Dagur myndlistar í Listasafninu á Akureyri

1902900_833458623342648_1649387740114261878_n
 
Í tilefni af degi myndlistar næstkomandi laugardag, 1. nóvember, verður boðið upp á listamannaspjall í Ketilhúsinu á Akureyri kl. 15. Þar ræðir Hlynur Hallsson safnstjóri Listasafnsins við Véronique Legros um sýningu hennar Landiða – Fata morgana sem staðið hefur yfir í Ketilhúsinu síðan í lok september en henni lýkur á sunnudaginn. Einnig mun Guðrún Pálína Guðmundsdóttir fræðslufulltrúi Listasafnsins halda teiknismiðjur fyrir börn og fullorðna kl. 14-15 í tilefni dagsins.

Aðgangur er ókeypis og allir velkomnir.
 

Þorgils Gíslason sýnir í Populus tremula

10444663_10152870905633081_1206214977251408339_n

Stratospehere – Þorgils Gíslason

Laugardaginn 1. nóvember kl 14.00 opnar Þorgils Gíslason tónlistarmaður sýninguna Stratosphere í Populus tremula.

Á sýningunni verða video og grafíkverk unnin út frá The Berlin School tónlistarstefnunni sem varð til fyrri hluta 8. áratugarins.

Sýningin er einnig opin sunnudaginn 2. nóvember kl 14.00-17.00.
Aðeins þessi eina helgi.

https://www.facebook.com/events/654477297984448/


Ryo Yamauchi með fyrirlestur í Populus Tremula

10270560_10152115651363595_1306862545591606619_n2 

Þriðjudaginn 28. október, kl. 18.00 heldur Gestalistamaður mánaðarins Ryo Yamauchi frá Japan fyrirlestur í Populus Tremula í Listagilinu á Akureyri. Hún mun þar kynna sig og það sem hún hefur verið að gera undanfarið. Ryo er Ljósmyndari og Myndlistamaður.
Allir velkomnir!

https://www.facebook.com/events/731953570208396 


Jón Gunnar Þórðarson leikstjóri með Þriðjudagsfyrirlestur í Ketilhúsinu

JonGunnar 

Þriðjudaginn 28. október, kl. 17 heldur leikstjórinn Jón Gunnar Þórðarson fyrirlestur í Ketilhúsinu á Akureyri undir yfirskriftinni Rannsóknarvinna leikstjórans. Þar fjallar hann um rannsóknarvinnuna er liggur að baki þremur sýningum sem hann hefur sett upp; LiljuDjáknanumog Makbeð. Vinnan fólst m.a. í rannsókn á óhugnanlegum heimi mansals, leitinni að djáknanum og þeirri spurningu hvort hægt sé að rekja ættir Akureyringa til skoska konungsins Makbeð.

Jón Gunnar útskrifaðist með BA í leikstjórn frá Drama Center í London árið 2006. Hann hefur unnið sem atvinnuleikstjóri á Íslandi, í Englandi og Finnlandi. Hann hefur einnig unnið sem aðstoðarleikstjóri í The Royal Shakespeare Company og hjá Vesturporti. Jón Gunnar hefur haldið fjölda námskeiða, leikstýrt áhugaleikfélögum og stjórnað Götuleikhúsinu í Reykjavík.

Enginn aðgangseyrir er á fyrirlesturinn sem er sá fimmti í röð fyrirlestra sem haldnir eru í Ketilhúsinu á hverjum þriðjudegi kl. 17 undir yfirskriftinni Þriðjudagsfyrirlestrar.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Á meðal annarra fyrirlesara vetrarins eru Aðalsteinn Þórsson, Stefán Boulter, Rósa Júlíusdóttir, Giorgio Baruchello og Guðmundur Ármann Sigurjónsson.

http://listasafn.akureyri.is 


Bryndís Arnardóttir opnar einkasýningu í Mjólkurbúðinni

10689960_10152384701682231_1298035673610311556_n 

 

Bryndís Arnardóttir opnar einkasýninguna STEFNIS SVANNI í Mjólkurbúðinni í Listagilinu á Akureyri, laugardaginn 25.október kl. 15.


