ÁLFkonur sýna í Lystigarðinum á Akureyri

ÁLFkonur bjóða til ljósmyndasýningar í tilefni að 100 ára afmæli kosningaréttar kvenna á Íslandi. Sýningin er á svæðinu við hliðina á kaffihúsinu Café Laut í Lystigarðinum á Akureyri.
Þetta er fjórða sumarið sem ÁLFkonurnar sýna myndir í garðinum og um leið fimmtánda samsýning hópsins. Allir velkomnir á opnunartíma Lystigarðsins á Akureyri.

https://www.facebook.com/events/820390384720747

INNSETNING Í ÚTIBÚI GALLERÍ ÍSKÁPS

Erwin van der Werve útskrifaðist úr Willem de Kooning Academy í Rotterdam árið 2002 og var í skiptinámi í LHÍ, Reykjavík 2001. Eftir útskrift hlaut hann starfslaun Dutch Fund of Visual Arts og sýndi í Evrópu og Kína. Erwin gerir málverk, innsetningar og teikningar sem samanstanda af mismunandi efnum og aðferðum. Verkin eru gerð eftir innsæi og eru byggð á ákveðinni stemningu eða tilfinningum sem geta kallað fram ákveðin áhrif hjá áhorfanda líkt og landslag eða atriði í kvikmynd getur gert. Verkin gefa hugmynd um óendanlegt rými eins og er að finna í íslensku landslagi eða í himninum í fæðingarlandi hans, Hollandi.

Útibú Gallerí Ískáps verður staðsett við nýja hjólastíginn við Drottningarbraut, nálægt Naustabryggju, leitið og þér munuð finna.
Aðeins þennan eina dag!

Heimasíða: http://www.erwinvanderwerve.nl/
Facebooksíða: Erwin van der Werve

https://www.facebook.com/events/1648066405414870

Nánari upplýsingar veitir Heiðdís Hólm, í síma 848-2770 eða tölvupósti heiddis.holm (hjá) gmail.com
--

Erwin van der Werve graduated from Willem de Kooning Academy in Rotterdam in 2002, with a year as an exchange student in LHÍ, Reykjavík 2001. After graduation he got a starters grant from the Dutch Fund of Visual Arts and exhibited in Europe and China. Erwin creates mixed media paintings, installations and drawings. His work is made with intuition and occur from a certain feel that can produce an effect in the viewer in the same way a landscape or a film can. The work give the idea of an endless space similar to the icelandic landscape or in the sky in Netherlands.

Grænlenskt listhandverk í Hvítspóa

Thue Christiansen og Katrin Christiansen opna sýningu á verkum sínum í Hvítspóa, miðvikudaginn 27. maí. til 3. juni. þetta er einstakt tækifæri á því að sjá Grænlenskt listhandverk af bestu gerð. Thue vinnur i horn, skinn stein og málma en Katrin er að prjóna úr sauðnauta ull.

Gallerí Hvítspói

Brekkugata 3a

600 Akureyri

 

https://www.facebook.com/events/749683661817447

https://www.facebook.com/pages/Hv%C3%ADtspói-art-gallerý/245778342291314

Leya Anderson sýnir í Listhúsi á Ólafsfirði

There is seldom a single wave
A Solo show by Leya Anderson
 
27 May 2015 | 20:00
Listhus Gallery

Leya is a visual artist and illustrator from Canada. In this exhibition, she will show her black and white drawing of the waves on a long roll.

To know more about Leya, please visit her website: http://www.leyatess.com
 
 
or visit our website: www.listhus.com

Mary Zompetti með sýningu og listamannaspjall í Deiglunni

Mary Zompetti er gestalistamaður mánaðarins í vinnustofu Gilfélagsins. Hún opnar sýningu og verður með listamannaspjall í Deiglunni á laugardaginn 23. maí. Opið á milli 14-17. Allir Velkomnir!

Mary Zompetti is a photo-based artist currently living and working in in Grand Isle, Vermont in the United States. She holds an MFA from the Art Institute of Boston at Lesley University. She is currently the Photography Program Director for Burlington City Arts and she teaches in the Creative Media program at Champlain College in Vermont.

https://www.facebook.com/events/905120759530891

Guðrún Þórsdóttir sýnir Masterpiece/Meistarastykki í Flóru

Guðrún Þórsdóttir        
Masterpiece/Meistarastykki
23. maí - 6. júní 2015
Opnun laugardaginn 23. maí kl. 14
Flóra, Hafnarstræti 90, 600 Akureyri, s. 6610168

http://floraflora.is
https://www.facebook.com/flora.akureyri
https://www.facebook.com/events/1570797126518826

Laugardaginn 23. maí kl. 14 opnar Guðrún Þórsdóttir sýninguna “Masterpiece/Meistarastykki” í Flóru á Akureyri.

