Listamannaspjall í Kompunni, Alþýðuhúsinu á Siglufirði

10382756_10203693190827070_6765523733436765849_n

Freyja Reynisdóttir dvaldi í Alþýðuhúsinu fyrir áramótin og vann á staðnum sýningu inní Kompuna sem hún kallar FJÖGUR MÁLVERK.  Opnunin var svo á fyrstu mínútu nýja ársins, 2015.  
Nú er komið að síðustu sýningarhelgi þessarar sýningar og á sunnudaginn 1. feb. ætlar Freyja að spjalla um verkin í Kompunni, lífið og listina.
Heitt verður á könnunni og góðgæti með, allir velkomnir.

https://www.facebook.com/events/328145134046512


Sýning í febrúar í Listhúsi

1946692749_orig

The observance of short days (myndir sýning)
Nastasya Tay og Yiannis Hadjiaslanis

Opið: 3. febrúar 2015 | kl. 19:00 | Listhús Gallery

sýning frá 4. til 10. febrúar 2015| kl. 17:00-20:00
 
Nastasya og Yiannis eru photojournalist og búa í suður-Afríka. Þau eru sýna nýjar myndir sínar tekin á Íslandi.
 
CENTRE
Joe Scullion og Sinead Onora Kennedy

13.-19. febrúar 2015 | kl. 17:00-20:00 |
Listhús gallery
 
Joe og Sinead eru írsk. Þau eru að sýna nýjar teikningar.
 
meiri upplýsingar að sjá á www.listhus.com
 
 
Allir velkomnir


Salt: Pappírsdagar / Salt: Paperdays

1458473_697798830329041_8928180713567109277_n

FYRSTI HLUTI

SALT: Pappírsdagar
(english description at bottom)

Á föstudagskvöld verður fyrsta opnun bókverksins og samstarfsins SALT VATN SKÆRI. Fyrsti hluti bókarinnar heitir SALT og á föstudagskvöldinu gefst gestum kostur á að vera viðstaddir frumsýningu Salts.

Sagan er þrískipt nóvella og heita hlutarnir eftir megin táknum sögunnar: SALT, VATN og SKÆRI. Þessi tákn eru síendurtekin og gegnumgangandi í atburðarásinni og marka andvara og ástand söguheimsins og persónanna sjálfra.

Að verkefninu standa Freyja Reynisdóttir og Hekla Björt Helgadóttir, en þær búa og starfa saman að SALT VATN SKÆRI í Kaupvangsstræti 23 í Listagilinu á Akureyri.

Húsið opnar klukkan 20:00 og sýningin byrjar á slaginu 20:30

Allir eru hjartanlega velkomnir.

Laugardaginn 31. janúar verður húsið svo opið frá 14:00 - 17:00 þar sem leifar þessa fyrsta atburðar verða til sýnis fyrir þá sem ekki gátu komist daginn áður.

www.salt-water-scissors.com
http://salt-water-scissors.com/freyja
http://salt-water-scissors.com/hekla
______________________________________________

höfuðið hús

stundum kalt og dimmt.

kringt garði og trjám.

mosavaxin gólf.

Pappírsborð.

Lykt af blautri mold

og dísæt angan

af rotnandi laufi og ávöxtum

það er lín mitt og kör

og ég ligg

og ég horfi upp í bylgjandi græna blævængi

Í eldhúsinu flæðir hafið um gólfflötinn

ég veð saltið á tánum

og sýð í pottum

rotnandi lauf og ávexti

það er líf mitt og slör

hinnar vatnsbláu brúðar hússins
_______________________________________________

First Part

SALT: Paperdays

First opening of the SALT WATER SCISSORS manuscript and collaboration will be held this Friday evening. The first part of the story goes by the name of Salt and with this event people are invited to witness its premiere.

The story is split into three parts and each part is named after its main symbol: SALT, WATER and SCISSORS. These symbols are recurrent throughout the story and its events and give a tone to the attitude and mood of the world and the characters of the manuscript.

Freyja Reynisdóttir and Hekla Björt Helgadóttir are the people behind this collaboration. They live and work together during its realisation at Kaupvangsstræti 23, Akureyri.

The house opens at 20:00 and the show starts at the minute 20:30.

Everybody is invited.

