík og Chelsea School of Art and Design, í Bretlandi. Hún er einnig útskrifuð úr BA námi í listfræði og almennri trúarbragðafræði frá Háskóla Íslands.

Þetta er áttundi Þriðjudagsfyrirlestur ársins og sem fyrr fara þeir fram í Listasafninu á Akureyri, Ketilhúsi á hverjum þriðjudegi kl. 17. Aðgangur er ókeypis.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Aðrir fyrirlesarar vetrarins eru María Rut Dýrfjörð, Jón Páll Eyjólfsson og Hildur Friðriksdóttir.

https://www.facebook.com/events/414270212068620

http://www.listak.is

Tónlistarveisla í Listasafninu á Akureyri

Í tilefni af síðustu dögum yfirlitssýningar Elísabetar Geirmundsdóttur, Listakonan í Fjörunni, verður boðið til tónlistarveislu í austursal Listasafnsins á Akureyri kl. 14 laugardaginn 7. mars. Nemendur Tónlistarskólans á Akureyri og Kór Akureyrarkirkju munu flytja dagskrá með lögum og ljóðum Elísabetar. Aðgangur er ókeypis.

Dagskrá tónleikanna:

1. Hljóðlátt og dreymandi: Hekla Liv Maríasdóttir, söngur
2. Hlustar mín þrá: Hekla Liv Maríasdóttir, söngur
3. Hvað ljómar:Kristín Tómasdóttir, söngur
4. Sofið nú: Edda Borg Stefánsdóttir, söngur
5. Um miðja nótt: Elvar Jónsteinsson, söngur
6. Vornæturljóð: Halla Ólöf Jónsdóttir, söngur. Undirleikur: Helena G. Bjarnadóttir
7. Haust: Diljá Finnsdóttir, fiðla
8. Haustkvíði: Halla Ólöf Jónsdóttir, söngur. Undirleikur: Helena G. Bjarnadóttir
9. Í vorþeynum: Sölvi Halldórsson, saxafónn. Undirleikur: Una Haraldsdóttir
10. Áfangar: Ingunn Erla Sigurðardóttir, trompet
11. Nú svífur nóttin svarta: Guðrún Ösp Sævarsdóttir, söngur
12. Á Rauðsgili: Svava Guðný Helgadóttir, horn
13. Gullfoss: Sigrún Mary McCormick, víóla
14. Ástmær hermannsins: Arnfríður Kjartansdóttir, söngur
15. Ég vildi að ég væri: Arnfríður Kjartansdóttir, söngur
16. Hvarf séra Odds frá Miklabæ – I. Hleypir skeiði hörðu: Steinunn Petra Guðmundsdóttir, saxafónn. Undirleikur: Una Haraldsdóttir
17. Hvarf séra Odds frá Miklabæ – II. En hálfur máni: Lilja Björg Geirsdóttir, þverflauta
18. Hafdjúp: Brynja Elín Birkisdóttir, söngur

Í lok dagskrárinnar flytur Kór Akureyrarkirkju, undir stjórn Eyþórs Inga Jónssonar, lagið Ave María og eru bæði lag og texti eftir Elísabetu Geirmundsdóttur. Útsetning er eftir Áskel Snorrason. Lagið var flutt af Kór Akureyrarkirkju við útför Elísabetar.

Sunnudaginn 8. mars lýkur sýningunni sem staðið hefur yfir í Listasafninu frá 10. janúar.

https://www.facebook.com/events/353200161539906

http://www.listak.is/

"Mæðgur mæðgin" sýning Eiríks Arnars Magnússonar opnar í Mjólkurbúðinni

Mæðgur mæðgin einkasýning Eiríks Arnars Magnússonar opnar í Mjólkurbúðinni í Listagilinu á Akureyri, laugardaginn 7.mars kl. 16.

Mæðgur mæðgin, 3 kynslóðir + ein er umfjöllunarefni Eiríks Arnars á sýningu sinni í Mjólkurbúðinni. Listamaðurinn sýnir olíumálverk og er myndefni þeirra mjög persónulegt þar sem Eiríkur Arnar sýnir portrett af ömmu sinni og móðir ásamt sjálfum sér. Myndefnið er tilkomið vegna sýningar þriggja kynslóða í Listagilinu, ömmunnar, móðurinnar  og sonarins. þess má geta að þessa sömu helgi opnar móðir Eiríks Arnars yfirlitssýningu í Ketilhúsi og yfirstandandi er yfirlitssýning ömmu hans í Listasafninu á Akureyri.


Eiríkur Arnar er barnabarn Elísabetar Geirmundsdóttur (1915) listakonunnar í fjörunni en Listasafnið á Akureyri opnaði sýningu hennar 10. Janúar síðastliðin. Þann 7.mars kl. 15 mun Listasafn Akureyrar, Ketilhús opna yfirlitssýningu á verkum Iðunnar Ágústsdóttur (1939) móður Eiríks Arnars en hann er sýningarstjóri þeirrar sýningar. Sjálfur opnar Eiríkur Arnar að því loknu kl. 16 í Mjólkurbúðinni sem er staðsett í sama húsi og Listasafn Akureyrar.