Masterpiece/Meistarastykki er verk í þróun og er hluti af meistaraverkefni Guðrúnar Þórsdóttur í menningarstjórnun við Háskólann á Bifröst. Um er að ræða myndir úr grunngögnum rannsóknarverkefnis Guðrúnar.
Í rannsókn sinni fylgdi Guðrún eftir 15 unglingum frá Akureyri til fjögurra landa, Eistland, Finnland, Svíþjóð, Álandseyja og Ísland. Hún myndaði krakkana þar sem þau unnu að sjónlistum með jafnöldrum sínum í alþjóðlegu samhengi í Nordic light verkefninu.
Nordic light 2014 fólst í því að krakkarnir fóru og lærðu af listamönnum í hverju landi fyrir sig sjónlistir og endaði ferðalagið á því að þau hittu fleiri krakka, alls 75 talsins og settu upp stóra útisýningu.
Hluti þeirra grunngagna sem Guðrún notar í meistaraverkefninu eru myndirnar sem hún tók af unglingunum á ferðalaginu. Sýningin Masterpiece/Meistarastykki er verk í þróun sem mun ljúka með meistaragráðu. Í rannsóknarverkefninu er Guðrún að skoða upplifun ungmennanna af þátttöku í svona verkefni og hvaða áhrif þátttaka í alþjóðlegu listaverkefni hefur á þau.

Sýningin er öllum opin á opnunartíma Flóru út maí: mánudaga, þriðjudaga, miðvikudaga og föstudaga kl. 11-16, fimmtudaga kl. 11-18, og laugardaga kl. 11-14. Frá og með 1. júní er opið mánudaga til laugardaga 10-18 og sunnudaga 12-18. Sýningin stendur til laugardagsins 6. júní 2015.
Nánari upplýsingar veitir Kristín Þóra Kjartansdóttir í [e-mail] og síma 661 0168 og Guðrún Þórsdóttir í [e-mail] og í síma  663 2848.

Flóra er verslun og viðburðastaður með vinnustofum sem Kristín Þóra Kjartansdóttur félagsfræðingur rekur. Áherslan er á nýtingu, endurnýtingu, náttúrutengsl og verkmenningu.

Jón Steinar Ragnarson opnar ljósmyndasýningu í Kompunni, Alþýðuhúsinu á Siglufirði

Sunnudaginn 17. maí kl. 15.00 opnar Jón Steinar Ragnarson ljósmyndasýningu í Kompunni, Alþýðuhúsinu á Siglufirði.

Jón Steinar er leikmyndahönnuður og ástríðu ljósmyndari, fæddur á Ísafirði 1959 og hefur verið búsettur á Siglufirði síðan 2007. Hann var leikmyndahönnuður á myndunum Nói Albínói, Englar Alheimsins og Ikingut, sem hann skrifaði líka handrit að. Af sjónvarpsefni þar sem hann kemur við sögu má nefna þættina Fóstbræður. Einnig hefur Jón Steinar starfað að uppbyggingu og ímyndarsköpun Rauðku ehf í tengslum við ferðamál fyrir Róbert Guðfinnsson. 
Myndirnar sem sýndar verða í Kompunni eru teknar s.l. ár á Siglufirði og nágrenni og leitast við að fanga andrúmsloft og fegurð svæðisins á öllum árstíðum. Líkt og Ásmundur Jónsson gerði forðum með pensil og striga að vopni.

https://www.facebook.com/events/754744507979332/

WOOD YOU SEE WOOD YOU LISTEN frestað

Þessari sýningu hefur verið frestað en nánari upplýsingar koma síðar.

