You draw me crazy opnar í Árósum

You draw me crazy

Sýningin You draw me crazy sem opnar laugardaginn næst komandi í Danmörku, tekur saman verk tveggja Akureyskra listamanna, þeirra Arnars Ómarssonar og Heklu Bjartar Helgudóttur. Þau eru gestalistamenn á Godsbanen sem er miðstöð lista og menningar í Árósum.

Síðastliðnar þrjár vikur hafa þau unnið og búið saman á lítilli vinnustofu, en á þessu tímabili hafa þau unnið að einskonar greiningu á hvoru öðru, en Arnar er viðfangsefni Heklu og öfugt. Það tekur á taugarnar að vinna saman daglega frá morgni til kvölds í sama litla rýminu og er verkefnið á marga vegu athugun á hverskonar áhrifum og innblæstri þau verða fyrir í svona náinni sambúð. Skortur á einveru, þolmörk persónurýmis og berskjöldun einkennir verkin sem eru teikningar, myndbandsverk, textaverk og bókverk. Það er hægt að fylgjast með þeim á vefsíðunni www.youdrawmecrazy.com, en þar setja þau inn daglegar færslur.

Sýningin opnar laugardagskvöldið 1. febrúar klukkan átta á umræddri vinnustofu.

Hong Kong kvikmyndahátíð á Akureyri og á Ólafsfirði

KvikYndi vekur athygli á fyrstu Hong Kong kvikmyndahátíð Norðurlands sem mun fara fram á Akureyri dagana 1.-2. febrúar og á Ólafsfirði 22.-23. febrúar. Allar myndirnar eru sýndar með enskum texta og er aðgangur ókeypis.

Hátíðina skipuleggur Listhúsið Fjallabyggð í samstarfi við Sjónlistamiðstöðina og Menningarhúsið Tjarnarborg.

Nálgast má nánari upplýsingar á síðu hátíðarinnar á facebook: https://www.facebook.com/events/1435467586682660/

Afrituð dagskrá fylgir svo hér með:

1. 2. 2014 | 20:00 | Deiglan, Akureyri | Program 3 (Drama Selection | 84 min)

2. 2. 2014 | 14:00 | Deiglan, Akureyri | Program 4 (The Life & Times of Wu Zhong Xian | 86 min)
2. 2. 2014 | 16:00 | Deiglan, Akureyri | Program 1 (Black Bird – A Living Song (1984) | 85 min)

2. 2. 2014 | 20:00 | Deiglan, Akureyri | Program 2 (Documentary Selection | 52 min)*

22. 2. 2014 | 16:00 | Listhus, Olafsfjordur | Program 3 (Drama Selection | 84 min)

22. 2. 2014 | 20:00 | Listhus, Olafsfjordur | Program 2 (Documentary Selection | 52 min)*

23. 2. 2014 | 14:00 | Tjarnarborg, Olafsfjordur | Program 5 (We are in the water (The premiere) with animation and video selection Produced and edited by Alice Liu | 60min)*

23. 2. 2014 | 16:00 | Listhus, Olafsfjordur | Program 2 (Documentary Selection | 52 min)*

23. 2. 2014 | 20:00 | Listhus, Olafsfjordur | Program 1 (Black Bird – A Living Song (1984) | 85 min)

Gjörningar nemenda fagurlistadeildar Myndlistaskólans á Akureyri í Rósenborg

Nemendur fagurlistadeildar Myndlistaskólans á Akureyri sýna gjörninga undir handleiðslu Aðalheiðar S. Eysteinsdóttur fimmtudaginn 30. jan. frá 16:30 – 18:00 á efstu hæð í Rósenborg á Akureyri.

