Sýning á lokaverkefnum nemenda listnáms- og hönnunarbrautar VMA, Síðasti séns, í Listasafninu

Laugardaginn 21. apríl kl. 15 verður opnuð sýning á lokaverkefnum nemenda listnáms- og hönnunarbrautar VMA, Síðasti séns, í Listasafninu á Akureyri, Ketilhúsi.

Sýningar á lokaverkefnum nemenda hafa lengi verið fastur liður í starfsemi listnáms- og hönnunarbrautar Verkmenntaskólans á Akureyri. Sýningarnar eru tvær yfir árið, annars vegar í lok vorannar og hins vegar í lok haustannar. Þetta er fjórða árið í röð sem þær eru haldnar í samstarfi við Listasafnið á Akureyri.

Við undirbúning slíkra sýninga velja nemendur sér verkefni eftir áhugasviði þar sem þeim gefst tækifæri til að kynna sér nýja miðla eða dýpka skilning sinn á þeim sem þeir hafa áður kynnst.

Á sýningunni má sjá afrakstur lokaverkefnisáfanga nemenda á textíl- og myndlistarlínu listnámsbrautarinnar. Við undirbúning sýningarinnar velja nemendur sér verkefni eftir áhugasviði þar sem þeim gefst tækifæri til að kynna sér nýja miðla eða dýpka skilning og þekkingu sína á þeim sem þau hafa áður kynnst.

Að baki verkanna liggur hugmynda- og rannsóknarvinna og leita nemendur víða fanga í eigin sköpunarferli, allt eftir því hvað hentar hverri hugmynd og þeim miðli sem unnið er með. Nemendur fá eina önn til að vinna að lokaverkefnum sínum og uppsetningu sýningar í samtali og samvinnu við leiðsagnarkennara og samnemendur þar sem frumkvæði, hugmyndaauðgi og öguð vinnubrögð eru lögð til grundvallar.

Síðasti séns er heiti sýningarinnar sem opnar í Listasafninu laugardaginn 21. apríl klukkan 15:00 og stendur hún til 29. apríl og er opin alla daga nema mánudag kl. 12-17.

Nemendur hönnunar og textíllínu:

Diljá Tara Pálsdóttir

Fönn Hallsdóttir

Guðrún Borghildur Eyfjörð Ásgeirsdóttir

Salka Heimisdóttir

Sara Katrín D’Mello

 

Nemendur myndlistarlínu:

Alexandra Guðný Berglind Haraldsdóttir

Ása María Skúladóttir

Dagbjört Ýr Gísladóttir

Guðrún Brynjólfsdóttir

Heimir Sindri Þorláksson

Kristján Breki Björnsson

Kristján Loftur Jónsson

Magnea Rut G.

Maj-Britt Anna Bjarkardóttir

Máni Bansong Kristinsson

Maríanna Ósk Mikaelsdóttir

Mjöll Sigurdís Magnúsdóttir

Patrekur Örn Kristinsson

Patryk Kotowski

Piotr Maciej Kotowski

Þorbergur Erlendsson

https://www.facebook.com/events/213805492726221

listak.is