Eiríkur Arnar Magnússon (1975) er fæddur og uppalinn á Akureyri og útskrifaðist úr Listaháskóla Íslands árið 2007.
Sýningin er fimmta einkasýning Eiríks Arnars og stendur hún til 15. mars.


Eiríkur Arnar Magnússon s.6952227
Mjólkurbúðin Listagili er á facebook s.8957173
Mjólkurbúðin er opin laugardaga og sunnudaga kl. 14-17 og eru allir velkomnir.

Opið er fyrir umsóknir í Sal Myndlistarfélagsins

Opið er fyrir umsóknir fyrir árið 2015 í Sal Myndlistarfélagsins. Salurinn býðst
öllum áhugasömum listamönnum til leigu til sýningahalds. Um er að ræða 150
m2 sal sem er bjartur, rúmgóður og hentar til margskonar sýninga.
Í umsókn þarf að koma fram ferilskrá umsækjanda, myndir af verkum hans,
vefsíða eða facebook síða ef viðkomandi hefur slíkt. Einnig er æskilegt að tekið sé
fram hvernig fyrirhuguð sýning á að vera t.d. málverkasýning, innsetning, textíl,
skúlptúrar o.s.frv.
Verð fyrir hverja viku er 10.000.- kr. fyrir félagsmenn 7000.- kr
Eftirtaldar dagsetningar eru í boði fyrir áhugasama.

1. apríl – 21 apríl
22. apríl – 12. maí
20. maí – 9. júní
17. júní – 7. júlí
8. júlí – 28 júlí
12. ágúst – 25. ágúst
16. sept. – 6. okt.
7. okt. – 20. okt.
11. nóv. – 2. des.

Opið er fyrir umsóknir til 23. mars 2015

Umsóknir sendist á [e-mail]
Fyrir áhugasama er hægt að skoða salinn hér, Salur Myndlistarfélagsins á Facebook https://www.facebook.com/salur.myndlistarfelagsins

Bestu kveðjur

Sýningastjórn

Ásta Bára Pétursdóttir
Ragney Guðbjartsdóttir

Myndlistarfélagið – Kaupvangsstræti 10, 2.hæð – Listagilið – 600 Akureyri

Martyn Last opnar sýningu í Kompunni, Alþýðuhúsinu á Siglufirði

Kompan Alþýðuhúsinu á Siglufirði 5. mars 2015-03-04


Fimmtudaginn 5. mars kl. 17.00 opnar Hollenski listamaðurinn Martyn Last sýningu í Kompunni, Alþýðuhúsinu á Siglufirði.

Martyn er búsettur í Amsterdam en er viðstaddur sýningaropnunina og tekur á móti fólki.  

Hann sýnir safn lítilla bronsskúlptúra sem bera yfirskriftina  “ ÚTFLÖTT VERÖLD “

Hefðbundið er að setja bronsverk á steinstöpla, en í þessum verkum hefur Martyn tekið  afsteypur af hlutum úr daglega lífinu ( sem síðar voru steyptir í brons ) og flatt þá út undir náttúrulegum steinum.
Hér er á ferð samruni nútíma listmiðla sem hefur orðið fyrir áhrifum af harðneskjulegum krafti steinaldar og notast við tækni bronsaldar.

Annar hluti sýningarinnar er innsetning sem hann kallar “ EINNAR STROKU MÁLVERK “

Þar leikur Martyn sér af að búa til málarapensla úr mörgum litlum penslum og málar þannig með einni stroku málverk.  Verkið veitir áhorfandanum frekar innsýn í skúlptúr heldur en óhlutbundið málverk.

Einnig sýnir Martyn safn bókverka.

Heitt á könnunni og allri velkomnir.

Nánari upplýsingar hjá Aðalheiði í síma 8565091

Menningarráð Eyþings, Fjallabyggð og Fiskbúð Siglufjarðar styðja við menningarstarfið í Alþýðuhúsinu.

Yfirlitssýning á verkum Iðunnar Ágústsdóttur í Listasafninu á Akureyri, Ketilhúsi

Laugardaginn 7. mars kl. 15 verður opnuð í Listasafninu á Akureyri, Ketilhúsi yfirlitssýning á verkum Iðunnar Ágústsdóttur. Tilefni sýningarinnar er 75 ára afmæli listakonunnar sem er fædd og uppalin á Akureyri.