Nemendur á fagurlistadeild eru:

Anna Elinora Olsen Rosing
Ásmundur Jón Jónsson
Elísabet Inga Ásgrímsdóttir
Freyja Reynisdóttir
Guðrún Ósk Stefánsdóttir
Heiðdís Hólm Guðmundsdóttir
James Earl Cisneros Tamidles
Jónína Björg Helgadóttir
Karólína Baldvinsdóttir
Kolbrún Vídalín
Margrét Kristín
Sandra Rebekka
Sigrún Birna Sigtryggsdóttir
Steinunn Steinarsdóttir

https://www.facebook.com/events/1442120482671761

Gjörningur í Geimdósinni og Victor Ocares í gallerí Ískáp

Arnar og hekill munu skypa beint gjörninginn "become the subject" frá Árósum í Danmörku. Geimdósin sýnir klukkan hálf þrjú að íslenskum tíma. Einnig verða opnar vinnustofur og Victor Ocares í gallerí Ískáp.

osom!

Geimdósin, Kaupvangsstræti 12 á Akureyri, Listasafnshúsið/gengið inn úr portinu fyrir ofan, baka til.

Halldór Ásgeirsson sýnir í Listasafninu á Akureyri

Opnun í Listasafninu á Akureyri, laugardaginn 25. janúar kl. 15
Halldór Ásgeirsson: Tengsl – önnur ferð
25. janúar - 30. mars
 
Sjónlistamiðstöðin opnar fyrstu sýningu ársins í Listasafninu á Akureyri laugardaginn 25. janúar kl. 15. Þar sýnir Halldór Ásgeirsson ný og eldri verk sem kallast á og mynda innbyrðis tengsl. Þegar litið er yfir feril Halldórs má í fljótu bragði greina þræði sem stundum virðast sundurleitir en eru í raun einn órofinn þráður. Allir helstu grunnþættirnir í list Halldórs eru settir fram á sýningunni á nýjan og ferskan hátt; jarðeldurinn, vatnið, ljósið, vindurinn og sögurnar í teikningunum.
 
Gjörningur verður á Torfunefsbryggju kl. 15, þar sem siglt verður inn Eyjafjörðinn með blaktandi myndfána sem Karlakór Akureyrar-Geysir tekur við og kemur fyrir á þaki Listasafnsins.
 
Á opnuninni í Listasafninu verða leiklesin brot úr nokkrum örleikritum eftir Kjartan Árnason en þau verða lesin í heild sinni sunnudaginn 26. janúar kl. 14. Flytjendur eru Arnar Jónsson, Randver Þorláksson, Sigurður Skúlason og Helga E. Jónsdóttir.
 
List Halldórs Ásgeirssonar hefur ætíð verið samofin lífi hans og ferðum um heiminn. Tengslin á milli heimshluta jarðarinnar koma berlega í ljós í hraunbræðsluverkum hans og sýna fram á sömu útkomu á ólíkum stöðum. Kynningarmynd sýningarinnar er gott dæmi; andlit listamannsins og stúlkunnar þakin hraunglerungi úr sitt hvoru eldfjallinu – einu kínversku og öðru íslensku.
 
Gestalistamenn á sýningunni eru skyldmenni Halldórs, þau Helga E. Jónsdóttir og Nói, Jóhann Ingimarsson.
 
Sýningin stendur til  30. mars og er opin alla daga nema mánudaga kl. 12-17. Aðgangur er ókeypis.

Shok Han Liu með fyrirlestur í VMA

Fyrirlestraröð Listnámsbrautar VMA og Sjónlistamiðstöðvarinnar.
Föstudaginn 24. janúar kl. 14 í stofu M01 í Verkmenntaskólanum á Akureyri

Í fyrsta fyrirlestri ársins í fyrirlestraröð Verkmenntaskólans á Akureyri og Sjónlistamiðstöðvarinnar mun Shok Han Liu fjalla um hlutverk og skyldur Listhúss á Ólafsfirði, ekki síst út frá hugmyndum um alþjóðlega hugmynda samvinnu. Hún mun einnig kynna svokallaða „Pinhole Photography“ vinnustofu sem skiptinemar frá Hong Kong taka þátt í og fer fram í febrúar.

Shok Han Liu flutti til Íslands árið 2010 og hefur starfrækt listamiðstöðina Listhús á Ólafsfirði síðan 2012. Hún leggur áherslu á samfélagslega list og samstarf við alþjóðlega listamenn

Aðgangur er ókeypis og eru allir velkomnir.