Stefnis svanni er titill 20. Einkasýningar  Bryndísar Arnardóttur eða Billu eins og flestir þekkja hana.  

Billa hóf listnám í Belgíu árið 1978 og hélt áfram í Myndlistaskólanum á Akureyri í fagurlistadeild og útskrifaðist þaðan árið 1986.


Auk myndlistarstarfa hefur Billa fengist við kennslu og rannsóknarstörf, en hún lauk M.ed. gráðu 2009, með áherslu á kennslufræði listgreina við Háskólann á Akureyri. Nær samfellt frá árinu 1998 til 2013 starfaði hún sem myndlista og listasögukennari við Verkmenntaskólann á Akureyri , en er nú komin inná nýjan vettvang þar sem ný stofnað fyrirtæki hennar   Listfræðslan, fræðslusetur listgreina þjónustar fullorðna námsmenn á vegum Símenntunarmiðstöð Eyjagjarðar, SIMEY. Einnig starfa hún sem aðjúnkt prófessor við University of Central Florida í Bandaríkjunum þar sem kennir verðandi myndlistarkennurum  að kenna myndlist. Næsta verkefni hennar á sviði myndlistarinnar er að undirbúa sýningu í Gimli á slóðum Vestur- Íslendinga  á næsta ári.


Í málverkum hafa konur og tilvist þeirra löngum verið viðfangsefni Billu.

Í þessari sýningu veltir hún fyrir sér hlutverki kvenlíkamans  á stefni skipa fyrr á öldum.


Birgir Sigurðsson sýnir í Populus tremula

1959264_10152837733833081_3123904958489582108_n 

Laugardaginn 25. október 2014 kl. 14.00 opnar Birgir Sigurðsson myndlistarmaður sýninguna Í túninu heima – seinni hluti í Populus tremula

Á sýningunni verða video, ljós og teikningar. Birgir, sem margoft hefur sýnt í Populus tremula áður, er ekki einungis kunnur fyrir einkar áhugaverð ljósverk og ýmsa listviðburði, heldur hefur hann undanfarin ár rekið hið merkilega listhús Gallerý 002 í íbúð sinni í Hafnarfirði.

Sýningin er einnig opin sunnudaginn 26. október kl. 14.00-17.00. Aðeins þessi eina helgi.

https://www.facebook.com/events/1492333827683013 


Ragnar Hólm sýnir á bókasafni Háskólans á Akureyri

10432933_10205385557862687_6483942498770535617_n

Ragnar Hólm sýnir ný olíumálverk og vatnslitamyndir í bókasafni Háskólans á Akureyri. Formleg opnun fimmtudaginn 6. nóvember frá kl. 16.30-18.00. Verið velkomin.

https://www.facebook.com/events/549175798561734 


Stjórn Myndlistarfélagsins

P1010163 

Formaður:
Lárus H. List, til 2018

Meðstjórnendur:
Sandra Rebekka varaformaður, til 2018, Helgi Vilberg Hermannsson gjaldkeri, til 2017, Borghildur Guðmundsdóttir ritari, til 2017 og Guðrún Harpa Örvarsdóttir til 2018

Varamaður:
Jóhanna Friðfinnsdóttir, til 2018

Félagslegur skoðunarmaður og endurskoðandi:
Arna Valsdóttir, til 2017


Íris Ólöf Sigurjónsdóttir sýningarstjóri með Þriðjudagsfyrirlestur í Ketilhúsinu

10659151_827596567262187_34524680341918714_n 

Þriðjudaginn 21. október kl. 17 heldur Íris Ólöf Sigurjónsdóttir sýningarstjóri sýningarinnar "Myndlist minjar / Minjar Myndlist" fyrirlestur í Ketilhúsinu á Akureyri undir heitinu "Hugmynd verður sýning".