Saturday 31. January, the house will be open from 14:00-17:00 where remnants of the event will be up for display for people who did not make it the day before.

www.salt-water-scissors.com
http://salt-water-scissors.com/freyja
http://salt-water-scissors.com/hekla

https://www.facebook.com/events/1532601253688298


Kristján Pétur Sigurðsson opnar sýningu í vestursal Listasafnsins á Akureyri

large_kristjan-petur_vefur

Laugardaginn 31. janúar kl. 15 verður opnuð í vestursal Listasafnsins á Akureyri sýning Kristjáns Péturs Sigurðssonar, Þriggja radda þögn og Rauða. Á sýningunni gefur að líta skúlptúrinn Rauða Þögn, en sú þögn hefur ferðast víða og alltaf þráð að komast inn í listasafn, og mynd af tónverki þar sem þögn er útsett fyrir píanó og selló. Vegna þess að nostra þarf við þagnir mun ásýnd verksins taka daglegum breytingum á sýningartímanum. Á lokamínútum sýningarinnar mun Kristján Pétur rjúfa þögnina með söng.

Sýningin verður opin sunnudag, þriðjudag, miðvikudag og fimmtudag kl. 12-17. Henni lýkur formlega fimmtudaginn 5. febrúar kl. 15 með lokunarteiti.

Myndlistarferill Kristjáns Péturs Sigurðssonar hófst 1984 með samsýningunni Glerá ´84. Hann hefur haldið nokkrar einkasýningar og tekið þátt í samsýningum. Kristján hefur einnig gefið út fjölrit, þrjár kvæðabækur og nokkrar hljómplötur. Síðustu 10 ár var Kristján meðlimur í listsmiðjunni Populus tremula sem starfrækt var með blóma í kjallara Listasafnsins.

Sýningin er hluti af sýningaröð sem hófst 10. janúar og mun standa til 8. mars og inniheldur 8 vikulangar sýningar. Habby Osk og Brenton Alexander Smith hafa þegar sýnt og nú stendur yfir sýning Jónu Hlífar Halldórsdóttur, Hola í vinnslu. Aðrir sýnendur eru í tímaröð: Þóra Karlsdóttir, Joris Rademaker, Lárus H. List og Arnar Ómarsson.

http://www.listak.is

https://www.facebook.com/events/1378331485809622


Hundur í óskilum með Þriðjudagsfyrirlestur í Listasafninu á Akureyri, Ketilhúsi

large_hundur-i-oskilum_vefur

Þriðjudaginn 27. janúar kl. 17 heldur hljómsveitin Hundur í óskilum, skipuð þeim Hjörleifi Hjartarsyni og Eiríki Stephensen, fyrirlestur í Listasafninu á Akureyri, Ketilhúsi undir yfirskriftinni Hundalógík. Þar munu þeir félagar velta fyrir sér Hundi í óskilum og hvort eitthvað sé á bak við hann.

Hundur í óskilum varð til í leikfélagspartíi á Dalvík fyrir 20 árum og ætlaði sér aldrei stóra hluti. Þrátt fyrir litlar væntingar í upphafi hefur hljómsveitin troðið upp við fjölbreyttar aðstæður beggja vegna Atlantsála, gefið út tvær plötur án þess að fara í stúdíó, haldið úti óskalagaþætti í útvarpi fyrir minnihlutahópa, haldið uppi innanlandsflugi Flugfélags Íslands, starfrækt tveggja manna leikhús og hlotið tvær grímur fyrir leikhústónlist en aldrei sungið í Frostrósum. 

Þetta er annar Þriðjudagsfyrirlestur ársins og sem fyrr fara þeir fram í Listasafninu á Akureyri, Ketilhúsi á hverjum þriðjudegi kl. 17. Aðgangur er ókeypis.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Aðrir fyrirlesarar vetrarins eru Arnar Ómarsson, Pi Bartholdy, Margeir Dire Sigurðsson, Guðmundur Heiðar Frímannsson, Elísabet Ásgrímsdóttir, Katrín Erna Gunnarsdóttir, María Rut Dýrfjörð, Jón Páll Eyjólfsson og Hildur Friðriksdóttir.

Hér eru allir fyrirlestrarnir í tímaröð:

13.1. Jóna Hlíf Halldórsdóttir, myndlistarkona og formaður SÍM
27.1. Eiríkur Stephensen og Hjörleifur Hjartarson, Hundar í óskilum
3.2. Arnar Ómarsson, myndlistarmaður
10.2. Pi Bartholdy, ljósmyndari
17.2. Margeir Dire Sigurðsson, myndlistarmaður
24.2. Guðmundur Heiðar Frímannsson, heimspekiprófessor 
3.3. Elísabet Ásgeirsdóttir, myndlistarkona
10.3. Katrín Erna Gunnarsdóttir, myndlistarkona
17.3. María Rut Dýrfjörð, grafískur hönnuður
24.3. Jón Páll Eyjólfsson, leikhússtjóri Leikfélags Akureyrar
31.3. Hildur Friðriksdóttir, meistaranemi HA

