Fjölskylduleiðsögn í Listasafninu og hægt að búa til sitt eigið listaverk

Laugardaginn 13. maí 2017 kl. 11-12 verður fjölskylduleiðsögn í Listasafninu á Akureyri, Ketilhúsi. Heiða Björk Vilhjálmsdóttir, fræðslufulltrúi, segir börnum og fullorðnum frá Sköpun bernskunnar 2017, samsýningu skólabarna og listamanna, og sýningu Aðalsteins Þórssonar, Einkasafnið, maí 2017. Að lokinni leiðsögn er gestum boðið að búa til sitt eigið listaverk, innblásið af verkum listamannanna og barna. Aðgangur ókeypis.