Síðastliðin tólf ár hefur Íris Ólöf Sigurjónsdóttir verið forstöðumaður byggðasafnsins Hvols á Dalvík. Áður starfaði hún á Árbæjarsafni í Reykjavík.
Fyrir utan almenn safnastörf fæst Íris Ólöf við hönnun á eigin textílum. Hún hefur séð um að hanna allar sýningar byggðasafnsins Hvols , auk þess hefur hún tekið að sér að setja upp sýningar í öðrum rýmum en safnsins. Íris Ólöf er textílmenntuð í Osló og menntuð í textílforvörslu í London

Á sýningunni "Myndlist minjar / Minjar myndlist" í Listasafninu á Akureyri gefur annars vegar að líta muni, markaða af sögu, menningu og andblæ liðins tíma, og hins vegar ný listaverk unnin af ellefu listamönnum sem boðið var að vinna þau út frá munum Byggðasafnsins og menningarsögu Dalvíkurbyggðar.

Myndlistarmennirnir eru á aldrinum 28-70 ára og vinna í ólíka miðla en eiga það sameiginlegt að tengjast Írisi Ólöfu á einn eða annan hátt. Þeir eru Bryndís Hrönn Ragnarsdóttir, Haraldur Jónsson, Magdalena Margrét, Ragnhildur Stefánsdóttir, Sara Jóhanna Vilbergsdóttir, Sari Maarit Cedergren, Svava Björnsdóttir, Victor Ocares, Þór Vigfússon, Þrándur Þórarinsson og Örn Alexander Ámundason.

Listasafn og byggðasafn eiga vissulega ýmislegt sameiginlegt en það er einnig margt sem aðgreinir þau. Á sýningunni er menningararfurinn meðhöndlaður út frá hugmyndum myndlistarmannanna og útkoman er fjölbreytt, spennandi og í einhverjum tilfellum óvænt. Gripum Byggðasafnsins er stillt upp án sögu þeirra eða skýringa; formið eitt stendur eftir.

Enginn aðgangseyrir er á fyrirlesturinn sem er sá fjórði í röð fyrirlestra sem haldnir eru í Ketilhúsinu á hverjum þriðjudegi kl. 17 undir yfirskriftinni Þriðjudagsfyrirlestrar.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. 

Hér eru allir fyrirlestrarnir í tímaröð:
30. sept. Angela Rawlings, skáld
7.okt. Arna Valsdóttir, myndlistarkona 
14. okt. Hlynur Helgason, listfræðingur
21. okt. Íris Ólöf Sigurjónsdóttir, sýningarstjóri 
28. okt. Jón Gunnar Þórðarson, leikstóri 
4. nóv. Aðalsteinn Þórsson, myndlistarmaður 
11. nóv. Guðmundur Ármann Sigurjónsson, myndlistarmaður 
18. nóv. Rósa Júlíusdóttir, myndlistarkona og dósent við HA 
25. nóv. Stefán Boulter, myndlistarmaður 
2. des. Giorgio Baruchello, heimspekiprófessor

http://listasafn.akureyri.is/


GILDAGUR í Listagilinu á Akureyri

10734074_826950880660089_8025209518939529412_n 
 
GILDAGUR
í Listagilinu á Akureyri
laugardaginn 18. október 2014 verður opið fyrir gangandi og hjólandi umferð í Gilinu en bílaumferð takmörkuð kl. 14-18
Opnanir, sýningar og uppákomur vítt og breitt um Gilið
Verið velkomin


15-17 Listasafnið á Akureyri: Opnun
Kaupvangsstræti 12
Myndlist minjar / Minjar myndlist: Bryndís Hrönn Ragnarsdóttir, Haraldur Jónsson, Magdalena Margrét, Ragnhildur Stefánsdóttir, Sara Jóhanna Vilbergsdóttir, Sari Maarit Cedergren, Svava Björnsdóttir, Victor Ocares, Þór Vigfússon, Þrándur Þórarinsson og Örn Alexander Ámundason
12-17 Ketilhúsið
Kaupvangsstræti 8
Landiða – Fata morgana: Véronique Legros
12-17 Deiglan
Kaupvangsstræti 23
#1: Rakel Sölvadóttir
14-17 Mjólkurbúðin 
Kaupvangsstræti 12 
Þras(t)astaðir I: Jóna Hlíf Halldórsdóttir, Karlotta Blöndal og Ólöf Helga Helgadóttir
14-17 Geimdós, vinnustofurnar í Portinu
Kaupvangsstræti 12 (bak við Listasafnið)
Hugafluga: Brák Jónsdóttir
— 
14-17 Gallerí Ískápur, vinnustofurnar í Portinu
Kaupvangsstræti 12 (bak við Listasafnið)
*bling*bling*: Tinna Rós Þorsteinsdóttir
14-17 Anddyri Portsins
Kaupvangsstræti 12 (bak við Listasafnið)
Á förum: Samsýning listamanna
14-17 Útibú Gallerí Ískáps
Leitið að Ískáp í Gilinu fyrir staðsetningu
Turkísblá hafmeyja: Heiðdís Hólm, Ívar Freyr Kárason og Jónína Björg Helgadóttir.
14-17 Salur Myndlistarfélagsins
Kaupvangsstræti 10
ATHAFNA-KONUR: Hrefna Harðardóttir
14-17 Hvítspói art gallerý
Brekkugata 3a
PART 1: Anna Gunnarsdóttir 
17-19 Populus tremula
Kaupvangsstræti 10 
Litla ljóðahátíðin: Bjarki Karlsson, Kristín Eiríksdóttir, Kristian Guttesen, Gréta Kristín Ómarsdóttir og Jón Laxdal