http://listak.is/

https://www.facebook.com/events/414270212068620


Hola í vinnslu opnar í vestursal Listasafnsins á Akureyri

large_hola_vefur

Laugardaginn 24. janúar kl. 15 verður opnuð í vestursal Listasafnsins á Akureyri sýningin Hola í vinnslu. Þar sýna nemendur úr fagurlistadeild Myndlistaskólans á Akureyri verk í sköpun undir leiðsögn Jónu Hlífar Halldórsdóttur, myndlistarmanns, stundakennara við Listaháskóla Íslands og Myndlistaskólann á Akureyri og formanns Sambands íslenskra myndlistarmanna. Á undanförnum árum hefur Jóna Hlíf verið afar virk í sýningarhaldi bæði á einka- og samsýningum auk þess sem hún hefur aðstoðað við sýningar í tengslum við Höggmyndagarðinn og Myndhöggvarafélagið. Nemendurnir breyta vestursal Listasafnsins í eina stóra vinnustofu og vinna þar fram á síðasta dag, fimmtudaginn 29. janúar, en þá verður sýningin tilbúin og opnuð formlega. Áhugasamir gestir geta komið og átt samtal við nemendurna og jafnvel haft áhrif á ákvörðunartöku er varðar verk og uppsetningu þeirra.

Nemendurnir eru: Atli Tómasson, Elísabet Ásgrímsdóttir, Hallrún Ásgrímsdóttir, Heiðdís Hólm, Helga Bergrún Sigurbjörnsdóttir, James Cistam, Jónína Björg Helgadóttir, Karen Dögg Geirsdóttir, Margrét Kristín Karlsdóttir, Sigrún Birna Sigtryggsdóttir, Snorri Þórðarson, Steinunn Steinars og Tinna Rós Þorsteinsdóttir.

Sýningin er hluti af sýningaröð sem mun standa til 8. mars og inniheldur 8 vikulangar sýningar. Habby Osk hefur þegar sýnt og nú stendur yfir sýning Brenton Alexander Smith en aðrir sýnendur eru í tímaröð Kristján Pétur Sigurðsson, Þóra Karlsdóttir, Joris Rademaker, Lárus H. List og Arnar Ómarsson.

http://www.listak.is

https://www.facebook.com/events/1533892103534972


Þorvaldur Guðni Sævarsson sýnir í Listasalnum Braga í Rósenborg

10933757_592967094138792_2156800553050607115_n

Laugardaginn 24. janúar kl 14:00 opnum við dyr hér í Listasalnum Braga, fjórðu hæð í Rósenborg. Þorvaldur Guðni Sævarsson er fyrsti þátttakandinn okkar en hann hefur unnið að teikningum og málverkum síðustu tvær vikur.

Sjá má ýmis verk eftir Þorvald á alter ego síðu hans: Skaðvaldur

Það er tilvalið að kíkja til okkar í Braga kl 14:00 og rölta svo niður gilið á sýningu Jónu Hlífar Halldórsdóttur í Listasafnið Á Akureyri sem hefst kl 15:00.

Verið velkomin! :)

Listasalurinn Bragi, fjórðu hæð í Rósenborg

Skólastígur 2, 600 Akureyri

https://www.facebook.com/ListasalurinnBragi

https://www.facebook.com/events/769490359786345


Jóna Hlíf Halldórsdóttir formaður SÍM á fundi í Sal Myndlistarfélagsins

large_1421080190_jona_vefur

Næstkomandi miðvikudagskvöld 21. janúar gefst okkur frábært tækifæri á að hitta hana Jónu Hlíf Halldórsdóttur formann SÍM þar sem hún ætlar að fjalla um starfsumhverfi myndlistarfólks á Íslandi. Fundurinn er á vegum SÍM og Myndlistarfélagsins og hefst hann kl.20.00 í salnum okkar að Kaupvangsstræti 10.  
Við hvetjum ykkur til að fjölmenna á fundinn því viðfangsefnið snertir okkur mörg ef ekki öll sem störfum við myndlist á Akureyri.  Miklar breytingar hafa t.d. orðið á vinnuaðstöðu þeirra listamanna sem áttu pláss í Listasafninu en hafa þurft að yfirgefa það og finna sér nýtt. Margir hafa ennþá ekki fundið sér pláss og eru í miklum vandræðum. Myndlistarfélagið er hagsmunafélag myndlistarmann og höfum við sem sitjum í stjórn mikinn áhuga á því að kynna okkur starfsemi SÍM betur hvað varðar þessi málefni og vinna að þeim með ykkur. Við viljum síður en svo að aðstæður sem þessar og óstöðugleiki skapist í okkar vinnuumhverfi og nú höfum við tækifæri á miðvikudaginn að læra og nýta okkur hugmyndir annarra listamanna sem komnir eru lengra en við á þessu sviði. Breyttar aðstæður gætu opnað dyr að nýjum og spennandi tækifærum fyrir okkur :)

Verið hjartanlega velkomin og við hlökkum til að sjá ykkur.