Laugardaginn 16. Maí kl 14 opna félagarnir Þorsteinn Gíslason og Kristján Pétur Sigurðsson innsetninguna " Wood you see Wood you listen " í Verksmiðjunni á Hjalteyri. 
Innsetningin sem nú er sýnd öðru sinni ( var áður sett upp í Populus Tremula í nóvemberlok 2014 ) samanstendur af skógardýrinu " Skógar-Hjassa " sem er einskonar sjálfspilandi pípuorgel, vídeói sem tekið var í eyfirskum skógum, reyk og ljósadýrð. 
Verkefnið unnu Þorsteinn og Kristján með tilstilli styrks frá Menningarráði Eyþings.
Sérlegur aðstoðarmaður er Birgir Sigurðsson og ráðgjöf í tæknimálum veitti Hallgrímur Stefánsson.
Sýningin er opin 16. - 17.5. frá 14-17 og 23. - 24.5. frá 14-17.

https://www.facebook.com/events/958290024211490

Bjarney Anna Jóhannesdóttir sýnir í Listasalnum Braga

Bjarney Anna Jóhannesdóttir hefur undanfarnar tvær vikur unnið að nýjum verkum hér í Braga. Bjarney vinnur að mestu teikningar og málverk en hefur einnig unnið að tónlist undir nafninu Sockface. 

Laugardaginn 16. maí frá kl 15:00 til 17:00 er opið hús hjá okkur þar sem hægt verður að rabba við Bjarneyju um listina og lífið. 

Endilega kíkið við í kaffi og veitingar!

https://www.facebook.com/events/1588490161431372/

https://www.facebook.com/ListasalurinnBragi

20 ára afmæli Safnasafnsins

Safnasafnið er gimsteinn í íslensku og alþjóðlegu listumhverfi og í ár fagnar Safnasafnið 20 ára afmæli sínu. Í tilefni af afmælinu opna 14 nýjar sýningar, inni og úti, á Alþjóðlega safnadaginn, laugardaginn 16.maí. 

Meðal sýninga eru sérsýningar Gunnhildar Hauksdóttur, Bjarna Þórarinssonar, Eirúnar Sigurðardóttur og Margrétar M. Norðdahl. 
Safnið minnist 100 ára afmælis kosningaréttar kvenna á Íslandi og sýnir af því tilefni verk Hrefnu Sigurðardóttur.
Safnið kynnir einnig teikningar og málverk eftir Thor Vilhjálmsson sem hefði orðið 90 ára á þessu ári ef honum hefði enst aldur til. 

Þá eru sýndir stórmerkilegir gripir frá Grænlandi, tupilakar og hálsfestar, sem safnið fékk að gjöf 2012-2014 úr dánarbúi Herdísar Vigfúsdóttur kennara og Valtýs Péturssonar listmálara. Gripina fengu þau á ferðum sínum um Grænland á sjöunda áratugnum en þau voru mikið ævintýra fólk. 

Aðrir listamenn eiga verk á samsýningum, þau Aðalheiður S. Eysteinsdóttir, Birgir Húni Haraldsson, Erla Björk Sigmundsdóttir, Guðmundur Ármann Sigurjónsson, Guðný Guðmundsdóttir, Haraldur Níelsson, Hálfdán Ármann Björnsson, Helga Pálína Brynjólfsdóttir, Helgi Þorgils Friðjónsson, Helgi Valdimarsson, Helgi Þórsson, Ragnar Bjarnason, Steinunn Svavarsdóttir, Sæmundur Valdimarsson, Vilmundur Þorgrímsson og Yngvi Örn Guðmundsson. Leik- og grunnskólabörn í Svalbarðsstrandarhreppi sýna að venju, og í garðinum eru skúlptúrar eftir Önnu Eyjólfsdóttur og Þórdísi Öldu Sigurðardóttur.

Stjórn Safnasafnsins setur svip á sýningarnar með hugmyndafræði, skipulagningu og uppsetningu verka. Hugmynd þeirra er að leggja áherslu á bjartsýni sem ríkir í starfsemi safnsins og beina sjónum manna að margvíslegum tengingum, fínlegum útfærslum, björtum litum og léttu yfirbragði

Safnasafnið er opið daglega frá kl. 10.00–17.00 alla daga til 31. ágúst, en tekið á móti hópum í september eftir samkomulagi á meðan veður leyfir
Safnasafnið gefur gestum sínum veitingar og glæsilega sýningarskrá, og upplifun af skemmtitækjum í móttökunni þegar færi gefst.