Þras(t)astaðir I í Mjólkurbúðinni

10688078_847126678655040_6563766828290646451_o 

Jóna Hlíf Halldórsdóttir, Karlotta Blöndal og Ólöf Helga Helgadóttir opna sýninguna Þras(t)astaðir I í Mjólkurbúðinni á Akureyri laugardaginn 18. október kl 14:00.


Portið um helgina

10374529_10204749852008213_7454108932562794723_n 

Það verður mikið um að vera í Portinu bak við Listasafnið á Akureyri, nú á laugardaginn! Það verða opnar vinnustofur og sýningaropnanir í hverjum kima! Nú fer hver að verða síðastur að koma og skoða þetta skemmtilega samfélag listamanna. Við ætlum okkur að klára þetta með látum og munum leika á alls oddi nú á laugardaginn! Í boði verður m.a.: 

Samsýning listamanna í Anddyrinu, en hún ber heitið: Á förum

Gallerí Ískápur / Gallery Fridge: Tinnu Rós Þorsteinsdóttur opnar sýninguna *bling*bling*

Sýning í Geimdósinni, Brák Jónsdóttir opnar sýninguna Hugafluga

Samsýning í Útibúinu (Útibú Gallerí Ískáps): Heiðdís Hólm, Ívar Freyr Kárason og Jónína Björg Helgadóttir opna sýninguna Turkísblá hafmeyja. Leitið að óvæntum Ísskáp í Gilinu!

Það verður opið milli 14-17 á laugardaginn og allir eru velkomnir, stórir sem smáir, háir sem lágir!

https://www.facebook.com/events/1507792642811328/1507916889465570 


*bling*bling* í Gallerí Ískáp / "Túrkísblá Hafmeyja" í Útibúinu

1656026_512107458923701_6845077332138059048_n

Laugardagur, 18. október, 14:00 - 17:00.

Í Gallerí Ískáp opnar sýningin *bling*bling* eftir Tinnu Rós Þorsteinsdóttur.

Kaupvangstræti 12, 600 Akureyri. Listasafnshúsið/gengið inn úr portinu, fyrir ofan, baka til.


*bling*bling* skoðar neyslusamfélagið sem við lifum í. Neysla sem segir að allt þurfi stöðugt að breytast, að útlitið skipti öllu að ekkert megi standa í stað.
Neysla sem er knúin áfram af óþolinmæði, ofhleðslu, dýrkun, græðgi, áráttu og óhófi.

Tinna Rós Þorsteinsdóttir er nemi á Fagurlistardeild Myndlistaskólans á Akureyri. Hægt er að sjá verk eftir Tinnu á fb-síðu hennar, Tinna Royal.

Gallerí Ískápur er staðsettur í Samlaginu, sem er staðsett á Vinnustofum Listamanna í Portinu, Kaupvangsstræti 12, gengið inn að ofan og aftan.

-----------------------------------------------------------------------------

Í Útibúinu opnar sýningin "Túrkísblá Hafmeyja" eftir Samlagið.

Hugleiðingar um veruleika eða óveruleika hafmeyju ef hún er túrkísblá.

Í Samlaginu eru: Heiðdís Hólm, Ívar Freyr og Jónína Björg.