Hildur Friðriksdóttir með Þriðjudagsfyrirlestur í Ketilhúsinu

10931351_880923481929495_1061654494167432595_n

Þriðjudaginn 20. janúar kl. 17 heldur Hildur Friðriksdóttir, meistaranemi í félagsvísindum við Háskólann á Akureyri, fyrirlestur í Listasafninu á Akureyri, Ketilhúsi undir yfirskriftinni Hin fullkomna kvenímynd. Þar mun hún fjalla um félagslega og menningarlega mótaðar hugmyndir um kvenleika og með hvaða hætti þær birtast í menningu og listum. Jafnframt ætlar Hildur að tala um listakonur sem hafa notað listsköpun til að miðla pólitískri ádeilu á útlitskröfur samtímans.

Hildur Friðriksdóttir útskrifaðist með B.A. próf í nútímafræði við HA 2013 og stundar nú meistaranám í félagsvísindum sem og diplómanám í menntunarfræðum við sama skóla.

Þetta er annar Þriðjudagsfyrirlestur ársins og sem fyrr fara þeir fram í Listasafninu á Akureyri, Ketilhúsi á hverjum þriðjudegi kl. 17. Aðgangur er ókeypis.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Á meðal annarra fyrirlesara vetrarins eru Hildur Friðriksdóttir, Eiríkur Stephenson og Hjörleifur Hjartarson (Hundur í óskilum), Margeir Dire Sigurðsson, Pi Bartholdy, Guðmundur Heiðar Frímannsson, Elísabet Ásgeirsdóttir, Katrín Erna Gunnarsdóttir, María Rut Dýrfjörð og Jón Páll Eyjólfsson.

Hér eru allir fyrirlestrarnir í tímaröð:

13.1. Jóna Hlíf Halldórsdóttir, myndlistarkona og formaður SÍM
20.1. Hildur Friðriksdóttir, meistaranemi HA
27.1. Eiríkur Stephensen og Hjörleifur Hjartarson, Hundar í óskilum
3.2. Arnar Ómarsson, myndlistarmaður
10.2. Pi Bartholdy, ljósmyndari
17.2. Margeir Dire Sigurðsson, myndlistarmaður
24.2. Guðmundur Heiðar Frímannsson, heimspekiprófessor
3.3. Elísabet Ásgeirsdóttir, myndlistarkona
10.3. Katrín Erna Gunnarsdóttir, myndlistarkona
17.3. María Rut Dýrfjörð, grafískur hönnuður
24.3. Jón Páll Eyjólfsson, leikhússtjóri Leikfélags Akureyrar

http://listak.is/

https://www.facebook.com/events/900022206698208


Rósa Sigrún Jónsdóttir og Brenton Alexander Smith opna sýningar í Listasafninu á Akureyri

large_svelgir-2_vefur

Laugardaginn 17. janúar kl. 15 verða opnaðar tvær sýningar í Listasafninu á Akureyri; annars vegar sýning Rósu Sigrúnar Jónsdóttur, Svelgir, í Ketilhúsinu og hins vegar opnar ástralski listamaðurinn Brenton Alexander Smith undir yfirskriftinni Með vélum / Together With Machines í vestursal Listasafnsins. Síðarnefnda sýningin er hluti af sýningaröð sem mun standa til 8. mars og inniheldur 8 vikulangar sýningar. Habby Osk sýndi í síðustu viku en aðrir sýnendur eru í tímaröð: Jóna Hlíf Halldórsdóttir, Kristján Pétur Sigurðsson, Þóra Karlsdóttir, Joris Rademaker, Lárus H. List og Arnar Ómarsson.

Rósa Sigrún Jónsdóttir útskrifaðist frá Kennaraháskóla Íslands 1987 og Listaháskóla Íslands 2001. Hún hefur haldið fjölda einkasýninga á Íslandi og erlendis og tekið þátt í fjölmörgum samsýningum. Rósa var formaður Myndhöggvarafélagsins í Reykjavík í fjögur ár auk þess að vera fulltrúi SÍM í Listskreytingasjóði og sitja sem varamaður í stjórn félagsins.

„Það er eitthvað við handavinnu sem nær tökum á mér, hendurnar verða háðar henni og höfuðið finnur ekki frið nema eitthvað sé í gangi milli handanna,“ segir Rósa. Frá útskrift úr Listaháskólanum hef ég öðru hvoru sett upp nokkuð stórar textílinnsetningar byggðar upp af hekli og prjóni sem strekkist út í rýminu. Mér finnst áhugavert að skoða þennan efnivið sem á sér svo djúpar rætur í menningarheimi kvenna og láta reyna á þanþolið í þræðinum“.

