Þórgnýr Inguson sýnir í Gallerí Ískáp

Þórgnýr Inguson, kvimyndagerðar og tónlistarmaður segir þetta um verk sitt DIO 777: ''verkið þarf engar frekari útskýringar''.

Opnun laugardaginn 1. mars 2014 kl. 14.

Gallerí Ískápur, Kaupvangsstræti 12, 600 Akureyri (gengið inn úr portin bak við Listasafnið)

https://www.facebook.com/events/523934637724456

https://www.facebook.com/galleryfridge

"Fyrir og eftir ullarsokk" í Geimdósinni

Jæja... jæja... er ekki kominn tími á okkur?
-Jú... svo segja þeir...
-Og hvurnig skal þá matreiða úr þessu?
-Það veit fjandinn... þó ekki með reglustriku?
- Varla... og þó... hún er brúkleg...
-Við vorum eitthvað að ræða þúsundfjallasósu... eða hvað hún nú heitir...?
-Þúsund eyjur?
-Ég sá einu sinni þúsund hesta
-Heyrðu... við möllum þetta kannski með arómati? Ég á bauk...
-já þarna komstu með eitthvað vitiborið
-Ég dassa eilitlu arómati og svo höfum vér ullarsokk, mín kæra vina...
-Já... fyrir og eftir... og hafðu hann í framsætinu! alveg hreint í framsætinu...með beltin spennt.


Þetta er aðeins brot... brot af því besta...
og það er einmitt það sem Geimdósin hefur í boðinu...
Á laugardaginn verður myndlistaropnun í Dósinni hjá hinum góðkunna fjöllistamanni og plötuþeyti Arnari Ara Lúðvíkssyni. Ber hún nafnið: Fyrir og eftir ullarsokk...
Á sýningunni sem er ærin blanda, vinnur Arnar með sjálfan sig í þremur þáttum:
Sig í fortíðinni...
Sig í núinu...
Sig í framtíðinni...

Sig sem ullarsokk... og veröldina alla sem ullarsokk....

endilega komið við í portinu og lítið á
uppskeru ullarsokks í dós...
við minnum einnig á opnar vinnustofur og sýningar í ísskáp og forstofu...
yndislegt

Geimdósin er í Kaupvangsstræti 12 á Akureyri, gengið inn í portinu bak við Listasafnið

https://www.facebook.com/events/593778957357715/

Geimdósin á facebook

"Nú er það svart" í vinnustofum í Listagilinu

Á laugardaginn verða opnar vinnustofur í Portinu!
Í anddyrinu verður samsýningin "Nú er það svart" en einnig verða opnanir í Gallerí ískáp og Geimdósinni...
Allir eru hjartanlega velkomnir að koma og njóta lista og menningar, sem að sjálfsögðu verður í boði grasrótarinnar í Gilinu...

Kaupvangsstræti 12. Listasafnshúsið/gengið inn úr portinu fyrir ofan, baka til

https://www.facebook.com/events/787638804597688

Aðalheiður S. Eysteinsdóttir opnar sýningu í Árósum

Aðalheiður S. Eysteinsdóttir opnar sýninguna "Án Umhugsunar" á Institut for (X) í Árósum, Danmörku. Hún hefur dvalið þar síðastliðnar tvær vikur og unnið að mörgum minni verkum sem fjalla um sjálfsmyndina og hvernig óstjórnleg þörf til að skapa endurspeglar sjálfið. Verkin eru unnin úr fundnu efni m.a. plast, pappír, tré, járn, spottar og margt fleira. Aðalheiður talar um að í þessum verkum hugsi hún með höndunum. Sköpunargleðin tekur völdin og útkoman er óskilgreindur afrakstur hrárrar sköpunar. Hún hverfur aftur til óttalausra hugmynda barnsins á sama tíma og yfirvegaða og reynsluríka listakonan skín í gegnum verkin.



Fyrir frekari upplýsingar um sýninguna eða Institut for (X) hafið samband við [e-mail] eða í síma [phone]

Sigurður Pétur Högnason opnar sýningu í Mjólkurbúðinni

Sigurður Pétur Högnason listmálari opnar málverkasýningu í Mjólkurbúðinni í Listagilinu, laugardaginn 1. mars kl. 15.

Sýningin kallast KÆR LEIKUR sem er tilvísun í leik að litum og formum í málverkunum. Einnig segir Sigurður Pétur að listin hafi byrjað sem kærkominn leikur hjá sér og síðan varð ekki aftur snúið. Sigurður Pétur hefur alla tíð haft mikinn áhuga á myndlist, tónlist, ljósmyndun og hverskonar sköpun. Það varð til þess að hann sótti nám í Myndlistarskóla Arnar Inga og við Myndlistarskólann á Akureyri á árunum 1997-1999. Hann vinnur við listmálun á vinnustofu sinni í Njálshúsi í Hrísey, en Þar er Sigurður Pétur með gallerí þar sem hann sýnir málverkin sín.
 