Útibúið verður staðsett í Listagilinu, leitið og þér munuð finna!

Aðeins þennan eina dag!

https://www.facebook.com/events/316764695174518


Myndlist minjar / Minjar myndlist opnar í Listasafninu á Akureyri

1921248_825874827434361_231628380316158505_o 

Laugardaginn 18. október kl. 15 verður opnuð í Listasafninu á Akureyri sýningin Myndlist minjar / Minjar myndlist en hún er sett upp í samstarfi við Írisi Ólöfu Sigurjónsdóttur, forstöðumann Byggðasafnsins Hvols á Dalvík. Á sýningunni gefur annars vegar að líta muni, markaða af sögu, menningu og andblæ liðins tíma, og hins vegar ný listaverk unnin af ellefu listamönnum sem boðið var að vinna þau út frá munum Byggðasafnsins og menningarsögu Dalvíkurbyggðar.

Myndlistarmennirnir eru á aldrinum 28 – 70 ára og vinna þau í ólíka miðla en eiga það sameiginlegt að tengjast Írisi Ólöfu á einn eða annan hátt. Þeir eru Bryndís Hrönn Ragnarsdóttir, Haraldur Jónsson, Magdalena Margrét, Ragnhildur Stefánsdóttir, Sara Jóhanna Vilbergsdóttir, Sari Maarit Cedergren, Svava Björnsdóttir, Victor Ocares, Þór Vigfússon, Þrándur Þórarinsson og Örn Alexander Ámundason.

Á sýningunni er menningararfurinn meðhöndlaður út frá hugmyndum myndlistarmannanna og útkoman er fjölbreytt, spennandi og í einhverjum tilfellum einnig óvænt. Listasafn og byggðasafn eiga vissulega ýmislegt sameiginlegt en það er einnig margt sem aðgreinir þau. Gripum Byggðasafnsins er stillt upp án sögu þeirra eða skýringa, formið eitt stendur eftir.

Sýningarstjóri og höfundur sýningarinnar er Íris Ólöf Sigurjónsdóttir. Sýningin stendur til 7. desember og er opin þriðjudaga – sunnudaga kl. 12-17. Aðgangur er ókeypis.

http://listasafn.akureyri.is 


Hlynur Helgason með Þriðjudagsfyrirlestur í Ketilhúsinu

10171001_824078994280611_4855273165589275286_n

Þriðjudaginn 14. október kl. 17 heldur Hlynur Helgason myndlistarmaður fyrirlestur í Ketilhúsinu á Akureyri undir yfirskriftinni Staðir og staðleysur: Mannlegt ferli í borgarmyndinni og fjallar þar um helstu áherslur í ljósmynda- og vídeóinnsetningum sínum. Hlynur á að baki langan feril í myndlistinni, en hann útskrifaðist frá Myndlista- og handíðaskólanum árið 1986 og með MA-gráðu frá Goldsmiths College í London 1994. Hann hefur á undanförnum árum unnið jöfnum höndum að listfræðum og myndlist, en hann útskrifaðist með doktorsgráðu í listheimspeki frá European Graduate School í Sviss 2010 og er sem stendur lektor í listfræði við Háskóla Íslands.
 
Í myndlistinni hefur Hlynur löngum beint sjónum að arfleifð mannsins í umhverfi sínu. Hann vinnur í marga miðla s.s. teikningu og málverk auk rýmisverka þar sem ljósmyndir og kvikmyndir spila stórt hlutverk. Í fyrirlestrinum kemur hann til með að fjalla aðallega um vídeóverkin og hvernig hann beitir kvikmyndavélinni við það að taka upp persónulegt efni sem sýnir umhverfi mannsins í borginni, en þó þannig að maðurinn er yfirleitt fjarri.
 