Gjörningar á Siglufirði

Nemendur fagurlistadeildar Myndlistaskólans á Akureyri dvelja nú með kennara sínum Aðalheiði S. Eysteinsdóttur í Alþýðuhúsinu á Siglufirði þar sem þau fást við ýmiskonar listsköpun. Gjörningarnir verða fluttir á völdum stöðum í bænum á miðvikudag og fimmtudag:

Miðvikudagur: Í Sundlauginni á Ólafsfirði kl.14:15
Við Síldarminjasafnið kl. 16:30
Við torgið kl. 17:00
Við Alþýðuhúsið kl. 18:00

Fimmtudagur: Á torginu kl. 12:30
Á bókasafninu kl.16:00
Við Túngötu kl: 16:30
Við Videoval kl. 17:00
Í fjörunni við Hvanneyrarkrók kl. 18:00

https://www.facebook.com/events/245393635633908

Kræsingar í Sal Myndlistarfélagsins

Laugardaginn 25. janúar kl. 14:00 opnar samsýningin "Kræsingar"
þar sem félagar í Myndlistarfélaginu sýna verk sín í Sal félagsins á Akureyri.

Á sýningunni gefur að sjá ólíka stíla, litapellettu og áherslur, en allir
listamennirnir eiga það sameiginlegt, að bjóða þig velkominn
á sjónrænar kræsingarnar og fagna með þeim upphafi á nýju og kröftugu ári.

Léttar veitingar í boði,
Sjáumst hress og kát.

Bestu kveðjur,

Myndlistarfélagið.

Sýningin stendur yfir helgarnar:

25.01-26.01    14:00-17:00
31.01.01.02    14:00-17:00
08.02-09.02    14:00-17:00

Kaupvangstræti 10, 600 Akureyri

 

Opnar vinnustofur og opnanir í Gallerí Ískáp og Geimdósinni

Laugardaginn 25. janúar munu Vinnustofurnar í Portinu á Akureyri standa að sýningum og opnum vinnustofum.

Gallerí Ískápur og Geimdósin standa að sýningaropnunum og einnig verður samsýning listamanna vinnustofanna í anddyrinu en í húsnæðinu öllu starfa nú um 20 listamenn.

Öllum er hjartanlega velkomið að koma og sjá vinnustofur starfandi listamanna og þiggja léttar veitingar.

Hvar?
Kaupvangstræti 12. Listasafnshúsið, gengið inn úr portinu fyrir ofan, baka til.

Guðmundur Ármann sýnir í Populus tremula

Guðmundur Ármann sýnir olíumálverk, vatnslitamyndir og þrívíð verk í Populus tremula. Sýningin, sem ber yfirskriftina Nærlönd, verður opnuð laugardaginn 25. janúar kl.14.00. Einnig verður hún opin sunnudaginn 26. janúar kl. 14.00-17.00. Aðeins þessi eina helgi.

Vatnslitamyndirnar, sem eru málaðar undir berum himni, eru rannsókn á línum, litum og formum sem birtast okkur í náttúrunni og eru kveikjan að olíumáverkunum sem eru einskonar innra landslag. Olíumálverkin eru unnin á vinnustofunni, sem niðurstöður upplifunar sem var skráð í vatnslit. Þrívíðar myndir eru fundnir hlutir, spýtur sem hafa gegnt hlutverki sínu sem nytjahlutir ýmiskonar. Efniviður sýningarinnar hverfist um nærlönd við Eyjafjörð.