https://www.facebook.com/events/630976840370378/631192747015454

Guðmundur Ármann Sigurjónsson sýnir í Mjólkurbúðinni

Guðmundur Ármann Sigurjónsson opnar myndlistarsýninguna NÁTTÚRUSÝN í Mjólkurbúðinni á Akureyri,16. maí kl 15.00

Náttúrusýn - Þar sem fjallið teigir kollinn mót himni

Myndefnið á sýningunni er sótt í umhverfið við Eyjafjörð.
Vatnslitamyndirnar eru málaðar úti undir berum himni, oftast á góðviðrisdögum en stundum á mörkum þess mögulega fyrir vatnsliti. Viðvangsefnið er náttúran eins og hún birtist í mismunandi ljósi dagsins. Leitast er við að færa á vatnslitaörkina myndefnið eins og það birtist sjónum horfandans. Þannig verða myndirnar jafn náttúrutrúverðugar og efniviðurinn, og hið eina sem setur þeim hugsanlegar skorður er færni þess sem heldur á penslinum. Að sitja úti undir berum himni og skoða umhverfið með öllum skilningarvitunum er áskorun sem ekki verður notið með öðrum hætti. Meðvitundin um verkefnið að mála mynd skerpir athyglina og skynjunina til fullnustu og svo að töfrum er líkast. Að sjá myndina framkallast skref fyrir skref á pappírsörkina er augnarbliks fögnuður, sérstaklega þegar vel tekst til.

Olíumálverkin eru unnin á vinnustofunni með vatnslitamyndirnar í bakgrunni. Litasamsetning og formspil náttúrunnar er fært í nokkuð strangari myndbyggingu og brugðið er á leik. „Myndlistin býr yfir samræmi sem er hliðstætt náttúrunni,“ á Cézanne að hafa sagt við kollega sinn þegar hann var að útskýra hvað hann væri að fást við þegar hann leyfði sér að hnika réttri fjarvídd og myndefnið var einfaldað og fært undir grunnformin. Í þeim anda eru málverkin unnin og jafnvel gengið enn lengra í að brjóta upp form náttúrunnar.

Töfrar náttúrusýnar felast ekki síður í að mála á vinnustofunni og finnast mynd sem glímt er við lokið þegar hún ber í sér minni sumarsins.
Ríkjandi litaskali er bláir tónar í bland við dempaða jarðliti.

Sýningin opnar laugardaginn 16. maí kl 16.00, henni lýkur 25. maí kl 18.

Útskriftarsýning Myndlistaskólans á Akureyri opnar í Listasafninu á Akureyri

Laugardaginn 16. maí kl. 15 verður opnuð útskriftarsýning Myndlistaskólans á Akureyri undir yfirskriftinni Sjónmennt 2015, en þetta er í fyrsta sinn sem sýningin fer fram í Listasafninu á Akureyri. Nemendurnir hafa lokið þriggja ára námi við sérnámsdeildir skólans og að þessu sinni útskrifast fimm nemendur af fagurlistadeild og átta nemendur sem grafískir hönnuðir. Opnunarhelgina 16.-17. maí verða nemendurnir á svæðinu og er mögulegt að eiga við þá samtal um verkin.

Á sýningunni má sjá fjölbreytt verk; leturhönnun, málverk, skúlptúra, innsetningar, ímyndasköpun, hljóðverk, vídeóverk og vöruhönnun. Verkin eru mörg persónuleg og innblástur þeirra er m.a. dreginn frá æskuslóðum við Jökulsá á Dal, gömlu handritunum, áhrifum tónlistar á sköpunarferlið, vangaveltum um erfðir og listrænum möguleika á nýtingu grjóts úr Holuhrauni og Vaðlaheiðargöngunum svo fátt eitt sé nefnt.

Fagurlistadeild - frjáls myndlist: Elísabet Inga Ásgrímsdóttir, James Earl Ero Cisneros Tamidles, Jónína Björg Helgadóttir, Margrét Kristín Karlsdóttir, Sigrún Birna Sigtryggsdóttir.

Listhönnunardeild - grafísk hönnun: Eidís Anna Björnsdóttir, Eva Björg Óskarsdóttir, Harpa Stefánsdóttir, Ívar Freyr Kárason, Linda Þuríður Helgadóttir, Perla Sigurðardóttir, Svala Hrönn Sveinsdóttir, Svanhildur Edda Kristjánsdóttir.