Enginn aðgangseyrir er á fyrirlesturinn sem er sá þriðji í röð fyrirlestra sem haldnir eru í Ketilhúsinu á hverjum þriðjudegi kl. 17 undir yfirskriftinni Þriðjudagsfyrirlestrar.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Á meðal fyrirlesara vetrarins eru Jón Gunnar Þórðarson leikstjóri, Íris Ólöf Sigurjónsdóttir sýningarstjóri og myndlistarmennirnir Aðalsteinn Þórsson, Stefán Boulter og Guðmundur Ármann Sigurjónsson.

http://listasafn.akureyri.is


KEA auglýsir eftir umsóknum í Menningar- og viðurkenningasjóð

KEA_5cm%2018%2004%2008

Styrkúthlutun tekur til eftirfarandi flokka:

o Til einstaklinga, félaga eða hópa sem vinna að mikilvægum menningarmálum á félagssvæðinu. Um getur verið að ræða málefni á sviði félagsmála, minja, lista og almennt þeirra málefna sem flokkast sem menning í víðtækri merkingu. Hér má nálgast umsóknareyðublað fyrir almenna styrki.

o Til þátttökuverkefna á sviði menningarmála. Í þessum flokki er horft til stærri verkefna á sviði menningarmála á félagssvæði KEA. Hér má nálgast umsóknareyðublað fyrir þáttökuverkefni.

o Til ungra afreksmanna á sviði mennta, lista og íþrótta eða til viðurkenninga fyrir sérstök afrek s.s. á sviði björgunarmála. Í þessum flokki skulu umsækjendur vera yngri en 25 ára og búsettir á félagssvæði KEA. Hér má nálgast umsóknareyðublöð fyrir unga afreksmenn.

o Styrkir til íþróttamála. Markmiðið er að stuðla að því að sem flest börn og unglingar eigi kost á íþróttaiðkun og að íþróttamenn eða lið sem skara fram úr geti stundað markvissar æfingar og sótt mót við sitt hæfi. Einnig falla hér undir verkefni sem eru til þess fallin að stuðla að heilbrigðum lífstíl almennings eða snúa að uppbyggingu á aðstöðu til íþróttaiðkunar. Hér má nálgast umsóknareyðublöð fyrir íþróttastyrki.

Umsækjendur eru hvattir til að kynna sér reglugerð sjóðsins.

Nauðsynlegt er að fylla út umsóknareyðublöð sem nálgast má hér að ofan eða á skrifstofunni og skal þeim skilað rafrænt eða á skrifstofu KEA, Glerárgötu 36, á Akureyri fyrir 20. október 2014.


Anna Gunnarsdóttir sýnir í Hvítspóa

1798668_304085696460578_8830599101430107551_n

Anna Gunnarsdóttir er að fara nýjar leiðir með verkum sínum og er PART 1. tveggja þátta sýninga röð sem nær yfir til 1. desember.

Anna Gunnarsdóttir opnar sýningu sína PART 1.
á fimmtudaginn 9. október kl 20:00

Verið velkomin

https://www.facebook.com/events/1472782263001650/

https://www.facebook.com/pages/Hv%C3%ADtsp%C3%B3i-art-galler%C3%BD/245778342291314


Rakel Sölvadóttir opnar sína fyrstu einkasýningu í Deiglunni

12 
 
Rakel Sölvadóttir opnar sína fyrstu einkasýningu í Deiglunni næstkomandi laugardag, 11. október, kl. 15 undir yfirskriftinni #1. Á sýningunni skoðar Rakel listrænt og samfélagslegt hlutverk fatahönnunar og snertir á yfirséðum flötum tísku og fatnaðar. Kíkt verður undir yfirborðið og skoðað hverskonar völd fötin búa yfir.

Rakel Sölvadóttir útskrifaðist með BA gráðu frá fatahönnunardeild Listaháskóla Íslands vorið 2013. Auk þess að starfa sem fatahönnuður hefur hún hannað sviðsmyndir fyrir tískusýningar og unnið að ýmiskonar innsetningum og samvinnulistaverkefnum. Rakel vinnur á skúlptúrískan hátt og með líkamann sem útgangspunkt notar hún form til að ýkja, brjóta upp eða afbyggja silhúettuna.
 
Sýningin stendur til 9. nóvember og er opin þriðjudaga - sunnudaga kl. 12-17. Aðgangur er ókeypis.
 