Sýning Sigurðar Péturs KÆR LEIKUR í Mjólkurbúðinni stendur til 9.mars.
Mjólkurbúðin er opin laugardaga og sunnudaga kl. 14-17 og eru allir velkomnir.

Sigurður Pétur s.8481377
Mjólkurbúðin er á facebook - vertu vinur :)
https://www.facebook.com/groups/289504904444621

Opnun sýningarinnar Manneskja í Deiglunni

Opnun sýningarinnar "Manneskja" í Deiglunni

Sýning fagurlistadeildar Myndlistarskólans á Akureyri

Opið laugardaginn 1. mars og sunnudaginn 2. mars kl. 14-17

Allir velkomnir

Flóðbylgja ofneyslunnar í Ketilhúsinu

Laugardaginn 1. mars næstkomandi kl. 15 opnar Jonna, Jónborg Sigurðardóttir, innsetninguna Flóðbylgja í Ketilhúsinu á Akureyri. Þar túlkar hún tilfinningar sínar til flóðbylgju ofneyslunnar sem brýst inn á heimilin og hrifsar allt til sín með dyggri aðstoð neytenda. Vitundarvakning er nú loksins að eiga sér stað þegar afleiðing ofgnóttar og sóunar blasir við; tískublætið, græjusýkin, peningabraskið, allur óþarfa lúxusinn og taumlausa hlutadýrkunin – allt bullið og vitleysan.
 
Jonna er fædd árið 1966 og útskrifaðist úr málunardeild Myndlistaskólans á Akureyri vorið 1995. Hún lærði fatahönnun í Mode og Design skolen í Kaupmannahöfn og útskrifaðist þaðan 2011. Jonna hefur tekið þátt í fjölda samsýninga og haldið nokkrar einkasýningar.
 
Sýningin stendur til 6. apríl og er opin alla daga nema mánudaga kl. 12-17. Aðgangur er ókeypis.

Námskeið á Ólafsfirði

Vilt þú búa til myndavél úr svona dós?

Komdu þá á námskeiðið

“Solar Parcel” An Exchange Program with Hong Kong Participants

25. og 26. feb. 2014

kl. 14:00-17:00 og kl. 17:00-20:00

Menntaskólinn á Tröllaskaga

kennarar eru listamen frá Fotologue Culture (Hong Kong)

Liu Wai Yee, Ceci og Ng Wai Cheong, Stanley

kennsla fer fram á ensku


Allir velkomnir

Upplýsingar: Alice Liu 8449538 eða [e-mail]

Hong Kong Independent Film Festival in North Iceland

Hong Kong Independent Film Festival in North Iceland

Laugardag 22. febrúar 2014

Program 3* | kl. 16:00 | Listhús Gallery

Program 2* | kl. 20:00 | Listhús Gallery

 

Laugardag 23. febrúar 2014

Program 5* | kl. 14:00 | Tjarnarborg


Program 2* | kl. 16:00 | Listhús Gallery


Program 1 | kl. 20:00 | Listhús Gallery

* leikstjórar verða viðstaddir

enskur texti • Allir velkomnir

Upplýsingar: Alice Liu 8449538 eða [e-mail]

www.listhus.com

Helga Sigríður Valdemarsdóttir sýnir ný verk í Flóru

Helga Sigríður Valdemarsdóttir
Þræðir
22. febrúar - 10. maí 2014
Opnun laugardaginn 22. febrúar kl. 14
Flóra, Hafnarstræti 90, 600 Akureyri, s. 6610168

http://floraflora.is
https://www.facebook.com/flora.akureyri
https://www.facebook.com/events/433303576800182

Laugardaginn 22. febrúar kl. 14, opnar Helga Sigríður Valdemarsdóttir sýningu með nýjum verkum í Flóru á Akureyri. Sýningin nefnist Þræðir.

Helga Sigríður er fædd á Akureyri árið 1975. Hún útskrifaðist úr VMA af myndlista- og handíðabraut og er með diploma í myndlist frá Myndlistaskólanum á Akureyri. Helga hefur tekið þátt í samsýningum Myndlistarfélagsins og haldið nokkrar einkasýningar og þetta er hennar sjöunda einkasýning.

Nánari upplýsingar veitir Helga Sigríður í síma 660 3212 og í [e-mail]

Sýningin er öllum opin á opnunartíma Flóru mánudaga til laugardaga kl. 12-16. Sýningin stendur til laugardagsins 10. maí 2014.

Nánari upplýsingar veitir Kristín í [e-mail] og 6610168 og Hlynur í síma 6594744.