Að þessu sinni fékk Rósa til liðs við sig hóp kvenna sem hefur heklað og prjónað samkvæmt nokkrum fyrirfram gefnum reglum um form og liti frá því í ágúst 2014. Sýningin stendur til 1. mars.

http://www.listak.is

Brenton_vefur-300x450


Skammdegishátíð 2015 í Listhúsi Ólafsfirði

9921552_orig

Listhus is honor to present a multi-disciplinary exhibition of work created during the dark winter, featuring individual reflections on local encounters, mysterious landscapes and indoor living in North Iceland. The grand opening will be on January 16 at Listhus.
 
Besides the exhibition, Ana Cláudia de Assis will have a Piano concert with contemporary portuguese and brazilian music that is premieres in Iceland.
On January 21, Anton Benois and Beth Dillon will host a community buffet in the Listhus gallery to celebrate the return of the sun to Olafsfjordur. A feast of yellow-coloured foods will be provided. All welcome.

A video screening will be the closing program at 8pm, January 25.

Programs/Dagskrá

• Opening with performance | 16 Jan. | 8-11pm | Listhus, Ægisgötu 10, Ólafsfirði

• Skammdegi Art Exhibition | 17-25. Jan. | 17:00-20:00 | Every Thurs. to Sun. | Listhus gallery

• Piano concert with contemporary portuguese and brazilian music
   by Ana Cláudia de Assis | 18 Jan. | 17:00 | Menningarhúsið Tjarnarborg í Fjallabyggð

• Yellow Belly Sunrise Buffet | 21 Jan. | 8-11pm | Listhus gallery

• Screening | 25 January | 20:00 | Listhus Gallery

Some more events will be confirmed soon.

 Skipulagt af /Organized by:

Listhus ses. (www.listhus.com)
Samstarfsaðili / Venue supported by: Menningarhúsið Tjarnarborg í Fjallabyggð

Upplýsingar / Inquiry: Alice Liu +354 8449538 or listhus@listhus.com


Jóna Hlíf Halldórsdóttir með Þriðjudagsfyrirlestur í Listasafninu á Akureyri, Ketilhúsi

large_jona_vefur

Þriðjudaginn 13. janúar kl. 17 heldur Jóna Hlíf Halldórsdóttir, myndlistarmaður og formaður Sambands íslenskra myndlistarmanna, fyrsta Þriðjudagsfyrirlestur ársins í Listasafninu á Akureyri, Ketilhúsi undir yfirskriftinni Kjarni. Þar mun Jóna Hlíf fjalla um eigin myndlistarferil og verkefni sem hún hefur staðið fyrir. Einnig mun hún fjalla um starf sitt sem formaður SÍM og segja frá helstu hagsmunamálum.

Jóna Hlíf Halldórsdóttir nam við Fagurlistadeild Myndlistaskólans á Akureyri á árunum 2003 til 2005 og lauk MFA-gráðu frá Glasgow School of Art í Skotlandi 2007. Árið 2012 útskrifaðist hún með MA í listkennslu frá Listaháskólanum, en hún býr og starfar í Reykjavík.

Jóna Hlíf vinnur í ólíka miðla og hefur unnið fjölbreytt verk, bæði á einkasýningum og í samvinnu við aðra listamenn. Jóna Hlíf starfar sem stundakennari hjá Myndlistaskólanum á Akureyri og Listaháskóla Íslands. Nánari upplýsingar um hana er að finna á heimasíðunni jonahlif.com.

Þetta er fyrsti Þriðjudagsfyrirlestur ársins og sem fyrr fara þeir fram í Listasafninu á Akureyri, Ketilhúsi á hverjum þriðjudegi kl. 17. Aðgangur er ókeypis.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Á meðal annarra fyrirlesara vetrarins eru Hildur Friðriksdóttir, Eiríkur Stephenson og Hjörleifur Hjartarson (Hundur í óskilum), Margeir Dire Sigurðsson, Pi Bartholdy, Guðmundur Heiðar Frímannsson, Katrín Erna Gunnarsdóttir, María Rut Dýrfjörð og Jón Páll Eyjólfsson.