Sýningin stendur til 7. júní og er opin þriðjudaga til sunnudaga kl. 12-17, en frá 2. júní kl. 10-17. Aðgangur er ókeypis.

http://www.listak.is

https://www.facebook.com/events/1418631355123922

Úlfur Logason sýnir í Kaktus

Að moldu er málverkasýning Úlfs Logasonar nemanda á listnámsbraut VMA. Þar veltir hann fyrir sér andartökunum fyrir dauðann bæði hjá þeim sem standa frammi fyrir honum og eftirlifendum.

Opnun laugardaginn 16. maí 2015, kl. 14.

Sýningin stendur yfir frá kl. 14:00 - 19:00 bæði laugardag og sunnudag.

Kaktus

Kaupvangstræti 10, 600 Akureyri

 

https://www.facebook.com/events/473304496160904

Karl Guðmundson sýnir í Deiglunni

Laugardaginn 9. maí klukkan 16.00 opnar sýningin Málað á hjólum þar sem Karl Guðmundsson listamaður hátíðarinnar í ár sýnir verk sín. Sýningin stendur til 16. maí.

Karl Guðmundsson, Kalli, fékk hugmyndina um að mála með hjólastólnum sínum fyrir nokkrum árum. Borinn er litur á hjólin og síðan hjólað yfir strigann á gólfinu. Málverkin á þessari sýningu eru unnin á þennan hátt

Opnunartími: Mánudaga - föstudaga 15-18 (3-6). Helgar kl. 14-18 (2-6)

Deiglan, Kaupvangsstræti 23, 600 Akureyri

https://www.facebook.com/events/881876205193448

Mary Zompetti opnar sýninguna "Negative/Positive" í Mjólkurbúðinni

Mary Zompetti opnar sýninguna "Negative/Positive" í Mjólkurbúðinni í Listagilinu á Akureyri, laugardaginn 9.maí kl. 14.

Listaverkin á sýningunni eru unnin með sérsmíðaðri skanna-myndavél sem nemur ljós, rými, hreyfingu og tíma. Mary vinnur með kvikmyndafilmur, strendinga, spegla og linsur við gerð myndanna og hún notar einnig hluti úr náttúrunni eins og plöntur, steina og vatn. Hver ein mynd er einstök og eru verkin retrospective og túlka bæði minningar og reynslu listakonunnar, sem verður síbreytilegt viðfangsefni í myndsköpun hennar.

Mary Zompetti kemur frá Grand Isle í Vermont í Bandaríkjunum og dvelur nú í gestavinnustofu Gilfélagsins á Akureyri. Hún lærði í Art Intitute of Boston í Lesley Univercity og er útskrifuð þaðan með MFA gráðu. Mary Zompetti starfar sem framkvæmdarstjóri ljósmyndadeildar hjá Burlington City Arts og kennir við Champlain College í Vermont.

Sýningin stendur aðeins þessa einu helgi og er opið laugardag og sunnudag kl. 14-17.
Allir velkomnir

http://www.maryzompetti.com/



Mjólkurbúðin s.8957173
https://www.facebook.com/groups/289504904444621/

Mary Zompetti s.+18023556279

DELTA TOTAL Á HJALTEYRI, Í HRÍSEY OG Á SIGLUFIRÐI

DELTA TOTAL Á HJALTEYRI, Í HRÍSEY OG Á SIGLUFIRÐI

Verksmiðjan á Hjalteyri / Sæborg í Hrísey/ Gamla SR á Siglufirði/ Neðst á eyrinni við SR vélaverkstæði/ 08.05. – 07.06. 2015 / Neðst á Hjalteyri við Eyjafjörð / 601 Akureyri http://www.verksmidjan.blogspot.com/

Opnanir föstudaginn 8 maí kl. 12:00 á Hjalteyri, kl. 16:00 í Hrísey og kl. 20:00 á Siglufirði/ Sýningin stendur til og með 07:06 í Verksmiðjunni (opið um helgar kl. 14:00 – 17:00) Hún stendur yfir dagana 8 – 10 maí á Siglufirði opið kl. 14.00 – 17.00 og í Hrísey,

Umsjón: Gústav Geir Bollason, Sébastien Montéro, Aðalheiður S. Eysteinsdóttir, Hulda Stefánsdóttir, Édith Commissaire.