Guðrún Pálína Guðmundsdóttir sýnir í Kompunni, Alþýðuhúsinu á Siglufirði

10476478_10203009428973451_8047503220761432940_o

SÝNING Í ALÞÝÐUHÚSINU
Sunnudaginn 12. okt. 2015  kl. 14.00 - 17.00 opnar Guðrún Pálína Guðmundsdóttir sýningu í Kompunni, Alþýðuhúsinu á Siglufirði sem ber titilinn Norðurátt.


Guðrún Pálína Guðmundsdóttir sýnir stórt akrýlmálverk á dúk (160 x 3 m) og nokkur lítil  (30 x 30 cm) olíumálverk. Guðrún Pálína var bæjarlistamaður Akureyrar 2013 og dvaldi hálft ár í Berlín og er sýningin  brot af vinnu hennar þar.
Í málverkum sínum reynir hún að hafa alla teikningu sem einfaldasta og láta litina og kraft þeirra njóta sín sem best og áferð efnisins.
Hún vann að tvenns konar málverkum í Berlín, annars vegar portrettmyndir og hinsvegar einhvers konar landslagsmyndir þar sem óblandaður liturinn flæðir um myndflötinn og blandar litatónana sjálfur, þegar hann rennur saman.
Guðrún Pálína hefur verið starfandi myndlistarmaður að framhaldsnámi loknu í Hollandi 1989. Hún hefur verið búsett og starfandi á Akureyri síðan 1991 meðal annars sem framkvæmdastjóri Listasumars, starfrækt Gallerí + í Brekkugötu, er safnakennari við Listasafnið á Akureyri og hefur setið í stjórn Myndlistafélagsins.  þetta er hennar fyrsta sýning á Siglufirði.

FLÓAMARKAÐUR
Þennan sama sunnudag verður efnt til flóamarkaðs í sal Alþýðuhússins og Búðin verður opin í fyrsta sinn með litla skúlptúra og lágmyndir eftir Aðalheiði S. Eysteinsdóttur.

Heitt á könnunni og léttar veitingar, allir velkomnir, en athugið að ekki er hægt að taka við greiðslukortum.

Allar nánari upplýsingar hjá Aðalheiði í síma 865-5091

Menningarráð Eyþings, Fjallabyggð og Fiskbúð Siglufjarðar eru bakhjarlar Alþýðuhússins.

https://www.facebook.com/events/537212593089540


Arna Valsdóttir með þriðjudagsfyrirlestur í Ketilhúsinu

arna_valsdottir

Þriðjudaginn 7. október kl. 17 heldur Arna Valsdóttir fyrirlestur í Ketilhúsinu undir yfirskriftinni Eitt augnablik. Þar mun hún fjalla um sýningu sína Staðreynd – Local Fact sem nú stendur yfir í Listasafninu á Akureyri.
 
Á sýningunni má sjá myndbandsverk sem Arna hefur sett upp á síðustu sjö árum ásamt nýju verki sem er sérstaklega gert fyrir þessa sýningu auk verksins La frá árinu 1988 sem markar ef til vill upphafið á rýmistengdum verkum Örnu. â€¨
Arna Valsdóttir nam myndlist við MHÍ og Jan van Eyck Academie í Hollandi þaðan sem hún lauk námi árið 1989. Í Hollandi var Arna þegar farin að gera tilraunir með nýja miðla tengdum gjörningum, tónlist, ljósmyndun og myndvörpun auk hefðbundnari myndlistar. Á þessum tíma fór hún einnig að flétta eigin söngrödd inn í verk sín. Þessar aðferðir hafa verið gegnumgangandi í sköpunarferli Örnu allt til dagsins í dag.
 
Enginn aðgangseyrir er á fyrirlesturinn sem er annar í röð fyrirlestra sem haldnir eru í Ketilhúsinu á hverjum þriðjudegi kl. 17 undir yfirskriftinni Síðdegisfyrirlestrar í Ketilhúsinu.

Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Háskólans á Akureyri og Myndlistaskólans á Akureyri. Á meðal fyrirlesara vetrarins eru Jón Gunnar Þórðarson leikstjóri, Hlynur Helgason listfræðingur, Íris Ólöf Sigurjónsdóttir sýningarstjóri og myndlistarmennirnir Aðalsteinn Þórsson, Stefán Boulter og Guðmundur Ármann Sigurjónsson.

http://listasafn.akureyri.is


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband