Gunnar Kr. sýnir í Listasafninu á Akureyri

13987564_1197431290278711_1586534140151092656_o

Á Akureyrarvöku, laugardaginn 27. ágúst kl. 15, opnar Gunnar Kr. sýninguna Formsins vegna í Listasafninu á Akureyri. Myndlist Gunnars Kr. einkennist af slagkrafti og þunga sem birtist með fjölbreyttum hætti. Hann hefur t.d. teiknað biksvartar blýsólir og logskorið stálblóm. Undanfarin misseri hefur Gunnar notað fislétt og viðkvæmt hráefni til myndgerðar – pappír – sem hann mótar, sker, litar og raðar saman uns tilætluðum áhrifum er náð. Í spennunni milli formrænnar tjáningar listamannsins annars vegar og hráefnisins sem hann notar hins vegar, er feiknarleg orka. Verk Gunnars Kr. líkjast um margt náttúrunni sjálfri; þau eru sterk, form endurtaka sig og fegurðin ríkir – þótt hún sé á stundum ógnvekjandi. Kröftug en þó viðkvæm.
Myndlistarferill Gunnars Kr. spannar þrjátíu ár og hefur hann víða komið við. Á fjölmörgum sýningum hefur hann sýnt málverk, skúlptúra, teikningar og vatnslitamyndir. Gunnar býr og starfar að list sinni á Akureyri. Sýningarstjóri er Joris Rademaker.


Í tilefni sýningarinnar kemur út sýningarskrá með textum eftir Hlyn Hallsson og Joris Rademaker og ljóðum eftir Aðalstein Svan Sigfússon.

Listasafnið verður opið til kl. 22 á opnunardegi sýningarinnar. Sýningin er opin daglega kl. 10-17 út ágúst en eftir það kl. 12-17 þriðjudaga til sunnudaga. Aðgangur er ókeypis. Leiðsögn um sýningar Listasafnsins er á fimmtudögum kl. 12.15-12.45.

listak.is

listak.is/is/syningar/naestu-syningar/gunnar-kr

facebook.com/events/922887221156829

 


Afmælissýning Samúels Jóhannssonar í Hofi

14054960_510172082511018_6690994129072899014_n

Í verkum sínum vinnur Samúel með akríl, vatnsliti, tússblek, járn og lakk.

Viðfangsefni Samúels er mannslíkaminn og andlitið. Að þessu sinni einbeitir hann sér fremur að túlkun andlitsins en formum hinna ýmsu líkamshluta.
Myndmál hans er sterkt, bæði hvað varðar liti og form, og svipbrigði í andlitum hans eru hörð. Stundum virðist hann vinna með óbærilegan léttleika í tilverunni í myndum sínum – hughrif sem skapa léttúð og þunga i senn, en eru ekki svo fjarri manneskjunni þegar á allt er litið.” (tilvitnun)


Myndverkasýningar Samúels eru orðnar fjölmargar, rúmlega 30 einkasýningar auk fjölda samsýninga hér heima og erlendis.

Opnun föstudaginn 26. ágúst kl. 18

 

Bloggfærslur 20. ágúst 2016

Innskráning

Ath. Vinsamlegast kveikið á Javascript til að hefja innskráningu.

Hafðu samband