Föstudaginn 8 maí kl. 12:00/16:00/20:00 opna sýningar undir yfirskriftinni « Hjalteyri  chose toujours », « Minimal Bancal à Hrísey » og « Mingle « Sigló » Mingle »í Verksmiðjunni á Hjalteyri/Sæborg í Hrísey/Gömlu SR á Siglufirði

Delta Total er prógramm sem felur í sér 4 verkefni á ári sem byggja á listrænni reynslu, markmiðið er leitin að formum/leiðum sem fer í gang út frá reynslunni af breidd eða fjarlægðum(jörð, þrep, styrkleiki) og samræmi þessa.

Delta Total er   viðbótar listaskóli sem kemur sér fyrir hér og þar sem að aðstæður leyfa og á mótum þeirra áforma sem hún hefur.

 

Delta Total verkefnið sem nú fer fram í annað sinn á Íslandi og tengir saman myndlistarakademíur, ætlar þáttakendum að þessu sinni að búa til 3 sýningar á 3. mismunandi stöðum norður í landi. Á : Hjalteyri, Siglufirði og í Hrísey – Samstarfsverkefnið varir í 10 daga. Það snýst um að takast á við kraftmikið form listrænnar skuldbindingar : hugsa fyrir eigin stefnu og leiðum.

Opnanir: Föstudaginn, 8 maí, kl. 12:00/16:00/20:00

Verkefnið er samstarfsverkefni : L’École Supérieure d’Art et Design Le Havre – Rouen, L’École supérieure d’art de l’agglomération d’Annecy, Listaháskóla Íslands, L’École Supérieure des beaux-arts de Nantes, Myndlistarskólans á Akureyri, Alþýðuhússins á Siglufirði og Verksmiðjunnar á Hjalteyri

« Hjalteyri  chose toujours », « Minimal Bancal à Hrísey » og « Mingle « Sigló » Mingle »

Opnanir föstudaginn 8. maí 2015, kl. 12:00 í Verksmiðjunni á Hjalteyri, 16 :00 í Sæborg í Hrísey og kl. 20.00 í Gömlu SR á Siglufirði

Koma skólanna er styrkt af , Menningarráði Eyþings, Slippfélaginu, Húsasmiðjunni, Ásprent,CCPgames, Bústólpi, Hörgársveit, Fjallabyggð, Rauðka ehf, Síldarminjasafn Íslands, Svarta Krían og Fiskbúð Siglufjarðar. Einnig tekur Herhúsið á Siglufirði á móti þátttakendum.

 

Alþýðuhúsið á Siglufirði

Verksmiðjan á Hjalteyri

Neðst á Hjalteyri við Eyjafjörð

http://www.verksmidjan.blogspot.com/

https://www.facebook.com/pages/Verksmiðjan-á-Hjalteyri/92671772828

Sköpun bernskunnar í Listasafninu á Akureyri, Ketilhúsi

Laugardaginn 9. maí kl. 15 verður opnuð í Listasafninu á Akureyri, Ketilhúsi samsýningin Sköpun bernskunnar. Þátttakendur eru nemendur leik- og grunnskóla Akureyrar, tíu starfandi myndlistarmenn og Leikfangasýningin í Friðbjarnarhúsi.

Þemað er börn og sköpun þeirra. Hugmyndin er að blanda saman list starfandi myndlistarmanna, sem fást við bernskuna í víðum skilningi, og verkum eftir börn og leikföngum þeirra. Stefnt er að því að sýningin verði árviss viðburður með nýjum þátttakendum ár hvert.

Þátttakendur sýningarinnar: Bergþór Morthens og börn hans Vilmundur Ernir og Indíana, Guðrún Vera Hjartardóttir, Hjördís Frímann, Hrönn Einarsdóttir, Ólafur Sveinsson, Rósa Júlíusdóttir og Karl Guðmundsson, Samúel Jóhannsson, Þóra Sólveig Bergsteinsdóttir og Erwin van der Werve og börn þeirra Logi og Ylva, Glerárskóli, Oddeyrarskóli, Brekkuskóli, Hlíðarskóli, Naustaskóli, Giljaskóli, Lundarskóli, Síðuskóli, Tröllaborgir, Iðavöllur, Naustatjörn, Kiðagil, Hlíðaból, Hulduheimar, Lundarsel og Leikfangasýningin í Friðbjarnarhúsi.

Sýningarstjóri er Guðrún Pálína Guðmundsdóttir.

https://www.facebook.com/events/1628330777381376

http://www.listak.is