Guðmundur Ármann Sigurjónsson
Lauk prentmyndasmíðanámi 1962. Hóf myndlistarnám 1962 við Myndlista- og handíðaskóla Íslands og útskrifaðist af málunardeild 1966. Að því loknu lá leiðin til Svíþjóðar og hóf hann þar nám við Konsthögskolan Valand, Göteborgs Universitet 1966 og lauk þar námi við grafíkdeild skólans 1972. Kennararéttindarnám við Háskólann á Akureyri 2002-2003 og í framhaldi af því meistaranám í kennslugrein lista við Háskólann á Akureyri. Lauk M. Ed. námi í menntunarfræðum í nóvember 2012. Starfar nú sem kennari á myndlistakjörsviði listnámsbrautar Verkmenntaskólans á Akureyri. Fyrsta einkasýning á Mokkakaffi í Reykjavík 1962 og sýndi þar blekteikningar, nú fylla einkasýningarnar rúma tvo tugi. Þátttaka í fjölda samsýninga hér heima og erlendis. Þátttaka í norrænum myndlistarverkefnum og alþjóðlegum grafíksýningum. Verk í eigu Listasafns Íslands, Listasafns Alþýðu, Listasafnsins á Akureyri, Moderna Museet Stokkhólmi, Tidaholm Museet Svíþjóð. Starfslaun úr launasjóði myndlistar 1986 og 1994. Bæjarlistamaður Akureyrar 1994. Er félagsmaður í Íslenskri grafík og Norræna akvarell-félaginu.

Hugleiðingar um viðfangsefnið
Er hægt að mála það sem er óáþreifanlegt? Andrúmið, birtuna, ilminn, hita eða kulda ¬– það sem við finnum og skynjum. Vindurinn í fangið, hefur hann lit? Má gefa honum form? Þetta andrúm sem er einstök persónuleg skynjun en um leið sammannleg. Eins og vindurinn sem blæs og ber með sér lit af jörð, þetta andrúm sem er svo huglægt markar spor sem má fanga í miðilinn. Með vatni og lit á pappírsörk framkallast skynjunin eins og í leiðslu. Horft er á myndefnið með öllum skynfærum sem kveikja hugarflug líkt og í ævintýri, hughrifin birtast sem mynd af hugsun á örk. Að ganga um fjörur og tína upp veðraða kubba sem settir eru saman og gefnir til baka í formi þrívíðra mynda. Á vinnustofunni verður þessi upplifun sem samsafnað minni sem leitast er við að endurvekja í nýjan miðil, olíumálverk og þrívíðra myndverka. Með endurteknum strokum, gagnsæju litlagi er minnið um birtu, lit og form fangað. Með því að raða fundnum hlutum saman verður til nýtt samhengi.

Kristinn G. Jóhannsson opnar sýningu í Mjólkurbúðinni

„Angan úr haustmó“ kallar Kristinn G. Jóhannsson sýningu sína sem opnuð verður í „Mjólkurbúðinni“ í Grófargili laugardaginn 18. janúar n.k. kl. 15.

 Í sýningarskrá kemur fram að á þessu ári eru sextíu ár liðin síðan hann hélt sína fyrstu sýningu í „Varðborg“ á Akureyri, þá sautján ára nemandi í 5. bekk MA. Kristinn hóf myndlistarnám á Akureyri ungur en eftir stúdentspróf lá leið hans fyrst til Reykjavíkur í Handíða- og myndlistaskólann og síðan til Skotlands þar sem hann stundaði nám við Edinburgh College of Art. Síðan hófst volkið í veraldarsjónum eins og hann orðar það en auk myndlistarstarfa var hann kennari og skólastjóri í áratugi, lengst við Gagnfræðaskólann Ólafsfirði og síðan á Akureyri við Bröttuhlíðarskóla. Hann á að baki fjölda sýninga heima og erlendis en myndefnið hefur hann jafnan sótt í nánasta umhverfi sitt.

Um verkin sem hann sýnir í „Mjólkurbúðinni“ segir hann:“ Svo er þetta svona núna, allt í uppnámi eins og vera ber, málverkið berskjaldað, litir og form leika lausum hala en jarðtengingin, náttúran, gróðurinn, tiktúrurnar og tilfinningarnar sömu og fyrr. „Angan úr haustmó“ heitir það þetta sinnið og vísar þá ekki aðeins til þess að haustblær er yfir litaflórunni heldur líka hins að nú sígur á seinni hlutann og haustar í öðrum skilningi“.

Sýning Kristins G. Jóhannssonar stendur frá 18. janúar til 2. febrúar.
Opið fös. - sun. kl. 14-17
Allir velkomnir

Curver Thoroddsen sýnir í Ketilhúsinu

Sjónlistamiðstöðin heilsar nýju ári laugardaginn 18. janúar kl. 15.00 þegar Curver Thoroddsen opnar sýninguna Verk að vinna / Paperwork í Ketilhúsinu á Akureyri. Þar stendur listamaðurinn fyrir raunveruleikagjörningi í anda fyrri verka sinna þar sem daglegt líf hans og listsköpun skarast.