Flóra er verslun og viðburðastaður með vinnustofum sem Kristín Þóra Kjartansdóttur félagsfræðingur rekur. Áherslan er á nýtingu, endurnýtingu, náttúrutengsl og verkmenningu. Listrænn ráðunautur staðarins er Hlynur Hallsson, myndlistarmaður. Menningardagskrá Flóru hlaut styrk úr Menningarsjóði Akureyrar.

Ólafur Sveinsson sýnir í Populus tremula

Laugardaginn 22. febrúar kl. 14.00 opnar Ólafur Sveinsson sýninguna Tímamót í Populus tremula. Heiti sýningarinnar vísar til þess að 30 ár eru nú liðin frá fyrstu sýningu listamannsins, sem jafnframt verður fimmtugur í næsta mánuði. Málverk, myndir og minningar.

Sýningin er einnig opin sunnudaginn 23. febrúar kl. 14.00-17.00. Aðeins þessi eina helgi.

Síðasta sýningarvika raunveruleikagjörnings Curvers Thoroddsen í Ketilhúsinu

Curver Thoroddsen
Verk að vinna/Paper Work
Síðasta sýningarvika
 
Komið er að síðustu sýningarviku raunveruleikagjörnings Curvers Thoroddsen, Verk að vinna/Paperwork, sem staðið hefur í Ketilhúsinu á Akureyri síðan um miðjan janúar. Þar hefur listamaðurinn lokað sig af frá umheiminum og farið allsnakinn í gegnum og grisjað tugi ára af uppsöfnuðum blöðum, pappír og bréfsefni. Þessi persónulega flokkun og endurskoðun helst í hendur við eldri verk Curvers.
 
Sýningin hefur verið afburða vel sótt og hlotið mikla og verðskuldaða athygli.
 
Gjörningnum lýkur sunnudaginn 16. febrúar og þá hefur listamaðurinn verið við iðju sína í 30 daga samfleytt. Árangurinn er sannarlega sýnilegur enda hafa safnast upp stórir haugar af pappírskurli.
 
Ketilhúsið er opið alla daga nema mánudaga kl. 12-17. Aðgangur er ókeypis.

Thora Karlsdóttir sýnir í Mjólkurbúðinni

 

Thora Karlsdóttir myndlistamaður opnar sýninguna ‘’Hver er lykillinn’’  í  Mjólkurbúðinni í Listagilinu á Akureyri, laugardaginn 15. febrúar kl. 15:00.

Sýningin er  innsetning sem er sköpuð inn í rými Mjólkurbúðarinnar og  fjallar um lífið sjálft og leitina að lífshamingjunni. Myndlistamaðurinn  notar  lykla  í ýmsum formum og leikur sér með  efni og ímyndir  margræð tákn, bæði á huglægan og hlutlægan hátt.

Thora Karlsdóttir útskrifaðist frá Europaische Kunst Akademi of fine arts 2013. ‘’Lifandi Vinnustofa’’  er í Listagilinu á Akureyri.  Það er bæði vinnustofa, sýningarými og heimili Thoru. Þetta er önnur einkasýning Thoru á Íslandi en áður hefur hún sýnt víða erlendis. Þóra tekur þátt í tveim sýningum erlendis á þessu ári. Hin fyrri er 9. mars í Trier, Þýskalandi. Hin seinni verður 15. september í Chateau de Bourglingster í Luxembourg.

Sýning Thoru Karlsdóttur ‘’Hver er lykillinn’’  stendur til 23. febrúar.
Thora Karlsdóttir  s.6914839
[e-mail] www.karlsdottir.com

Mjólkurbúðin Listagili er á facebook - Vertu vinur!
https://www.facebook.com/groups/289504904444621/

Ályktun stjórnar Myndlistarfélagsins: Stjórnvöld á Akureyri vilja höggva skarð í Listagilið á Akureyri.

Ályktun stjórnar Myndlistarfélagsins 7. febrúar 2014.


Stjórnvöld á Akureyri vilja höggva skarð í Listagilið á Akureyri.


Það er dapurlegt til þess að hugsa að stjórn Akureyrarstofu, sem fer með stjórn menningar-, ferða-, markaðs- og atvinnumála Akureyrarbæjar í umboði bæjarstjórnar, skuli hafa ákveðið að selja Deigluna og gestavinnustofuna. Gestavinnustofan er gluggi Akureyrar út í heim. Erlendir og innlendir listamenn koma til bæjarins og greiða leigu fyrir dvöl sína í Listagilinu. Af hverju á að loka fyrir þessi mikilvægu tengsl núna? Þrátt fyrir varnaðarorð stjórnar Myndlistarfélagsins kaus stjórn Akureyrarstofu að fela Fasteignum Akureyrar að selja húsnæðið í sparnaðarskyni.