Dagskrá vetrarins má sjá hér að neðan:

13. janúar
Jóna Hlíf Halldórsdóttir, myndlistarkona og formaður SÍM

20. janúar
Hildur Friðriksdóttir, meistaranemi HA

27. janúar
María Rut Dýrfjörð, grafískur hönnuður

3. febrúar
Arnar Ómarsson, myndlistarmaður

10. febrúar
Pi Bartholdy, ljósmyndari

17. febrúar
Margeir Dire Sigurðsson, myndlistarmaður

24. febrúar
Guðmundur Heiðar Frímannsson, heimspekiprófessor 

3. mars
nánar tilkynnt síðar

10. mars
Katrín Erna Gunnarsdóttir, myndlistarkona

17. mars
Hjörleifur Hjartarson, tónlistarmaður

24. mars
Jón Páll Eyjólfsson, leikhússtjóri Leikfélags Akureyrar

 

http://www.listak.is

https://www.facebook.com/listasafnid.akureyri
https://twitter.com/AkureyriArt
http://instagram.com/listak.is

https://www.facebook.com/events/900022206698208

 


James E's Cistam sýnir í Gallerí Ískáp og Pöddufull Praktík í Útibúinu

10422473_552076771593436_289835520322015267_n

Laugardagur, 10. janúar, 14:00 - 17:00.

James E's Cistam
Brotálfar frá annarri vídd.

Á sýningunni "Brotálfar frá annarri vídd vinnur James með hugmyndir og verk Terence McKenna. McKenna var bandarískur heimspekingur, plöntufræðingur og rithöfundur. Hann vann mikið með ofskynjunaráhrif plöntunar og sá brotálfa (Machine Elves) þegar hann var undir áhrifum. James tekur brotálfana hans McKenna og útfærir þá og mótar að sínu eigin hugarfari og liststíl. James vinnur mikið með liti og form og útfærir viðfangsefni sín með hjálp tónlistar og hreyfingar.

James er nemandi á þriðja ári á Fagurlistadeild Myndlistaskólans á Akureyri. Hann hefur tekið þátt í ýmsum samsýningum á Akureyri, vann spreyverk í Listagilinu á Akureyri á Akureyrarvöku 2014 og hélt sína fyrstu einkasýningu í Menntaskólanum á Akureyri vorið 2014.

Verk eftir James er að finna á Facebook-síðu hans: Cistam, James E. E.

Gallerí Ískápur er staðsettur í Samlaginu, sem er staðsett á Vinnustofum Listamanna í Portinu, Kaupvangsstræti 12 (Listasafnið), gengið inn að ofan og aftan.

-------------------

Í Útibúinu opnar sýningin "Pöddufull Praktík" eftir Samlagið.

Í Samlaginu eru: Heiðdís Hólm, Ívar Freyr og Jónína Björg.

Útibúið verður staðsett í Listagilinu, leitið og þér munuð finna!

Aðeins þennan eina dag!

Nánari upplýsingar veitir Heiðdís Hólm, í síma 848-2770 eða tölvupósti heiddis.holm hjá gmail.com

https://www.facebook.com/events/702516243197506


SALT VATN SKÆRI (KYNNING)

10917037_681628735279384_8782590318765796550_n

Við viljum bjóða ykkur öll hjartanlega velkomin laugardaginn 10. janúar að Kaupvangstræti 23, þar sem við opnum dyr íbúðarinnar á þessum fyrsta Gildegi ársins.

Þar munum við kynna ykkur fyrir þeirri starfsemi sem mun eiga sér stað næstu mánuði auk þess að rekja sögu og þróun SALT VATN SKÆRI síðustu fimm ára, í máli og myndum.

Við munum veita svör og bjóða upp á gosvatn úr bónus og örbylgjupopp í massavís. Vonumst til að sjá sem flesta frá 14:00 - 17:00

SALT - VATN - SKÆRI
ER HEITI Á ÓÚTGEFINNI NÓVELLU OG VÍÐÞÆTTU SAMSTARFSVERKEFNI HEKLU BJARTAR HELGADÓTTUR OG FREYJU REYNISDÓTTUR.

VERKEFNIÐ FER FRAM Í ÍBÚÐ Í LISTAGILINU Á AKUREYRI AÐ KAUPVANGSTRÆTI 23 ÞAR SEM LISTAMENNIRNIR MUNU BÚA OG STARFA Í ÞRJÁ MÁNUÐI. ÍBÚÐIN VERÐUR AÐ SÍBREYTILEGU SÝNINGARRÝMI ÞAR SEM VERKEFNIÐ SNÝR FYRST OG FREMST AÐ LISTRÆNNI TÚLKUN Á TEXTABROTUM NÓVELUNNAR SALT - VATN - SKÆRI SEM ÁÆTLUÐ ER TIL ÚTGÁFU SÍÐAR Á ÁRINU 2015.

ÍBÚÐIN MUN ÞVÍ BREYTAST STÖÐUGT TIL AÐ FANGA OG SVIÐSETJA SÖGUHEIM BÓKARINNAR OG BÝÐST ÁHORFENDUM AÐ GANGA INN Í LANDSLAG OG HUGARÁSTAND HENNAR OG UPPLIFA VERKIÐ MEÐAL ANNARS Í FORMI GJÖRNINGA, MYNDBANDSVERKA, HLJÓÐVERKA OG INNSETNINGA.

