12.8.2016 | 23:03
Gjörningakvöldið "Umbúðalaus" í Deiglunni, laugardaginn 13. ágúst
Verið velkomin á gjörningakvöldið Umbúðalaus í Deiglunni, laugardaginn 13. ágúst kl. 20:30. Umbúðalaus er partur af Listasumri á Akureyri. Léttar veitingar í boði.
Umbúðalaus er hugsað sem vettvangur fyrir nýjar hugmyndir, tilraunir og mistök en líka töfrana sem skapast við nándina og augnablikið sem kemur aldrei aftur.
Listamenn sem koma fram eru:
Yu Shuk Pui Bobby 'Examination'
Freyja Reynisdóttir 'List'
Örnólfur Hlynur 'Trúir þú á áfengisdjöfulinn?'
Nánari upplýsingar veitir Heiðdís Hólm s. 8482770, heiddis.holm(hjá)gmail.com.
www.listasumar.is
https://www.facebook.com/events/273128909725249
12.8.2016 | 21:38
Lilý Erla Adamsdóttir opnar sýninguna "Skógur" í Flóru
Lilý Erla Adamsdóttir
Skógur
13. ágúst - 13. september 2016
Opnun laugardaginn 13. ágúst kl. 14
Flóra, Hafnarstræti 90, 600 Akureyri, s. 6610168
http://floraflora.is
https://www.facebook.com/flora.akureyri
Laugardaginn 13. ágúst kl. 14-17 opnar Lilý Erla Adamsdóttir sýninguna Skógur í Flóru á Akureyri.
Sýningin er unnin út frá sænskum skógum, hugmyndum um einstaklinginn og hvernig innri heimar geta orðið til í samstarfi skynjunar og ímyndunarafls. Verkin samanstanda af tálguðum tréfígúrum úr veðruðu spreki skógarbotna Svíþjóðar og máluðum mynstrum.
Lilý útskrifaðist með BA gráðu í myndlist frá Listaháskóla Íslands, diplóma í textíl frá Myndlistaskóla Reykjavíkur og er nú hálfnuð með mastersnám í listrænum textíl frá Textílháskólanum í Borås. Hún hefur fundið verkum sínum farveg í gjörningalist, ljósmyndum, vídeói og textíl svo eitthvað sé nefnt. Endurtekning er áberandi í verkum hennar og fjalla þau oft um munstrið sem skapast með hegðun okkar í daglegu lífi.
Sýningin er öllum opin á opnunartíma Flóru: mán.-lau. kl. 10-18.
Sýningin stendur til þriðjudagsins 13. september 2016.
Flóra er verslun og viðburðastaður með vinnustofum sem Kristín Þóra Kjartansdóttur félagsfræðingur rekur. Áherslan er á nýtingu, endur-nýtingu, náttúrutengsl og verkmenningu.