Það var meiri reisn yfir forsvarsmönnum Akureyrarbæjar í byrjun tíunda áratugar síðustu aldar. Þá sameinuðust stjórnmálamenn, listafólk og áhugasamir listunnendur um að blása lífi í þau reisuleg og fögru hús í Grófargili, sem lokið höfðu hlutverki sínu þegar iðnaðarstarfsemi SÍS og KEA var færð í hentugra húsnæði í jaðri bæjarins. Þá hófst endurreisn Gilsins - Listagilið varð til; myndlistarskóli, listasafn, gestavinnustofa, fjölmörg gallerý og margvísleg rými mynduðu sterka heild. Öflug starfsemi sem auðgað hefur lista- og menningarlífið í bænum. Þessu megum við ekki glutra niður vegna skammsýni þeirra sem ráða ferðinni.

Akureyrarbær á fjórðungshlut í Kaupvangsstræti 23. Þann 24. mars 1992 var undirritaður samningur Akureyrabæjar og Gilfélagsins. Þá fékk félagið umráðarétt yfir eignarhlut bæjarins. Akureyrarbær og menntamálaráðuneytið veittu styrki til uppbyggingarinnar auk þess sem íslenskir listamenn sýndu hug sinn í verki með því að gefa listaverk sem seld voru til styrktar málefninu. Gilfélagar hófu uppbyggingu og endurgerð húsnæðisins. Hugmyndin var að nýta húsnæðið fyrir fjölþætta listastarfsemi og innrétta gestavinnustofu fyrir innlenda og erlenda listamenn til styttri dvalar. Frá upphafi var tilgreint í ársreikningi, framlag félagsmanna og sjálfboðavinna annars vegar og rekstrarstyrkur Akureyrarbæjar hins vegar.

Listamenn hafa lagt mikið að mörkum í gegnum tíðina. Starf þeirra í þágu samfélagsins í Listagilinu er því miður vanmetið og nú er svo komið að skilningsleysi yfirvalda hamlar eðlilegri þróun hér á Akureyri og þolinmæði margra á þrotum. Það er áhyggjuefni hversu óbilgjörn Akureyrarstofa er í afstöðu sinni varðandi Listagilið, sem er verðmætt vörumerki fyrir Akureyri. Það tjón sem eignasalan mun hafa í för með sér er óafturkræft.

Stjórn Myndlistafélagsins skorar á bæjaryfirvöld að falla frá fyrirhugaðri sölu og hvetur Íslendinga til að standa vörð um Listagilið.




Guðrún Harpa Örvarsdóttir, formaður


Myndlistarfélagið - Kaupvangsstræti 10 - Pósthólf 235 - 602 Akureyri - mynd.blog.is

Georg Óskar sýnir í Reykjavík Art Gallery

Laugardagaginn 8. febrúar kl. 16:00 opnar Georg Óskar sýninguna "7 mánuðir í ágúst"
í Reykjavík Art Gallery.

Georg Óskar er skreytihundur með áherslu á málverkið,
hvert verk er sjónræn dagbók af björtum dögum og andvaka nóttum.

Verður þetta sjöunda einkasýning Georg Óskars en sú fyrsta sem hann opnar í Reykjavík.

Léttar veitingar verða á opnun og eru allir hjartanlega velkomnir.

Reykjavík Art Gallery
Skúlagata 30
101 Reykjavík

https://www.facebook.com/events/1453928404830420/

LJÓSMYNDASÝNING Á BÓKASAFNI HÁSKÓLANS Á AKUREYRI, MARGRÉT ELFA JÓNSDÓTTIR "NÆRMYNDIR"

Fimmtudaginn 6. febrúar kl. 16:00 – 18:00 opnar Margrét Elfa Jónsdóttir fyrstu einkasýningu sína á Bókasafni Háskólans á Akureyri.

Margrét Elfa Jónsdóttir er fædd  á Akureyri árið 1961.
Hún hef alltaf haft gaman að því að taka myndir, en byrjaði fyrir alvöru árið 2011 eftir að hafa eignaðist fyrstu EOS myndavélina.  
Hún er meðlimur í ÁLFkonum og hefur það reynst mikil hvatning en hópurinn hittist vikulega og fara t.d. ljósmyndaferðir saman.
Macromyndataka hefur alltaf heillað Elfu og eru þannig myndir meginþemað á þessari sýningu, sem hún kallar Nærmyndir.
Þetta er fyrsta einkasýning Margrétar Elfu en hún hefur unnið til margra viðurkenninga á ýmsum vefmiðlum en einnig verið með í samsýningum bæði með ÁLFkonum og ÁLKA.

Opnunartími er:  mán., mið. og fös.: kl. 8:00 - 16:00 og þri. og fim.: kl. 8:00 - 18:00. Lokað um helgar. Allir eru velkomnir!

https://www.facebook.com/events/576176105806155/?previousaction=join&source=1