MIKIÐ VERÐUR LAGT UPP ÚR AÐ SKYNJUN ÁHORFENDA VERÐI MYNDRÆN EN ÞESS AÐ AUKI VERÐA TEXTABROT AÐGENGILEG HVERJU SINNI.

3 MÁNUÐIR - 6 OPNANIR

www.salt-water-scissors.com

https://www.facebook.com/events/1510063612616282


,,SENN ER SÓLARLAG" í Mjólkurbúðinni

10888663_10152535961732231_2543570428938953016_n

„SENN ER SÓLARLAG“

Sýning á teikningum KRISTINS G. JÓHANNSSONAR  verður opnuð í „MJÓLKURBÚÐINNI“  Kaupvangsstræti, laugardaginn  10. janúar  kl. 14.00 . Sýningin er  síðan opin tvær næstu helgar kl. 14-18 og lýkur sunnudaginn 25. janúar.
                                                                          
Kristinn  efndi til fyrstu sýningar sinnar á Akureyri 1954 en sýndi fyrst í Reykjavík 1962 í
Bogasal Þjóðminjasafnsins  og sama ár tók hann fyrsta sinni þátt í Haustsýningu FÍM í Listamannaskálanum.
Kristinn G hefur síðan sýnt oft og víða hér á landi og erlendis.  En „Senn er sólarlag“

Kristinn G. Jóhannsson um sýninguna:

Löngu er tilgangslaust, finnst mér, að setja á langar ræður eða skýringar á verkum þeim,  sem ég sýni hverju sinni, enda ég einatt við sama heygarðshornið og málverkið lýtur sínum lögmálum og fer sínu fram hvað sem hver segir.Ég  gríp því til sama ráðs og ég sé algengt er hjá meiri og minni rithöfundum og snillingum að þeir birta utan á bókum sínum dóma og umsagnir, þ.e. hvað aðrir hafa sagt um fyrri verk þeirra, ef mætti verða til glöggvunar verðandi lesendum. Sjaldan eru þar verstu umsagnirnar. Mér verður þeirra dæmi.  Svo vill til að ég á í fórum mínum umfjöllun um verk sem eru einmitt af sama toga og þau sem hér ber fyrir augu.  Annars vegar um brekkurnar og speglun þeirra í Pollinum og hins vegar um krítarmyndir, svarthvítar, frá fjörrum dögum.

„........Mér þóttu krítarmyndir hans skemmtilegastar og verður líklega að leita til  heimskreppunnar fyrir stríð til að finna hliðstæðu......“. ( Jónas Guðmundsson, Tíminn 29. Okt. 1982.)

„.......Krítar- og dúkristumyndir Kristins G. eru persónulegar og sannar og bera vott um mikla svartlistarhæfileika.........“ (Þjóðviljinn 29. Okt. 1982)

„.......Kristinn málar með þunnum olíulitum og í mörgum lögum ásamt því að fara stundum með sandpappír yfir yfirborð myndanna í lokin.  Þetta dregur fram textiláferð strigans og gerir myndirnar mýkri og loðnari og um leið lífrænni.  Það virðist eins og Kristinn sé í mismunandi ham eftir því hvaða hluta myndarinnar hann er að vinna.  Útfærslan á brekkunum gefur tilfinningu fyrir gegnheilli, andlegri og upphafinni skynjun á landinu, sem er allt að því líkamleg meðan speglunin í pollinum neðst í myndunum virðist hafa allt aðra eiginleika.  Þar speglast fjörugir litir á glansandi yfirborðinu, hugmynd sem gæti vísað til ímyndunaraflsins og hins fljótandi huga gegnt hugmyndinni um upplifun líkamans.  Þessi samsláttur ólíkra efnislegra yfirborða í myndunum er kannski áhugaverðari í hugmyndinni en í útfærslunni.  Hins vegar eru þetta sterk persónuleg einkenni listamannsins og aðal verkanna er einmitt sú persónulega nálgun sem í þeim býr, sú sálræna dýpt, sem birtist í síendurteknu samtali listamannsins við átthagabrekkur , sem voru og eru.....“ (Þóra Þórisdóttir, Morgunblaðið 2006)
 