Curver lokar sig af í heilan mánuð í Ketilhúsinu og fer allsnakinn og berskjaldaður í gegnum tugi ára af uppsöfnuðum blöðum, pappír, bréfsefni, skjölum og öðru tilfallandi efni og grisjar úr glundroðanum. Þessi persónulega flokkun og endurskoðun helst í hendur við eldri verk Curvers þar sem að hann hefur m.a. sett upp kompusölu í Listasafni Íslands, tekið íbúð sína í gegn í sjónvarpsþættinum Innlit/Útlit, breytt Nýlistasafninu í barnaleiksvæði og selt lundapizzur í Bjargtangavita.

Á efri hæð Ketilhússins verður samhliða gjörningnum sýning á úrvali filmugjörninga og vídeóverka Curvers frá síðastliðnum árum. Þá verður einnig hægt að gægjast inn í þetta mánaðarlanga verkefni listamannsins á samfélagsmiðlum þar sem hann mun setja inn stöðufærslur á Instagram og á Facebooksíðu sinni: www.facebook.com/curverthoroddsen

Í myndlist sinni notar Curver blandaða miðla m.a. gjörninga, myndbandsverk, innsetningar og venslalist til að kanna hugmyndir um sjálfið, dægurmenningu og samfélagið. Veruleikinn eins og hann blasir við flestum fær nýja merkingu þegar hann er yfirfærður á vettvang myndlistar og er það endurtekið viðfangsefni í listsköpun Curvers. Hann hefur einnig verið ötull á vettvangi tónlistar, ekki síst undanfarin ár með hljómsveitinni Ghostigital.

Sýningin stendur til 16. febrúar og er opin milli kl.12.00-17.00 alla daga nema mánudaga. Aðgangur er ókeypis.
 
Sjónlistamiðstöðin
Kaupvangsstræti 12
600 Akureyri
Sími 461 2610

Victor Ocares sýnir í Kompunni, Alþýðuhúsinu á Siglufirði

Laugardaginn 11. jan. kl. 15.00 opnar Victor Ocares sýningu í Kompunni, Alþýðuhúsinu á Siglufirði.

Victor verður á staðnum og tekur á móti fólki, allir velkomnir.

Léttar veitingar í boði.

 

Blöð/Rec

Victor  útskrifaðist úr myndlistardeild Listaháskóla Íslands vorið 2013. Listsköpun hans er lituð af  dulhyggju og snertir á flötum heimspeki, vísinda og annarra greina. Hugmyndir eru soðnar saman úr ýmsum áttum til að koma af stað aflvaka í hugum áhorfenda. Í verkum sínum notast hann við margvísleg efni og miðla, og gæti afraksturinn allt eins skilað sér í tónverki, í formi skúlptúra eða málverka...

Á sýningunni „Rec“ einbeitir hann sér að teikningum og skúlptúrum, skoðar meðal annars tengslin milli sköpunar og varðveislu. Varðveislu hughrifa og streymi hugsana í tíma. Teikningar af augnblikum og spor eftir samræður úr lífi listamannsins. Er hægt að taka mynd þar sem efnis- og hugarheimar mætast ? Þar sem hugar mætast?

Kompan er gallerý í miðju Alþýðuhússins á Siglufirði í eigu Aðalheiðar S. Eysteinsdóttur.

Aðalheiður er nú að hefja þriðja starfsár sitt í húsinu og hefur staðið fyrir margþættri menningarstarfssemi þar í bland við eigin listsköpun.

