Gunnhildur Þórðardóttir opnar sýninguna Gaddar í Mjólkurbúðinni

Gunnhildur Þórðardóttir ofnar sýningu sína GADDAR laugardag 14. maí kl. 15 í Mjólkurbúðinni í Listagilinu á Akureyri,

Titill sýningarinnar vísar í hið oddhvassa sem kemur bæði fyrir í skúlptúrunum og í málverkunum á sýningunni. Einnig hefur titillinn tengingu í pönkið og málminn en tónlist er alltaf mikill innblástur í verkum listamannsins. Gunnhildur skoðar samband milli andstæðra tilfinninga sem fólk upplifir við að skoða verkin þar sem gaddarnir eða oddarnir eru í senn heillandi og vekja ugg eða minna á fjöll. Gunnhildur nýtir efni sem til fellur enn á ný s.s. afskurði af ýmsum toga og endurnýtir í listaverk en sjálfbærni er henni ofarlega í huga. Á sýningunni eru bæði tví -og þrívíð verk.

Listamaðurinn Gunnhildur Þórðardóttir tekur þátt í listamannaspjalli sunnudag 15. maí kl.12.

þann 18. maí á Íslenska safnadeginum verður sýningin einnig opin kl.14-17.

Gunnhildur lauk BA (Honours) í listasögu og fagurlistum frá Listaháskólanum í Cambridge árið 2003 og MA í liststjórnun frá sama skóla árið 2006. Hún hefur haldið nokkrar einkasýningar meðal annars í Listasafni Reykjanesbæjar, í Suðsuðvestur, Flóru á Akureyri, í SÍM salnum, sal Íslenskrar grafíkur auk þess að taka þátt í samsýningum í Listasafni Íslands, Hafnarborg, Listasafni Reykjanesbæjar, 002 gallerí og í myndbandsgjörningi í Tate Britain. Þetta er 16 einkasýning hennar, þá hefur Gunnhildur tekið þátt í fjölda samsýninga bæði hér heima og erlendis.

Sýningin stendur til 22. maí en galleríið er opið laugardaga og sunnudaga kl. 14-17. Ókeypis aðgangur.
 
Sjá nánar um sýninguna á vefsíðunni https://www.facebook.com/groups/289504904444621 og www.gunnhildurthordardottir.com


Nánari upplýsingar veitirDagrún Matthíasdóttir í Mjólkurbúðinni s. 8957173 og Gunnhildur Þórðardóttir símanúmer 8983419 [e-mail]

https://www.facebook.com/events/233652450338031

STINGUR Í AUGUN nr2 í Verksmiðjunni á Hjalteyri

Verksmiðjan á Hjalteyri býður yður að vera við opnun sýningarinnar 
STINGUR Í AUGUN nr2
14. maí kl. 15:00. og þiggja veitingar
-----------------------------------------------------------------------------------
Verksmiðjan in Hjalteyri cordially invites you to the exhibition opening 
STINGUR Í AUGUN nr2
14th May at 3 pm, drinks served

Kaktus í Verksmiðjunni á Hjalteyri.
Anne Balanant, Áki Sebastian Frostason, Brák Jónsdóttir, Freyja Reynisdóttir, Hekla Björt Helgadóttir, Jónína Björg Helgadóttir og norðlenskir listamenn.

Verksmiðjan á Hjalteyri, / 14.05 – 28.05 2016 / Neðst á Hjalteyri við Eyjafjörð / 601 Akureyri.
http://verksmidjanhjalteyri.com/

Opnun laugardaginn 14. maí kl. 15:00 / Opið alla virka daga kl. 14:00 – 17:00 en opnunartími og dagskrá um helgar verða auglýst sérstaklega.

“Stingur í augun” Opnun nr. 2

Laugardaginn 14. maí verður önnur opnunin í röðinni “Stingur í augun” - Kaktus á Hjalteyri. Hópurinn sem stendur á bak við listarýmið Kaktus í Listagilinu á Akureyri dvelur í Verksmiðjunni á Hjalteyri allan maímánuð og um síðustu helgi var fyrsta opnunin af fjórum sem þau standa fyrir þar. Í þetta skiptið fá Kaktusar til liðs við sig listamenn af Norðurlandi, bæði reynslubolta og nýgræðinga og munu þeir setja svip sinn á Verksmiðjuna. Opnunin verður kl. 15:00 – 19;00 laugardaginn 14. maí og opið verður milli 14:00 – 17:00 sunnudaginn 15. maí. Sérstakir viðburðir verða á laugardeginum kl. 16:00. Verksmiðjan er opin gestum og gangandi frá kl. 14 - 17 alla virka daga, en Kaktus meðlimir hafa flutt vinnustofur sínar tímabundið í Verksmiðjuna, svo gestir geta skoðað sýningar en einnig fylgst með framvindunni. 




Dagskrá mánaðarins: 

14. - 15. maí: Norðlenskir listamenn í bland við Kaktus
21. - 22. maí: Kaktus fær til liðs við sig lokaársnema úr Listaháskóla Íslands
28. maí: Listahátíðin Ymur, sem er bland af tónlist, innsetningum, gjörningum og vídeólist.


Listahópurinn Kaktus samanstendur af sex ólíkum listamönnum, en það eru Anne Balanant, Áki Sebastian Frostason, Brák Jónsdóttir, Freyja Reynisdóttir, Hekla Björt Helgadóttir og Jónína Björg Helgadóttir. Þau stofnuðu saman lista- og menningarýmið Kaktus í mars árið 2015, en þau reka rýmið í sameiningu ásamt því að hafa sýnt saman. 

Kaktus er styrktur af Akureyrarstofu, Norðurorku, Uppbyggingarsjóði Norðurlands eystra og Alþýðuhúsinu á Siglufirði. 

Frekari upplýsingar veita: Jónína Björg Helgadóttir á [e-mail] eða í
síma 663-2443
Gústav Geir Bollason [e-mail] [e-mail] og í síma: 4611450 og 6927450

Koma listamannanna og sýningin eru styrkt af, Uppbyggingarsjóði, Myndlistarsjóði og Ásprenti. Bakhjarl Verksmiðjunnar er Hörgársveit. Verksmiðjan á Hjalteyri er handhafi Eyrarrósarinnar 2016.

https://www.facebook.com/events/1079970735381877