Iðunn hóf myndlistarferil sinn 1977 en fyrsta einkasýning hennar var haldin 1979 í Gallerí Háhól. Hún var einn meðlima Myndhópsins sem stofnaður var 1979 og var meðal annars formaður hans og gjaldkeri um tíma. Iðunn vann aðallega með olíuliti og pastelkrít í verkum sínum. Hennar helstu viðfangsefni á ferlinum eru landslagið, náttúran, fólk og hið dulræna. Iðunn hefur haldið fjölmargar einkasýningar og tekið þátt í fjölda samsýninga bæði hérlendis og erlendis. Flest verka hennar eru í einkaeigu en einnig í eigu ýmissa fyrirtækja og stofnana hér heima og erlendis. Yfirlitssýningin er sú fyrsta sem haldin er á verkum Iðunnar en á sýningunni verður lögð áhersla á olíu- og krítarverk.

Sýningarstjóri er sonur Iðunnar, Eiríkur Arnar Magnússon myndlistarmaður, en hann opnar sama dag kl. 16 sýningu á eigin verkum í Mjólkurbúðinni í Listagilinu. Sunnudaginn 8. mars lýkur svo yfirlitssýningu á verkum móður Iðunnar, Elísabetar Geirmundsdóttur, Listakonan í Fjörunni, en sú sýning hefur staðið yfir í Listasafninu frá 10. janúar. Um helgina má því sjá á sýningum í Listagilinu verk þriggja ættliða. Í tilefni af síðustu sýningarhelginni verður boðið til söngveislu í austursal Listasafnsins kl. 14 laugardaginn 7. mars. Nemendur Tónlistarskólans á Akureyri og Kór Akureyrarkirkju munu flytja söngdagskrá með lögum og ljóðum Elísabetar. Aðgangur er ókeypis.

Samtímis opnun Iðunnar í Listasafninu, Ketilhúsi fer fram lokunarteiti sýningar Arnars Ómarssonar, MSSS, í vestursalnum.

Yfirlitssýning Iðunnar Ágústsdóttur stendur til 19. apríl og er opin þriðjudaga til sunnudaga kl. 12-17. Aðgangur er ókeypis.

https://www.facebook.com/events/407449222761207

http://www.listak.is

Listnámsbraut VMA í Listasalnum Braga

Nemendur á listnámsbraut VMA hafa unnið hörðum höndum síðustu daga að skemmtilegum innsetningum, málverkum, gjörningum og fleira. Hér hefur áherslan verið lögð á hugmyndavinnu, skissur, ókláruð verk og lifandi vinnustofu. Ferlið í fyrsta sæti!

Endilega kíkið við fimmtudaginn 5. mars 2015 frá kl 16:00 - 18:00 og sjáið framtíðar listafólk norðursins að störfum.

https://www.facebook.com/events/1067642716595836

Listasalurinn Bragi, Rósenborg, 3. hæð, Skólastígur 2, 600 Akureyri

KAKTUS opnar í Listagilinu á Akureyri

Í tilefni fyrstu opnunnar KAKTUS, laugardaginn 7. mars,
bjóðum við alla hjartanlega velkomna á listasýningu stofnenda rýmisins
kl. 15:00 - 17:00.

//////////////////////////////////////////////////////////////////////////////////////////////
Síðar um kvöldið verða TÓNLEIKAR
Húsið opnar kl. 20:00.
FRAM KOMA:
> PITENZ (http://pitenz.bandcamp.com/)
> KÆLAN MIKLA (https://soundcloud.com/kaelan-mikla)

/////////////////////////////////////////////////////////////////////////////////////////////

www.kaktusdidsomeart.com
www.facebook.com/kaktusdidsomeart
event: https://www.facebook.com/events/949610095051387

Kaktus er lista og menningarrými sem stendur fyrir fjölbreyttri lista-, menningar- og fræðslustarfssemi. Kaktus er staðsettur í miðju listagilinu þar sem Populus Tremula starfaði áður. Stjórnendur Kaktus eru sex talsins (Anne Balanant, Áki Sebastian Frostason, Brák Jónsdóttir, Freyja Reynisdóttir, Hekla Björt Helgadóttir og Jónína Björg Helgadóttir) og saman vinna þau að því að göfga akureyskt menningarlíf. Kaktus býður upprennandi lista- og hugsjónafólki að nýta rýmið á margskonar máta og á dagskrá eru listasýningar, tónlistarviðburðir, ljóðakvöld, bíódagsskrá, örnámskeið, hefðbundnir fyrirlestrar og frumlegri viðburðir, svo fáeitt sé nefnt.

Til viðbótar við opinberu dagsskána nota stjórnendur Kaktus rýmið fyrir eigin listavinnustofur og starfa þar við eigin listiðju flesta daga vikunnar en athugið að opnunartímar eru háðir viðveru stjórnenda.

//kaktus is a exhibition / performance venue and artist workspace in listagilid, the art street, in akureyri, iceland. kaktus arranges shows, events and educational events related to arts and culture.