Sýningarlok á laugardaginn hjá Jóni Laxdal í Flóru

Jón Laxdal
Blaðsíður
16. nóvember 2013 - 11. janúar 2014
Sýningarlok laugardaginn 11. janúar
Flóra, Hafnarstræti 90, 600 Akureyri, s. 6610168

http://floraflora.is
https://www.facebook.com/flora.akureyri
https://www.facebook.com/events/1387836291459094


Nú fer hver að verða síðastur að sjá sýninguna “Blaðsíður” sem myndlistarmaðurinn Jón Laxdal Halldórsson hefur sett upp  í Flóru á Akureyri. Sýningunni lýkur laugardaginn 11. janúar 2014.

Á sýningunni gefur að líta fjölda nýrra verka eftir listamanninn, bakkar á borði, lágmynd og fuglahús. Auk þess eru til sýnis á skjá 189 verk unnin úr Sunnudagsblaði Tímans en þau má einnig sjá á þessari slóð: http://freyjulundur.is/jonlaxdal

Jón hefur lengi verið virkur í menningarlífinu á Akureyri. Hann átti hlut að rekstri Rauða hússins og var í hópi þeirra sem hófu Listagilið á Akureyri til vegs og virðingar. Jón kom eftir krókaleiðum inn í myndlistina. Hann nam heimspeki við HÍ og hefur látið að sér kveða í skáldskap með útgáfu nokkurra ljóðabóka.
Jón hefur haldið á þriðja tug einkasýninga ásamt þátttöku í fjölda sýninga bæði heima og erlendis. Verk eftir hann eru í eigu safna og safnara víða um heim.
Upplýsingar um Jón Laxdal og verk hans má finna á heimasíðunni http://www.freyjulundur.is

Sýningin er öllum opin á opnunartíma Flóru mánudaga kl. 12-18 og þriðjudaga til laugardaga kl. 12-16.

Næstu sýningar í Flóru verða með Helgu Sigríði Valdemarsdóttur sem opnar 22. febrúar og Kristínu G. Gunnlaugsdóttur sem opnar 14. júní.

Flóra er verslun og viðburðastaður með vinnustofum sem Kristín Þóra Kjartansdóttur félagsfræðingur rekur. Áherslan er á nýtingu, endurnýtingu, náttúrutengsl og verkmenningu. Listrænn ráðunautur staðarins er Hlynur Hallsson, myndlistarmaður. Menningardagskrá Flóru hlaut styrk úr Menningarsjóði Akureyrar.

Brunch Talk with Serry Park

Sherry Park mun vera með “brunch talk” fyrir gesti í Listhúsi í Fjallabyggð, Ólafsfirði, dagana 3. til 7. janúar n.k.  Park er heilluð af ferlinu við sköpun listaverka, og vill skiptast á skoðunum um meiningu listar fyrir áhorfendur.  Hún er sérstaklega áhugasöm á samskiptum fólks, svo að hún mun útbúa ferskan “brunch” hvern morgun opnunardagana.  Meðan borðað er mun Park tala um verk sín og líf og gestir eru hvattir til að segja sínar sögur einnig.  Meðan hún ber fram ferskt brauð, geta gestir sagt henni ferskar sögur og á þann hátt komið með ferskleika í okkar daglega líf.

Allir eru velkomnir.

+ Learn more about the artist :
serrypark.blogspot.com
vimeo.com/serrypark
 
+ Listhús
www.listhus.com

Ka Young Choi sýnir á Ólafsfirði

CANNED LANDSCAPE

Sýning Ka Young Choi

2014.01.03~12 | Samkaup Úrval Ólafsfirði

Hugttakið Ready-to-use-Landscape can, er notað til að líkja eftir dósamat, til að tákna vonir og þrár nútímafólks, þegar það vill flýja þær aðstæður sem það tekst á við í það og það skiftið. Þessi listaverk  undirstrika mikilvægi þess að fólk hugleiði. Vilji það ekki hætta að lifa sínu daglega lífi, en lifa áfram og fá þá hvatningu sem það þarfnast til að  vera sú persóna sem það langar til.

Ka Young Choi er í masters námi í Seoul National University með málun sem sérgrein. Verkefni hennar í Listhúsi er samspil milli tvívíddar og þrívíddar með samfélagslegu innihaldi.

Fleiri listaverk og upplýsingar: http://choikayoung.blogspot.kr/p/home.html

 
Alice Liu
Listhús
[phone]