Kristinn G. Jóhannsson (1936).  Stúdent frá MA 1956 og lauk kennaraprófi 1962.  Starfaði við kennslu og skólastjórn á Patreksfirði, Ólafsfirði og Akureyri í tæpa fjóra áratugi.   Hann stundaði listnám hjá Jónasi Jakobssyni, myndhöggvara og Hauki Stefánssyni , málara,  á Akureyri, en síðar í Reykjavík og í Edinburgh College of Art.  Hann efndi til fyrstu sýningar sinnar á Akureyri 1954 en sýndi fyrst í Reykjavík 1962 í Bogasal Þjóðminjasafnsins  og sama ár tók hann fyrsta sinni þátt í Haustsýningu FÍM í Listamannaskálanum .  Hefur síðan sýnt oft og víða hér á landi og erlendis.  En „Senn er sólarlag“

https://www.facebook.com/groups/289504904444621


Elísabet Geirmundsdóttir og Habby Osk í Listasafninu á Akureyri

Elisabet_vefur2

Laugardaginn 10. janúar kl. 15 verða opnaðar tvær fyrstu sýningar ársins í Listasafninu á Akureyri. Í mið- og austursal má sjá yfirlit á verkum Elísabetar Geirmundsdóttur, Listakonan í Fjörunni, en í vestursal sýnir Habby Osk undir yfirskriftinni (Ó)stöðuleiki. Síðarnefnda sýningin er hluti af sýningaröð sem mun standa til 8. mars og inniheldur 8 vikulangar sýningar. Aðrir sýnendur eru Brenton Alexander Smith, Jóna Hlíf Halldórsdóttir, Kristján Pétur Sigurðsson, Þóra Karlsdóttir, Joris Rademaker, Lárus H. List og Arnar Ómarsson.

Elísabet Geirmundsdóttir var fjölhæf alþýðulistakona sem er þekktust fyrir höggmyndir þó hún gerði einnig málverk og teikningar, myndskreytti bækur, hannaði hús og merki og samdi ljóð og lög. Það er afar viðeigandi að á 100 ára afmæli kosningaréttar kvenna á Íslandi skuli vera sett upp yfirlitssýning á verkum Elísabetar Geirmundsdóttur í Listasafninu á Akureyri, þegar 100 ár eru liðin frá fæðingu hennar. Sýningin, sem er unnin í samvinnu við Minjasafnið á Akureyri og fjölskyldu Elísabetar, stendur til 8. mars.

Í tengslum við sýninguna verður öllum leikskólabörnum á Akureyri boðið í sérstaka heimsókn á Listasafnið til að sjá sýninguna og vinna myndverk út frá henni sem tengjast fjörunni. Laugardaginn 17. janúar býður Norðurorka til smiðju fyrir börn og fullorðna í gerð snjóskúlptúra og einnig verður í febrúar efnt til flutnings á ljóðum og lögum Elísabetar í samvinnu við Tónlistarskólann á Akureyri.

Habby Osk býr og starfar sem myndlistarmaður í New York en hún útskrifaðist frá AKI ArtEz Institute of the Arts í Enschede í Hollandi 2006 og School of Visual Arts í New York 2009. Hún hefur haldið fimm einkasýningar á Íslandi og í Bandaríkjunum og tekið þátt í fjölmörgum samsýningum víða um heim.

Hugtökin stöðugleiki og jafnvægi eru megininntak sýningarinnar. Leitin að stöðugleika og jafnvægi er sífelld og síbreytileg. Eftir að stöðugleikanum og jafnvæginu er náð er einnig krefjandi að viðhalda þeim. Ástand þessara hugtaka er mjög viðkvæmt því á svipstundu geta þau breyst í andhverfu sína; óstöðugleika og ójafnvægi. Oft er það hægara sagt en gert að ná fyrra ástandi. Bæði þessi hugtök gegna mikilvægu hlutverki í víðu samhengi og á mörgum sviðum eru þau ástand sem er eftirsóknarvert að vera í. Fimmtudaginn 15. janúar kl. 15 verður lokunarteiti sýningarinnar.

Listasafnið er opið þriðjudaga-sunnudaga kl. 12-17. Aðgangur er ókeypis.

http://listasafn.akureyri.is

https://www.facebook.com/listasafnid.akureyri

https://twitter.com/AkureyriArt

http://instagram.com/listak.is

10897845_871475289540981_1728147398277615018_n


Fyrsti súpufundur ársins í Gilinu

10918992_871085179579992_1668784616412512594_n

Það er komið að fyrsta súpufundi ársins í Gilinu. Við hittumst fyrsta þriðjudag í mánuði og fyrsti þriðjudagur ársins er einmitt 6. janúar 2014 og það er súpa og spjall kl. 12-13 á RUB 23.
Allir sem vinna í Gilinu, tengjast starfseminni þar eða hafa bara áhuga á Gilinu eru velkomnir.
Það er engin formleg dagskrá en tilvalið að ræða það sem framundan er á árinu. Til dæmis Gildag og opnanir laugardaginn 10 janúar, aðra viðburði framundan, Listasumar og hvað eina.
Sjáumst!

https://www.facebook.com/events/443828172433743


Innskráning

Ath. Vinsamlegast kveikið á Javascript til að hefja innskráningu.

Hafðu samband